|
Hujjat kuchini yo‘qotgan " " 01.07.2021
|
Oʻzbekiston Respublikasi Vazirlar Mahkamasining
qarori
Vaqtinchalik bir martalik ish bilan taʼminlash byurolarini tashkil etish toʻgʻrisida
(qaror nomi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 1-iyuldagi 410-sonli “Vaqtincha, mavsumiy va bir martalik ishlarda band boʻlgan fuqarolarning mehnat faoliyati samaradorligini oshirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining 2000-yil 25-iyuldagi F-1218-son farmoyishi bilan tashkil etilgan fuqarolarning yollanib (kunbay) ishlashi toʻgʻrisidagi masalani oʻrganish boʻyicha Respublika komissiyasi tomonidan fuqarolar tomonidan vaqtinchalik bir martalik ishlar bajarilishi masalalari oʻrganib chiqildi.
Tahlillar vaqtinchalik bir martalik ishlarni bajaruvchi koʻpchilik shaxslar, eng avvalo yoshlar, ishga joylashishda qiyinchiliklarga duch kelayotganligini, zarur mehnat koʻnikmalari, kasblar va malakaga ega emasligini koʻrsatdi. Shu bilan birga fuqarolarning muayyan qismi vaqtinchalik bir martalik ishlarni bajarish bahonasi bilan oʻz oilaviy majburiyatlarini bajarishdan, oʻz oilalarini moddiy taʼminlashdan bosh tortishining koʻplab hollari mavjud, ular pasport tizimi qoidalarini buzmoqdalar.
Joylardagi hokimiyat va boshqaruv organlari tomonidan koʻrsatib oʻtilgan hodisalarni tugʻdiruvchi sabablarni oʻrganish boʻyicha ishlar juda qoniqarsiz olib borilayotganligini normal hol deb hisoblash mumkin emas, kichik va oʻrta biznesni, xizmat koʻrsatish sohasini, kasanachilik mehnatini hamda aholini mehnat faoliyatiga jalb etishning boshqa shakllarini keng rivojlantirish uchun zarur shart-sharoitlar taʼminlanmayapti.
Ishsizlikning sabablarini oʻrganish va uni bartaraf etish boʻyicha aniq chora-tadbirlarni amalga oshirish yuzasidan Mehnat va aholini ijtimoiy muhofaza qilish vazirligining va uning joylardagi organlarining ishini qoniqarli deb boʻlmaydi. Mehnat, aholini ish bilan taʼminlash va ijtimoiy muhofaza qilish mahalliy organlari tomonidan oʻtkazilayotgan boʻsh ish oʻrinlari yarmarkalari zarur samara bermayapti, ularda vaqtinchalik bir martalik ishlarni izlovchi shaxslar, shuningdek mulkchilikning barcha shakllaridagi korxonalar va tashkilotlar faol qatnashmayapti.
Ish bilan mashgʻul boʻlmagan aholi bilan ishlash, fuqarolarni ishga joylashtirish uchun zarur shart-sharoitlar yaratish yuzasidan ichki ishlar organlari, mehnat, aholini ish bilan taʼminlash va ijtimoiy muhofaza qilish organlari, fuqarolarning oʻzini oʻzi boshqarish organlarining oʻzaro hamkorligi sust tashkil etilgan.
Fuqarolar vaqtinchalik bir martalik ishlarga yollanadigan oʻz-oʻzidan shakllanayotgan joylarda zarur jamoat tartibi va zarur ijtimoiy-maishiy shart-sharoitlarning yoʻqligiga toqat qilib boʻlmaydi.
Vaqtinchalik bir martalik ishlarni bajaruvchi fuqarolarning mehnat faoliyatini tartibga solish, ular uchun zarur ijtimoiy-maishiy shart-sharoitlar yaratish va ularni ishga joylashtirishga koʻmaklashish maqsadida Vazirlar Mahkamasi qaror qiladi:
1. Mehnat va aholini ijtimoiy muhofaza qilish vazirligi (Obidov), Ichki ishlar vazirligi (Almatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuqorida bayon etilgan salbiy hollarni keltirib chiqargan sabablarni, shuningdek fuqarolarni vaqtinchalik bir martalik ishlar bilan taʼminlash bozorini tashkil etishdagi jiddiy kamchiliklarni bartaraf etish masʼuliyati yuklansin.
2. Oʻzbekiston Respublikasi Bandlik va mehnat munosabatlari vazirligi tuzilmasida tuman (shahar) Aholi bandligiga koʻmaklashish markazlari huzurida filial shaklida Vaqtinchalik bir martalik ish bilan taʼminlash byurolari tashkil qilinsin.
(2-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
3. Quyidagilar Vaqtinchalik ish bilan taʼminlash Byurolarning asosiy vazifalari etib belgilansin:
(3-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
vaqtinchalik bir martalik ishlarga yollanishda fuqarolarga koʻmaklashish;
vaqtinchalik bir martalik ishlarni bajaruvchi fuqarolarga yangidan tashkil etilgan va boʻsh ish joylarida ishga joylashish, kasb-kor tayyorgarligi, oʻz ishini tashkil etish va yuritish masalalari boʻyicha maslahat va kasbga yoʻllash xizmatlari koʻrsatish;
vaqtinchalik bir martalik ishlarni bajarish uchun fuqarolarni yollashda ish beruvchi xususiy shaxslarga koʻmaklashish;
vaqtinchalik bir martalik ish izlovchi fuqarolarni keng xabardor qilish uchun xususiy ish beruvchilar tomonidan beriladigan ish turlari toʻgʻrisidagi maʼlumotlar bankini shakllantirish;
vaqtinchalik bir martalik ishga yollanuvchi fuqarolarni vaqtinchalik bir martalik ishlarni bajarishda jamoat tartibiga rioya qilish, pasport rejimi qoidalari, shuningdek mehnat xavfsizligining asosiy qoidalari toʻgʻrisida xabardor qilish;
manfaatdor ish beruvchilar va vaqtinchalik bir martalik ish izlovchi shaxslar ishtirokida boʻsh ish oʻrinlari yarmarkalarini muntazam ravishda oʻtkazish;
vaqtinchalik bir martalik ish izlovchi fuqarolar uchun zarur ijtimoiy-maishiy shart-sharoitlar yaratish, ovqatlanish shoxobchalari tashkil etish;
jamoat tartibini saqlash, vaqtinchalik bir martalik ishlarni bajaruvchi fuqarolar tomonidan qonun hujjatlari buzilishining oldini olish.
4. Quyidagilar:
Vaqtinchalik bir martalik ish bilan taʼminlash Byuro toʻgʻrisidagi Namunaviy nizom 1-ilovaga muvofiq;
Vaqtinchalik bir martalik ish bilan taʼminlash Byuroning namunaviy tashkiliy tuzilmasi 2-ilovaga muvofiq tasdiqlansin.
Belgilansinki:
Vaqtinchalik bir martalik ish bilan taʼminlash byurosi huzurida Vaqtinchalik bir martalik ish bilan taʼminlash byurosi tashkil etilayotgan tuman (shahar) Aholi bandligiga koʻmaklashish markazi direktorining rasmiy tavsiyasi asosida tegishli hududiy mehnat organi rahbari tomonidan lavozimga tayinlanadigan direktor rahbarlik qiladi;
Vaqtinchalik bir martalik ish bilan taʼminlash byurosi xodimlari va Vaqtinchalik bir martalik ish bilan taʼminlash byurosida doimiy ravishda boʻladigan shahar (tuman) ichki ishlar boʻlimining masʼul xodimi mehnatiga haq toʻlash tegishli ravishda tuman (shahar) Aholi bandligiga koʻmaklashish markazi va ichki ishlar boʻlimi tomonidan amalga oshiriladi;
Byurolarni tashkil etish va saqlab turish, shu jumladan, Byuro xodimlari mehnatiga haq toʻlash Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan amalga oshiriladi.
vaqtinchalik bir martalik ish izlovchi fuqarolarga, shuningdek ish beruvchi xususiy shaxslarga xizmatlar Byuro tomonidan tekin koʻrsatiladi.
Vaqtinchalik bir martalik ish bilan taʼminlash byurosi tuman (shahar) Aholi bandligiga koʻmaklashish markazlarining Oʻzbekiston Respublikasi Bandlik va mehnat munosabatlari vazirligining qarori bilan oʻrnatiladigan va ularni saqlash xarajatlari Bandlikka koʻmaklashish davlat jamgʻarmasi mablagʻlari hisobidan amalga oshiriladigan qoʻshimcha xodimlari hisobidan butlanadi.
Oʻzbekiston Respublikasi Bandlik va mehnat munosabatlari vazirligi, Ichki ishlar vazirligi Byurolar xodimlari oʻz lavozim majburiyatlarini bajarishlari ustidan qatʼiy nazoratni taʼminlasinlar, ularning vaqtinchalik bir martalik ish izlovchi fuqarolarga nisbatan oʻz xizmat mavqeyini suiisteʼmol qilishlariga yoʻl qoʻymasinlar.
(4-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
5. Oʻzbekiston Respublikasi Bandlik va mehnat munosabatlari vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
(5-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
fuqarolar vaqtinchalik bir martalik ishlarga yollanadigan joylarni hisobga olgan holda ikki hafta muddatda Markazlarning joylashtirilishini belgilasinlar va bir oy muddatda ushbu Markazlarni tashkil etsinlar;
Vaqtinchalik bir martalik ish bilan taʼminlash byurolari huzurida ovqatlanish shoxobchalari tashkil etilishini va ish izlovchi fuqarolar uchun boshqa zarur ijtimoiy-maishiy shart-sharoitlar yaratilishini taʼminlasinlar;
(5-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
Oldingi tahrirga qarang.
Oʻzbekiston Respublikasi Iqtisodiyot vazirligi, Davlat mulki qoʻmitasi bilan birgalikda aholining, birinchi navbatda kasb tayyorgarligiga ega boʻlmagan yoshlarning, ayollarning va sudning hukmi bilan jazoni oʻtagan shaxslarning ish bilan taʼminlanishi darajasini oshirish yuzasidan dasturiy maqsadli chora-tadbirlarni ishlab chiqsinlar va amalga oshirsinlar. Ushbu dasturlarda kichik va oʻrta biznesni, xususiy tadbirkorlikni, kasanachilik mehnatini rivojlantirish, maishiy xizmatlar sohasini kengaytirish yoʻli bilan fuqarolarni doimiy yashash joylarida ishga joylashtirish nazarda tutilsin;
(5-bandning toʻrtinchi xatboshi Oʻzbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda— OʻR QHT, 2003-y., 4-son, 42-modda)
ichki ishlar organlari, fuqarolarning oʻzini oʻzi boshqarish organlari bilan birgalikda vaqtinchalik bir martalik ishlarni bajarish uchun doimiy yashash joyidan tashqariga muntazam ravishda ketib qolayotgan, oilani moddiy taʼminlashga oid majburiyatlarini bajarishdan bosh tortib yurgan, jamoatga zid turmush tarzi olib borayotgan shaxslarni ular doimiy yashaydigan joylarda ish bilan taʼminlash maqsadida monitoring olib borsinlar.
6. Oʻzbekiston Pochta va telekommunikatsiyalar agentligi Oʻzbekiston Respublikasi Mehnat va aholini ijtimoiy muhofaza qilish vazirligining buyurtmalari boʻyicha Vaqtinchalik bir martalik ish bilan taʼminlash markazlarini zarur telefon aloqasi bilan jihozlasin.
7. Oʻzbekiston Respublikasi Moliya vazirligi, Davlat soliq qoʻmitasi, basharti vaqtinchalik bir martalik ishlar Vaqtinchalik bir martalik ish bilan taʼminlash markazlari orqali bajarilsa, bunday ishlardan olingan fuqarolarning daromadlarini soliq solishdan ozod qilishni nazarda tutuvchi amaldagi qonun hujjatlariga oʻzgartirish va qoʻshimchalar kiritish toʻgʻrisidagi takliflarni oʻn kun muddatda ishlab chiqsinlar va Vazirlar Mahkamasiga kiritsinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov va Oʻzbekiston Respublikasi Prezidentining Davlat maslahatchisi T.A. Xudoyberganov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2001-yil 18-may,
223-son
Vaqtinchalik bir martalik ish bilan taʼminlash byuro toʻgʻrisida
NAMUNAVIY NIZOM
(ilova nomi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
1. Mazkur Nizom Vaqtinchalik bir martalik ish bilan taʼminlash byuroning vazifalari, funksiyalari va faoliyati tartibini belgilab beradi.
(1-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
2. Vaqtinchalik bir martalik ish bilan taʼminlash byurosi Oʻzbekiston Respublikasi Bandlik va mehnat munosabatlari vazirligi tuzilmasida tuman (shahar) Aholi bandligiga koʻmaklashish markazi huzurida fuqarolarning vaqtinchalik bir martalik mehnat faoliyatini tartibga solish maqsadida tashkil etiladi.
(2-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
3. Byuro yuridik shaxs huquqlari bilan tashkil etiladi va oʻz faoliyatini amaldagi qonun hujjatlariga muvofiq amalga oshiradi.
(3-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
Byurolarni joylashtirish vaqtinchalik bir martalik ishlarga yollashning shakllangan joylari hisobga olingan holda Oʻzbekiston Respublikasi Bandlik va mehnat munosabatlari vazirligi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda belgilanadi.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
4. Quyidagilar Byuroning asosiy vazifalari va faoliyati yoʻnalishlari hisoblanadi:
(4-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
vaqtinchalik bir martalik ishga yollanishda fuqarolarga koʻmaklashish;
vaqtinchalik bir martalik ishlarni bajaruvchi fuqarolarga yangidan tashkil etilgan va boʻsh ish joylarida ishga joylashish, kasb-kor tayyorgarligi, oʻz ishini tashkil etish va yuritish masalalari boʻyicha maslahat va kasbga yoʻllash xizmatlari koʻrsatish;
vaqtinchalik bir martalik ishlarni bajarish uchun fuqarolarni yollashda ish beruvchi xususiy shaxslarga koʻmaklashish;
vaqtinchalik bir martalik ish izlovchi fuqarolarni keng xabardor qilish uchun xususiy ish beruvchilar tomonidan beriladigan ish turlari toʻgʻrisidagi maʼlumotlar bankini shakllantirish;
vaqtinchalik bir martalik ishga yollanuvchi fuqarolarni vaqtinchalik bir martalik ishlarni bajarishda jamoat tartibiga rioya qilish, pasport rejimi qoidalari, shuningdek mehnat xavfsizligining asosiy qoidalari toʻgʻrisida xabardor qilish;
manfaatdor ish beruvchilar va vaqtinchalik bir martalik ish izlovchi shaxslar ishtirokida boʻsh ish oʻrinlari yarmarkalarini muntazam ravishda oʻtkazish;
Byuroda vaqtinchalik bir martalik ish izlovchi fuqarolar uchun zarur ijtimoiy-maishiy shart-sharoitlar yaratish, ovqatlanish shoxobchalari tashkil etish;
(4-bandning sakkizinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
jamoat tartibini saqlash, vaqtinchalik bir martalik ishlarni bajaruvchi fuqarolar tomonidan qonun hujjatlari buzilishining oldini olish.
5. Byuroning ish vaqti va tartibi tuman (shahar) Aholi bandligiga koʻmaklashish markazining takliflari boʻyicha shahar, tuman hokimligi tomonidan mazkur joyda fuqarolar tomonidan vaqtinchalik bir martalik ishlarning bajarilishi borasida yuzaga kelgan xususiyatlar eʼtiborga olingan holda belgilanadi. Qoidaga koʻra, Byuroning ish vaqti soat 6.00 da boshlanadi, ishni tugatish vaqti soat 16.00. Byuro dam olish kunlarisiz ishlaydi.
Zaruratga qarab, tuman (shahar) Aholi bandligiga koʻmaklashish markazining taklifiga koʻra tuman (shahar) hokimligi Byuroning boshqacha ish tartibi va vaqtini belgilashi mumkin.
(5-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
6. Vaqtinchalik bir martalik ish bilan taʼminlash byurosi xodimlari mehnatiga haq toʻlash tuman (shahar) Aholi bandligiga koʻmaklashish markazi tomonidan amalga oshiriladi.
(6-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
7. Markazda ichki ishlar organlarining bir nafar xodimi doimiy ravishda ishlaydi.
Markazning qoʻshimcha xodimlariga sarflanadigan xarajatlar Bandlikka koʻmaklashish davlat jamgʻarmasining mablagʻlari hisobiga amalga oshiriladi.
Markazda doimiy boʻluvchi shahar (tuman) ichki ishlar boʻlimi xodimining mehnatiga tegishli shahar (tuman) ichki ishlar boʻlimi tomonidan haq toʻlanadi.
(7-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
8. Byuroning shtatdagi xodimlari:
(8-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
fuqarolarga xususiy ish beruvchilar va yuridik shaxslarning vaqtinchalik bir martalik ishlarning muayyan turlarini bajarishga doir mavjud buyurtmanomalari toʻgʻrisida maʼlumotlar berishga;
xususiy ish beruvchilar va yuridik shaxslarning vaqtinchalik bir martalik ishlarni bajarishga doir buyurtmanomalarini qabul qilish va roʻyxatdan oʻtkazishga;
vaqtinchalik bir martalik ishlarning aniq turlariga boʻlgan ehtiyoj toʻgʻrisida maʼlumotlar bankini shakllantirish va muntazam ravishda yangilab turishga;
vaqtinchalik bir martalik ishlarni bajarishga yollanishda, shuningdek yangidan tashkil etilayotgan va boʻsh ish oʻrinlariga doimiy asosda ishga kirishda fuqarolarga koʻmaklashishga;
mehnat toʻgʻrisidagi qonunlar, kasb-hunarga oʻqitish va qayta oʻqitish, oʻz ishini yoʻlga qoʻyishni tashkil etish masalalari boʻyicha fuqarolarga maslahat xizmatlari koʻrsatishga;
zarurat boʻlganda aniq masalalarni hal etish uchun mehnat organlarining boshqa mutaxassislarini jalb etishga yoki yuzaga kelayotgan masalalarni hal etishda yordam olish uchun fuqarolarni tegishli mahalliy organlarga yoʻllashga;
(8-bandning yettinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-son qarori tahririda — OʻR QHT, 2017-y., 15-son, 249-modda)
fuqarolarni vaqtinchalik bir martalik ishlarni bajarishning asosiy qoidalari bilan tanishtirishga;
Byuro tomonidan boʻsh ish oʻrinlari yarmarkasi muntazam oʻtkazilishida bevosita ishtirok etishga;
(8-bandning toʻqqizinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
yuridik shaxslar fuqarolarni vaqtinchalik bir martalik ishlarga yollash masalalari yuzasidan Markazga murojaat qilgan hollarda qonun hujjatlarida belgilangan tartibda mehnat shartnomalari rasmiylashtirilishida koʻmaklashishga majburdirlar.
9. Byuroda doimiy ravishda boʻluvchi ichki ishlar organlarining xodimi:
(9-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
vaqtinchalik bir martalik ishlarni bajarayotgan fuqarolar tomonidan jamoat tartibiga, pasport rejimiga rioya etilishini taʼminlashga;
vaqtinchalik bir martalik ish qidirayotgan fuqarolar tomonidan huquqni buzishlarning oldini olish yuzasidan profilaktika chora-tadbirlarini oʻtkazishga majburdir.
10. Byuro orqali vaqtinchalik bir martalik ishlarga yollanayotgan fuqarolar Byuroda:
vaqtinchalik bir martalik ishlarga doir takliflar va tuman (shahar) korxonalaridagi mavjud boʻsh ish oʻrinlari toʻgʻrisidagi maʼlumotlarni;
Byuro xodimlarining mehnat va ish bilan taʼminlash toʻgʻrisida amaldagi qonun normalari, shuningdek ayrim ish turlari boʻyicha xavfsiz ish usullari toʻgʻrisidagi maslahatni;
yuridik shaxslar fuqarolarni vaqtinchalik bir martalik ishlarga yollash masalalari yuzasidan Byuroga murojaat qilgan hollarda mehnat shartnomalarini rasmiylashtirishda koʻmakni tekin olish huquqiga egadirlar.
(10-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
11. Vaqtinchalik bir martalik ish izlovchi fuqarolarga ushbu Nizomga 1-ilovaga muvofiq shakl boʻyicha vaqtinchalik bir martalik ish bilan shugʻullanish huquqini beruvchi guvohnoma beriladi.
Vaqtinchalik bir martalik ish bilan shugʻullanish huquqini beruvchi guvohnoma olishga ariza berishda fuqarolar vaqtincha turgan joyi yoki doimiy yashash joyi boʻyicha roʻyxatga olingan boʻlishlari, qonun hujjatlarida belgilangan pasport rejimiga va jamoat tartibiga rioya etishlari shart.
(11-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
111. Boshqa mintaqalardan kelgan fuqarolar uchun vaqtinchalik bir martalik ish bilan shugʻullanish huquqini beruvchi guvohnoma Qoraqalpogʻiston Respublikasi va viloyatlarda vaqtinchalik roʻyxatdan oʻtish muddatiga, shuningdek Toshkent shahri va Toshkent viloyatida vaqtincha hisobga olish muddatiga beriladi. Bunda vaqtinchalik bir martalik ish bilan shugʻullanish huquqini beruvchi guvohnoma muddati olti oydan ortiq boʻlishi mumkin emas.
112. Vaqtinchalik bir martalik ish bilan shugʻullanish huquqini beruvchi guvohnoma olish uchun fuqaro tomonidan Vaqtinchalik bir martalik ish bilan taʼminlash byuroga:
(112-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
a) ariza;
Oldingi tahrirga qarang.
(112-bandning “b” kichik bandi Oʻzbekiston Respublikasi Vazirlar Mahkamasining 2021-yil 29-iyundagi 402-sonli qaroriga asosan chiqarilgan — Qonunchilik maʼlumotlari milliy bazasi, 30.06.2021-y., 09/21/402/0618-son)
v) 3 x 4 sm oʻlchamli toʻrtta fotosurat;
Oldingi tahrirga qarang.
(112-bandning “g” kichik bandi Oʻzbekiston Respublikasi Vazirlar Mahkamasining 2021-yil 29-iyundagi 402-sonli qaroriga asosan chiqarilgan — Qonunchilik maʼlumotlari milliy bazasi, 30.06.2021-y., 09/21/402/0618-son)
113. Vaqtinchalik bir martalik ish bilan shugʻullanish huquqini beruvchi guvohnoma ushbu Nizomning 112-bandida nazarda tutilgan barcha hujjatlar taqdim etilgandan keyin ikki ish kuni mobaynida beriladi.
(111 — 113-bandlar Oʻzbekiston Respublikasi Vazirlar Mahkamasining 2016-yil 26-fevraldagi 54-sonli qaroriga asosan kiritilgan — OʻR QHT, 2016-y., 9-son, 88-modda)
12. Fuqarolarni vaqtinchalik bir martalik ishlarni bajarishga yollayotgan ish beruvchilar:
yollangan fuqarolarga xavfsiz mehnat sharoitini yaratib berishga;
fuqarolar tomonidan bajarilgan ishlar uchun ish haqini ogʻzaki kelishuvga muvofiq toʻliq hajmda va oʻz vaqtida toʻlashga;
fuqarolar vaqtinchalik bir martalik ishni bajarayotgan vaqtida ularga zarur ijtimoiy-maishiy shart-sharoitlarni taʼminlashga;
yollangan xodim tomonidan amaldagi qonun hujjatlari talablari buzilishi va xodim vaqtinchalik bir martalik ishlarni bajarayotgan vaqtida u bilan yuz bergan baxtsiz hodisalar toʻgʻrisida Byuroga yoki vakolatli organlarga zudlik bilan xabar berishga majburdir.
(12-bandning beshinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
13. Quyidagilarga:
Oʻzbekiston Respublikasi hududida taqiqlangan faoliyat turlariga kiritilgan vaqtinchalik bir martalik ishlarni bajarish uchun fuqarolarni yollashga;
16 yoshga toʻlmagan shaxslarni vaqtinchalik bir martalik ishlarga mustaqil ravishda yollashga yoʻl qoʻyilmaydi.
14. Vaqtinchalik bir martalik ish bilan taʼminlash byuro koʻrgazmali axborotlar oʻrin olgan stendlar bilan jihozlanadi, ularda:
(14-bandning birinchi xatboshisi Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
vaqtinchalik bir martalik ishlarga oid takliflar toʻgʻrisidagi maʼlumotlar;
tuman (shahar) korxonalaridagi mavjud boʻsh ish oʻrinlari toʻgʻrisidagi maʼlumotlar;
mehnat va ish bilan taʼminlash toʻgʻrisidagi amaldagi qonun hujjatlaridan koʻchirmalar;
mehnat xavfsizligi qoidalariga doir yoʻriqnomalar, boshqa zarur maʼlumotlar joylashtiriladi.
15. Vaqtinchalik bir martalik ish qidirayotgan fuqarolarni ijtimoiy-maishiy shart-sharoitlar bilan taʼminlash maqsadida tuman (shahar) Aholi bandligiga koʻmaklashish markazi direktori tadbirkorlik subyektlariga Byuro hududidagi boʻsh turgan bino va maydonlarda:
ovqatlanish shoxobchasi, sanitariya uzellari, shuningdek oʻtiradigan joylarni;
vaqtinchalik bir martalik ishlarni bajarish uchun kerak boʻladigan inventarlar va uskunalarni sotish va ijaraga berish shoxobchasini tashkil etish uchun belgilangan minimal ijara stavkalari boʻyicha berish huquqiga ega.
(15-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
16. Byuroni barpo etish va uni joriy taʼminlash xarajatlari Ish bilan taʼminlashga koʻmaklashish davlat jamgʻarmasining mablagʻlari hisobiga amalga oshiriladi.
Vaqtinchalik bir martalik ish qidirayotgan fuqarolarga, shuningdek ish beruvchi xususiy shaxslarga Byuro bepul xizmat koʻrsatadi.
(16-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
17. Mazkur Nizom fuqarolar va ish beruvchilarni Vaqtinchalik bir martalik ish bilan taʼminlash byuroning faoliyat koʻrsatish qoidalari bilan tanishtirish maqsadida qulay va koʻrinarli joyga joylashtiriladi.
(17-band Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
Vaqtinchalik bir martalik ish bilan taʼminlash byuro toʻgʻrisidagi namunaviy nizomga
1-ILOVA
1-ILOVA
| (old tomoni) | |||
|
_____________________________________________________da | |||
| Familiyasi | |
Muhr bilan tasdiqlangan | |
| Ismi | | ||
| Otasining ismi | | ||
| Tugʻilgan yili | | ||
| Tugʻilgan joyi | | ||
| Doimiy yashash joyi manzili | | ||
| Vaqtinchalik yashash joyi yoki vaqtincha turgan joyi boʻyicha roʻyxatga olish manzili | | ||
| Pasportning seriyasi va raqami, kim tomonidan va qachon berilgan | | ||
| | |||
| Guvohnomaning amal qilish muddati | | ||
| Vaqtinchalik bir martalik ish bilan taʼminlash byuro rahbarining F.I.O. | | ||
|
imzo va muhr | |||
| (Orqa tomoni) | |||
|
| |||
|
Guvohnoma egasi guvohnomani pasport bilan birgalikda olib yurishi, zarur tarzda saqlashi va uni uchinchi shaxslarga bermasligi shart. | |||
(1-ilova Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
Vaqtinchalik bir martalik ish bilan taʼminlash markazi toʻgʻrisidagi namunaviy nizomga
2-ILOVA
2-ILOVA
|
SOʻROVNOMA | |
| Soʻrovnomaning tartib raqami _________ |
Soʻrovnoma toʻldirilgan sana |
| Ismi | |
| Familiyasi | vavavaiaivaiaivaivaivaaiva |
| Otasining ismi | |
| Tugʻilgan sanasi | |
| Tugʻilgan joyi | |
| Jinsi | |
| Doimiy yashash joyi manzili | |
|
Vaqtinchalik yashash joyi yoki vaqtincha turgan joyi boʻyicha roʻyxatga olish manzili |
|
| Pasportning seriyasi va raqami | |
| Kim tomonidan va qachon berilgan | |
| Maʼlumoti | |
| Mutaxassisligi | |
| Mutaxassislik boʻyicha ish staji | |
| Vaqtinchalik bir martalik ish izlash sababi | |
| Qachon va qaysi xorijiy mamlakatlarga chiqqan | |
| Xorijiy mamlakatlarga chiqishning maqsadi | |
| Jinoiy javobgarlikka tortilganmi | |
|
Agar jinoiy javobgarlikka tortilgan boʻlsa, qachon va Jinoyat kodeksining qaysi moddasi boʻyicha javobgarlikka tortilgan |
|
| Soʻrovnomani qabul qilgan shaxsning F.I.O. | |
|
Soʻrovnomaga kiritilgan maʼlumotlarning haqiqiyligini kafolatlayman |
|
(2-ilova Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)
Vaqtinchalik bir martalik ish bilan taʼminlash byurosining namunaviy
TAShKILIY TUZILMASI
* Vaqtinchalik bir martalik ish bilan taʼminlash byurosi mahalliy mehnat bozorining konyunkturasi va vaqtinchalik bir martalik ishlarning mavsumiyligini hisobga olgan holda Oʻzbekiston Respublikasi Bandlik va mehnat munosabatlari vazirligining qarori bilan qoʻshimcha xodimlar hisobidan butlanadi.
(2-ilova Oʻzbekiston Respublikasi Vazirlar Mahkamasining 2017-yil 8-sentabrdagi 703-sonli qarori tahririda — OʻR QHT, 2017-y., 37-son, 990-modda)
(Oʻzbekiston Respublikasi qonun hujjatlari toʻplami, 2001-y., 10-son, 61-modda; 2003-y., 4-son, 42-modda; 2007-y., 19-20-son, 195-modda; 2010-y., 13-son, 96-modda; 2012-y., 17-son, 191-modda; 2016-y., 9-son, 88-modda; 2017-y., 15-son, 249-modda, 37-son, 990-modda; Qonun hujjatlari maʼlumotlari milliy bazasi, 29.09.2020-y., 09/20/593/1340-son; Qonunchilik maʼlumotlari milliy bazasi, 30.06.2021-y., 09/21/402/0618-son)
