Hujjat kuchini yo‘qotgan " " 18.09.2021

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Suv xoʻjaligi vazirligi faoliyatini tartibga soluvchi normativ-huquqiy hujjatlarni tasdiqlash toʻgʻrisida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2021-yil 17-sentabrdagi 573-sonli “Oʻzbekiston Respublikasi Suv xoʻjaligi vazirligi faoliyatiga doir ayrim qonunchilik hujjatlarini takomillashtirish toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Prezidentining “Qishloq va suv xoʻjaligi davlat boshqaruvi tizimini tubdan takomillashtirishga doir tashkiliy chora-tadbirlar toʻgʻrisida” 2018-yil 12-fevraldagi PF-5330-son, “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 17-apreldagi PF-5418-son farmonlarini va Oʻzbekiston Respublikasi Prezidentining “Oʻzbekiston Respublikasi Suv xoʻjaligi vazirligi faoliyatini tashkil etish toʻgʻrisida” 2018-yil 17-apreldagi PQ-3672-son qarorini bajarish yuzasidan hamda Suv xoʻjaligi vazirligi va uning tasarrufidagi tashkilotlar faoliyatini samarali tashkil etish, ularning moddiy-texnika bazasini rivojlantirish va xodimlarini ragʻbatlantirish mexanizmini yoʻlga qoʻyish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Suv xoʻjaligi vazirligi toʻgʻrisidagi nizom 1-ilovaga muvofiq;

Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlarini shakllantirish va ishlatish tartibi toʻgʻrisidagi nizom 2-ilovaga muvofiq;

Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi nizom 3-ilovaga muvofiq;

Oʻzbekiston Respublikasi Suv xoʻjaligi vazirligi tuzilmasiga kiradigan budjet tashkilotlari roʻyxati 4 va 4a-ilovalarga muvofiq;

Oldingi tahrirga qarang.

(1-bandning oltinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan chiqarilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Oldingi tahrirga qarang.

(1-bandning yettinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan chiqarilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

“Oʻzbekiston Respublikasi suv xoʻjaligi aʼlochisi” koʻkrak nishoni toʻgʻrisidagi Nizom, koʻkrak nishoni va uning guvohnomasi tavsiflari 7, 7a va 7b-ilovalarga muvofiq;

Suv xoʻjaligini boshqarish tizimini yanada takomillashtirish va Oʻzbekiston Respublikasi Suv xoʻjaligi vazirligining suv xoʻjaligi tashkilotlari faoliyati samaradorligini oshirish boʻyicha chora-tadbirlar rejasi 8-ilovaga muvofiq tasdiqlansin.

Oldingi tahrirga qarang.

(2-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

3. Oʻzbekiston Respublikasi Suv xoʻjaligi vazirligi tugatilayotgan, qayta tashkil etilayotgan suv xoʻjaligi tashkilotlarining ilgari ajratilgan asosiy fondlari, moddiy-texnika resurslari limitlari, mexanizmlari, avtotransport vositalari, shtat birliklari, budjetdan ajratiladigan mablagʻlarini yangidan tashkil etilayotgan va faoliyat yuritayotgan budjet tashkilotlariga belgilangan tartibda limitlar va normativlar doirasida qayta taqsimlanishini ikki oy muddatda taʼminlasin.

4. Suv xoʻjaligi vazirligi Oʻzbekiston Respublikasi Moliya vazirligi bilan birgalikda uch oy muddatda Suv xoʻjaligi vazirligining suv xoʻjaligining foydalanish tashkilotlari tomonidan issiqlik elektr energiyasi va sanoat mollari ishlab chiqaruvchi isteʼmolchilar ehtiyojlariga suv yetkazib berish xizmatlari uchun toʻlov miqdorini hisoblash tartibini ishlab chiqsin va tasdiqlasin.

5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Suv xoʻjaligi vazirligini belgilangan tartibda zarur aloqa vositalari, shu jumladan, hukumat aloqasi va keng polosali internet tarmogʻi bilan taʼminlasin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻzbekiston Respublikasi Suv xoʻjaligi vaziri Sh.R. Xamrayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 3-iyul,

500-son

Vazirlar Mahkamasining 2018-yil 3-iyuldagi 500-son qaroriga
1-ILOVA

Oʻzbekiston Respublikasi Suv xoʻjaligi vazirligi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligining (keyingi oʻrinlarda Vazirlik deb ataladi) maqomi, asosiy vazifalari, funksiyalari va huquqlarini hamda faoliyatining tashkiliy asoslarini belgilaydi.

2. Vazirlik suv resurslarini boshqarish sohasida yagona siyosatni amalga oshiruvchi, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirini oldini olish va tugatish sohasida davlat organlari, xoʻjalik boshqaruvi organlari va boshqa tashkilotlar faoliyatini muvofiqlashtiruvchi davlat boshqaruv organi hisoblanadi.

Vazirlik Oʻzbekiston Respublikasi Vazirlar Mahkamasiga boʻysunadi.

3. Vazirlik oʻz faoliyatida Oʻzbekiston Respublikasi Konstitutsiyasiga, qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

4. Vazirlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, joylardagi davlat hokimiyati organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

5. Vazirlik va uning tarkibiga kiradigan tashkilotlar yuridik shaxslar hisoblanadi, ular Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida gʻaznachilik shaxsiy hisob raqamlariga, banklarda hisob raqamlariga, shu jumladan, chet el valyutasidagi hisob raqamlariga ega.

6. Vazirlikning rasmiy nomlanishi:

a) davlat tilida:

toʻliq — Oʻzbekiston Respublikasi Suv xoʻjaligi vazirligi, qisqartirilgan nomi — SXV;

b) rus tilida:

toʻliq — Ministerstvo vodnogo xozyaystva Respubliki Uzbekistan, qisqartirilgan nomi — Minvodxoz;

v) ingliz tilida:

toʻliq — Ministry of water resources of the Republic of Uzbekistan, qisqartirilgan nomi — MWR.

7. Vazirlikning joylashgan manzili (pochta manzili): 100000, Toshkent shahri, Mirzo Ulugʻbek tumani, Qori Niyoziy koʻchasi, 39-uy, “A” bino.

2-bob. Vazirlik tuzilmasi

8. Vazirlik tuzilmasiga quyidagilar kiradi:

vazirlikning markaziy apparati;

Suv xoʻjaligi sohasidagi loyihalarni amalga oshirish agentligi;

(8-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan uchinchi xatboshi bilan toʻldirilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Qoraqalpogʻiston Respublikasi Suv xoʻjaligi vazirligi;

irrigatsiya tizimlari havza boshqarmalari;

magistral kanallar (tizimlar) boshqarmalari;

irrigatsiya tizimi boshqarmalari;

(8-band Oʻzbekiston Respublikasi Vazirlar Mahkamasining 2019-yil 12-martdagi 215-sonli qaroriga asosan beshinchi va oltinchi xatboshilar bilan toʻldirilgan — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

tumanlar (Quvasoy shahar) irrigatsiya boʻlimlari (keyingi oʻrinlarda tumanlar irrigatsiya boʻlimlari deb ataladi);

Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari huzuridagi nasos stansiyalari va energetika boshqarmalari;

Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari huzuridagi meliorativ ekspeditsiyalar;

Qarshi magistral kanalidan foydalanish boshqarmasi;

Amu-Buxoro mashina kanalidan foydalanish boshqarmasi;

Fargʻona vodiysi magistral kanallaridan foydalanish boshqarmasi;

(8-bandning oʻn ikkinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Janubiy Mirzachoʻl kanalidan foydalanish boshqarmasi;

Zarafshon magistral tizimidan foydalanish boshqarmasi;

(8-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Qirgʻoq himoyalovchi dambalar va oʻzanni rostlovchi inshootlar boshqarmasi;

(8-bandning oʻn beshinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Oʻng qirgʻoq kollektoridan foydalanish boshqarmasi;

(8-bandning oʻn oltinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Suv omborlaridan foydalanish boshqarmalari;

Oldingi tahrirga qarang.

(8-bandning oʻn toʻqqizinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan chiqarilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

“Suvqurilishinvest” davlat unitar korxonalari;

Markaziy dispetcherlik, kommunikatsiya va kadastr xizmati;

Axborot-tahlil va resurs markazi;

“Suvloyiha” davlat unitar korxonasi;

“Oʻzsuvekspertiza” davlat unitar korxonasi;

Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi;

Oldingi tahrirga qarang.

(8-bandning yigirma oltinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan chiqarilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

“Oʻzsuvqurilishtaʼminot” respublika birlashmasi;

professional taʼlim muassasasi.

(8-bandning yigirma oltinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

3-bob. Vazirlikning vazifa va funksiyalari

1-§. Vazirlikning vazifa va funksiyalari

9. Vazirlikning asosiy vazifalari quyidagilardan iborat:

1) suv resurslarini boshqarish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirini oldini olish va tugatish sohasida davlat organlari, xoʻjalik boshqaruvi organlari va boshqa tashkilotlar faoliyatini muvofiqlashtirish;

2) hududlarni va iqtisodiyot tarmoqlarini suv resurslari bilan barqaror va oqilona taʼminlash, yerlarning meliorativ holatini yaxshilash va barqarorligini taʼminlash choralarini koʻrish;

3) irrigatsiya va melioratsiya tizimlari, suv omborlari, nasos stansiyalari va boshqa suv xoʻjaligi va gidrotexnika inshootlarining ishonchli ishlashini taʼminlash, yirik va alohida muhim suv xoʻjaligi obyektlarini muhofaza qilishni tashkil etish;

4) suvdan foydalanuvchilar va suv isteʼmolchilarining suv resurslaridan ehtiyotlab va oqilona foydalanish uchun javobgarligini kuchaytirish, suvdan foydalanish madaniyati darajasini oshirish;

5) suv xoʻjaligi sohasiga ilm-fan yutuqlarini, suvni tejovchi zamonaviy texnologiyalar va ilgʻor tajribalarni, suv xoʻjaligi va suvdan foydalanish tizimini boshqarishning innovatsion usullarini joriy qilish;

6) suv xoʻjaligi sohasidagi mutaxassislarning malakasini oshirish tizimini tashkil etish, suv xoʻjaligi tashkilotlari bilan taʼlim va ilmiy muassasalar oʻrtasidagi integratsiyani mustahkamlash, ilm-fan yutuqlarini amaliyotga joriy etish choralarni koʻrish;

7) transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, chet el investitsiyalari va texnik koʻmak mablagʻlari (grantlar)ni jalb qilish, shuningdek, suv xoʻjaligi sohasidagi xalqaro tashkilotlarning faoliyatida faol ishtirok etish.

10. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

a) suv resurslarini boshqarish boʻyicha yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirini oldini olish va tugatish sohasida davlat organlari, xoʻjalik boshqaruvi organlari va boshqa tashkilotlar faoliyatini muvofiqlashtirish sohasida:

suv xoʻjaligi va irrigatsiyani rivojlantirish, sugʻoriladigan yerlarning meliorativ holatini yaxshilash boʻyicha tarmoq va mintaqaviy dasturlarni ishlab chiqadi;

global iqlim oʻzgarishi va Orol dengizi qurishining aholi hayoti va faoliyati rivojlanishiga salbiy taʼsirini kamaytirish boʻyicha kompleks chora-tadbirlarni ishlab chiqishda ishtirok etadi;

suv resurslaridan foydalanishni hisobga olish va davlat suv kadastrini yuritishni tashkil qiladi;

suvdan foydalanuvchilar va suv isteʼmolchilari, shuningdek, iqtisodiyotning barcha tarmoqlarida (kommunal sohadan tashqari) suv resurslaridan foydalanish boʻyicha maʼlumotlar bazasini yaratadi;

suv isteʼmolchilari uyushmalari va boshqa birlashmalarini tuzish va ularni rivojlantirishda, shuningdek, ular xizmat koʻrsatadigan zonada suv resurslarini boshqarish va hisobga olishda uslubiy va amaliy yordam koʻrsatadi;

suvdan foydalanuvchilar va suv isteʼmolchilari oʻrtasida oʻzaro iqtisodiy munosabatlarni takomillashtirish boʻyicha chora-tadbirlar kompleksini ishlab chiqish va amalga oshirishda ishtirok etadi;

tegishli davlat boshqaruvi organlari va joylardagi davlat hokimiyati organlari bilan birgalikda suv resurslarini boshqarish, suvlarning zararli taʼsirini oldini olish va tugatish boʻyicha chora-tadbirlar kompleksini ishlab chiqish va amalga oshirishda ishtirok etadi;

Irrigatsiya va drenaj xalqaro komissiyasida Oʻzbekiston Respublikasi manfaatlarini ifodalaydi.

(10-band “a” kichik bandining toʻqqizinchi xatboshisi Oʻzbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari maʼlumotlari milliy bazasi, 08.07.2020-y., 09/20/429/1039-son)

davlat siyosatining suv xoʻjaligi sohasidagi asosiy yoʻnalishlari, ularni amalga oshirishning strategiya va mexanizmlari boʻyicha Oʻzbekiston Respublikasi Vazirlar Mahkamasiga takliflar kiritadi;

b) hududlarni va iqtisodiyot tarmoqlarini suv resurslari bilan barqaror va oqilona taʼminlash, yerlarning meliorativ holatini yaxshilash va barqarorligini taʼminlash choralarini koʻrish sohasida:

suv resurslarining integratsiyalashgan boshqarish rejalarini, ulardan kompleks foydalanish, melioratsiya va suv xoʻjaligini rivojlantirishning istiqbolli sxemalarini ishlab chiqish va amalga oshirishni taʼminlaydi;

mamlakat suv xavfsizligini taʼminlash hamda suv resurslarini samarali boshqarish va foydalanishni taʼminlash boʻyicha qisqa, oʻrta va uzoq muddatlarga moʻljallangan kompleks tadbirlarni ishlab chiqish va amalga oshirishni tashkil qiladi;

suv resurslarining havza tamoyili va butun vertikal boʻylab samarali boshqarish asosida hududlar va iqtisodiyot tarmoqlarini suv bilan ishonchli va barqaror taʼminlashni amalga oshiradi;

suv resurslari prognozlarini kompleks tahlil qiladi va suv resurslari balanslarini ishlab chiqadi, suv manbalari, havza irrigatsiya tizimlari, iqtisodiyot tarmoqlari, hududlar, suvdan foydalanuvchilar va suv isteʼmolchilari boʻyicha, yer osti suvlari boʻyicha esa geologiya va mineral resurslar organlari bilan kelishilgan holda suv olish limitlarini belgilaydi;

suv olish limitlari asosida suvdan foydalanish va suv isteʼmoli tartibining amalda qoʻllanilishini taʼminlaydi;

sunʼiy suv obyektlari suvidan maxsus foydalanish va suvni maxsus isteʼmol qilish uchun belgilangan tartibda ruxsatnomalar beradi va takliflarni koʻrib chiqadi, ekologiya va atrof-muhitni muhofaza qilish, shuningdek, geologiya va mineral resurslar organlariga tabiiy suv obyektlari suvidan maxsus foydalanish va suvni maxsus isteʼmol qilishga ruxsatnomalar berish boʻyicha takliflar kiritadi;

korxonalar, inshootlar hamda suv va suv obyektlari holatiga taʼsir qiladigan boshqa obyektlarni qurish, rekonstruksiya qilish, taʼmirlash va tiklash boʻyicha loyihalarni koʻrib chiqadi va belgilangan tartibda kelishib oladi;

v) irrigatsiya va melioratsiya tizimlari, suv omborlari, nasos stansiyalari va boshqa suv xoʻjaligi va gidrotexnika inshootlarining ishonchli ishlashini taʼminlash, yirik va alohida muhim suv xoʻjaligi obyektlarini muhofaza qilishni tashkil etish sohasida:

irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha davlat dasturini ishlab chiqadi va amalga oshiradi;

loyiha-qidiruv va ilmiy-tadqiqot ishlarining hamda suv xoʻjaligi obyektlarini qurish, rekonstruksiya qilish, taʼmirlash va tiklash boʻyicha loyiha-smeta hujjatlarining idoraviy ekspertizasi oʻtkazilishini nazorat qiladi;

(10-band “v” kichik bandining uchinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

suv xoʻjaligi obyektlarini qurish, rekonstruksiya qilish, taʼmirlash va tiklash boʻyicha loyihalarning oʻz vaqtida va sifatli bajarilishini hamda tugatilgan ishlarni belgilangan tartibda qabul qilishni taʼminlanishini tashkil etadi;

(10-band “v” kichik bandining toʻrtinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

suv xoʻjaligi tizimiga kiradigan loyiha-qidiruv, pudrat, sanoat va boshqa korxona va tashkilotlarning faoliyatlarini muvofiqlashtiradi;

irrigatsiya va melioratsiya tizimlari, yirik gidrotexnika inshootlari va suv omborlari, nasos stansiyalari hamda boshqa davlat suv xoʻjaligi obyektlarining ishonchli ishlatilishini taʼminlaydi;

suv xoʻjalik obyektlari, shu jumladan, suv isteʼmolchilari uyushmalarining sugʻorish va kollektor-drenaj tarmoqlari texnik holatining tizimli monitoringini yuritadi, ularni pasportlashtirish ishlarini bajaradi va davlat suv kadastrini tuzadi;

sugʻoriladigan yerlarning gidrogeologik va meliorativ holatini, kollektor-drenaj tizimlaridan samarali foydalanish, ularni texnik jihatdan soz holatda saqlashni, sugʻoriladigan yerlarning qulay meliorativ holati barqarorligini taʼminlashning tizimli monitoringini yuritadi;

suv, energetika va boshqa moddiy-texnik resurslarni tejash choralarini koʻradi;

suv isteʼmolchilari uyushmalarining suv xoʻjaligi obyektlarini texnik ishlatish va rekonstruksiya qilish hamda taʼmirlash ishlarini muvofiqlashtiradi;

g) suvdan foydalanuvchilar va suv isteʼmolchilarining suv resurslaridan ehtiyotkorlik bilan va oqilona foydalanishlari uchun javobgarligini oshirish, suvdan foydalanish madaniyati darajasini oshirish sohasida:

suvdan foydalanuvchilar va suv isteʼmolchilarining masʼuliyatini oshirish boʻyicha normativ-huquqiy hujjatlarni ishlab chiqadi va ularni takomillashtirishda ishtirok etadi;

vazirlikning suv xoʻjaligidan foydalanish tashkilotlari rahbarlari va xodimlarining suvdan foydalanish va suv isteʼmoli tartibiga qatʼiy rioya qilishlari boʻyicha javobgarligini oshirish choralarini koʻradi;

ommaviy axborot vositalari, shuningdek, anjumanlar, seminarlar, treninglar va boshqa tadbirlarni oʻtkazish orqali suv resurslarini asrash va ulardan tejamli foydalanish boʻyicha targʻibot ishlarini olib boradi;

taʼlim muassasalarining yosh avlodni suvdan avaylab-asrab foydalanish ruhida tarbiyalash va suvdan foydalanish madaniyatini oshirish boʻyicha tadbirlarida ishtirok etadi;

zamonaviy axborot-kommunikatsiya texnologiyalaridan foydalangan holda suv boʻyicha ommabop resurslar bilimlar bazasini yaratish va rivojlantirish boʻyicha ishlarni tashkil qiladi;

d) suv xoʻjaligi sohasiga ilm-fan yutuqlarini, zamonaviy suvni tejovchi texnologiyalar va ilgʻor tajribalarni, suv xoʻjaligi va suvdan foydalanish tizimini boshqarishning innovatsion usullarini joriy qilish sohasida:

suv resurslaridan oqilona foydalanish sohasida dolzarb muammolarning innovatsion ilmiy-texnik yechimlarini ishlab chiqish va zamonaviy texnika va texnologiyalarni faol ravishda joriy etishga qaratilgan davlat ilmiy dasturlarini shakllantirishda qatnashadi;

(10-band “d” kichik bandining ikkinchi xatboshisi Oʻzbekiston Respublikasi Vazirlar Mahkamasining 2021-yil 27-avgustdagi 545-sonli qarori tahririda — Qonunchilik maʼlumotlari milliy bazasi, 28.08.2021-y., 09/21/545/0832-son)

suv xoʻjaligi sohasida ilmiy-tadqiqot, loyiha-qidiruv va konstruktorlik ishlarini rivojlantirishni har tomonlama qoʻllab-quvvatlaydi va ularga yordam koʻrsatadi;

suv xoʻjaligi sohasida ilmiy-tadqiqot, loyiha-qidiruv va konstruktorlik ishlarining asosiy yoʻnalishlarini belgilaydi hamda shartnoma asosida ularning bajarilishini tashkil qiladi;

zamonaviy fan-texnika yutuqlarini hamda ilgʻor tajribalarni qurilish, rekonstruksiya qilish, taʼmirlash va tiklashga, shuningdek, suv xoʻjaligi tizimini boshqarishning innovatsion usullari va suvni tejaydigan ilgʻor texnologiyalarni joriy etish boʻyicha kompleks chora-tadbirlarni qabul qiladi;

qishloq xoʻjaligi ekinlarini tomchilatib sugʻorish tizimi va boshqa suvni tejaydigan sugʻorish texnologiyalarini ishlab chiqish va joriy etishda qatnashadi;

e) suv xoʻjaligi sohasidagi mutaxassislarning malakasini oshirish tizimini tashkil etish, suv xoʻjaligi tashkilotlari bilan taʼlim va ilmiy muassasalar oʻrtasidagi integratsiyani mustahkamlash, ilm-fan yutuqlarini amaliyotga joriy etish choralarni koʻrish sohasida:

suv xoʻjaligi sohasidagi kadrlar, mutaxassislar, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha oʻquv kurslarini respublikaning ixtisoslashtirilgan suv xoʻjaligi tashkilotlari, taʼlim va ilmiy muassasalarida, professional taʼlim muassasasi, shuningdek, chet elda muntazam ravishda tashkil etadi;

(10-bandning “e” kichik bandi ikkinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

suv xoʻjaligi tashkilotlarining taʼlim va ilmiy muassasalar bilan oʻzaro integratsiyasini kuchaytirish boʻyicha chora-tadbirlarni ishlab chiqadi va amalga oshiradi;

suv xoʻjaligi sohasidagi oliy taʼlim muassasalari professor va oʻqituvchilarining malakasini oshirishni va talabalarning hamda professional taʼlim muassasasi lejlari oʻquvchilarining oʻquv-ishlab chiqarish amaliyotini sifatli oʻtkazish uchun zarur shart-sharoitlar yaratadi;

(10-bandning “e” kichik bandi toʻrtinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

suv xoʻjaligi sohasida zamonaviy va ilgʻor texnologiyalarni joriy etish va keng qoʻllash boʻyicha strategik vazifalarni samarali hal etishga qodir boʻlgan yuqori malakali kadrlarni tayyorlashga yordam beradi;

j) transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, chet el investitsiyalari va texnik koʻmak mablagʻlari (grantlar)ni jalb qilish, shuningdek, suv xoʻjaligi sohasidagi xalqaro tashkilotlarning faoliyatida faol ishtirok etish sohasida:

Orolni qutqarish Xalqaro jamgʻarmasi va uning Suv xoʻjaligi kompleksi xalqaro komissiyasi faoliyatida faol ishtirok etadi;

transchegaraviy suv resurslarini boshqarish va ulardan oqilona foydalanish hamda transchegaraviy suv obyektlarini ishlatishni yaxshilash, shuningdek, suv xoʻjaligi sohasidagi xalqaro hamkorlikning ustuvor yoʻnalishlari boʻyicha Oʻzbekiston Respublikasi Vazirlar Mahkamasiga takliflar kiritadi;

investitsion loyihalarning oʻz vaqtida va samarali amalga oshirilishi uchun xalqaro moliya tashkilotlari va xorijiy davlatlar investitsiyalari, imtiyozli kreditlari va texnik koʻmak mablagʻlari (grantlar) ni jalb qilishda ishtirok etadi;

xorijiy davlatlardagi suv xoʻjaligi obyektlari loyihalarini ishlab chiqish va ularning qurilishida ishtirok etadi;

transchegaraviy suv resurslarini tartibga solish va ulardan foydalanish, suv xoʻjaligini rivojlantirish va yerlar melioratsiyasi boʻyicha davlatlararo masalalarni muhokama qilish va hal etishda respublika nomidan ishtirok etadi;

xalqaro shartnomalar, xorijiy mamlakatlar bilan suv xoʻjaligi va melioratsiya sohasidagi hamkorlik dasturlari doirasida Oʻzbekiston tomonining majburiyatlarini bajarish bilan bogʻliq boʻlgan xalqaro tadbirlarning respublikada oʻtkazilishini tashkil etadi, suv xoʻjaligi masalalari boʻyicha xorijiy hamkorlar bilan muzokaralarda qatnashadi;

Orol dengizini qutqarish Xalqaro jamgʻarmasi va uning tarkibiy boʻlinmalari, Butunjahon suv Kengashi, Irrigatsiya va drenaj Xalqaro komissiyasi, Yirik toʻgʻonlar boʻyicha Xalqaro komissiya, Suv resurslarini rivojlantirish va boshqarish boʻyicha Islom davlatlararo tarmogʻi va boshqa xalqaro tashkilotlar faoliyatida faol ishtirok etadi.

2-§. Vazirlik markaziy apparatining vazifa va funksiyalari

11. Vazirlik markaziy apparatining asosiy vazifalari quyidagilardan iborat:

1) Vazirlikning hududiy boʻlinmalari va idoraviy mansub tashkilotlari bilan birgalikda vazirlikka yuklangan vazifalar va funksiyalarning samarali bajarilishini taʼminlash;

2) suv xoʻjaligi sohasida yagona davlat siyosati amalga oshirilishini taʼminlash;

3) Vazirlik, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlarga erishilishini taʼminlash;

4) vazirliklar va idoralar bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Oʻzbekiston Respublikasi Vazirlar Mahkamasi majlislarida va uning Rayosatida tegishli masalalarni koʻrib chiqishda ishtirok etish;

5) Oʻzbekiston Respublikasi Prezidentining, Oʻzbekiston Respublikasi Bosh vaziri, uning maslahatchilari va oʻrinbosarlarining topshiriqlarini oʻz vaqtida va sifatli bajarish;

(11-bandning 5-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

6) Vazirlik xodimlarini tizimli ravishda qayta tayyorlash va ularning malakasini oshirishni tashkil qilish;

7) Vazirlik markaziy apparati, uning hududiy boʻlinmalari va idoraviy mansub tashkilotlari faoliyati samaradorligini tanqidiy tahlil qilish, tahlil natijalariga koʻra zarur choralar koʻrish;

8) Vazirlik, uning tarkibiy va hududiy boʻlinmalari faoliyatini tashkil etishning zamonaviy shakllarini joriy qilish;

9) jismoniy va yuridik shaxslarning murojaatlarini koʻrib chiqish boʻyicha samarali faoliyatni taʼminlash, aholi bilan bevosita va ochiq muloqot oʻrnatish;

10) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik xodimlari va rahbarlarining faol ishtirok etishini, Oʻzbekiston Respublikasi Prezidentining Xalq qabulxonalari va Virtual qabulxonasi, Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalaridan kelib tushgan jismoniy va yuridik shaxslarning murojaatlarining oʻz vaqtida va toʻliq koʻrib chiqilishini taʼminlash;

(11-bandning 10-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

11) xalqaro va davlatlararo aloqalarni kengaytirish va mustahkamlash boʻyicha tadbirlarda xalqaro maydonda Oʻzbekiston Respublikasi nomidan vakillar ishtirokini, suv xoʻjaligi sohasiga xorijiy investitsiya va grantlarning jalb qilinishini taʼminlash;

12) Vazirlik hayʼati qarorlarini, suv xoʻjaligi vazirining (keyingi oʻrinlarda Vazir deb ataladi) buyruqlari va topshiriqlarining oʻz vaqtida va sifatli bajarilishini taʼminlash;

13) tarkibiy boʻlinmalarda kadrlarni tanlash va joy-joyiga qoʻyish, ularning kasbiy mahorati, amaliy tajribasi, yuqori darajadagi ishchanlik va axloqiy-maʼnaviy sifatlari kafolatini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

14) suv xoʻjaligi va suv xoʻjaligi qurilishi masalalariga doir Oʻzbekiston Respublikasi Prezidenti va Oʻzbekiston Respublikasi Hukumatining qarorlari loyihalarini tayyorlash.

12. Vazirlikning markaziy apparati oʻziga yuklangan asosiy vazifalarga muvofiq quyidagi funksiyalarni bajaradi:

1) Vazirlik va uning rahbariyati faoliyatining tashkiliy va axborot-tahliliy taʼminotini amalga oshiradi;

2) Vazirlikning tarkibiy va hududiy boʻlinmalari hamda idoraviy mansub tashkilotlari tomonidan Oʻzbekiston Respublikasining qonunlari, Oʻzbekiston Respublikasi Prezidentining farmon, qaror va farmoyishlarining, Hukumat qarorlarining bajarilishi muntazam nazorat qilinishini taʼminlaydi;

3) Vazirlik tomonidan Oʻzbekiston Respublikasi Prezidenti Administratsiyasiga va Oʻzbekiston Respublikasi Vazirlar Mahkamasiga kiritiladigan hujjatlarning sifatli va oʻz vaqtida ishlab chiqilishini hamda ularni iqtisodiy, moliyaviy va huquqiy ekspertizasi oʻtkazilishini tashkil qiladi;

(12-bandning 3-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

4) Vazirlikning hududiy boʻlinmalari va uning idoraviy mansub tashkilotlari faoliyatini boshqarish, muvofiqlashtirish va nazorat qilishni amalga oshiradi;

5) Vazirlikning barcha faoliyatlarini, shu jumladan, normativ hujjatlarni ishlab chiqish yoʻnalishidagi faoliyatining axborot-huquqiy taʼminotini amalga oshiradi;

6) Vazirlikning vakolatiga kiruvchi tezkor, tashkiliy, kadrlar, moliyaviy, ishlab chiqarish — xoʻjalik hamda boshqa masalalar boʻyicha qarorlar qabul qiladi;

7) Vazirlik, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy choralar koʻradi;

8) Oʻzbekiston Respublikasi Prezidenti Administratsiyasi tarkibiy boʻlinmalari va Oʻzbekiston Respublikasi Vazirlar Mahkamasi, shuningdek, tegishli vazirlik va idoralar bilan Vazirlik faoliyati sohasiga kiradigan masalalar yuzasidan oʻzaro hamkorlikni taʼminlaydi;

(12-bandning 8-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

9) Vazirlikning tarkibiy va hududiy boʻlinmalari faoliyatini tashkil etishning zamonaviy shakllarini joriy qilishni taʼminlaydi;

10) Vazirlikning samarali faoliyatini tashkil qilish va takomillashtirish boʻyicha takliflar ishlab chiqadi;

11) suv xoʻjaligi sohasida anjumanlar, seminarlar va xalqaro tadbirlarni tashkil etish va oʻtkazish ishlarini bajaradi;

12) suv xoʻjaligi sohasida ilm-fan va ishlab chiqarishning ilgʻor yutuqlarini ommaviy axborot vositalarida muntazam va keng yoritishga doir ishlarni amalga oshiradi.

3-§. Qoraqalpogʻiston Respublikasi Suv xoʻjaligi vazirligi va Vazirlik irrigatsiya tizimlari havza boshqarmalarining vazifa va funksiyalari

13. Qoraqalpogʻiston Respublikasi Suv xoʻjaligi vazirligining va irrigatsiya tizimlari havza boshqarmalarining asosiy vazifalari quyidagilardan iborat:

1) Vazirlikning boʻlinmasiga yuklangan vazifa va funksiyalarni samarali bajarish;

2) hududlarni ijtimoiy-iqtisodiy rivojlantirish masalasida, tegishli ravishda, Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, tumanlar (shahar) hokimlari bilan hamkorlik qilish;

3) suv xoʻjaligi sohasini kompleks modernizatsiyalash, mintaqaning suv xoʻjaligi obyektlariga fan-texnika yutuqlari, suvni tejovchi zamonaviy texnologiyalarni, ilgʻor mahalliy va xorijiy tajribalarni joriy qilishga yoʻnaltirilgan yagona suv xoʻjaligi siyosati amalga oshirilishini taʼminlash;

4) suv xoʻjaligiga xorijiy investitsiyalar, grantlar va texnik yordam mablagʻlarini jalb etish choralarini koʻrish, loyihalarni boshqarish tamoyillariga muvofiq ulardan samarali foydalanishni taʼminlash;

5) suv resurslarini boshqarishning tamoyillari va tizimini takomillashtirish, ulardan tejamli va oqilona foydalanishni taʼminlash, sugʻoriladigan yerlarning meliorativ holatini yaxshilash, suv xoʻjaligi obyektlari va gidrotexnika inshootlarini qayta tiklash va zamonaviylashtirish choralarini koʻrish;

6) kadrlar bilan ishlashni takomillashtirish, suv xoʻjaligi tarmogʻining yuqori malakali mutaxassislarga boʻlgan joriy va istiqboldagi ehtiyojlarini, taʼlim va ilm-fanning faol integratsiyasini hisobga olgan holda, kadrlarni tayyorlash va ularning malakasini oshirishning muntazam ravishda, samarali tashkil etilishini taʼminlash.

14. Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari oʻzlariga yuklangan asosiy vazifalarga muvofiq quyidagi funksiyalarni bajaradilar:

suv xoʻjaligi sohasida davlat siyosatining asosiy yoʻnalishlarini rivojlantirish mexanizmlari va strategiyasi amalga oshirilishini taʼminlaydi;

suv xoʻjaligi sohasini rivojlantirish boʻyicha tarmoq va mintaqaviy dasturlarni samarali amalga oshirilishini taʼminlaydi;

Vazirlik hayʼati qarorlarini bajarish boʻyicha ishlarni tashkil etadi;

xalqaro moliya institutlari va xorijiy davlatlarning investitsiyalari, imtiyozli kreditlari, grantlari va texnik yordam mablagʻlarini jalb etishga koʻmaklashadi, investitsiya loyihalarining oʻz vaqtida va samarali amalga oshirilishini taʼminlaydi;

mahalliy investitsiyalarni jalb qilishga koʻmaklashadi va ulardan oqilona va maqsadli foydalanishni taʼminlaydi;

Vazirlikka suv xoʻjaligi sohasida xalqaro hamkorlikning ustuvor yoʻnalishlari boʻyicha takliflar kiritadi hamda ularni amalga oshirish boʻyicha ishlarni tashkil qiladi.

suv resurslarini integratsiyalashgan boshqarish va ulardan oqilona foydalanishni, ularni boshqarish samaradorligini oshirishni, suvdan foydalanish va suv isteʼmolining innovatsion texnologiyalari va mexanizmlarini faol joriy etishni, suv resurslarini hisobga olishni tashkil etish va takomillashtirishni taʼminlaydi;

suv isteʼmolchilari uyushmalari va boshqa birlashmalarni tuzish, ularni rivojlantirishda uslubiy va amaliy yordam koʻrsatadi, suv isteʼmolchilari uyushmalarining suv xoʻjaligi obyektlarini texnik ekspluatatsiya qilish, taʼmirlash va tiklash ishlarini muvofiqlashtiradi;

er usti suv resurslarini havza tamoyili asosida boshqarishni amalga oshiradi;

irrigatsiyani rivojlantirish va yerlarning meliorativ holatini yaxshilash boʻyicha hududiy dasturlarni ishlab chiqish va amalga oshirishda qatnashadi;

irrigatsiya va melioratsiya tizimlari, nasos stansiyalari, suv omborlari va boshqa davlat suv xoʻjaligi obyektlaridan samarali va ishonchli foydalanishni tashkil qiladi;

suv resurslaridan foydalanish hisobini yuritishni tashkil etadi, davlat suv kadastrining “Suvdan foydalanish” boʻlimini yuritishda ishtirok etadi;

sugʻoriladigan yerlarning gidrogeologik va meliorativ holatini, sugʻorish va kollektor-drenaj suvlarining sifati monitoringini yuritadi;

suv resurslari bashoratini tahlil qiladi va irrigatsiya tizimlari, maʼmuriy tumanlar va iqtisodiyot tarmoqlari boʻyicha suv olish limitlarini belgilangan tartibda oʻrnatadi, suvdan foydalanuvchilar va suv isteʼmolchilarining suvdan tejab foydalanganliklari uchun ragʻbatlantirish toʻgʻrisida takliflar kiritadi;

suvdan foydalanish va suv isteʼmoli boʻyicha shartnomalar tuzish, suv isteʼmolchilari uyushmalarining sugʻorish tarmoqlarini suvni boshqarish va suv oʻlchash vositalari bilan jihozlash ishlariga koʻmaklashadi va muvofiqlashtiradi;

suv xoʻjaligi infratuzilmasini rivojlantirish, ularning moddiy-texnik bazasini mustahkamlash boʻyicha konsepsiyalar, strategiyalar va kompleks chora-tadbirlarni, shuningdek, normativ-huquqiy hujjatlarni ishlab chiqishda ishtirok etadi va muvofiqlashtiradi;

suv xoʻjaligi sohasidagi kadrlar va mutaxassislar, shu jumladan, suv isteʼmolchilari uyushmalari rahbarlari va mutaxassislarining malakasini oshirishni muntazam ravishda tashkil qiladi;

idoraviy mansub tashkilotlar bilan suv xoʻjaligi sohasidagi oliy taʼlim muassasalari talabalari va professional taʼlim muassasasi oʻquvchilarining oʻquv-tanishish va oʻquv-ishlab chiqarish amaliyotini tashkil etishda hamkorlik qiladi;

(14-bandning oʻn toʻqqizinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

tumanlar irrigatsiya boʻlimlariga kadrlar bilan ishlashni takomillashtirish va ularning malakasini oshirishni tashkil etishda amaliy yordam beradi.

§ 3¹. Magistral kanallar (tizimlar) boshqarmalarining vazifa va funksiyalari

14¹. Magistral kanallar (tizimlar) boshqarmalarining asosiy vazifalari quyidagilardan iborat:

1) Vazirlikning magistral kanallar (tizimlar) boshqarmalariga yuklagan vazifa va funksiyalarni samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) suv xoʻjaligi tizimini kompleks modernizatsiyalash, fan-texnika yutuqlari, suvni tejovchi zamonaviy texnologiyalar, ilgʻor mahalliy va xorijiy tajribalarni joriy qilishga yoʻnaltirilgan yagona suv xoʻjaligi siyosatini amalga oshirish;

4) magistral kanalga qarashli barcha suv hoʻjaligi obyektlarida suv resurslarini oqilona boshqarish, suvning hisobi va hisobotini yuritish, magistral kanal boʻyicha suvni boshqarishning belgilangan tartibiga rioya qilish, magistral kanal va gidrotexnika inshootlarining texnik xavfsizligini hamda ishonchli foydalanishni taʼminlash;

5) suv resurslarini boshqarish tamoyillari va tizimini takomillashtirish, suvdan tejamli va oqilona foydalanishni taʼminlash, magistral kanal va gidrotexnika inshootlarini rekonstruksiya qilish hamda zamonaviylashtirish choralarini koʻrish.

14². Magistral kanallar (tizimlar) boshqarmalari oʻziga yuklangan vazifalarni amalga oshirishda quyidagi funksiyalarni amalga oshiradi:

1) suv resurslarini boshqarish va belgilangan suv olish limitlariga muvofiq irrigatsiya tizimi boshqarmalariga hamda boshqa alohida suv xoʻjaligi foydalanuvchi tashkilotlariga suv yetkazib berishni taʼminlash;

2) irrigatsiya tizimi boshqarmalari va alohida suv xoʻjaligi foydalanuvchi tashkilotlar bilan suvdan foydalanish boʻyicha shartnomalar tuzish, tizimdagi nasos stansiyalar va agregatlarning ish rejimini kelishish;

3) suvdan foydalanishning bozor prinsiplari va mexanizmalari joriy etilishini taʼminlash;

4) magistral kanal boʻyicha suvdan foydalanishning hisobini va hisobotini yuritish;

5) magistral kanalni tezkor ishlatish va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etish;

6) suv resurslarini boshqarishda aloqa, avtomatika va telemexanikaning zamonaviy tizimlarini joriy etish hamda ularni takomillashtirish.

§ 3². Irrigatsiya tizimi boshqarmalarining vazifa va funksiyalari

14³. Irrigatsiya tizimi boshqarmalarining asosiy vazifalari quyidagilardan iborat:

1) Vazirlikning irrigatsiya tizimi boshqarmalariga yuklangan vazifa va funksiyalarini samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) irrigatsiya tizimi boʻyicha suv resurslaridan maqsadli va oqilona foydalanilishi hamda suvdan foydalanish tartibiga rioya etilishini taʼminlash;

4) irrigatsiya tizimi boʻyicha suv resurslarini oqilona boshqarish;

5) irrigatsiya tizimi va gidrotexnika inshootlarini texnik xavfsizligi va ishonchli foydalanishni taʼminlash;

6) suvdan foydalanish boʻyicha hisob va hisobotni olib borish;

7) suv resurslarini iqtisod qiluvchi texnologiyalarni qoʻllash, suvdan foydalanish samaradorligini oshirish va ajratilgan mablagʻlardan, moddiy texnika resurslaridan, texnika jihozlaridan maqsadli foydalanish.

14⁴. Irrigatsiya tizimi boshqarmalari oʻzlariga yuklangan asosiy vazifalarga muvofiq quyidagi funksiyalarni amalga oshiradi:

1) irrigatsiya tizimi boʻyicha suv resurslarini oqilona boshqarish;

2) Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari tomonidan irrigatsiya tizimi boshqarmasiga oʻrnatilgan suv olish limiti doirasida tumanlar (Quvasoy shahar) irrigatsiya boʻlimlariga va alohida suv xoʻjaligii ekspluatatsiya tashkilotlariga suvni yetkazib berish hamda tizimdagi nasos stansiyalar va agregatlarning ish rejimini kelishish;

3) irrigatsiya tizimini tezkor ishlatish va suv resurslarini oqilona boshqarish uchun yuridik shaxs maqomiga ega boʻlmagan boʻlinmalarni (alohida gidrouchastkalar, ishlab chiqarish bazalari va boshqalar) tashkil etish;

4) tumanlar (Quvasoy shahar) irrigatsiya boʻlimlari va alohida suv xoʻjaligii ekspluatatsiya tashkilotlari bilan suvdan foydalanish boʻyicha shartnomalarni tuzish;

5) umumiy suv xoʻjaligi ahvolini hisobga olgan holda suvdan foydalanish rejalariga tuzatishlar kiritish boʻyicha Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalariga takliflar kiritish.

(3¹va 3²-paragraflar Oʻzbekiston Respublikasi Vazirlar Mahkamasining 2019-yil 12-martdagi 215-sonli qaroriga asosan kiritilgan — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

4-§. Tumanlar irrigatsiya boʻlimlarining vazifalari va funksiyalari

15. Tumanlar irrigatsiya boʻlimlarining asosiy vazifalari quyidagilardan iborat:

1) Vazirlikning tumanlar irrigatsiya boʻlimlariga yuklangan vazifa va funksiyalarni samarali amalga oshirish;

2) kompleks ijtimoiy-iqtisodiy rivojlantirish sektorlari bilan hamkorlik qilish;

3) tuman suv xoʻjaligi tarmogʻini kompleks modernizatsiyalash, fan-texnika yutuqlari, suvni tejovchi zamonaviy texnologiyalar, ilgʻor mahalliy va xorijiy tajribalarni joriy qilishga yoʻnaltirilgan yagona suv xoʻjaligi siyosatini amalga oshirish;

4) suv resurslarini boshqarish tamoyillari va tizimini takomillashtirish, ulardan tejamli va oqilona foydalanishni taʼminlash, sugʻoriladigan yerlarning meliorativ holatini yaxshilash, suv xoʻjaligi obyektlari va gidrotexnika inshootlarini rekonstruksiya qilish va zamonaviylashtirish choralarini koʻrish.

16. Tumanlar irrigatsiya boʻlimlari oʻzlariga yuklangan asosiy vazifalarga muvofiq quyidagi funksiyalarni amalga oshiradi:

suv xoʻjaligi sohasini rivojlantirish boʻyicha tarmoq va mintaqaviy dasturlarning samarali amalga oshirilishini taʼminlaydi;

iqtisodiyot tarmoqlarida, shu jumladan, qishloq xoʻjaligida suvni tejovchi texnologiyalarni joriy etish ishlarini muvofiqlashtiradi;

suv resurslarini integratsiyalashgan boshqarish va ulardan oqilona foydalanishni, ularning samaradorligini oshirishni, suvdan foydalanish va suv isteʼmolining innovatsion texnologiyalari va mexanizmlarini faol joriy etish, suv resurslarini hisobga olishni tashkil etish va takomillashtirishni taʼminlaydi;

suv isteʼmolchilari uyushmalari va boshqa birlashmalarini tuzishda uslubiy va amaliy yordam koʻrsatadi, suv isteʼmolchilari uyushmalarining suv xoʻjaligi obyektlarini texnik ekspluatatsiya, rekonstruksiya qilish va taʼmirlash ishlarini muvofiqlashtiradi;

irrigatsiyani rivojlantirish va sugʻoriladigan yerlarning meliorativ holatini yaxshilash boʻyicha hududiy dasturlarni ishlab chiqish va amalga oshirishda qatnashadi;

ilmiy asoslangan sugʻorish rejimlarini, tomchilatib sugʻorish tizimi va suvni tejaydigan boshqa sugʻorish texnologiyalarini joriy etishni tashkil qilishga koʻmaklashadi;

ichki xoʻjalik sugʻorish tizimlarini taʼmirlash va ularni rivojlantirishni, shuningdek, suvni tejovchi texnologiyalarni joriy etishni muvofiqlashtiradi;

suv resurslaridan foydalanishni tahlil qiladi va maʼmuriy tumanlar boʻyicha suv berish limitlarini belgilash, suvdan foydalanuvchilar va suv isteʼmolchilarini suvdan tejab foydalanishlarini ragʻbatlantirish boʻyicha takliflar kiritadi;

suv isteʼmolchilari uyushmalariga suv isteʼmoli boʻyicha shartnomalar tuzish, sugʻorish tarmoqlarini suvni boshqarish va suv oʻlchash vositalari bilan jihozlash ishlariga koʻmaklashadi va muvofiqlashtiradi;

suv xoʻjaligi obyektlari infratuzilmasini rivojlantirish, ularning moddiy-texnik bazasini mustahkamlash boʻyicha konsepsiyalar, strategiyalar va kompleks chora-tadbirlarning, shuningdek, normativ-huquqiy hujjatlarning bajarilishida ishtirok etadi;

oʻzaro hisob-kitoblar mexanizmini va qarzdorliklarning yuzaga kelish sabablarini chuqur tahlil qilish, koʻrsatilayotgan xizmatlar sifatini yaxshilash va kengaytirish asosida suv isteʼmolchilari va suv isteʼmolchilari uyushmalari oʻrtasidagi oʻzaro iqtisodiy munosabatlarni takomillashtirish boʻyicha kompleks chora-tadbirlarni amalga oshirishda ishtirok etadi;

suv isteʼmolchilari va xizmat koʻrsatuvchi suv isteʼmolchilari uyushmalari oʻrtasida tuzilgan shartnomalarning bajarilishi monitoringini yuritadi;

suv xoʻjaligi sohasidagi kadrlar va mutaxassislar, shu jumladan, suv isteʼmolchilari uyushmalari rahbarlari va mutaxassislarining malakasini oshirishni tashkil qilishga yordam beradi;

suv xoʻjaligi sohasidagi oliy oʻquv muassasalari talabalari va professional taʼlim muassasasi oʻquvchilarining oʻquv-ishlab chiqarish amaliyotini tashkil etishda hamkorlik qiladi.

(16-bandning oʻn beshinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

4-bob. Vazirlik va uning hududiy boʻlinmalarining huquqlari va majburiyatlari

1-§. Vazirlikning huquqlari va majburiyatlari

17. Vazirlik oʻziga yuklangan vazifalar va funksiyalarni bajarish uchun quyidagi huquqlarga ega:

1) Oʻzbekiston Respublikasi Prezidenti Administratsiyasiga va Oʻzbekiston Respublikasi Vazirlar Mahkamasiga normativ-huquqiy hujjatlar loyihalarini, shuningdek, Vazirlikka yuklangan vazifa va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

(17-bandning 1-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

2) Vazirlik vakolatiga kiradigan masalalar boʻyicha davlat va xoʻjalik boshqaruvi organlari hamda joylardagi davlat organlarining faoliyatlarini belgilangan tartibda muvofiqlashtirish;

3) davlat va xoʻjalik boshqaruvi organlari hamda joylardagi davlat organlaridan Vazirlik vakolatiga kiradigan masalalarni hal etish uchun zarur boʻladigan maʼlumotlarni belgilangan tartibda soʻrash va olish;

4) davlat statistika organlaridan Vazirlik vakolatiga kiradigan masalalar boʻyicha zarur statistik maʼlumotlarni toʻlovlarsiz olish;

5) Vazirlik va uning tashkiliy tuzilmasiga kiruvchi muassasalar tasarrufidagi davlat mulkini oʻzining tashkiliy tuzilmasidagi bir boʻlinmadan boshqa bir boʻlinmaga bepul foydalanish huquqi bilan belgilangan tartibda oʻtkazish;

6) Vazirlik va uning idoraviy mansub tashkilotlari xodimlari tomonidan suv xoʻjaligi sohasidagi faoliyati asosiy koʻrsatkichlarining bajarilishini hisobga olgan holda xodimlarni moddiy ragʻbatlantirish tartibi, miqdori va shartlarini belgilash;

7) Oʻzbekiston Respublikasi Vazirlar Mahkamasiga, davlat va xoʻjalik boshqaruvi organlari hamda joylardagi davlat organlariga Vazirlik vakolati doirasiga kiradigan masalalar boʻyicha takliflar kiritish;

8) Vazirlik vakolati doirasiga kiradigan masalalar boʻyicha belgilangan tartibda idoralararo xalqaro shartnomalar tuzish;

9) Vazirlik vakolatiga kiradigan masalalar boʻyicha xalqaro munosabatlarda belgilangan tartibda Oʻzbekiston Respublikasining manfaatlarini ifodalash;

10) Vazirlikka kelishish uchun kiritilgan suv resurslaridan foydalanish toʻgʻrisidagi qarorlar va takliflar loyihalari boʻyicha oʻz xulosalarini berish;

11) suv manbalarining suvlilik darajasi oʻzgargan holatlarda suv olish limitlariga tuzatishlar kiritish;

12) limitdan ortiqcha suv olinganda, suv resurslaridan nooqilona va xoʻjasizlarcha foydalanilgan holatlarda suv berishning toʻxtatilishi toʻgʻrisida qarorlar qabul qilish;

13) suv qonunchiligi, suvdan foydalanish va suv isteʼmoli tartiblari buzilgan holatlarda mansabdor shaxslar va fuqarolarga nisbatan amaldagi qonunchilik doirasida javobgarlik choralarini qoʻllash;

14) suv resurslaridan oqilona va samarali foydalanganlik uchun suvdan foydalanuvchilar va suv isteʼmolchilarini iqtisodiy ragʻbatlantirishni tashkil etish;

15) yuklangan vazifalar doirasida bevosita yoki Vazirlikning idoraviy mansub boʻlinmalari orqali xorijiy soha tashkilotlari hamda ilmiy va taʼlim muassasalari bilan hamkorlik qilish;

16) suv xoʻjaligi sohasidagi kadrlar va mutaxassislarning, shu jumladan, suv xoʻjaligi tashkilotlari rahbar xodimlari va mutaxassislarining malakasini oshirish boʻyicha idoraviy ilmiy va oʻquv kurslarini respublikaning ixtisoslashtirilgan suv xoʻjaligi tashkilotlari, taʼlim va ilmiy muassasalari, professional taʼlim muassasasida, shuningdek, xorijda belgilangan tartibda tashkil etish;

(17-bandning oʻn oltinchi kichik bandida Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

17) suv xoʻjaligi sohasidagi joriy va strategik vazifalarni yoritish uchun belgilangan tartibda noshirlik faoliyatini amalga oshirish;

18) binolarga xizmat koʻrsatish, xoʻjalik inventarlari va ashyolarini, avtotransport, aloqa vositalari, hisoblash, kompyuter va ofis jihozlarini saqlash va ishlatish, dasturiy taʼminotni sotib olish uchun belgilangan tartibda shartnomalar tuzish;

19) Vazirlik vakolatiga kiradigan masalalarni yechishga ilmiy muassasalar, olimlar va mutaxassislarni, shu jumladan, xorijiy mutaxassislarni shartnoma asosida jalb qilish;

20) Vazirlik va uning tizimiga kiradigan tashkilotlarning moddiy-texnik bazasini mustahkamlash boʻyicha choralar koʻrish;

21) amaldagi qonunchilikka muvofiq, Vazirlikning ijtimoiy infratuzilmasini tuzish va uni rivojlantirish, Vazirlik tizimidagi tashkilotlar xodimlarining mehnatini ragʻbatlantirishning yagona tizimini shakllantirish;

22) Vazirlik mukofotlari, koʻkrak nishonlari va faxriy yorliqlarini belgilangan tartibda taʼsis etish va suv xoʻjaligi sohasidagi ilgʻor xodimlarni ular bilan taqdirlash;

23) suv xoʻjaligi sohasida munosib fidokorlik va mehnatsevarlik koʻrsatgan, oʻzining kasbiy faoliyatida yuksak natijalarga erishgan xodimlar nomzodlarini belgilangan tartibda davlat mukofotlariga taqdim etish.

Vazirlik qonun hujjatlariga koʻra boshqa huquqlarga ham ega boʻlishi mumkin.

18. Vazirlik:

1) Vazirlikka yuklangan vazifa va funksiyalarning samarali bajarilishi hamda suv xoʻjaligi sohasida samarali davlat siyosati amalga oshirilishi;

2) Vazirlik faoliyati bilan bogʻliq prognoz koʻrsatkichlarga erishishning soʻzsiz taʼminlanishi;

3) Vazirlik tomonidan Oʻzbekiston Respublikasi Prezidenti Administratsiyasiga va Oʻzbekiston Respublikasi Vazirlar Mahkamasiga kiritiladigan normativ-huquqiy va boshqa hujjatlar loyihalarining hamda qabul qilinadigan qarorlarning bajarilish sifati, yakuniy natijalari va oqibatlari;

(18-bandning 3-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

4) suv xoʻjaligini rivojlantirish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni amalga oshirish, shuningdek, suv xoʻjaligi sohasida hududlarni ijtimoiy-iqtisodiy rivojlantirish va muammolarning yechilishi uchun masʼuldir.

2-§. Vazirlik markaziy apparatining huquqlari va majburiyatlari

19. Vazirlikning markaziy apparati oʻziga yuklangan vazifalar va funksiyalarni bajarish uchun quyidagi huquqlarga ega:

1) Vazirlik oʻzining hududiy boʻlinmalari va idoraviy mansub tashkilotlaridan Vazirlikning markaziy apparatida koʻrib chiqiladigan masalalar hamda normativ-huquqiy va boshqa hujjatlar loyihalarini ishlab chiqish va tahlil qilish uchun zarur boʻladigan materiallar va maʼlumotlarni talab qilish va olish;

2) Vazirlikda koʻrib chiqiladigan masalalarni aniqlashtirish, axborot va tahliliy materiallarni, shuningdek, normativ-huquqiy va boshqa hujjatlar loyihalarini tayyorlash uchun Vazirlikning hududiy boʻlinmalari va idoraviy mansub tashkilotlari rahbarlari va vakillarini zarur hollarda belgilangan tartibda jalb qilish, ushbu maqsadlar uchun ekspert va ishchi guruhlar tuzish;

3) Vazirlikning hududiy boʻlinmalari va idoraviy mansub tashkilotlaridan ular tomonidan kiritilgan normativ-huquqiy va boshqa hujjatlar loyihalarining qayta tayyorlanishini talab qilish, zarur hollarda hujjatlarni qaytadan ishlab chiqishga qaytarish;

4) Vazirlikning hududiy boʻlinmalari va idoraviy mansub tashkilotlari rahbarlari va vakillari ishtirokida yigʻilishlar oʻtkazish;

5) Vazirlikka yuklangan vazifa va funksiyalarni bajarish bilan bogʻliq va tezkor yechish talab etiladigan masalalar boʻyicha Vazirlikning hududiy boʻlinmalari va idoraviy mansub tashkilotlari rahbarlariga belgilangan tartibda topshiriqlar berish;

6) Vazirlikning hududiy boʻlinmalari va idoraviy mansub tashkilotlari faoliyatini va ular tomonidan amaldagi qonunlar va boshqa normativ-huquqiy hujjatlar talablari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari hamda Vazirlik va uning rahbariyati qaror va topshiriqlarining bajarilishini belgilangan tartibda oʻrganish va tekshirish.

Vazirlikning markaziy apparati qonun hujjatlariga koʻra boshqa huquqlarga ham ega boʻlishi mumkin.

20. Vazirlikning markaziy apparati:

1) Vazirlikning tarkibiy va hududiy boʻlinmalari hamda idoraviy mansub tashkilotlari bilan birgalikda Vazirlikka yuklangan vazifa va funksiyalarning sifatli va oʻz vaqtida bajarilishini taʼminlash;

2) Vazirlik faoliyati bilan bogʻliq prognoz koʻrsatkichlarga erishishni taʼminlash uchun Vazirlik markaziy apparati boʻlinmalarining faoliyatini tashkil etish;

3) Vazirlik tomonidan Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasiga koʻrib chiqish uchun kiritiladigan normativ-huquqiy va boshqa hujjatlar loyihalarining sifati va ekspertizadan oʻtkazilganligi hamda Vazirlik tomonidan qabul qilinayotgan qarorlar;

(20-bandning 3-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

4) hududiy boʻlinmalar va idoraviy mansub tashkilotlar tomonidan oʻzining faoliyati sohasini rivojlantirish boʻyicha davlat dasturlari, ish va chora-tadbirlar rejalari, “yoʻl xaritalari” va boshqa dasturiy hujjatlarning amalga oshirilishini tashkil uchun masʼuldir.

3-§. Qoraqalpogʻiston Respublikasi Suv xoʻjaligi vazirligi va Vazirlik irrigatsiya tizimlari havza boshqarmalarining huquqlari va majburiyatlari

21. Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari oʻzlariga yuklangan vazifa va funksiyalarni bajarish uchun quyidagi huquqlarga ega:

1) oʻz vakolatiga kiruvchi masalalarni yechish uchun zarur boʻladigan maʼlumotlarni hududiy boʻlinmalaridan, davlat va xoʻjalik boshqaruvi organlari va mahalliy davlat hokimiyati organlaridan belgilangan tartibda soʻrash va olish;

2) oʻz vakolatlari doirasiga kiradigan sohadagi muhim muammolarning yechimlari boʻyicha takliflar tayyorlash va ularni koʻrib chiqish uchun idoralararo hududiy komissiyalar va kengashlar tashkil qilish;

3) oʻz vakolatlari doirasidagi masalalar boʻyicha davlat va xoʻjalik boshqaruvi, mahalliy davlat hokimiyati organlariga koʻrib chiqish uchun takliflar kiritish;

4) suv resurslaridan foydalanish toʻgʻrisida maʼqullash uchun taqdim qilinayotgan qarorlar loyihalari boʻyicha xulosalar berish;

5) suv qonunchiligini buzganligi uchun aybdor shaxslarni javobgarlikka tortish boʻyicha takliflar kiritish.

Qoraqalpogʻiston Respublikasi Suv xoʻjaligi vazirligining boʻlinmalari va irrigatsiya tizimlari havza boshqarmalari qonun hujjatlarida koʻzda tutilgan boshqa huquqlarga ham ega boʻlishi mumkin.

22. Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari:

1) Vazirlikning hududiy boʻlinmalari bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

2) Vazirlik hududiy boʻlinmalarining faoliyati bilan bogʻliq boʻlgan prognoz koʻrsatkichlarga erishilishini taʼminlash;

3) Vazirlikka kiritiladigan taklif va hujjatlar loyihalarining sifati;

4) Vazirlik va mahalliy davlat hokimiyati organlariga kiritiladigan hujjat va takliflar loyihalarining hamda Vazirlik hududiy boʻlinmalari tomonidan qabul qilinayotgan qarorlarning bajarilish sifati, yakuniy natijalari va oqibatlari;

5) tumanlarda (Quvasoy sh.) aniqlangan muammolarni har tomonlama va chuqur tahlil qilish va umumlashtirish asosida Qoraqalpogʻiston Respublikasi va viloyatlarda suv xoʻjaligini rivojlantirish toʻgʻrisida takliflar tayyorlash;

6) Qoraqalpogʻiston Respublikasi va viloyatlarda suv xoʻjaligini rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun masʼuldirlar.

§ 3¹. Magistral kanallar (tizimlar) boshqarmalarining huquq va majburiyatlari

22¹. Magistral kanallar (tizimlar) boshqarmalari oʻzlariga yuklangan vazifa va funksiyalarni bajarish uchun quyidagi huquqlarga ega:

1) oʻz vakolatiga kiruvchi masalalarni hal etish uchun zarur boʻlgan materiallarni tashkilotlardan belgilangan tartibda soʻrab olish;

2) suvdan foydalanish masalalari boʻyicha kelishish uchun taqdim etiladigan qarorlar loyihalari yuzasidan xulosalar berish;

3) boshqa irrigatsiya tizimlari va gidromeliorativ tarmoqlarda tozalash va taʼmirlash ishlarini shartnomalar boʻyicha bajarish;

4) magistral kanal va undagi gidrotexnika inshootlarini ishlatish qoidalari hamda suvdan foydalanish va suv isteʼmoli tartibi buzilganligi uchun aybdor shaxslarni belgilangan tartibda javobgarlikka tortish boʻyicha taqdimnoma kiritish;

5) umumiy suv xoʻjaligi ahvolini hisobga olgan holda suvdan foydalanish rejalariga tuzatishlar kiritish boʻyicha irrigatsiya tizimlari havza boshqarmalariga takliflar kiritish;

6) favqulodda holatlarda magistral kanal boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarni oldini olish va roʻy bergan hodisalarni bartaraf etish uchun jalb qilish;

7) qonun hujjatlarida nazarda tutilgan boshqa huquqlarga ega.

22². Magistral kanallar (tizimlar) boshqarmalari:

1) Vazirlikning hududiy boʻlinmalari bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

2) Vazirlik hududiy boʻlinmalarining faoliyati bilan bogʻliq boʻlgan prognoz koʻrsatkichlarga erishilishini taʼminlash;

3) Vazirlikka kiritiladigan taklif va hujjatlar loyihalarining sifati;

5) aniqlangan muammolarni har tomonlama va chuqur tahlil qilish va umumlashtirish asosida takliflar tayyorlash;

6) suv xoʻjaligini rivojlantirish va muammoli masalalarni hal etish boʻyicha hududiy dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali bajarilishi uchun masʼuldirlar.

§ 3². Irrigatsiya tizimi boshqarmalarining huquq va majburiyatlari

22³. Irrigatsiya tizimi boshqarmalari oʻzlariga yuklangan vazifa va funksiyalarni bajarish uchun quyidagi huquqlarga ega:

1) oʻz vakolatiga kiradigan masalalarni hal etish uchun zarur boʻladigan maʼlumotlarni davlat va xoʻjalik boshqaruvi organlarining tumanlar (shaharlar) boʻlinmalaridan, mahalliy davlat hokimiyati organlaridan belgilangan tartibda soʻrash va olish;

2) oʻz vakolatlariga kiradigan masalalar boʻyicha Vazirlikning hududiy boʻlinmalariga va mahalliy hokimiyat organlariga koʻrib chiqish uchun takliflar kiritish;

3) suv resurslaridan foydalanish toʻgʻrisida kelishish uchun taqdim qilinadigan qarorlar loyihalari boʻyicha xulosalar berish;

4) suv qonunchiligini buzganligi uchun aybdor shaxslarni javobgarlikka tortish boʻyicha takliflar kiritish;

5) xoʻjalik sudlariga suv xoʻjaligi tashkilotlarining manfaatlarini himoya qiluvchi daʼvo arizalarini berish;

6) favqulodda holatlarda irrigatsiya tizimi boshqarmasining xizmat koʻrsatish hududida joylashgan barcha irrigatsiya tizimlari boshqarmalari, suvdan foydalanuvchilar hamda boshqa tashkilotlarni kutilayotgan salbiy holatlarni oldini olish va roʻy bergan hodisalarni bartaraf etish uchun jalb qilish;

Irrigatsiya tizimi boshqarmalari qonun hujjatlarida koʻzda tutilgan boshqa huquqlarga ham ega boʻlishlari mumkin.

22⁴. Irrigatsiya tizimi boshqarmalari:

1) Vazirlikning hududiy boʻlinmalari bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

2) Vazirlik hududiy boʻlinmalarining faoliyati bilan bogʻliq boʻlgan prognoz koʻrsatkichlarga erishilishini taʼminlash;

3) Vazirlikka kiritiladigan taklif va hujjatlar loyihalarining sifati;

5) aniqlangan muammolarni har tomonlama va chuqur tahlil qilish va umumlashtirish asosida suv xoʻjaligini rivojlantirish toʻgʻrisida takliflar tayyorlash;

(3¹ va 3²-paragraflar Oʻzbekiston Respublikasi Vazirlar Mahkamasining 2019-yil 12-martdagi 215-sonli qaroriga asosan kiritilgan — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

4-§. Tumanlar irrigatsiya boʻlimlarining huquqlari va majburiyatlari

23. Tumanlar irrigatsiya boʻlimlari oʻzlariga yuklangan vazifa va funksiyalarni bajarish uchun quyidagi huquqlarga ega:

1) oʻz vakolatiga kiradigan masalalarni yechish uchun zarur boʻladigan maʼlumotlarni davlat va xoʻjalik boshqaruvi organlarining tumanlar (shaharlar) boʻlinmalaridan, mahalliy davlat hokimiyati organlaridan belgilangan tartibda soʻrash va olish;

2) oʻz vakolatlariga kiradigan masalalar boʻyicha Vazirlikning hududiy boʻlinmalari va mahalliy hokimiyat organlariga koʻrib chiqish uchun takliflar kiritish;

3) suv resurslaridan foydalanish toʻgʻrisida maʼqullash uchun taqdim qilinayotgan qarorlar loyihalari boʻyicha xulosalar berish;

4) suv qonunchiligini buzganligi uchun aybdor shaxslarni javobgarlikka tortish boʻyicha takliflar kiritish;

5) iqtisodiy sudlarga suv xoʻjaligi tashkilotlarining manfaatlarini himoya qiluvchi daʼvo arizalarini berish.

Tumanlar irrigatsiya boʻlimlari qonun hujjatlarida koʻzda tutilgan boshqa huquqlarga ham ega boʻlishlari mumkin.

24. Tumanlar irrigatsiya boʻlimlari:

1) oʻzlariga yuklangan vazifa va funksiyalarning oʻz vaqtida va sifatli bajarilishini taʼminlash;

2) mahalliy davlat hokimiyati organlariga va Vazirlikning Qoraqalpogʻiston Respublikasi va viloyatlardagi hududiy boʻlinmalariga kiritiladigan hujjat va takliflar loyihalarining hamda tumanlar irrigatsiya boʻlimlari tomonidan qabul qilinadigan qarorlarning bajarilish sifati, yakuniy natijalari va oqibatlari;

3) suv xoʻjaligi tashkilotlari manfaatlariga daxldor boʻlgan dolzarb muammolarni hamda tumanlarning (Quvasoy sh.) infratuzilmasini rivojlantirishga toʻsqinlik qiladigan tizimli kamchiliklarni aniqlash, tumanlar (Quvasoy sh.) suv xoʻjaligi infratuzilmasini rivojlantirish dasturiga kiritish uchun takliflar tayyorlash va kiritish;

4) tumanlarda (Quvasoy sh.) suv xoʻjaligini rivojlantirish va muammoli masalalarni yechish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish uchun masʼuldirlar.

Tumanlar irrigatsiya boʻlimlari zimmasida qonun hujjatlariga muvofiq boshqa majburiyatlar ham boʻlishi mumkin.

5-bob. Vazirlik rahbariyatining asosiy funksional majburiyatlari

25. Oʻzbekiston Respublikasi Suv xoʻjaligi vazirining asosiy funksional majburiyatlari quyidagilardir:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazirlik faoliyatining umumiy boshqaruvini amalga oshirish, Oʻzbekiston Respublikasi Prezidentining tegishli rasmiy hujjatlari, Vazirlar Mahkamasining qarorlari va boshqa qonun hujjatlariga muvofiq Vazirlikka yuklangan vazifalar va funksiyalarning bajarilishini tashkil etish;

3) Vazirlik faoliyatini yanada takomillashtirish boʻyicha Oʻzbekiston Respublikasi Prezidentining rasmiy hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan konsepsiyalar, kompleks dastur va kompleks chora-tadbirlarning bajarilishini tanqidiy va chuqur tahlil qilib borish;

4) Vazirlik va uning tarkibiy va hududiy boʻlinmalari faoliyatlariga oid prognoz koʻrsatkichlarning soʻzsiz bajarilishini taʼminlash uchun amaliy chora-tadbirlarni ishlab chiqish va amalga oshirish;

5) Oʻzbekiston Respublikasi Prezidenti Administratsiyasiing tegishli tarkibiy boʻlinmalari va Oʻzbekiston Respublikasi Vazirlar Mahkamasi, shuningdek, tegishli vazirliklar va idoralar bilan Vazirlik faoliyati sohasiga kiradigan masalalar boʻyicha oʻzaro hamkorlik qilish, Oʻzbekiston Respublikasi Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

(25-bandning 5-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

6) Oʻzbekiston Respublikasi Prezidenti, Oʻzbekiston Respublikasi Bosh vaziri, uning maslahatchilari va oʻrinbosarlari topshiriqlarini oʻz vaqtida va sifatli bajarish;

(25-bandning 6-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

7) oʻz oʻrinbosarlarining vakolatlarini belgilash, ular oʻrtasida vazifalarni taqsimlash, Vazirlikning boshqa mansabdor shaxslari vakolatlarini belgilash, oʻrinbosarlari va mansabdor shaxslarning Vazirlik faoliyatining alohida qismlariga rahbarlik qilishi uchun ularning shaxsiy masʼuliyati darajalarini belgilash;

8) Vazirlik faoliyatini rejalashtirishni tashkil etish, Vazirlik va oʻz oʻrinbosarlarining davriy ish rejalarini tasdiqlash, ularning bajarilishi nazorat qilinishini taʼminlash;

9) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining rasmiy hujjat va topshiriqlarining bajarilishini tashkil qilish va monitoringini yuritishning amaliy tizimini yaratish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidentining maslahatchilarining, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajadagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori, Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qarori va boshqa qonun hujjatlariga asosan, vazirlik faoliyatida ijro intizomini mustahkamlash uchun kompleks amaliy choralarni amalga oshirish, tarkibiy va hududiy boʻlinmalar hamda idoraviy mansub tashkilotlar rahbarlarining topshiriqlari oʻz vaqtida va sifatli bajarilishini taʼminlash uchun shaxsiy masʼuliyatini oshirish boʻyicha choralar koʻrish;

(25-bandning 9-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

10) Vazirlik xodimlarini muntazam qayta tayyorlash va ularning malakasini oshirishni tashkil etish;

11) Vazirlik tizimida kadrlarni tanlash va joy-joyiga qoʻyish, ularning mutaxassisligiga talablarni belgilash va samarali faoliyat yuritishlari uchun zarur sharoitlar yaratish, Vazirlikning kadrlar zaxirasini shakllantirish;

12) Oʻzbekiston Respublikasi Prezidenti, Oʻzbekiston Respublikasi Prezidentining Administratsiyasi va Oʻzbekiston Respublikasi Vazirlar Mahkamasi nomenklaturasiga kiruvchi lavozimlarning boʻsh oʻrinlariga tavsiya qilingan xodimlarning, shuningdek, Vazirlikka ishga qabul qilinayotgan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-maʼnaviy fazilatlarini taʼminlashga qaratilgan choralar koʻrish;

(25-bandning 12-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

13) suv xoʻjaligi masalalari boʻyicha normativ-huquqiy hujjatlar loyihalarini sifatli ishlab chiqishni, Oʻzbekiston Respublikasining “Normativ-huquqiy hujjatlar toʻgʻrisida”gi va “Qonun loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari, Oʻzbekiston Respublikasi Prezidenti Administratsiyasining Reglamenti, Vazirlar Mahkamasining Reglamenti talablariga qatʼiy rioya qilgan holda oʻz vaqtida Oʻzbekiston Respublikasi Vazirlar Mahkamasiga kiritilishini tashkil etish, ularni Oʻzbekiston Respublikasi Vazirlar Mahkamasining ijro etuvchi apparatida ishlab chiqilishida, Oʻzbekiston Respublikasi Vazirlar Mahkamasining rahbariyati huzurida himoya qilinishida va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

(25-bandning 13-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

14) Vazirlikning qonun loyihalariga doir faoliyatini Oʻzbekiston Respublikasining “Normativ-huquqiy hujjatlar toʻgʻrisida”gi va “Qonun loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida” gi qonunlari va Oʻzbekiston Respublikasi Vazirlar Mahkamasining 2016-yil 17-oktabrdagi 345-son qarori bilan tasdiqlangan “Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamenti”ga muvofiq tashkil etish;

15) Vazirlik faoliyatiga kiradigan masalalar boʻyicha normativ-huquqiy hujjatlarni qabul qilish, zarur boʻlgan hollarda boshqa vazirlik va idoralar bilan birgalikda tegishli qarorlar qabul qilish;

16) Vazirlikka kiritilgan takliflar va normativ-huquqiy hujjatlar loyihalarining toʻliq va batafsil koʻrib chiqilishini, Oʻzbekiston Respublikasi Prezidenti Administratsiyasining Reglamentida va Oʻzbekiston Respublikasi Vazirlar Mahkamasining Reglamentida belgilangan muddatlarda kelishilishini(viza qoʻyilishini) taʼminlash;

(25-bandning 16-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

17) Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlari samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarini asoslangan, samarali va natijali boʻlishini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

18) Vazir oʻrinbosarlari, tarkibiy va hududiy boʻlinmalarning rahbarlari faoliyatining samarali va natijaliligini muntazam ravishda tanqidiy tahlil qilish, ularning shaxsiy hisobotlarini Vazirlikning hayʼat majlislarida eshitish, yakuniy natijalar boʻyicha zarur choralar koʻrish;

19) Vazirlik xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

20) Vazirlik xodimlari tomonidan Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash toʻgʻrisida” 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari talablariga rioya etilishini taʼminlashni nazorat qilish;

21) Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq, Vazirlik tizimida korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

22) Vazirlik, uning tarkibiy va hududiy boʻlinmalari hamda idoraviy mansub tashkilotlari faoliyatlarining zamonaviy shakllarda tashkil etilishini taʼminlash;

23) jismoniy va yuridik shaxslarning murojaatlarini koʻrib chiqish boʻyicha ishlarni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Oʻzbekiston Respublikasi Vazirlar Mahkamasining 2018-yil 7-maydagi 341-son qarori bilan tasdiqlangan davlat organlarida, Davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishning muntazam ravishda oʻtkazilishini, shu jumladan, jismoniy va yuridik shaxslarning vakillarini joylarga borib qabul qilishning belgilangan muddatda va tartibda amalga oshirilishini taʼminlash;

(25-bandning 23-kichik bandi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

24) Oʻzbekiston Respublikasi Prezidentining Xalq qabulxonalari bilan samarali hamkorlikni yoʻlga qoʻyish, Oʻzbekiston Respublikasi Prezidentining Xalq qabulxonalari va Virtual qabulxonasi, Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalariga jismoniy va yuridik shaxslardan kelib tushgan arizalarning oʻz vaqtida va toʻliq koʻrib chiqilishida Vazirlik rahbarlari va xodimlarining faol ishtirokini taʼminlash;

(25-bandning 24-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

25) davlat sirlari va maxfiy axborotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

26) shtat birliklarining belgilangan soni hamda Oʻzbekiston Respublikasi budjet mablagʻlari hisobidan moliyalashtiriladigan markaziy apparat va idoraviy mansub tashkilotlarning xarajatlar smetasi asosida Vazirlik markaziy apparatining shtat jadvalini tasdiqlash;

27) Vazirlikning hududiy boʻlinmalari nizomlarini va idoraviy mansub tashkilotlarning ustavlarini belgilangan tartibda tasdiqlash;

28) Vazirlik markaziy apparati xodimlari, uning hududiy boʻlinmalari va idoraviy mansub tashkilotlari rahbarlari bilan qonunchilikda belgilangan tartibda mehnat shartnomalarini tuzish va bekor qilish;

29) Vazirlik, uning hududiy boʻlinmalari va idoraviy mansub tashkilotlarning mansabdor shaxslari uchun majburiy boʻlgan buyruq va koʻrsatmalar berish hamda ularning bajarilishini belgilangan tartibda nazorat qilish;

30) zaruriyat boʻlganda, Vazirlik organlari va tashkilotlarining tashkiliy-shtat tuzilmalariga belgilangan miqdor doirasida oʻzgartirishlar kiritish;

31) suv xoʻjaligi sohasida yagona davlat siyosatining amalga oshirilishini taʼminlash, tegishli vazirlik, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

32) suv xoʻjaligi sohasida kadrlarni tayyorlash, suv xoʻjaligi xodimlarini qayta tayyorlash va ularning malakasini oshirishni tashkil etish boʻyicha choralar koʻrish;

33) suv xoʻjaligi xodimlari va mutaxassislarini ularning uzoq va samarali faoliyat koʻrsatganligi, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish.

Qonun hujjatlariga koʻra Vazirga boshqa funksional majburiyatlar ham yuklanishi mumkin.

26. Vazir birinchi oʻrinbosarining asosiy funksional majburiyatlari quyidagilardan iborat:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazir vaqtinchalik boʻlmagan hollarda tegishli buyruq asosida Vazir vazifasini bajarish;

3) Vazirlikning oʻzi boshqaradigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ular xodimlari oʻrtasida vazifalarni taqsimlash;

4) davlat boshqaruvi organlarining faoliyatini yanada takomillashtirish boʻyicha Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan konsepsiya, kompleks dastur va kompleks chora-tadbirlarni davlat boshqaruv organining oʻzi boshqaradigan yoʻnalishlari boʻyicha amalga oshirilishini tanqidiy va chuqur tahlil qilib borish;

5) oʻzi boshqaradigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

6) oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qaror va topshiriqlari bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ 2881-son qaroriga, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora tadbirlari toʻgʻrisida” 1999-yil 12-yanvardagi 12-son qaroriga asosan, Vazirlikning oʻzi boshqaradigan tarkibiy boʻlinmalari faoliyatida ijro intizomini mustahkamlash uchun kompleks amaliy choralarni amalga oshirish, tarkibiy boʻlinmalar rahbarlarining topshiriqlarning oʻz vaqtida va sifatli bajarilishini taʼminlashi uchun shaxsiy masʼuliyatini oshirish boʻyicha choralar koʻrish;

(26-bandning 7-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

8) Vazirlik hayʼati qarorlari, Vazirning buyruq va topshiriqlari oʻz vaqtida va sifatli bajarilishini taʼminlash;

9) oʻzi boshqaradigan tarkibiy boʻlinmalarda xodimlarni tanlash va joy-joyiga qoʻyish boʻyicha Vazirga takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash, xodimlarning kasbiy malakasini oshirish, oʻzi boshqaradigan tarkibiy boʻlinmalarda xodimlar zaxirasini shakllantirish choralarini koʻrish;

10) oʻzi boshqaradigan tarkibiy boʻlinmalar tomonidan normativ-huquqiy hujjatlar loyihalarining toʻliq va sifatli ishlab chiqilishini tashkil etish, ularni Vazirning koʻrib chiqishi va viza qoʻyishi uchun batafsil koʻrib chiqish va viza qoʻyish, ularni Oʻzbekiston Respublikasi Prezidenti Administratsiyasining Reglamenti va Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda oʻz vaqtida Oʻzbekiston Respublikasi Vazirlar Mahkamasiga kiritilishini taʼminlash, shuningdek, normativ-huquqiy hujjatlar loyihalarining Oʻzbekiston Respublikasi Vazirlar Mahkamasining ijro etuvchi apparatida koʻrib chiqilishida Vazirning topshirigʻiga asosan ishtirok etish;

(26-bandning 10-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

11) xizmat safarlariga borishni Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlarini samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratilgan mablagʻlardan maqsadli va oqilona foydalanilishini taʼminlash;

12) oʻzi boshqaradigan tarkibiy boʻlinmalar rahbarlari va xodimlarining faoliyatining samarali va natijaliligini muntazam ravishda tanqidiy tahlil qilib borish, Vazirlik hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

13) oʻzi boshqaradigan tarkibiy boʻlinmalar faoliyatiga taalluqli masalalar boʻyicha Vazirlik faoliyatini takomillashtirish boʻyicha amaliy choralar koʻrish, qonun hujjatlarini takomillashtirish boʻyicha takliflar ishlab chiqish va ularni Vazirga taqdim etish;

14) oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

15) Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari talablariga rioya qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

16) Vazirlik tizimida Oʻzbekiston Respublikasining “Korrupsiyaga qarshi kurash toʻgʻrisida”gi Qonunini talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shartlarni aniqlash hamda tahlil qilish, huquqni muhofaza qilish amaliyoti va qonun hujjatlarini takomillashtirish yoʻli bilan ularga qarshi kurashish chora-tadbirlarini ishlab chiqish va amalga oshirish;

17) davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Vazirga takliflar kiritish;

18) davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilikda belgilangan talablarga rioya qilish;

19) suv xoʻjaligi sohasida vazirliklar, idoralar, mahalliy ijro etuvchi hokimiyat organlari va boshqa tashkilotlar faoliyatini muvofiqlashtirishda ishtirok etish;

20) suv xoʻjaligi obyektlarini qurish, rekonstruksiya va modernizatsiya qilish boʻyicha ustuvor va istiqbolli loyihalar va dasturlarning ishlab chiqilishi va amalga oshirilishini taʼminlash;

21) suv xoʻjaligi obyektlarida pudrat ishlarini tashkil etish va monitoring qilish, Vazirlikning qurilish va pudrat tashkilotlari faoliyatini muvofiqlashtirish;

22) suv xoʻjaligida sanoatni rivojlantirish boʻyicha choralar koʻrish;

23) sugʻoriladigan yerlarning meliorativ holatini yaxshilash, yer osti suvlarining maqbul sathlarini taʼminlash va sugʻoriladigan yerlarning shoʻrlanishini kamaytirish boʻyicha dasturlar ishlab chiqish va amalga oshirishni taʼminlash, yerlarning meliorativ holatini yaxshilash va barqarorligini taʼminlash boʻyicha choralar koʻrish;

24) loyihalarni amalga oshirishning tizimli monitoringini tashkil etish va ishlab chiqarish korxonalarining oʻz vaqtida ishga tushirilishini taʼminlash;

25) suv xoʻjaligi obyektlarini qurish, rekonstruksiya va modernizatsiya qilishga zamonaviy texnologiyalarni joriy etish boʻyicha kompleks chora-tadbirlar amalga oshirilishini tashkil etish;

26) suv xoʻjaligini mexanizatsiyalash, Vazirlikning suv xoʻjaligi va pudrat tashkilotlarining meliorativ mashinalar va mexanizmlar parkini yangilash boʻyicha amaliy choralar koʻrish;

27) Vazirlik tuzilmasiga kiradigan loyiha tashkilotlari faoliyatini muvofiqlashtirish, loyiha ishlari sifatini oshirish boʻyicha choralar koʻrish;

28) suv xoʻjaligi sohasida iqtisodiy islohotlarni chuqurlashtirish dasturlarini ishlab chiqishda ishtirok etish, xalqaro va xorijiy moliya institutlari bilan hamkorlikda loyihalarni tayyorlash va amalga oshirishda ishtirok etish, ularni modernizatsiyalash, rekonstruksiya qilish va texnik qayta jihozlash maqsadida investitsiya dasturlariga kiritish uchun suv xoʻjaligini istiqbolli rivojlantirish dasturlarini koʻrib chiqish, ularni shakllantirishga va monitoringini yuritishni taʼminlashga rahbarlik qilish;

29) investitsiyalarni jalb qilish maqsadida suv xoʻjaligi va melioratsiya sohasida davlatlararo masalalarni muhokama qilish va hal etishda qatnashish.

27. Vazir oʻrinbosarlarining asosiy funksional majburiyatlari quyidagilardan iborat:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazir vaqtinchalik boʻlmagan hollarda tegishli buyruq asosida Vazir vazifasini bajarish;

3) Vazirlikning oʻzlari boshqaradigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ular xodimlari oʻrtasida vazifalarni taqsimlash;

4) Vazirlik faoliyatini yanada takomillashtirish boʻyicha Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan konsepsiya, kompleks dastur va kompleks chora-tadbirlarning Vazirlik boshqaradigan yoʻnalishlari boʻyicha amalga oshirilishini tanqidiy va chuqur tahlil qilib borish;

5) oʻzi boshqaradigan tarkibiy boʻlinmalar tomonidan prognoz koʻrsatkichlarga soʻzsiz erishilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

6) oʻzi boshqaradigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qaror va topshiriqlarini bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora tadbirlari toʻgʻrisida” 1999-yil 12-yanvardagi 12-son qaroriga asosan, Vazirlikning oʻzi boshqaradigan tarkibiy boʻlinmalari faoliyatida ijro intizomini mustahkamlash uchun kompleks amaliy choralarni amalga oshirish, tarkibiy boʻlinmalar rahbarlarining topshiriqlari oʻz vaqtida va sifatli bajarilishini taʼminlashi uchun shaxsiy masʼuliyatini oshirish boʻyicha choralar koʻrish;

(27-bandning 7-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

8) Vazirlik hayʼati qarorlari, Vazirning buyruq va topshiriqlari oʻz vaqtida va sifatli bajarilishini taʼminlash;

(27-bandning 10-kichik bandi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

11) Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

12) xizmat safarlariga borishni Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlarini samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda tashkil etish, xizmat safarlarining asoslangan, samarali va natijali boʻlishini, xizmat safari uchun ajratilgan mablagʻlardan maqsadli va oqilona foydalanilishini taʼminlash;

13) oʻzi boshqaradigan tarkibiy boʻlinmalar rahbarlari va xodimlarining faoliyatining samarali va natijaliligini muntazam ravishda tanqidiy tahlil qilib borish, Vazirlik hayʼati majlislarida ularning shaxsiy hisobotlarini eshitish, natijalari asosida zarur choralar koʻrish;

Oldingi tahrirga qarang.

(27-bandning 14-kichik bandi Oʻzbekiston Respublikasi Vazirlar Mahkamasining 2019-yil 12-martdagi 215-sonli qaroriga asosan chiqarilgan — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

15) oʻzi boshqaradigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Vazirga takliflar kiritish, ularning funksional majburiyatlar va yuklangan vazifalarni bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

16) Vazirlik xodimlarining odob-axloq Qoidalari talablariga rioya qilish, oʻzi boshqaradigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

17) Vazirlik tizimida Oʻzbekiston Respublikasining “Korrupsiyaga qarshi kurash toʻgʻrisida”gi Qonunini talablariga muvofiq korrupsiya va boshqa jinoyatlarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shartlarni aniqlash hamda tahlil qilish, huquqni muhofaza qilish amaliyoti va qonun hujjatlarini takomillashtirish yoʻli bilan ularga qarshi kurash chora-tadbirlarini ishlab chiqish va amalga oshirish;

18) davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Vazirga takliflar kiritish;

19) “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunda belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni, shu jumladan, jismoniy va yuridik shaxslarning vakillarini joylarga borib qabul qilishni muntazam ravishda oʻtkazish;

20) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, Oʻzbekiston Respublikasi Prezidentining Xalq qabulxonalari va Virtual qabulxonasi, Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalaridan kelib tushgan jismoniy va yuridik shaxslarning murojaatlari oʻz vaqtida va toʻliq koʻrib chiqilishini taʼminlash;

(27-bandning 20-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

21) davlat sirlari va maxfiy maʼlumotlar toifalariga kiritilgan axborotlar bilan ishlashda qonunchilik talablariga rioya qilish;

22) suv resurslarini havza tamoyili asosida boshqarishni taʼminlash va suvni cheklangan tarzda ishlatish hamda undan foydalanish tartibini amalda roʻyobga chiqarishni, suv resurslari balansini ishlab chiqish, davlat suv kadastri va suv hisobini yuritish, barcha manbalarning suv resurslari boʻyicha yagona maʼlumotlar bazasini yaratish va rivojlantirishni taʼminlash;

23) irrigatsiya va melioratsiya tizimlaridan, boshqa suv xoʻjaligi va gidrotexnika inshootlaridan lozim darajada foydalanilishni, ularning uzluksiz ishlashini va muntazam ravishda modernizatsiya qilinishini taʼminlash, Vazirlik tasarrufida boʻlgan yirik va oʻta muhim suv xoʻjaligi obyektlari xavfsizligini taʼminlash va muhofazasini tashkil etish, ularning texnik jihatdan ishonchliligini oshirish;

24) suvni tejaydigan sugʻorish texnologiyalarini rivojlantirish, shu jumladan, tomchilatib va yomgʻirlatib sugʻorish tizimlari qoʻllanilishi, shuningdek, suvni tejab ishlatishni taqdirlash va ragʻbatlantirish mexanizmlari boʻyicha takliflar ishlab chiqish, suv isteʼmolchilari uyushmalari faoliyatini muvofiqlashtirish, qoʻllab-quvvatlash, ichki xoʻjalik sugʻorish tarmoqlari hamda ularning gidrotexnika inshootlarini ekspluatatsiya qilish va rivojlantirish ishlarini tashkil etish boʻyicha kompleks choralar ishlab chiqish va amalga oshirish;

25) Vazirlikning suv xoʻjaligi foydalanish tashkilotlarini zarur zamonaviy texnikalar bilan taʼminlash, ularning maqsadli va samarali ishlatilishi, suv xoʻjaligi sohasiga zamonaviy, innovatsion hamda resurslarni tejaydigan texnologiyalarni joriy etish, suv resurslarini boshqarish va ulardan foydalanish sohasidagi axborot-kommunikatsiya texnologiyalarini va ilgʻor xorijiy usullarni keng qoʻllash boʻyicha zarur choralar koʻrish;

26) sohaga xalqaro moliya institutlari va xorijiy mamlakatlarning investitsiyalari, grantlari va texnik koʻmak mablagʻlarini jalb qilish, ulardan maqsadli va samarali foydalanish, xalqaro tashkilotlar faoliyatida Vazirlikning faol ishtirokini taʼminlash;

27) kadrlar tayyorlash, qayta tayyorlash va ularning malakasini oshirish, suv xoʻjaligi tashkilotlarining taʼlim va ilmiy muassasalar bilan oʻzaro integratsiyasini kuchaytirish boʻyicha ishlarni tashkil qilish, ilm-fan yutuqlarini amaliyotga tatbiq qilish chora-tadbirlarini koʻrish.

28. Vazirlik markaziy apparati tarkibiy boʻlinmalari rahbarlarining asosiy funksional majburiyatlari quyidagilardan iborat:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) tegishli boʻlinma faoliyatiga umumiy rahbarlik qilish, mazkur boʻlinmaga Oʻzbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonun hujjatlari hamda Vazirlik hujjatlari bilan yuklangan vazifa va funksiyalarning bajarilishini tashkil qilish;

3) hududiy boʻlinmalar faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy chora-tadbirlar ishlab chiqish va amalga oshirish;

4) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlarining bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga va boshqa qonun hujjatlariga muvofiq, tarkibiy boʻlinma xodimlarining ijro intizomini mustahkamlash boʻyicha kompleks amaliy choralar koʻrish hamda topshiriqlarni oʻz vaqtida va sifatli bajarishi uchun ularning shaxsiy masʼuliyatini oshirish boʻyicha choralar koʻrish;

(28-bandning 4-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

5) Vazirlik hayʼati qarorlarini, vazir va uning oʻrinbosarlari buyruq va topshiriqlarining oʻz vaqtida va sifatli ijro etilishini taʼminlash;

6) Vazirlik faoliyati sohasiga kiradigan masalalar boʻyicha mahalliy davlat hokimiyati organlari va hududlarni ijtimoiy-iqtisodiy rivojlantirish sektorlari bilan oʻzaro hamkorlik qilish;

7) tegishli boʻlinmalar mansabdor shaxslarining vakolatlarini belgilash, Vazirlik hududiy boʻlinmasi faoliyatining muayyan yoʻnalishlarini boshqarish uchun ularning shaxsiy javobgarlik darajasini belgilash;

8) hududiy boʻlinma faoliyatini rejalashtirishni tashkil etish, hududiy boʻlinma choraklik ish rejalarini tasdiqlash, ularning bajarilishini nazorat qilish;

9) hududiy boʻlinmada kadrlarni tanlash va joy-joyiga qoʻyish, ularning samarali faoliyat yuritishi uchun zarur shart-sharoitlar yaratish, hududiy boʻlinmaning kadrlar zaxirasini shakllantirish;

10) Vazirlik rahbari nomenklaturasiga kiruvchi lavozimlarning boʻsh oʻrinlariga tavsiya qilingan xodimlarning, shuningdek, hududiy boʻlinmaga ishga qabul qilinadigan boshqa xodimlarning kasbiy mahorati va bilim darajasi, yuqori darajadagi ishchanlik va axloqiy-maʼnaviy fazilatlarining kafolatlanganligini taʼminlash;

11) hududiy boʻlinma xodimlarini ragʻbatlantirish va intizomiy javobgarlikka tortish masalalarini hal etish, oʻzining oʻrinbosarlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning shaxsiy javobgarligini oshirish boʻyicha tizimli choralar koʻrish;

12) hududiy boʻlinma xodimlari tomonidan Oʻzbekiston Respublikasi Suv xoʻjaligi vazirligi xodimlarining odob-axloq qoidalari talablariga rioya etilishini taʼminlash;

13) Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq, hududiy boʻlinmalarda korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shartlarni bartaraf etish;

14) hududiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, majlislarda ularning shaxsiy hisobotlarini eshitish, yakuniy natijalari asosida zarur choralar koʻrish;

15) hududiy boʻlinmalar faoliyatini takomillashtirish masalalariga doir qonun hujjatlarini takomillashtirish, davlat xizmatlari koʻrsatish samarasi va sifatini, ulardan foydalanish imkoniyatini oshirish boʻyicha takliflar tayyorlash, ularni Vazirlik rahbariyatiga koʻrib chiqish uchun taqdim etish;

16) jismoniy va yuridik shaxslarning murojaatlarini koʻrib chiqish, jamoatchilik bilan bevosita va ochiq muloqot oʻrnatish, ularni shaxsan qabul qilishni, shu jumladan, joylarga borib qabul qilishni muntazam ravishda oʻtkazish;

17) Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, Oʻzbekiston Respublikasi Prezidentining Xalq qabulxonalari va Virtual qabulxonasi, Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalaridan kelib tushgan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

(28-bandning 17-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

18) hududiy boʻlinmalar xodimlariga mukofotlar, lavozim maoshiga qoʻshimchalar, moddiy yordam, ragʻbatlantirish toʻlovlarini toʻlash va intizomiy choralar qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

19) davlat sirlari va qonun bilan muhofaza qilinadigan maxfiy axborotlar toifalariga kiritilgan maʼlumotlarning himoyasini taʼminlash.

29. Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari rahbarlarining asosiy funksional majburiyatlari quyidagilardan iborat:

1) Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

2) Vazirlikning hududiy boʻlinmalari faoliyatining umumiy boshqaruvini amalga oshirish, Oʻzbekiston Respublikasi Prezidentining tegishli Farmon va qarorlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari hamda Vazirlikning tegishli hujjatlari bilan mazkur boʻlinmalarga yuklangan vazifalar va funksiyalarning bajarilishini tashkil etish;

3) hududiy boʻlinmalarning faoliyati bilan bogʻliq prognoz koʻrsatkichlarga erishilishini soʻzsiz taʼminlash boʻyicha amaliy chora-tadbirlarni ishlab chiqish va amalga oshirish;

4) Vazirlikning tuman (shahar) boʻlinmalari va hududiy boʻlinmalar tarkibiga kiruvchi tashkilotlar faoliyatini muvofiqlashtirish va nazorat qilish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlarining bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq, Vazirlikning hududiy boʻlinmalari xodimlarining ijro intizomini mustahkamlash boʻyicha kompleks amaliy choralarni amalga oshirish hamda topshiriqlarning oʻz vaqtida va sifatli bajarilishini taʼminlashi uchun ularning shaxsiy masʼuliyatini oshirish boʻyicha choralar koʻrish;

(29-bandning 5-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

6) Vazirlik hayʼatining qarorlari, Vazir, Vazirning birinchi oʻrinbosari va oʻrinbosarlarining buyruq va topshiriqlari, mahalliy davlat boshqaruvi organlarining qaror va farmoyishlari oʻz vaqtida va sifatli ijro etilishini taʼminlash;

7) Vazirlik vakolati va faoliyat doirasiga kiradigan masalalar boʻyicha mahalliy davlat boshqaruvi organlari va kompleks ijtimoiy-iqtisodiy rivojlantirish sektorlari bilan oʻzaro hamkorlik qilish;

8) oʻz oʻrinbosarlari vakolatlarini belgilash, ular oʻrtasida xizmat vazifalarini taqsimlash, hududiy tashkilotlar boshqa mansabdor shaxslarining vakolatlarini belgilash,oʻz oʻrinbosarlari va boshqa mansabdor shaxslarning Vazirlikning hududiy boʻlinmalari va tashkilotlari mansabdor shaxslarining hududiy tashkilotlar faoliyatining ayrim yoʻnalishlari uchun shaxsiy masʼullik darajasini belgilash;

9) Vazirlik hududiy boʻlinmalarining faoliyatini rejalashtirishni tashkil etish, Vazirlikning hududiy boʻlinmalari va oʻz oʻrinbosarlarining choraklik ish rejalarini tasdiqlash, ularning amalga oshirilishi yuzasidan nazoratni taʼminlash;

10) Vazirlik hududiy boʻlinmalariga kadrlarni tanlash va joy-joyiga qoʻyish, ularning samarali faoliyati uchun zarur sharoitlar yaratish, hududiy boʻlinmalarda kadrlar zaxirasini shakllantirish;

11) Vazirlik hududiy boʻlinmalarini Vazirlik nomenklaturasiga kiruvchi lavozimlarining boʻsh oʻrinlariga mahalliy davlat boshqaruvi organlari tomonidan tavsiya qilingan, shuningdek, ishga qabul qilinayotgan boshqa xodimlarning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash;

12) hududiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida takliflar kiritish, ularning xizmat vazifalari va berilgan topshiriqlar bajarilishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

13) hududiy boʻlinmalar xodimlari tomonidan Oʻzbekiston Respublikasi Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash toʻgʻrisida” 2016-yil 2-martdagi 62-son qarori bilan tasdiqlangan davlat boshqaruvi organlari va mahalliy ijro etuvchi hokimiyat organlari xodimlarining odob-axloq Namunaviy qoidalari asosida tasdiqlangan Vazirlik xodimlarining odob-axloq Namunaviy qoidalari talablariga rioya etilishini taʼminlash;

14) Vazirlik hududiy boʻlinmalari miqyosida Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq, korrupsiya va boshqa huquqbuzarliklarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shartlarni aniqlash, tahlil qilish, amaldagi qonunchilikni takomillashtirish uchun takliflar kiritish yoʻli bilan ularni bartaraf qilish va ularga qarshi kurashish chora-tadbirlarini ishlab chiqish va amalga oshirish;

15) hududiy boʻlinmalar prognoz koʻrsatkichlar soʻzsiz bajarilishini muntazam tahlil qilish va Vazirning tegishli oʻrinbosarlariga (shu jumladan, birinchi oʻrinbosarga) hududiy boʻlinmaning belgilangan koʻrsatkichlarga soʻzsiz erishishini taʼminlashga yoʻnaltirilgan qoʻshimcha choralarni qabul qilish boʻyicha takliflar kiritish;

16) hududiy boʻlinmalar xodimlari faoliyatining samaradorligi va natijadorligini muntazam ravishda tanqidiy tahlil qilish, yigʻilishlarda ularning hisobotlarini eshitish, yakunlari boʻyicha zarur choralar koʻrish;

17) hududiy boʻlinmalar faoliyatiga oid masalalar boʻyicha qonunchilikni takomillashtirish, shuningdek, davlat xizmatlari koʻrsatishning samaradorligi, sifati va ulardan foydalanish imkoniyatlarining mavjudligini yaxshilash boʻyicha takliflar ishlab chiqish va ularni Vazirlik rahbariyatiga koʻrib chiqish uchun kiritish;

18) jismoniy va yuridik shaxslarning murojaatlarini koʻrib chiqishni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Oʻzbekiston Respublikasi Vazirlar Mahkamasining 2015-yil 31-martdagi 73-son qarori bilan tasdiqlangan davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga muvofiq olib borish, jamoatchilik bilan bevosita va ochiq muloqot oʻrnatish, ularni shaxsan qabul qilishni muntazam ravishda oʻtkazish, shu jumladan, belgilangan muddatda va tartibda fuqarolar va yuridik shaxslarning vakillarining joylarda qabul qilinishini yoʻlga qoʻyish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish va Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga asosan ularning faoliyatida faol ishtirok etish, Oʻzbekiston Respublikasi Prezidentining Xalq qabulxonalari va Virtual qabulxonasi, Oʻzbekiston Respublikasi Bosh vaziri Tadbirkorlar murojaatlarini koʻrib chiqish qabulxonalariga jismoniy va yuridik shaxslardan kelib tushgan arizalarni oʻz vaqtida va toʻliq koʻrib chiqish;

(29-bandning 19-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

20) hududiy boʻlinmalar xodimlariga mukofotlar, lavozim maoshiga qoʻshimchalar, moddiy yordam, ragʻbatlantirish toʻlovlarini toʻlash va intizomiy choralar qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

21) davlat sirlari va qonun bilan muhofaza qilinadigan maxfiy maʼlumotlar toifalariga kiritilgan maʼlumotlar himoyasini taʼminlash.

30. Tumanlar irrigatsiya boʻlimlari rahbarlarining asosiy funksional majburiyatlari quyidagilardan iborat:

1) tuman irrigatsiya boʻlimiga rahbarlik qilish;

2) funksional vazifalarni xodimlar oʻrtasida va faoliyatning alohida yoʻnalishlari boʻyicha taqsimlash, ularning masʼullik darajasini belgilash;

3) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari va topshiriqlarining bajarilishini taʼminlash, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining maslahatchilari, Vazirlar Mahkamasi va uning komplekslari, davlat va xoʻjalik boshqaruv organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ 2881-son qaroriga, shuningdek, Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga asosan tumanlar irrigatsiya boʻlimlari faoliyatida ijro intizomini mustahkamlash uchun kompleks amaliy choralarni amalga oshirish, tumanlar irrigatsiya boʻlimlari xodimlarining topshiriqlarning oʻz vaqtida va sifatli bajarilishini taʼminlashi uchun shaxsiy masʼuliyatini oshirish boʻyicha choralar koʻrish;

(30-bandning 3-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

4) Vazirlik hayʼati qarorlari, buyruqlari, Vazir va uning oʻrinbosarlarining buyruq va topshiriqlari, Vazirlikning Qoraqalpogʻiston Respublikasi va viloyatlardagi hududiy boʻlinmalarining buyruq va topshiriqlari, mahalliy davlat boshqaruvi organlarining qaror va farmoyishlarini oʻz vaqtida va sifatli ijro etishni taʼminlash;

5) Vazirlik faoliyati doirasiga kiradigan masalalar boʻyicha mahalliy davlat boshqaruvi organlari va kompleks ijtimoiy-iqtisodiy rivojlantirish sektorlari bilan oʻzaro hamkorlikda faoliyat yuritish;

6) Vazirlikning Qoraqalpogʻiston Respublikasi va viloyatlardagi hududiy boʻlimlari rahbarlariga, ularning oʻrinbosarlariga tumanlar irrigatsiya boʻlimlariga kadrlarni tanlash va joylashtirish boʻyicha takliflar kiritish, ularning kasbiy mahorati, bilim darajasi, amaliy tajribasi va yuqori darajadagi ishchanlik va axloqiy-maʼnaviy fazilatlari kafolatlanganligini taʼminlash hamda ularning kasbiy malakasini oshirish boʻyicha choralar koʻrish, tumanlar irrigatsiya boʻlimlarida kadrlar zaxirasini shakllantirish;

7) tumanlar irrigatsiya boʻlimlari xodimlari tomonidan Oʻzbekiston Respublikasi Vazirlar Mahkamasining “Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalarini tasdiqlash toʻgʻrisida” 2016-yil 2-martdagi 62-son qaroriga muvofiq chiqarilgan Vazirlik xodimlarining odob-axloqi namunaviy qoidalari talablariga rioya etilishini taʼminlash;

8) tumanlar irrigatsiya boʻlimlarida Oʻzbekiston Respublikasining “Korrupsiyaga qarshi kurash toʻgʻrisida”gi Qonuni talablariga muvofiq korrupsiya va boshqa qonunbuzarliklarning oldini olish boʻyicha choralar koʻrish, shuningdek, ularning yuzaga kelishiga sharoit yaratuvchi sabab va shartlarni aniqlash, tahlil qilish, amaldagi qonunchilikni takomillashtirish uchun takliflar kiritish yoʻli bilan ularni bartaraf qilish va ularga qarshi kurashish chora-tadbirlarini ishlab chiqish va amalga oshirish;

9) Vazirlikning tumanlar irrigatsiya boʻlimlari xodimlariga mukofotlar, lavozim maoshiga qoʻshimchalar, moddiy yordam, ragʻbatlantirish toʻlovlarini toʻlash va intizomiy choralar qoʻllash, ularni davlat mukofotlari va idoraviy mukofotlar bilan taqdirlash toʻgʻrisida Vazirlikka takliflar kiritish;

10) davlat sirlari va qonun bilan muhofaza qilinadigan maxfiy maʼlumotlar toifalariga kiritilgan maʼlumotlar himoyasini taʼminlash.

6-bob. Vazirlik rahbarlarining masʼuliyati

31. Vazir quyidagilar uchun shaxsan masʼuldir:

1) Vazirlikka yuklangan vazifa va funksiyalarning bajarilishi;

2) mazkur Nizomning 18-bandida nazarda tutilgan Vazirlik masʼul boʻlgan sohalar;

3) mazkur Nizomning 25-bandida koʻrsatilgan funksional majburiyatlarning sifatli bajarilishi.

32. Vazirning birinchi oʻrinbosari va Vazir oʻrinbosarlari quyidagilar uchun shaxsan masʼuldirlar:

1) Vazirlikning oʻzi boshqaradigan tarkibiy boʻlinmalari tomonidan ularga yuklangan vazifa va funksiyalarning bajarilishi;

2) Vazirlik masʼul boʻlgan va mazkur Nizomning 18-bandida koʻrsatilgan oʻzlari boshqaradigan sohalar;

3) mazkur Nizomning 26 va 27-bandlarida koʻrsatilgan oʻz funksional majburiyatlarining sifatli bajarilishi.

33. Vazirlik markaziy apparati tarkibiy boʻlinmalari rahbarlari quyidagilar uchun masʼuldirlar:

1) tegishli tarkibiy boʻlinmaga yuklangan vazifa va funksiyalarning bajarilishi;

2) Vazirlik markaziy apparati masʼul boʻlgan mazkur Nizomning 20-bandida koʻrsatilgan sohalar;

3) mazkur Nizomning 28-bandida koʻrsatilgan oʻzlarining funksional majburiyatlarining sifatli bajarilishi.

34. Qoraqalpogʻiston Respublikasi Suv xoʻjaligi vazirligi va irrigatsiya tizimlari havza boshqarmalari rahbarlari quyidagilar uchun shaxsan masʼuldirlar:

1) hududiy boʻlinmalarga yuklangan vazifa va funksiyalarning bajarilishi;

2) Vazirlikning hududiy boʻlinmalari masʼul boʻlgan mazkur Nizomning 22-bandida koʻrsatilgan sohalar;

3) mazkur Nizomning 29-bandida koʻrsatilgan oʻzlarining funksional majburiyatlarining sifatli bajarilishi.

35. Tumanlar irrigatsiya boʻlimlari rahbarlari quyidagilar uchun shaxsan masʼuldirlar:

1) tuman irrigatsiya boʻlimlariga yuklangan vazifa va funksiyalarning bajarilishi;

2) tumanlar irrigatsiya boʻlimlari masʼul boʻlgan mazkur Nizomning 24-bandida koʻrsatilgan sohalar uchun;

3) mazkur Nizomning 30-bandida koʻrsatilgan oʻzlarining funksional vazifalari sifatli bajarilishi.

7-bob. Vazirlik faoliyatini tashkil etish

1-§. Vazirlik rahbariyati

36. Vazirlikni Oʻzbekiston Respublikasi Oliy Majlisi Qonunchilik palatasi maʼqullaganidan keyin kiritilgan Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan tasdiqlanadigan va lavozimidan ozod qilinadigan Vazir boshqaradi.

(36-band Oʻzbekiston Respublikasi Vazirlar Mahkamasining 2020-yil 16-apreldagi 234-sonli qarori tahririda — Qonun hujjatlari maʼlumotlari milliy bazasi, 17.04.2020-y., 09/20/234/0453-son)

37. Oʻzbekiston Respublikasi Suv xoʻjaligi vaziri oʻz maqomiga koʻra Oʻzbekiston Respublikasi Vazirlar Mahkamasining aʼzosi hisoblanadi.

38. Vazirning uchta oʻrinbosari boʻlib, ularning bittasi vazirning birinchi oʻrinbosari hisoblanadi.

39. Vazirning birinchi oʻrinbosari va boshqa oʻrinbosarlari Oʻzbekiston Respublikasi Prezidenti tomonidan oʻz lavozimlariga tayinlanadilar va lavozimlaridan ozod qilinadilar.

40. Vazir vaqtinchalik boʻlmagan hollarda uning vakolatlarini bajarish Vazir oʻrinbosarlariga majburiyatlarni taqsimlash asosida amalga oshiriladi.

41. Vazirlik markaziy apparati tarkibiy boʻlinmalarining xodimlari tegishli vazir oʻrinbosarining (vazir birinchi oʻrinbosarining) taklifiga koʻra Oʻzbekiston Respublikasi Suv xoʻjaligi vaziri tomonidan lavozimlariga tayinlanadilar va lavozimlaridan ozod qilinadilar.

42. Oʻzbekiston Respublikasi Suv xoʻjaligi vaziri tomonidan quyidagilar lavozimlarga tayinlanadi va lavozimidan ozod qilinadi:

1) Qoraqalpogʻiston Respublikasi Vazirlar Kengashi Raisi va tegishli viloyatlar hokimlari bilan kelishilgan holda — Qoraqalpogʻiston Respublikasi suv xoʻjaligi vaziri, irrigatsiya tizimlari havza boshqarmalari boshliqlari;

2) Qoraqalpogʻiston Respublikasi Vazirlar Kengashi Raisi va tegishli viloyatlar hokimlari takliflariga koʻra — Qoraqalpogʻiston Respublikasi Suv xoʻjaligi vaziri oʻrinbosarlari, irrigatsiya tizimlari havza boshqarmalari boshliqlari oʻrinbosarlari, magistral kanallar (tizimlar) boshqarmalari boshliqlari, irrigatsiya tizimi boshqarmalari boshliqlari, nasos stansiyalari va energetika boshqarmalari boshliqlari, meliorativ ekspeditsiyalar boshliqlari, suv omborlaridan foydalanish boshqarmalari boshliqlari, Qoraqalpogʻiston Respublikasi va viloyatlar “Suvqurilishinvest” DUK direktorlari;

(42-bandning 2-kichik bandi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

3) tegishli mahalliy hokimiyat organlari bilan kelishilgan holda — viloyatlararo hamda yirik va oʻta muhim suv xoʻjaligi tashkilotlari boshliqlari va ularning oʻrinbosarlari;

4) Vazirning tegishli oʻrinbosari taklifiga koʻra — Markaziy dispetcherlik, kommunikatsiya va kadastr xizmati boshligʻi, Axborot-tahlil va resurs markazi boshligʻi, “Suvloyiha” DUK direktori, “Oʻzsuvekspertiza” DUK boshligʻi, Irrigatsiya va suv muammolari ilmiy-tadqiqot instituti direktorini va uning oʻrinbosarini, “Davsuvxoʻjaliknazorat” davlat inspeksiyasi boshligʻi oʻrinbosarini.

(42-bandning 4-kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

43. Tumanlar irrigatsiya boʻlimlari boshliqlari tegishli tumanlar va Quvasoy shahri hokimlari va Vazirlik bilan kelishilgan holda Qoraqalpogʻiston Respublikasi Suv xoʻjaligi vaziri, tegishli irrigatsiya tizimlari havza boshqarmalari boshliqlari tomonidan lavozimga tayinlanadilar va lavozimdan ozod qilinadilar.

44. Vazirlikning idoraviy mansub tashkilotlari Nizomlari belgilangan tartibda Vazirlik tomonidan tasdiqlanadi.

2-§. Vazirlik markaziy apparati tarkibiy boʻlinmalarining Vazirlikning hududiy boʻlinmalari bilan oʻzaro hamkorlik qilish tartibi

45. Vazirlik markaziy apparati tarkibiy boʻlinmalarining uning hududiy boʻlinmalari va idoraviy mansub tashkilotlari bilan hamkorlik qilishini markaziy apparat tarkibiy boʻlinmalari rahbarlari amalga oshiradilar.

46. Vazirlik markaziy apparati tarkibiy boʻlinmalari uning hududiy boʻlinmalari bilan Vazirlik faoliyatining yoʻnalishlari boʻyicha hamkorlik qiladilar:

1) hududiy boʻlinmalarga va idoraviy mansub tashkilotlarga topshiriqlarni yetkazadilar va ularning bajarilishini nazorat qiladilar;

2) tarkibiy boʻlinmalarning faoliyatiga bevosita taalluqli masalalar boʻyicha Vazirlikning hududiy boʻlinmalari va idoraviy mansub tashkilotlariga rasmiy soʻrovnomalar joʻnatadilar va ularning bajarilishi nazorat qiladilar;

3) Vazirlikning hududiy boʻlinmalari va idoraviy mansub tashkilotlarining ish rejalarini tahlil qiladilar, ular faoliyatini rejalashtirishni takomillashtirish choralarini koʻradilar;

4) Vazirlikning hududiy boʻlinmalari va idoraviy mansub tashkilotlari faoliyatini tashkil qilish samaradorligi va natijalari toʻgʻrisidagi statistik va boshqa maʼlumotlarni, hisobot va axborot materiallarini oʻrganishni tashkillashtiradilar;

5) Vazirlikning hududiy boʻlinmalari va idoraviy mansub tashkilotlari amaliy faoliyatini tekshiradilar, oʻrganib chiqadilar va umumlashtiradilar, uni takomillashtirishga qaratilgan chora-tadbirlarni ishlab chiqadilar va amalga oshiradilar;

6) Vazirlikning hududiy boʻlinmalari va idoraviy mansub tashkilotlaridan kelib tushgan takliflarni koʻrib chiqadilar;

7) Vazirlikning hududiy boʻlinmalari va idoraviy mansub tashkilotlarining normativ-huquqiy hujjatlar loyihalarini tayyorlashda qatnashishini uyushtiradilar, qonunchilikni takomillashtirish boʻyicha ulardan kelib tushgan takliflarni koʻrib chiqadilar;

47. Vazirlikning idoraviy mansub tashkilotlari Vazirlikning markaziy apparati tarkibiy boʻlinmalari bilan oʻzaro hamkorlik qiladilar, shu jumladan:

1) Vazirlik rahbariyati topshiriqlarining bajarilishi toʻgʻrisida axborot beradilar;

2) Vazirlik markaziy apparatiga suv xoʻjaligi sohasidagi qonun hujjatlarini bajarish boʻyicha ish faoliyati natijalari toʻgʻrisida maʼlumot taqdim etadilar;

3) ularning faoliyatini tekshirish va oʻrganish davomida aniqlangan ish faoliyatidagi kamchiliklar va qoida buzilishlarini bartaraf etish natijalari toʻgʻrisida axborot beradilar;

4) oʻzining faoliyati natijalari toʻgʻrisida belgilangan tartibda va muddatlarda Vazirlikning markaziy apparatiga hisobot beradilar;

5) Vazirlikning markaziy apparatiga hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni taqdim etadilar;

6) kompleks ijtimoiy-iqtisodiy rivojlantirish sektorlari bilan oʻzaro hamkorlik qilish natijalari toʻgʻrisida axborot beradilar;

7) vakolatli organlar tomonidan oʻzining faoliyatini tekshirish natijalari toʻgʻrisida axborot beradilar.

48. Vazirlik markaziy apparati tarkibiy tuzilmalari va uning hududiy boʻlinmalari va idoraviy mansub tashkilotlarining oʻzaro munosabatlari jarayonida vujudga kelgan kelishmovchiliklar Vazirning topshirigʻiga koʻra, tegishli oʻrinbosarlari tomonidan koʻrib chiqiladi. Agar kelishmovchiliklar koʻrib chiqilgandan soʻng ham bartaraf etilmagan boʻlsa, ular boʻyicha qaror bevosita Vazir tomonidan qabul qilinadi.

3-§. Vazirlikning davlat va xoʻjalik boshqaruvining boshqa organlari, mahalliy davlat hokimiyati organlari va boshqa tashkilotlar bilan oʻzaro hamkorlik qilish tartibi

49. Vazirlik oʻzining vazifa va funksiyalarini bajarishda davlat va xoʻjalik boshqaruvining boshqa organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.

50. Vazirlikning hududiy boʻlinmalari oʻzlarining vakolatlari doirasida davlat va xoʻjalik boshqaruvining boshqa organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladilar.

Vazirlikning hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlantirish sektorlari bilan oʻzaro uzviy hamkorlik qiladilar.

51. Vazirlik Vazirlar Mahkamasining Agrar va oziq-ovqat sohalarini rivojlantirish masalalari kotibiyatiga biriktirilgan tashkilotlar roʻyxatiga kiradi hamda uning faoliyati Oʻzbekiston Respublikasi Prezidenti Administratsiyasining tegishli tarkibiy boʻlinmalari tomonidan nazorat qilinadi.

(51-band Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

4-§. Vazirlikning hayʼati, sohaviy ilmiy-texnik kengashi va jamoatchilik-maslahat kengashi

52. Vazirlikda uning faoliyatining asosiy yoʻnalishlarini muvofiqlashtirish uchun tarkibida Vazir (hayʼat raisi), uning oʻrinbosarlari (lavozimiga koʻra), manfaatdor vazirlik va idoralar rahbarlari, suv xoʻjaligi sohasining yetakchi mutaxassislari va olimlari hamda tarkibiy tuzilmalar rahbarlari boʻlgan 9 kishidan iborat hayʼat tuziladi.

Hayʼatning aʼzolari soni va shaxsiy tarkibi Vazirning taklifiga koʻra Oʻzbekiston Respublikasi Vazirlar Mahkamasi tomonidan tasdiqlanadi.

53. Hayʼatga quyidagi vazifalar yuklanadi:

suv xoʻjaligini barqaror rivojlantirish, suv xoʻjaligi sohasida yangi texnologiyalarni joriy qilish va takomillashtirishga qaratilgan yagona suv xoʻjaligi siyosatini amalga oshirish, suv xoʻjaligi sohasida iqtisodiy islohotlarni chuqurlashtirish ishlarini muvofiqlashtirish, suv xoʻjaligi infratuzilmasi obyektlarini rivojlantirish, irrigatsiya tizimlarini havzaviy boshqarish tamoyili asosida yer usti suvlarining davlat boshqaruvini amalga oshirish va suvdan foydalanish va suv isteʼmoli sohasida innovatsion texnologiyalarni joriy qilish hamda sugʻoriladigan yerlarning meliorativ holatini yaxshilash boʻyicha mazkur Nizomda belgilangan Vazirlik faoliyatining asosiy yoʻnalishlarini tayyorlash va amalga oshirish;

mamlakat suv xoʻjaligi, sohalar va hududlarni rivojlantirishning ustuvor yoʻnalishlarini amalga oshirishda Vazirlik va boshqa davlat va xoʻjalik boshqaruvi organlari, mahalliy davlat hokimiyati organlarining faoliyatini samarali muvofiqlashtirish va oʻzaro uzviy hamkorligini taʼminlash;

qisqa, oʻrta va uzoq muddatli davrlarda suv xoʻjaligini barqaror rivojlantirishga qaratilgan amalga oshirilayotgan kompleks, sohaviy va hududiy dasturlarni amalga oshirish samaradorligini oshirish uchun qoʻshimcha chora-tadbirlar qabul qilgan va tuzatishlar kiritilgan holda ularning natijadorligini baholash;

Vazirlik tizimi xodimlari va rahbarlarining ularga yuklangan qonun hujjatlari, Oʻzbekiston Respublikasi Prezidentining rasmiy hujjatlari va Oʻzbekiston Respublikasi Hukumati qarorlarida belgilangan vazifalarni oʻz vaqtida va sifatli bajarish uchun shaxsiy javobgarligini oshirish boʻyicha choralar qabul qilgan holda Vazirlik tarkibiy va hududiy boʻlinmalari hamda idoraviy mansub tashkilotlari rahbarlarining hisobotlarini tizimli asosda eshitishni tashkil etish;

Vazirlik faoliyati sohasining hududiy va sohaviy dasturlarini amalga oshirish natijadorligini choraklik va tizimli asosda koʻrib chiqish;

joylarda suv xoʻjaligi sohasidagi dolzarb masalalarni muhokama qilish, vujudga kelgan muammolarni hal etish boʻyicha tegishli qarorlarni ishlab chiqqan va qabul qilgan holda kengaytirilgan sayyor hayʼat majlislarini oʻtkazishni tashkil etish;

Vazirlik nomenklaturasiga kiruvchi lavozimlar roʻyxatini koʻrib chiqish va tasdiqlash;

Vazirlik nomenklaturasiga kiruvchi lavozimlarga xodimlarni tanlash va joyiga qoʻyish masalalarini koʻrib chiqish;

Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qaror va topshiriqlarida belgilangan vazifalarning oʻz vaqtida va sifatli bajarilishini taʼminlash uchun Vazirlik rahbarlari va xodimlarining shaxsiy javobgarligini oshirish va ijro intizomini mustahkamlash.

Shuningdek, hayʼat Vazirlik vakolatlariga kiruvchi boshqa masalalarni koʻrib chiqishga haqlidir.

54. Hayʼat majlisiga davlat va xoʻjalik boshqaruvi organlari rahbarlari, Vazirlik vakolatiga kiradigan masalalar boʻyicha boshqa tashkilotlar rahbarlari taklif qilinishi mumkin.

55. Hayʼat majlisida uning aʼzolarining uchdan ikki qismidan koʻprogʻi ishtirok etsa hayʼat majlisi qonuniy oʻtkazilgan deb hisoblanadi. Koʻrib chiqilayotgan masalalar boʻyicha qarorlar koʻpchilik ovoz bilan qabul qilinadi.

56. Hayʼat qarorlari Vazirning buyrugʻi (Vazirlik qarorlari) bilan amalga oshiriladi.

57. Vazir va hayʼat aʼzolari oʻrtasida kelishmovchiliklar yuzaga kelgan taqdirda, Vazir Oʻzbekiston Respublikasi Vazirlar Mahkamasiga yuzaga kelgan kelishmovchiliklar haqida xabar bergan holda, mustaqil qaror qabul qiladi. Bunday vaziyatda hayʼat aʼzolari Oʻzbekiston Respublikasi Vazirlar Mahkamasiga oʻz fikrlarini bildirishlari mumkin.

58. Hayʼatning faoliyat yuritish tartibi hayʼat tasdiqlagan reglament asosida belgilanadi.

59. Vazirlik tarkibida Vazir (kengash raisi), sohaning yuqori malakali mutaxassislari, ilmiy-tadqiqot institutlari, oliy taʼlim muassasalari, mustaqil kompaniyalar va boshqa suv xoʻjaligi tashkilotlari xodimlari boʻlgan sohaviy ilmiy-texnik kengash tuziladi.

Soha ilmiy-texnik kengashi aʼzolari soni, shaxsiy tarkibi va Nizomi Vazirning buyrugʻi bilan tasdiqlanadi.

60. Vazirlik tarkibida Vazir oʻrinbosari (Kengash raisi), Vazirlik faoliyatining alohida yoʻnalishlarini muvofiqlashtiruvchi tarkibiy boʻlinmalar rahbarlari va mutaxassislari hamda tadbirkorlik subyektlari va biznes-uyushmalar vakillari boʻlgan jamoatchilik maslahat kengashi tashkil qilinadi.

Jamoatchilik maslahat kengashining Nizomi, aʼzolari roʻyxati va soni Vazirning tegishli buyrugʻi bilan tasdiqlanadi.

61. Jamoatchilik maslahat kengashining asosiy vazifalari quyidagilardan iborat:

suv xoʻjaligini yanada rivojlantirish hamda suv xoʻjaligida ishchanlik va investitsiya muhitini yaxshilashga toʻsiq boʻlayotgan muammoli masalalarni muhokama qilish;

suv xoʻjaligini rivojlantirishga doir normativ-huquqiy hujjatlarni amalga oshirish mexanizmlarini tanqidiy koʻrib chiqish, suv xoʻjaligi masalalari boʻyicha davlat xizmatlari koʻrsatish tizimini takomillashtirish;

xoʻjalik yurituvchi subyektlar va fuqarolardan tushadigan muammo va takliflarni tahlil qilish, shuningdek, ilgʻor xorijiy tajribani oʻrganish natijalariga koʻra suv xoʻjaligini rivojlantirish boʻyicha tavsiyalar ishlab chiqish;

qonunchilik bazasini takomillashtirishda, shu jumladan, suv xoʻjaligini rivojlantirish masalalari boʻyicha ishlab chiqiladigan va koʻrib chiqish uchun Vazirlikka kiritiladigan normativ-huquqiy hujjatlarni muhokama qilish orqali ishtirok etish.

8-bob. Vazirlik faoliyatining samaradorligi va natijadorligini baholash mezonlari va ishchi indikatorlari

62. Vazirlik faoliyatining samaradorligi muntazam baholanishi lozim.

63. Vazirlik faoliyatining samaradorligi va natijadorligini baholash Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari tomonidan tasdiqlangan Vazirlik faoliyatining samaradorligi va natijadorligini baholash mezonlari va ishchi indikatorlari asosida amalga oshiriladi.

(63-band Oʻzbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari maʼlumotlari milliy bazasi, 27.06.2020-y., 09/20/411/1000-son)

64. Vazirlik faoliyatining samaradorligi va natijadorligini baholash natijalari asosida:

Vazirlik rahbarlari va xodimlariga nisbatan ragʻbatlantirish (mukofotlash) yoki intizomiy javobgarlikka tortish;

aniqlangan kamchiliklarni bartaraf etish va Vazirlik faoliyatini yanada takomillashtirish choralari koʻriladi.

9-bob. Vazirlik faoliyatini moliyalashtirish va moddiy-texnika taʼminoti, xodimlari mehnatiga haq toʻlash va ularni moddiy ragʻbatlantirish

65. Oʻzbekiston Respublikasi Suv xoʻjaligi vazirligi huzurida belgilangan tartibda suv xoʻjaligini rivojlantirish jamgʻarmasi (keyingi oʻrinlarda Jamgʻarma deb ataladi) yuridik shaxs maqomisiz tuziladi.

Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi respublika budjeti mablagʻlari, shu jumladan Oʻzbekiston Respublikasi Davlat budjeti parametrlarida yillik indeksatsiyani oʻz ichiga olgan holda Oʻzbekiston Respublikasi respublika budjetining qoʻshimcha manbalari hisobidan 2019-yilda 15 136 200 ming.soʻm;

(65-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

suvdan foydalanish va suvni isteʼmol qilish qoidalarini buzganlik uchun maʼmuriy jazo choralarini qoʻllashdan, shuningdek, suv olish tartibini buzganlik uchun jarimalardan tushgan tushumlarning 30 foizi;

Vazirlik tarkibiga kiruvchi oʻzini oʻzi moliyalashtiradigan tashkilotlar sof foydasining oʻz ixtiyorida qoldiriladigan qismidan tuzilgan shartnomalar asosidagi ajratmalari;

Vazirlik suv xoʻjaligi foydalanish tashkilotlarining ular tomonidan suv resurslarini issiqlik elektr energiyasi va sanoat mahsulotlarini ishlab chiqaruvchi tashkilotlarning ehtiyojlari uchun yetkazib berish boʻyicha koʻrsatilgan xizmatlardan tushgan tushumlardan ajratmalar;

suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlari umumiy qiymatiga qoʻshimcha kiritilgan 10 foizigacha miqdordagi mablagʻlarning 50 foizi;

vaqtincha boʻsh turgan budjetdan tashqari mablagʻlarni tijorat banklari depozitlariga joylashtirishdan olingan daromadlar;

(65-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan yettinchi va sakkizinchi xatboshilar bilan toʻldirilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

jismoniy va yuridik shaxslarning xayriya mablagʻlari;

xalqaro grantlar va texnik koʻmak mablagʻlari;

qonun hujjatlarida taqiqlanmagan boshqa manbalar.

Oʻzbekiston Respublikasi Suv xoʻjaligi vazirligi huzuridagi suv xoʻjaligini rivojlantirish jamgʻarmasi toʻgʻrisidagi Nizom Oʻzbekiston Respublikasi Vazirlar Mahkamasi tomonidan tasdiqlanadi.

66. Vazirlik markaziy apparati, Suv xoʻjaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi, Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi faoliyati budjetdan ajratilgan mablagʻlar, vazirlik huzuridagi Suv xoʻjaligi vazirligini rivojlantirish jamgʻarmasi mablagʻlari va qonun hujjatlarida taqiqlanmagan boshqa manbalar hisobiga, suv xoʻjaligining boshqa budjet tashkilotlari faoliyati esa — budjetdan ajratilgan mablagʻlar va qonunda taqiqlanmagan manbalar hisobiga moliyalashtiriladi.

Bunda ish haqi, ikki oylik mehnatga haq toʻlash fondi miqdoridagi mukofotlar va bir oylik mehnatga haq toʻlash fondi miqdoridagi moddiy yordam toʻlovlari, shuningdek, boshqa xarajatlar budjet mablagʻlari hisobidan moliyalashtiriladi.

(66-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

67. Vazirlik xodimlarining lavozim ish haqiga xodimlarning uzoq yillik xizmatlari asosida har oylik ustama va moddiy ragʻbatlantirish toʻlovlari Oʻzbekiston Respublikasi Vazirlar Mahkamasi tomonidan tasdiqlangan Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibi toʻgʻrisidagi Nizomga muvofiq amalga oshiriladi.

10-bob. Vazirlikning Oʻzbekiston Respublikasi Vazirlar Mahkamasi, Oʻzbekiston Respublikasi Prezidenti Administratsiyasining tegishli tarkibiy boʻlinmalari va Oʻzbekiston Respublikasi Prezidenti oldidagi hisoboti

(10-bobning nomi Oʻzbekiston Respublikasi Vazirlar Mahkamasining 2019-yil 13-maydagi 397-sonli qarori tahririda — Qonun hujjatlari maʼlumotlari milliy bazasi, 14.05.2019-y., 09/19/397/3123-son)

68. Vazir Vazirlikning faoliyati toʻgʻrisida Oʻzbekiston Respublikasi Vazirlar Mahkamasiga, Oʻzbekiston Respublikasi Prezidentiga va Oʻzbekiston Respublikasi Oliy Majlisi palatalariga muntazam ravishda hisobot beradi.

69. Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Vazirlikka yuklangan vazifalarning samarali bajarilishini taʼminlash maqsadida Vazirlik rahbariyati faoliyatining doimiy monitoringini olib boradi, Vazirlik faoliyatining natijadorligiga obyektiv baho beradi.

(69-band Oʻzbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari maʼlumotlari milliy bazasi, 27.06.2020-y., 09/20/411/1000-son)

70. Vazirlik faoliyatining monitoringi va baholash natijalariga koʻra Vazirlikning alohida namuna koʻrsatgan mansabdor shaxslari va xodimlariga nisbatan ularni ragʻbatlantirish yoki jiddiy kamchiliklarga yoʻl qoʻyganligi uchun javobgarlikka tortish, egallab turgan lavozimidan boʻshatish kabi choralar koʻriladi.

11-bob. Yakunlovchi qoida

71. Vazirlikni qayta tashkil etish va tugatish qonunchilikda belgilangan tartibda amalga oshiriladi.

Vazirlar Mahkamasining 2018-yil 3-iyuldagi 500-son qaroriga
2-ILOVA

Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma yuridik shaxs hisoblanmaydi va quyidagi maqsadlarda tashkil etilgan:

Oʻzbekiston Respublikasi Suv xoʻjaligi vazirligi (keyingi oʻrinlarda Vazirlik deb ataladi) va uning suv xoʻjaligi budjet tashkilotlari moddiy-texnika bazasini rivojlantirish;

suv xoʻjaligida innovatsion texnologiyalarni joriy qilish;

suv xoʻjaligi budjet tashkilotlarining xarajatlar smetalarida koʻzda tutilmagan xarajatlarini moliyalashtirish;

(2-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

2-bob. Jamgʻarma mablagʻlarini shakllantirish

3. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi respublika budjeti mablagʻlari, shu jumladan Oʻzbekiston Respublikasi Davlat budjeti parametrlaridagi yillik indeksatsiyani oʻz ichiga olgan holda Oʻzbekiston Respublikasi respublika budjetining qoʻshimcha manbalari hisobidan 2019-yilda 15 136 200 ming.soʻm;

(3-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Vazirlik tarkibiga kiruvchi oʻzini oʻzi moliyalashtiradigan tashkilotlar sof foydasining oʻz ixtiyorida qoldiriladigan qismidan tuzilgan shartnomalar asosidagi ajratmalari;

suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlari umumiy qiymatiga qoʻshimcha kiritilgan 10 foizigacha miqdordagi mablagʻlarning 50 foizi;

vaqtincha boʻsh turgan budjetdan tashqari mablagʻlarni tijorat banklari depozitlariga joylashtirishdan olingan daromadlar;

(3-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan oltinchi va yettinchi xatboshilar bilan toʻldirilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

jismoniy va yuridik shaxslarning xayriya mablagʻlari;

xalqaro grantlar va texnik koʻmak mablagʻlari;

qonun hujjatlarida taqiqlanmagan boshqa manbalar.

4. Jamgʻarmaga tushgan mablagʻlar Oʻzbekiston Respublikasi Moliya vazirligi Gʻaznachiligida ochilgan maxsus shaxsiy hisobvaragʻida jamlanadi.

3-bob. Jamgʻarma mablagʻlaridan foydalanish

5. Jamgʻarma mablagʻlari quyidagi maqsadlarga ishlatiladi:

a) Vazirlik va uning suv xoʻjaligi budjet tashkilotlari moddiy-texnika bazasini rivojlantirish, shu jumladan:

texnika va texnologiyalarni, jihozlar, kompyuter dasturlari va aloqa vositalarini xarid qilish;

meʼyor doirasida budjet mablagʻlari yetishmagan holatlarda avtotransport vositalariga texnik xizmat koʻrsatish xarajatlarini qoplash, ehtiyot qismlar va yonilgʻi-moylash materiallarini sotib olish;

suv xoʻjaligi sohasida oʻquv-namoyish uchastkalarini yaratish va mutaxassislarning malakasini oshirish kurslarini tashkil qilish, oliy taʼlim muassasalari talabalari va professional taʼlim muassasalari oʻquvchilarining oʻquv-tanishish mashgʻulotlarini oʻtkazish;

(5-bandning “a” kichik bandi toʻrtinchi xatboshisi Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

markaziy apparat binolari va inshootlarini taʼmirlash;

b) suv xoʻjaligida innovatsion texnologiyalarni joriy etish, shu jumladan:

normativ-huquqiy hujjatlar loyihalarini ishlab chiqish, shuningdek, innovatsion loyihalar va zamonaviy texnologiyalarni joriy etishni ragʻbatlantirish;

suv resurslarini integrallashgan boshqarish rejalari va ulardan kompleks foydalanishning istiqbolli sxemalarini hamda suv xoʻjaligini rivojlantirish boʻyicha maqsadli dasturlarni ishlab chiqish va amalga oshirish;

suv xoʻjaligi sohasida ilmiy-tadqiqot va loyihalash-tajriba ishlarini moliyalashtirish, ilmiy yutuqlar, innovatsion va ilgʻor texnologiyalarni joriy etish;

suv xoʻjaligi sohasidagi dolzarb muammolar boʻyicha ilmiy-tadqiqot va tajriba-konstruktorlik ishlanmalarini moliyalashtirish maqsadida respublika taʼlim va ilmiy-tadqiqot muassasalariga grantlar ajratish;

(5-bandning “b” kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan beshinchi xatboshi bilan toʻldirilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

konferensiyalar, simpoziumlar, seminarlar, treninglar va “davra suhbatlari”ni, shuningdek, suvni tejaydigan texnologiyalarni joriy etish va suv resurslaridan samarali foydalanishni targʻib qilish ishlarini tashkil etish va oʻtkazish;

broshyuralar, bukletlar, kitoblar, toʻplamlar va boshqa axborot-maʼrifiy materiallarni ishlab chiqish va nashr etish;

kadrlarni tayyorlash, qayta tayyorlash va ularning malakasini oshirish, shu jumladan xodimlarning xorijiy mamlakatlarda va taʼlim muassasalarida tajriba oʻrganishlarini tashkil etish;

suv xoʻjaligi sohasiga oid xalqaro koʻrgazmalar, tadbirlar, loyihalar va dasturlarda ishtirok etish;

Oʻzbekiston Respublikasiga tashrifi davrida xorijiy va xalqaro tashkilotlar rahbarlari va mutaxassislarini qabul qilish va kuzatish bilan bogʻliq tadbirlarning xarajatlarini qoplash;

(5-band “b” kichik bandining toʻqqizinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

v) Vazirlik markaziy apparati, Suv xoʻjaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi hamda Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi markaziy apparati xodimlarini moddiy ragʻbatlantirish va ijtimoiy himoya qilish, shu jumladan xodimlarni ichki turizmga yuborish bilan bogʻliq xarajatlarni qoplash;

(5-bandning “v” kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

g) suv xoʻjaligi sohasida kadrlarni tayyorlash boʻyicha professional taʼlim muassasalarida amaliy mashgʻulotlarni oʻtkazish uchun ularni zamonaviy meliorativ texnika va uskunalar hamda ishlab chiqarish bazasi bilan taʼminlash;

(5-bandning “g” kichik bandida Oʻzbekiston Respublikasi Vazirlar Mahkamasining 2021-yil 3-iyundagi 345-sonli qarori tahririda — Qonun hujjatlari maʼlumotlari milliy bazasi, 04.06.2021-y., 09/21/345/0522-son)

d) Vazirlik markaziy apparatining faoliyati uchun joriy xarajatlar shu jumladan, bayram (Yangi yil, Navroʻz, Xotira va qadrlash kuni, Mustaqillik kuni, kasb bayrami) tadbirlarini amalga oshirish bilan bogʻliq xarajatlarni qoplashga;

(5-band “d” kichik bandi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

e) qonunchilikda belgilangan tartibda koʻzda tutilgan vazifalarni bajarish bilan bogʻliq boʻlgan boshqa maqsadlarni bajarish.

6. Qonun hujjatlarida taqiqlanmagan holatlarda boshqa maqsadlarga Jamgʻarma mablagʻlarini sarflash faqat Oʻzbekiston Respublikasi Vazirlar Mahkamasining qarori asosida amalga oshirilishi mumkin.

7. Jamgʻarma mablagʻlari har yili Oʻzbekiston Respublikasi Suv xoʻjaligi vaziri tomonidan tasdiqlangan daromadlar va xarajatlar smetasi asosida sarflanadi. Daromadlar va xarajatlar smetasi Oʻzbekiston Respublikasi Moliya vazirligida roʻyxatdan oʻtkaziladi.

8. Jamgʻarmaning daromadlar va xarajatlar smetasi kelgusi yilda kelib tushishi kutilayotgan mablagʻlar doirasida va bajarilishi lozim boʻlgan tadbirlardan kelib chiqib tuziladi.

4-bob. Jamgʻarma mablagʻlaridan foydalanishning hisoboti, nazorati va masʼuliyati

9. Jamgʻarma mablagʻlaridan oqilona va maqsadli foydalanish yuzasidan nazorat qonun hujjatlarida belgilangan tartibda olib boriladi.

10. Buxgalteriya hisobotlarining toʻgʻri yuritilishi, hisobotlarni tuzish va Jamgʻarmaga mablagʻlarining kelib tushishi va uning ishlatilishi haqidagi har choraklik hisoboti uchun, Oʻzbekiston Respublikasi Moliya vazirligiga taqdim qilish yuzasidan Oʻzbekiston Respublikasi Suv xoʻjaligi vazirining vakolatli oʻrinbosari va Vazirlikning bosh hisobchisi javob berishadi.

5-bob. Yakunlovchi qoida

11. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Vazirlar Mahkamasining 2018-yil 3-iyuldagi 500-son qaroriga
3-ILOVA

Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Suv xoʻjaligi vazirligi va uning tarkibiga kiruvchi tashkilotlar xodimlarini moddiy ragʻbatlantirish tartibini belgilaydi.

2. Xodimlarni mukofotlash va ularga moddiy yordam koʻrsatish quyidagi mablagʻlar hisobidan amalga oshiriladi:

a) budjet mablagʻlari hisobidan:

yiliga ikki oylik mehnatga haq toʻlash fondi miqdoridagi mukofotlar;

yiliga bir oylik mehnatga haq toʻlash fondi miqdorida moddiy yordam toʻlovlari;

davlat xizmatchilarining mehnatini ragʻbatlantirish uchun qonunchilikda belgilangan miqdorda lavozim maoshiga ustamalar;

xodimlarning bazaviy tarif stavkalariga 2019-yil 1-noyabrdan 1,1 va 2020-yil 1-yanvardan 1,2 miqdordagi tuzatish koeffitsiyentini qoʻllash hisobiga ustamalar;

(2-bandning “a” kichik bandi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan beshinchi xatboshi bilan toʻldirilgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Moddiy ragʻbatlantirish maxsus fondi mablagʻlari hisobidan mehnatga haq toʻlash fondi mablagʻlarining 15 foizi miqdorida xodimlarning mehnatini moddiy taqdirlash va ragʻbatlantirish;

b) Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlari va qonun hujjatlarida taqiqlanmagan boshqa manbalar hisobidan:

xodimning koʻp yillik xizmatlari va umumiy ish staji davomiyligi uchun har oylik lavozim maoshiga ustamalar;

(2-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

bayram kunlari uchun mukofotlar;

xodimlarga xizmat majburiyatlarini tashabbuskorona va vijdonan bajarganligi uchun lavozim maoshlariga ustamalar;

(2-band “b” kichik bandining toʻrtinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

xodimlarning sogʻligʻini tiklash va ijtimoiy himoya qilish maqsadida moddiy yordam;

yiliga bir marta qishloq xoʻjaligi mahsulotlari sotib olish uchun moddiy yordam;

alohida toifadagi xodimlarga qonunchilikda belgilangan boshqa ustamalar.

3. Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlari hisobidan Oʻzbekiston Respublikasi Suv xoʻjaligi vazirligi markaziy apparati, Suv xoʻjaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi hamda Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi markaziy apparati xodimlari mukofotlanadi va ularga moddiy yordam koʻrsatiladi.

(3-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

2-bob. Jamgʻarma mablagʻlari hisobiga xodimlarni ragʻbatlantirish miqdori va shartlari

4. Xodimlarning koʻp yillik xizmatlari va umumiy ish staji davomiyligi uchun lavozim maoshiga ustamalar har oyda shtat jadvaliga muvofiq holda quyidagi miqdorlarda toʻlanadi:

(4-bandning birinchi xatboshisi Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

3 yildan 5 yilgacha — 10 foiz;

5 yildan 10 yilgacha — 20 foiz;

10 yildan 20 yilgacha — 30 foiz;

20 yildan ortiq — 40 foiz.

5. Oʻzbekiston Respublikasining Mustaqillik kuni, Konstitutsiya kuni, Yangi yil, Xalqaro xotin-qizlar kuni (ayollarga), Xotira va qadrlash kuni, Oʻqituvchi va murabbiylar kuni, Navroʻz, Ramazon va Qurbon hayitlar, shuningdek, kasb bayrami uchun xodimlar lavozim maoshining (ragʻbatlantiruvchi koeffitsiyentlarni hisobga olgan holda) bir baravarigacha miqdorda ragʻbatlantiriladi.

(5-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

6. Xizmat vazifalarini sidqidildan va samarali bajarib kelayotgan tashabbuskor xodimlarga lavozim maoshining (ragʻbatlantiruvchi koeffitsiyentni hisobga olgan holda) 200 foizigacha har oylik ustamalar belgilanadi. Ustamaning aniq miqdori vazirlik xodimlari va ushbu Nizomning 3-bandidagi tashkilotlar rahbarlari uchun Oʻzbekiston Respublikasi suv xoʻjaligi vaziri tomonidan, ushbu Nizomning 3-bandidagi tashkilotlar xodimlariga tegishli tashkilotlar rahbarlari tomonidan belgilanadi.

Oʻzbekiston Respublikasi Suv xoʻjaligi vaziri alohida oʻrnak koʻrsatgan markaziy apparat xodimlariga mazkur bandning birinchi xatboshida belgilangan miqdordan tashqari lavozim maoshining (ragʻbatlantiruvchi koeffitsiyentni hisobga olgan holda) 100 foizigacha miqdorda ustamalar belgilashi mumkin, bunday xodimlar soni markaziy apparat umumiy xodimlari sonining 15 foizidan oshmasligi lozim.

(6-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

7. Xodimlarni ijtimoiy qoʻllab-quvvatlash va ularning ish samaradorligini oshirish maqsadida har oyda (jamoa shartnomasiga muvofiq) yoʻl transporti xarajatlari uchun bazaviy hisoblash miqdorining bir baravarigacha hamda xodimning ovqatlanishi xarajatlariga koʻmaklashish maqsadida bazaviy hisoblash miqdorining ikki baravarigacha miqdorda toʻlovlar amalga oshiriladi.

(7-band Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)

8. Zarur hollarda, (ragʻbatlantiruvchi koeffitsiyentni hisobga olgan holda) ikki oylik lavozim maoshi miqdorida (kam taʼminlangan oilalar, xodimning davolanishi, 50, 55, 60 yubiley yoshi munosabati bilan, shuningdek, pensiyaga chiqqanda, toʻy, dafn marosimi va boshqalar uchun) xodimlarga kasaba uyushmasi bilan kelishgan holda moddiy yordam puli beriladi.

(8-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

9. Xodimlarga qishloq xoʻjaligi mahsulotlari sotib olish uchun har yili bir marta bazaviy hisoblash miqdorining 10 baravarigacha miqdorda toʻlov amalga oshiriladi.

(9-band Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)

3-bob. Xodimlarni ragʻbatlantirish tadbirlarini moliyalashtirish

10. Quyidagilar xodimlarni ragʻbatlantirish manbalari hisoblanadi:

Oʻzbekiston Respublikasi Suv xoʻjaligi vazirligi markaziy apparati, Suv xoʻjaligi sohasidagi loyihalarni amalga oshirish agentligi, Markaziy dispetcherlik, kommunikatsiya va kadastr xizmati, Axborot-tahlil va resurs markazi hamda Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi markaziy apparati xodimlarini ragʻbatlantirishni moliyalashtirish manbasi — budjet mablagʻlari, Budjet tashkilotlarini rivojlantirish jamgʻarmasi va Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlari;

(10-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Oʻzbekiston Respublikasi Suv xoʻjaligi vazirligi tarkibiga kiruvchi budjet tashkilotlari xodimlarni ragʻbatlantirishni moliyalashtirish manbai — Oʻzbekiston Respublikasi Davlat budjeti, Budjet tashkilotlarini rivojlantirish jamgʻarmasi mablagʻlari;

Oʻzbekiston Respublikasi Suv xoʻjaligi vazirligi xoʻjalik hisobidagi tashkilotlari xodimlarini ragʻbatlantirishni moliyalashtirish manbai — ularning faoliyati yakunlari boʻyicha olingan sof foyda mablagʻlarining bir qismi;

qonun hujjatlarida taqiqlanmagan boshqa manbalar.

11. Xodimlarni moddiy ragʻbatlantirishni moliyalashtirish manbalari va miqdori qonunchilikda belgilangan tartibda tasdiqlangan xarajatlar smetasi, budjetdan tashqari jamgʻarmalar boʻyicha daromadlar va xarajatlar smetasi asosida amalga oshiriladi.

4-bob. Yakunlovchi qoida

12. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.

Vazirlar Mahkamasining 2018-yil 3-iyuldagi 500-son qaroriga
4-ILOVA

Oʻzbekiston Respublikasi Suv xoʻjaligi vazirligi tarkibiga kiradigan budjet tashkilotlari

ROʻYXATI

T/r	Tashkilotning nomi	Tashkilot soni	Boshqaruv xodimlarining cheklangan soni
1.	Qoraqalpogʻiston Respublikasi Suv xoʻjaligi vazirligi va uning boʻlinmalari
	Qoraqalpogʻiston Respublikasi Suv xoʻjaligi vazirligi markaziy apparati	1	19
	“Kattagar-Boʻzatov” irrigatsiya tizimi boshqarmasi	1	5
	“Quanishjarma” irrigatsiya tizimi boshqarmasi	1	7
	“Qizketken-Kegeyli” irrigatsiya tizimi boshqarmasi	1	9
	“Paxtaarna-Nayman” irrigatsiya tizimi boshqarmasi	1	10
	“Suyenli” irrigatsiya tizimi boshqarmasi	1	13
	Orolboʻyi delta boshqarmasi	1	4
	Tumanlar irrigatsiya boʻlimlari*	15	62
	Qoraqalpogʻiston Respublikasi Suv xoʻjaligi vazirligi huzuridagi Qoraqalpogʻiston nasos stansiyalari va energetika boshqarmasi	1	9
	Qoraqalpogʻiston Respublikasi Suv xoʻjaligi vazirligi huzuridagi Beruniy nasos stansiyalari va energetika boshqarmasi	1	8
	Qoraqalpogʻiston Respublikasi Suv xoʻjaligi vazirligi huzuridagi meliorativ ekspeditsiya	1	8
	Jami:	25	154
2.	Norin-Qoradaryo irrigatsiya tizimlari havza boshqarmasi va uning boʻlinmalari
	Norin-Qoradaryo irrigatsiya tizimlari havza boshqarmasi markaziy apparati	1	19
	“Andijonsoy” irrigatsiya tizimi boshqarmasi	1	5
	“Qoradaryo-Maylisoy” irrigatsiya tizimi boshqarmasi	1	4
	“Savay-Oqburasoy” irrigatsiya tizimi boshqarmasi	1	4
	“Ulugʻnor-Mazgilsoy” irrigatsiya tizimi boshqarmasi	1	6
	“Shahrixonsoy” irrigatsiya tizimi boshqarmasi	1	6
	Tumanlar irrigatsiya boʻlimlari*	14	58
	Norin-Qoradaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	9
	Norin-Qoradaryo irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	22	118
3.	Amu-Buxoro irrigatsiya tizimlari havza boshqarmasi va uning boʻlinmalari
	Amu-Buxoro irrigatsiya tizimlari havza boshqarmasi markaziy apparati	1	19
	“Amu-Qorakoʻl” irrigatsiya tizimi boshqarmasi	1	8
	“Toshrabot-Jilvon” irrigatsiya tizimi boshqarmasi	1	6
	“Xarxur-Duoba” irrigatsiya tizimi boshqarmasi	1	7
	“Shoxrud-Doʻstlik” irrigatsiya tizimi boshqarmasi	1	7
	Tumanlar irrigatsiya boʻlimlari*	11	43
	Amu-Buxoro irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	7
	Amu-Buxoro irrigatsiya tizimlari havza boshqarmasi huzuridagi meliorativ ekspeditsiya	1	8
	Jami:	18	105
4.	Sirdaryo-Zarafshon irrigatsiya tizimlari havza boshqarmasi va uning boʻlinmalari
	Sirdaryo-Zarafshon irrigatsiya tizimlari havza boshqarmasi markaziy apparati	1	16
	“Zomin” irrigatsiya tizimi boshqarmasi	1	7
	“Tuyatortar-Qli” irrigatsiya tizimi boshqarmasi	1	4
	“Uchtom” irrigatsiya tizimi boshqarmasi	1	5
	Tumanlar irrigatsiya boʻlimlari*	11	28
	Sirdaryo-Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	7
	Sirdaryo-Zarafshon irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	17	74
5.	Amu-Qashqadaryo irrigatsiya tizimlari havza boshqarmasi va uning boʻlinmalari
	Amu-Qashqadaryo irrigatsiya tizimlari havza boshqarmasi markaziy apparati	1	19
	“Qarshi magistral kanali” irrigatsiya tizimi boshqarmasi	1	17
	“Mirishkor” irrigatsiya tizimi boshqarmasi	1	11
	“Oqsuv” irrigatsiya tizimi boshqarmasi	1	8
	“Eskianhor” irrigatsiya tizimi boshqarmasi	1	8
	“Yakkabogʻ-Gʻuzor” irrigatsiya tizimi boshqarmasi	1	7
	Tumanlar irrigatsiya boʻlimlari*	13	54
	Amu-Qashqadaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	10
	Amu-Qashqadaryo irrigatsiya tizimlari havza boshqarmasi huzuridagi meliorativ ekspeditsiya	1	8
	Jami:	21	142
6.	Quyi Zarafshon irrigatsiya tizimlari havza boshqarmasi va uning boʻlinmalari
	Quyi Zarafshon irrigatsiya tizimlari havza boshqarmasi markaziy apparati	1	16
	“Karmana-Konimex” irrigatsiya tizimi boshqarmasi	1	5
	“Toshrabot-Oʻrtachoʻl” irrigatsiya tizimi boshqarmasi	1	5
	Tumanlar irrigatsiya boʻlimlari*	4	11
	Quyi Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	7
	Quyi Zarafshon irrigatsiya tizimlari havza boshqarmasi huzuridagi meliorativ ekspeditsiya	1	6
	Jami:	9	50
7.	Norin-Sirdaryo irrigatsiya tizimlari havza boshqarmasi va uning boʻlinmalari
	Norin-Sirdaryo irrigatsiya tizimlari havza boshqarmasi markaziy apparati	1	19
	“Zardaryo” irrigatsiya tizimi boshqarmasi	1	7
	“Norin-Haqqulobod” irrigatsiya tizimi boshqarmasi	1	5
	“Podshoota-Chodak” irrigatsiya tizimi boshqarmasi	1	7
	Katta Namangan magistral kanali boshqarmasi	1	7
	Shimoliy Fargʻona magistral kanali boshqarmasi	1	8
	Tumanlar irrigatsiya boʻlimlari*	11	53
	Norin-Sirdaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	10
	Norin-Sirdaryo irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	19	123
8.	Zarafshon irrigatsiya tizimlari havza boshqarmasi va uning boʻlinmalari
	Zarafshon irrigatsiya tizimlari havza boshqarmasi markaziy apparati	1	19
	“Oq-Qoradaryo” irrigatsiya tizimi boshqarmasi	1	8
	“Dargʻom” irrigatsiya tizimi boshqarmasi	1	11
	“Miankal-Tos” irrigatsiya tizimi boshqarmasi	1	5
	“Mirza-Pay” irrigatsiya tizimi boshqarmasi	1	9
	“Narpay” irrigatsiya tizimi boshqarmasi	1	8
	Tumanlar irrigatsiya boʻlimlari*	12	33
	Zarafshon irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	9
	Zarafshon irrigatsiya tizimlari havza boshqarmasi huzuridagi meliorativ ekspeditsiya	1	6
	Jami:	20	108
9.	Amu-Surxon irrigatsiya tizimlari havza boshqarmasi va uning boʻlinmalari
	Amu-Surxon irrigatsiya tizimlari havza boshqarmasi markaziy apparati	1	19
	“Surxondaryo” magistral tizim boshqarmasi	1	10
	“Amu-Zang” irrigatsiya tizimi boshqarmasi	1	11
	“Surxon-Sherobod” irrigatsiya tizimi boshqarmasi	1	9
	“Toʻpalang-Qoratogʻ” irrigatsiya tizimi boshqarmasi	1	11
	Tumanlar irrigatsiya boʻlimlari*	13	34
	Amu-Surxon irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	9
	Amu-Surxon irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	20	110
10.	Quyi Sirdaryo irrigatsiya tizimlari havza boshqarmasi va uning boʻlinmalari
	Quyi Sirdaryo irrigatsiya tizimlari havza boshqarmasi markaziy apparati	1	16
	“Boyovut” irrigatsiya tizimi boshqarmasi	1	14
	“Shoʻroʻzak-Sirdaryo” irrigatsiya tizimi boshqarmasi	1	11
	Tumanlar irrigatsiya boʻlimlari*	8	24
	Quyi Sirdaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	9
	Quyi Sirdaryo irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	13	81
11.	Chirchiq-Ohangaron irrigatsiya tizimlari havza boshqarmasi va uning boʻli�malari
	Chirchiq-Ohangaron irrigatsiya tizimlari havza boshqarmasi markaziy apparati	1	19
	Toshkent magistral kanal boshqarmasi	1	6
	“Ohangaron-Dalvarzin” irrigatsiya tizimi boshqarmasi	1	12
	“Boʻzsuv” irrigatsiya tizimi boshqarmasi	1	10
	“Parkent-Qorasuv” irrigatsiya tizimi boshqarmasi	1	13
	Tumanlar irrigatsiya boʻlimlari*	15	68
	Chirchiq-Ohangaron irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	7
	Chirchiq-Ohangaron irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	22	142
12.	Sirdaryo-Soʻx irrigatsiya tizimlari havza boshqarmasi va uning boʻlinmalari
	Sirdaryo-Soʻx irrigatsiya tizimlari havza boshqarmasi markaziy apparati	1	19
	“Isfayram-Shohimardon” irrigatsiya tizimi boshqarmasi	1	9
	“Isfara-Sirdaryo” irrigatsiya tizimi boshqarmasi	1	7
	“Norin-Fargʻona” irrigatsiya tizimi boshqarmasi	1	9
	“Soʻx-Oqtepa” irrigatsiya tizimi boshqarmasi	1	7
	Tumanlar irrigatsiya boʻlimlari*	16	75
	Sirdaryo-Soʻx irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	8
	Sirdaryo-Soʻx irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	23	141
13.	Chapqirgʻoq Amudaryo irrigatsiya tizimlari havza boshqarmasi va uning boʻlinmalari
	Chapqirgʻoq Amudaryo irrigatsiya tizimlari havza boshqarmasi markaziy apparati	1	19
	“Qaramazi-Qilichbay” irrigatsiya tizimi boshqarmasi	1	5
	“Polvon-Gʻazovat” irrigatsiya tizimi boshqarmasi	1	8
	“Toshsaqa” irrigatsiya tizimi boshqarmasi	1	8
	“Shovot-Qulovat” irrigatsiya tizimi boshqarmasi	1	10
	Tumanlar irrigatsiya boʻlimlari*	9	22
	Chapqirgʻoq Amudaryo irrigatsiya tizimlari havza boshqarmasi huzuridagi nasos stansiyalari va energetika boshqarmasi	1	7
	Chapqirgʻoq Amudaryo irrigatsiya tizimlari havza boshqarmasi huzuridagi meliorativ ekspeditsiya	1	7
	Jami:	16	86
Hammasi:		245	1434

*Tumanlar irrigatsiya boʻlimlari roʻyxati Oʻzbekiston Respublikasi Prezidentining 2018-yil 17-apreldagi PQ-3672-son qaroriga 5a-ilovada keltirilgan.

(4-ilova matni Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Vazirlar Mahkamasining 2018-yil 3-iyuldagi 500-son qaroriga
4a-ILOVA

Oʻzbekiston Respublikasi Suv xoʻjaligi vazirligining boshqa suv xoʻjaligi budjet tashkilotlari

roʻyxati

T/r	T/r	Tashkilotning nomi	Boshqaruv xodimlarining cheklangan soni
1.	1.	Qarshi magistral kanalidan foydalanish boshqarmasi	20
2.	2.	Amu-Buxoro mashina kanalidan foydalanish boshqarmasi	12
3.	2.1	Elektr tarmoqlari boshqarmasi	4
4.	2.2	Amu-Buxoro mashina kanali Olot tuman boshqarmasi	6
5.	2.3	Avtotransport korxonasi	4
6.	2.4	Amu-Buxoro mashina kanali Qiziltepa tuman boshqarmasi	6
7.	3.	Fargʻona vodiysi kanallaridan foydalanish boshqarmasi	9
8.	3.1	Katta Fargʻona magistral kanali boshqarmasi	8
9.	3.2	Janubiy Fargʻona magistral kanali boshqarmasi	7
10.	3.3	Katta Andijon magistral kanali boshqarmasi	6
13.	4.	Janubiy Mirzachoʻl magistral kanalidan foydalanish boshqarmasi	8
14.	5.	Zarafshon magistral tizimidan foydalanish boshqarmasi	10
15.	6.	Qirgʻoqlarni himoyalash dambalari va oʻzanlarni tartibga solish inshootlari boshqarmasi	5
16.	7.	Oʻngqirgʻoq kollektori tizimidan foydalanish boshqarmasi	5
17.	8.	Jizzax bosh nasos stansiyasi boshqarmasi	9
18.	9.	Jizzax viloyati suv omborlaridan foydalanish boshqarmasi	5
19.	10.	Qashqadaryo viloyati suv omborlaridan foydalanish boshqarmasi	9
20.	11.	Navoiy viloyati suv omborlari va yirik gidrotexnika inshootlaridan foydalanish boshqarmasi	5
21.	12.	Namangan viloyati suv omborlaridan foydalanish boshqarmasi	9
22.	13.	Samarqand viloyati suv omborlaridan foydalanish boshqarmasi	5
23.	14.	Surxondaryo viloyati suv omborlaridan foydalanish boshqarmasi	4
24.	15.	Toshkent viloyati suv omborlaridan foydalanish boshqarmasi	5
25.	16.	Fargʻona viloyati suv omborlaridan foydalanish boshqarmasi	6
26.	17.	Andijon suv omboridan foydalanish boshqarmasi	5
27.	18.	Chimqoʻrgʻon suv omboridan foydalanish boshqarmasi	4
28.	19.	Hisorak suv omboridan foydalanish boshqarmasi	6
29.	20.	Toʻpolang tizimi suv omborlaridan foydalanish boshqarmasi	4
30.	21.	Tuyamoʻyin gidrouzelidan foydalanish boshqarmasi	10
31.	22.	Markaziy dispetcherlik, kommunikatsiya va kadastr xizmati	9
32.	23.	Axborot-tahlil va resurs markazi	10
33.	24.	Suv xoʻjaligi sohasidagi loyihalarni amalga oshirish agentligi	26
34.	25.	Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi	24
		Jam�:	265

(4a-ilova matni Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Oldingi tahrirga qarang.

(5-ilova Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Oldingi tahrirga qarang.

(6-ilova Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

Vazirlar Mahkamasining 2018-yil 3-iyuldagi 500-son qaroriga
7-ILOVA

“Oʻzbekiston Respublikasi suv xoʻjaligi aʼlochisi” koʻkrak nishoni toʻgʻrisida

NIZOM

1. “Oʻzbekiston Respublikasi suv xoʻjaligi aʼlochisi” koʻkrak nishoni (keyingi oʻrinlarda koʻkrak nishoni deb ataladi) bilan ish tajribasiga va kasbiy malakaga ega boʻlgan, oʻz faoliyatida yuksak natijalarga erishib fidoyi mehnati bilan sohada ajralib turgan Oʻzbekiston Respublikasi Suv xoʻjaligi vazirligi markaziy apparati, uning hududiy va tarkibiy boʻlinmalari rahbarlari va xodimlari, shuningdek, davlat va xoʻjalik boshqaruvi hamda mahalliy davlat hokimiyati organlari xodimlari mukofotlanadi.

2. Koʻkrak nishoni bilan mazkur Nizomning 1-bandida koʻrsatilgan xizmatlari uchun Oʻzbekiston Respublikasi fuqarosi boʻlmagan shaxslar ham mukofotlanishi mumkin.

3. Koʻkrak nishoni bilan mukofotlash tartibi Oʻzbekiston Respublikasi Suv xoʻjaligi vazirligi tomonidan belgilanadi.

4. Koʻkrak nishoni bilan mukofotlash mazkur Nizomning 1-bandida nazarda tutilgan tashkilotlar va tarkibiy boʻlinmalarning rahbarlari taqdimnomasi boʻyicha Oʻzbekiston Respublikasi Suv xoʻjaligi vazirining buyrugʻi bilan amalga oshiriladi.

(4-band Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

5. Mukofotlash toʻgʻrisidagi buyruq Oʻzbekiston Respublikasi Suv xoʻjaligi vazirligining rasmiy saytida eʼlon qilinadi.

6. Koʻkrak nishoni va uning guvohnomasi bayram va tantanali marosimlar kunlari arafasida Oʻzbekiston Respublikasi Suv xoʻjaligi vaziri yoki uning nomidan va uning topshirigʻiga binoan boshqa masʼul shaxslar tomonidan tantanali vaziyatda topshiriladi.

(6-band Oʻzbekiston Respublikasi Vazirlar Mahkamasining 2020-yil 15-yanvardagi 26-sonli qarori tahririda — Qonun hujjatlari maʼlumotlari milliy bazasi, 16.01.2020-y., 09/20/26/0056-son)

7. Koʻkrak nishoni koʻkrakning chap tomoniga, Oʻzbekiston Respublikasi davlat mukofotlaridan keyin taqiladi.

8. Koʻkrak nishoni bilan mukofotlangan shaxslar bazaviy hisoblash miqdorining besh baravari miqdorida bir yoʻla toʻlanadigan pul mukofoti oladilar.

(8-bandning birinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)

Bir yoʻla toʻlanadigan pul mukofoti mukofotlangan shaxslar ishlaydigan tashkilotlarning budjetdan tashqari mablagʻlari va homiylik mablagʻlari hisobidan amalga oshiriladi.

9. Koʻkrak nishoni bilan taqdirlangan shaxs, qoidaga koʻra, bir marta mukofotlanadi.

Vazirlar Mahkamasining 2018-yil 3-iyuldagi 500-son qaroriga
7a-ILOVA

“Oʻzbekiston Respublikasi suv xoʻjaligi aʼlochisi” koʻkrak nishonining

TAVSIFI

“Oʻzbekiston Respublikasi suv xoʻjaligi aʼlochisi” koʻkrak nishoni (keyingi oʻrinlarda koʻkrak nishoni deb ataladi) diametri 34 millimetrli doira shaklida boʻlib, mis qotishmasidan tayyorlanadi.

Koʻkrak nishonining old tomoni markaziga togʻlar orqasidan chiqayotgan quyosh, paxta, bugʻdoy, daraxtlar va suv inshooti tasviri sakkiz burchakli yulduz ichiga joylashtirilgan. Koʻkrak nishonining aylanasi boʻylab zarhal hoshiya bilan oʻralgan moviy rangdagi emal doira ichida “O`ZBEKISTON RESPUBLIKASI SUV XOʼJALIGI AʼLOCNISI” soʻzlari yozilgan. Harflarning balandligi 2,3 millimetr, yozuvlar zarhallangan. Uning pastki qismi markazida zarhal rangdagi sakkiz qirrali yulduz tasviri tushirilgan.

Koʻkrak nishonining orqa tomonida “SONADAGI KO`P YILLIK SAMARALI MENNATLARI UCNUN” yozuvi bitilgan.

Koʻkrak nishonining qalinligi 2,2 millimetr.

Tasvirlar va yozuvlar qavariqdir.

Koʻkrak nishonining old va orqa tomonlarining chetlari qavariq doira bilan oʻralgan.

Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.

Qadagʻichning eni — 26 millimetr, boʻyi — 17 millimetrdan iborat. Qadagʻich toʻq moviy rangda. Qadagʻich markazida eni — 20 millimetr, boʻyi – 13 millimetr boʻlgan 6 ta yaproq va 5 ta shoxchadan iborat zarhal rangli dafna novdasi joylashgan.

Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.

Vazirlar Mahkamasining 2018-yil 3-iyuldagi 500-son qaroriga
7b-ILOVA

“Oʻzbekiston Respublikasi suv xoʻjaligi aʼlochisi” koʻkrak nishoni guvohnomasining

TAVSIFI

“Oʻzbekiston Respublikasi suv xoʻjaligi aʼlochisi” koʻkrak nishoni guvohnomasi (keyingi oʻrinlarda guvohnoma deb ataladi) 160 x 110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.

Guvohnomaning tashqi tomoni (birinchi va toʻrtinchi betlari) moviy rangda boʻlib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq moviy rangli hoshiya bilan oʻralgan.

Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli uch satrdan iborat matn joylashgan. Birinchi satrda “O'ZBEKISTON RESPUBLIKASI”, ikkinchi satrda “SUV XO'JALIGI A'LOCNISI”, uchinchi satrda “ko'krak nishoni” (“Times new Roman Bolt” shrifti, 17-kegl) soʻzlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti,17-kegl) soʻzi yozilgan. Yozuvlar zarhal rangda aks ettirilgan.

Guvohnomaning ichki tomoni (ikkinchi va uchinchi betlari) “Tangir” tasviri tushirilgan och yashil rangda boʻlib, ofset usulida chop etilgan.

Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.

Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “_____-sonli guvohnoma” (“Times new Roman Bolt” shrifti, 10-kegl) soʻzi (15 millimetrli chiziq bilan birga) joylashgan.

“Guvohnoma” soʻzidan 11 millimetr pastda mukofotlangan rahbar yoki xodimning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.

Pastki chiziqdan 6 millimetr quyida, markazda oraligʻi 2 millimetrli uch satrdan iborat matn joylashgan. Matnda “O'zbekiston Respublikasi Suv xo'jaligi vazirining” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli buyrug'iga asosan” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda, markazda oraligʻi 5 millimetrli uch satrdan iborat matn joylashgan. Birinchi satrda markazda “O'ZBEKISTON RESPUBLIKASI”, ikkinchi satrda “SUV XO'JALIGI A'LOCNISI” (“Times new Roman Bolt” shrifti, 12-kegl), uchinchi satrda “ko'krak nishoni bilan mukofotlandi.” (“Times new Roman Bolt” shrifti, 10-kegl) soʻzlari yozilgan.

“VAZIR” soʻzidan soʻng, imzo uchun 20 millimetrli chiziq chizilgan. Uning tagiga “(Imzo)” soʻzi yozilgan. Undan pastda chap tomonda muhr oʻrni uchun “M.O'.” soʻzlari yozilgan.”

Soʻnggi soʻzlardan 9 millimetr pastda, chap tomonda oraligʻi 2 millimetrli bir satrdan iborat matn joylashgan. Matnda “VAZIR” (“Times new Roman Bolt” shrifti, 10-kegl) soʻzlari yozilgan.

(7b-ilova Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

Vazirlar Mahkamasining 2018-yil 3-iyuldagi 500-son qaroriga
8-ILOVA

Suv xoʻjaligini boshqarish tizimini yanada takomillashtirish va Oʻzbekiston Respublikasi Suv xoʻjaligi vazirligining suv xoʻjaligi tashkilotlari faoliyati samaradorligini oshirish boʻyicha

ChORA-TADBIRLAR REJASI

T/r	Amalga oshiriladigan chora-tadbirlar	Amalga oshirish mexanizmi	Ijro muddati	Masʼul ijrochilar
I. Suv xoʻjaligi sohasidagi normativ-huquqiy hujjatlarni takomillashtirish
1.	Suvdan foydalanish va suv isteʼmoli boʻyicha namunaviy shartnomalarni, shuningdek, suvdan foydalanish va suv isteʼmoli boʻyicha shartnomalarni hisobga olish tartibini (kommunal suv taʼminoti tizimi bundan mustasno) belgilangan tartibda ishlab chiqish va tasdiqlash.	Normativ- huquqiy hujjat	2018-yil noyabr	Suv xoʻjaligi vazirligi, Qishloq xoʻjaligi vazirligi, Ekologiya va atrof-muhitni muhofaza qilish davlat qoʻmitasi, Davlat geologiya va mineral resurslar qoʻmitasi, Adliya vazirligi
2.	Suvdan foydalanish va suv isteʼmoli jarayonida suv resurslarining hisob-kitobi va hisobotini hamda monitoringini yuritish tartibini ishlab chiqish (kommunal suv taʼminoti tizimidan tashqari).	Normativ- huquqiy hujjat	2018-yil dekabr	Suv xoʻjaligi vazirligi, Qishloq xoʻjaligi vazirligi
3.	Suv xoʻjaligi obyektlarining qirgʻoq boʻyi mintaqalarini belgilash va qirgʻoq boʻyi mintaqalari yerlaridan suv xoʻjaligi tashkilotlarining oqilona foydalanishini ragʻbatlantirishga yoʻnaltirilgan chora-tadbirlar kompleksini �shlab chiqish.	Chora-tadbirlar kompleksi	2019-yil yanvar	Suv xoʻjaligi vazirligi, Moliya vazirligi, Davyergeodezkadastr qoʻmitasi
II. Suv xoʻjaligi obyektlaridan foydalanish samaradorligini oshirish va suvni tejovchi sugʻorish texnologiyalarini rivojlantirish boʻyicha amaliy chora-tadbirlar
4.	Suv xoʻjaligi vazirligiga ajratiladigan yoqilgʻi-moylash materiallari fondi limitlari doirasida Amu-Buxoro mashina kanali va Qarshi magistral kanalining suv olib keladigan uchastkalarida ishlaydigan zemsnaryadlar ishini uzluksiz taʼminlash maqsadida “Gidromexanizatsiya” davlat unitar korxonasiga yoqilgʻi-moylash materiallari fondi limitlarini ajratish.	Tashkiliy chora-tadbirlar	2018-yil sentyabr	Suv xoʻjaligi vazirligi, Iqtisodiyot vazirligi, “Gidromexanizatsiya” DUK
5.	Oʻzbekiston Respublikasi Suv xoʻjaligi vazirligi huzuridagi suv xoʻjaligini rivojlantirish jamgʻarmasi hamda xalqaro rivojlanish agentliklarining texnik koʻmak mablagʻlarini jalb qilgan holda suvni tejovchi sugʻorish texnologiyalarini qoʻllash, suv resurslaridan tejamli va oqilona foydalanishni targʻib qilish boʻyicha maslahat berish guruhini tuzish va uning samarali faoliyatini tashkil etish.	Tashkiliy chora-tadbirlar	2018 — 2020-yillar	Suv xoʻjaligi vazirligi, Qishloq xoʻjaligi vazirligi, Investitsiyalar boʻyicha davlat qoʻmitasi, Innovatsion rivojlanish vazirligi, Oʻzbekiston milliy teleradiokompaniyasi, Oʻzbekiston Milliy axborot agentligi
6.	Oʻzbekiston Respublikasi Suv xoʻjaligi vazirligi irrigatsiya oʻrmon xoʻjaliklarining barcha mol-mulkini, obyektlari va yer uchastkalarini belgilangan tartibda Oʻzbekiston Respublikasi Oʻrmon xoʻjaliga davlat qoʻmitasiga oʻtkazish.	Tashkiliy tadbirlari	2018-yil iyul-avgust	Suv xoʻjaligi vazirligi, Davlat raqobat qoʻmitasi, Oʻrmon xoʻjaliga davlat qoʻmitasi, Davyergeodezkadastr
III. Suv xoʻjaligi sohasidagi xodimlar malakasini oshirish tizimi va tashkiliy-iqtisodiy mexanizmlarni rivojlantirish
7.	Suv xoʻjaligi vazirligining Axborot-tahlil va resurs markazida suv xoʻjaligi xodimlarining malakasini oshirish kurslarini tashkil qilish.	Kompleks chora-tadbirlar	2018-yil avgust	Suv xoʻjaligi vazirligi
8.	Suv xoʻjaligi vazirligi va uning tarkibiy tashkilotlari bilan suv xoʻjaligi sohasida faoliyat yuritadigan nodavlat notijorat tashkilotlarining oʻzaro hamkorligini taʼminlash orqali suv xoʻjaligi sohasida ijtimoiy sherikchilikni rivojlantirish.	Kompleks chora-tadbirlar	2018-yil sentyabr	Suv xoʻjaligi vazirligi, Adliya vazirligi
9.	Xorijiy ilgʻor tajriba va havza tamoyillarini joriy etish asosida qishloq xoʻjaligida suv resurslarini boshqarish va ulardan foydalanishning tashkiliy-iqtisodiy mexanizmlarini takomillashtirish.	Ilmiy-tadqiqot ishlarini oʻtkazish	2018 — 2020-yillar	Suv xoʻjaligi vazirligi, Qishloq xoʻjaligi vazirligi, Innovatsion rivojlanish vazirligi, TIQXMMI
IV. Suv xoʻjaligi sohasida ilgʻor xorijiy va xalqaro amaliyotni qoʻllash
10.	Sugʻoriladigan yerlarning meliorativ holati monitoringining avtomatlashtirilgan tizimini yaratish, shu jumladan axborot texnologiyalaridan foydalanib meliorativ xaritalarni ishlab chiqish orqali yerlar melioratsiyasini boshqarish sohasiga ilgʻor xorijiy amaliyotni joriy etish.	Tashkiliy chora-tadbirlar	2018 — 2020-yillar	Suv xoʻjaligi vazirligi, Moliya vazirligi, Melioratsiya jamgʻarmasi, “Yergeodezkadastr” davlat qoʻmitasi
11.	Suv xoʻjaligi vazirligi huzuridagi doimiy faoliyat yuritadigan ekspert-tahlil guruhi faoliyatini yanada rivojlantirish va xorijiy davlatlar (Xitoy, Turkiya, Janubiy Koreya va boshqalar) ilgʻor tajribasini oʻrganish asosida suv resurslarini boshqarish va ulardan foydalanish samaradorligini oshirish, gidrotexnika inshootlarini modernizatsiya qilish, shuningdek suv xoʻjaligi obyektlarini loyihalash va qurish ishlarining sifatini oshirish boʻyicha takliflar tayyorlash.	Kompleks chora-tadbirlar rejasi	2018-yil noyabr	Suv xoʻjaligi vazirligi, Innovatsion rivojlanish vazirligi, Qurilish vazirligi, Tashqi ishlar vazirligi, loyiha institutlari
12.	Transchegaraviy suv oqimlari va xalqaro koʻllarni muhofaza qilish va foydalanish boʻyicha Konvensiya (BMT YIK, 1992-y.) va Xalqaro suv oqimlaridan kemalar qatnovisiz foydalanish huquqi toʻgʻrisidagi Konvensiya (BMT, 1997-y.) (keyingi oʻrinlarda Konvensiya deb ataladi) faoliyatida va tadbirlarini amalga oshirishda faol ishtirok etish: Konvensiyani davlat tiliga tarjima qilish va ommalashtirish; Konvensiyalar boʻyicha hisobot berishning milliy mexanizmini yaratish; Konvensiyalar kotibiyati bilan birgalikda Konvensiya normalarini milliy suv qonunchiligiga tatbiq etish imkoniyatlari toʻgʻrisida takliflar tayyorlash.	Tashkiliy chora-tadbirlar	2018-2019-yillar	Suv xoʻjaligi vazirligi, Tashqi ishlar vazirligi, Adliya vazirligi, Ekologiya va atrof-muhitni muhofaza qilish davlat qoʻmitasi, Davlat geologiya va mineral resurslar qoʻmitasi, “Oʻzgidromet”
V. Suv xoʻjaligi vazirligi faoliyatini samarali tashkil etish uchun zarur shart-sharoitlar yaratish
13.	Vazirlik markaziy apparati joylashgan binoni (Toshkent shahar M. Ulugʻbek tuman Qori Niyoziy koʻchasi 39 “A” korpus) mukammal taʼmirlash va unga tegishli hududni obodonlashtirish hamda xizmat xonalarini zarur mebel, kompyuterlar, ofis jihozlari va uskunalari bilan jihozlash uchun zarur xarajatlar vazirlikka ajratilgan kapital qoʻyilmalar limitlari doirasida amalga oshirish	Tashkiliy chora-tadbirlar	2019-yil aprel	Investitsiyalar boʻyicha davlat qoʻmitasi, Suv xoʻjaligi vazirligi
14.	“Oʻzsuvtaʼmirfoydalanish” respublika boshqarmasining mulklari va asos�y vositalarini “Oʻzsuvkurilishtaʼminot” respublika birlashmasiga oʻtkazish.	Tashkiliy chora-tadbirlar	2018-yil iyul	Suv xoʻjaligi vazirligi
15.	Suv xoʻjaligi vazirligi va Toshkent shahrida joylashgan Vazirlik tasarrufidagi tashkilotlar xodimlari uchun koʻp qavatli 120 xonadonga ega boʻlgan yashash kompleksini qurish uchun Toshkent shahrida yer uchastkasini ajratish.	Toshkent shahar hokimi qarori	2018-yil iyul	Toshkent shahri hokimligi, Qurilish vazirligi, Suv xoʻjaligi vazirligi, “Yergeodezkadastr” davlat qoʻmitasi
16.	“Suvloyiha” DUKning moddiy-texnika bazasi negizida Suv xoʻjaligi vazirligining avtotransport vositalari uchun Qibray tumani, Shabboda koʻchasi, 2-uy manzilida 0,62 gektar maydonda garaj binosini qurish.	Kompleks chora-tadbirlar	2018-yil iyul	Suv xoʻjaligi vazirligi, Toshkent viloyati hokimligi
17.	Oʻzbekiston Respublikasi respublika budjeti mablagʻlari, shu jumladan Oʻzbekiston Respublikasi Davlat budjeti parametrlaridagi yillik indeksatsiyani oʻz ichiga olgan holda Oʻzbekiston Respublikasi respublika budjetining qoʻshimcha manbalari hisobidan 2019-yilda 15 136 200 ming.soʻm miqdoridagi mablagʻlarning Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasiga oʻz vaqtida tushishini taʼminlash.	Mablagʻlar toʻlovi	2018-yil 1-avgustdan boshlab muntazam ravishda	Moliya vazirligi, Suv xoʻjaligi vazirligi

(8-ilova Oʻzbekiston Respublikasi Vazirlar Mahkamasining 2019-yil 12-martdagi 215-sonli qarori tahririda — Qonun hujjatlari maʼlumotlari milliy bazasi, 13.03.2019-y., 09/19/215/2774-son)

(Qonun hujjatlari maʼlumotlari milliy bazasi, 05.07.2018-y., 09/18/500/1475-son; 13.03.2019-y., 09/19/215/2774-son; 14.05.2019-y., 09/19/397/3123-son; 17.06.2019-y., 10/19/497/3290-son; 29.12.2019-y., 09/19/1046/4242-son; 16.01.2020-y., 09/20/26/0056-son; 17.04.2020-y., 09/20/234/0453-son; 27.06.2020-y., 09/20/411/1000-son; 08.07.2020-y., 09/20/429/1039-son; Qonun hujjatlari maʼlumotlari milliy bazasi, 04.06.2021-y., 09/21/345/0522-son; Qonunchilik maʼlumotlari milliy bazasi, 28.08.2021-y., 09/21/545/0832-son)