|
Hujjat kuchini yo‘qotgan " " 05.01.2019
|
Oʻzbekiston Respublikasi Adliya vazirining
buyrugʻi
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida
[Oʻzbekiston Respublikasi Adliya vazirligi tomonidan 2014-yil 30-dekabrda 2165-4-son bilan davlat roʻyxatidan oʻtkazildi]
LexUZ sharhiMazkur buyruq Oʻzbekiston Respublikasi adliya vazirining 2019-yil 4-yanvardagi 3-mh-sonli “Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3114, 04.01.2019-y.) asosan oʻz kuchini yoʻqotgan.
Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga muvofiq buyuraman:
1. Oʻzbekiston Respublikasi adliya vazirining 2010-yil 20-dekabrdagi 303-mh-son buyrugʻi (roʻyxat raqami 2165, 2010-yil 20-dekabr) (Oʻzbekiston Respublikasi qonun hujjatlari toʻplami, 2010-y., 51-son, 498-modda) bilan tasdiqlangan Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur buyruq davlat roʻyxatidan oʻtkazilsin va bu haqda Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.
3. Notariat, advokatura va FHDY organlari boshqarmasi (D. Yakubova) hamda Qonun hujjatlarini turkumlash va huquqiy axborot boshqarmasi (D. Saʼdullayev) ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.
4. Mazkur buyruq rasmiy eʼlon qilingan kundan eʼtiboran kuchga kiradi.
5. Mazkur buyruq ijrosini nazorat qilish vazir oʻrinbosari A. Usmanov zimmasiga yuklansin.
Vazir N. YOʻLDOShEV
Toshkent sh.,
2014-yil 30-dekabr,
310-mh-son
Oʻzbekiston Respublikasi adliya vazirining 2014-yil 30-dekabrdagi 310-mh-son buyrugʻiga
ILOVA
ILOVA
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga kiritilayotgan oʻzgartirish va qoʻshimchalar
1. 4-bandning ikkinchi xatboshisi quyidagi tahrirda bayon etilsin:
“Tegishli adliya boshqarmasining xabarnomasi olingan yoki qoʻshimcha (yangi) notarius lavozimi taʼsis etilgan kundan boshlab yetti kun ichida ishchi organ tomonidan markaziy ommaviy axborot vositalarida, tegishli adliya boshqarmasi orqali mahalliy ommaviy axborot vositalarida, shuningdek Oʻzbekiston Respublikasi Adliya vazirligi va tegishli adliya boshqarmasining rasmiy veb-saytida tanlov oʻtkazish toʻgʻrisida eʼlon beriladi.”.
2. 7-bandda:
a) quyidagi mazmundagi oltinchi xatboshi bilan toʻldirilsin:
“oliy yuridik maʼlumot toʻgʻrisidagi diplomning notarial tasdiqlangan nusxasi;”;
b) oltinchi — toʻqqizinchi xatboshilar tegishincha yettinchi — oʻninchi xatboshilar deb hisoblansin;
v) yettinchi xatboshidagi “sakkizinchi va toʻqqizinchi” degan soʻzlar “toʻqqizinchi va oʻninchi” degan soʻzlar bilan almashtirilsin;
g) quyidagi mazmundagi xatboshi bilan toʻldirilsin:
“Notarius lavozimida ishlayotgan shaxs tanlovda ishtirok etishi uchun u bilan tuzilgan mehnat shartnomasi qonun hujjatlarida belgilangan tartibda bekor qilinishi hamda mazkur bandning ikkinchi — sakkizinchi xatboshilarida nazarda tutilgan hujjatlar bilan birga notarius lavozimidan ozod etilganligi haqidagi buyruq nusxasini taqdim etishi lozim.”.
3. 20-band quyidagi tahrirda bayon etilsin:
“20. Tanlov oʻtkazish tartibi tushuntirilgandan soʻng, har bir talabgorga mazkur Nizomning 3-ilovasiga muvofiq shaklda tanlov varaqasi tarqatiladi.
Har bir tanlov varaqasi tanlovda ishtirok etayotgan barcha komissiya aʼzolari tomonidan imzolangan boʻlishi shart. Tanlov varaqasining birinchi beti Oʻzbekiston Respublikasi Adliya vazirligining gerbli muhri bilan tasdiqlanadi.
Komissiya aʼzolarining har biriga komissiyaning ushbu majlisida ishtirok etayotgan barcha talabgorlarni baholash uchun mazkur Nizomning 4-ilovasiga muvofiq shaklda bittadan baholash byulleteni beriladi. Baholash byulletenlari Oʻzbekiston Respublikasi Adliya vazirligining gerbli muhri bilan tasdiqlangan boʻlishi hamda mazkur Nizomning 5-ilovasiga muvofiq shakldagi komissiya aʼzolari roʻyxatiga imzo qoʻydirilgan holda tarqatilishi lozim.”.
4. 26-bandning ikkinchi xatboshisi quyidagi tahrirda bayon etilsin:
“Hisoblash guruhi tomonidan baholash byulletenlaridagi ballar hisoblab chiqiladi. Hisoblash natijalari mazkur Nizomning 6-ilovasiga muvofiq shakldagi yigʻma baholash byulleteniga kiritiladi va komissiya aʼzolariga eʼlon qilinadi.”.
5. Quyidagi mazmundagi 281 va 282-bandlar bilan toʻldirilsin:
“281. Tanlovda gʻolib deb topilmagan va olinishi mumkin boʻlgan eng yuqori ballning kamida 50 foizini toʻplagan talabgorlarga ularning roziligi bilan komissiyaning ushbu majlisi davomida tanlov oʻtkazilgan, biroq unda gʻolib aniqlanmagan boshqa boʻsh notarius oʻrnida ishlash taklif etilishi mumkin. Bunda mazkur boʻsh notarius oʻrni, qoida tariqasida, talabgor tanlovda ishtirok etgan hududdagi adliya boshqarmasi tizimida boʻlishi lozim.
Agar talabgor taklif etilgan boʻsh notarius oʻrnida ishlashga rozi boʻlsa, bu haqda komissiya majlisining bayonnomasida aks ettiriladi.
282. Tanlovlarda ketma-ket ikki marta ishtirok etib, ularning har birida olinishi mumkin boʻlgan eng yuqori ballning 50 foizidan kam ball toʻplagan talabgor ikkinchi tanlov oʻtkazilgan kundan boshlab olti oy davomida eʼlon qilingan tanlovlarga qoʻyilmaydi.”.
6. 29-bandning oʻn beshinchi xatboshisi quyidagi tahrirda bayon etilsin:
“Tanlov varaqalari, baholash byulletenlari, komissiya aʼzolari roʻyxati hamda yigʻma baholash byulleteni majlis bayonnomasiga ilova qilinadi.”.
7. Quyidagi mazmundagi 341-band bilan toʻldirilsin:
“341. Notarius lavozimiga birinchi marta tayinlangan shaxslarga adliya boshqarmasi rahbarining buyrugʻi bilan soha boʻyicha yetarli tajriba va koʻnikmalarga ega boʻlgan hamda notarius lavozimida kamida uch yil ishlayotgan notarius bir yil muddatga murabbiy-notarius etib tayinlanadi.
Murabbiy-notarius yangi tayinlangan notariusning faoliyati boʻyicha masʼul hisoblanadi va uni doimiy ravishda nazorat qilib boradi.”.
8. 37-band quyidagi mazmundagi jumla bilan toʻldirilsin:
“Bunda ushbu talabgor tanlovda olinishi mumkin boʻlgan eng yuqori ballning kamida 50 foizini toʻplagan hamda mazkur Nizomning 281-bandiga muvofiq boshqa boʻsh notarius oʻrniga tayinlanmagan boʻlishi lozim.”.
9. 4 va 5-ilovalar ushbu oʻzgartirish va qoʻshimchalarning 1 va 2-ilovalariga muvofiq tahrirda bayon etilsin.
10. Ushbu oʻzgartirish va qoʻshimchalarning 3-ilovasiga muvofiq shakldagi 6-ilova bilan toʻldirilsin.
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga kiritilayotgan oʻzgartirish va qoʻshimchalarga
1-ILOVA
1-ILOVA
“Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
4-ILOVA
4-ILOVA
|
M.Oʻ. | |||||||
|
| |||||||
|
BAHOLASh BYuLLETENI | |||||||
|
T/r |
Talabgorlarning |
Tanlov oʻtkazilayotgan davlat notarial idorasining nomi |
Qoʻyilgan | ||||
|
| |||||||
|
|
(F.I.O.) |
(imzo)”. |
|
| |||
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga kiritilayotgan oʻzgartirish va qoʻshimchalarga
2-ILOVA
2-ILOVA
“Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
5-ILOVA
5-ILOVA
|
|
__________________________________________ |
| ||||||
|
|
(Oliy malaka komissiyasi raisining F.I.O., imzosi, sana) |
| ||||||
|
|
|
|
M.Oʻ. |
| ||||
|
Oʻzbekiston Respublikasi Adliya vazirligi huzuridagi |
| |||||||
|
ROʻYXATI |
| |||||||
|
T/r |
F.I.O. |
Lavozimi |
Oliy malaka komissiyasi majlisiga kelganligi haqida imzo |
Baholash byulletenini olganligi haqida imzo |
| |||
|
1. |
|
|
|
|
| |||
|
2. |
|
|
|
|
| |||
|
3. |
|
|
|
|
| |||
|
4. |
|
|
|
|
| |||
|
5. |
|
|
|
|
| |||
|
6. |
|
|
|
|
| |||
|
7. |
|
|
|
|
| |||
|
8. |
|
|
|
|
| |||
|
9. |
|
|
|
|
| |||
|
10. |
|
|
|
|
| |||
|
11. |
|
|
|
|
”. | |||
Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga kiritilayotgan oʻzgartirish va qoʻshimchalarga
3-ILOVA
3-ILOVA
“Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga
6-ILOVA
6-ILOVA
|
_________________________________________ |
||||||||||||||||||||
|
(Oliy malaka komissiyasi raisining F.I.O., imzosi, sana) |
||||||||||||||||||||
|
|
|
|
|
|
M.Oʻ. |
|||||||||||||||
|
|
||||||||||||||||||||
|
YIGʻMA BAHOLASh BYuLLETENI |
||||||||||||||||||||
|
T/r |
Talabgorlarning F.I.O. |
Tanlov oʻtkazilayotgan davlat notarial idorasining nomi |
Komissiya aʼzolarining F.I.O. va ular tomonidan qoʻyilgan ballar |
Jami |
||||||||||||||||
|
F.I.O. |
F.I.O. |
F.I.O. |
F.I.O. |
F.I.O. |
F.I.O. |
F.I.O. |
F.I.O. |
F.I.O. |
F.I.O. |
F.I.O. |
||||||||||
|
”. | ||||||||||||||||||||
(Oʻzbekiston Respublikasi qonun hujjatlari toʻplami, 2014-y., 52 (I)-son, 647-modda)
