Oʻzbekiston Respublikasi Prezidentining
Qarori
Sud-ekspertlik faoliyatini yanada takomillashtirish chora-tadbirlari toʻgʻrisida
Oʻzbekiston Respublikasida sud-ekspertlik faoliyatini jadal rivojlantirish, nodavlat tashkilotlar tomonidan sud-ekspertlik faoliyatini amalga oshirishning huquqiy asoslarini shakllantirish maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:
1. Oʻzbekiston Respublikasi Adliya vazirligining nodavlat sud-ekspertiza tashkilotlarini tashkil etishga ruxsat berish va ularga 1-ilovadagi roʻyxatga muvofiq sud ekspertizalarining ayrim turlarini oʻtkazish huquqini berish haqidagi taklifi maʼqullansin.
2. Belgilab qoʻyilsinki:
nodavlat sud-ekspertiza tashkilotlarining sud ekspertlari qayta tayyorlash va malaka oshirish kurslarini pullik asosda 2-ilovaga muvofiq davlat muassasalarida oʻtaydilar;
sud ekspertizasi sohasida qayta tayyorlash va malaka oshirish kurslarini tamomlagan shaxslarga ularning kasbiy layoqatini va sud ekspertlariga tegishli ixtisoslik boʻyicha qoʻyiladigan malaka talablariga muvofiqligini tasdiqlovchi sud eksperti sertifikati beriladi;
Oldingi tahrirga qarang.
sud-ekspertiza sohasida kadrlarni tayyorlash oliy taʼlim muassasalarida dual taʼlim prinsipiga muvofiq bakalavriat yoki magistratura bosqichlarida taʼlim olayotgan davrda shartnoma asosida tegishli ekspertiza turlari boʻyicha kamida olti oylik ekspertlar tayyorlash kurslarida amalga oshirilishi mumkin;
(2-band Oʻzbekiston Respublikasi Prezidentining 2021-yil 5-iyuldagi PF-6256-sonli Farmoniga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 06.07.2021-y., 06/21/6256/0636-son)
sud eksperti sertifikatini olgan shaxslar haqidagi maʼlumotlar Oʻzbekiston Respublikasi Adliya vazirligining rasmiy veb-saytida joylashtiriladigan Yagona reyestrga kiritiladi;
nodavlat sud-ekspertiza tashkilotlarining sud eksperti tomonidan qonunchilikda belgilangan tartibda sud eksperti sertifikatini olmasdan turib sud ekspertizasi oʻtkazilishiga yoʻl qoʻyilmaydi;
 LexUZ sharhi
Qarang: Vazirlar Mahkamasining 2020-yil 24-martdagi 180-son qarori bilan tasdiqlangan Nodavlat sud-ekspertiza tashkilotlari sud ekspertlarini qayta tayyorlash, malakasi va huquqiy bilimini oshirish tartibi toʻgʻrisidagi nizomning 6-bobi.
nodavlat sud-ekspertiza tashkilotlari sud ekspertizasini oʻtkazishda davlat sud-ekspertiza muassasalari kabi funksiyalarni amalga oshiradi, ular kabi huquqqa ega boʻladi, majburiyatlarni bajaradi va javobgar hisoblanadi;
sud ekspertizasini tayinlagan organ (shaxs) nodavlat sud-ekspertiza tashkiloti tomonidan oʻtkazilgan sud ekspertizasi xulosasiga qoʻshilmagan taqdirda, takroriy sud ekspertizasi faqat davlat sud-ekspertiza muassasalari tomonidan amalga oshiriladi;
Oʻzbekiston Respublikasi Adliya vazirligi tomonidan uning rasmiy veb-saytida belgilangan tartibda joylashtiriladigan nodavlat sud-ekspertiza tashkilotlari reytingi yuritiladi.
3. 2019-2020-yillarda sud-ekspertlik faoliyatini yanada takomillashtirish boʻyicha “Yoʻl xaritasi” 3-ilovaga muvofiq tasdiqlansin.
4. Oʻzbekiston Respublikasi adliya vaziriga:
Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi (keyingi oʻrinlarda — Markaz) va Oʻzbekiston Respublikasi Adliya vazirligi tomonidan pullik xizmatlar koʻrsatishdan kelib tushadigan va boshqa budjetdan tashqari mablagʻlar hisobidan Markazning yangi boʻlinmalarini tashkil etish va qoʻshimcha shtatlar birligini joriy qilish;
Markaz tomonidan bajariladigan ishlar, koʻrsatiladigan xizmatlar boʻyicha tariflar, narxlar va qiymatlarni mustaqil ravishda belgilash huquqi berilsin.
Oldingi tahrirga qarang.
(5-band Oʻzbekiston Respublikasi Prezidentining 2021-yil 5-iyuldagi PF-6256-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 06.07.2021-y., 06/21/6256/0636-son)
6. Belgilab qoʻyilsinki:
Markaz xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga koʻra lavozim maoshini belgilashda tarif koeffitsiyentlari bir yarim barobar miqdorda qoʻllaniladi;
ushbu bandda nazarda tutilgan tadbirlar bilan bogʻliq sarf-xarajatlar Oʻzbekiston Respublikasi Adliya vazirligi va Markazning budjetdan tashqari mablagʻlari hisobidan amalga oshiriladi.
Oldingi tahrirga qarang.
Markazga koʻrsatilgan pullik xizmatlardan Budjet tashkilotlarini rivojlantirish jamgʻarmasiga tushadigan mablagʻlarning 70 foizigacha boʻlgan qismini Markaz xodimlarini ijtimoiy himoya qilish va moddiy ragʻbatlantirish tadbirlari uchun yoʻnaltirishga ruxsat berilsin.
(6-bandning toʻrtinchi xatboshisi Oʻzbekiston Respublikasi Prezidentining 2025-yil 8-sentabrdagi PQ-270-sonli qarori tahririda — Qonunchilik maʼlumotlari milliy bazasi, 08.09.2025-y., 07/25/270/0810-son)
7. Ilmiy tadqiqotlar natijalarini sud-ekspertlik faoliyatiga tatbiq etish, sud ekspertizalarini oʻtkazish uslubiyotini takomillashtirish, davlat sud-ekspertiza muassasalarining kadrlar salohiyatini mustahkamlash sud-ekspertlik faoliyatini rivojlantirishning ustuvor yoʻnalishi etib belgilansin.
Oʻzbekiston Respublikasi Fanlar Akademiyasining ilmiy-tadqiqot muassasalari va oliy taʼlim muassasalari Markazning tegishli boʻlim va laboratoriyalariga 4-ilovaga muvofiq biriktirilsin.
Oʻzbekiston Respublikasi Fanlar Akademiyasi, Oliy va oʻrta maxsus taʼlim vazirligi Markazga malakali mutaxassislar orasidan sud ekspertlarini tanlab olishda koʻmaklashsin.
8. Toshkent shahar hokimi Oʻzbekiston Respublikasi Adliya vazirligi bilan birgalikda 2019-yil 1-martga qadar Markazning ixtisoslashtirilgan yangi binosi belgilangan tartibda foydalanishga qabul qilinishini taʼminlasin.
9. Tergovga qadar tekshiruv, surishtiruv va dastlabki tergovni amalga oshiruvchi organlar xodimlari sud ekspertining mustaqilligi tamoyillariga soʻzsiz rioya qilishlari hamda sud ekspertlarining professional faoliyatiga har qanday koʻrinishlarda, shu jumladan ortiqcha byurokratik sansalorlik holatlarini yuzaga keltirish va asossiz chaqiruvlar orqali taʼsir koʻrsatishga yoʻl qoʻymaslik haqida qatʼiy ogohlantirilsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 17-yanvar,
PQ-4125-son
Oʻzbekiston Respublikasi Prezidentining 2019-yil 17-yanvardagi PQ-4125-son qaroriga
1-ILOVA
Nodavlat sud-ekspertiza tashkilotlari tomonidan oʻtkazilishiga ruxsat berilgan sud ekspertizalari turlarining
ROʻYXATI
Oldingi tahrirga qarang.

T/r

Ekspertiza turlari

1.

Sud-xatshunoslik ekspertizasi

2.

Hujjatlarning sud-texnikaviy ekspertizasi

3.

Sud-sanʼatshunoslik ekspertizasi

4.

Sud-portret ekspertizasi

5.

Sud-trasologik ekspertizasi

6.

Tolali materiallar va ulardan tayyorlangan mahsulotlarning sud ekspertizasi

7.

Polimer materiallar va ulardan tayyorlangan mahsulotlarning sud ekspertizasi

8.

Lok-boʻyoq materiallari va qoplamalarining sud ekspertizasi

9.

Sud-tuproqshunoslik ekspertizasi

10.

Neft mahsulotlari va yoqilgʻi-moylash materiallarining sud ekspertizasi

11.

Tabiiy minerallar sud ekspertizasi

12.

Shisha buyumlari va silikatli qurilish materiallarining sud ekspertizasi

13.

Metall buyumlari va qotishmalarining sud ekspertizasi

14.

Dori vositalarining sud ekspertizasi

15.

Tabiati nomaʼlum moddalarning sud ekspertizasi

16.

Tarkibida spirt boʻlgan suyuqliklar va ularning izlari sud ekspertizasi

17.

Maxsus markerlar (koʻrsatkichlar) sud ekspertizasi

18.

Oziq-ovqat mahsulotlarining sud ekspertizasi

19.

Sud-biologik ekspertizasi

20.

Sud-botanik ekspertizasi

21.

Sud-zoologik ekspertizasi

22.

Sud-ornitologiya ekspertizasi

23.

Sud-ixtiologik ekspertizasi

24.

Odam DNKsi sud-biologik ekspertizasi

25.

Sud-transport-trasologiya ekspertizasi

26.

Sud-transport-baholash ekspertizasi

27.

Sud-soliq ekspertizasi

28.

Sud-buxgalteriya ekspertizasi

29.

Sud-moliya-kredit ekspertizasi

30.

Mehnat iqtisodiyoti sud ekspertizasi

31.

Sud-rejali-iqtisodiyot ekspertizasi

32.

Sud-iqtisodiy-statistik ekspertizasi

33.

Tashqi savdo faoliyatining sud-iqtisodiy ekspertizasi

34.

Sud-qurilish-texnikaviy ekspertizasi

35.

Sud-yer ekspertizasi

36.

Sud-tovarshunoslik ekspertizasi

37.

Sud-fonografiya ekspertizasi

38.

Videomateriallarning sud ekspertizasi

39.

Sud-ekologik ekspertizasi

40.

Sud-siyosatshunoslik-lingvistik ekspertizasi

41.

Sud-filologik ekspertizasi

42.

Sud-kompyuter-texnikaviy ekspertizasi

43.

Sud-psixologik ekspertizasi

44.

Sud-elektrotexnikaviy ekspertizasi

45.

Oziq-ovqat mahsulotlarini baholash ekspertizasi

46.

Bank sohasida boy berilgan foydani aniqlash ekspertizasi

47.

Radiotexnika ekspertizasi

48.

Intellektual mulk sohasida sud iqtisodiy ekspertizasi

49.

Transport vositalarining texnik holatini aniqlash ekspertizasi

50.

Yoʻl-transport hodisasi mexanizmini matematik usullar bilan aniqlash ekspertizasi

51.

Audiovizual va dasturiy mahsulotlarning sud tovarshunoslik ekspertizasi

52.

Mikrozarrachalar ekspertizasi

53.

Videotexnika ekspertizasi

54.

Fototexnika ekspertizasi

55.

Sud psixologik-filiologik ekspertizasi

Izoh: nodavlat sud-ekspertiza tashkilotlari mazkur Roʻyxat bilan tasdiqlangan sud ekspertizalari turlari boʻyicha komissiyaviy va kompleks sud ekspertizalarni oʻtkazishga haqli.
(1-ilova Oʻzbekiston Respublikasi Prezidentining 2025-yil 8-sentabrdagi PQ-270-sonli qarori tahririda — Qonunchilik maʼlumotlari milliy bazasi, 08.09.2025-y., 07/25/270/0810-son)
Oʻzbekiston Respublikasi Prezidentining 2019-yil 17-yanvardagi PQ-4125-son qaroriga
2-ILOVA
Nodavlat sud-ekspertiza tashkilotlarining sud ekspertlari uchun qayta tayyorlash va malaka oshirish kurslari tashkil etiladigan davlat muassasalarining
ROʻYXATI
Oldingi tahrirga qarang.

T/r

Muassasalar

Ekspertiza turlari

1.

Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi, Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti

Tolali materiallar va ulardan tayyorlangan mahsulotlarning sud ekspertizasi

Polimer materiallar va ulardan tayyorlangan mahsulotlarning sud ekspertizasi

Lok-boʻyoq materiallari va qoplamalarining sud ekspertizasi

Sud-tuproqshunoslik ekspertizasi

Neft mahsulotlari va yoqilgʻi-moylash materiallarining sud ekspertizasi

Tabiiy minerallar sud ekspertizasi

Shisha buyumlari va silikatli qurilish materiallarining sud ekspertizasi

Metall buyumlari va qotishmalarining sud ekspertizasi

Dori vositalarining sud ekspertizasi

Tabiati nomaʼlum moddalarning sud ekspertizasi

Tarkibida spirt boʻlgan suyuqliklar va ular izlarining sud ekspertizasi

Maxsus markerlar (koʻrsatkichlar) sud ekspertizasi

Oziq-ovqat mahsulotlarining sud ekspertizasi

Sud-biologik ekspertizasi

Odam DNKsi sud-biologik ekspertizasi

Sud-transport-trasologiya ekspertizasi

Sud-transport-baholash ekspertizasi

Sud-iqtisodiy ekspertizasi

Sud-buxgalteriya ekspertizasi

Sud-moliya-kredit ekspertizasi

Mehnat iqtisodiyoti sud ekspertizasi

Sud-rejali-iqtisodiyot ekspertizasi

Sud-iqtisodiy-statistik ekspertizasi

Tashqi savdo faoliyatining sud-iqtisodiy ekspertizasi

Sud-qurilish-texnikaviy ekspertizasi

Sud-yer ekspertizasi

Sud-tovarshunoslik ekspertizasi

Sud-fonografiya ekspertizasi

Videomateriallarning sud ekspertizasi

Sud-ekologik ekspertizasi

Sud-siyosatshunoslik-lingvistik ekspertizasi

Sud-filologik ekspertizasi

Sud-kompyuter-texnikaviy ekspertizasi

Sud-psixologik ekspertizasi

Sud-elektrotexnikaviy ekspertizasi

Oziq-ovqat mahsulotlarini baholash ekspertizasi

Bank sohasida boy berilgan foydani aniqlash ekspertizasi

Radiotexnika ekspertizasi

Intellektual mulk sohasida sud iqtisodiy ekspertizasi

Transport vositalarining texnik holatini aniqlash ekspertizasi

Yoʻl-transport hodisasi mexanizmini matematik usullar bilan aniqlash ekspertizasi

Audiovizual va dasturiy mahsulotlarning sud tovarshunoslik ekspertizasi

Mikrozarrachalar ekspertizasi

Videotexnika ekspertizasi

Fototexnika ekspertizasi

Sud psixologik-filiologik ekspertizasi

2.

Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi,

Oʻzbekiston Respublikasi Ichki ishlar vazirligi Akademiyasi

Sud-xatshunoslik ekspertizasi

Hujjatlarning sud-texnikaviy ekspertizasi

Sud-trasologik ekspertizasi

3.

Oʻzbekiston Respublikasi Ichki ishlar vazirligi Akademiyasi

Sud-portret ekspertizasi

4.

Fanlar Akademiyasi Botanika instituti

Sud-botanik ekspertizasi

5.

Fanlar Akademiyasi Zoologiya instituti

Sud-zoologik ekspertizasi

Sud-ornitologiya ekspertizasi

Sud-ixtiologik ekspertizasi

6.

Oʻzbekiston Badiiy akademiyasi

Sud-sanʼatshunoslik ekspertizasi

(2-ilova Oʻzbekiston Respublikasi Prezidentining 2025-yil 8-sentabrdagi PQ-270-sonli qarori tahririda — Qonunchilik maʼlumotlari milliy bazasi, 08.09.2025-y., 07/25/270/0810-son)
Oʻzbekiston Respublikasi Prezidentining 2019-yil 17-yanvardagi PQ-4125-son qaroriga
3-ILOVA
2019-2020-yillarda sud-ekspertlik faoliyatini yanada takomillashtirish boʻyicha
“YOʻL XARITASI”

T/r‎

Tadbirlar nomi

Amalga oshirish shakli

Ijro muddati

Masʼul ijrochilar

I. Sud-ekspertiza xizmatlari faoliyatining normativ-huquqiy bazasini takomillashtirish

1.

Quyidagilarni nazarda tutuvchi “Sud ekspertizasi toʻgʻrisida”gi Qonunga oʻzgartish va qoʻshimchalar kiritish toʻgʻrisida”gi Qonun loyihasini ishlab chiqish:

nodavlat sud-ekspertiza tashkilotlari tomonidan sud ekspertizalari va tadqiqotlarini oʻtkazish;

affillangan shaxs (mulkdor, taʼsischi, kuzatuv kengashi, ijro organi aʼzosi, kreditor, sugʻurtalovchi, mulkiy manfaatdor shaxs va boshqalar) boʻlgan nodavlat sud-ekspertiza tashkilotlari, shuningdek, nodavlat sud-ekspertiza tashkilotlarining qonunda belgilangan tartibda sud eksperti sertifikatini olmagan sud eksperti tomonidan sud ekspertizalari oʻtkazilishini taqiqlash.

qonun

loyihasi

2019-yil

may

Adliya vazirligi, Oliy sud,
Bosh prokuratura, IIV, DXX,
Advokatlar palatasi

2.

Oʻzbekiston Respublikasining “Guvohlar, jabrlanuvchilar, ekspertlar, mutaxassislar, tarjimonlar va xolislarning qilgan xarajatlarini toʻlash tartibi va miqdorlari toʻgʻrisida”gi Qonuni oʻz kuchini yoʻqotganligi toʻgʻrisidagi qonun loyihasini ishlab chiqish va ushbu tartibni Vazirlar Mahkamasining qarori bilan tasdiqlash.

normativ-huquqiy hujjatlar

2019-yil iyun

Adliya vazirligi, Oliy sud,
Bosh prokuratura, IIV, DXX,
Advokatlar palatasi

3.

Quyidagilar toʻgʻrisidagi nizomlar loyihalarini ishlab chiqish:

ixtisoslashtirilgan nodavlat sud-ekspertiza tashkilotlari faoliyatini tashkil etish tartibi;

sud ekspertlarini qayta tayyorlash tartibi;

tegishli ixtisoslik boʻyicha sud eksperti sifatida kasbiy layoqatni tasdiqlovchi sertifikat olgan shaxslarning Yagona reyestrini yuritish tartibi.

Vazirlar Mahkamasining qarori

2019-yil iyul

Adliya vazirligi, Oliy sud,
Bosh prokuratura, IIV, DXX,
Advokatlar palatasi,
Moliya vazirligi

4.

Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining (keyingi oʻrinlarda — RSEM) xodimlar umumiy cheklangan soni 177 nafarni, shu jumladan boshqaruv xodimlarining soni 49 nafarni tashkil etgan yangilangan tuzilmasini tasdiqlash.

Vazirlar Mahkamasining qarori

2019-yil fevral

Vazirlar Mahkamasi, Adliya vazirligi

5.

Qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflarni kiritish.

normativ-huquqiy hujjatlar loyihalari

2019-yil

may

Adliya vazirligi,
RSEM

II. Sud-ekspertlik amaliyotiga yangi innovatsion ishlanmalarni joriy etish, sud ekspertizalarining turlarini kengaytirish, ularning sifati va ishonchliligini oshirish

6.

RSEM laboratoriyalarini “Tadqiqot va kalibrovka laboratoriyalarining vakolatliliga qoʻyiladigan umumiy talablar” ISO/IEC 17025 xalqaro standartiga muvofiq akkreditatsiya qilish.

chora-tadbirlar dasturi

dastur asosida 2019-2020-yillar

Adliya vazirligi, “Oʻzstandart” agentligi

7.

Markazda quyidagi yangi ekspertiza tadqiqotlari turlarini joriy qilish:

sud-psixologik ekspertizasi;

sud-elektrotexnika ekspertizasi;

oziq-ovqat mahsulotlarining sud ekspertizasi.

chora-tadbirlar dasturi

dastur asosida 2019-2020-yillar

RSEM,
Fanlar Akademiyasi

8.

Tergovga qadar tekshiruv, surishtiruv va dastlabki tergov organlari hamda sud xodimlari uchun sud ekspertizalarini oʻtkazishga zarur boʻlgan tadqiqot obyektlarini yigʻish, saqlash va taqdim etish usullari toʻgʻrisida hududiy seminarlarni oʻtkazish.

chora-tadbirlar dasturi

dastur asosida 2019-2020-yillar

Adliya vazirligi, Oliy sud,
Bosh prokuratura, IIV, DXX,
Advokatlar palatasi

9.

Huquqni muhofaza qiluvchi organlar, sudyalar, advokatlar uchun sud ekspertizasi xulosasining xolisligi, ilmiy asoslanganligi va qonuniyligini baholash boʻyicha misollarni kiritgan holda turli sohalardagi sud ekspertizalari xulosalari namunalari aks etgan oʻquv qoʻllanmalarini tayyorlash.

oʻquv qoʻllanma

2019-yil sentabr

RSEM,TDYU,
IIV Akademiyasi, Bosh prokuratura Akademiyasi, Advokatlar palatasi

10.

Sud-ekspertlik faoliyatining eng dolzarb muammolari boʻyicha fundamental, amaliy va innovatsion tadqiqotlar, dasturlar va loyihalarni, shu jumladan milliy, xorijiy va xalqaro grantlarni jalb qilgan holda amalga oshirish dasturini tasdiqlash.

qoʻshma qaror

2019-yil iyul

Adliya vazirligi, Fanlar Akademiyasi, Innovatsion rivojlanish vazirligi

11.

Sud-ekspertlik faoliyati boʻyicha xorijiy tajribani oʻrganish uchun zarur dasturiy mahsulotlar (maʼlumotlar bazalari), xususan “West Law”, “Lexis Nexis” va boshqa xalqaro maʼlumot-huquqiy tizimlarini xarid qilish va kelgusida yangilab borish.

chora-tadbirlar dasturi

dastur asosida 2019-2020-yillar

Adliya vazirligi

12.

Axborot-resurs markazi fondini ixtisoslashtirilgan oʻquv, ilmiy va boshqa adabiyotlar bilan yangilash, shu jumladan sud ekspertizasi sohasidagi xorijiy axborot-tahliliy davriy nashrlarga muntazam obuna boʻlishni taʼminlash.

chora-tadbirlar dasturi

dastur asosida 2019-2020-yillar

Adliya vazirligi

13.

RSEMni “Elektron taʼlim” milliy tarmogʻi, Alisher Navoiy nomidagi Oʻzbekiston Milliy kutubxonasining elektron axborot-kutubxona fondi va yetakchi xorijiy axborot-kutubxona resurslari fondlariga ulash.

chora-tadbirlar dasturi

dastur asosida 2019-2020-yillar

Adliya vaziriligi,

Axborot texnologiyalari vazirligi, Oliy va oʻrta-maxsus taʼlim vazirligi, Oʻzbekiston Matbuot va axborot agentligi, Oʻzbekiston Milliy kutubxonasi

14.

Sud ekspertlarining faoliyatini kasbiy layoqatliligi, ish staji, oʻtkazilgan sud ekspertizalarining sifati va boshqa mezonlar asosida baholashning reyting tizimini joriy qilish.

adliya vazirining buyrugʻi

2019-yil iyun

Adliya vazirligi

15.

Quyidagi tadqiqotlar boʻyicha pullik xizmat koʻrsatishning yangi turlarini joriy etish:

Y-xromosoma boʻyicha populyatsion kelib chiqishni aniqlash;

odamning turli kasalliklarga genetik moyilligini aniqlash;

turli oziq-ovqat mahsulotlarining kimyoviy tarkibini aniqlash.

chora-tadbirlar dasturi

dastur asosida 2019-2020-yillar

Adliya vazirligi

16.

Davlat sud ekspertiza muassasalari va tegishli davlat organlari ekspert boʻlinmalari tomonidan oʻtkaziladigan bir xildagi sud ekspertizalarini aniqlash va ularni oʻtkazish boʻyicha yagona idoralararo uslubiyotni tasdiqlash.

metodik koʻrsatmalar

2019-yil aprel

Adliya vazirligi,

IIV,

manfaatdor idoralar

III. RSEMning moddiy-texnika bazasini mustahkamlash, sud-ekspertlik faoliyatiga axborot-kommunikatsiya texnologiyalarini joriy qilish

17.

RSEMning yangi ixtisoslashgan binosi qurilishini texnik topshiriq va loyiha-smeta hujjatlariga muvofiq “tayyor holda topshirish” shartlarida, shu jumladan quyidagilarni taʼminlagan holda yakunlash:

elektr taʼminoti, gaz taʼminoti, aloqaning tashqi tarmoqlari va binoning boshqa infratuzilmasini qurish;

tutash hududlarni (mahalliy budjet hisobidan) obodonlashtirish.

qabul qilish dalolatnomasi

2019-yil mart

Adliya vazirligi,
Toshkent shahar hokimi apparati

18.

RSEMning yuqori tezlikdagi Internet tarmogʻiga ulanishini taʼminlash.

chora-tadbirlar dasturi

dastur asosida

2019-2020-yillar

Axborot texnologiyalari vazirligi, Adliya vazirligi

19.

RSEM rasmiy veb-saytini modernizatsiya qilish va turli ijtimoiy tarmoqlarda, shu jumladan “Facebook”da RSEMning rasmiy sahifasini ochish.

chora-tadbirlar dasturi

dastur asosida

2019-yil

RSEM

20.

Sud-ekspertiza muassasalarida quyidagilarni nazarda tutuvchi avtomatlashtirilgan axborot-qidiruv tizimlari va kompyuter dasturlari, elektron maʼlumotlar bazalarini joriy etish:

sud ekspertlarining avtomatlashtirilgan ish oʻrinlarini tashkil etish;

ekspert xulosalarini roʻyxatga olish va buyurtmachilarga yuborish, shuningdek, sud ekspertlarining qoʻshimcha materiallar taqdim etilishini soʻrab kiritgan iltimosnomalarini yuborish va ularni taqdim qilish muddatlarini qisqartirish maqsadida idoralararo elektron hujjat aylanishi tizimini joriy etish;

koʻrilayotgan ish natijasidan manfaatdor boʻlgan tomonlardan birining yoki boshqa shaxslarning foydasiga xulosa olish uchun sud ekspertiga taʼsir koʻrsatish holatlari, shuningdek, sud eksperti tomonidan korrupsiya holatlariga yoʻl qoʻymaslik maqsadida tadqiqot obyektlarini shifrlash (kodlash) tizimini toʻliq joriy etish;

sud ekspertizalarini oʻtkazish ketma-ketligi, shuningdek, ularning muddatini toʻxtatish va uzaytirishni nazorat qilish imkoniyati.

chora-tadbirlar dasturi

dastur asosida

2019-2020-yillar

Adliya vazirligi, IIV, Sogʻliqni saqlash vazirligi, Oliy sud,
Bosh prokuratura

21.

RSEMni maxsus mebel, sud ekspertizalar va kriminalistik tadqiqotlarni oʻtkazish uchun zarur zamonaviy uskunalar bilan 2019-2020-yillarda ushbu maqsadlar uchun ajratiladigan Oʻzbekiston Respublikasi Davlat budjeti mablagʻlari hisobidan taʼminlash.

chora-tadbirlar dasturi

dastur asosida

2019-2020-yillar

Adliya vazirligi,

Moliya vazirligi

IV. Ixtisoslashtirilgan nodavlat sud ekspertiza tashkilotlarini rivojlantirish

22.

Ixtisoslashtirilgan nodavlat sud ekspertiza tashkilotlarini tashkil etish, shuningdek, RSEMni rivojlantirish uchun xususiy kapital, shu jumladan xorijiy investitsiyalarni jalb qilish masalasini ishlab chiqish.

chora-tadbirlar dasturi

dastur asosida

2019-2020-yillar

Investitsiyalar boʻyicha davlat qoʻmitasi, Innovatsion rivojlanish vazirligi,
Adliya vazirligi

23.

OAV va ijtimoiy tarmoqlardagi chiqishlar orqali zamonaviy sud ekspertizasining imkoniyatlari toʻgʻrisida keng reklama va targʻibot kampaniyalarini oʻtkazish.

chora-tadbirlar dasturi

doimiy asosda

Adliya vazirligi, IIV, Sogʻliqni saqlash vazirligi,
MTRK, EOAVMA

V. Sud-ekspertlik faoliyati sohasida xalqaro hamkorlikni rivojlantirish

24.

Butunjahon sud ekspertlari assotsiatsiyasiga (IAFS) aʼzo boʻlish masalasini ishlab chiqish.

chora-tadbirlar dasturi

dastur asosida

2019-2020-yillar

Adliya vazirligi, IIV, Sogʻliqni saqlash vazirligi, Tashqi ishlar vazirligi

25.

RSEMning xalqaro hamkorligini rivojlantirish boʻyicha quyidagilarni nazarda tutuvchi chora-tadbirlar dasturini amalga oshirish:

yetakchi sud-ekspertiza, ilmiy-tadqiqot tashkilotlari va boshqa tashkilotlar bilan memorandumlar, oʻzaro hamkorlik bitimlari tuzish, qoʻshma dasturlarni amalga oshirish;

RSEM sud ekspertlarining malakasini oshirish jarayonida yetakchi xorijiy mutaxassislarning ishtirokini taʼminlash maqsadida ularni jalb qilish amaliyotini joriy etish;

RSEM sud ekspertlarini xorijiy mamlakatlarning sud-ekspertiza muassasalarida stajirovka oʻtashlari, shuningdek, sud-ekspertlik faoliyatining dolzarb masalalari boʻyicha xalqaro ilmiy-amaliy forumlarda muntazam ishtirok etishlarini tashkil qilish.

chora-tadbirlar dasturi

dastur asosida

2019-2020-yillar

Adliya vazirligi,

Tashqi ishlar vazirligi,
Moliya vazirligi

Izoh.
1. Huquqiy munosabatlarning predmeti va tartibga solish sohasidan kelib chiqib, tadbirlarni amalga oshirish shakllari oʻzgarishi, ishlab chiqiladigan normativ-huquqiy aktlar va boshqa hujjatlar esa birlashtirilishi mumkin.
2. Ikki va undan koʻp bandlar birlashtirilganda, ijro muddati sifatida birlashayotgan bandlar uchun koʻrsatilgan eng kechki muddat belgilanadi.
Oʻzbekiston Respublikasi Prezidentining 2019-yil 17-yanvardagi PQ-4125-son qaroriga
4-ILOVA
Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazining tegishli boʻlim va laboratoriyalariga biriktirilgan Oʻzbekiston Respublikasi Fanlar Akademiyasi ilmiy-tadqiqot muassasalari va oliy taʼlim muassasalarining
ROʻYXATI
Oldingi tahrirga qarang.

T/r

Muassasalar

Ekspertizalar turlari

Markazning boʻlim va laboratoriyalari

1.

Toshkent toʻqimachilik va yengil sanoat instituti

Mikrozarralarning sud ekspertizasi

Materiallar, ashyolar va buyumlar kriminalistik ekspertizasi laboratoriyasi

Tolali materiallar va ulardan tayyorlangan mahsulotlarning sud ekspertizasi

2.

Toshkent davlat agrar universiteti

Sud-tuproqshunoslik ekspertizasi

3.

Oʻzbekiston Fanlar akademiyasi Polimerlar kimyosi va fizikasi instituti

Polimer materiallar va ulardan tayyorlangan mahsulotlarning sud ekspertizasi

4.

Toshkent kimyo texnologiyalari instituti

Lok-boʻyoq materiallari
va qoplamalarining sud ekspertizasi

Neft mahsulotlari va yoqilgʻi-moylash materiallarining sud ekspertizasi

Tarkibida spirt boʻlgan suyuqliklar va ular izlarining sud ekspertizasi

Shisha buyumlari va silikatli qurilish materiallarining sud ekspertizasi

Metall buyumlari va qotishmalarining sud ekspertizasi

5.

Toshkent farmatsevtika instituti

Dori vositalarining sud ekspertizasi

6.

Oʻzbekiston Fanlar akademiyasi Umumiy va noorganik kimyo instituti

Tabiati nomaʼlum moddalarning sud ekspertizasi

7.

M. Ulugʻbek nomidagi Oʻzbekiston Milliy universiteti

Zaharli ximikatlar va ogʻir metallar tuzlarining sud ekspertizasi

Tabiiy minerallar sud ekspertizasi

Maxsus markerlar (koʻrsatkichlar) sud ekspertizasi

Sud-biologik ekspertizasi

Sud-ekologik ekspertizasi

8.

Oʻzbekiston Fanlar akademiyasi Mikrobiologiya instituti

Oziq-ovqat mahsulotlarining sud ekspertizasi

9.

Oʻzbekiston Fanlar akademiyasi Genomika va bioinformatika markazi

Odam DNKsi sud-biologik ekspertizasi

Odam DNKsi sud-biologik ekspertizasi laboratoriyasi

10.

Toshkent avtomobil yoʻllarini loyihalash, qurish va ekspluatatsiyasi instituti

Sud-avtotexnikaviy ekspertizasi

Sud-avtotexnika ekspertizasi laboratoriyasi

Sud-yoʻl-transport ekspertizasi

Sud-transport-trasologiya ekspertizasi

11.

Oʻzbekiston Respublikasi Korporativ boshqaruv ilmiy-taʼlim markazi

Sud-transport-baholash ekspertizasi

12.

Toshkent Davlat iqtisodiyot universiteti

Sud-iqtisodiy ekspertizasi

Sud-iqtisodiy ekspertizasi boʻlimi

Sud-buxgalteriya ekspertizasi

Tashqi savdo faoliyatining sud-iqtisodiy ekspertizasi

Mehnat iqtisodiyoti sud ekspertizasi

Sud-rejali-iqtisodiyot ekspertizasi

Sud-iqtisodiy-statistik ekspertizasi

13.

Bank-moliya akademiyasi

Sud-moliya-kredit ekspertizasi

14.

Toshkent arxitektura-qurilish instituti

Sud-qurilish-texnikaviy ekspertizasi

Sud-qurilish-texnik ekspertizasi boʻlimi

Sud-yer ekspertizasi

15.

Favqulodda vaziyatlar vazirligi Akademiyasi

Sud-yongʻin-texnik ekspertizasi

Yongʻin-texnikaviy ekspertizasi laboratoriyasi

16.

Toshkent davlat texnika universiteti

Sud-elektrotexnikaviy ekspertizasi

17.

Toshkent toʻqimachilik va yengil sanoat instituti

Sud-tovarshunoslik ekspertizasi

Tovarshunoslik ekspertizasi boʻlimi

18.

Muhammad al-Xorazmiy nomidagi Toshkent axborot texnologiyalari universiteti

Sud-fonografiya ekspertizasi

Sud-fonografiya ekspertizasi laboratoriyasi

Videomateriallarning sud ekspertizasi

19.

M. Ulugʻbek nomidagi Oʻzbekiston Milliy universiteti

Sud-siyosatshunoslik-lingvistik ekspertizasi

Nutqshunoslik va psixologik ekspertizasi boʻlimi

Sud-psixologik ekspertizasi

20.

Alisher Navoiy nomidagi Toshkent davlat oʻzbek tili va adabiyoti universiteti

Sud-filologik ekspertizasi

21.

Muhammad al-Xorazmiy nomidagi Toshkent axborot texnologiyalari universiteti

Sud-kompyuter-texnikaviy ekspertizasi

Kompyuter-texnikaviy ekspertizasi laboratoriyasi

22.

Oʻzbekiston Respublikasi Ichki ishlar vazirligi Akademiyasi

Sud-xatshunoslik ekspertizasi

Hujjatlar kriminalistik ekspertizasi laboratoriyasi

Hujjatlarning sud-texnikaviy ekspertizasi

23.

Oʻzbekiston Respublikasi Ichki ishlar vazirligi Akademiyasi

Sud-trasologik ekspertizasi

Sud-ballistika va trasologiya ekspertizasi laboratoriyasi

Sud-daktiloskopik ekspertizasi

Sud-portret ekspertizasi

(4-ilova Oʻzbekiston Respublikasi Prezidentining 2021-yil 23-fevraldagi PF-6176-son Farmoni tahririda — Qonun hujjatlari maʼlumotlari milliy bazasi, 24.02.2021-y., 06/21/6176/0156-son)
(Qonun hujjatlari maʼlumotlari milliy bazasi, 19.01.2019-y., 07/19/4125/2510-son; 24.02.2021-y., 06/21/6176/0156-son; Qonunchilik maʼlumotlari milliy bazasi, 06.07.2021-y., 06/21/6256/0636-son; 25.05.2024-y., 06/24/80/0364-son; 08.09.2025-y., 07/25/270/0810-son)