Hujjat kuchini yo‘qotgan " " 16.12.2025
Oʻzbekiston Respublikasi Vazirlar Mahkamasining
qarori
MUSTAQILLIK KUNI VA NAVROʻZ UMUMXALQ BAYRAMLARIGA TAYYORGARLIKNI TASHKIL ETISHNI TAKOMILLASHTIRISH TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Milliy mustaqillik gʻoyalari va xalqimiz anʼanalarini keng targʻib qilish, respublika viloyatlari, shaharlari va tumanlarida Mustaqillik kuni va Navroʻz umumxalq bayramlariga bagʻishlangan madaniy-ommaviy tadbirlarning yuqori tashkiliy darajada tayyorlanishi va chuqur gʻoyaviy mazmun bilan oʻtkazilishini taʼminlash maqsadida Vazirlar Mahkamasi qaror qiladi:
1. Mustaqillik kuni va Navroʻz umumxalq bayramlarini tashkil etish boʻyicha doimiy faoliyat koʻrsatuvchi Respublika komissiyasi tarkibi ilovaga muvofiq tasdiqlansin.
2. Quyidagilar Respublika komissiyasining asosiy vazifalari etib belgilansin:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar, jamoat tashkilotlari hamda jamgʻarmalar bilan birgalikda tuman, shahar va viloyatlar markazlarida Mustaqillik kuni va Navroʻz umumxalq bayramlarining keng nishonlanishini tashkil etish;
Mustaqillik kuni va Navroʻz bayramlarini nishonlashda Oʻzbekiston taraqqiyotida, jamiyatni demokratik yangilashda, maʼnaviy-axloqiy yuksalishda, xalqimiz mentalitetida, milliy oʻzligini anglashda, mamlakatimizning iqtisodiy qudratini kuchaytirishda, respublikaning xalqaro maydondagi nufuzini oshirishda yuz bergan tarixiy oʻzgarishlarni keng va toʻliq ochib berish;
har yili oʻtkaziladigan tadbirlar mazmuni va mavzuyida mustaqillik yillarida hayotning barcha sohalarida, yangilanish va islohotlarning tanlangan yoʻlini amalga oshirishda, milliy davlatchiligimizni rivojlantirishda, xalqimizning turmush darajasini oshirish va sharoitlarini yaxshilashda Oʻzbekiston erishgan aniq yutuqlarni, respublika shaharlari, tumanlari va aholi yashash joylarini obod qilishdagi ijobiy oʻzgarishlarni aks ettirish;
Nukus shahrida, viloyat markazlarida va Toshkent shahrida oʻtadigan bayram dasturlariga folklor guruhlari, badiiy havaskorlik jamoalari, oilaviy ansambllar, baxshi shoirlar, shuningdek professional ijrochilar va isteʼdodli estrada artistlarini tanlov asosida jalb etish;
bayram tadbirlarini oʻtkazishda zarur darajada xavfsizlikni taʼminlash.
3. Belgilab qoʻyilsinki, oʻtkaziladigan bayram tadbirlarini moliyaviy taʼminlash:
Qoraqalpogʻiston Respublikasi va viloyatlarda — mahalliy budjet mablagʻlari, ishlab chiqarish korxonalari, xoʻjaliklar va jamgʻarmalarning homiylik yordami hisobidan;
Toshkent shahrida — respublika budjeti va Toshkent shahri budjeti mablagʻlari hisobidan teng ulushlarda amalga oshiriladi.
4. Quyidagilar:
Vazirlar Mahkamasining “Mustaqillik kuni va Navroʻz umumxalq bayramini tashkil etish haqida” 1995-yil 23-fevraldagi 68-son qarori;
Vazirlar Mahkamasining 2000-yil 30-sentabrdagi 374-son qaroriga 15-ilova oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M.Mirziyoyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 23-iyul,
357-son
Vazirlar Mahkamasining 2004-yil 23-iyuldagi 357-son qaroriga
 ILOVA
Mustaqillik kuni va Navroʻz umumxalq bayramlarini tashkil etish boʻyicha doimiy faoliyat koʻrsatuvchi Respublika komissiyasining
TARKIBI

Mirziyoyev Sh.M.

—

Oʻzbekiston Respublikasining Bosh vaziri, Komissiya raisi

Aripov A.N.

—

Oʻzbekiston Respublikasi Bosh vazirining oʻrinbosari, Komissiya raisining oʻrinbosari

Sultonov X.M.

—

Oʻzbekiston Respublikasi Prezidentining Davlat maslahatchisi (kelishuv boʻyicha), Komissiya raisining oʻrinbosari

Sadikov Sh.M.

—

Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri

Komissiya aʼzolari:

Zakirov B.I.

—

Oʻzbekiston Respublikasi Bosh vazirining oʻrinbosari

Usmonov R.J.

—

Toshkent shahri hokimi

Alimov A.V.

—

Oʻzbekiston Respublikasi Sogʻliqni saqlash vaziri

Axmedbayev A.A.

—

Oʻzbekiston Respublikasi Ichki ishlar vaziri

Muratov M.M.

—

Oʻzbekiston Respublikasi Madaniyat vaziri

Ahmedov M.

—

Oʻzbekiston Yozuvchilar uyushmasi raisi

Berdiyev K.R.

—

Oʻzbekiston Respublikasi Mudofaa vaziri

Gʻaniyev E.M.

—

Oʻzbekiston Respublikasi Tashqi iqtisodiy aloqalar, investitsiyalar va savdo vaziri

Dusanov Z.A.

—

Oʻzbekiston Respublikasi Davlat bojxona qoʻmitasi raisi

Inogʻomov J.S.

—

“Mahalla” xayriya jamoat fondi raisi

Abdullayev I.B.

—

Davlat xavfsizlik xizmati raisi

Tashmatov B.X.

—

Oʻzbekiston Respublikasi Prezidenti Davlat xavfsizlik xizmati raisi v.b

Inoyatov U.I.

—

Oʻzbekiston Respublikasi Xalq taʼlimi vaziri

Komilov A.X.

—

Oʻzbekiston Respublikasi Tashqi ishlar vaziri

Qosimov N.U.

—

Respublika Maʼnaviyat targʻibot markazining rahbari v. b.

Qosimov R.S.

—

Oʻzbekiston Respublikasi Oliy va oʻrta maxsus taʼlim vaziri

Qoʻchqorov J.A.

—

Moliya vazirining oʻrinbosari

lavozimiga koʻra

—

Toshkent shahri madaniyat bosh boshqarmasi boshligʻi

Mirzaliyev I.

(Iqbol Mirzo)

—

Oʻzbekiston xalq shoiri

Mirzoxidov X.M.

—

Oʻzbekiston Respublikasi Axborot texnologiyalari va kommunikatsiyalarini rivojlantirish vaziri

Musayev A.E.

—

“Oʻzbekkino” milliy agentligining bosh direktori

Narbayeva T.K.

—

Oʻzbekiston Kasaba uyushmalari Federatsiyasi Kengashi raisi

Nuridinov A.V.

—

Oʻzbekiston Badiiy akademiyasi raisi

Rahmatov Oʻ.

—

“Xalq soʻzi” — “Narodnoye slovo” gazetalari bosh muharriri

Rizayev F.M.

—

“Oʻzbekturizm” milliy kompaniyasi raisi

Sayfullayev B.S.

—

Oʻzbekiston davlat sanʼat va madaniyat institutining rektori

Salixov Sh.I.

—

Oʻzbekiston Fanlar akademiyasi prezidenti

Sodiqov A.X.

—

“Toshshaharyoʻlovchitrans” kompaniyasi raisi

lavozimiga koʻra

—

Oʻzbekiston matbuot va axborot agentligi bosh direktori

Tyan V.N.

—

“Oʻzbekiston havo yoʻllari” milliy aviakompaniyasi bosh direktori

Usmonov Sh.Gʻ.

—

“Nuroniy” jamgʻarmasi raisi

Fayziyev Z.O.

—

“Oʻzbekoziqovqatzaxira” uyushmasi boshqaruvi raisi

Xadjayev A.D.

—

Oʻzbekiston milliy teleradiokompaniyasi raisi

Hazratqulov M.

—

Oʻzbekiston Milliy axborot agentligi bosh direktori

Xaydarov I.U.

—

“Oʻzbekyengilsanoat” aksiyadorlik jamiyati raisi

Yusupov O.O.

—

Vazirlar Mahkamasi huzuridagi Din ishlari boʻyicha qoʻmita raisi
Qoraqalpogʻiston Respublikasi Vazirlar Kengashi Raisining birinchi oʻrinbosari, viloyatlar hokimlarining birinchi oʻrinbosarlari.
Izoh: Komissiya aʼzolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.
(ilova Oʻzbekiston Respublikasi Vazirlar Mahkamasining 2018-yil 15-dekabrdagi 1021-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1021/2335-son)