“Rieltorlik faoliyati toʻgʻrisida”gi Oʻzbekiston Respublikasi Qonunining va Vazirlar Mahkamasining 2011-yil 10-maydagi 129-son qarori bilan tasdiqlangan Rieltorlik faoliyatini litsenziyalash toʻgʻrisidagi nizomning kuchga kirishi munosabati bilan Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasining:

Oʻzbekiston Respublikasi Davlat mulki qoʻmitasi tomonidan qoʻyilgan 1-ilovaga* muvofiq xususiylashtirilayotgan davlat aktivlarini ochiq savdolardan chiqarish toʻgʻrisidagi;

2 va 3-ilovalarga* muvofiq xususiylashtirilayotgan davlat aktivlarini savdolarga (qayta baholamasdan) takroran qoʻyish hamda ularni rieltorlik tashkilotlari, shuningdek kim oshdi savdolari va tanlovlar oʻtkazish boʻyicha xizmatlar koʻrsatadigan ixtisoslashtirilgan tashkilotlar tomonidan sotish toʻgʻrisidagi takliflariga rozilik berilsin.

2. Oʻzbekiston Respublikasi Davlat mulki qoʻmitasi ikki hafta muddatda rieltorlik tashkilotlari va kim oshdi savdolari va tanlovlar oʻtkazish boʻyicha xizmatlar koʻrsatadigan ixtisoslashtirilgan tashkilotlar orqali sotiladigan 2 va 3-ilovalarga muvofiq xususiylashtirilayotgan davlat aktivlarini takroran savdolarga qoʻysin.

3. Belgilab qoʻyilsinki, ushbu qarorning 2-bandida koʻrsatilgan:

rieltorlik tashkilotlari orqali sotiladigan xususiylashtirilayotgan davlat aktivlari — savdolarga ochiq savdolardan chiqarilgan sanada shakllangan (lekin boshlangʻich narxning 50 foizidan kam boʻlmagan) narx boʻyicha qoʻyiladi;

kim oshdi savdolari va tanlovlar oʻtkazish boʻyicha xizmatlar koʻrsatadigan ixtisoslashtirilgan tashkilotlar orqali sotiladigan xususiylashtirilayotgan davlat aktivlari — savdolarga ular ochiq savdolardan chiqarilgan sanada shakllangan narx boʻyicha qoʻyiladi.

4. Oʻzbekiston Respublikasi Davlat mulki qoʻmitasi, Monopoliyadan chiqarish va raqobatni rivojlantirish davlat qoʻmitasi hamda Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsinlar.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. 1-banddagi “ularning narxlarini boshlangʻich qiymatiga nisbatan bosqichma-bosqich kamaytirish mexanizmini belgilangan tartibda qoʻllagan holda birja savdolari va” soʻzlari “ochiq savdolar” soʻzlari bilan almashtirilsin.

2. 2-bandda:

a) ikkinchi xatboshidagi “Vazirlar Mahkamasining 2009-yil 29-yanvardagi 27-son qarori bilan tasdiqlangan Davlat aktivlarini birja savdolarida sotish tartibi toʻgʻrisidagi nizom talablariga muvofiq birja savdolari” soʻzlari “qonun hujjatlarida belgilangan tartibda ochiq savdolar” soʻzlari bilan almashtirilsin.

b) uchinchi xatboshidagi “birja savdolariga” soʻzlari “ochiq savdolarga” soʻzlari bilan almashtirilsin.