|
Ҳужжат кучини йўқотган 30.05.2016
|
Ўзбекистон Республикаси Меҳнат ва аҳолини ижтимоий
муҳофаза қилиш вазирлиги
Ўзбекистон Республикаси Халқ таълими вазирлиги
Ўзбекистон Республикаси вазирлар маҳкамаси ҳузуридаги
давлат тест марказининг
муҳофаза қилиш вазирлиги
Ўзбекистон Республикаси Халқ таълими вазирлиги
Ўзбекистон Республикаси вазирлар маҳкамаси ҳузуридаги
давлат тест марказининг
Қарори
РАҲБАР ВА ПЕДАГОГ КАДРЛАРНИ АТТЕСТАЦИЯДАН ЎТКАЗИШ ВА УЛАРГА МАЛАКА ТОИФАЛАРИ БЕРИШ ТАРТИБИ ТЎҒРИСИДА НИЗОМНИ ТАСДИҚЛАШ ҲАҚИДА
[Ўзбекистон Республикаси Адлия вазирлиги томонидан 2006 йил 18 январда 1540-сон билан давлат рўйхатидан ўтказилган]
LexUZ шарҳиМазкур қарор Ўзбекистон Республикаси Меҳнат вазирлиги, Халқ таълими вазирлиги, Вазирлар Маҳкамаси ҳузуридаги Давлат тест марказининг 2016 йил 17 майдаги 13-қ/қ, 5-мҳ, 12/ққ-сонли «Раҳбар ва педагог кадрларни аттестациядан ўтказиш ва уларга малака тоифалари бериш тартиби тўғрисидаги низомни тасдиқлаш ҳақида»ги қарор, шунингдек унга ўзгартиришни ўз кучини йўқотган деб топиш тўғрисида»ги қарорига (рўйхат рақами 1540-2, 23.05.2016 й.) асосан ўз кучини йўқотган.
Ўзбекистон Республикаси Президентининг «Халқ таълими ходимлари меҳнатига ҳақ тўлаш тизимини такомиллаштириш ва уни моддий рағбатлантиришни кучайтириш чора-тадбирлари тўғрисида» 2005 йил 25 ноябрдаги ПҚ-227-сон қарори ва Ўзбекистон Республикаси Вазирлар Маҳкамасининг «Халқ таълими ходимлари меҳнатига ҳақ тўлашни такомиллаштирилган тизимини тасдиқлаш тўғрисида» 2005 йил 21 декабрдаги 275-сонли қарорига мувофиқ қарор қилинади:
1. «Раҳбар ва педагог кадрларни аттестациядан ўтказиш ва уларга малака тоифалари бериш тартиби тўғрисида низом» иловага кўра тасдиқлансин.
2. Ўзбекистон Республикаси Адлия вазирлигида 2004 йил 29 сентябрда 1414-сон билан рўйхатдан ўтган Ўзбекистон Республикаси Халқ таълими вазирлиги ҳамда Ўзбекистон Республикаси Вазирлар Маҳкамаси ҳузуридаги давлат тест марказининг «Ўзбекистон Республикаси Халқ таълими тизими бошқарув органлари ва ўқув юртларининг раҳбар ва педагогик кадрлари аттестацияси тўғрисида низомини тасдиқлаш ҳақида»ги қарори ўз кучини йўқотган деб ҳисоблансин.
3. Ушбу қарор Ўзбекистон Республикаси Адлия вазирлигида давлат рўйхатидан ўтган санадан ўн кун ўтганидан кейин кучга киради.
Меҳнат ва аҳолини ижтимоий муҳофаза қилиш вазири О. ОБИДОВ
Тошкент ш.,
2005 йил 30 декабрь,
106-сон
Халқ таълими вазири Т. ЖЎРАЕВ
Тошкент ш.,
2005 йил 30 декабрь,
43-сон
Вазирлар Маҳкамаси ҳузуридаги Давлат тест маркази директори Б. ИСМАИЛОВ
Тошкент ш.,
2005 йил 30 декабрь,
01-356-сон
Меҳнат ва аҳолини ижтимоий муҳофаза
қилиш вазирлиги, Халқ таълими вазирлиги
ва Вазирлар Маҳкамаси ҳузуридаги Давлат
тест марказининг 2005 йил 30 декабрдаги
106, 43 ва 01-356-сон қарори билан
ТАСДИҚЛАНГАН
қилиш вазирлиги, Халқ таълими вазирлиги
ва Вазирлар Маҳкамаси ҳузуридаги Давлат
тест марказининг 2005 йил 30 декабрдаги
106, 43 ва 01-356-сон қарори билан
ТАСДИҚЛАНГАН
Раҳбар ва педагог кадрларни аттестациядан ўтказиш ва уларга малака тоифалари бериш тартиби тўғрисида
НИЗОМ
Ушбу Низом Ўзбекистон Республикаси Президентининг 2005 йил 25 ноябрдаги «Халқ таълими ходимлари меҳнатига ҳақ тўлаш тизимини такомиллаштириш ва уни моддий рағбатлантиришни кучайтириш чора-тадбирлари тўғрисида»ги ПҚ-227-сон қарори ва Ўзбекистон Республикаси Вазирлар Маҳкамасининг 2005 йил 21 декабрдаги «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги 275-сон қарорига мувофиқ идоравий бўйсунувидан қатъи назар, халқ таълими тизимидаги давлат таълим муассасалари раҳбар ва педагог кадрларини аттестациядан ўтказиш ва уларга малака тоифалари бериш тартибини белгилайди.
I. Умумий қоидалар
1. Аттестация ўтказишнинг асосий мақсадлари:
педагог кадрларнинг малака талабларига мувофиқ малака тоифаларини белгилашда уларнинг касбий маҳорати даражасини аниқлаш ва малака тоифаларини бериш (ошириш ёки пасайтириш);
раҳбар кадрлар касбий маҳорати даражасининг лавозим малака тавсифларига мувофиқлигини аниқлаш.
Аттестация:
раҳбар ва педагог кадрларнинг касб маҳоратини мақсадли ва мунтазам оширилишини рағбатлантириш;
иш ҳақи ҳажмининг кўпайиши имкониятларини таъминлаш;
мактаблар мустақиллигини, директор ва педагогик жамоанинг ходимлар меҳнатини баҳолашдаги ҳуқуқларини янада оширишга йўналтирилган.
2. Аттестациянинг асосий тамойиллари:
халқ таълими муассасалари раҳбар ва педагог кадрларини аттестациядан ўтказишнинг мажбурийлиги ва даврийлиги;
ошкоралиги, кенгашиб иш кўриши ва холислиги ҳисобланади.
3. Раҳбар ва педагог кадрлар лавозимларига талаблар Меҳнат ва аҳолини ижтимоий муҳофаза қилиш вазирлиги, Халқ таълими вазирлиги (кейинги ўринларда — ХТВ), Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда — ДТМ) томонидан тасдиқланган «Халқ таълими ходимлари асосий лавозимларининг малака тавсифлари», шунингдек, педагог кадрлар малака тоифаларига ушбу Низомда белгиланган талаблар асосида белгиланади.
4. Раҳбар кадрлар аттестацияси уч йилда бир марта, педагог кадрлар аттестацияси беш йилда бир марта ўтказилади.
5. Аттестация ўтказиш муддатлари халқ таълими бошқарув органлари томонидан аттестация қилинувчиларга унинг бошланишидан камида бир ой олдин хабар қилинади.
6. Педагог кадрнинг ёзма аризасига биноан ёки таълимни бошқарув органи ташаббусига кўра педагог кадр навбатдан ташқари аттестациядан ўтказиш мумкин.
Педагог кадрни навбатдан ташқари аттестациядан ўтказиш олдинги аттестацияга нисбатан камида уч йилдан кейин амалга оширилиши мумкин.
7. Янги ишга қабул қилинган ходим камида бир йилдан кейин аттестациядан ўтказилади.
Узоқ вақт (бир ойдан ортиқ) даволанаётган ходимлар; ҳомиладорлик таътилидаги, уч ёшга тўлгунга қадар болани парваришлаш таътилидаги аёллар — ишга чиққанларидан сўнг камида бир йилдан кейин аттестациядан ўтказилади.
8. ХТВ ҳамда унинг ҳудудий бўлинмалари раҳбар ва педагог кадрларни аттестациядан ўтказиш жараёнини ташкил этишга масъул ҳисобланади.
Меҳнат ва аҳолини ижтимоий муҳофаза қилиш вазирлиги кадрларнинг меҳнат қонунчилигида белгиланган ҳуқуқларини таъминланишини назорат қилади.
Аттестация жараёнларини мувофиқлаштириш ва назорат қилиш, аттестация комиссиялари иш натижаларини таҳлил қилиш ва баҳолаш Вазирлар Маҳкамасининг 2004 йил 24 июндаги «Ўзбекистон Республикаси Вазирлар Маҳкамаси ҳузуридаги Давлат тест маркази фаолиятини такомиллаштириш тўғрисида»ги 293-сон қарорига мувофиқ ДТМ томонидан амалга оширилади.
9. Раҳбар ва педагог кадрлар аттестациясини ташкил этиш, ўтказиш ДТМ томонидан ишлаб чиқилган ва Ўзбекистон Республикаси Вазирлар Маҳкамаси тасдиқлаган жадвал асосида амалга оширилади.
II. Раҳбар кадрларни аттестациядан ўтказиш тартиби
10. Раҳбар кадрларнинг қуйидаги тоифалари аттестациядан ўтказилиши шарт:
идоравий бўйсунувидан қатъи назар, халқ таълими муассасаларининг раҳбарлари ва уларнинг ўринбосарлари (хўжалик ишлари бўйича директор ўринбосарларидан ташқари), методик кабинетлар мудирлари ва ходимлари, шунингдек Давлат таълим стандартлари мониторинги бўлим (шуъба) бошлиқлари;
педагог ходимларни қайта тайёрлаш ва малака ошириш институт (марказ, факультет ва курс)лари раҳбарлари ва уларнинг ўринбосарлари;
касбга йўналтириш ва ўқувчиларнинг психологик-педагогик ташхиси марказлари раҳбарлари;
халқ таълими давлат бошқаруви органлари раҳбарлари.
11. Педагог ходимларни қайта тайёрлаш ва малака ошириш институт (марказ, факультет ва курс)лари профессор-ўқитувчиларини ҳамда таълим марказ (бўлим)лари мутахассисларини аттестациядан ўтказиш раҳбар кадрларни аттестациядан ўтказиш тартибида амалга оширилади.
12. Аттестация қилинувчи раҳбарлар ўтказилиши белгиланган аттестациядан бир ой олдин халқ таълимининг тегишли бошқарув органига, таълим муассасаси раҳбарига қуйидаги ҳужжатларни топшириши керак:
маълумотнома-таржимаи ҳол;
меҳнат дафтарчаси, маълумоти, малака тоифаси, илмий даражаси ва илмий унвони тўғрисидаги (агар бўлса), малака оширганлиги ва қайта тайёрлаш муассасаларида олинган ихтисослик тўғрисидаги гувоҳнома (сертификат) нусхалари;
нашр этилган илмий, ўқув-методик ишлари, мақолалари ва ихтироларининг муаллиф имзоси қўйилган ҳамда таълим муассасаси муҳри босилган рўйхати;
аттестация қилинувчи томонидан кейинги уч йилда бажарилган ўқув-методик, илмий ва маънавий-маърифий ишларнинг раҳбарият томонидан тасдиқланган ҳисоботи;
таълим муассасасини ривожлантириш бўйича истиқболдаги режалари тўғрисидаги қисқача маълумоти.
Нотўғри ёки бузиб кўрсатилган маълумотлар учун аттестация қилинувчи жавобгар ҳисобланади.
13. Аттестация ўтказиш аттестация комиссиялари томонидан амалга оширилади. Аттестация комиссиялари қошида эксперт гуруҳлари тузилиши мумкин. Эксперт гуруҳларининг асосий вазифалари маълумотлар тўплаш ва аттестация қилинувчи кадрнинг касбий ва раҳбарлик фаолиятини баҳолашдан иборат. Эксперт гуруҳларининг таркиби ДТМ ва ХТВ қўшма буйруғи билан тасдиқланади.
14. Аттестация комиссияси 9 кишидан иборат бўлиб, аъзоларидан камида 6 нафари иштирок этса, комиссия мажлисининг ўтказилиши ваколатли ҳисобланади.
15. Аттестация комиссияси таркиби:
халқ таълими тизими бошқарув идоралари раҳбарларини аттестациядан ўтказиш аттестация комиссияси таркиби ХТВ ва ДТМ қўшма буйруғи билан тасдиқланади. Комиссия раиси — ХТВ вакили, ўринбосари — ДТМ вакили тайинланади;
таълим муассасалари, касбга йўналтириш ва ўқувчиларнинг психологик-педагогик ташхиси марказлари раҳбарлари; методик кабинетлар раҳбарлари, педагог ходимларни қайта тайёрлаш ва малака ошириш институт (марказ, факультет ва курс)лари раҳбарлари ва профессор-ўқитувчиларини аттестациядан ўтказиш бўйича аттестация комиссияси таркиби ДТМ ва ХТВ қўшма буйруғи билан тасдиқланади. Комиссия раиси — ДТМ вакили, ўринбосари — ХТВ вакили тайинланади.
Аттестация комиссиялари таркибига давлат меҳнат ҳуқуқ инспектори ва тасарруфида таълим муассасаси мавжуд бўлган вазирлик ёки идора вакиллари киради.
Аттестация комиссиялари таркибига таълим ва илмий муассасалар кадрлари, методик хизматлар, касаба уюшмалари идоралари вакиллари, ҳокимиятлар, бошқа ташкилотлар вакиллари, шунингдек, соҳа мутахассислари кириши мумкин.
16. Раҳбар кадрларни аттестациядан ўтказиш қуйидаги тартибда ташкил қилинади:
раҳбар кадрлар таълим соҳасидаги меъёрий-ҳуқуқий ҳужжатларни билиши, раҳбарлик қобилияти юзасидан малака синовларидан ўтадилар;
кейинги уч йил давомида таълим муассасасининг ривожланиш динамикаси ва раҳбарнинг кейинги касбий ва раҳбарлик ўқув-услубий, илмий, маънавий-маърифий ва тарбиявий ишлар бўйича фаолияти ўрганилади;
касбий ва лавозим мажбуриятлари доирасига кирувчи масалалар бўйича суҳбат ўтказилади.
Суҳбат жараёнида берилган савол ва жавоблар махсус (саҳифаланган, боғланган, муҳрланган) журналга қайд этилади.
17. Аттестация комиссияси тақдим қилинган ҳужжатларни ҳар томонлама кўриб чиқиб, суҳбат, малака синовлари ва касбий фаолиятни баҳолаш натижаларини ҳисобга олиб, қуйидаги хулосадан бирини қабул қилади:
«Эгаллаб турган лавозимига мос келади»;
«Эгаллаб турган лавозимига мос келмайди».
18. Хулоса аттестация комиссияси томонидан кенгашган ҳолда, ошкора овоз бериш йўли билан қабул қилинади ва комиссия таркибининг кўпчилиги фикри билан қабул қилинади. Овозлар тенг бўлиб қолган ҳолларда хулоса аттестация қилинувчининг фойдасига чиқарилади.
19. Аттестация қилинувчи аттестация комиссияси аъзоси бўлган ҳолда, у овоз беришда қатнашмайди.
20. Аттестация қилинувчи ходим аттестация комиссияси мажлисига узрли сабабга (асосланган ҳужжатлар ёки аттестациядан ўтувчининг тушунтириш хати, халқ таълими бошқарув органи раҳбарининг маълумотномаси узрли сабабга асос бўлади. Қолган ҳоллар узрли деб ҳисобланмайди) кўра келмаган бўлса, унинг аттестацияси бошқа муддатга кўчирилади.
21. Аттестация қилинувчи кадр аттестация комиссияси мажлисига узрсиз сабабга кўра келмаган бўлса, у аттестациядан ўтмаган ҳисобланади ва «Эгаллаб турган лавозимига мос келмайди» деган хулоса чиқарилади.
22. Аттестация комиссиясининг хулосаси аттестация варағига (1-илова) ёзилади ва комиссия раиси, ўринбосари, котиб ва аттестация комиссиясининг мажлисида иштирок этган аъзолари томонидан имзоланади. Аттестация варағи ходимнинг шахсий ҳужжатларига тикиб қўйилади.
23. Аттестация комиссиясининг хулосаси комиссия раиси, ўринбосари, котиб имзолаган икки нусхада баённома билан расмийлаштирилади. Баённоманинг бир нусхаси ДТМ вакилига, иккинчи нусхаси иш берувчига тақдим қилинади.
24. Тасарруфида таълим муассасаси мавжуд бўлган вазирлик ёки идора, халқ таълими бошқаруви органи, халқ таълими муассасаси раҳбари аттестация комиссияси хулосасига кўра лавозимига мос келмаган ходимлар билан тузилган меҳнат шартномасини меҳнат қонунчилигида белгиланган тартибда бекор қилади.
25. Аттестация қилинувчи раҳбар кадр хоҳишига биноан у ўзининг малака тоифасини тасдиқлаши ёки малака тоифасига эга бўлиши учун мазкур Низомнинг III бўлимига асосан аттестация қилиниши мумкин.
III. Педагог кадрларни аттестациядан ўтказиш тартиби
26. Педагог кадрларнинг қуйидаги тоифалари аттестациядан ўтказилиши керак:
барча турдаги умумтаълим мактаблари, болалар уйлари ўқитувчилари, тарбиячилари, логопедлари, дефектологлари, тўгараклар раҳбарлари, концертмейстерлар;
мактабгача таълим муассасалари услубиётчилари, тарбиячилари, мусиқа раҳбарлари, ўқитувчилари;
таълим муассасаларининг жисмоний тарбия бўйича йўриқчилари, спорт мактаблари тренерлари;
методик кабинет (марказ)лари услубиётчилари, Давлат таълим стандартлари мониторинги бўлим (шуъба) инспектор-йўриқчилари, касбга йўналтириш ва ўқувчиларнинг психологик-педагогик ташхиси марказлари ходимлари;
мактабдан ташқари муассасалар педагог кадрлари, тўгараклар раҳбарлари ва услубиётчилари;
таълим-тарбия муассасалари психологлари.
27. Хорижда ўқиганлиги тўғрисидаги дипломи нострификациядан ўтмаган, олий ва ўрта махсус маълумотга эга бўлмаган педагоглар аттестацияга киритилмайди.
28. Педагог кадрлар аттестацияси тегишли таълимни бошқарув органи, халқ таълими муассасаси маблағи ҳисобидан амалга оширилади.
29. Халқ таълими ҳудудий бошқармалари ҳузурида ДТМ ва ХТВ қўшма буйруғи билан Мувофиқлаштирувчи аттестация комиссиялари тузилади.
Мувофиқлаштирувчи аттестация комиссиялари таркибига ҳудудий бошқарма раҳбари (комиссия раиси), ҳокимият, ДТМ, таълим бўйича касаба уюшмаси вакиллари, шунингдек тажрибали педагоглардан уч нафари киради.
Мувофиқлаштирувчи аттестация комиссиялари вазифаларига қуйидагилар киради:
туман (шаҳар) аттестация комиссиялари таркибини тасдиқлаш;
олий, биринчи тоифали ва шу тоифаларга даъвогар педагог кадрлар малака синовларини ташкил қилиш ва жадвалларини тузиш;
туман (шаҳар) аттестация комиссиялари фаолиятини назорат қилиш;
олий тоифали ва шу тоифага даъвогар педагог кадрлар, шунингдек методик кабинет (марказ)лар услубиётчилари, Давлат таълим стандартлари мониторинги бўлим (шуъба) инспектор-йўриқчилари аттестациясини ўтказиш;
олий тоифали педагог кадрларни аттестациядан ўтказиш якунлари бўйича ҳисоботлар тайёрлаш;
туман (шаҳар) аттестация комиссиялари ҳисоботларини қабул қилиш ва таҳлил этиш;
аттестация натижаларига кўра умумлаштирилган ҳисоботлар тузиш, уларни ДТМ ва ХТВ га тақдим қилиш.
30. Туман (шаҳар) халқ таълими бўлими ҳузурида ҳудудий бошқарма раҳбари буйруғи билан туман (шаҳар) аттестация комиссиялари тузилади.
Туман (шаҳар) аттестация комиссиялари таркибига халқ таълими бўлими раҳбари (комиссия раиси), ҳокимият, методик кабинет мудири, таълим бўйича касаба уюшмаси вакиллари, шунингдек, тажрибали педагоглардан уч нафари киради.
Туман (шаҳар) аттестация комиссиялари вазифаларига қуйидагилар киради:
таълим муассасаларидаги аттестация комиссиялари фаолиятини назорат қилиш;
биринчи тоифали ва шу тоифага даъвогар педагог кадрларни аттестациядан ўтказиш;
таълим муассасаларидаги аттестация комиссияларининг ҳисоботларини қабул қилиш ва таҳлил этиш;
биринчи тоифали педагог кадрларни аттестациядан ўтказиш якунлари бўйича ҳисоботлар тайёрлаш;
таълим муассасаларида ўтказилган аттестация якунларига кўра ҳисоботлар тузиш ва умумлаштириш, уларни ҳудудий Мувофиқлаштирувчи аттестация комиссияларига тақдим қилиш.
31. Таълим муассасаси аттестация комиссияси туман (шаҳар) халқ таълими бўлими раҳбари буйруғи билан тузилади ва педагогик жамоа аъзолари миқдорига қараб, 5—9 кишидан иборат бўлади.
Таълим муассасаси аттестация комиссиялари таркибига таълим муассасаси раҳбари (комиссия раиси), туман (шаҳар) халқ таълими бўлими вакили (раис ўринбосари), таълим муассасаси раҳбари ўринбосари, муассаса педагогик кенгаши тавсия этган педагоглар, таълим муассасаси касаба уюшмаси ва таълим муассасаси ота-оналар комитети вакиллари киради.
32. Таълим муассасаси аттестация комиссияси иккинчи тоифали ва шу тоифага даъвогар, шунингдек, мутахассис тоифали (олий ёки ўрта махсус, касб-ҳунар маълумотли) педагог кадрларни аттестациядан ўтказади.
33. Педагог кадрлар аттестацияси икки босқичда ўтказилади:
биринчи босқичда — эксперт гуруҳи томонидан ходимнинг амалий фаолиятини ўрганиш асосида уни ўз малака тоифасида қолдириш ёки бошқа тоифани бериш тўғрисида хулоса чиқарилади ва тавсия берилади;
иккинчи босқичда — тегишли аттестация комиссияси томонидан малака тоифасида қолдириш ёки бошқа тоифани бериш тўғрисида қарор қабул қилинади.
Биринчи ва иккинчи босқич орасидаги давр бир ойдан ошиб кетиши мумкин эмас.
34. Эксперт гуруҳи таълим муассасасининг тажрибали педагогларидан тузилади, унинг таркибига туман (шаҳар) халқ таълими бўлими вакили ва ўқув фанлари йўналиши бўйича методик кабинет услубиётчилари киради.
Эксперт гуруҳи вазифаларига қуйидагилар киради:
педагогнинг касбий фаолияти натижаларини ҳар томонлама ўрганиш ва таҳлил қилиш;
педагог томонидан амалга оширилган ўқув-тарбиявий ишлар сифатини ҳоли баҳолаш;
педагог кадрларга малака тоифаларини бериш масалалари бўйича тавсиялар тайёрлаш.
35. Педагог кадрлар фаолиятини ўрганиш натижалари бўйича эксперт гуруҳи қуйидагича тавсиялар беради:
малака тоифасини ошириш;
мавжуд малака тоифасини сақлаб қолиш;
малака тоифасини пасайтириш.
36. Эксперт гуруҳи хулоса ва тавсиялари таълим муассасаси педагогик кенгашида мажбурий тартибда муҳокама қилинади ва халқ таълими туман (шаҳар) бўлимига юборилади, у эса ўз навбатида тегишли аттестация комиссиясига жўнатади:
олий тоифа бериш (тасдиқлаш) учун Мувофиқлаштирувчи аттестация комиссиясига;
биринчи малака тоифасини бериш (тасдиқлаш) учун — туман (шаҳар) аттестация комиссиясига;
иккинчи малака тоифасини ёки мутахассис тоифасини бериш (тасдиқлаш) учун — таълим муассасаси педагог кадрлар аттестацияси комиссиясига.
37. Педагог кадрлар аттестацияси қуйидаги тартибда ўтказилади:
Педагог кадрларнинг тоифалар бўйича малака тавсифларига мувофиқлиги ўрганилади;
малака синовлари (тестлар, ёзма ва ижодий ишлар) ёрдамида аттестация қилинувчининг ихтисослик бўйича билим даражаси ва педагогик кўникмалари аниқланади;
педагогнинг ўқув-методик, маънавий-маърифий фаолияти ва тарбиявий ишлари ўрганилади;
назорат синовлари ёрдамида ўқувчиларнинг фан бўйича билимлари ўрганилади;
суҳбатлар ўтказилади.
Суҳбат жараёнида берилган савол ва жавоблар махсус (саҳифаланган, боғланган, муҳрланган) журналга қайд этилади.
38. Олий ва биринчи тоифали педагог кадрлар ва шу тоифаларга даъвогарларнинг малака синовлари ДТМ ва ХТВ томонидан белгиланган тартиблар асосида ўтказилади.
39. Аттестация натижалари эълон қилингандан сўнг комиссиялар баённомаларини юқори турувчи комиссияларга, Мувофиқлаштирувчи аттестация комиссияси — электрон почта (ёки факс) орқали бир сутка давомида, тасдиқланган ҳисоботларни эса ўн кун муддат ичида ДТМ га топширишлари шарт.
40. Аттестациядан ўтувчилар ҳақидаги холис ва асосли маълумотларни тўплаш ва тақдим этиш учун комиссия раиси, аъзолари ва эксперт гуруҳлари масъул ҳисобланади.
41. Аъзоларнинг учдан икки қисми иштирок этган тақдирда аттестация комиссияси мажлиси ваколатли ўтказилган деб ҳисобланади.
42. Педагог кадрнинг фаолиятини ўрганиш, малака синовлари натижалари ҳамда аттестация қилинувчи билан бевосита суҳбат қилиш асосида аттестация комиссияси қуйидаги хулосалардан бирини чиқаради:
«Аттестациядан ўтди, олий (биринчи, иккинчи, мутахассис) малака тоифасига мос келади»;
«Аттестациядан ўтмади, олий (биринчи, иккинчи, мутахассис) малака тоифасига мос келмайди».
43. Педагог кадр аттестация комиссияси томонидан «Аттестациядан ўтмади, олий (биринчи, иккинчи) малака тоифасига мос келмайди» деб хулоса берилса, унинг тоифаси бир тоифага пасайтирилади.
«Аттестациядан ўтмади, мутахассис малака тоифасига мос келмайди» деб хулоса берилган педагог малака ошириши ва бир йилдан сўнг қайта аттестациядан ўтиши лозим.
Қайта аттестация натижаларига кўра ушбу педагог кадрга яна «Аттестациядан ўтмади» деб хулоса берилса, у ҳолда педагог билан тузилган меҳнат шартномаси Меҳнат кодексининг 100-моддаси 2-банди асосида бекор қилинади.
44. Аттестация қилинаётган педагог аттестация комиссияси аъзоси бўлса, у овоз беришда иштирок этмайди.
45. Аттестация қилинувчи педагог аттестация комиссияси мажлисига узрли сабабга (асосланган ҳужжатлар ёки аттестациядан ўтувчининг тушунтириш хати, халқ таълими бошқарув органи ёки таълим муассасасининг раҳбарининг маълумотномаси узрли сабабга асос бўлади. Қолган ҳоллар узрли деб ҳисобланмайди) кўра келмаган бўлса, унинг аттестацияси бошқа муддатга кўчирилади.
46. Аттестация қилинувчи педагог аттестация комиссияси мажлисига узрсиз сабабга кўра келмаган бўлса, у аттестациядан ўтмаган ҳисобланади ва мазкур Низомнинг 43-бандига мувофиқ хулосалар чиқарилади.
47. Аттестация комиссиясининг хулосаси комиссия раиси, ўринбосари ва котиб имзолаган баённома билан расмийлаштирилади. Баённоманинг бир нусхаси ДТМ га, иккинчи нусхаси иш берувчига тақдим қилинади.
48. Аттестация комиссияси хулосаси аттестация варағига ёзилади ва комиссия раиси, ўринбосари, котиб ва аттестация комиссиясининг мажлисида иштирок этган аъзолари томонидан имзоланади. Аттестация варағи кадрнинг шахсий ҳужжатларига тикиб қўйилади.
49. Халқ таълимини бошқарув органи, таълим муассасаси раҳбари аттестация комиссияси қарори асосида бир ой муҳлатда педагогга тегишли малака тоифасини бериш тўғрисида буйруқ чиқаради. Малака тоифаси аттестация комиссияси қарор қабул қилган кундан ҳисобланади.
Педагог кадрларга аттестация хулосалари натижаларига кўра ўрнатилган тартибда малака тоифасини бериш тўғрисида белгиланган шаклдаги сертификат топширилади (2-илова).
Малака тоифасини бериш тўғрисидаги сертификатлар (кейинги ўринларда — сертификат) қатъий ҳисобот ҳужжатлари бўлиб, ҳисоб серияси, рақами ва ҳимоя даражасига эга. Сертификат бланклари ДТМ буюртмасига асосан типография усули билан «Давлат белгиси» ДИБда тайёрланади. ДТМ директори, халқ таълими ҳудудий бошқармалари, туман (шаҳар) бўлимлари раҳбарлари ва таълим муассасаси раҳбарлари сертификатларнинг ҳисоб-китоби, сақланиши ва мақсадга мувофиқ ишлатилиши бўйича ўрнатилган тартибда шахсий жавобгардирлар.
ДТМ сертификатлар рўйхатини олиб боради.
Сертификатлар рўйхатида қуйидагилар кўрсатилиши керак:
аттестациядан ўтган педагогнинг фамилияси, исми, отасининг исми;
асос: аттестация комиссияси қарори санаси, баённома рақами;
сертификат берган таълим муассасаси номи;
берилган сана ва буйруқ рақами;
сертификатнинг амал қилиш муддати;
сертификатнинг амал қилишдан тўхтатилиши асоси ва санаси;
сертификат нусхаси (дубликати)нинг берилиш асоси ва санаси.
IV. Педагог кадрларга малака тоифаларини бериш тартиби
50. Таълим муассасаларининг педагог кадрлари малака тоифаси аттестация комиссияси томонидан мажбурий ёки навбатдан ташқари аттестация пайтида малака тоифаларига талаблар асосида аниқланади.
51. Педагог кадр иккинчи, биринчи ва олий малака тоифасига талабгорлик қилиши ва аттестациядан муваффақиятли ўтса — эга бўлиши мумкин.
Педагог кадр малака тоифасини оширишнинг мажбурий шарти педагог ходимларни қайта тайёрлаш ва малакасини ошириш институти (маркази)да унинг малака оширишдан ўтиши ҳисобланади.
52. Педагог кадрларга малака тоифаси беш йил муддатга берилади, бу муддат ўтгандан кейин педагог ўз малака тоифасини тасдиқлашга мажбур.
53. Ўқитувчига иккинчи малака тоифасини бериш қуйидаги асосий кўрсаткичлар билан аниқланади:
а) педагогик ходим малакаси — билим ва кўникмаларни баҳолашнинг стандарт талаблардан юқори бўлган педагогика назарияси, психология ва ёшлар физиологияси асослари, ўқиладиган фаннинг таянч компоненти мазмуни, таълим ва тарбия методикаси билан аниқланади;
б) педагогик ходимнинг маҳорати — таълим жараёнида қулай микроиқлим яратиш, амалий фаолиятда таълим жараёнининг хилма-хил (вариант)лилигини таъминловчи ўқитиш методлари, усуллари ва воситаларини қўллай олиш, педагогик ташхиснинг қўлланилаётган оддий методлари ва воситалари, ўқувчилар жамоасини тоифалашнинг асосий шакллари, ўқувчиларнинг англаш ва муомала (коммуникатив) маданиятини шакллантириш ва ривожлантиришнинг асосий методлари билан аниқланади;
в) педагогик ходим меҳнати самарадорлиги — педагог бевосита мулоқот қиладиган ўқувчилар гуруҳини аҳил жамоа сифатида сақлашга имкон берувчи амалий иш фаолияти; ўқувчиларни Давлат таълим стандартларига мос ҳолда билим олишини таъминлаш орқали аниқланади;
г) ўқитувчи лавозимида камида 3 йил иш стажига эга бўлиши керак.
54. Биринчи малака тоифасини бериш қуйидаги асосий кўрсаткичлар билан аниқланади:
а) педагогик ходим малакаси — билим ва кўникмаларни баҳолашнинг стандарт талаблардан юқори бўлган таълим жараёнини индивидуаллаштириш технологияси, психологик-педагогик ташхиснинг замонавий усуллари ўқиладиган фаннинг таянч компоненти мазмуни, турли даражада ўқитишни олиб бориш имконини берадиган назарий билимлар даражаси билан аниқланади;
б) педагогик ходимнинг маҳорати — ўқув-тарбия жараёни мазмуни, методлари ва шаклларини танлашда ўқувчиларнинг психологик хусусиятларини ҳисобга ола билиш, ривожланишлари, майллари, қобилиятлари, қизиқишлари ва соғлиқлари даражаси турлича бўлган ўқувчилар тоифаларини ҳисобга олган ҳолда педагогик масалаларни ҳал қилишга ва амалий фаолиятда замонавий педагогик технологияларни, шахсни ривожлантириш педагогикаси технологиялари элементларини, фан бўйича ўқув-методик ишларни таҳлил қилиш методикаларини қўллашга қодирлик билан аниқланади;
в) педагогик кадр меҳнати самарадорлиги мактаб ижтимоий ҳаётида фаол қатнашиши; малака ошириш курсларини мунтазам ўташи; вилоят ёки туман (шаҳар) даражасида илмий-методик тадбирларида фаол қатнашиши; унинг тажрибалари вилоят ёки туман (шаҳар) даражасида оммалаштирилганлиги, шунингдек ўқувчилари иккинчи тур фан олимпиадаларида, вилоят ёки туман даражасидаги кўрик танловларида, спорт мусобақаларида совринли ўринларни эгаллаганлиги (бундай фан олимпиадалари ва тадбирлар ўтказилмайдиган бошланғич синф ва фан педагоглари бундан мустасно) орқали аниқланади;
г) иккинчи тоифали ўқитувчи лавозимида камида 3 йил иш стажига эга бўлиши керак.
55. Олий малака тоифасини бериш қуйидаги асосий кўрсаткичлар билан аниқланади:
а) педагогик ходимнинг малакаси — кўрсаткичи педагогик фан ва амалиётнинг, ўз билим соҳасининг энг янги ютуқларини ўзлаштириш, амалий масалаларни ижодий ҳал қилиш билан аниқланади:
б) педагогик ходим маҳорати — кўрсаткичи таълим ва тарбиялаш методлари, воситалари, шаклларини оптимал танлашни амалга ошира олиш ёки тарқатишга тавсия берилиши мумкин бўлган педагогик технологиялар ёки уларнинг элементларини мустақил равишда ишлаб чиқиш, синаб кўриш ва муваффақиятли қўллаш, ўқувчиларнинг ижодий имкониятларини юзага чиқариш учун шароитлар яратиш билан аниқланади;
в) педагогик ходим меҳнати самарадорлиги — мактаб ижтимоий ҳаётида фаол қатнашиши; малака ошириш курсларини мунтазам ўташи; вилоят ёки туман (шаҳар) даражасида илмий-методик тадбирларида фаол қатнашиши; унинг тажрибалари республика ёки вилоят даражасида оммалаштирилганлиги, шунингдек ўқувчилари иккинчи ёки учинчи тур фан олимпиадаларида, халқаро, республика, вилоят даражасидаги кўрик танловларида, спорт мусобақаларида совринли ўринларни эгаллаганлиги (бундай фан олимпиадалари ва тадбирлар ўтказилмайдиган бошланғич синф ва фан педагоглари бундан мустасно) орқали аниқланади;
г) биринчи тоифали ўқитувчи лавозимида камида 3 йил иш стажига эга бўлиши керак.
56. Малака тоифаларини беришда кадр маълумотига қўйиладиган талаблар:
педагог кадрга мутахассис тоифаси унда бакалавр даражаси тўғрисидаги ёки олий маълумотга эга бўлганлиги тўғрисидаги диплом мавжуд бўлгандагина аттестациясиз берилади;
магистр даражасига эга бўлган педагог кадрни ишга қабул қилишда иккинчи малака тоифаси аттестациядан ўтказилмасдан берилади. Бу тоифа кейинчалик аттестациялар натижасига кўра ўзгартирилиши мумкин;
фан номзоди ёки фан доктори илмий даражасига эга бўлган педагог кадрларга олий малака тоифаси, агар у камида уч йиллик педагогик иш стажига эга бўлса, аттестация ўтказилмасдан берилади, қолган ҳолларда биринчи малака тоифаси берилади;
ўрта махсус, касб-ҳунар маълумотига эга бўлган кадрга аттестация натижаларига кўра мутахассис, иккинчи ва истисно ҳолларда биринчи малака тоифаси берилиши мумкин;
ўрта махсус, касб-ҳунар маълумотига эга бўлган педагог кадрга ушбу Низом кучга киргандан олдин олий ёки биринчи малака тоифаси берилган бўлса, кўрсатилган малака тоифаси ушбу Низомга асосланиб ўтказилган аттестация натижаларига кўра сақланиши мумкин.
57. Аттестация хулосасидан норози бўлган педагог ва раҳбар кадрлар аттестациядан кейин ўн кун ичида Апелляция комиссиясига мурожаат қилишлари мумкин.
V. Апелляция ўтказиш тартиби
58. Апелляция комиссиялари 3—5 кишидан иборат бўлиб, улар қуйидагича тузилади:
халқ таълими бошқарув органлари раҳбарларига Апелляция комиссияси ХТВ да;
таълим муассасалари, касбга йўналтириш ва ўқувчиларнинг психологик-педагогик ташхиси марказлари, методик кабинетлар раҳбарлари, малака ошириш ва қайта тайёрлаш институт (марказ, факультет ва курс)лари раҳбарларига ДТМда;
Олдинги таҳрирга қаранг.
таълим муассасалари педагог кадрларига — Қорақалпоғистон Республикаси Халқ таълим вазирлиги, вилоятлар халқ таълим бошқармалари ва Тошкент шаҳар халқ таълим Бош бошқармасида.
(58-банднинг тўртинчи хатбошиси Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Халқ таълими вазирлиги, Вазирлар Маҳкамаси ҳузуридаги Давлат тест марказининг 2006 йил 18 июлдаги 117, 20, 01-231-сонли (рўйхат рақами 1540-1-сон 03.08.2006 й.) қарори таҳририда — ЎР ҚҲТ, 2006 й., 31-32-сон, 325-модда)
Апелляция комиссияларига бошқа муассаса ва ташкилотлардан мутахассислар жалб этилиши мумкин. Комиссия фаолияти унинг ишида аъзолардан учдан икки қисми иштирок этган тақдирда ваколатли деб ҳисобланади.
Комиссия раиси ДТМ, халқ таълими бошқарув органлари раҳбарларидан тайинланади.
59. Аризалар қайд этилган санадан бошлаб, бир ой мобайнида кўриб чиқилади. Апелляция комиссияси ариза эгасини ариза кўриб чиқилган кундан кейинги беш кун ичида унинг аризаси кўриб чиқилганлиги тўғрисида хабардор қилади.
60. Апелляция комиссияси аттестация ўтказиш тартиблари бузилмаганлиги ёки аризачини қайтадан аттестациядан ўтказиш тўғрисида қарор чиқаради.
61. Апелляция комиссияси хулосаси икки нусхада баённома билан расмийлаштирилади, баённоманинг бир нусхаси аризачига тақдим этилади.
62. Педагог кадрларни аттестациядан ўтказиш ва уларга малака тоифаларини бериш, шунингдек, раҳбар кадрлар аттестацияси тўғрисидаги меҳнат низолари, Ўзбекистон Республикаси қонунчилигида белгиланган тартибда кўриб чиқилади.
Раҳбар ва педагог кадрларни аттестациядан
ўтказиш ва уларга малака тоифалари
бериш тартиби тўғрисидаги низомга
1-ИЛОВА
ўтказиш ва уларга малака тоифалари
бериш тартиби тўғрисидаги низомга
1-ИЛОВА
| _____________________________________________________________________________ | |||
|
(вилоят ва туман номи) | |||
| _____________________________________________________________________________ | |||
|
(таълим муассасаси номи ва рақами) | |||
|
| |||
|
_____________________________________________________________________________ | |||
|
(аттестациядан ўтувчининг фамилияси, исми, отасининг исми) | |||
| _____________________________________________________________________________ | |||
|
(лавозими ва малака тоифаси) | |||
| Туғилган йили, куни ва ойи _______________________________________________________ | |||
|
Маълумоти _________ |
__________________________________ |
__________ | |
|
(олий, ўрта махсус, умумий ўрта) |
(таълим олган муассаса номи) |
(тугатган йили) | |
| Мутахассислиги _______________________ Ихтисослиги ______________________________ | |||
| Илмий даражаси ва унвони _______________________________________________________ | |||
| Педагогик стажи ________________________________________________________________ | |||
| Эгаллаб турган лавозими бўйича иш стажи __________________________________________ | |||
| Жумладан шу таълим муассасасида ________________________________________________ | |||
| Малакасини оширган вақти (охиргиси) ва таълим муассасаси номи _______________________ | |||
|
_____________________________________________________________________________ | |||
|
(малака оширган соҳаси: касбий, информацион ёки педагогик технология ва бошқа мавзуларда) | |||
| _____________________________________________________________________________ | |||
Мукофотлари __________________________________________________________________ | |||
| Аттестация комиссиясининг қарори | |||
200___йил «____» ______________ _____________________________________________________________________________ | |||
| Аттестация комиссияси раиси ____________________________________________________ | |||
|
(фамилияси, исми, отасининг исми) (имзоси) | |||
| Раис ўринбосари _______________________________________________________________ | |||
|
(фамилияси, исми, отасининг исми) (имзоси) | |||
| Котиб ________________________________________________________________________ | |||
|
(фамилияси, исми, отасининг исми) (имзоси) | |||
| Комиссия аъзолари _____________________________________________________________ | |||
|
(фамилияси, исми, отасининг исми) (имзоси) | |||
| | _________________________________________________________ | ||
| |
(фамилияси, исми, отасининг исми) (имзоси) | ||
| | _________________________________________________________ | ||
| |
(фамилияси, исми, отасининг исми) (имзоси) | ||
| | _________________________________________________________ | ||
| |
(фамилияси, исми, отасининг исми) (имзоси) | ||
| | _________________________________________________________ | ||
| |
(фамилияси, исми, отасининг исми) (имзоси) | ||
| Аттестация варақаси билан танишдим _______________________ «___» _________ 200__ йил. | |||
| |
(аттестациядан ўтувчи имзоси) |
| |
Раҳбар ва педагог кадрларни
аттестациядан ўтказиш ва уларга
малака тоифалари бериш тартиби
тўғрисидаги низомга
2-ИЛОВА
аттестациядан ўтказиш ва уларга
малака тоифалари бериш тартиби
тўғрисидаги низомга
2-ИЛОВА
Малака тоифасини бериш тўғрисидаги
СЕРТИФИКАТ
|
Серияси ________ № _______________ | |
|
Берилди ушбу сертификат _______________________________________________________ | |
|
(Фамилияси, исми, отасининг исми) | |
|
200__ йил «___» _______________ даги _____________________________________________ | |
| |
(Мувофиқлаштирувчи, туман (шаҳар), таълим |
|
______________________________________________________________________________ | |
|
муассасаси аттестация комиссиясининг номи) | |
|
қарори ва _____________________________________________________________________ | |
|
(таълим муассасаси ёки ташкилоти тўлиқ номи) | |
|
200__ йил «___» ________________ даги _________________ -рақамли буйруғи билан | |
|
(кун, ой) |
|
|
_____________________________________________________________________________ | |
|
(мутахассислиги ва малака тоифаси, сўз билан) | |
| малака тоифаси берилди. | |
| Аттестация комиссияси раиси ____________________________________________________ | |
|
(фамилияси, исми, отасининг исми) (имзоси) | |
|
Котиб ________________________________________________________________________ | |
|
(фамилияси, исми, отасининг исми) (имзоси) | |
| М.Ў. | |
|
| |
| |
(берилган вақти) |
(Ўзбекистон Республикаси қонун ҳужжатлари тўплами, 2006 й., 3-сон, 19-модда, 31-32-сон, 325-модда)
