|
Hujjat kuchini yo‘qotgan " " 22.07.2022
|
Oʻzbekiston Respublikasi Vazirlar Mahkamasining
qarori
UMUMIY OʻRTA TAʼLIMNING DAVLAT TAʼLIM STANDARTIGA OʻZGARTIRIShLAR KIRITISh HAQIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Taʼlim jarayoniga oʻqitishning zamonaviy uslublarini joriy etish, oʻquvchilarda mustaqil bilim olish koʻnikmalarini rivojlantirish hamda Oʻzbekiston Respublikasi Prezidentining “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2011-yil 30-dekabrdagi PQ-1675-son qarorini bajarish maqsadida Vazirlar Mahkamasi qaror qiladi:
1. Vazirlar Mahkamasining 1999-yil 16-avgustdagi 390-son qarori bilan tasdiqlangan Umumiy oʻrta taʼlimning davlat taʼlim standartiga ilovaga muvofiq oʻzgartirishlar kiritilsin.
2. Mazkur qaror bilan kiritilayotgan oʻzgartirishlar 2012-yil 2-sentabrdan boshlab kuchga kiradi.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tasarrufida umumiy oʻrta taʼlim maktablari boʻlgan vazirliklar va idoralar 2012/2013 oʻquv yilidan boshlab sinf (auditoriya) mashgʻulotlari oʻrtacha 5 foizga kamaytirilishi hisobiga boʻshaydigan mablagʻlarning oʻquv jarayoniga axborot va boshqa zamonaviy pedagogik texnologiyalarni tatbiq etishni kengaytirish, kompyuter, oʻquv-laboratoriya sinflari va oʻquv ustaxonalari uchun sarflanadigan materiallar va butlovchi buyumlar bilan taʼminlash boʻyicha dasturlarni, shuningdek umumtaʼlim maktablari binolarini joriy taʼmirlashni moliyalashtirishga yoʻnaltirilishini taʼminlasinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 15-may,
130-son
Vazirlar Mahkamasining 2012-yil 15-maydagi 130-son qaroriga
ILOVA
ILOVA
Umumiy oʻrta taʼlimning davlat taʼlim standartiga kiritilayotgan oʻzgartirishlar
“Umumiy oʻrta taʼlim davlat taʼlim standartining tayanch oʻquv rejasi” boʻlimi va unga ilova qilingan 1-va 2-jadvallar quyidagi tahrirda bayon qilinsin:
Umumiy oʻrta taʼlim davlat taʼlim standartining tayanch oʻquv rejasi
Umumiy oʻrta taʼlim maktablari uchun tayanch oʻquv rejasi davlat taʼlim standartining tarkibiy qismi boʻlib, taʼlim sohalarini meʼyorlashga asos boʻladigan davlat hujjatidir (jadval). Tayanch oʻquv rejasi oʻquv fani boʻyicha beriladigan taʼlim mazmunini oʻquvchiga yetkazish uchun ajratilgan oʻquv soatlarining eng kam hajmdagi miqdorini ifodalaydi. U har bir sinfda muayyan oʻquv fani boʻyicha davlat standartlariga muvofiq beriladigan taʼlim mazmunini aniqlashga asos boʻladi:
| T/r |
Oʻquv fanlari |
Sinflar |
Haftalik | ||||||||
| 1 |
2 |
3 | 4 | 5 | 6 | 7 | 8 | 9 | |||
| Davlat ixtiyoridagi soatlar | 20 | 22 | 24 | 24 | 30 | 32 | 33 | 34 | 35 | 254 | |
| 1. |
Ona tili va adabiyot |
8 | 8 | 10 | 10 | 9 | 7 | 5 | 5 | 5 | 67 |
| 2. |
Oʻzbek tili/rus tili |
| 2 | 2 | 2 | 2 | 2 | 2 | 2 | 2 | 16 |
| 3. |
Xorijiy til |
| | | | 3 | 3 | 3 | 3 | 3 | 15 |
| 4. |
Tarix |
| | | | 2 | 2 | 3 | 3 | 3 | 13 |
| 5. |
Davlat va huquq asoslari |
| | | | | | | 1 | 1 | 2 |
| 6. |
Iqtisodiy bilim asoslari |
| | | | | | | 1 | 1 | 2 |
| 7. |
Matematika |
5 | 5 | 5 | 5 | 5 | 5 | 5 | 5 | 5 | 45 |
| 8. |
Informatika |
| | | | | | | 1 | 2 | 3 |
| 9. |
Fizika |
| | | | | 2 | 2 | 2 | 2 | 8 |
| 10. |
Kimyo |
| | | | | | 2 | 2 | 2 | 6 |
| 11. |
Biologiya |
| | | | 1 | 2 | 2 | 2 | 2 | 9 |
| 12. |
Tabiiyot va geografiya |
1 | 1 | 1 | 1 | 1 | 2 | 2 | 2 | 2 | 13 |
|
13. |
Odobnoma |
1 | 1 | 1 | 1 | | | | | | 4 |
|
Vatan tuygʻusi |
| | | | 1 | 1 | | | | 2 | |
|
Milliy istiqlol gʻoyasi va maʼnaviyat asoslari |
| | | | | | 1 | 1 | 1 | 3 | |
| 14. |
Musiqa madaniyati |
1 | 1 | 1 | 1 | 1 | 1 | 1 | | | 7 |
| 15. |
Tasviriy sanʼat |
1 | 1 | 1 | 1 | 1 | 1 | 1 | | | 7 |
| 16. |
Chizmachilik |
| | | | | | | 1 | 1 | 2 |
| 17. |
Mehnat |
1 | 1 | 1 | 1 | 2 | 2 | 2 | 1 | 1 | 12 |
| 18. |
Jismoniy tarbiya |
2 | 2 | 2 | 2 | 2 | 2 | 2 | 2 | 2 | 18 |
| |
Maktab ixtiyoridagi soatlar |
0,5 | | | | 0,5 | 0,5 | 1 | 0,5 | 1 | 5 |
| |
Umumiy soatlar |
20,5 | 22 | 24 | 24 | 30,5 | 32,5 | 34 | 34,5 | 37 | 259 |
| |
Amaliy mehnat mashgʻuloti (kun hisobida) |
| | | | 6 | 6 | 10 | 16 | | |
(Oʻzbekiston Respublikasi qonun hujjatlari toʻplami, 2012-y., 20-son, 217-modda)
