Ўзбекистон Республикасининг «Ўзбекистон Республикаси Вазирлар Маҳкамаси тўғрисида»ги Қонунига мувофиқ ва Вазирлар Маҳкамасининг ижро этувчи тузилмасини мақбуллаштириш мақсадида:

1. Қуйидагилар:

Иқтисодиётдаги таркибий ислоҳотлар йиғма ахборот-таҳлил департаменти Иқтисодиёт ва ташқи иқтисодий алоқалар масалалари йиғма ахборот-таҳлил департаменти этиб;

Агросаноат ва сув хўжалиги комплекслари масалалари ахборот-таҳлил департаменти Қишлоқ ва сув хўжалиги, қишлоқ хўжалик маҳсулотларини қайта ишлаш ҳамда истеъмол товарлари масалалари ахборот-таҳлил департаменти этиб қайта ташкил қилинсин.

2. Истеъмол товарлари ва савдо комплекси масалалари ахборот-таҳлил департаменти;

Ташқи алоқалар масалалари ахборот-таҳлил департаменти тугатилсин.

3. Қуйидагилар:

Вазирлар Маҳкамасининг ижро этувчи тузилмасини ташкил этишнинг янгиланган схемаси 1-иловага мувофиқ;

Иқтисодиёт ва ташқи иқтисодий алоқалар масалалари йиғма ахборот-таҳлил департаменти тузилмаси ва ходимларининг сони 2-иловага* мувофиқ;

4. Ўзбекистон Республикасининг Бош вазири (Ш.М. Мирзиёев) Вазирлар Маҳкамаси Аппарати Раҳбари (Р.В. Абдуқодиров) билан биргаликда:

қайта ташкил этилган Ахборот-таҳлил департаментлари ходимларининг штат сонини ушбу қарор билан тасдиқланган тузилмаларга мувофиқлаштирсин, уларни юқори малакали мутахассислар билан мустаҳкамласин;

бир ой муддатда қайта ташкил этилган Ахборот-таҳлил департаментлари бўйича низомларни қайта кўриб чиқсин.

5. Вазирлар Маҳкамасининг 2004 йил 12 октябрдаги «Ўзбекистон Республикаси Вазирлар Маҳкамасининг ижро этувчи тузилмасини ташкил этиш тўғрисида»ги 475-сонли қарорига 1, 3, 4, 7 ва 10-иловалар ўз кучини йўқотган деб ҳисоблансин.

6. Вазирлар Маҳкамаси Аппарати Раҳбари (Р.В. Абдуқодиров) Ўзбекистон Республикаси Адлия вазирлиги билан биргаликда амалдаги қонун ҳужжатларига мазкур қарордан келиб чиқадиган ўзгартиришлар юзасидан бир ой муддатда Вазирлар Маҳкамасига таклифлар киритсин.

7. Ушбу қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.