Hujjat kuchini yo‘qotgan " " 03.07.2018
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
HISOB-KITOB (SMETA) QIYMATI OShIRIB YuBORILGAN OBYEKTLAR BOʻYIChA XULOSALAR TAYYORLASh VA ULARNI VAZIRLAR MAHKAMASIGA KIRITISh TARTIBI TOʻGʻRISIDAGI NIZOMNI TASDIQLASh HAQIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2018-yil 30-iyundagi 493-sonli “Tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berishning zamonaviy va shaffof mexanizmlarini joriy etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida” 2011-yil 27-dekabrdagi PQ–1666-son qarorini bajarish yuzasidan, shuningdek loyiha-smeta hujjatlariga oʻzgartirishlar kiritilganda obyektlarni qurish, rekonstruksiya qilish va mukammal taʼmirlash qiymatini aniqlashtirish mexanizmini tartibga solish maqsadida Vazirlar Mahkamasi qaror qiladi:
1. Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zokirov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2012-yil 7-fevral,
32-son
Vazirlar Mahkamasining 2012-yil 7-fevraldagi 32-son qaroriga
ILOVA
Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Prezidentining “Ijtimoiy va fuqaro obyektlarini loyihalash va qurishda tegishli tartib oʻrnatish chora-tadbirlari toʻgʻrisida” 2011-yil 27-dekabrdagi PQ-1666-son qarorini bajarish yuzasidan ishlab chiqilgan va qurish (rekonstruksiya qilish, mukammal taʼmirlash) qiymati ilgari belgilangan qiymatdan oshadigan ijtimoiy va fuqaro obyektlari boʻyicha xulosalarni tayyorlash hamda Oʻzbekiston Respublikasi Vazirlar Mahkamasiga kiritish tartibini belgilaydi.
2. Ushbu Nizomning amal qilishi qurish (rekonstruksiya qilish, mukammal taʼmirlash) quyidagilar hisobiga amalga oshiriladigan ijtimoiy va fuqaro obyektlariga tatbiq etiladi:
markazlashtirilgan manbalar;
budjet tashkilotlarining budjetdan tashqari mablagʻlari;
davlat korxonalari mablagʻlari;
Oʻzbekiston Respublikasi Hukumati kafolati ostidagi xorijiy kreditlar hamda xalqaro va xorijiy moliya institutlari tomonidan beriladigan xorijiy grantlar.
Ijtimoiy va fuqaro obyektlari roʻyxati Oʻzbekiston Respublikasi Iqtisodiyot vazirligi va Moliya vazirligi bilan kelishgan holda “Davarxitektqurilish” qoʻmitasi tomonidan belgilanadi.
3. Ushbu Nizomga muvofiq (loyiha yechimlarini yaxshilash, shuningdek ishlab chiqilgan loyihada ilgari yoʻl qoʻyilgan kamchiliklarni bartaraf etish maqsadida) ijtimoiy va fuqaro obyektlari boʻyicha loyiha-smeta hujjatlariga (keyingi oʻrinlarda loyiha deb ataladi) oʻzgartirishlar kiritish masalalari koʻrib chiqiladi, ushbu oʻzgartirishlar natijasida qurish (rekonstruksiya qilish, mukammal taʼmirlash) qiymati quyidagilardan oshadi:
tender savdolari natijalari boʻyicha aniqlangan shartnomaviy qiymat (ishlarning fizik hajmlarini, boshqa ishlab chiqarish xarajatlarini aniqlashtirishda hamda tuzatishlar yuzasidan Oʻzbekiston Respublikasi “Davarxitektqurilish” qoʻmitasi ekspertiza organlarining tegishli xulosasidan keyin foydalaniladigan resurslarni oʻzgartirishda, oʻtuvchi obyektlarning qoldiq qiymatini belgilangan tartibda qayta hisoblab chiqish holatlaridan tashqari);
ular boʻyicha bosh pudratchi tashkilot Oʻzbekiston Respublikasi Hukumati qaroriga koʻra belgilangan yoki ishlar xoʻjalik usulida bajariladigan obyektlar yuzasidan Oʻzbekiston Respublikasi “Davarxitektqurilish” qoʻmitasi ekspertiza organlarining xulosasiga muvofiq smeta qiymati, shuningdek belgilangan tartibda loyiha-smeta hujjatlari ishlab chiqilgandan keyin loyihalashtirish bilan parallel ravishda quriladigan obyektlar qiymati (ishlarning fizik hajmlarini, boshqa ishlab chiqarish xarajatlarini aniqlashtirishda hamda tuzatishlar yuzasidan Oʻzbekiston Respublikasi “Davarxitektqurilish” qoʻmitasi ekspertiza organlarining tegishli xulosasidan keyin foydalaniladigan resurslarni va ularning narxlarini oʻzgartirishda, shuningdek oʻtuvchi obyektning qoldiq qiymatini belgilangan tartibda qayta hisoblab chiqishda).
II. Loyihaga oʻzgartirishlar kiritish boʻyicha materiallarni taqdim etish tartibi
4. Loyihaga obyekt qiymatining koʻpayishiga olib keladigan oʻzgartirishlar kiritish boʻyicha takliflarning asoslanganligini koʻrib chiqish uchun vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, davlat korxonalari (keyingi oʻrinlarda tashabbuskorlar deb ataladi) tomonidan Oʻzbekiston Respublikasi “Davarxitektqurilish” qoʻmitasiga murojaat taqdim etiladi, unga quyidagi materiallar ilova qilinadi:
a) ilgari tasdiqlangan loyihaga oʻzgartirishlar kiritish sabablari bayon qilingan holdagi tushuntirish xati, shuningdek tasdiqlangan loyiha yechimlarini yaxshilash uchun zarur boʻlgan chora-tadbirlar roʻyxati;
b) ilgari tasdiqlangan loyihada nazarda tutilgan va qayta koʻrib chiqishga tavsiya qilinayotgan asosiy texnik-iqtisodiy koʻrsatkichlar (loyiha-smeta koʻrsatkichlari);
v) ilgari tasdiqlangan loyiha boʻyicha axborot: loyihalashga topshiriq, umumiy tushuntirish xati, texnik-iqtisodiy asoslashlar, obyektning bosh plani, planlari, kesmalari, muhim texnik yechimlarni tavsiflovchi prinsipial sxemalar, yigʻma resurs smetasi, ekspert xulosalarining nusxalari;
g) oʻzgartirilgan loyihaning texnik-iqtisodiy qismi, unda ushbu Nizomga 1-ilovaga muvofiq tuzilgan parametrlar koʻrsatiladi;
d) smeta qiymatini oʻzgartirishlar kiritiladigan moddalar boʻyicha obyektni qurish (rekonstruksiya qilish, mukammal taʼmirlash) loyihasining boʻlimi;
e) aniqlashtirilgan yigʻma resurs smetasi va belgilangan tartibda rasmiylashtirilgan xarajatlar maʼlumoti;
j) xarajatlar turlari boʻyicha taqsimlangan yigʻma resurs smetasining boblar, obyektlar va moddalar boʻyicha ushbu Nizomga 2-ilovaga muvofiq tuzilgan obyektni qurish (rekonstruksiya qilish, mukammal taʼmirlash) qiymatining qiyosiy vedomosti;
z) qiymati tuzilgan kontraktga nisbatan oshib ketgan taqdirda, import kontrakti yuzasidan belgilangan tartibda berilgan Oʻzbekiston Respublikasi Tashqi iqtisodiy aloqalar, investitsiyalar va savdo vazirligining xulosasi;
i) qurish (rekonstruksiya qilish, mukammal taʼmirlash) smeta qiymatining koʻpayishi, shu jumladan quyidagilar sababli zarur boʻladigan chizmalar va hisob-kitoblar:
buyurtmachilarning, loyihalash, qidiruv, ilmiy-tadqiqot tashkilotlari, davlat va tarmoq ekspertiza organlari va boshqa tashkilotlarning xato va kamchiliklari (ishlab chiqarish texnologiyasi va uskunalar turini tanlash boʻyicha asoslanmagan yechim, qurilishning geologik, gidrogeologik va boshqa shart-sharoitlarini notoʻgʻri belgilash, ishlarning hajmlarini, qurilish materiallari, buyumlar, uskunalar va boshqalarning narxlarini pasaytirib/oshirib yuborish, qurilish materiallari, konstruksiyalar va buyumlarni tashishning samarasiz transport sxemalarini qoʻllanish, fors-major holatlaridan tashqari). Shu bilan birga, tushuntirish xatiga yoʻl qoʻyilgan xatolar sababli (mavjud boʻlsa) ishlarni bajaruvchilarga nisbatan belgilangan tartibda qoʻllanilgan choralar va jarima sanksiyalari toʻgʻrisidagi maʼlumotlar ham ilova qilinadi;
bozor konyunkturasining oʻzgarishi, yangi texnologik yechimlarni qoʻllanish, uskunalarga qoʻshimcha ehtiyoj (agar bu ilgari tasdiqlangan loyihani ishlab chiqishda loyihalash tashkiloti tomonidan hisobga olinmagan boʻlsa) bilan bogʻliq holda uskunalar qiymatining koʻpayishi;
obyektning iqtisodiy, ekologik yoki ijtimoiy samaradorligini oshirish maqsadida vazirliklar, idoralar va loyihalash tashkilotlari taklifi boʻyicha loyiha yechimlarini qayta koʻrib chiqish;
k) zarurligi loyihani qayta koʻrib chiqish natijasida paydo boʻlgan, loyihani yoki uning alohida qismlarini qoʻshimcha kelishish toʻgʻrisidagi hujjatlar;
l) qurish (rekonstruksiya qilish, mukammal taʼmirlash)ning holati, hujjatlarni taqdim etish sanasidan oldingi yil choragi yakuni yuzasidan tasdiqlovchi hujjatlar bilan birga oʻzlashtirilgan va moliyalashtirilgan mablagʻlar summasi toʻgʻrisidagi maʼlumotlar;
m) tender komissiyasining protokollari yoki qurish (rekonstruksiya qilish, mukammal taʼmirlash)ning ilgari tasdiqlangan qiymati boʻyicha Oʻzbekiston Respublikasi Hukumatining tegishli qarorlari;
n) ular boʻyicha bosh pudratchi tashkilotlar Oʻzbekiston Respublikasi Hukumatining qarorlariga muvofiq belgilangan va/yoki ishlar xoʻjalik usulida bajariladigan oʻtuvchi obyektlarning qoldiq qiymatini belgilangan tartibda qayta hisoblab chiqish materiallari.
Qurish (rekonstruksiya qilish, mukammal taʼmirlash)ning qiymatini oʻzgartirishlarni tahlil qilish natijalari ushbu Nizomga 3-ilovaga muvofiq shakl boʻyicha, obyektning smeta qiymati koʻpayishi sabablari toʻgʻrisidagi maʼlumotnoma tarzida rasmiylashtiriladi.
III. Takliflarni koʻrib chiqish va Oʻzbekiston Respublikasi Vazirlar Mahkamasiga kiritish tartibi
5. Ushbu Nizomning 4-bandiga muvofiq taqdim etilgan materiallar Oʻzbekiston Respublikasi “Davarxitektqurilish” qoʻmitasi tomonidan ular tushgan kundan boshlab 10 ish kunidan koʻp boʻlmagan muddatda koʻrib chiqiladi.
6. Loyihaga oʻzgartirishlar kiritish asossiz boʻlgan taqdirda Oʻzbekiston Respublikasi “Davarxitektqurilish” qoʻmitasi tomonidan tashabbuskorga rad etishning sabablari mufassal yozilgan rad etish toʻgʻrisidagi yozma bildirishnoma yuboriladi. Ayni vaqtda xatning nusxasi Oʻzbekiston Respublikasi Moliya vazirligiga yuboriladi.
(6-band Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qarori tahririda — OʻR QHT, 2017-y., 33-son, 863-modda)
7. Loyihaga oʻzgartirishlar kiritish masalasi boʻyicha Oʻzbekiston Respublikasi “Davarxitektqurilish” qoʻmitasining xulosasi ijobiy boʻlgan taqdirda tashabbuskor tomonidan ushbu xulosa Oʻzbekiston Respublikasining Moliya vazirligiga kelgusida koʻrib chiqish va kelishish uchun taqdim etiladi.
(7-band Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qarori tahririda — OʻR QHT, 2017-y., 33-son, 863-modda)
8. Oʻzbekiston Respublikasi Moliya vazirligi “Davarxitektqurilish” qoʻmitasining ijobiy xulosasi kelib tushgan kundan boshlab bir hafta muddatda tegishli xulosani Oʻzbekiston Respublikasi “Davarxitektqurilish” qoʻmitasiga taqdim etadi.
(8-band Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qarori tahririda — OʻR QHT, 2017-y., 33-son, 863-modda)
9. “Davarxitektqurilish” qoʻmitasi Quriladigan va rekonstruksiya qilinadigan Oʻzbekiston Respublikasi Hukumati darajasida tasdiqlanadigan obyektlarning manzilli roʻyxatlarini tasdiqlash boʻyicha Hukumat komissiyasiga Oʻzbekiston Respublikasi Moliya vazirligining xulosasi kelib tushgan kundan boshlab 5 ish kuni mobaynida obyektni qurishga (rekonstruksiya qilishga, mukammal taʼmirlashga) ilgari tasdiqlangan loyiha qiymatining qimmatlashuviga olib kelgan oʻzgartirishlarni kiritish boʻyicha asoslangan yigʻma taklif kiritadi.
(9-band Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qarori tahririda — OʻR QHT, 2017-y., 33-son, 863-modda)
10. Obyektni qurish (rekonstruksiya qilish, mukammal taʼmirlash) yuzasidan ilgari tasdiqlangan loyihaga obyekt qiymatining qimmatlashishiga olib kelgan oʻzgartirishlar kiritish toʻgʻrisidagi qaror qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanadigan obyektlarning manzilli roʻyxatlarini tasdiqlash boʻyicha Hukumat komissiyasi protokoli bilan rasmiylashtiriladi.
Loyihaga obyektlarni qurish (rekonstruksiya qilish, mukammal taʼmirlash) qiymatining koʻpayishiga olib keladigan oʻzgartirishlar kiritish boʻyicha takliflarning asoslanganligi yuzasidan xulosalarni taqdim etish, koʻrib chiqish va yuborish sxemasi ushbu Nizomga 4-ilovada keltirilgan.
11. Qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanadigan obyektlarning manzilli roʻyxatlarini tasdiqlash boʻyicha Hukumat komissiyasining majlis qarori tashabbuskorlarning qurilishlar (mukammal taʼmirlash)ning manzilli roʻyxatlarini koʻrib chiqishda ular boʻyicha ushbu Nizomning shartlariga muvofiq qiymati oshirilgan obyektlarni qurish (rekonstruksiya qilish, mukammal taʼmirlash) qiymatini (uni keyinchalik belgilangan tartibda moliyalashtirish uchun) koʻpaytirishga asos hisoblanadi.
Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisidagi nizomga
1-ILOVA

___________________________________‎‎_______________________

‎‎(loyihaning nomi)‎

Ishlab chiqarish yoʻnalishida boʻlmagan obyektning asosiy
‎texnik-iqtisodiy koʻrsatkichlari

JADVALI
‎

T/r‎‏

Parametrlar nomi

Obyektning koʻrsatkichlari

Tasdiqlangan loyiha boʻyicha

Qayta tasdiqlashga taqdim etilgan loyiha boʻyicha

Qayta tasdiqlash uchun tavsiya qilingan

oʻlchov birligi

quvvati

1.‎ ‎ ‎ ‎ ‎ ‎ ‎
2.‎ ‎ ‎ ‎ ‎ ‎ ‎
3.‎ ‎ ‎ ‎ ‎ ‎ ‎
4.‎ ‎ ‎ ‎ ‎ ‎ ‎
5.‎ ‎ ‎ ‎ ‎ ‎ ‎


‎Loyihalash tashkiloti rahbari

 ‎


‎_________________

‎ ‎ ‎ ‎

(imzo, muhr)

Buyurtmachi

 ‎

_________________‎

‎ ‎ ‎ ‎

(imzo, muhr)

Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisidagi nizomga
2-ILOVA

____________________________________________________________

‎ ‎ ‎ ‎

(loyihaning nomi)

 ‎ ‎ ‎ ‎

‎Qurilish obyekti narxini oʻzgartirishning

‎ ‎ ‎

QIYOSIY JADVALI
‎

 ‎ ‎ ‎

T/r

Obyektlarning qismlari, yigʻma hisob-kitob boblari, ishlar va xarajatlar nomi

Obyektning ilgari tasdiqlangan narxi joriy narxlarda (tender obyektlari boʻyicha — ofertalar),
‎ ___________ dagi holatiga koʻra

‎Qayta tasdiqlash vaqtida oʻzlashtirilgan kapital qoʻyilmalar ___________dagi holatiga koʻra‎

‎‎‎Qayta tasdiqlash vaqtida moliyalashtirilgan ___________ dagi holatiga koʻra

jami‎‏
‎

shu jumladan

jami

shu jumladan

jami‎‏

shu jumladan

qurilish-montaj ishlari

asbob-uskunalar‎ ‎

boshqa xarajatlar‎ ‎

qurilish-montaj ishlari

asbob-uskunalar

boshqa xarajatlar‎ ‎

qurilish-montaj ishlari‎

asbob-uskunalar‎

boshqa xarajatlar‎

1‎

2‎

3‎

4‎

5‎

6‎

7‎

8‎

9‎

10‎

11‎

12‎

13‎

14‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Qayta tasdiqlash vaqtida qiymat qoldigʻi _________ dagi holatiga koʻra‎‎

‎Qayta tasdiqlash vaqtida kiritilgan oʻzgartirishlarni hisobga olgan holda maʼlum qilingan qiymat qoldigʻi, ___________ dagi holatiga koʻra

‎Kiritilgan oʻzgartirishlarni hisobga olgan holda obyektning aniqlangan smeta qiymati

‎Obyekt qiymatining oʻzgarishi (+;–)

jami‎‏
‎

‎‎shu jumladan

jami

shu jumladan‎

jami

‎shu jumladan

jami‎‏

shu jumladan‎ ‎‎

qurilish-montaj ishlari‎

asbob-uskunalar‎

‎boshqa xarajatlar‎ ‎‎

qurilish-montaj ishlari ‎

asbob-uskunalar‎ ‎‎

 ‎boshqa xarajatlar‎ ‎‎

qurilish-montaj ishlari ‎

asbob-uskunalar‎ ‎‎

‎boshqa xarajatlar‎ ‎‎‎

qurilish-montaj ishlari ‎‎

asbob-uskunalar‎‎

‎boshqa xarajatlar‎ ‎‎‎

15‎

16‎

17‎

18‎

19‎

20‎

21‎

22‎

23‎

24‎

25‎

26‎

27‎

28‎

29‎

30‎

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ Loyihalash tashkiloti rahbari ‎ ‎ ‎ ‎ ‎ ‎

‎‎_______________

 ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎

(imzo, muhr)

 ‎ ‎
‎ Buyurtmachi ‎ ‎ ‎ ‎ ‎ ‎

‎‎_______________

 ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎

(imzo, muhr) ‎‎

 ‎ ‎
‎ ‎‎Kelishilgan (bosh pudratchi) ‎ ‎ ‎ ‎ ‎ ‎

_______________

 ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎

(imzo, muhr) ‎‎ ‎‎

 ‎ ‎
Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisidagi nizomga
3-ILOVA

‎‎_________________________________________________________________

‎‎(loyihaning nomi)

Qurilishning smeta qiymatini oshirish sabablari toʻgʻrisida ‎‎

MAʼLUMOTLAR‎

‎T/r‎
‎‏

Loyihani qayta tasdiqlashni kelishish toʻgʻrisida iltimosnoma kiritgan vazirlik (idora), bosh loyihachi, loyiha nomi‎

Loyihani tasdiqlagan instansiya, tasdiqlaganligi toʻgʻrisidagi hujjatning sanasi va tartib raqami

‎‎Xarajatlar maʼlumoti boʻyicha qurilish obyektining qiymati, mln soʻm.

Qurilish obyektlarining qiymatini koʻpaytirish, mln soʻm.

ilgari tasdiqlangani‎

maʼlum qilingani‎‏

kelishilgani‎‏

jami (shu jumladan qurilish-montaj ishlari)‎

shu jumladan

loyihalash institutlari, qidiruv va ilmiy-tadqiqot tashkilotlari xatolari‎

yetkazib beruvchilar tomonidan asbob-uskunalar qiymatini koʻpaytirish‎

vazirliklar, idoralar va loyiha tashkilotlari takliflari boʻyicha loyiha qarorlarini qayta koʻrib chiqish‎‎
‎

Oʻzbekiston Respublikasi Vazirlar Mahkamasining qarorlari boʻyicha tadbirlar‎

ishlab chiqarish samaradorligini oshirish maqsadida, shuningdek yangi texnik shartlar, normalar va qoidalar boʻyicha ‎

qurilish shartlarining oʻzgarishi munosabati bilan hamda 10-ustunda hisobga olinmagan boshqa sabablarga koʻra‎

1‎

2‎

3‎

4‎

5‎

6‎

7‎

8‎

9‎

10‎

11‎

12‎

‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎
‎

‎‎Loyihalash tashkiloti rahbari

‎ ‎ ‎ ‎

‎‎_________________

 ‎
‎ ‎ ‎ ‎ ‎ ‎ ‎ ‎

‎‎(imzo, muhr)

 ‎
‎ Buyurtmachi ‎ ‎ ‎ ‎ ‎

‎‎_________________

 ‎
‎ ‎ ‎ ‎ ‎ ‎ ‎ ‎

‎‎(imzo, muhr)

‎
Hisob-kitob (smeta) qiymati oshirib yuborilgan obyektlar boʻyicha xulosalar tayyorlash va ularni Vazirlar Mahkamasiga kiritish tartibi toʻgʻrisidagi nizomga
4-ILOVA
Obyektlarni qurish (rekonstruksiya qilish, mukammal taʼmirlash) qiymatini oshirishga olib keladigan loyiha- smeta hujjatlari (LSH)ga oʻzgartirishlar kiritish takliflarining asoslanganligi boʻyicha xulosalarni taqdim etish, koʻrib chiqish va yuborish
SXEMASI
Izohlar:
1. Tashabbuskorlar murojaatlarini koʻrib chiqishning umumiy muddati, Hukumat komissiyasiga hujjatlarni kiritishni hisobga olgan holda, 20 ish kunidan oshmasligi kerak.
(4-ilova Oʻzbekiston Respublikasi Vazirlar Mahkamasining 2017-yil 16-avgustdagi 638-sonli qarori tahririda — OʻR QHT, 2017-y., 33-son, 863-modda)
(Oʻzbekiston Respublikasi qonun hujjatlari toʻplami, 2012-y., 6-son, 62-modda; 2013-y., 37-son, 485-modda; 2017-y., 33-son, 863-modda)