|
Ҳужжат кучини йўқотган 05.06.2017
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ПРЕЗИДЕНТИ ҲУЗУРИДАГИ СУДЬЯЛАРНИ ТАНЛАШ ВА ЛАВОЗИМЛАРГА ТАВСИЯ ЭТИШ БЎЙИЧА ОЛИЙ МАЛАКА КОМИССИЯСИ ФАОЛИЯТИНИ МОЛИЯВИЙ ВА МОДДИЙ-ТЕХНИКАВИЙ ЖИҲАТДАН ТАЪМИНЛАШ ЧОРА-ТАДБИРЛАРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2017 йил 31 майдаги 327-сонли «Ўзбекистон Республикаси Адлия вазирлиги қошидаги Юристлар малакасини ошириш марказининг уставига ўзгартириш киритиш, шунингдек Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида («Ўзбекистон Республикаси Судьялар олий кенгаши тўғрисида»ги Ўзбекистон Республикасининг Қонуни)»ги қарорига асосан ўз кучини йўқотган.
Ўзбекистон Республикаси Президентининг «Ўзбекистон Республикаси Президенти ҳузуридаги Судьяларни танлаш ва лавозимларга тавсия этиш бўйича олий малака комиссияси фаолиятини такомиллаштириш тўғрисида» 2006 йил 17 мартдаги ПФ–3725-сон Фармонини бажариш юзасидан Вазирлар Маҳкамаси қарор қилади:
1. Ўзбекистон Республикаси Президенти ҳузуридаги Судьяларни танлаш ва лавозимларга тавсия этиш бўйича олий малака комиссиясининг (кейинги ўринларда Комиссия деб аталади) ижро этувчи аппарати ходимлари меҳнатига ҳақ тўлаш бўйича разрядлар иловага мувофиқ тасдиқлансин.
2. Комиссиянинг ижро этувчи аппарати ходимларига Ўзбекистон Республикаси Президенти Девони ходимлари учун белгиланган тиббий таъминот шарт-шароитлари татбиқ қилинсин.
Комиссиянинг ижро этувчи аппарати ходимлари учун илгари уларнинг судларда, адлия ва прокуратура органларида ишлаган даврида малака даражаси, даражали унвони (мартаба даражаси) ва кўп йиллик хизмати учун олинадиган устамалар сақлаб қолинсин.
3. Ўзбекистон Республикаси Молия вазирлиги (Р. Азимов):
2006 йилда Ўзбекистон Республикаси Вазирлар Маҳкамасининг захира жамғармасидан Комиссиянинг асосланган ҳисоб-китобларига мувофиқ, идора мебеллари, компьютер ва бошқа ташкилий техника билан жиҳозлаш, енгил автотранспорт билан таъминлаш, шунингдек Комиссиянинг жорий молиявий таъминоти учун маблағлар ажратсин;
2007 йилдан бошлаб ҳар йили Ўзбекистон Республикаси Давлат бюджети харажатларида Комиссиянинг молиявий таъминоти учун зарур бюджетдан ажратиладиган маблағлар назарда тутилсин.
(3-банднинг учинчи хатбошиси Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)
4. Комиссияга Ўзбекистон Республикаси Президенти Девони Ишлар бошқармасининг автохўжалиги томонидан бериладиган 2 та хизмат енгил автомобили учун лимит белгилансин.
5. Ўзбекистон алоқа ва ахборотлаштириш агентлиги (А. Арипов) бир ой муддатда Комиссияни зарур алоқа воситалари, шу жумладан ҳукумат алоқа воситалари билан белгиланган тартибда таъминласин.
6. Тошкент шаҳар ҳокимлиги (А. Тўхтаев) Комиссияни жойлаштириш учун бир ой муддатда бино ажратсин ва уни капитал таъмирлашни амалга оширсин.
7. Қуйидагилар:
Вазирлар Маҳкамасининг «Ўзбекистон Республикаси судлари фаолиятини янада такомиллаштириш чора-тадбирлари тўғрисида» 2001 йил 22 сентябрдаги 383-сон қарорининг (Ўзбекистон Республикаси ҚТ, 2001 й., 9-сон, 55-модда) 3-банди;
Вазирлар Маҳкамасининг 2001 йил 25 сентябрдаги 533–ф-сон фармойиши;
Вазирлар Маҳкамасининг 2002 йил 6 сентябрдаги 564–ф-сон фармойиши ўз кучини йўқотган деб ҳисоблансин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Голишев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2006 йил 10 апрель,
61-сон
Ўзбекистон Республикаси Президенти ҳузуридаги Судьяларни танлаш ва лавозимларга тавсия этиш бўйича олий малака комиссияси ижро этувчи аппарати ходимлари меҳнатига ҳақ тўлаш бўйича разрядлар
|
Лавозимлар номи |
Ягона тариф сеткаси бўйича тариф разряди |
| Комиссия раиси | 20 |
| Инспекция (котибият) раҳбари | 18 |
| Инспекция (котибият) раҳбарининг ўринбосари | 17 |
| Етакчи инспектор | 13 |
| Бош бухгалтер | 13 |
| Архив мудири | 8 |
| Иш юритувчи | 7 |
(илова Ўзбекистон Республикаси Вазирлар Маҳкамасининг 2013 йил 5 февралдаги 28-сонли қарори таҳририда — ЎР ҚҲТ, 2013 й., 6-сон, 69-модда)
(Ўзбекистон Республикаси қонун ҳужжатлари тўплами, 2006 й., 15-сон, 125-модда; 2013 й., 6-сон, 69-модда; 2016 й., 17-сон, 176-модда)
