Hujjat kuchini yo‘qotgan " " 15.05.2019
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi Nizomni tasdiqlash haqida
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2019-yil 15-maydagi 404-sonli “Oʻzbekiston Respublikasi Davlat aktivlarini boshqarish agentligi faoliyatini tashkil etish boʻyicha chora-tadbirlar toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasini tashkil etish toʻgʻrisida” 2017-yil 18-apreldagi PF-5016-son Farmonini ijro etish hamda Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi (keyingi oʻrinlarda Jamgʻarma deb ataladi) faoliyatini tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi Nizom 1-ilovaga muvofiq tasdiqlansin.
Oldingi tahrirga qarang.
(2-band Oʻzbekiston Respublikasi Prezidentining 2018-yil 26-dekabrdagi PQ-4086-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 27.12.2018-y., 07/18/4086/2354-son)
3. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
4. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
5. Vazirliklar va idoralar bir oy muddatda oʻz normativ-huquqiy hujjatlarini ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 19-iyun,
391-son
Vazirlar Mahkamasining 2017-yil 19-iyundagi 391-son qaroriga
1-ILOVA
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish, taqsimlash va ulardan foydalanish tartibini belgilaydi.
2. Jamgʻarma yuridik shaxs maqomisiz tashkil etiladigan davlat maqsadli jamgʻarmasi hisoblanadi.
3. Mablagʻlarni xususiylashtirilgan korxonalarni amaliy ravishda qoʻllab-quvvatlashga, investitsiya loyihalarini amalga oshirishga va tadbirkorlarning biznes yuritish asoslariga oʻqishini tashkil etishga yoʻnaltirish Jamgʻarmaning asosiy vazifasi hisoblanadi.
2-bob. Jamgʻarma mablagʻlarini shakllantirish
4. Jamgʻarma mablagʻlari quyidagi manbalar hisobiga shakllantiriladi:
Oldingi tahrirga qarang.
(4-bandning “a” kichik bandi Oʻzbekiston Respublikasi Prezidentining 2018-yil 26-dekabrdagi PQ-4086-sonli qaroriga asosan chiqarilgan — Qonun hujjatlari maʼlumotlari milliy bazasi, 27.12.2018-y., 07/18/4086/2354-son)
b) ushbu Nizomning 2-ilovasiga muvofiq sxema boʻyicha Jamgʻarmaga yoʻnaltiriladigan davlat mulki ijarasidan tushadigan mablagʻlar, ijara toʻlovini toʻlash kechiktirilganligi uchun penya va shartnoma majburiyatlari buzilganligi uchun jarimalar summasi;
v) ushbu Nizomning 3-ilovasiga muvofiq sxema boʻyicha jamlanadigan boshqa manbalar, shu jumladan:
korxonalarni, xoʻjalik jamiyatlarining ustav fondlaridagi aksiyalar (ulushlar)ni, yer uchastkalarini (shu jumladan, yakka tartibda uy-joy qurish (dehqon xoʻjaligini yuritish) uchun yer uchastkalariga meros qilib qoldiriladigan umrbod egalik qilish huquqi) va davlat mulki hisoblanadigan boshqa mulklarni (keyingi oʻrinlarda davlat aktivlari deb ataladi) sotishdan tushgan mablagʻlar;
Jamgʻarma mablagʻlari hisobidan ilgari berilgan qarzlar boʻyicha qarz oluvchilar tomonidan olingan qarzlarning asosiy summasi va ular boʻyicha hisoblangan foizlar tarzida qaytarilgan tushumlar;
Jamgʻarmaning vaqtincha boʻsh mablagʻlarini joylashtirishdan olinadigan daromadlar;
tuzilgan va bekor qilingan davlat aktivlari oldi-sotdi shartnomalari (bitimlari), berilgan qarzlar boʻyicha tushgan penyalar va jarimalar;
xoʻjalik jamiyatlari qonun hujjatlarida belgilangan tartibda tugatilganda davlat ulushi boʻyicha tushumlar;
protokolni yoki oldi-sotdi shartnomasini imzolashdan bosh tortgan yoki uni rad etgan auksionlar, tanlovlar (tendyerlar) yoki ommaviy oferta gʻoliblaridan ushlab qolingan zakalat summalari;
davlat aktivlarini sotishda ixtisoslashtirilgan tashkilotlar tomonidan shartnoma majburiyatlari buzilganligi uchun neustoyka summalari;
Jamgʻarmaning mablagʻlari hisobidan ilgari oʻtkazilgan mablagʻlar qaytarilishidan tushumlar;
sud qarorlari boʻyicha tushumlar;
qonun hujjatlarida taqiqlanmagan boshqa manbalar.
5. Ushbu Nizomning 4-bandida koʻrsatilgan mablagʻlar Jamgʻarmaning Oʻzbekiston Respublikasi Moliya vazirligi Gʻaznachiligi va uning hududiy boʻlinmalarida ochilgan shaxsiy hisob raqamlarida jamlanadi.
(5-bandning ikkinchi xaboshisi Oʻzbekiston Respublikasi Vazirlar Mahkamasining 2017-yil 9-oktabrdagi 810-sonli qaroriga asosan chiqarilgan — Qonun hujjatlari maʼlumotlari milliy bazasi, 12.10.2017 g., № 09/17/810/0095)
6. Jamgʻarmaga barcha turdagi manbalar boʻyicha tushgan mablagʻlar soliqqa tortilmaydi.
3-bob. Jamgʻarma mablagʻlarini taqsimlash va ulardan foydalanish
7. Jamgʻarma mablagʻlarini taqsimlash, ushbu Nizomning 8 va 10-bandlariga muvofiq taqsimlanadigan mablagʻlardan tashqari, quyidagi nisbatlarda amalga oshiriladi:
a) 96,5 foizi — kichik tadbirkorlik subyektlarining xususiylashtirilgan obyektlar va korxonalar negizida amalga oshiriladigan investitsiya loyihalarini moliyalashtirishga maqsadli yoʻnaltirish uchun tijorat banklariga;
b) 1,5 foizi — mablagʻlarni maqsadli ravishda bozor infratuzilmasini rivojlantirishga va tadbirkorlarni huquqiy jihatdan qoʻllab-quvvatlashga, shu jumladan, tadbirkorlar uchun tashkil etilgan oʻquv kurslarini moliyalashtirishga yoʻnaltirish uchun Oʻzbekiston Respublikasi Savdo-sanoat palatasiga;
v) 2 foizi — tasarruf etish va boshqarish funksiyalarini amalga oshirish, shu jumladan, davlat mulki va xususiylashtirilgan obyektlar elektron bazasi va reyestrini shakllantirish, xususiylashtirilgan korxonalarni rivojlantirish boʻyicha “yoʻl xaritalari”ni ishlab chiqish va amalga oshirish bilan bogʻliq xarajatlarni qoplash uchun Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (keyingi oʻrinlarda Davlat raqobat qoʻmitasi deb ataladi)ning budjetdan tashqari jamgʻarmasiga.
Ushbu bandning “b” va “v” kichik xatboshilarda koʻzda tutilgan mablagʻlar har oyda hisobot oyidan keyingi oyning 15-sanasidan kechiktirmasdan tegishli mablagʻ oluvchilarning hisob raqamlariga yoʻnaltiriladi.
Jamgʻarma mablagʻlarini taqsimlash va ulardan foydalanish, jumladan mablagʻlardan foydalanish boʻyicha hisobotlar va nazoratni amalga oshirish ushbu Nizomning 4-ilovasiga muvofiq sxema boʻyicha amalga oshiriladi.
8. Oʻzbekiston Respublikasi Prezidentining “Tadbirkorlik maqsadlarida foydalanish uchun davlat mulki obyektlarini sotishni jadallashtirish va uning tartib-taomillarini yanada soddalashtirish chora-tadbirlari toʻgʻrisida” 2017-yil 17-yanvardagi PF-4933-son Farmoniga muvofiq, Qoraqalpogʻiston Respublikasi Vazirlar Kengashining Raisi, viloyatlar va Toshkent shahri hokimlarining qarorlari asosida sotiladigan davlat mulki obyektlarini sotishdan tushadigan mablagʻlar Davlat raqobat qoʻmitasi hududiy organlari tomonidan tegishli ravishda Qoraqalpogʻiston Respublikasi respublika budjetiga, viloyatlar va Toshkent shahrining mahalliy budjetlariga yoʻnaltiriladi, ushbu Nizomning 7-bandiga muvofiq Davlat raqobat qoʻmitasi hamda Oʻzbekiston Respublikasi Savdo-sanoat palatasi tasarrufida qoldiriladigan shuningdek, Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasiga yoʻnaltiriladigan auksion savdolarida fuqarolarga yer uchastkalariga meros qilib qoldiriladigan umrbod egalik qilish huquqini sotishdan tushadigan tushumning 10 foizi mablagʻlar bundan mustasno.
(8-bandning birinchi xatboshisi Oʻzbekiston Respublikasi Vazirlar Mahkamasining 2018-yil 7-iyundagi 433-sonli qarori tahririda — Qonun hujjatlari maʼlumotlari milliy bazasi, 11.06.2018-y., 09/18/433/1335-son)
 LexUZ sharhi
8-bandning birinchi xatboshisiga Oʻzbekiston Respublikasi Prezidentining 2017-yil 29-dekabrdagi PQ-3454-sonli qaroriga asosan oʻzgartirish kiritilgan. Rus tili matniga qarang.
Bunda:
tushgan mablagʻlardan davlat aktivini sotish bilan bogʻliq xarajatlar (baholovchi tashkilotlar, savdolar tashkilotchilari, vositachilar va depozitariylar xizmatlarini toʻlash xarajatlari) chegiriladi. Davlat aktivlari oldi-sotdi shartnomalari (bitimlari) bekor qilingan taqdirda tegishli budjetlarga, Davlat raqobat qoʻmitasiga va Oʻzbekiston Respublikasi Savdo-sanoat palatasiga, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasiga avval yoʻnaltirilgan mablagʻlar qaytarilmaydi;
(8-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 7-iyundagi 433-sonli qarori tahririda — Qonun hujjatlari maʼlumotlari milliy bazasi, 11.06.2018-y., 09/18/433/1335-son)
Qoraqalpogʻiston Respublikasi respublika budjetiga, viloyatlar va Toshkent shahrining mahalliy budjetlariga, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasiga mablagʻlar ularning tushishiga koʻra har haftada yoʻnaltiriladi.
(8-bandning toʻrtinchi xatboshisi Oʻzbekiston Respublikasi Vazirlar Mahkamasining 2018-yil 7-iyundagi 433-sonli qarori tahririda — Qonun hujjatlari maʼlumotlari milliy bazasi, 11.06.2018-y., 09/18/433/1335-son)
davlat aktivlarini sotishdan tushadigan mablagʻlarning 25 foizi miqdoridagi qismi Qoraqalpogʻiston Respublikasi respublika budjetiga, viloyatlar va Toshkent shahar mahalliy budjetlariga yoʻnaltirilgan hollarda mablagʻlarning (Davlat raqobat qoʻmitasi hamda Oʻzbekiston Respublikasi Savdo-sanoat palatasi tasarrufida qoldiriladigan mablagʻlardan tashqari) qolgan qismi ushbu Nizomning 4-bobida nazarda tutilgan maqsadlarga yoʻnaltiriladi.
(8-band Oʻzbekiston Respublikasi Vazirlar Mahkamasining 2018-yil 22-maydagi 384-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 24.05.2018-y., 09/18/384/1266-son)
9. Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlarida aniq davlat aktivini sotishdan tushgan mablagʻlar boshqa maqsadlarga toʻliq yoki qisman yoʻnaltirilgan taqdirda, mazkur Nizomning 7-bandi mablagʻlarning qolgan qismiga tatbiq etiladi.
Bunda tushgan mablagʻlar nazarda tutilgan maqsadlarga:
sotib olish toʻlovlari (shu jumladan, hisoblangan taqdirda — penyalar) toʻliq toʻlangandan keyin yoʻnaltiriladi, Oʻzbekiston Respublikasi Davlat budjetiga, davlat maqsadli jamgʻarmalari va davlat boshqaruv organlari va/yoki budjet tashkilotlari hisob raqamlariga yoʻnaltiriladigan mablagʻlar bundan mustasno;
davlat aktivlarining tuzilgan va bekor qilingan oldi-sotdi shartnomalari (bitimlari) boʻyicha penya va jarimalar summasi, shuningdek ushbu davlat aktivini sotish bilan bogʻliq xarajatlar (baholovchi tashkilotlar, savdolar tashkilotchilari, vositachilar va depozitariylar xizmatlarini toʻlash xarajatlari) chegirilgan holda yoʻnaltiriladi.
10. Davlat aktivlari oldi-sotdisi boʻyicha tuzilgan va bekor qilingan shartnomalar, berilgan qarzlar boʻyicha tushgan penya va jarimalar summalari quyidagi tartibda taqsimlanadi:
50 foizi — Davlat raqobat qoʻmitasining budjetdan tashqari jamgʻarmasiga oʻtkaziladi;
qolgan qismi — mazkur Nizomning 7-bandiga muvofiq taqsimlanadi.
11. Jamgʻarma mablagʻlari hisobidan berilgan qarzlarning asosiy summasi va ular boʻyicha hisoblangan foizlar tarzida qaytarilgan tushumlar summasi toʻliq miqdorda Jamgʻarma hisobiga oʻtkaziladi.
12. Davlat aktivlari oldi-sotdi shartnomasi (bitimi) bekor qilinganda:
mablagʻlarni sotib oluvchiga qaytarish, agar sudning qarorida yoki shartnoma tomonlarining alohida kelishuvi bilan boshqacha hol nazarda tutilmagan boʻlsa, toʻlangan mablagʻlardan penyalar yoki jarimalar summasini ushlab qolgan holda davlat aktivlari oldi-sotdi shartnomasi (bitimi) shartlariga muvofiq amalga oshiriladi;
(12-bandning uchinchi xaboshisi Oʻzbekiston Respublikasi Vazirlar Mahkamasining 2017-yil 9-oktabrdagi 810-sonli qaroriga asosan chiqarilgan — Qonun hujjatlari maʼlumotlari milliy bazasi, 12.10.2017 g., № 09/17/810/0095)
(12-bandning toʻrtinchi xaboshisi Oʻzbekiston Respublikasi Vazirlar Mahkamasining 2017-yil 9-oktabrdagi 810-sonli qaroriga asosan chiqarilgan — Qonun hujjatlari maʼlumotlari milliy bazasi, 12.10.2017 g., № 09/17/810/0095)
penyalar va jarimalar summasini taqsimlash mazkur shartnoma (bitim) boʻyicha ilgari toʻlangan va taqsimlanmagan mablagʻlar Jamgʻarma hisob raqamlarida mavjud boʻlganda, shuningdek Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining alohida qarorlarida nazarda tutilgan maqsadlar uchun oʻtkazilgan mablagʻlar Jamgʻarmaga qaytarilganda (undirilganda) mazkur Nizomning 10-bandiga muvofiq amalga oshiriladi.
Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining alohida qarorlarida nazarda tutilgan maqsadlar uchun ilgari oʻtkazilgan mablagʻlar mablagʻ oluvchilar tomonidan Jamgʻarmaga qaytarilishi lozim, Oʻzbekiston Respublikasi Davlat budjetiga, davlat maqsadli jamgʻarmalari va davlat boshqaruv organlari va/yoki budjet tashkilotlari hisob raqamlariga yoʻnaltirilgan mablagʻlar bundan mustasno.
13. Mablagʻlarni mazkur Nizomning 7-bandiga muvofiq taqsimlash quyidagilarni chegirgan holda amalga oshiriladi:
Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlariga asosan Jamgʻarmaning umumiy mablagʻlari hisobidan bir yoʻla toʻlovlar;
xususiylashtirilgan qurilishi tugallanmagan obyektlar va foydalanilmayotgan ishlab chiqarish maydonlari negizida tashkil etilgan xususiylashtirilgan korxonalar va tadbirkorlik subyektlariga koʻmaklashish tadbirlarini (simpoziumlar, konferensiyalar, forumlar, seminarlar, trening va oʻquv kurslari, tashriflar, aksiyalar, koʻrgazma va tanlovlar, ommaviy axborot vositalarida chiqish va yoritishlar va boshqalar) oʻtkazish xarajatlari;
belgilangan tartibda bekor qilingan davlat aktivlari oldi-sotdi shartnomalari (bitimlari) boʻyicha Davlat raqobat qoʻmitasi va uning hududiy organlari tomonidan xaridorlarga qaytarilgan mablagʻlar;
talabgorlar tomonidan davlat aktivlari oldi-sotdi shartnomalari (bitimlari) tuzish uchun deponentlangan, lekin ular boʻyicha shartnomalar (bitimlar) tuzilmagan va ularning egalariga qaytarilishi kerak boʻlgan mablagʻlar;
Jamgʻarmaga notoʻgʻri tushgan va ortiqcha oʻtkazilgan, shuningdek aniqlashtirilgungacha summalar;
davlat aktivlarini sotish, shu jumladan aksiyalarni ikkilamchi ommaviy taklif qilish, davlatga tegishli aksiyalarga boʻlgan huquq hisobini yuritish boʻyicha depozitariy xizmatlarini toʻlash bilan bogʻliq xarajatlar;
Davlat raqobat qoʻmitasi yoki uning hududiy organlari buyurtmalariga asosan davlat aktivlarini xususiylashtirish, davlat korxonalarini qayta tashkil etish, davlat aktivlarini xoʻjalik jamiyatlariga operativ boshqarish huquqi bilan va ustav fondiga berish maqsadida hamda davlat manfaatlarini koʻzlab boshqa hollarda baholashda baholovchi tashkilotlar xizmatlarini toʻlash bilan bogʻliq xarajatlar;
Davlat mulkini xorijiy investorlarga sotishda tender savdolarini oʻtkazish boʻyicha Davlat komissiyasi tomonidan belgilangan shartlar va mezonlarga asosan jalb qilinganda, amaliy tadqiqotlarni bajarish, normativ-huquqiy hujjatlar, metodik hujjatlarni ekspertizadan oʻtkazish, ishlab chiqish, davlat aktivlarini sotishdan oldingi tayyorlash boʻyicha ilmiy-tadqiqot, auditorlik, moliya, konsalting, boshqa xorijiy va mahalliy va xorijiy tashkilotlar, mustaqil ekspertlar xizmatlarini toʻlash bilan bogʻliq xarajatlar;
yuridik shaxslarning aksiyalari (ulushlari, paylari)ni, shuningdek boshqa aktivlarni davlat manfaatlarini koʻzlab sotib olish bilan bogʻliq xarajatlar;
davlat aktivlarini boshqarish boʻyicha xizmatlar haqini toʻlash bilan bogʻliq xarajatlar;
sud qarorlari asosida amalga oshirilgan xarajatlar.
14. Davlat raqobat qoʻmitasi va uning hududiy organlari tomonidan xarajatlarni amalga oshirishda tovar yetkazib beruvchilar bilan shartnomalar quyidagi holatlarda tanlov (tanlab olish)ni oʻtkazmasdan tuzilishi mumkin:
davlat aktivlari toʻgʻrisidagi reklamalarni va axborot tusidagi eʼlonlarni ommaviy axborot vositalarida joylashtirish, shuningdek reklama va eʼlonlarni tashqi reklama vositalarida (bilbordlar, bannyerlar va boshqalarda) joylashtirish;
davlat aktivlarini sotishda, shuningdek yuridik shaxslarning aksiyalari (ulushlari, paylari)ni va boshqa aktivlarni davlat manfaatlarini koʻzlab sotib olishda birja va birjadan tashqari savdolarga xizmat koʻrsatuvchi ixtisoslashtirilgan tashkilotlar tomonidan xizmatlar koʻrsatish;
Davlat raqobat qoʻmitasi huzuridagi Xususiylashtirish, raqobatni rivojlantirish va korporativ boshqaruv muammolari tadqiqotlari markazi tomonidan normativ-huquqiy hujjatlar, metodik hujjatlar loyihalarini ishlab chiqish, ilmiy-tadqiqot va boshqa ishlarni amalga oshirish;
Korporativ boshqaruv ilmiy-taʼlim markazi va Davlat raqobat qoʻmitasi huzuridagi Tadbirkorlik faoliyati asoslarini oʻqitish respublika markazida Davlat raqobat qoʻmitasi va uning tarkibiy boʻlinmalari xodimlarini, shuningdek davlat ishonchli vakillari va xususiylashtirilgan korxonalar negizida loyihalarni amalga oshiruvchi tadbirkorlarni qayta tayyorlash, malakasini oshirish va oʻqitish;
Davlat raqobat qoʻmitasi huzuridagi “Privatinformsistem” axborot texnologiyalari markazi” DUK tomonidan zamonaviy axborot-texnologik kompyuter dasturlarini, elektron maʼlumotlar bazasi va reyestrlarini, lokal kompyuter tarmogʻini ishlab chiqish, joriy etish va ular boʻyicha xizmat koʻrsatish;
Davlat mulkini xorijiy investorlarga sotishda tender savdolari oʻtkazish boʻyicha Davlat tender komissiyasi qarorlari asosida mahalliy ixtisoslashtirilgan tashkilotlar tomonidan davlat aktivlarini sotish boʻyicha maslahat xizmatlari koʻrsatish;
baholovchi tashkilotlar tomonidan xizmatlar koʻrsatish. Baholovchi tashkilotlar xizmatlarini toʻlash bilan bogʻliq xarajatlar Davlat raqobat qoʻmitasi tomonidan tasdiqlangan va Oʻzbekiston Respublikasi Moliya vazirligi bilan kelishilgan Nizomga muvofiq qoplanadi.
15. Jamgʻarmaning joriy moliya yili yakuni boʻyicha qoldiq mablagʻlari olib qoʻyilmaydi va keyingi yilga oʻtadi.
4-bob. Kichik tadbirkorlik subyektlarining investitsiya loyihalarini amalga oshirish uchun tijorat banklariga mablagʻlar ajratish
16. Kichik tadbirkorlik subyektlarining xususiylashtirilgan obyektlar va korxonalar negizida amalga oshiriladigan investitsiya loyihalarini moliyalashtirish Jamgʻarmadan tijorat banklariga (keyingi oʻrinlarda banklar deb ataladi) mablagʻlar ajratish yoʻli bilan amalga oshiriladi:
a) kichik tadbirkorlik subyektlarining xususiylashtirilgan obyektlar va korxonalar negizida amalga oshiriladigan investitsiya loyihalari uchun ular tomonidan kreditlar berilganda Oʻzbekiston Respublikasi Markaziy bankining qayta moliyalashtirish stavkasidan koʻpi bilan 4 foizga oshadigan foizli xarajatlarni qoplashga subsidiyalar (keyingi oʻrinlarda subsidiyalar deb ataladi);
b) kichik tadbirkorlik subyektlarining xususiylashtirilgan obyektlar va korxonalar negizida amalga oshiriladigan investitsiya loyihalariga kreditlar berish uchun muddatlilik, toʻlovlilik va qaytarishlik asosida kredit resurslari (keyingi oʻrinlarda resurslar deb ataladi).
17. Subsidiya va resurslar maqsadli hisoblanadi va kichik tadbirkorlik subyektlarining xususiylashtirilgan obyektlar va korxonalar negizida amalga oshiriladigan investitsiya loyihalarini moliyalashtirish uchun banklar tomonidan milliy valyutada kreditlar berishda quyidagi yoʻnalishlar boʻyicha ajratiladi:
tayyor mahsulot, yarim tayyor mahsulotlar va butlovchi buyumlar ishlab chiqarishning, shuningdek xizmat (ish) turlarining yangi quvvatlarini tashkil qilishga;
mavjud ishlab chiqarishni modernizatsiya qilish va texnologik yangilashga, shu asosda ishlab chiqarishni diversifikatsiya qilish, raqobatbardosh, eksportga moʻljallangan mahsulotlar chiqarilishini kengaytirish, mahsulot hajmini oshirish va turlarini kengaytirishni taʼminlashga;
mahsulot ishlab chiqarish va xizmatlar koʻrsatishni yoʻlga qoʻyish uchun zarur sharoitlar yaratish maqsadida muhandislik-kommunikatsiya, yoʻl-transport va ijtimoiy infratuzilma obyektlarini, boshqa asosiy fondlarni qurish, rekonstruksiya qilish va mukammal taʼmirlashga.
18. Subsidiya va resurslar ustav kapitalida davlat ulushi 50 foizdan kam boʻlmagan banklarga maqsadli subsidiyalar berish (kredit liniyalari ochish) toʻgʻrisida Davlat raqobat qoʻmitasi va bosh bank oʻrtasida tuziladigan Bosh kelishuvga asosan ajratiladi.
19. Bosh kelishuv tuzish uchun banklar Davlat raqobat qoʻmitasiga:
bankning tegishli boshqaruv organi (kuzatuv kengashi yoki aksiyadorlar umumiy yigʻilishi) tomonidan tasdiqlangan Bosh kelishuv tuzish toʻgʻrisidagi qarorning bir nusxasini;
hududlar boʻyicha joriy kalendar yili uchun resurslar (subsidiyalar hajmi)ga boʻlgan ehtiyoj hisob-kitobini taqdim etadi.
20. Davlat raqobat qoʻmitasi har oyda, hisobot oyidan keyingi oyning 10-sanasidan kechiktirmasdan Davlat raqobat qoʻmitasi bilan Bosh kelishuv tuzgan banklarga Oʻzbekiston Respublikasi Prezidentining “Tadbirkorlarning ishlab chiqarish maydonlaridan foydalanishlarini yanada ragʻbatlantirish chora-tadbirlari toʻgʻrisida” 2017-yil 23-fevraldagi PQ-2796-son qaroriga muvofiq tashkil etilgan qurilishi tugallanmagan obyektlar va foydalanilmayotgan ishlab chiqarish maydonlarini xatlovdan oʻtkazish hamda aniqlash boʻyicha Idoralararo komissiyalar (keyingi oʻrinlarda Hududiy idoralararo komissiyalar deb ataladi) tomonidan tasdiqlangan ilgari xususiylashtirilgan qurilishi tugallanmagan obyektlar va foydalanilmayotgan ishlab chiqarish maydonlari negizida investitsiya loyihalari roʻyxatini taqdim etadi.
21. Banklar tanlangan loyihalarning mazkur Nizomning 17-bandida koʻrsatilgan yoʻnalishlarga muvofiqligi va ajratiladigan subsidiyalar summasi hisob-kitobining ishonchliligi, shuningdek resurslar va ular boʻyicha foizlarning Jamgʻarmaga oʻz vaqtida qaytarilishi uchun javob beradilar.
5-bob. Banklarga subsidiyalar ajratish tartibi
22. Banklarning joylardagi filiallari kichik tadbirkorlik subyektlari (keyingi oʻrinlarda loyiha tashabbuskori deb ataladi) tomonidan taqdim etilgan investitsiya loyihalarini mazkur Nizomning 17-bandida koʻrsatilgan yoʻnalishlar boʻyicha banklarning kredit siyosatida belgilangan mezonlar doirasida koʻrib chiqadilar.
Ilgari xususiylashtirilgan qurilishi tugallanmagan obyektlar va foydalanilmayotgan ishlab chiqarish maydonlari negizidagi investitsiya loyihalarini bank filiallari tomonidan koʻrib chiqish va tanlash Hududiy idoralararo komissiyalar tasdiqlagan loyihalar jumlasidan amalga oshiriladi.
23. Kredit berish toʻgʻrisidagi qaror banklarning tegishli kredit qoʻmitalari tomonidan qabul qilinadi. Bunda kredit shartnomasida foiz toʻlovlarining bir qismi Jamgʻarmadan ajratiladigan subsidiyalar hisobidan qoplanishi koʻrsatilishi lozim.
Kredit berishni maʼqullash toʻgʻrisidagi bankning tegishli kredit qoʻmitasi qarori nusxasi Davlat raqobat qoʻmitasi hududiy organiga taqdim etiladi.
24. Subsidiyalar ajratish uchun banklar har oyda, oyning 25-sanasidan kechikmasdan hududlar boʻyicha foiz toʻlovlari yuzasidan subsidiya taqdim etiladigan kreditlar roʻyxatini hamda aniq kredit boʻyicha subsidiya summasini ilova qilgan holda Davlat raqobat qoʻmitasiga subsidiyalarga boʻlgan ehtiyoj toʻgʻrisidagi maʼlumotni taqdim etadilar.
Taqdim etilgan materiallar Davlat raqobat qoʻmitasi tomonidan ular tushgan kundan boshlab 10 ish kunidan koʻp boʻlmagan muddatda koʻrib chiqiladi.
Subsidiyalar ajratish uchun asoslar yetarli emas deb eʼtirof etilgan taqdirda, Davlat raqobat qoʻmitasi sabablari izohlangan holda rad etish toʻgʻrisida yozma xabarnoma yuboradi.
25. Subsidiyalar qarz oluvchilar — loyiha tashabbuskorlari tomonidan foiz toʻlovlari toʻlanganda ajratiladi. Bunda qarz oluvchi — loyiha tashabbuskori kredit shartnomasida koʻzda tutilgan foiz toʻlovlarini Jamgʻarma tomonidan qoplanadigan subsidiya boʻyicha toʻlov qismini chegirgan holda toʻlaydi.
26. Jamgʻarmadan subsidiyalar har oyda Bosh kelishuvda koʻzda tutilgan miqdor va Jamgʻarma mablagʻlari qoldigʻi doirasida ajratiladi.
Subsidiya ajratish uchun buyurtmanomalar subsidiya chegirilib, loyihalar tashabbuskorlari tomonidan kreditning haqiqatda qoplangan foizli xarajatlari summasini koʻrsatgan holda, bosh bank tomonidan har oyda hisobot oyidan keyingi oyning 15-sanasidan kechikmay Davlat raqobat qoʻmitasiga taqdim etiladi.
Jamgʻarma tomonidan subsidiyalar mazkur bandning ikkinchi xatboshida koʻrsatilgan buyurtmanomalar taqdim etish oyidan keyingi oyning 15-sanasidan kechikmay bosh bank hisob raqamiga mablagʻlarni oʻtkazish yoʻli bilan ajratiladi.
Qarz oluvchi — loyiha tashabbuskori tomonidan kredit kechikib toʻlangan taqdirda, ajratiladigan subsidiyalar summasi tasdiqlangan toʻlov jadvalida qayd etilgan summadan ortiq boʻlmasligi kerak.
Foizli xarajatlarni hisoblash va subsidiyalar ajratish boʻyicha shartli misollar mazkur Nizomning 5-ilovasida keltirilgan.
27. Subsidiyalar ajratish quyidagi holatlarda toʻxtatiladi:
qoplangan kreditlar boʻyicha;
kredit shartnomasi bekor qilinganda yoki haqiqiy emas deb topilganda;
bank kredit shartnomasini bekor qilish yoki haqiqiy emas deb topish toʻgʻrisida daʼvo bilan sudga murojaat qilganda va undiruvni mulkka (garovga) qaratganda;
ushbu kreditga “foiz oʻstirmaslik” maqomi qoʻllanilganda.
28. Agar:
Oʻzbekiston Respublikasi Markaziy bankining qayta moliyalashtirish stavkasi oʻzgarganda, ajratilayotgan subsidiyalar summasi kredit rasmiylashtirilgan kunda qayd etilgan darajada oʻzgarishsiz qoladi;
kredit shartnomasi bekor qilingan yoki haqiqiy emas deb topilgan taqdirda, ushbu shartnoma boʻyicha ajratilgan subsidiyalar kredit shartnomasini bekor qilish yoki haqiqiy emas deb topish toʻgʻrisidagi sud qarori kuchga kirgan kundan boshlab 30 kun ichida bosh bank tomonidan Jamgʻarmaga qaytariladi.
29. Bosh bank tomonidan foydalanilmagan va Jamgʻarmaga qaytarilgan subsidiyalar mazkur Nizomning 7-bandiga muvofiq taqsimlanmaydi va 4-bobda koʻzda tutilgan maqsadlarga yoʻnaltiriladi.
6-bob. Banklarga resurslar ajratish tartibi
30. Resurslar tuzilgan Bosh kelishuv va Jamgʻarma qoldiq mablagʻlari doirasida Oʻzbekiston Respublikasi Markaziy bankining qayta moliyalashtirish stavkasini yillik ikki foizga kamaytirilganiga teng foiz stavkasida bosh bankka ajratiladi.
Resurslar va ular boʻyicha foizlar qarz oluvchilar — loyiha tashabbuskorlariga kreditlar ajratilishidan va ular tomonidan qaytarilishidan qatʼi nazar, Bosh kelishuv shartlariga muvofiq bosh bank tomonidan qaytariladi.
31. Bosh kelishuvni tuzgan banklar mablagʻlar olish uchun har oyda Davlat raqobat qoʻmitasiga hududlar va qarz oluvchilar — loyiha tashabbuskorlari boʻyicha kredit ajratish toʻgʻrisida kredit qoʻmitasining qarori, kreditning umumiy summasi, kredit boʻyicha Jamgʻarmadan ilgari olingan mablagʻlar summasi va olinadigan mablagʻlar boʻyicha buyurtmanoma summasi toʻgʻrisida maʼlumotlar koʻrsatilgan buyurtmanoma taqdim etadilar.
32. Banklar ajratilgan resurslar hisobidan loyiha tashabbuskoriga Oʻzbekiston Respublikasi Markaziy bankining qayta moliyalashtirish stavkasidan oshmagan stavkada uch yilgacha muddatga kreditlar beradi.
Banklar ilgari xususiylashtirilgan qurilishi tugallanmagan obyektlar va foydalanilmayotgan ishlab chiqarish maydonlari negizidagi investitsiya loyihalarini Hududiy idoralararo komissiyalar tasdiqlangan loyihalar tarkibidan koʻrib chiqiladi va tanlanadi.
33. Qabul qilingan buyurtmanomalarga asosan Davlat raqobat qoʻmitasi banklarga mablagʻlarni oʻtkazadi. Davlat raqobat qoʻmitasi bilan Bosh kelishuvlar tuzgan banklar mablagʻ olish uchun kiritilgan buyurtmanomalarning toʻgʻriligi va kreditlarning maqsadli ishlatilishi boʻyicha monitoring yuritishga javobgardirlar.
34. Banklar har oyda hisobot oyidan keyingi oyning 15-sanasidan kechiktirmasdan ajratilgan resurslari hisobidan kichik tadbirkorlik subyektlarining xususiylashtirilgan obyektlar va korxonalar negizida investitsiya loyihalarini amalga oshirish uchun berilgan kreditlar toʻgʻrisida qarz oluvchilar — loyiha tashabbuskorlari boʻyicha maʼlumotlarni Davlat raqobat qoʻmitasiga taqdim etadilar.
35. Olingan resurslar va ular boʻyicha foizlar mablagʻlarini qoplash Bosh kelishuvlar shartlariga muvofiq banklar tomonidan har oyda amalga oshiriladi.
36. Bosh bank tomonidan Jamgʻarmaga qaytarilgan resurslar (ular boʻyicha foizlar bilan birgalikda) mazkur Nizomning 7-bandiga muvofiq taqsimlanmaydi va 4-bobda koʻzda tutilgan maqsadlarga yoʻnaltiriladi.
7-bob. Jamgʻarma mablagʻlarini boshqarish
37. Jamgʻarmani boshqarish Davlat raqobat qoʻmitasining Moliya va buxgalteriya hisobi boshqarmasi tomonidan amalga oshiriladi, boshqarma:
Jamgʻarmaning daromadlari va xarajatlari prognozini manbalar, hududlar va choraklar boʻyicha tayyorlaydi, uning bajarilishini tahlil qiladi va monitoringini yuritadi;
Jamgʻarma mablagʻlarining tushishi va taqsimlanishi hisobini yuritadi, mazkur Nizom va qonunchilikda koʻzda tutilgan xarajatlarni amalga oshiradi, Jamgʻarma budjetining ijrosi toʻgʻrisidagi hisobotni tuzadi;
qonunchilikda belgilangan tartibda Jamgʻarma budjetining ijrosi toʻgʻrisidagi hisobotni Oʻzbekiston Respublikasi Moliya vazirligiga hamda Oʻzbekiston Respublikasi Vazirlar Mahkamasiga taqdim etadi.
38. Davlat raqobat qoʻmitasining Xususiylashtirilgan korxonalarga koʻmaklashish bosh boshqarmasi, Xususiylashtirilgan korxonalar faoliyatini monitoring va tahlil qilish hududiy boʻlimlari va Xususiylashtirilgan korxonalarga koʻmaklashish hududiy boʻlimlari:
Hududiy idoralararo komissiyalar tasdigʻiga kiritish uchun ilgari xususiylashtirilgan qurilishi tugallanmagan obyektlar va foydalanilmayotgan ishlab chiqarish maydonlari negizidagi investitsiya loyihalarini koʻrib chiqish va tanlashda ishtirok etadi;
Jamgʻarma mablagʻlari hisobidan subsidiyalar va resurslar olish toʻgʻrisidagi banklarning buyurtmanomalarini va Jamgʻarmadan olingan resurslar hisobidan kichik tadbirkorlik subyektlariga ajratilgan kreditlar toʻgʻrisidagi banklar tomonidan taqdim etilgan maʼlumotlarni koʻrib chiqishda ishtirok etadi;
kichik tadbirkorlik subyektlarining investitsiya loyihalari amalga oshirilishi boʻyicha tahlil va monitoring olib boradi va ularning amalga oshirilishi boʻyicha maʼlumotlar tayyorlaydi.
8-bob. Jamgʻarma mablagʻlarining tushishi va ulardan foydalanilishi boʻyicha hisob, hisobot va nazorat
39. Jamgʻarma mablagʻlarining tushishi va taqsimlanishi toʻgʻrisidagi maʼlumotlar hududiy organlar tomonidan har oyda hisobot oyidan keyingi oyning birinchi sanasidagi holatiga koʻra, hisobot oyining 5-sanasidan kechikmay Davlat raqobat qoʻmitasiga taqdim etiladi.
40. Jamgʻarma hisobotining daromad va xarajat qismidan quyidagilar chegirib qolinadi:
xato va ortiqcha kirim qilingan summalar, shuningdek talabgorlar tomonidan shartnomalar (bitimlar) tuzish uchun deponentlangan, lekin ular boʻyicha shartnomalar (bitimlar) tuzilmagan mablagʻlar — ular qaytarilgan davrda;
Jamgʻarma mablagʻlari hisobidan xato va ortiqcha oʻtkazilgan summalar — ular oʻtkazilgan davrda.
Jamgʻarma mablagʻlari hisobidan xato va ortiqcha oʻtkazilgan summalar Jamgʻarmaga qaytarilishi va mazkur Nizomga muvofiq taqsimlanishi lozim.
41. Davlat raqobat qoʻmitasi har oyda hisobot oyidan keyingi oyning 15-sanasidan kechikmay Oʻzbekiston Respublikasi Moliya vazirligiga Jamgʻarma budjetining ijrosi toʻgʻrisida hisobot taqdim etadi.
Oldingi tahrirga qarang.
(42-band Oʻzbekiston Respublikasi Prezidentining 2018-yil 26-dekabrdagi PQ-4086-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 27.12.2018-y., 07/18/4086/2354-son)
43. Jamgʻarmaga tushadigan mablagʻlar hisob-kitobining oʻz vaqtida olib borilishini quyidagilar taʼminlaydi:
savdo tashkilotchilari — hisob-kliring xizmatlari koʻrsatish toʻgʻrisida tuzilgan shartnomalarga muvofiq birja savdolarida sotilgan davlat aktivlari boʻyicha;
Davlat raqobat qoʻmitasi va uning hududiy organlari –qonunchilikka muvofiq birjadan tashqari savdolarda sotilgan davlat aktivlari boʻyicha;
Davlat mulkini ijaraga berish markazlari — davlat mulki ijarasidan tushadigan mablagʻlar, ijara toʻlovini toʻlash kechiktirilganligi uchun penyalar va shartnoma majburiyatlari buzilganligi uchun jarimalar summasi boʻyicha;
mablagʻlar oʻtkazishga javobgar tashkilotlar — boshqa manbalar boʻyicha.
9-bob. Yakunlovchi qoidalar
44. Davlat raqobat qoʻmitasi va uning hududiy organlari Jamgʻarma mablagʻlarini toʻgʻri taqsimlash, shuningdek qonunchilikka muvofiq Jamgʻarma budjetining ijrosi toʻgʻrisidagi hisobotni tuzish va taqdim etish yuzasidan javob beradilar.
45. Jamgʻarmadan mablagʻ oluvchilar mablagʻlardan qonunchilikka muvofiq maqsadli va toʻgʻri foydalanilishi yuzasidan javob beradilar.
46. Jamgʻarma mablagʻlaridan maqsadli va samarali foydalanilishini nazorat qilish belgilangan tartibda Oʻzbekiston Respublikasi Moliya vazirligining Nazorat-taftish bosh boshqarmasi tomonidan amalga oshiriladi.
Oldingi tahrirga qarang.
(1-ilova Oʻzbekiston Respublikasi Prezidentining 2018-yil 26-dekabrdagi PQ-4086-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 27.12.2018-y., 07/18/4086/2354-son — 2019-yil 1-yanvardan kuchga kiradi)
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomga
2-ILOVA
Davlat mulki ijarasidan tushadigan mablagʻlar, ijara toʻlovini toʻlash kechiktirilganligi uchun penya va shartnoma majburiyatlari buzilganligi uchun jarimalar summasini Jamgʻarmaga yoʻnaltirish
SXEMASI
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomga
3-ILOVA
Jamgʻarmaning boshqa manbalari boʻyicha mablagʻlarni jamlash
SXEMASI
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomga
4-ILOVA
Jamgʻarma mablagʻlarini taqsimlash va ulardan foydalanish, shuningdek hisobot va ulardan foydalanilishini nazorat qilish
SXEMASI
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasi mablagʻlarini shakllantirish, taqsimlash va ulardan foydalanish tartibi toʻgʻrisidagi nizomga
5-ILOVA
Foizli xarajatlarni hisoblash va subsidiya ajratishga
ShARTLI MISOLLAR
1-misol
Kredit qaytarish jadvaliga muvofiq qaytarilganda
Loyiha tashabbuskoriga 500 000 000,0 soʻm miqdorida 36 oy muddatga, 14% yillik foiz stavkasi miqdorida kredit ajratiladi, shundan subsidiya hisobiga qoplanadigan qismi- 4%.
Kredit qaytarish jadvaliga asosan qaytarilgan holatlarda, loyiha tashabbuskori tomonidan belgilangan stavka miqdoridagi subsidiyalar chegirilgan holda (14% — 4% = 10%) yopilgan asosiy qarzdan kelib chiqib (500 000 000,0 soʻm / 36 oy = 13 888 889,0 soʻm) har oyda foizli xarajatlar toʻlanadi.
Loyiha tashabbuskori tomonidan qaytarish jadvaliga muvofiq toʻlangan asosiy qarz va foiz xarajatlaridan kelib chiqqan holda Xususiylashtirilgan korxonalarga koʻmaklashish jamgʻarmasi tomonidan har oyda bosh bankka 4% subsidiyalar ajratiladi.
Asosiy qarzni teng ulushlarda har oyda qaytarish jadvaliga asosan qaytarilgan holatlarda har oylik foizli xarajatlarni hisoblash quyidagi jadvalda keltirilgan:

T/r

Sana

Jadvalga muvofiq asosiy qarz

Asosiy qarz qoldigʻi

Jami hisoblangan foizlar

Loyiha tashabbuskori

tomonidan foiz stavkasi boʻyicha subsidiya chegirilgan holda qaytariladigan

Jamgʻarma hisobidan ajratiladigan subsidiya

Kredit boʻyicha jami toʻlovlar

a

b

v

g = (d + e)

d

e

j

1.

1-oy

13 888 889

486 111 111

5 753 425

4 109 589

1 643 836

19 642 314

2.

2-oy

13 888 889

472 222 222

5 593 607

3 995 434

1 598 174

19 482 496

3.

3-oy

13 888 889

458 333 333

5 433 790

3 881 279

1 552 511

19 322 679

4.

4-oy

13 888 889

444 444 444

5 273 973

3 767 123

1 506 849

19 162 862

5.

5-oy

13 888 889

430 555 555

5 114 155

3 652 968

1 461 187

19 003 044

6.

6-oy

13 888 889

416 666 666

4 954 338

3 538 813

1 415 525

18 843 227

7.

7-oy

13 888 889

402 777 777

4 794 521

3 424 658

1 369 863

18 683 410

8.

8-oy

13 888 889

388 888 888

4 634 703

3 310 502

1 324 201

18 523 592

9.

9-oy

13 888 889

374 999 999

4 474 886

3 196 347

1 278 539

18 363 775

10.

10-oy

13 888 889

361 111 110

4 315 068

3 082 192

1 232 877

18 203 957

11.

11-�y

13 888 889

347 222 221

4 155 251

2 968 037

1 187 215

18 044 140

12.

12-oy

13 888 889

333 333 332

3 995 434

2 853 881

1 141 553

17 884 323

13.

13-oy

13 888 889

319 444 443

3 835 616

2 739 726

1 095 890

17 724 505

14.

14-oy

13 888 889

305 555 554

3 675 799

2 625 571

1 050 228

17 564 688

15.

15-oy

13 888 889

291 666 665

3 515 982

2 511 416

1 004 566

17 404 871

16.

16-oy

13 888 889

277 777 776

3 356 164

2 397 260

958 904

17 245 053

17.

17-oy

13 888 889

263 888 887

3 196 347

2 283 105

913 242

17 085 236

18.

18-oy

13 888 889

249 999 998

3 036 530

2 168 950

867 580

16 925 419

19.

19-oy

13 888 889

236 111 109

2 876 712

2 054 795

821 918

16 765 601

20.

20-oy

13 888 889

222 222 220

2 716 895

1 940 639

776 256

16 605 784

21.

21-oy

13 888 889

208 333 331

2 557 078

1 826 484

730 594

16 445 967

22.

22-oy

13 888 889

194 444 442

2 397 260

1 712 329

684 931

16 286 149

23.

23-oy

13 888 889

180 555 553

2 237 443

1 598 173

639 269

16 126 332

24.

24-oy

13 888 889

166 666 664

2 077 626

1 484 018

593 607

15 966 515

25.

25-oy

13 888 889

152 777 775

1 917 808

1 369 863

547 945

15 806 697

26.

26-oy

13 888 889

138 888 886

1 757 991

1 255 708

502 283

15 646 880

27.

27-oy

13 888 889

124 999 997

1 598 173

1 141 552

456 621

15 487 062

28.

28-oy

13 888 889

111 111 108

1 438 356

1 027 397

410 959

15 327 245

29.

29-oy

13 888 889

97 222 219

1 278 539

913 242

365 297

15 167 428

30.

30-oy

13 888 889

83 333 330

1 118 721

799 087

319 635

15 007 610

31.

31-oy

13 888 889

69 444 441

958 904

684 931

273 973

14 847 793

32.

32-oy

13 888 889

55 555 552

799 087

570 776

228 310

14 687 976

33.

33-oy

13 888 889

41 666 663

639 269

456 621

182 648

14 528 158

34.

34-oy

13 888 889

27 777 774

479 452

342 466

136 986

14 368 341

35.

35-oy

13 888 889

13 888 885

319 635

228 310

91 324

14 208 524

36.

36-oy

13 888 885

0

159 817

114 155

45 662

14 048 702

JAMI

500 000 000

106 438 355

76 027 397

30 410 959

606 438 355

2-misol
Kredit (oldindan) muddatdan oldin toʻlanganda
Loyiha tashabbuskoriga 500 000 000,0 soʻm miqdorida 36 oy muddatga, 12% yillik foiz stavkasi miqdorida kredit ajratiladi, shundan subsidiya hisobiga qoplanadigan qismi- 3%.
Kredit muddatidan oldin qaytarilgan holatlarda (qaytarish jadvalidagi muddatdan oldin), loyiha tashabbuskori tomonidan belgilangan stavka miqdoridagi subsidiyalar chegirilgan holda (12% — 3% = 9%) haqiqatda qaytarilgan asosiy qarzdan kelib chiqib har oyda foizli xarajatlar toʻlanadi.
Loyiha tashabbuskori tomonidan kreditlar hisobot oyida haqiqatda qaytarilgan asosiy qarzdan va foizli xarajatlardan kelib chiqqan holda Xususiylashtirilgan korxonalarga koʻmaklashish jamgʻarmasi tomonidan bosh bankka subsidiyalar ajratiladi.a
Asosiy qarz muddatidan oldin qaytarilgan holatlarda (qaytarish jadvalidagi muddatdan oldin) har oylik foizli xarajatlarni hisoblash quyidagi jadvalda keltirilgan:

T/r

Sana

Jadvalga muvofiq asosiy qarz

Haqiqatda qaytarilgan asosiy qarz

Asosiy qarz qoldigʻi

Jami hisoblangan foizlar

Loyiha tashabbuskori

tomonidan foiz stavkasi boʻyicha subsidiya chegirilgan holda qaytariladigan

Jamgʻarma hisobidan ajratiladigan subsidiya

Kredit boʻyicha jami toʻlovlar

a

b

v

g

d = (e+j)

e

j

z=(v+d)

1.

1-oy

13 888 889

27 777 780

472 222 220

4 931 507

3 698 630

1 232 877

18 820 396

3

2.

2-oy

13 888 889

35 000 000

437 222 220

4 657 534

3 493 151

1 164 384

18 546 423

3.

3-oy

13 888 889

15 000 000

422 222 220

4 312 329

3 234 247

1 078 082

18 201 218

4.

4-oy

13 888 889

17 500 000

404 722 220

4 164 384

3 123 288

1 041 096

18 053 273

5.

5-oy

13 888 889

13 888 890

390 833 330

3 991 781

2 993 836

997 945

17 880 670

6.

6-oy

13 888 889

13 888 890

376 944 440

3 854 794

2 891 096

963 699

17 743 683

7.

7-oy

13 888 889

13 888 890

363 055 550

3 717 808

2 788 356

929 452

17 606 697

8.

8-oy

13 888 889

27 777 780

335 277 770

3 580 822

2 685 616

895 205

17 469 711

9.

9-oy

13 888 889

75 000 000

260 277 770

3 306 849

2 480 137

826 712

17 195 738

10.

10-oy

13 888 889

13 888 890

246 388 880

2 567 123

1 925 342

641 781

16 456 012

11.

11-oy

13 888 889

13 888 890

232 499 990

2 430 137

1 822 603

607 534

16 319 026

12.

12-oy

13 888 889

13 888 890

218 611 100

2 293 151

1 719 863

573 288

16 182 040

13.

13-oy

13 888 889

13 888 890

204 722 210

2 156 164

1 617 123

539 041

16 045 053

14.

14-oy

13 888 889

13 888 890

190 833 320

2 019 178

1 514 383

504 794

15 908 067

15.

15-oy

13 888 889

13 888 890

176 944 430

1 882 192

1 411 644

470 548

15 771 081

16.

16-oy

13 888 889

37 500 000

139 444 430

1 745 205

1 308 904

436 301

15 634 094

17.

17-oy

13 888 889

25 000 000

114 444 430

1 375 342

1 031 507

343 836

15 264 231

18.

18-oy

13 888 889

13 888 890

100 555 540

1 128 767

846 575

282 192

15 017 656

19.

19-oy

13 888 889

13 888 890

86 666 650

991 781

743 836

247 945

14 880 670

20.

20-oy

13 888 889

13 888 890

72 777 760

854 794

641 096

213 699

14 743 683

21.

21-oy

13 888 889

13 888 890

58 888 870

717 808

538 356

179 452

14 606 697

22.

22-oy

13 888 889

20 000 000

38 888 870

580 822

435 616

145 205

14 469 711

23.

23-oy

13 888 889

13 888 890

24 999 980

383 561

287 671

95 890

14 272 450

24.

24-oy

13 888 889

24 999 980

0

246 575

184 931

61 644

14 135 464

25.

25-oy

13 888 889

0

0

0

0

13 888 889

26.

26-oy

13 888 889

0

0

0

0

13 888 889

27.

27-oy

13 888 889

0

0

0

0

13 888 889

28.

28-oy

13 888 889

0

0

0

0

13 888 889

29.

29-oy

13 888 889

0

0

0

0

13 888 889

30.

30-oy

13 888 889

0

0

0

0

13 888 889

31.

31-oy

13 888 889

0

0

0

0

13 888 889

32.

32-oy

13 888 889

0

0

0

0

13 888 889

33.

33-oy

13 888 889

0

0

0

0

13 888 889

34.

34-oy

13 888 889

0

0

0

0

13 888 889

35.

35-oy

13 888 889

0

0

0

0

13 888 889

36.

36-oy

13 888 885

0

0

0

0

13 888 885

JAMI

500000000

500000000

57 890 409

43 417 806

14 472 602

557 890 409

Vazirlar Mahkamasining 2017-yil 19-iyundagi 391-son qaroriga
2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Qimmatli qogʻozlarning markaziy depozitariysini tashkil etish va uning faoliyati masalalari toʻgʻrisida” 1999-yil 21-maydagi 263-son qarorining (Oʻzbekiston Respublikasi QT, 1999-y., 5-son, 27-modda) 7-bandi beshinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2018-yil 8-yanvardagi 16-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 12.01.2018-y., 09/18/16/0549-son)
3. Vazirlar Mahkamasining “Xususiylashtirilgan korxonalarni korporativ boshqarishni takomillashtirish chora-tadbirlari toʻgʻrisida” 2003-yil 19-apreldagi 189-son qarorida (Oʻzbekiston Respublikasi QT, 2003-y., 4-son, 32-modda):
a) 4-bandning oltinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
b) 2-ilovaning 13-bandidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
v) 3-ilovaning 32-bandi ikkinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
4. Vazirlar Mahkamasining “Xususiylashtirishdan tushadigan mablagʻlarni taqsimlash tartibini takomillashtirish toʻgʻrisida” 2003-yil 14-noyabrdagi 512-son qarorining 1-bandi ikkinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2018-yil 7-martdagi 186-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 09.03.2018-y., 09/18/186/0865-son)
(3-band Oʻzbekiston Respublikasi Vazirlar Mahkamasining 2018-yil 7-martdagi 186-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 09.03.2018-y., 09/18/186/0865-son)
6. Vazirlar Mahkamasining 2006-yil 16-oktabrdagi 215-son qarori (Oʻzbekiston Respublikasi QT, 2006-yil, 10-son, 77-modda) bilan tasdiqlangan Davlatga tegishli aksiyalar paketlarini (ulushlarni) ishonchli boshqaruvga berish tartibi toʻgʻrisidagi nizomning 10-bandi toʻrtinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
Oldingi tahrirga qarang.
(7-band Oʻzbekiston Respublikasi Vazirlar Mahkamasining 2017-yil 13-noyabrdagi 907-son qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 14.11.2017-y., 09/17/907/0245-son)
8. Vazirlar Mahkamasining “Davlat mulkini ijaraga berish tartibini takomillashtirish chora-tadbirlari toʻgʻrisida” 2009-yil 8-apreldagi 102-son qarorida (Oʻzbekiston Respublikasi QT, 2009-y., 4-son, 26-modda):
a) 3-bandning toʻrtinchi va beshinchi xatboshidagi “tegishli budjet daromadiga” soʻzlari “Xususiylashtirilgan korxonalarga koʻmaklashish jamgʻarmasiga” soʻzlari bilan almashtirilsin;
b) ilovaning 23-bandida:
uchinchi xatboshi quyidagi tahrirda bayon qilinsin:
“Ijaraga beruvchilarning tranzit hisob raqamlariga tushadigan davlat mulki ijarasidan mablagʻlar, shuningdek ijara toʻlovi kechiktirilganligi uchun undirilgan penya va shartnoma majburiyatlari buzilganligi uchun jarimalar summasi har haftada quyidagi tartibda taqsimlanishi lozim”;
toʻrtinchi va beshinchi xatboshidagi “tegishli budjet daromadiga” soʻzlari “Xususiylashtirilgan korxonalarga koʻmaklashish jamgʻarmasiga” soʻzlari bilan almashtirilsin;
toʻqqizinchi xatboshidagi “tegishli budjet” soʻzlari “Xususiylashtirilgan korxonalarga koʻmaklashish jamgʻarmasi” soʻzlari bilan almashtirilsin;
9. Vazirlar Mahkamasining 2009-yil 31-dekabrdagi 343-son qarori (Oʻzbekiston Respublikasi QT, 2009-y., 12-son, 84-modda) bilan tasdiqlangan Budjet tashkilotlari va davlat unitar korxonalarining asosiy vositalarini hamda qurilishi tugallanmagan obyektlarini sotish, shuningdek ularni sotishdan tushgan pul mablagʻlarini taqsimlash tartibi toʻgʻrisidagi nizomning 7 va 14-bandlaridagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
10. Vazirlar Mahkamasining “Toshkent shahri hokimligining munitsipal mulk obyektlaridan samarali foydalanishga doir qoʻshimcha chora-tadbirlar toʻgʻrisida” 2012-yil 6-iyuldagi 199-son qarorining (Oʻzbekiston Respublikasi QT, 2012-y., 28-son, 314-modda) 2-bandi ikkinchi xatboshidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
11. Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qarorida (Oʻzbekiston Respublikasi QT, 2014-y., 10-son, 104-modda):
a) 2-ilovaning 11-bandi, 41, 51 va 88-bandlarining uchinchi xatboshidagi “Davlat mulkini xususiylashtirishdan tushgan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
b) 3-ilovaning 2-bandi oʻn sakkizinchi xatboshidagi va 84-bandning uchinchi xatboshidagi “Davlat mulkini xususiylashtirishdan tushgan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
v) 4-ilovaning 2-bandi oʻn yettinchi xatboshidagi va 89-bandning uchinchi xatboshidagi “Davlat mulkini xususiylashtirishdan tushgan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
g) 6-ilovaning 2-bandi oʻn sakkizinchi xatboshidagi “Davlat mulkini xususiylashtirishdan tushgan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin;
d) 7-ilovaning 2-bandi oʻn yettinchi xatboshidagi, 18-bandi birinchi xatboshidagi va 19-bandagi “Davlat mulkini xususiylashtirishdan tushgan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
12. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oliy biznes maktabining moddiy-texnika bazasini mustahkamlash chora-tadbirlari toʻgʻrisida” 2015-yil 2-apreldagi 79-son qarorining (Oʻzbekiston Respublikasi QT, 2015-y., 13-son, 159-modda) 3-bandidagi “Davlat mulkini xususiylashtirishdan tushadigan mablagʻlar” soʻzlari “Xususiylashtirilgan korxonalarga koʻmaklashish” soʻzlari bilan almashtirilsin.
13. Vazirlar Mahkamasining “Har yillik “savdo va xavfsizlik” tanlovini tashkil etish va oʻtkazish toʻgʻrisida” 2016-yil 21-iyuldagi 237-son qaroriga (Oʻzbekiston Respublikasi QT, 2016-y., 7-son, 69-modda) 4-ilovadagi “Davlat mulkini xususiylashtirishdan mablagʻlari tushayotgan Oʻzbekiston Respublikasi Savdo-sanoat palatasi mablagʻlari hisobiga” soʻzlari “Xususiylashtirilgan korxonalarga koʻmaklashish jamgʻarmasidan tushadigan Oʻzbekiston Respublikasi Savdo-sanoat palatasi mablagʻlari hisobiga” soʻzlari bilan almashtirilsin.
Vazirlar Mahkamasining 2017-yil 19-iyundagi 391-son qaroriga
3-ILOVA
Oʻzbekiston Respublikasi Hukumatining oʻz kuchini yoʻqotgan ayrim qarorlari
roʻyxati
1. Vazirlar Mahkamasining “Oʻzbekiston Respublikasining Budjet kodeksini amalga oshirishga doir normativ-huquqiy hujjatlarni tasdiqlash toʻgʻrisida” 2015-yil 22-maydagi 135-son qarorining (Oʻzbekiston Respublikasi QT, 2015-y., 5-son, 40-modda) 1-bandi uchinchi xatboshi va qarorga 2-ilova.
2. Vazirlar Mahkamasining “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida” 2015-yil 27-oktabrdagi 305-son qaroriga (Oʻzbekiston Respublikasi QT, 2015-y., 43-son, 549-modda) 6-ilovaning 5-bandi.
(Oʻzbekiston Respublikasi qonun hujjatlari toʻplami, 2017-y., 25-son, 543-modda; Qonun hujjatlari maʼlumotlari milliy bazasi, 12.10.2017 g., № 09/17/810/0095, 14.11.2017-y., 09/17/907/0245-son; 12.01.2018-y., 09/18/16/0549-son, 09.03.2018-y., 09/18/186/0865-son, 24.05.2018-y., 09/18/384/1266-son, 11.06.2018-y., 09/18/433/1335-son, 27.12.2018-y., 07/18/4086/2354-son)