|
Hujjat kuchini yo‘qotgan " " 16.07.2021
|
Oʻzbekiston Respublikasi Prezidentining
Qarori
Oʻsimliklarni himoya qilish va qishloq xoʻjaligiga agrokimyoviy xizmatlarni koʻrsatish tizimini takomillashtirish chora-tadbirlari toʻgʻrisida
LexUZ sharhiMazkur qaror Oʻzbekistan Respublikasi Prezidentining 2021-yil 15-iyuldagi PF-6262-sonli “Respublikada oʻsimliklar karantini va himoyasi tizimini tubdan takomillashtirish chora-tadbirlari toʻgʻrisida”gi Farmoniga asosan oʻz kuchini yoʻqotgan.
Qishloq xoʻjaligini mineral oʻgʻitlar, oʻsimliklarni himoya qilishning kimyoviy va biologik vositalari bilan taʼminlashning yaxlit tizimini yaratish, qishloq xoʻjaligi ekinlariga agrotexnik xizmat koʻrsatish hamda zararkunandalar va kasalliklardan saqlash boʻyicha xizmatlar sifatini yaxshilash maqsadida:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi, “Oʻzkimyosanoat” aksiyadorlik jamiyati, shuningdek “Qishloqxoʻjalikkimyo” hududiy aksiyadorlik jamiyatlari aksiyadorlarining “Oʻzagrokimyohimoya” aksiyadorlik jamiyatini (keyingi oʻrinlarda — “Oʻzagrokimyohimoya” AJ) tashkil etish toʻgʻrisidagi taklifiga rozilik berilsin, uning tarkibiga quyidagilar kiritilsin:
“Oʻzkimyosanoat” AJ tarkibidan chiqarilayotgan “Qishloqxoʻjalikkimyo” hududiy aksiyadorlik jamiyatlari (keyingi oʻrinlarda “Qishloqxoʻjalikkimyo” HAJ), shuningdek, Qoraqalpogʻiston Respublikasi va viloyatlarning oʻsimliklarni himoya qilish markazlari mulkiy qismi negizida tashkil etilayotgan “Agrokimyohimoya” hududiy aksiyadorlik jamiyatlari;
“Qishloqxoʻjalikkimyo” HAJning tuman va tumanlararo boʻlimlari, shuningdek, oʻsimliklarni himoya qilish tuman otryadlari negizida tashkil etilayotgan “Agrokimyohimoya” hududiy aksiyadorlik jamiyatlarining tuman (shahar) boʻlinmalari;
chigirtka bilan kurashish xizmatlari, shuningdek, Respublika oʻsimliklarni himoya qilish va agrokimyo markazi tashkiliy tuzilmasiga kiruvchi Qoraqalpogʻiston Respublikasi va viloyatlarning oʻsimliklarni himoya qilish markazlari mulki qismi negizida tashkil etilayotgan Qoraqalpogʻiston Respublikasi, viloyatlar va Toshkent shahrining “Chigirtka va qizil kapalakka qarshi kurashish xizmati” boʻlimlari;
Respublika oʻsimliklarni himoya qilish va agrokimyo markazi tashkiliy tuzilmasiga kiruvchi Respublika agrokimyo stansiyasi, Qoraqalpogʻiston Respublikasi va viloyatlar agrokimyo stansiyalari negizida tashkil etilayotgan “Agrokimyo stansiyasi” MChJ;
Respublika oʻsimliklarni himoya qilish va agrokimyo markazi tashkiliy tuzilmasiga kiruvchi Respublika oʻquv-ishlab chiqarish biolaboratoriyasi negizida tashkil etilayotgan “Respublika oʻquv-ishlab chiqarish biolaboratoriyasi” MChJ;
Oldingi tahrirga qarang.
(1-bandning yettinchi xatboshisi Oʻzbekiston Respublikasi Prezidentining 2021-yil 3-fevraldagi PQ-4975-sonli qaroriga asosan chiqarilgan — Qonun hujjatlari maʼlumotlari milliy bazasi, 04.02.2021-y., 07/21/4975/0085-son)
2. Quyidagilar “Oʻzagrokimyohimoya” aksiyadorlik jamiyati faoliyatining asosiy vazifalari va yoʻnalishlari etib belgilansin:
qishloq xoʻjaligini mineral oʻgʻitlar, oʻsimliklarni kimyoviy va biologik himoya qilish vositalari bilan taʼminlash, chigirtka, zararkunandalar, oʻsimliklar kasalliklari va yovvoyi oʻtlarga qarshi kurashish boʻyicha yagona texnik va texnologik siyosatni olib borish;
qishloq xoʻjaligi ishlab chiqaruvchilarining buyurtmalarini umumlashtirish yoʻli orqali mineral oʻgʻitlar, oʻsimliklarni kimyoviy va biologik himoya qilish vositalariga boʻlgan talabning har yilgi prognozlarini shakllantirish, shuningdek, mineral oʻgʻitlarni ishlab chiqarish va taqsimlashni, oʻsimliklarni kimyoviy himoya qilish vositalarini ishlab chiqarish va taqsimlanishining har yilgi balanslarini ishlab chiqishda ishtirok etish;
belgilangan nazorat va signal maydonlarda radiologik va toksikologik kuzatuvlarni olib borish, agrokimyo kartogrammalarni tuzgan holda, tuproq va qishloq xoʻjalik mahsulotlaridagi ogʻir metallar tuzlari va pestitsidlar, choʻkindi qoldiqlari, toʻplangan radionuklidlarni tahlil qilish;
tuproqni oziqlash moddalari taʼminotini hisobga olgan holda, qishloq xoʻjaligiga mineral oʻgʻitlarni differensial va agrokimyo kartogrammalarga qatʼiyan muvofiq koʻrinishda yetkazib berishni taʼminlash;
oʻsimliklarni himoya qilish, zararkunandalar, oʻsimliklar kasalliklari va yovvoyi oʻtlar bilan kurashish sohasida fermyerlar va dehqon xoʻjaliklari, boshqa tashkilotlar hamda aholiga kompleksli argokimyo xizmatlarini koʻrsatish, shakllantirilgan buyurtmalar va kafolat shartnomalariga muvofiq qishloq xoʻjaligini mineral oʻgʻitlar bilan taʼminlash;
qishloq xoʻjaligi ekinlari zararkunandalari bilan kurashishning biologik usullarini keng koʻlamda rivojlantirish va qoʻllashga koʻmaklashish, biomateriallar sifatini yaxshilash boʻyicha chora-tadbirlarni amalga oshirish, biolaboratoriyalarning moddiy-texnik bazasini kuchaytirish, biologik preparatlarni ishlab chiqarish;
respublika hududida yer maydonlari, oʻsimlik va qishloq xoʻjaligi mahsulotlarining fitosanitar holati ustidan nazoratni amalga oshirish, shuningdek zararkunandalar, oʻsimlik kasalliklari va yovvoyi oʻtlarning rivojlanishi va koʻpayib ketishini prognozlashtirish va monitoring qilish, oʻsimliklarni himoya qilish boʻyicha profilaktika va integratsiya chora-tadbirlarini oʻz vaqtida tashkillashtirishni taʼminlash.
3. “Oʻzagrokimyohimoya” AJ tarkibiga kiruvchi tashkilotlar roʻyxati 2-ilovaga* muvofiq maʼqullansin.
* 2-ilova rus tilidagi matnda berilgan.
(3-band Oʻzbekiston Respublikasi Prezidentining 2020-yil 18-martdagi PF-5968-sonli Farmoni tahririda — Qonun hujjatlari maʼlumotlari milliy bazasi, 19.03.2020-y., 06/20/5968/0331-son)
4. Quyidagilarning:
“Oʻzkimyosanoat” AJ mulkining qismini balans narxi boʻyicha hamda uning “Qishloqxoʻjalikkimyo” HAJlari ustav kapitallaridagi ulushini “Oʻzkimyosanoat” AJning ustav kapitaliga berilgan qiymati boʻyicha davlat foydasiga berish, shuningdek, shuning hisobidan “Oʻzkimyosanoat” AJning ustav kapitalidagi davlat ulushini mos ravishda kamaytirish toʻgʻrisida “Oʻzkimyosanoat” AJ aksiyadorlari taklifi;
“Respublika oʻsimliklarni himoya qilishning kimyo vositalar bazasi” AJ aksiyadorlarining jamiyatni ixtiyoriy tugatish toʻgʻrisidagi taklifi qabul qilinsin.
5. Belgilansinki,
“Oʻzagrokimyohimoya” AJning ustav kapitali “Oʻzkimyosanoat” AJ mulkining qismini balans narxi boʻyicha hamda uning “Qishloqxoʻjalikkimyo” HAJlari ustav kapitallarida ulushini “Oʻzkimyosanoat” AJning ustav kapitaliga berilgan qiymati boʻyicha topshirish, Respublika oʻsimliklarni himoya qilish va agrokimyo markazi, Qoraqalpogʻiston Respublikasi va viloyatlar oʻsimliklarni himoya qilish markazlari, oʻsimliklarni himoya qilish tuman otryadlari, chigirtkaga qarshi kurashish boʻyicha xizmatlar, Oʻzbekiston oʻsimliklarni himoya qilish ilmiy-tekshirish instituti, Respublika agrokimyo stansiyalari, Qoraqalpogʻiston Respublikasi va viloyatlar agrokimyo stansiyalari, Respublika oʻquv-ishlab chiqarish biolaboratoriyasi mulkining balans qiymati hisobiga shakllantiriladi;
“Oʻzagrokimyohimoya” AJ “Qishloqxoʻjalikkimyo” HAJ va Respublika oʻsimliklarni himoya qilish va agrokimyo markazi, Qoraqalpogʻiston Respublikasi va viloyatlar oʻsimliklarni himoya qilish markazlari, oʻsimliklarni himoya qilish tuman otryadlari, chigirtkaga qarshi kurashish boʻyicha xizmatlar, Oʻzbekiston oʻsimliklarni himoya qilish ilmiy-tekshirish instituti, Respublika agrokimyo stansiyalari, Qoraqalpogʻiston respublika va viloyatlar agrokimyo stansiyalari, Respublika oʻquv-ishlab chiqarish biolaboratoriyasining huquq va majburiyatlari boʻyicha huquqiy voris hisoblanadi;
“Oʻzagrokimyohimoya” AJning ijro etuvchi apparati faoliyatini joriy taʼminlash va moliyalashtirish dividendlar, ishlab chiqarish-xoʻjalik faoliyati tushumlaridan va boshqa qonun hujjatlarida taqiqlanmagan boshqa manbalar hisobidan amalga oshiriladi;
chigirtka va qizil kapalakka qarshi profilaktika va kurashish radiologik va toksikologik kuzatuvlarni olib borish, tuproq hamda qishloq xoʻjalik mahsulotlaridagi ogʻir metall tuzlari va pestitsidlar choʻkindi qoldiqlari, toʻplangan radionuklidlarni tahlil qilish boʻyicha chora-tadbirlarni moliyalashtirish budjetdan ajratilgan pul mablagʻlari hisobidan amalga oshiriladi;
Oldingi tahrirga qarang.
(5-bandning oltinchi xatboshisi Oʻzbekiston Respublikasi Prezidentining 2021-yil 3-fevraldagi PQ-4975-sonli qaroriga asosan chiqarilgan — Qonun hujjatlari maʼlumotlari milliy bazasi, 04.02.2021-y., 07/21/4975/0085-son)
6. Oʻzbekiston Respublikasi xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Respublikasi Qishloq va suv xoʻjaligi vazirligi, “Oʻzagrokimyohimoya” AJ va “Oʻzkimyosanoat” AJ ikki oy muddatda:
“Oʻzkimyosanoat” AJning taʼsis hujjatlarini ishlab chiqishni va tasdiqlanishini taʼminlasin, belgilangan tartibda uning ustav kapitalini shakllantirsin, yangi aksiyalar chiqarilishini va ularni joylashtirilishini amalga oshirsin;
“Oʻzagrokimyohimoya” AJning ustav kapitaliga berilgan mulk qismini “Agrokimyosanoat” HAJ va “Chigirtka va qizil kapalakka qarshi kurashish xizmati”ning hududiy boʻlinmalariga topshirilishini taʼminlasin;
“Oʻzagrokimyohimoya” AJning ustav kapitaliga topshiriladigan mulk va ulushlar qiymati summasiga “Oʻzkimyosanoat” AJning ustav kapitalini kamaytirsin.
7. “Oʻzagrokimyohimoya” AJga belgilangan tartibda “Oʻzagrokimyohimoya” AJning maxsus taraqqiyot Jamgʻarmasini tashkil etishga huquq berilsin, quyidagilar Jamgʻarmaning daromadlarini shakllantirish manbalari etib belgilansin:
hududiy “Oʻzagrokimyohimoya” AJning ustav kapitalidagi “Oʻzagrokimyohimoya” AJning ulushiga hisoblanadigan dividendlarning 50 foizi;
xalqaro grantlar va qonun hujjatlarida taqiqlanmagan boshqa manbalar.
Belgilansinki, “Oʻzagrokimyohimoya” AJning taraqqiyot Jamgʻarmasi mablagʻlari maqsadli ravishda qatʼiyan quyidagilarni moliyalashtirishga yoʻnaltiriladi:
investitsiya loyihalari, ilmiy-tadqiqot ishlanmalarini amalga oshirish, yangi turdagi oʻsimliklarini himoya qilish vositalari, mineral, organomineral va kompleks (murakkab) oʻgʻitlarni oʻzlashtirish;
“Oʻzagrokimyohimoya” AJ va uning tarkibiga kiruvchi tashkilotlarning moddiy-texnik bazasini mustahkamlash boʻyicha ishlarni amalga oshirish;
yangi laboratoriyalarni tashkil etish faoliyatini amalga oshirish, shuningdek ilmiy-tadqiqot institutlari, markazlar va laboratoriyalarni zamonaviy asbob-uskunalar va texnika bilan jihozlash.
“Oʻzagrokimyohimoya” AJ Oʻzbekiston Respublikasi Moliya vazirligi bilan birgalikda bir oy muddatda “Oʻzagrokimyohimoya” AJning taraqqiyot Jamgʻarmasi mablagʻlarini shakllantirish va maqsadli ishlatish tartibini ishlab chiqsin va tasdiqlasin.
Oldingi tahrirga qarang.
(8-band Oʻzbekiston Respublikasi Prezidentining 2017-yil 1-noyabrdagi PF-5223-sonli Farmoniga asosan oʻz kuchini yoʻqotgan — Qonun hujjatlari maʼlumotlari milliy bazasi, 01.11.2017-y., 06/17/5223/0198-son)
9. Oʻzbekiston Respublikasi Vazirlar Mahkamasi:
ikki oy muddatda 2017 — 2020-yillarda qishloq xoʻjaligini mineral oʻgʻitlar, oʻsimliklarni himoya qilish kimyoviy va biologik vositalari bilan taʼminlash tizimini rivojlantirish, agrokimyoviy xizmat koʻrsatish va qishloq xoʻjaligi ekinlarini himoya qilish boʻyicha xizmatlar sifatini yaxshilash boʻyicha kompleks chora-tadbirlar Dasturini tasdiqlasin;
“Oʻzagrokimyohimoya” AJ va hududiy “Agrokimyohimoya” AJlarni strategik xomashyoni ishlab chiqarish va birlamchi qayta ishlash sohasida faoliyat yuritadigan hududiy aksiyadorlik jamiyatlari, shuningdek tabiiy monopoliya subyektlari hamda tartibga solinadigan narxlar boʻyicha ijtimoiy ahamiyatga ega tovarlar va xizmatlar yetkazib beruvchi tashkilotlar roʻyxatiga kiritilsin.
10. “Qishloqxoʻjalikkimyo” va Respublika oʻsimliklarni himoya qilish va agrokimyo markazini 5-ilovaga* muvofiq tarkibda debitorlik hamda kreditorlik qarzlarining inventarizatsiyasini oʻtkazish boʻyicha Komissiya tashkil etilsin.
*5-ilova rus tilidagi matnda berilgan.
Komissiya (G.I.Ibragimov) Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ikki oy muddatda “Qishloqxoʻjalikkimyo” HAJ va Respublika oʻsimliklarni himoya qilish va agrokimyo markazining debitorlik hamda kreditorlik qarzlarini toʻliq inventarizatsiya qilsin va natijalari boʻyicha Oʻzbekiston Respublikasi Vazirlar Mahkamasiga quyidagilar boʻyicha takliflar kiritsin:
“Qishloqxoʻjalikkimyo” HAJ va Respublika oʻsimliklarni himoya qilish va agrokimyo markazi oldidagi tugatilgan fermerlik xoʻjaliklarining kreditorlik qarzlarini restrukturizatsiya qilish;
“Qishloqxoʻjalikkimyo” HAJ va Respublika oʻsimliklarni himoya qilish va agrokimyo markazi va uning boʻlinmalarining Oʻzbekiston Respublikasi davlat budjeti va davlatning maqsadli jamgʻarmalariga boʻlgan toʻlov qarzlari boʻyicha qoʻllanilayotgan moliyaviy sanksiyalari summalarini bekor qilish.
11. 2022-yilning 1-yanvarigacha “Elektrkimyozavod” QK AJ, “Oʻzagrokimyohimoya” AJ va uning tashkiliy tuzilmasiga kiruvchi tashkilotlar tomonidan, Oʻzbekiston Respublikasi Vazirlar Mahkamasi tasdiqlaydigan roʻyxatlarga koʻra olib kiriladigan, Oʻzbekiston Respublikasida ishlab chiqarilmaydigan taʼsir kuchiga ega moddalar, oʻsimliklarni himoya qilish kimyoviy va biologik vositalari, asbob-uskunalar va texnologiyalar bojxona toʻlovlari (bojxona rasmiylashtiruvi yigʻimlaridan tashqari) toʻlashdan ozod etilsin.
(11-band Oʻzbekiston Respublikasi Prezidentining 2019-yil 3-apreldagi PQ-4265-sonli qarori tahririda — Qonun hujjatlari maʼlumotlari milliy bazasi, 04.04.2019-y., 07/19/4265/2883-son)
12. “Oʻzagrokimyohimoya” AJ Toshkent shahri, Navoiy koʻchasi 38-uy manzili boʻyicha joylashtirilsin.
13. Oʻzbekiston Respublikasi axborot va kommunikatsiya texnologiyalarini rivojlantirish vazirligi belgilangan tartibda “Oʻzagrokimyohimoya” AJni, zarur kommunikatsiya va telefon aloqasi, shu jumladan hukumat aloqasi bilan taʼminlasin.
14. Oʻzbekiston Respublikasi Qishloq va suv xoʻjaligi vazirligi, Oʻzagrokimyohimoya” AJ, “Oʻzkimyosanoat” AJ Adliya vazirligi, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
15. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari G.I. Ibragimov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 24-oktabr,
PQ-2640-son
Oʻzbekiston Respublikasi Prezidentining 2016-yil 24-oktabrdagi PQ-2640-son qaroriga
2-ILOVA
2-ILOVA
“Oʻzagrokimyohimoya” AJ tashkiliy tuzilmasiga kiruvchi tashkilotlar
ROʻYXATI
|
I. Respublika tashkilotlari | |
|
1. |
“Respublika oʻquv-ishlab chiqarish biolaboratoriyasi” MChJ |
|
2. |
“Agrokimyo stansiyasi” MChJ |
|
| |
|
31. |
“Ifoda agro kimyo himoya” MChJ |
|
II. Hududiy “Agrokimyohimoya” aksiyadorlik jamiyatlari | |
|
4. |
“Qoraqalpoq agrokimyohimoya” AJ |
|
5. |
“Andijon agrokimyohimoya” AJ |
|
6. |
“Buxoro agrokimyohimoya” AJ |
|
7. |
“Jizzax agrokimyohimoya” AJ |
|
8. |
“Qashqadaryo agrokimyohimoya” AJ |
|
9. |
“Navoiy agrokimyohimoya” AJ |
|
10. |
“Namangan agrokimyohimoya” AJ |
|
11. |
“Samarqand agrokimyohimoya” AJ |
|
12. |
“Sirdaryo agrokimyohimoya” AJ |
|
13. |
“Surxondaryo agrokimyohimoya” AJ |
|
14. |
“Toshkent agrokimyohimoya” AJ |
|
15. |
“Fargʻona agrokimyohimoya” AJ |
|
16. |
“Xorazm agrokimyohimoya”AJ |
|
III. Hududiy “Chigirtka va qizil kapalakka qarshi kurashish xizmati” masʼuliyati cheklangan jamiyatlari | |
|
17. |
“Chigirtka va qizil kapalakka qarshi kurashish xizmati” Qoraqalpoq filiali |
|
18. |
“Chigirtka va qizil kapalakka qarshi kurashish xizmati” Andijon filiali |
|
19. |
“Chigirtka va qizil kapalakka qarshi kurashish xizmati” Buxoro filiali |
|
20. |
“Chigirtka va qizil kapalakka qarshi kurashish xizmati” Jizzax filiali |
|
21. |
“Chigirtka va qizil kapalakka qarshi kurashish xizmati” Qashqadaryo filiali |
|
22. |
“Chigirtka va qizil kapalakka qarshi kurashish xizmati” Navoiy filiali |
|
23. |
“Chigirtka va qizil kapalakka qarshi kurashish xizmati” Namangan filiali |
|
24. |
“Chigirtka va qizil kapalakka qarshi kurashish xizmati” Samarqand filiali |
|
25. |
“Chigirtka va qizil kapalakka qarshi kurashish xizmati” Sirdaryo filiali |
|
26. |
“Chigirtka va qizil kapalakka qarshi kurashish xizmati” Surxondaryo filiali |
|
27. |
“Chigirtka va qizil kapalakka qarshi kurashish xizmati” Toshkent viloyati filiali |
|
28. |
“Chigirtka va qizil kapalakka qarshi kurashish xizmati” Fargʻona filiali |
|
29. |
“Chigirtka va qizil kapalakka qarshi kurashish xizmati” Xorazm filiali |
|
30. |
“Chigirtka va qizil kapalakka qarshi kurashish xizmati” Toshkent shahar filiali. |
LexUZ sharhi2-ilova norasmiy tarjima.
(2-ilova Oʻzbekiston Respublikasi Prezidentining 2021-yil 3-fevraldagi PQ-4975-sonli qarori tahririda — Qonun hujjatlari maʼlumotlari milliy bazasi, 04.02.2021-y., 07/21/4975/0085-son)
Oʻzbekiston Respublikasi Prezidentining 2016-yil 24-oktabrdagi PQ-2640-son qaroriga
5-ILOVA
5-ILOVA
“Qishloqxoʻjalikkimyo” HAJ hamda Respublika oʻsimliklarni himoya qilish va agrokimyo markazi debitorlik va kreditorlik qarzlarining inventarizatsiyasini oʻtkazish boʻyicha Komissiya
TARKIBI
|
— |
Bosh vazir oʻrinbosari, komissiya raisi | |
|
Sh.J. Teshayev |
— |
qishloq va suv xoʻjaligi vaziri |
|
B.R. Parpiyev |
— |
Davlat soliq qoʻmitasi raisi |
|
Sh.N. Fayzullayev |
— |
iqtisodiyot vazirining oʻrinbosari |
|
M.M. Mirzayev |
— |
moliya vazirining oʻrinbosari |
|
M.Y. Fayziyev |
— |
qishloq va suv xoʻjaligi vazirining oʻrinbosari |
|
B.E. Turayev |
— |
Davlat statistika qoʻmitasi raisi |
|
S.S. Xodjayev |
— |
Markaziy bank raisining birinchi oʻrinbosari |
|
A.U. Tamikayev |
— |
“Agrobank” ATB boshqaruvi raisi |
|
N.S. Ibragimov |
— |
“Oʻzkimyosanoat” AJ raisi |
|
X.Sh. Bekbergenov |
— |
“Oʻzkimyosanoat” AJ raisining oʻrinbosari |
|
R.O. Ochilov |
— |
Respublika oʻsimliklarni himoya qilish va agrokimyo markazi direktori |
LexUZ sharhi5-ilova norasmiy tarjima.
(Oʻzbekiston Respublikasi qonun hujjatlari toʻplami, 2016-y., 44-son, 511-modda; Qonun hujjatlari maʼlumotlari milliy bazasi, 01.11.2017-y., 06/17/5223/0198-son; 22.11.2017-y., 06/17/5250/0284-son; 04.04.2019-y., 07/19/4265/2883-son; 19.03.2020-y., 06/20/5968/0331-son; 04.02.2021-y., 07/21/4975/0085-son)
