Ushbu bandning ikkinchi va uchinchi xatboshilarida keltirilgan holatlarda izohlar bilan fikr bildirilgan auditorlik xulosasi mazkur Standartning 3 yoki 4-ilovalariga muvofiq shaklda tuziladi.

31. Auditorlik tashkiloti fikr bildirishi uchun zarur boʻlgan yetarli darajadagi auditorlik dalillarini olish imkoniyati boʻlmagan taqdirda, fikr bildirishni rad etishi mumkin. Fikr bildirish rad etilgan auditorlik xulosasi mazkur Standartning 5-ilovasiga muvofiq shaklda tuziladi.

32. Auditorlik tekshiruvi hajmidagi cheklovlar sababli yetarli darajadagi auditorlik dalillarini olish imkoniyati boʻlmasligiga quyidagilar sabab boʻlishi mumkin:

xoʻjalik yurituvchi subyekt tomonidan nazorat qilinmaydigan vaziyatlarning vujudga kelishi;

xoʻjalik yurituvchi subyekt rahbariyati tomonidan toʻsiqlarning oʻrnatilishi;

auditorlik tekshiruvini oʻtkazishning tavsifi yoki muddati bilan bogʻliq vaziyatlar.

33. Xoʻjalik yurituvchi subyekt tomonidan nazorat qilinmaydigan vaziyatlar quyidagi holatlarda vujudga keladi:

birlamchi hisob hujjatlari yoʻqolganda;

birlamchi hisob hujjatlari qonun hujjatlarida belgilangan tartibda olib qoʻyilganda va auditor tomonidan qoʻshimcha muqobil auditorlik amallarini bajarish yoʻli bilan yetarli auditorlik dalillarini olish imkoniyati boʻlmaganda.

34. Auditorlik tashkiloti auditorlik xulosasini tayyorlash uchun zarur deb hisoblagan koʻlamda auditorlik tekshiruvini oʻtkazishda xoʻjalik yurituvchi subyekt rahbariyati tomonidan oʻrnatilgan toʻsiqlar quyidagi holatlarda vujudga kelishi mumkin:

tovar-moddiy zaxiralarini va boshqa mol-mulkni inventarizatsiya qilishga;

buxgalteriya hisobining tegishli schyotlari boʻyicha qoldiqlar yuzasidan tashqi tasdiqlarni olishga.

35. Xoʻjalik yurituvchi subyekt rahbariyati tomonidan oʻrnatilgan toʻsiqlar auditorlik tekshiruvini oʻtkazishning boshqa masalalariga, jumladan auditorlik riskini baholashga ham taʼsir etishi mumkin.

36. Auditorlik tekshiruvini oʻtkazishning tavsifi yoki muddati bilan bogʻliq vaziyatlar quyidagi holatlarda vujudga kelishi mumkin:

auditor faqat mohiyati boʻyicha tekshirish amallarini oʻtkazish yetarli emas, xoʻjalik yurituvchi subyektning nazorat vositalari esa samarasiz degan xulosaga kelganida;

auditorlik tekshiruvini oʻtkazish muddati auditor tomonidan mol-mulkni inventarizatsiyadan oʻtkazish jarayonini kuzatish imkonini bermaganda.

37. Agar auditor yetarli darajadagi auditorlik dalillarini qoʻshimcha ravishda muqobil auditorlik amallarini bajarish yoʻli bilan olish imkoniyatiga ega boʻlsa, qaysidir auditorlik amallarini bajarish imkoniyatining boʻlmasligi auditorlik tekshiruvi hajmining cheklanishi boʻlib hisoblanmaydi. Agar buning imkoniyati boʻlmagan taqdirda, auditor fikr bildirishni rad etishi lozim.

38. Agar auditorlik tashkiloti xoʻjalik yurituvchi subyekt rahbariyati tomonidan auditorlik tekshiruvi hajmiga cheklash oʻrnatilganligidan xabar topgan taqdirda va ushbu cheklov fikr bildirishni rad etishga olib kelishi mumkin boʻlsa, unda auditorlik tashkiloti bunday cheklashni olib tashlash yuzasidan xoʻjalik yurituvchi subyekt rahbariyatiga murojaat qilishi lozim.

4-§. Auditorlik xulosasining tarkibi

39. Auditorlik xulosasining tarkibiy tuzilmasi quyidagi qismlardan iborat:

auditorlik xulosasining nomi;

auditorlik xulosasini berish sanasi;

auditor (auditorlar) va auditorlik tashkiloti rahbarining imzosi, auditorlik tashkilotining muhri (muhr mavjud boʻlgan taqdirda).

40. Auditorlik tashkiloti modifikatsiyalangan fikr bildirgan taqdirda u auditorlik xulosasining majburiy elementlariga qoʻshimcha ravishda:

mazkur Standartning 50-55-bandlariga muvofiq tartibda, alohida maxsus qismni kiritishi shart va u auditorlik tashkilotining fikrini ifodalovchi yakuniy qismdan oldin joylashtiriladi;

mazkur Standartning 56-61-bandlariga muvofiq tartibda qoʻshimcha tushuntirish qismini kiritishi mumkin va u auditorlik tashkilotining fikrini ifodalovchi auditorlik xulosasining yakuniy qismidan keyin joylashtiriladi.

41. Auditorlik tashkiloti auditorlik xulosasi shaklining bir xilligiga rioya qilishi kerak.

42. Auditorlik xulosasining nomi, auditorlik tashkiloti tomonidan bildirilgan fikrdan kelib chiqib, quyidagilardan biri boʻlishi lozim:

ijobiy fikr bildirilgan auditorlik xulosasi;

salbiy fikr bildirilgan auditorlik xulosasi;

izohlar bilan fikr bildirilgan auditorlik xulosasi;

fikr bildirish rad etilgan auditorlik xulosasi.

43. Auditorlik xulosasi auditorlik tekshiruvining buyurtmachisiga yoʻllangan boʻlishi lozim va unda buyurtmachining rekvizitlari koʻrsatilishi kerak.

44. Auditorlik xulosasining kirish qismi quyidagi axborotlarni oʻz ichiga oladi:

auditorlik tashkilotining rekvizitlari, agar mavjud boʻlsa — elektron pochta manzili (e-mail);

auditorlik faoliyatini amalga oshirish huquqini beruvchi litsenziya raqami, berilgan sanasi va litsenziyani bergan organning nomi, litsenziya boʻyicha oʻtkaziladigan auditorlik tekshiruvlarining turlari;

auditorlik tashkilotining davlat roʻyxatiga olingani toʻgʻrisidagi guvohnoma raqami;

auditorlik tashkilotining hisob-kitob raqami, soliq toʻlovchining identifikatsiya raqami;

auditorlik tekshiruvini oʻtkazish uchun asos, shuningdek auditorlik tekshiruvining shakli (majburiy yoki tashabbus);

auditorlik tekshiruvida ishtirok etgan auditor (auditorlar)ning, shuningdek auditorlik tashkiloti rahbarining familiyasi, ismi va otasining ismi, auditor malaka sertifikatlarining berilgan sanasi va raqami.

45. Kirish qismida quyidagilar koʻrsatilishi kerak:

sanasi va hisobot davri koʻrsatilgan holda tekshirilgan moliyaviy hisobotlar roʻyxati;

xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotni tayyorlaganligi va uning haqqoniyligi, shuningdek ichki nazorat tizimi uchun javobgarligi;

oʻtkazilgan auditorlik tekshiruvi natijasida ushbu moliyaviy hisobot boʻyicha bildirilgan fikr uchun auditorlik tashkilotining javobgarligi.

46. Qayd etish qismida auditorlik tekshiruvi:

auditorlik faoliyati standartlariga muvofiq oʻtkazilganligi;

moliyaviy hisobot va boshqa moliyaviy axborotlar buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat ekanligi koʻrsatilishi kerak.

47. Qayd etish qismida auditorlik tekshiruvi davomida olingan dalillar fikrni ifodalash uchun yetarlicha asoslar berishi xususida auditorlik tashkilotining tasdigʻini aks ettirishi kerak.

48. Auditorlik xulosasining yakuniy qismida auditorlik tashkilotining tekshirilgan moliyaviy hisobot, xoʻjalik yurituvchi subyektning moliyaviy-xoʻjalik faoliyatining natijasi va moliyaviy holati toʻgʻrisida haqqoniy tasavvur berish-bermasligi, hamda moliyaviy hisobot buxgalteriya hisobi toʻgʻrisidagi qonun hujjatlariga muvofiqligi yoki muvofiq emasligi xususidagi fikri aniq bayon etilishi kerak.

49. Auditorlik tashkiloti fikrini oʻz ichiga oluvchi auditorlik xulosasining yakuniy qismi modifikatsiyalangan fikrning shaklidan kelib chiqib “Salbiy fikr bildirish”, “Izohlar bilan fikr bildirish”, “Fikr bildirishni rad etish” deb nomlanadi.

5-§. Auditorlik xulosasining maxsus qismi

50. Auditorlik xulosasining maxsus qismida modifikatsiyalangan fikr bildirish uchun asos boʻlgan vaziyatlar koʻrsatiladi.

Auditorlik tashkiloti ifodalagan modifikatsiyalangan fikrdan kelib chiqib auditorlik xulosasida maxsus qism “Salbiy fikr bildirish uchun asos”, “Izohlar bilan fikr bildirish uchun asos”, “Fikr bildirishni rad etish uchun asos” deb nomlanadi.

51. Agarda moliyaviy hisobotda qandaydir koʻrsatkichlar ahamiyatli darajada buzib koʻrsatilgan taqdirda, auditorlik tashkiloti maxsus qismda ushbu buzib koʻrsatishning bayonini va tegishli koʻrsatkichlarga taʼsirini keltirishi kerak. Agarda moliyaviy hisobotning tegishli koʻrsatkichlariga buzib koʻrsatishning taʼsirini yetarli ishonchlilik bilan baholash mumkin boʻlmagan taqdirda, auditorlik tashkiloti buni maxsus qismda koʻrsatib oʻtishi lozim.

52. Agarda moliyaviy hisobotning tushuntirish xatida taqdim etilgan axborot ahamiyatli darajada buzib koʻrsatilgan taqdirda, auditorlik tashkiloti maxsus qismda bunday buzib koʻrsatishning bayonini keltirishi kerak.

53. Auditorlik tashkiloti auditorlik xulosasida modifikatsiyalangan fikrni bildirishni moʻljal qilayotgan taqdirda, u xoʻjalik yurituvchi subyektning rahbariyatiga ushbu holatga sabab boʻlgan vaziyatlar toʻgʻrisida, shuningdek modifikatsiyalangan fikr bildirishning moʻljallanayotgan mazmuni toʻgʻrisida xabar berishi kerak.

54. Auditorlik xulosasida moʻljal qilinayotgan modifikatsiyalangan fikrni bildirishga sabab boʻlgan vaziyatlar va modifikatsiyalangan fikr bildirishning taxminiy mazmuni toʻgʻrisida xoʻjalik yurituvchi subyektning rahbariyatiga xabar berish quyidagi imkoniyatlarni beradi:

auditorlik tashkilotiga modifikatsiyalangan fikr bildirishga sabab boʻlgan holatlar yuzasidan xoʻjalik yurituvchi subyekt rahbariyatida tushunish paydo boʻlganligini yoki xoʻjalik yurituvchi subyekt rahbariyatining fikrlari bilan farqlanishlar mavjud ekanligini aniqlab olishga;

xoʻjalik yurituvchi subyekt rahbariyati tomonidan, agar bunga joiz boʻlsa, moʻljal qilinayotgan modifikatsiyalangan fikr bildirish uchun olib kelgan vaziyatlar yuzasidan auditorlik tashkilotiga qoʻshimcha maʼlumotlar va tushuntirishlar taqdim etishga.

55. Agar auditorlik tashkiloti yetarli darajadagi auditorlik dalillarini olish imkoniyatiga ega boʻlmaganligi uchun modifikatsiyalangan fikr bildirgan taqdirda, modifikatsiyalangan fikr sabablarini maxsus qismda koʻrsatish kerak.

6-§. Auditorlik xulosasining tushuntirish qismi

56. Auditorlik tashkiloti moliyaviy hisobotdan foydalanuvchilar diqqatini quyidagilarga jalb qilish uchun auditorlik xulosasiga tushuntirish qismini kiritishi mumkin:

auditorlik tashkilotining fikri boʻyicha moliyaviy hisobotdan foydalanuvchilarning moliyaviy hisobotni tushunishlari uchun muhim hisoblanadigan darajada ahamiyatga ega, moliyaviy hisobotda aks ettirilgan vaziyatlarga;

auditorlik tashkilotining javobgarligini yoki auditorlik xulosasining mazmunini moliyaviy hisobotdan foydalanuvchilar tushunishiga yordam berishi mumkin boʻlgan, moliyaviy hisobotda aks ettirilmagan vaziyatlarga.

57. Auditorlik tashkiloti qayd etilgan vaziyatlar ahamiyatli darajada buzib koʻrsatilmaganligiga yetarlicha auditorlik dalillari olgan taqdirdagina tushuntirish qismi auditorlik xulosasiga kiritiladi.

58. Moliyaviy hisobotda aks ettirilgan vaziyatlarni koʻrsatuvchi tushuntirish qismi quyidagilar bilan bogʻlangan boʻlishi mumkin:

hisobot sanasida yakunlanmagan va ular boʻyicha qarorlar kelgusi hisobot davrlarida qabul qilinishi mumkin boʻlgan sudda koʻrilayotgan ishlar yuzasidan noaniqliklar yoki nazorat qiluvchi va huquqni muhofaza qiluvchi organlar harakatlari bilan bogʻliq noaniqliklar;

moliyaviy hisobotga sezilarli taʼsir koʻrsatishi mumkin boʻlgan Oʻzbekiston Respublikasi qonun hujjatlaridagi yoki Oʻzbekiston Respublikasida buxgalteriya hisobini meʼyoriy tartibga solish tizimidagi oʻzgarishlar;

xoʻjalik yurituvchi subyektning moliyaviy ahvoliga sezilarli taʼsir koʻrsatgan yoki taʼsir koʻrsatib kelayotgan favqulotdagi voqealar.

59. Tushuntirish qismi:

auditorlik xulosasida, xoʻjalik yurituvchi subyektning moliyaviy hisoboti ishonchliligi toʻgʻrisidagi auditorlik tashkilotining fikri bayon etilgan yakuniy qismidan keyin joylashtirilishi lozim;

foydalanuvchilar diqqatini jalb etadigan vaziyatlarga aniq izoh berilishi kerak va u moliyaviy hisobotdan foydalanuvchilarga ushbu vaziyatlar bayonini moliyaviy hisobotda topish imkoniyatini yaratishi lozim.

60. Tushuntirish qismi auditorlik tashkilotining fikriga taʼsir koʻrsatmaydi.

61. Tushuntirish qismi kiritilgan izohlar bilan fikr bildirilgan auditorlik xulosasi mazkur Standartning 6-ilovasiga muvofiq shaklda tuziladi.

7-§. Auditorlik xulosasidagi sana va imzolar

62. Auditorlik tashkiloti auditorlik xulosasini auditorlik tekshiruvi tugagan sana bilan rasmiylashtirishi lozim.

63. Auditorlik tashkiloti auditorlik xulosasini moliyaviy hisobot tuzilishi sanasidan oldin imzolashi mumkin emas.

64. Auditorlik xulosasi auditorlik tekshiruvida ishtirok etgan auditor (auditorlar), auditorlik tashkilotining rahbari tomonidan imzolangan va auditorlik tashkiloti muhri bilan (muhr mavjud boʻlgan taqdirda) tasdiqlangan boʻlishi kerak.

8-§. Auditorlik xulosasini taqdim etish

65. Auditorlik xulosasi yozma koʻrinishda tayyorlanishi kerak. Auditorlik xulosasiga unga nisbatan fikr bildirilgan, buxgalteriya hisobi toʻgʻrisidagi qonun hujjatlariga muvofiq xoʻjalik yurituvchi subyekt tomonidan sanasi koʻrsatilgan va imzolangan moliyaviy hisobotning nusxasi ilova qilinadi.

66. Auditorlik xulosasi auditorlik tashkiloti va auditorlik tekshiruvining buyurtmachisi oʻrtasidagi kelishuviga muvofiq belgilangan miqdordagi nusxada tayyorlanadi, bunda auditorlik tashkiloti va auditorlik tekshiruvining buyurtmachisi moliyaviy hisobot nusxasi ilova qilingan auditorlik xulosasidan kamida bir nusxadan olishlari kerak.

67. Auditorlik xulosasi tegishli moliyaviy hisobot bilan birgalikda xoʻjalik yurituvchi subyekt tomonidan eʼlon qilinishi mumkin.

4-bob. Auditorlik hisobotlari va auditorlik xulosalarini saqlash

68. Auditorlik tashkiloti auditorlik hisobotlari va auditorlik xulosalarining nusxalarini, shu jumladan ushbu hujjatlarning elektron versiyalarini, kamida besh yil muddatda ishonchli saqlanishini taʼminlashi shart.

69. Auditorlik tashkilotidan auditorlik hisobotlari va auditorlik xulosalarini Oʻzbekiston Respublikasi qonun hujjatlarida belgilangan holatlarda va tartibda faqat bunga vakolat berilgan organlar tomonidan olib qoʻyilishi mumkin.

5-bob. Auditorlik tashkilotining javobgarligi

70. Auditorlik tashkiloti auditorlik hisoboti va auditorlik xulosasini qonun hujjatlarida belgilangan tartibda tuzish uchun javobgar hisoblanadi.

71. Auditorlik hisobotidagi axborot maxfiy hisoblanadi va oshkor qilinishi mumkin emas. Ushub axborotdan foydalangan shaxslar axborotni oshkor qilganlik uchun qonun hujjatlariga muvofiq javobgarlikka tortiladilar.

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
1-ILOVA

					NAMUNA
Ijobiy fikr bildirilgan AUDITORLIK XULOSASI
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori (auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasidan fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgal�eriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Auditorlik tekshiruvi davomida olingan auditorlik dalillari moliyaviy hisobot ishonchliligi toʻgʻrisida fikr bildirish uchun yetarlicha asoslar beradi deb hisoblaymiz.
Ijobiy fikr
Bizning fikrimizcha xoʻjalik yurituvchi subyekt_________________________________________________ning
(xoʻjalik yurituvchi subyektning nomi)
20XX yil 31-dekabr holatidagi moliyaviy hisoboti barcha muhimlilik jihatlari boʻyicha uning moliyaviy holatini va moliyaviy-xoʻjalik faoliyati natijalarini haqqoniy aks ettiradi va buxgalteriya hisobi toʻgʻrisidagi qonun hujjatlari talablariga muvofiq keladi.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
2-ILOVA

					NAMUNA
Salbiy fikr bildirilgan AUDITORLIK XULOSASI
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori(auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasidan fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Auditorlik tekshiruvi davomida olingan auditorlik dalillari moliyaviy hisobotning ishonchliligi toʻgʻrisida fikr bildirish uchun yetarlicha asos boʻladi. Bizning fikrimizcha, maxsus qismda qayd etilgan salbiy fikr bildirish uchun asos boʻladigan vaziyatlar natijasida, bizda auditorlik tashkiloti fikrini ifodalash uchun asoslarni taʼminlovchi yetarlicha auditorlik dalillari mavjud.
Salbiy fikr bildirish uchun asos
Xoʻjalik yurituvchi subyekt tomonidan XXX mln soʻm notoʻgʻri ravishda xarajatlarga oʻtkazilgan, bu esa buxgalteriya hisobi toʻgʻrisidagi qonun hujjatlarini buzish hisoblanadi va moliyaviy hisobot koʻrsatkichlarini ahamiyatli darajada buzib koʻrsatilishiga olib keladi.
Salbiy fikr
Bizning fikrimizcha salbiy fikr bildirish uchun asos boʻladigan qayd etilgan vaziyatlarning muhimliligi natijasida “XXX” tashkilotining 20XX yil ________ h�latidagi moliyaviy hisoboti barcha muhimlilik jihatlari boʻyicha uning moliyaviy-xoʻjalik faoliyati natijalarini va moliyaviy holatini haqqoniy aks ettirmaydi.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
3-ILOVA

					NAMUNA
Izohlar bilan fikr bildirilgan AUDITORLIK XULOSASI
(agar auditorlik tashkiloti zarur darajadagi auditorlik dalillarini olib, aniqlangan buzib koʻrsatishlarning alohida yoxud birgalikdagi taʼsiri muhim hisoblanishi bilan birga, moliyaviy hisobotning aksariyat ahamiyatli elementlariga taʼsir qilmaydi degan xulosaga kelgan hollarda)
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori(auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasidan fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Auditorlik tekshiruvi davomida olingan auditorlik dalillar moliyaviy hisobotning ishonchliligi toʻgʻrisida fikr bildirish uchun yetarlicha asos boʻladi. Bizning fikrimizcha, maxsus qismda qayd etilgan izohlar bilan fikr bildirish uchun asos boʻladigan vaziyatlar natijasida, bizda auditorlik tashkiloti fikrini ifodalash uchun asoslarni taʼminlovchi yetarlicha auditorlik dalillari mavjud.
Izohlar bilan fikr bildirish uchun asos
20XX yil 31-dekabr holatiga koʻra miqdori XXX ming soʻm boʻlgan ishlab chiqarish uskunasining qiymati buxgalteriya balansining “Asosiy vosita�ar” moddasi boʻyicha aks ettirilmagan. Buning oqibatida, mos ravishda 20XX yil 31-dekabr holatiga koʻra, mol yetkazib beruvchi oldidagi XXX ming soʻmlik kreditorlik qarzi buxgalteriya balansining “Mol yetkazib beruvchilar va pudratchilardan qarzdorlik” moddasida aks ettirilmagan.Umuman olganda, ushbu summa moliyaviy hisobotdagi buzib koʻrsatishlarning taʼsirini baholash uchun oʻrnatilgan muhimlilik darajasidan oshmaydi.
Izohlar bilan fikr bildirish
Bizning fikrimizcha, izohlar bilan fikr bildirish uchun asos boʻladigan bayon etilgan vaziyatlarning moliyaviy hisobotga taʼsiridan tashqari, “XXX” tashkilotining 20XX yil 31-dekabr holatidagi moliyaviy hisoboti buxgalteriya hisobi toʻgʻrisidagi qonun hujjatlariga muvofiq barcha muhimlilik jihatlari boʻyicha uning moliyaviy-xoʻjalik faoliyati natijalarini va moliyaviy holatini haqqoniy aks ettiradi.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
4-ILOVA

					NAMUNA
Izohlar bilan fikr bildirilgan AUDITORLIK XULOSASI
(agar auditorlik tashkiloti zarur darajadagi auditorlik dalillarini olib, aniqlangan buzib koʻrsatishlarning alohida yoxud birgalikdagi taʼsiri muhim hisoblanishi bilan birga, moliyaviy hisobotning aksariyat ahamiyatli elementlariga taʼsir qilmaydi degan xulosaga kelgan hollarda)
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori(auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasidan fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Auditorlik tekshiruvi davomida olingan auditorlik dalillari moliyaviy hisobotning ishonchliligi toʻgʻrisida fikr bildirish uchun yetarlicha asos boʻladi. Bizning fikrimizcha, maxsus qismda qayd etilgan izohlar bilan fikr bildirish uchun asos boʻladigan vaziyatlar natijasida, bizda auditorlik tashkiloti fikrini ifodalash uchun asoslarni taʼminlovchi yetarlicha auditorlik dalillari mavjud.
Izohlar bilan fikr bildirish uchun asos
“UUU” tashkilot�ning “ZZZ” chet el qaram korxonasiga qoʻyilmalari, buxgalteriya balansida 20XX yil 31-dekabr holati boʻyicha XXX soʻm miqdorida ulushli ishtirok etish usuli bilan hisobga olinib koʻrsatilgan, hamda “UUU” tashkilotining “ZZZ”korxonasi sof foydasidagi ulushi XXX soʻm miqdorida shu sanada yakunlanadigan yil boʻyicha “UUU”ning foydasiga kiritilgan. Biz 20XX 31-dekabr holatiga koʻra “UUU” ning “ZZZ” chet el qaram korxonasidagi qoʻyilmalarining balans qiymati va “UUU”ning “ZZZ” qaram korxonasining sof foydasidagi ulushi yuzasidan yetarlicha zarur darajadagi auditorlik dalillarini ololmadik, chunki bizga moliyaviy axborotlardan foydalanishga ruxsat berilmadi. Buning oqibatida, bizda ushbu summalarga qandaydir tuzatishlar kiritish kerakligi yoki kerak emasligini aniqlash imkoniyati boʻlmadi.
Izohlar bilan fikr bildirish
Bizning fikrimizcha, izohlar bilan fikr bildirish uchun asos boʻladigan bayon etilgan vaziyatlarning moliyaviy hisobotga taʼsiridan tashqari, “UUU” tashkilotining 20XX yil 31-dekabr holatidagi moliyaviy hisoboti buxgalteriya hisobi toʻgʻrisidagi qonun hujjatlariga muvofiq barcha muhimlilik jihatlari boʻyicha uning moliyaviy-xoʻjalik faoliyati natijalarini va moliyaviy holatini haqqoniy aks ettiradi.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
5-ILOVA

					NAMUNA
Fikr bildirish rad etilgan AUDITORLIK XULOSASI
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori(auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasidan fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Fikr bildirishni rad etish uchun asos boʻladigan, maxsus qismda qayd etilgan vaziyatlar natijasida, bizda auditorlik tashkiloti fikrini ifodalash uchun asoslarni taʼminlovchi yetarli darajadagi auditorlik dalillarini olish imkoniyati boʻlmadi.
Fikr bildirishni rad etish uchun asos
Xoʻjalik yurituvchi subyekt “XXX”ning birgalikdagi faoliyatga ulushi 20XX yil 31-dekabr holati boʻyicha buxgalteriya balansining “Uzoq muddatli investitsiyalar” moddasida XXX ming soʻm miqdorida aks ettirilgan va bu 20XX yil 31-dekabr holatiga koʻra sof aktivlar qiymatining 90 % ni tashkil etadi. Biroq, moliyaviy investitsiyalar, shuningdek ular bilan bogʻliq pul oqimlari yuzasidan tashqi dalillarni olish uchun xoʻjalik yurituvchi subyekt rahbariyati tomonidan cheklovlar va toʻsiqlar oʻrnatildi.
Fikr bildirishni rad etish
Fikr bildirishni rad etish uchun asos boʻlgan holatlar koʻrsatilgan qismda qayd etilgan vaziyatlar muhim ekanligi sababli, bizda fikr bildirish uchun asoslarni taʼminlovchi yetarli darajadagi auditorlik dalillarini olish imkoniyati boʻlmadi, va shundan kelib chiqib, biz xoʻjalik yurituvchi subyekt “XXX”ning moliyaviy hisoboti ishonchliligiga fikr bildirishni rad etamiz.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga
6-ILOVA

					NAMUNA
Tushuntirish qismi kiritilgan izohlar bilan fikr bildirilgan AUDITORLIK XULOSASI
____________________________________________________________________________________________ (adresat)
Men (biz), ___________________________________________________________________________________
(70-son AFMSning 44-bandiga muvofiq auditorlik tashkilotining nomi va uning rekvizitlari)
auditorlik tashkilotining auditori(auditorlari)___________________________________________________
(auditorlar va auditorlik tashkiloti rahbarining familiyasi, ismi, otasining ismi, auditor malaka sertifikatining berilgan sanasi va raqami)
tomonidan xoʻjalik yurituvchi subyekt_________________________________________________________ning
(auditorlik tekshiruvi oʻtkazilgan xoʻjalik yurituvchi subyektning nomi)
______________________________________________________________________________________iborat
	(moliyaviy hisobot shakllarining roʻyxati)
______________yil (sana va hisobot davri koʻrsatilgan holda) holatidagi moliyaviy hisobotining ishonchliligini majburiy (tashabbus tarzidagi) auditorlik tekshiruvidan oʻtkazdik.
Xoʻjalik yurituvchi subyekt rahbariyatining javobgarligi
Xoʻjalik yurituvchi subyekt rahbariyati buxgalteriya hisobi toʻgʻrisidagi qonun hujjatlariga muvofiq moliyaviy hisobotning tayyorlanishi va haqqoniyligi, hamda ichki nazorat tizimi uchun javobgardir.
Auditorlik tashkilotining javobgarligi
Auditorlik tashkilotining javobgarligi oʻtkazilgan auditorlik tekshiruviga asosan ushbu moliyaviy hisobot yuzasida� fikr bildirishdan iborat. Biz “XXX” tashkilotining ilova qilingan moliyaviy hisobotini auditorlik tekshiruvidan oʻtkazdik. Auditorlik tekshiruvi moliyaviy hisobot va boshqa moliyaviy axborotlar barcha muhimlilik jihatlari boʻyicha buxgalteriya hisobi toʻgʻrisidagi qonun hujjatlariga muvofiqligi va haqqoniyligini baholashdan iborat. Biz auditorlik tekshiruvini Auditorlik faoliyatining milliy standartlariga muvofiq oʻtkazdik. Ushbu standartlar moliyaviy hisobot jiddiy buzib koʻrsatishlarga ega emasligiga yetarli darajadagi ishonchga ega boʻlishni taʼminlovchi auditorlik tekshiruvini rejalashtirishni va oʻtkazishni taqozo etadi. Auditorlik tekshiruvi auditorlik dalillarini olishga yoʻnaltirilgan auditorlik amallarini oʻtkazishni oʻz ichiga oladi. Auditorlik amallarini tanlash bizning mulohazamizning predmeti hisoblanadi. Auditorlik tekshiruvi davomida olingan auditorlik dalillari moliyaviy hisobotning ishonchliligi toʻgʻrisida fikr bildirish uchun yetarli asos boʻladi. Bizning fikrimizcha, maxsus qismda qayd etilgan izohlar bilan fikr bildirish uchun asos boʻladigan vaziyatlar natijasida, bizda auditorlik tashkiloti fikrini ifodalash uchun asoslarni taʼminlovchi yetarlicha auditorlik dalillari mavjud.
Izohlar bilan fikr bildirish uchun asos
20XX yil 31-dekabr holati boʻyicha buxgalteriya balansining “Asosiy vositalar” moddasida miqdori XXX ming soʻm boʻlgan ishlab chiqarish uskunasining qiymati aks ettirilmagan. Shu sababli buxgalteriya balansining “Mol yetkazib beruvchilar va pudratchilardan qarzdorlik” moddasida 20XX yil 31 d�kabr holatiga koʻra mol yetkazib beruvchi oldidagi XXX ming soʻmlik kreditorlik qarzi aks ettirilmagan.
Izohlar bilan fikr bildirish
Bizning fikrimizcha, izohlar bilan fikr bildirish uchun asos boʻladigan bayon etilgan vaziyatlarning moliyaviy hisobotga taʼsiridan tashqari, “XXX” tashkilotining 20XX yil 31-dekabr holatidagi moliyaviy hisoboti buxgalteriya hisobi toʻgʻrisidagi qonun hujjatlariga muvofiq barcha muhimlilik jihatlari boʻyicha uning moliyaviy-xoʻjalik faoliyati natijalarini va moliyaviy holatini haqqoniy aks ettiradi.
Tushuntirish qismi
Moliyaviy hisobotning ishonchliligi toʻgʻrisidagi fikrimizni oʻzgartirmagan holda, biz moliyaviy hisobotning tushuntirish xatida bayon etilgan quyidagi axborotga diqqatni jalb etamiz: “ZZZ” tashkiloti tomonidan “XXX” xoʻjalik yurituvchi subyektga nisbatan kiritilgan daʼvosi boʻyicha ish shu kunga qadar sudda koʻrib chiqilishi yakunlanmagan.
Auditorlik tashkiloti rahbari __________________________________________________
			(familiyasi, imzo)
Auditor (auditorlar)		_________________________________________________________
		(familiyasi, imzo)
Xulosa tuzilgan sana				M.Oʻ. (muhr mavjud boʻlgan taqdirda)

(Oʻzbekiston Respublikasi qonun hujjatlari toʻplami, 2016-y., 48-son, 554-modda; Qonun hujjatlari maʼlumotlari milliy bazasi, 02.04.2019-y., 10/19/2844-1/2868-son)