Kichik biznes va xususiy tadbirkorlik subyektlarining eksportini qoʻllab-quvvatlash jamgʻarmasi faoliyatini yanada kengaytirish, mahalliy ishlab chiqaruvchilar, shu jumladan fermer xoʻjaliklarining mahsulotlarini tashqi bozorlarga olib chiqish, eksportga chiqarishdan oldingi moliyalash sharoitlarini yaxshilash hamda respublikaning eksportga yoʻnaltirilgan xoʻjalik subyektlarining ustav kapitalida qatnashishini tashkil etish maqsadida:

1. Oʻzbekiston Respublikasi Moliya vazirligi, Markaziy banki, Tashqi iqtisodiy aloqalar, investitsiyalar va savdo vazirligi, kichik biznes va xususiy tadbirkorlik subyektlari, fermer xoʻjaliklari, shuningdek boshqa tijorat banklari, moliya institutlari va donorlarning Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasining ustav kapitalini, 1-ilovaga muvofiq, taʼsischilarning ixtiyoriy badallari hisobiga 5,3 mlrd soʻmdan 10,3 mlrd soʻm va 2,0 mln AQSh dollariga yetkazgan holda uning umumiy miqdorini 3,0 barobar oshirish toʻgʻrisidagi takliflariga rozilik berilsin.

2. Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasi tomonidan koʻrsatilayotgan moliyaviy xizmatlar roʻyxati quyidagilarni nazarda tutgan holda kengaytirilsin:

Jamgʻarma, qonunchilikka muvofiq, eksportga yoʻnaltirilgan mahsulotlar ishlab chiqarishni tashkil etish uchun yetarli mablagʻlari boʻlmagan kichik biznes va xususiy tadbirkorlik subyektlari ustav kapitalida ishtirok etish, keyinchalik Jamgʻarma ulushini mahsulot ishlab chiqarish va eksportga yetkazib berish boshlanganidan soʻng ikki yil mobaynida bozor qiymatida sotish;

kichik biznes, xususiy tadbirkorlik subyektlari va fermer xoʻjaliklari ishlab chiqarishni modernizatsiyalash va kengaytirish, mahsulotning dizayn darajasini xalqaro standartlarga yetkazish maqsadida xorijiy mutaxassislarni jalb etish hamda chet elda mahalliy mahsulotga boʻlgan talabni inobatga olib, ularni tashqi bozorlarga olib chiqish bilan bogʻliq xarajatlarning bir qismini qoplagan holda moliyaviy yordam koʻrsatish, Jamgʻarma tomonidan moliyaviy yordam koʻrsatish kichik biznes, xususiy tadbirkorlik subyektlari va fermer xoʻjaliklari tomonidan keyinchalik qaytarish sharti bilan amalga oshiriladi.

3. Ularga tashqi iqtisodiy operatsiyalarni amalga oshirish bilan bogʻliq boʻlgan yuridik, moliyaviy va tashkiliy xizmatlar koʻrsatganligi uchun Jamgʻarmaga toʻlanadigan komissiya toʻlovlari shartnoma qiymatining 3 foizidan 1 foizigacha, biroq 100,0 ming soʻmdan kam boʻlmagan miqdorga tushirilsin.

4. Belgilansinki, Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasi belgilangan tartibda xorijiy davlatlarda oʻz vakolatxonalarini ochish huquqiga ega.

5. Jamgʻarma Kengashi (S.B. Rahimov) bir oy muddatda Oʻzbekiston Respublikasi Moliya vazirligi bilan kelishilgan holda Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasining mablagʻlarini shakllantirish va foydalanish tartibi toʻgʻrisidagi nizomni qayta koʻrib chiqsin, unda kichik biznes va xususiy tadbirkorlik subyektlarining ustav kapitallarida Jamgʻarma ishtirokining miqdor va muddatlari, shuningdek Jamgʻarmaning, shu jumladan, xorijiy valyutadagi mablagʻlarini quyidagi maqsadlarga sarflanishi nazarda tutilsin:

yoʻnaltirilgan mablagʻlardan eksportga moʻljallangan mahsulotlar ishlab chiqarish texnologik uskunalarini xarid qilish uchun foydalangan holda, kichik tadbirkorlik subyektlarini eksportdan oldingi moliyalanishini va ustav kapitallarida Jamgʻarmaning ishtirokini taʼminlash orqali kichik biznes, xususiy tadbirkorlik subyektlari va fermer xoʻjaliklarining mahsulotlari (tovarlari, ishlari, xizmatlari) eksportini rivojlantirish;

xorijiy davlatlarning qonun hujjatlariga muvofiq zarur litsenziya, ruxsatnoma, sertifikatlar, ishlab chiqarilayotgan mahsulotlarni xorijda reklama qilish xarajatlarini toʻlash;

eksport shartnomalarini tuzish boʻyicha maslahatlar bergan holda, xorijiy koʻrgazma va yarmarkalarda ishtirok etish;

mahalliy ishlab chiqaruvchilarning mahsulotlarini eksportga yoʻnaltirish bilan bogʻliq boʻlgan boshqa xarajatlarni toʻlash.

6. Oʻzbekiston Respublikasi Tashqi iqtisodiy faoliyat milliy banki, Oʻzbekiston Fermerlar kengashi kichik biznes, xususiy tadbirkorlik subyektlari va fermer xoʻjaliklari, boshqa tijorat banklari, moliya institutlari va donorlar bilan birgalikda Jamgʻarma ustaviga ushbu qarordan kelib chiqadigan oʻzgartishlarning belgilangan tartibda davlat roʻyxatidan oʻtkazilishini taʼminlasin.

7. Oʻzbekiston Respublikasi Prezidentining “Kichik biznes va xususiy tadbirkorlik subyektlari eksportini qoʻllab-quvvatlash borasidagi qoʻshimcha chora-tadbirlar toʻgʻrisida” 2013-yil 8-avgustdagi PQ-2022-sonli qaroriga 2-ilovaga muvofiq oʻzgartish va qoʻshimchalar kiritilsin.

8. Oʻzbekiston Respublikasi Tashqi iqtisodiy faoliyat milliy banki, Markaziy banki Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.

1. Kirish qismidagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin.

2. 1-bandidagi “respublika mintaqalarida hududiy filiallari” soʻzlaridan keyin “, shuningdek xorijiy davlatlardagi vakolatxonalari” soʻzlari bilan toʻldirilsin.

3. 2-bandida:

ikkinchi va uchinchi xatboshilardagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin;

toʻrtinchi va beshinchi xatboshilardagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin.

4. 3-bandida:

beshinchi xatboshidagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin;

oltinchi xatboshidagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan, shuningdek “xalqaro amaliyotda umum qabul qilingan miqdorlarda — shartnoma qiymatining 3 foizigacha” soʻzlari tegishli ravishda “shartnoma qiymatining 1 foizigacha, ammo 100 ming soʻmdan kam boʻlmagan” soʻzlari bilan almashtirilsin.

5. 4-bandining ikkinchi xatboshidagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin.

6. Quyidagi mazmundagi 4¹-bandi bilan toʻldirilsin:

“4¹. Jamgʻarma quyidagi huquqlarga ega ekanligi belgilab qoʻyilsin:

qonunchilikka muvofiq, eksportga yoʻnaltirilgan mahsulotlar ishlab chiqarishni tashkil etish uchun yetarli mablagʻlari boʻlmagan kichik tadbirkorlik subyektlarining taʼsischilari (ishtirokchilari) tarkibiga kirish, keyinchalik Jamgʻarma ulushini tayyor mahsulot ishlab chiqarish va eksportga yetkazib berish boshlangandan soʻng ikki yil mobaynida bozor qiymatida sotish;

kichik biznes, xususiy tadbirkorlik subyektlari va fermer xoʻjaliklariga ishlab chiqarishni modernizatsiyalash va kengaytirish, mahsulotning dizayn darajasini xalqaro standartlarga yetkazish maqsadida xorijiy mutaxassislarni jalb etish hamda chet elda mahalliy mahsulotga boʻlgan talabni inobatga olib, ularni tashqi bozorlarga olib chiqish bilan bogʻliq xarajatlarning bir qismini qoplagan holda moliyaviy yordam koʻrsatish. Jamgʻarma tomonidan moliyaviy yordam koʻrsatish kichik biznes, xususiy tadbirkorlik subyektlari va fermer xoʻjaliklari tomonidan keyinchalik qaytarish sharti bilan amalga oshiriladi”.

7. 6-bandidagi “kichik biznes va xususiy tadbirkorlik subyektlari” soʻzlari “kichik biznes, xususiy tadbirkorlik subyektlari va fermer xoʻjaliklari” soʻzlari bilan almashtirilsin.

8. Quyidagi mazmundagi 7¹-bandi bilan toʻldirilsin:

“7¹. Jamgʻarma Kengashi iqtisodiy jihatdan maqsadga muvofiqlikdan kelib chiqqan holda, Jamgʻarmaning, shuningdek uning respublika mintaqalaridagi hududiy filiallarining hamda xorijiy mamlakatlardagi vakolatxonalari shtatlar birligi va tuzilmasini belgilasin”.