Oʻzbekiston Respublikasi Prezidentining “Qimmatli qogʻozlar bozorini yanada rivojlantirish chora-tadbirlari toʻgʻrisida” 2006-yil 27-sentabrdagi PQ-475-son qaroriga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Vazirlar Mahkamasining “Toshkent respublika fond birjasining samarali faoliyat koʻrsatishini taʼminlash va qiymatli qogʻozlar bozori infrastrukturasini rivojlantirish chora-tadbirlari toʻgʻrisida” 1994-yil 8-iyundagi 285-son qarori bilan tasdiqlangan Oʻzbekiston Respublikasi hududida qiymatli qogʻozlar bilan bitishuvlar tuzish va ularni roʻyxatdan oʻtkazish tartibi toʻgʻrisidagi nizomning 2-bandi ikkinchi xatboshida “aksionerlik jamiyatlari va boshqa korxonalar tomonidan chiqariladigan obligatsiyalar” soʻzlari “ochiq aksiyadorlik jamiyatlari tomonidan chiqariladigan obligatsiyalar” soʻzlari bilan almashtirilsin.

3. Vazirlar Mahkamasining “Xususiylashtirilgan korxonalarni korporativ boshqarishni takomillashtirish chora-tadbirlari toʻgʻrisida” 2003-yil 19-apreldagi 189-son qarori (Oʻzbekiston Respublikasi QT., 2003-y., 4-son, 32-modda) Aksiyadorlik jamiyatining Kuzatuvchi kengashi toʻgʻrisidagi Namunaviy nizomning 4-bandi quyidagi mazmundagi oʻn toʻrtinchi va oʻn beshinchi xatboshilar bilan toʻldirilsin:

“agar jamiyatning ustav fondida jamiyatning yillik biznes-rejasini tasdiqlash kuzatuvchi kengashning vakolatiga kiritilmagan yoki aksiyadorlarning umumiy yigʻilishi bilan unga topshirilmagan boʻlsa, jamiyatning yillik biznes-rejasini maʼqullash. Bunda, navbatdagi yilga jamiyatning biznes-rejasi joriy yilning 1-dekabridan kechikmay kuzatuvchi kengash majlisida maʼqullanishi kerak;

ichki audit xizmatini tashkil va uning xodimlarini tayinlash”;

oʻn toʻrtinchi—yigirma yettinchi xatboshilar tegishli ravishda oʻn oltinchi—yigirma toʻqqizinchi xatboshilar deb hisoblansin.