381-сон 13.07.2026. Қишлоқ хўжалиги соҳасида рақамли хизматларни жорий қилишнинг қўшимча чора-тадбирлари тўғрисида

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ

ҚАРОРИ

Қишлоқ хўжалиги соҳасида рақамли хизматларни жорий қилишнинг қўшимча чора-тадбирлари тўғрисида

Ўзбекистон Республикаси Президентининг «Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида» 2025 йил 12 августдаги ПФ-130-сон Фармонига мувофиқ аграр соҳада хизматлар кўрсатиш кўламини кенгайтириш орқали қишлоқ хўжалиги субъектлари фаолиятига кўмаклашиш, етиштирилган маҳсулотлар бўйича маълумотларни шакллантириш ҳамда рақамли технологияларни кенг жорий этиш орқали ер ва сув ресурсларидан оқилона фойдаланиш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида» 2025 йил 12 августдаги ПФ-130-сон Фармонига асосан:

«Рақамли қишлоқ хўжалиги» ягона интеграцион платформаси (кейинги ўринларда — Агропортал) қишлоқ хўжалиги маҳсулотларини етиштирувчи, ишлаб чиқарувчи ва хизмат кўрсатувчи ташкилотлар учун соҳада хизмат кўрсатишнинг «ягона нуқтаси» сифатида эътироф этилгани, бунда Агропортал орқали кўрсатиладиган давлат хизматлари Ўзбекистон Республикаси Ягона интерактив давлат хизматлари порталида ҳам кўрсатилиши;

Ўзбекистон Республикаси Қишлоқ хўжалиги вазирлиги ҳузуридаги «Агросаноатни рақамлаштириш маркази» масъулияти чекланган жамияти қишлоқ хўжалиги соҳасини рақамлаштириш йўналишида ахборот тизимларини яратиш ва қўллаб-қувватлаш бўйича ягона оператор этиб белгилангани;

ягона оператор таъсисчилигида «Drone service» масъулияти чекланган жамияти ташкил этилгани ҳамда унга қишлоқ хўжалиги ташкилотларига робототехника, учувчисиз учадиган аппаратлар ва бошқа «ақлли» қурилмалар ёрдамида хизматлар кўрсатиш, уларнинг бутловчи ва эҳтиёт қисмларини харид қилиш, олиб кириш, олиб чиқиш, ишлаб чиқариш, реализация қилиш, таъмирлаш, ўқув ва малака ошириш курсларини ташкил этишга рухсат берилгани;

қишлоқ хўжалиги ерларидан фойдаланувчилар ўзларига тегишли ер участкаларига рухсат этилган фойдаланиш турларига асосан (асосий, такрорий, тўқсонбости усулида) экинларни жойлаштиришга оид маълумотларни Агропорталга киритиб боришлари белгилангани маълумот учун қабул қилинсин.

2. Қуйидагилар:

Ўзбекистон Республикаси Қишлоқ хўжалиги вазирлигининг «Рақамли қишлоқ хўжалиги» ягона интеграцион платформасидан фойдаланиш тартиби тўғрисидаги низом 1-иловага мувофиқ;

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича давлат хизматларини кўрсатишнинг маъмурий регламенти 2-иловага мувофиқ;

Қишлоқ хўжалигига мўлжалланган ер участкаларида агротехника тадбирларининг бажарилишини ва маҳсулот етиштиришда имтиёзли кредит маблағларидан мақсадли фойдаланишни «Рақамли қишлоқ хўжалиги» ягона интеграцион платформаси орқали мониторинг қилиш тартиби тўғрисидаги низом 3-иловага мувофиқ тасдиқлансин.

3. Ўзбекистон Республикаси Қишлоқ хўжалиги вазирлиги Рақамли технологиялар вазирлиги ҳамда Иқтисодиёт ва молия вазирлиги билан биргаликда икки ой муддатда пахта, ғалла ва мева-сабзавот маҳсулотларини етиштириш учун кредит буюртманомаларини электрон тарзда шакллантириш, имтиёзли кредитларнинг сарфланишини мониторинг қилиш, шунингдек, агротехника тадбирлари прогнозини юритиш мақсадида «d-xarid.uz» ахборот тизимининг Агропорталга интеграция қилинишини таъминласин.

4. Ўзбекистон Республикаси Қишлоқ хўжалиги вазирлиги Рақамли технологиялар вазирлиги, Иқтисодиёт ва молия вазирлиги ҳамда тижорат банклари билан биргаликда уч ой муддатда Агропортал ва унинг таркибига кирувчи тизимлар орқали кўрсатилган хизматлар учун тўловларни амалга ошириш ва ҳисобини юритишга мўлжалланган «Агробиллинг» ахборот тизимини ишга туширсин.

5. Ўзбекистон Республикаси Ҳукуматининг 4-иловага мувофиқ айрим қарорларига ўзгартириш ва қўшимчалар киритилсин.

6. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2026 йил 13 июль,

381-сон

Вазирлар Маҳкамасининг 2026 йил 13 июлдаги 381-сон қарорига
1-ИЛОВА

Ўзбекистон Республикаси Қишлоқ хўжалиги вазирлигининг «Рақамли қишлоқ хўжалиги» ягона интеграцион платформасидан фойдаланиш тартиби тўғрисида

НИЗОМ

1-боб. Умумий қоидалар

1. Ушбу Низом қишлоқ хўжалиги субъектларига агросаноат йўналишида электрон хизматларни «ягона нуқта» орқали кўрсатишга мўлжалланган Қишлоқ хўжалиги вазирлигининг «Рақамли қишлоқ хўжалиги» ягона интеграцион платформасидан (кейинги ўринларда — Агропортал) фойдаланиш тартибини белгилайди.

2. Ушбу Низомда қуйидаги асосий тушунчалардан фойдаланилади:

«Агробиллинг» ахборот тизими — Агропортал ва унинг таркибига кирувчи тизимлар орқали кўрсатилган хизматлар учун тўловларни амалга ошириш ва ҳисобини юритишга мўлжалланган қишлоқ хўжалиги ягона биллинг тизими;

Агропортал оператори — Ўзбекистон Республикаси Қишлоқ хўжалиги вазирлиги ҳузуридаги «Агросаноатни рақамлаштириш маркази» масъулияти чекланган жамияти;

агросаноат мажмуига тааллуқли электрон хизмат (кейинги ўринларда — электрон хизмат) — ахборот-коммуникация технологияларидан фойдаланилган ҳолда қишлоқ хўжалиги маҳсулотлари ишлаб чиқарувчиларига электрон шаклда кўрсатиладиган давлат ва хусусий сектор хизмати;

идоралараро электрон ҳамкорлик — давлат идоралари ўртасида ахборот-коммуникация технологиялари орқали электрон маълумотлар алмашинуви;

фойдаланувчилар — Агропорталда белгиланган тартибда рўйхатдан ўтган, Агропорталдан фойдаланган ҳолда ариза берувчи қишлоқ хўжалиги субъектлари ва уларга хизмат кўрсатувчи давлат органлари ҳамда хусусий сектор вакиллари;

қишлоқ хўжалиги субъектлари — қишлоқ хўжалиги соҳасида фаолият юритувчи барча тоифадаги юридик ёки жисмоний шахслар, жумладан, фермер хўжаликлари, деҳқон хўжаликлари, масъулияти чекланган жамиятлар ва бошқа субъектлар;

шахсий кабинет — авторизация жараёнидан ўтган фойдаланувчиларга электрон хизматлар кўрсатилишида иштирок этишини ҳамда зарур ахборотни жойлаштириш, ундан фойдаланиш, шунингдек, ҳисоб-китобларни амалга оширишини таъминлайдиган индивидуал саҳифа;

электрон ҳужжатлар репозиторийси — электрон ҳужжатларни қайта ишлаш ва сақлашни таъминловчи, шунингдек, Агропорталда шакллантирилган электрон ҳужжатнинг ҳақиқийлигини текшириш воситаларини тақдим этувчи ахборот ресурси;

Ягона идентификация тизими (OneID) — «Электрон ҳукумат» тизими фойдаланувчиларини идентификация қилиш бўйича ягона ахборот тизими;

QR-код — тасдиқланган электрон ҳужжатларга бириктириладиган ва ҳужжат қоғоз шаклида чоп этилганда кўрсатиладиган, мобил иловалар ва дастурий маҳсулотлар орқали ўқиш (сканерлаш) вақтида электрон шартнома ҳақида барча маълумотларга ҳавола бўладиган матрик штрихли код.

3. Қишлоқ хўжалиги вазирлиги Агропорталнинг буюртмачиси ҳисобланади ҳамда Агропортални яратиш ва унда янги электрон хизматлар кўрсатиш турларини жорий этиш бўйича механизмлар ва чора-тадбирларни ишлаб чиқиш орқали хизматлар кўрсатиш турларини кенгайтириш, Агропорталдан фойдаланган ҳолда давлат органлари ҳамда хусусий сектор вакиллари томонидан кўрсатиладиган электрон хизматлар сифатини ва белгиланган муддатларда бажарилишини рақамли мониторинг қилиб бориш ишларини амалга оширади ва мазкур тизим бўйича тадбирларни мувофиқлаштиради.

4. Агропортал оператори бевосита Агропорталга ва фойдаланувчиларга техник жиҳатдан электрон хизмат кўрсатишга масъул бўлган ҳамда қишлоқ хўжалиги соҳасини рақамлаштириш йўналишида ахборот тизимларини яратиш ва қўллаб-қувватлаш бўйича ягона оператор ҳисобланади.

5. Қуйидагилар Агропортал операторининг асосий вазифалари ҳисобланади:

Агропорталга техник хизмат кўрсатиш ҳамда тизимнинг самарали ва узлуксиз ишлашини таъминлаш;

идоравий ахборот тизимлари ва маълумотлар базалари орқали электрон маълумотлар алмашинувини ташкил этиш;

Агропортални такомиллаштириб бориш;

қўшимча электрон хизматлар кўрсатиш имконини яратиш;

фойдаланувчиларни техник жиҳатдан қўллаб-қувватлаш ҳамда Агропорталдан фойдаланиш бўйича маслаҳат ва тавсиялар бериш;

Агропорталда юзага келадиган техник муаммоларни ҳамда функционал имкониятларнинг бажарилишига таъсир кўрсатадиган хатоликларни қисқа вақт ичида бартараф қилиш;

Агропорталга киритилган ўзгартириш ва қўшимчалар бўйича фойдаланувчиларни ўз вақтида хабардор қилиш;

Агропорталда белгиланган тартибда ахборот хавфсизлигини таъминлаш.

2-боб. Агропорталнинг мақсадлари ва асосий вазифалари

6. Қуйидагилар Агропорталнинг асосий мақсадлари ҳисобланади:

фойдаланувчиларга давлат ва хусусий сектор хизматларини электрон кўринишда, ягона ахборот майдони сифатида тизимли, сифатли ва узлуксиз тарзда кўрсатиш;

электрон хизматлар кўрсатиш самарадорлиги, тезкорлиги ва шаффофлигини таъминлаш;

кўрсатиладиган электрон хизматларни ташкил этишга масъул бўлган давлат органларининг ахборот тизимлари билан узвий ҳамкорлик орқали маълумотлар алмашинувини ташкил этиш.

7. Қуйидагилар Агропорталнинг асосий вазифалари ҳисобланади:

фойдаланувчиларга электрон хизматлардан кафолатланган ва хавфсиз фойдалана олиш имкониятини яратиш;

ариза ва бошқа ҳужжатларни йўллаш учун давлат ва хусусий секторнинг электрон хизматларини йўлга қўйиш;

давлат органлари томонидан электрон хизматлардан фойдаланиш юзасидан сўровларни қабул қилиш, кўриб чиқиш ва натижаси юзасидан маълумотларни фойдаланувчиларга юбориш имкониятини яратиш;

пулли хизматлардан фойдаланганда, тўлов тизимлари орқали онлайн тўлов имкониятларини яратиш;

электрон ҳужжатларни шакллантириш ва сақлаш;

электрон хизматлардан фойдаланиш учун келиб тушадиган аризаларни автоматлаштирилган тартибда кўриб чиқишда инсон омилини камайтириш, скоринг қилиш, хулоса бериш ва натижаси бўйича фойдаланувчиларга электрон хабарнома юбориш.

3-боб. Агропорталда давлат ва хусусий секторнинг электрон хизматларини кўрсатиш

8. Агропорталда электрон хизматлар ушбу Низомга иловадаги схемага мувофиқ кўрсатилади.

9. Фойдаланувчи Агропортал имкониятларидан фойдаланиш учун «agro.gov.uz» манзилига Ягона идентификация тизими (OneID) орқали киради. Бунда фойдаланувчи Ягона идентификация тизимидан (OneID) рўйхатдан ўтган бўлиши керак.

Агропортал оператори фойдаланувчиларнинг маълумотларини, шу жумладан, ер майдони тўғрисидаги маълумотларни ва бошқа зарур маълумотларни идоралараро электрон маълумотлар алмашинуви орқали олади.

10. Агропорталда рўйхатдан ўтган ҳар бир фойдаланувчи шахсий кабинетга эга бўлади.

11. Фойдаланувчи ўзининг шахсий кабинети орқали амалга оширган ҳаракати учун ўзи масъул ҳисобланади.

12. Фойдаланувчилар электрон хизматлардан фойдаланиш учун аризаларни бевосита Агропорталдаги шахсий кабинети ёки Ўзбекистон Республикаси Ягона интерактив давлат хизматлари портали орқали юбориши мумкин.

Бунда аризага киритилган маълумотларнинг ҳаққонийлиги фойдаланувчи томонидан электрон рақамли имзо, «Мобил-ID» ёки «Face-ID» билан тасдиқланади.

13. Агропорталда фойдаланувчиларга ўзларининг шахсий кабинети орқали электрон хизматлардан фойдаланиш, хизматларнинг ҳолатини кузатиб бориш ва хизматлар кўрсатиш сифатини баҳолаш имконияти яратилади.

14. Фойдаланувчиларнинг аризаларини қабул қилиш, кўриб чиқиш ва уларга жавоб юбориш тартиби Агропортал ёки электрон хизматлар кўрсатишга масъул бўлган давлат органлари ва хусусий секторнинг ахборот тизимлари орқали амалга оширилиши мумкин.

Бунда электрон хизмат кўрсатиш натижаси тўғрисида QR-код қўйилган хабарномани Агропортал орқали фойдаланувчиларнинг шахсий кабинетига юборади.

Фойдаланувчиларга қулайликлар яратиш мақсадида Агропортал орқали томонлар (вазирлик ва идоралар) келишувига мувофиқ бошқа электрон хизматлар кўрсатиш турлари кенгайтирилиши мумкин.

Хусусий сектор ўз электрон хизматларини Агропорталда шартнома асосида ахборот хавфсизлиги талабларига риоя этган ҳолда жорий қилиши мумкин. Бунда хусусий сектор Агропортал операторига мурожаат қилади ҳамда Агропортал оператори томонидан берилган таклифларга асосан Агропорталда электрон хизматларни жорий қилиш ҳақини шартномага асосан ўзи мустақил белгилайди.

15. Агропортал орқали электрон хизматлар кўрсатиш натижалари бўйича QR-код қўйилган маълумотлар ёки ҳужжатлар белгиланган шаклда, электрон ҳолда фойдаланувчининг шахсий кабинетига юборилади.

16. Агропортал орқали электрон хизматлар хизмат турига қараб қонунчилик ҳужжатларида белгиланган тартибда тўлов асосида ёки бепул кўрсатилади.

LexUZ шарҳи

Қаранг: Ўзбекистон Республикаси Президентининг 2024 йил 12 августдаги ПФ-108-сонли «Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида»ги Фармони.

17. Агропортал орқали пулли электрон хизматлардан фойдаланилганда, хизматлар кўрсатиш учун тўловлар тўлангани электрон тарзда тасдиқланади. Бунда тўловларни тўлаш ва ҳисобини юритиш «Агробиллинг» ахборот тизими орқали амалга оширилади.

4-боб. Электрон ҳужжатларнинг репозиторийси

18. Электрон ҳужжатлар репозиторийси Агропорталда фойдаланувчининг шахсий кабинети орқали электрон хизматлардан фойдаланиш жараёнида шакллантирилган электрон ҳужжатнинг нусхасини юклаб олиш имконини беради.

19. Электрон хизматлар кўрсатувчи давлат органлари ва хусусий секторлар Агропортал орқали шакллантирилган электрон ҳужжатлар нусхаларини қабул қилишни рад эта олмайди ҳамда уларнинг ҳақиқийлиги электрон ҳужжатлар репозиторийси ёрдамида тасдиқланади.

5-боб. Якунловчи қоидалар

20. Агропортал оператори ҳар йил якуни билан (келгуси йилнинг 15 февралига қадар) амалга оширилган ишлар натижалари, даромад ва харажатлар, молиявий ҳисоботларни ҳамда бошқа зарур бўлган маълумотларни Қишлоқ хўжалиги вазирлигига тақдим этади.

21. Агропортал орқали электрон хизматлар кўрсатишда юзага келадиган низолар ва келишмовчиликлар қонунчилик ҳужжатларида белгиланган тартибда ҳал этилади.

22. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Қишлоқ хўжалиги вазирлигининг «Рақамли қишлоқ хўжалиги» ягона интеграцион платформасидан фойдаланиш тартиби тўғрисидаги низомга
ИЛОВА

Агропорталда электрон хизматларни кўрсатиш

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Қишлоқ хўжалиги субъектлари (фойдаланувчилар)	Агропортал имкониятларидан фойдаланиш учун «agro.gov.uz» манзили орқали белгиланган тартибда мурожаат қилади.	Йил давомида
1-босқич	Қишлоқ хўжалиги субъектлари (фойдаланувчилар)		Йил давомида

2-босқич	Агропортал оператори	Қишлоқ хўжалиги субъектларидан тушган аризаларни белгиланган тартибда хизмат кўрсатувчи (ваколатли) органларга юборади.	1 иш кунида
2-босқич	Агропортал оператори		1 иш кунида

3-босқич	Масъул вазирлик ва идора	Келиб тушган аризаларни белгиланган тартибда кўриб чиқади. Хизмат кўрсатиш натижаси тўғрисида QR-код қўйилган хабарномани Агропортал орқали қишлоқ хўжалиги субъектининг шахсий кабинетига юборади.	Белгиланган муддатларда
3-босқич	Масъул вазирлик ва идора		Белгиланган муддатларда

Агропортал орқали электрон хизматлар масъул вазирлик ва идоралар томонидан қонунчилик ҳужжатларида белгиланган тартибда кўрсатилади.

Вазирлар Маҳкамасининг 2026 йил 13 июлдаги 381-сон қарорига
2-ИЛОВА

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича давлат хизматларини кўрсатишнинг

МАЪМУРИЙ РЕГЛАМЕНТИ

1-боб. Умумий қоидалар

1. Ушбу Маъмурий регламент (кейинги ўринларда — Регламент) қишлоқ хўжалигига мўлжалланган ер участкаларидан фойдаланиш шартлари ўзгарганда, ер ижара шартномаларига тегишли ўзгартиришлар киритиш бўйича давлат хизматларини кўрсатиш тартибини белгилайди.

Ушбу Регламент талаблари ер участкаларининг ер фонди тоифаларини ўзгартириш билан боғлиқ муносабатларга татбиқ этилмайди.

2. Ушбу Регламентда қуйидаги асосий тушунчалардан фойдаланилади:

Агропортал — Ўзбекистон Республикаси Қишлоқ хўжалиги вазирлигининг «Рақамли қишлоқ хўжалиги» ягона интеграцион платформаси;

Агропортал ва «Е-ijara» ахборот тизими оператори (кейинги ўринларда — Агропортал оператори) — Ўзбекистон Республикаси Қишлоқ хўжалиги вазирлиги ҳузуридаги «Агросаноатни рақамлаштириш маркази» масъулияти чекланган жамияти;

ер ижарачиси — қишлоқ хўжалигига мўлжалланган ер участкаларидан ижара ҳуқуқи асосида фойдаланувчи юридик ва жисмоний шахслар;

ер участкасининг ижара шартномасини ўзгартириш — ер участкасидан фойдаланиш шартларининг ўзгариши (камайиши ёки кўпайиши) натижасида ижара шартномасига ўзгартиришлар киритиш;

ижрочи — Ўзбекистон Республикаси Қишлоқ хўжалиги вазирлиги ҳузуридаги «Ўздаверлойиҳа» давлат илмий-лойиҳалаш институтининг (кейинги ўринларда — «Ўздаверлойиҳа» ДИЛИ) ҳудудий бўлинмалари.

3. Ер участкасининг ижара шартномасига ўзгартиришлар ушбу Регламентга 1-иловадаги схема асосида киритилади.

2-боб. Давлат хизматларини кўрсатиш

4. Ер ижарачиси ариза билан қуйидагилардан бирини танлаган ҳолда давлат хизматларидан фойдаланиши мумкин:

Давлат хизматлари марказига бевосита мурожаат қилиш;

Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали электрон шаклда мурожаат қилиш;

Агропорталдан рўйхатдан ўтиш орқали электрон шаклда мурожаат қилиш.

Бунда мурожаат ижрочига (Давлат хизматлари марказига ёки ЯИДХП ёхуд Агропортал орқали) автоматик тарзда юборилади.

5. Давлат хизматларидан фойдаланиш бўйича ариза ушбу Регламент талабларига мувофиқ ЯИДХП ва Агропортал орқали дам олиш ва ишланмайдиган байрам кунларидан қатъи назар, тўловлар амалга оширилгандан сўнг 24 соат ичида «Ўздаверлойиҳа» ДИЛИга юборилади.

Бунда ариза иш вақтидан кейин ёки дам олиш ва ишланмайдиган байрам кунларида келиб тушганда, навбатдаги иш куни аризанинг «Ўздаверлойиҳа» ДИЛИга келиб тушган ва қабул қилинган куни ҳисобланади.

6. Ер ижарачиси бевосита Давлат хизматлари марказига мурожаат этганда, Давлат хизматлари маркази масъул ходими ер ижарачиси номидан, ЯИДХП ёки Агропортал орқали мурожаат этганда — ер ижарачиси мустақил равишда давлат хизматларидан фойдаланиш учун ушбу Регламентга 2-иловага мувофиқ аризани электрон тарзда тўлдиради. Бунда ер ижара шартномасига ўзгартиришлар киритиш мақсади аниқ кўрсатилади.

7. Аризага амалдаги ер ижара шартномаси нусхаси илова қилинади. Агар ер участкаси очиқ электрон танлов ёки аукцион савдоларида ютиб олинган бўлса, ер участкаси бўйича «E-auksion» электрон савдо платформаси ёки «E-ijara» ахборот тизимида (кейинги ўринларда — «E-ijara» АТ) мавжуд баённома Агропорталда автоматик тарзда шаклланади.

Ер ижарачисидан ушбу бандда кўрсатилмаган бошқа маълумотлар ва ҳужжатларни талаб қилишга йўл қўйилмайди.

8. Ер ижарачиси аризада сўралган маълумотларни киритганидан сўнг, маълумотлар тўғрилигини текширади ва имзоларни идентификация қилишнинг тегишли воситаларидан бири (электрон рақамли имзо, Мобил-ID ва Face-ID) билан тасдиқлайди.

9. Ушбу Регламентда назарда тутилган давлат хизматларидан фойдаланганлик учун жисмоний шахслардан базавий ҳисоблаш миқдорининг икки баравари, юридик шахслардан беш баравари миқдорида тўловлар ундирилади.

Ушбу тўловлар Агропортал операторининг тижорат банкидаги ҳисобварағига тўланади.

10. Давлат хизматларидан фойдаланиш учун ЯИДХП ва Агропортал орқали мурожаат этилганда, ушбу Низомнинг 9-банди биринчи хатбошисида кўрсатилган тўловлар миқдорининг 90 фоизи ундирилади.

«Ижтимоий ҳимоя ягона реестри» ахборот тизимида рўйхатга олинган шахсларга, шунингдек, I ва II гуруҳ ногиронлиги бўлган шахсларга ушбу давлат хизматларидан фойдаланишда белгиланган тўловларнинг 50 фоизи миқдорида чегирма қўлланади.

Давлат хизматларидан фойдаланиш учун тўловлар тўлангани электрон тарзда тасдиқланади.

11. Тўловлар суммаси қуйидаги тартибда тақсимланади:

а) Давлат хизматлари марказларига бевосита (шахсан келиб) мурожаат этилганда:

18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

11,25 фоизи — Агропортал операторининг тижорат банкидаги ҳисобварағига;

10 фоизи — Ўзбекистон Республикаси Давлат бюджетига;

қолган маблағлар (пул ўтказмалари бўйича харажатлар чегирилган ҳолда) тенг улушда — «Ўздаверлойиҳа» ДИЛИнинг банк ҳисобварағига ва Кадастр агентлигининг бюджетдан ташқари жамғармасига;

б) ЯИДХП орқали мурожаат этилганда:

11,75 фоизи — Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик қўмитасидаги махсус ҳисобварағига (шу жумладан, 0,5 фоизи — Ягона биллинг тизими орқали тасдиқлангани учун);

11,25 фоизи — Агропортал операторининг банк ҳисобварағига;

10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;

10 фоизи — Ўзбекистон Республикаси Давлат бюджетига;

қолган маблағлар (пул ўтказмалари бўйича харажатлар чегирилган ҳолда) тенг улушда — «Ўздаверлойиҳа» ДИЛИнинг тижорат банки ҳисобварағига ва Кадастр агентлигининг бюджетдан ташқари жамғармасига;

в) Агропортал орқали мурожаат этилганда:

11,75 фоизи — Агропортал операторининг тижорат банки ҳисобварағига (шу жумладан, 0,5 фоизи — операторнинг «Агробиллинг» ахборот тизими орқали тасдиқлангани учун);

10 фоизи — Ўзбекистон Республикаси Давлат бюджетига;

қолган маблағлар (пул ўтказмалари бўйича харажатлар чегирилган ҳолда) тенг улушда — «Ўздаверлойиҳа» ДИЛИнинг тижорат банк ҳисобварағига ва Кадастр агентлигининг бюджетдан ташқари жамғармасига.

12. Ариза ижрога йўналтирилгандан сўнг, ер ижарачиси давлат хизматларидан фойдаланишнинг ҳар қандай босқичида ундан фойдаланишдан бош тортиш ҳуқуқига эга.

Бунда ариза кўрилмасдан қолдирилади ва тўланган тўловлар қайтарилмайди.

13. Ариза ижрога йўналтирилмаганда, пул ўтказмалари бўйича банк харажатлари чегирилган ҳолда тўланган тўловлар «Агробиллинг» ахборот тизими орқали ер ижарачисига қайтарилади.

14. Ижрочига ариза келиб тушгандан сўнг, беш иш куни ичида Агропорталда тегишли шартнома лойиҳасини тайёрлайди.

Бунда ижрочи томонидан:

ер участкасининг амалдаги ҳолати бўйича тақдим этилган ҳужжатлардаги маълумотларнинг ўзаро мувофиқлиги ўрганилади;

қишлоқ хўжалигига мўлжалланган ер участкаларида ер ижарачисининг чегараси ва фойдаланиш ҳолати жойига чиққан ҳолда ўрганилади;

ер участкаси майдони ўзгаришининг асослангани кўриб чиқилади ва ер тузиш лойиҳаси ишлаб чиқилади.

15. Ижрочи ер ижара шартномаси лойиҳасини имзолаш учун ер ижарачиси ва туман (Қувасой шаҳар) ҳокимлигига электрон шаклда юборади.

16. Ер ижарачиси икки иш куни ичида ер ижара шартномаси лойиҳасини электрон рақамли имзо (кейинги ўринларда — ЭРИ) ёки Мобил-ID ёхуд face-ID билан тасдиқлайди.

17. Туман (Қувасой шаҳар) ҳокимлиги ер ижара шартномаси лойиҳасини ер ижарачиси томонидан имзоланганидан сўнг, икки иш куни ичида ЭРИ билан тасдиқлайди.

18. Туман (Қувасой шаҳар) ҳокимлиги томонидан ер ижара шартномаси лойиҳаси қуйидаги ҳолларда ижрочига қайтарилади:

ер участкаси бўйича чекловлар (суд ва ваколатли органлар томонидан тақиқ қўйилган бўлса) ва фойдаланишнинг алоҳида шартлари мавжуд бўлганда;

норматив-ҳуқуқий ҳужжатларга асосан ер участкасидан фойдаланиш тартиби ўзгарган ёки мавжуд режаларга ўзгартиришлар киритилганда.

Ушбу бандда назарда тутилмаган бошқа сабаблар билан шартнома лойиҳасини қайтаришга йўл қўйилмайди.

19. Ижрочига шартнома лойиҳаси қайтарилганда, ер ижарачисини бу ҳақда бир иш куни ичида ариза келиб тушган платформа орқали хабардор қилади.

Ер ижарачиси хабарнома юборилган кундан бошлаб беш иш куни ичида шартнома лойиҳаси бўйича камчиликларни бартараф этган ҳолда қайта мурожаат қилиш ҳуқуқига эга. Бунда аризани такроран кўриб чиқиш учун тўловлар ундирилмайди.

Агар ер ижарачиси беш иш куни ичида қайта мурожаат қилмаса, ижрочи томонидан бир иш куни ичида Агропортал орқали ер ижарачисига ариза ижроси тўхтатилгани тўғрисида хабарнома юборилади ҳамда тўланган тўловлар қайтарилмайди.

20. Икки томонлама имзоланган ер ижара шартномаси Агропортал орқали Кадастр агентлигига ерга бўлган ҳуқуқларни рўйхатдан ўтказиш учун юборилади.

21. Кадастр агентлиги ўн иш куни ичида ер участкасига бўлган ижара ҳуқуқини белгиланган тартибда давлат рўйхатидан ўтказади ҳамда натижаси бўйича реестрдан кўчирмани Агропортал орқали ер ижарачисига юборади.

22. Ижрочи уч иш куни ичида ер ижарачисига ер участкасининг чегарасини жойида кўрсатиб беради ҳамда бу ҳақидаги маълумотларни Агропортал орқали Давлат хизматлари марказига ва ЯИДХПга юборади.

3-боб. Якунловчи қоидалар

23. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари ушбу Регламент талаблари бажарилиши бўйича давлат органлари ва бошқа ташкилотларнинг фаолияти устидан, шу жумладан, ЯИДХП ва Агропортал орқали доимий назорат ва мониторингни амалга оширади.

24. Ер ижарачиси давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда юқори турувчи органга ёки судга шикоят қилиши мумкин.

25. Ушбу Регламент талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича давлат хизматларини кўрсатишнинг маъмурий регламентига
1-ИЛОВА

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича давлат хизматларини кўрсатиш

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Ер ижарачиси	1. Амалдаги ер ижара шартномасига ўзгартиришлар киритиш учун Давлат хизматлари марказига ёки ЯИДХП ёхуд Агропортал орқали ариза билан мурожаат қилади. 2. Белгиланган тўловни амалга ошириш.	Ўз хоҳишига кўра мурожаат қилганда
1-босқич	Ер ижарачиси		Ўз хоҳишига кўра мурожаат қилганда

2-босқич	1. Давлат хизматлари маркази. 2. ЯИДХП. 3. Агропортал.	Аризани «Ўздаверлойиҳа» ДИЛИга юборади.	Автоматик тарзда
2-босқич	1. Давлат хизматлари маркази. 2. ЯИДХП. 3. Агропортал.	Аризани «Ўздаверлойиҳа» ДИЛИга юборади.	Автоматик тарзда

3-босқич	«Ўздаверлойиҳа» ДИЛИ	1. Аризадаги мурожаатни ўрганади. 2. Ер ижара шартномасини ўзгартиришлар киритиш бўйича тегишли шартнома лойиҳасини тайёрлайди. 3. Тайёрланган шартнома лойиҳасини имзолаш учун ер ижарачиси ва туман (Қувасой шаҳар) ҳокимлигига электрон шаклда юборади.	5 иш куни ичида
3-босқич	«Ўздаверлойиҳа» ДИЛИ		5 иш куни ичида

4-босқич	Ер ижарачиси	Ер ижара шартномаси лойиҳасини ЭРИ ёки Мобил-ID ёҳуд face-ID орқали имзолайди.	2 иш куни ичида
4-босқич	Ер ижарачиси		2 иш куни ичида

5-босқич	Туман (Қувасой шаҳар) ҳокимлиги	Ер ижара шартномаси лойиҳасини имзолайди ёки асосларни кўрсатган ҳолда имзолашни рад этади.	Ер ижарачиси имзолагандан кейин 2 иш куни ичида
5-босқич	Туман (Қувасой шаҳар) ҳокимлиги		Ер ижарачиси имзолагандан кейин 2 иш куни ичида

6-босқич	Кадастр агентлиги	Ер участкасига бўлган ижара ҳуқуқини белгиланган тартибда давлат рўйхатидан ўтказади ҳамда натижаси бўйича реестрдан кўчирмани Агропортал орқали ер ижарачисига юборади.	10 иш куни ичида
6-босқич	Кадастр агентлиги		10 иш куни ичида

7-босқич	«Ўздаверлойиҳа» ДИЛИ	Ер ижарачисига ер участкасининг чегарасини жойида кўрсатиб беради ва бу ҳақидаги маълумотларни Агропортал орқали Давлат хизматлари марказига юборади ва ЯИДХПга жойлаштиради.	3 иш куни ичида
7-босқич	«Ўздаверлойиҳа» ДИЛИ		3 иш куни ичида

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича давлат хизматларини кўрсатишнинг маъмурий регламентига
2-ИЛОВА

Қишлоқ хўжалигига мўлжалланган ер участкаларининг ер ижара шартномаларига ўзгартиришлар киритиш бўйича АРИЗА

____________ вилояти _________ тумани (Қувасой шаҳри) __________ ҳудудида фаолият юритувчи
_______________________________________________________
^{(ер ижарачиси, юридик шахс номи)}

СТИР ___________________	раҳбари _________________________
	^(Ф.И.О.)
__________________________________________________________________________
^{(жисмоний шахс бўлганда Ф.И.О. кўрсатилади)}
(телефон рақами — _________________) дан.

Мен раҳбарлик қилаётган хўжалик (ёки) Менга тегишли кадастр рақами — ________-сон, ________-сон контур(лар)даги умумий ер майдони ________ (га) бўлган ер участкасининг ___________ (ер майдони ҳажми камайиши/кўпайиши, амалдаги ер участкасининг ижара шартномаси муддатини узайтириш/камайтириш)да амалий ёрдам беришингизни сўрайман.
Аризамга амалдаги ер ижара шартномаси нусхасини илова қиламан.*

Шунингдек, қишлоқ хўжалиги ер участкаларидан фойдаланиш шартларини ўзгартиришда шартномаларни қайта расмийлаштириш бўйича давлат хизматини кўрсатиш юзасидан белгиланган тартиб-қоидалар билан танишиб чиқдим ва уларга тўлиқ амал қилишимни маълум қиламан ҳамда ижобий хулоса берилган тақдирда, менга юкланган мажбуриятларни бажаришни ўз зиммамга оламан.

Ариза берувчи:		Ф.И.О.

йил, кун, ой

* Агар ер участкаси очиқ электрон танлов ёки аукцион савдоларида ютиб олинган бўлса, ер участкаси бўйича «E-auksion» электрон савдо платформаси ёки «E-ijara» ахборот тизимида мавжуд баённома Агропорталда автоматик тарзда шаклланади.

Вазирлар Маҳкамасининг 2026 йил 13 июлдаги 381-сон қарорига
3-ИЛОВА

НИЗОМ

1-боб. Умумий қоидалар

1. Ушбу Низом ахборот-коммуникация технологиялари орқали қишлоқ хўжалигига мўлжалланган ер участкаларида агротехника тадбирларининг бажарилишини ва маҳсулот етиштириш учун давлат томонидан ажратилган маблағлардан мақсадли фойдаланишни мониторинг қилиш тартибини белгилайди.

2. Ушбу Низомда қуйидаги асосий тушунчалардан фойдаланилади:

«Агромониторинг» ахборот тизими (кейинги ўринларда — «Агромониторинг» АТ) — агротехника тадбирлари мониторингини веб-саҳифа ва мобил илова орқали амалга ошириш имконини берувчи тизим;

Агропортал — Ўзбекистон Республикаси Қишлоқ хўжалиги вазирлигининг «Рақамли қишлоқ хўжалиги» ягона интеграцион платформаси;

агротехника тадбирлари мониторинги — қишлоқ хўжалиги экинларини жойлаштириш кўрсаткичларига асосан етиштиришнинг давлат томонидан қўллаб-қувватланадиган қисми бўйича қишлоқ хўжалиги экинлари экилган майдонларни ўлчаш, шунингдек, экин майдонларида ерга ишлов беришдан бошлаб ҳосилни йиғиб олгунга қадар ўтказиладиган агротехника тадбирларининг ўз муддатларида бажарилиши устидан «Агромониторинг» АТ орқали мониторинг қилиш;

кредит берувчи — Агропортал орқали тузилган кредит шартномасига мувофиқ кредит тақдим этувчи тижорат банки;

кредит олувчи — қишлоқ хўжалиги экинларини етиштириш учун имтиёзли кредитлар олган юридик ёки жисмоний шахс (агрокластер, кооперация, фермер хўжалиги, деҳқон хўжалиги ва бошқа қишлоқ хўжалиги субъектлари);

қишлоқ хўжалиги экинлари — пахта хомашёси, буғдой, мева, узум, сабзавот, картошка, полиз экинлари, гул, кўкатлар ва доривор ўсимликлар, дон учун маккажўхори, дуккакли, мойли, шоли ва озуқабоп экинлар.

2-боб. Агротехника тадбирларининг бажарилишини мониторинг қилиш

3. Агротехника тадбирлари бажарилишини мониторинг қилиш Қишлоқ хўжалиги вазирлигининг ахборот тизимларида мавжуд бўлган қишлоқ хўжалигига мўлжалланган ер участкалари бўйича ер турлари, майдони, ер эгалари, ердан фойдаланувчилар ва ижарачилар тўғрисидаги маълумотлар асосида амалга оширилади.

4. Агротехника тадбирлари мониторинги «Агромониторинг» АТ ва унинг мобил иловаси ёрдамида Ўзбекистон Республикаси Сув хўжалиги вазирлиги, Қишлоқ хўжалиги вазирлиги, Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ҳамда Озиқ-овқат маҳсулотлари хавфсизлиги қўмитасининг ҳудудий бош бошқармалари ва туман (Қувасой шаҳар) инспекциялари, Уруғчиликни ривожлантириш маркази (уруғчилик етиштирувчи хўжаликлар учун), шунингдек, кредит берувчи, лизинг, суғурта компаниялари ва бошқа ташкилотлар томонидан олиб борилади.

5. Агротехника тадбирлари мониторинги қуйидаги мақсадларда амалга оширилади:

қишлоқ хўжалиги экинларини жойлаштириш кўрсаткичларига асосан экин майдонларида ерга ишлов беришдан бошлаб ҳосилни йиғиб олгунга қадар ер контурлари ёки уларнинг экин экилган қисми бўйича мониторинг юритиш;

қишлоқ хўжалиги маҳсулотларини етиштириш учун давлат томонидан ажратилаётган субсидия ва имтиёзли кредитларнинг мақсадли ишлатилишини таҳлил қилиш.

6. Агротехника тадбирлари мониторинги пахта ва бошоқли дон экинлари, шунингдек, бошқа экин турларида амалга оширилади.

7. Кредит олувчи агротехника тадбирлари бажарилиши ҳолати тўғрисидаги маълумотларни бевосита ўзи шахсий кабинети орқали Агропорталга киритиши мумкин.

8. Агротехника тадбирлари мониторинги натижалари Агропорталда кредит олувчининг шахсий кабинетида ва Ўзбекистон Республикаси Қишлоқ хўжалиги вазирлигининг ҳудудий бўлинмалари учун «Агромониторинг» АТда онлайн вақт режимида акс эттирилади.

9. Қишлоқ хўжалиги экинларини етиштириш учун кредит олувчиларга, улар томонидан Агропорталда шакллантириладиган тўлов топшириқномаларига мувофиқ тижорат банклари томонидан кредитлар ажратиб борилади.

Бунда аввалги агротехника тадбирининг бажарилганлик ҳолати «Агромониторинг» АТда тасдиқланганидан кейин жорий агротехника тадбири учун молиявий ресурслар ажратилади.

10. Агротехника тадбирларини мониторинг қилиш ва ушбу тадбирларнинг бажарилишига мувофиқ кредит ажратиш ушбу Низомга иловадаги схема асосида амалга оширилади.

11. Имтиёзли кредитлардан мақсадли фойдаланишда кредит олувчилар Агропортал таркибига кирувчи «Reagro» ахборот тизимига киритилган таъминотчи корхоналар билан етказиб бериш ва хизмат кўрсатиш бўйича шартномалар, тўлов топшириқномалари, ҳисоб-фактуралар ва бошқа молиявий ҳужжатлар тузилади.

12. Қишлоқ хўжалиги экинларининг агротехника тадбирлари учун ажратилган имтиёзли кредитлардан мақсадли фойдаланиш ҳолати босқичма-босқич мониторинг қилиб борилади. Бунда:

Қишлоқ хўжалиги вазирлиги Рақамли технологиялар вазирлиги ҳамда Космик тадқиқотлар ва технологиялар агентлиги билан биргаликда ҳар йили март — октябрь ойларида ҳар бир ҳудуд бўйича космик суратлар ва учувчисиз учадиган аппаратлар (дронлар) ёрдамида олинган маълумотларни Агропорталга жойлаштириб боради;

Вазирлар Маҳкамаси ҳузуридаги Агросаноат мажмуи устидан назорат қилиш инспекцияси космик суратлар ва учувчисиз учадиган аппаратлар ёрдамида олинган маълумотларга асосан ҳар бир ҳудуддаги кредит олувчи қишлоқ хўжалиги экинларининг ҳолати тўғрисидаги хулосаларни Агропорталга жойлаштиради;

кредит берувчи қишлоқ хўжалиги экинларининг ҳолати тўғрисидаги хулосалардан келиб чиққан ҳолда қишлоқ хўжалиги экин турига қараб молиялаштиришни ташкил этади. Бунда қишлоқ хўжалиги экинларини етиштириш шартлари кредит шартномасига кўра бузилиш ҳолати аниқланса, ушбу кредит олувчига имтиёзли кредитлар ажратиш вақтинча тўхтатилади.

3-боб. Имтиёзли кредитлар ва маблағлар айланмалари бўйича маълумотларни Агропорталда онлайн тақдим этиш

13. Кредит олувчи ўзининг имтиёзли кредитлари ва маблағлар айланмалари бўйича тегишли маълумотларни Агропортал орқали олиши мумкин. Бунинг учун:

кредит олувчи келгуси йил ҳосили учун қишлоқ хўжалигига мўлжалланган ер участкаларида экиладиган қишлоқ хўжалиги экинлари тўғрисидаги маълумотларини ҳар йили 1 августга қадар Агропорталга мустақил жойлаштирган бўлиши;

кредит олувчи кредит берувчи билан кредит ажратиш шартномасини белгиланган тартибда тузган бўлиши лозим.

14. Кредит олувчига Агропортал орқали ҳар куни (дам олиш ва ишланмайдиган байрам кунларидан қатъи назар) 24 соат давомида агротехника тадбирлари учун кредит ажратиш шартномасининг ҳолати ва ушбу шартномага асосан ажратилган маблағлар тўғрисида маълумотлар олиш, ажратилган маблағларни сарфлаш учун тўлов топшириқномаларини яратиш, маблағларни сарфлаш учун шартнома тузиш ёки тузилган шартномаларни юклаб олиш, тўлов топшириқномаларининг бажарилиш ҳолатини назорат қилиш имконияти яратилади.

Бунда ушбу хизматлардан фойдаланиш истагини билдирган кредит олувчига Агропортал оператори оферта шартномаси асосида хизмат кўрсатади.

15. Тўлов топшириқномалари иш вақтидан кейинги ёки дам олиш ва ишланмайдиган байрам кунларида тижорат банкларига келиб тушганда, навбатдаги иш кунида тўлов топшириқномалари тижорат банкига келиб тушган ва қабул қилинган кун деб ҳисобланади ҳамда ижроси таъминланади.

16. Кредит олувчи тўлов топшириқномасини кредит берувчига юбориши учун тегишли маълумотларни Агропорталга киритганидан сўнг, маълумотларнинг тўғрилигини текширади ва имзоларни идентификация қилиш воситаларидан бири (дактилоскопия, электрон рақамли имзо, Мобил-ID ёки «face-ID») орқали тасдиқлайди.

17. Кредит берувчи кредит олувчидан келиб тушган тўлов топшириқномасига асосан ажратиладиган кредитлар доирасида тўлов топшириқномасида кўрсатилган банк ҳисобварағига маблағларни ўтказади.

Бунда кредит берувчи кредит олувчи томонидан кредитларнинг мақсадли сарфланиши устидан «Агромониторинг» АТ орқали мониторинг юритиши мумкин.

18. Кредит олувчи томонидан кредит ажратиш шартномасида кўрсатилган экиндан бошқа экин тури экилганда ёки кредитнинг қайтмаслик хавфи аниқланганда, кредит берувчи кредитлар ажратишни тўхтатиши ёки шартномада кўрсатилган асосларга кўра кредит ажратиш шартномасини бекор қилиши мумкин.

Бу ҳақидаги маълумотлар кредит олувчига Агропорталдаги шахсий кабинети орқали юборилади.

4-боб. Якунловчи қоида

19. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Агротехника тадбирларини мониторинг қилиш ва тадбирларнинг бажарилишига мувофиқ кредит ажратиш

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Қишлоқ хўжалиги ерларидан фойдаланувчилар	Экиладиган экинлар тўғрисидаги маълумотларни Агропорталга мустақил жойлаштиради.	Ҳар йили 1 августга қадар
1-босқич	Қишлоқ хўжалиги ерларидан фойдаланувчилар		Ҳар йили 1 августга қадар

2-босқич	Туман (Қувасой шаҳри) қишлоқ хўжалиги бўлимлари	Экиладиган экинлар тўғрисидаги маълумотлар асосида агротехника тадбирларини «Агромониторинг» АТ орқали мониторинг қилиб боради.	Экин тури бўйича ҳар ойда
2-босқич	Туман (Қувасой шаҳри) қишлоқ хўжалиги бўлимлари		Экин тури бўйича ҳар ойда

3-босқич	Қишлоқ хўжалиги ерларидан фойдаланувчилар	1. Кредит шартномасини экин турлари бўйича белгиланган тартибда расмийлаштиради. 2. Тўлов топшириқномаларини шакллантиради, электрон имзо билан имзолайди ва тегишли тижорат банкларига юборади.	Заруратга кўра
3-босқич	Қишлоқ хўжалиги ерларидан фойдаланувчилар		Заруратга кўра

4-босқич	Кредит берувчи	Кредит шартномаси доирасида маблағларни тўлов топшириқномаларига мувофиқ ажратади.	Агротехника тадбирини бажариш муддати бўйича
4-босқич	Кредит берувчи		Агротехника тадбирини бажариш муддати бўйича

5-босқич	Кредит берувчи	Ажратилган кредит маблағларининг тегишлилиги бўйича мақсадли сарфланишини мониторинг қилади.	Кредит шартномасига мувофиқ
5-босқич	Кредит берувчи		Кредит шартномасига мувофиқ

Вазирлар Маҳкамасининг 2026 йил 13 июлдаги 381-сон қарорига
4-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Қишлоқ ва сув хўжалиги тармоқларини олий маълумотли юқори малакали кадрлар билан таъминлашни янада такомиллаштириш чора-тадбирлари тўғрисида» 2015 йил 3 ноябрдаги 311-сон қарорининг 3-банди ўз кучини йўқотган деб ҳисоблансин.

2. Вазирлар Маҳкамасининг «Академик Маҳмуд Мирзаев номидаги боғдорчилик, узумчилик ва виночилик илмий-тадқиқот институтининг фаолиятини янада ривожлантириш ҳамда моддий-техника базасини мустаҳкамлаш чора-тадбирлари тўғрисида» 2019 йил 9 июлдаги 569-сон қарорида:

а) 1-банд қуйидаги таҳрирда баён этилсин:

«1. Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази фаолиятини ташкил этиш тўғрисида» 2021 йил 3 февралдаги ПҚ-4975-сон қарорига мувофиқ Академик Маҳмуд Мирзаев номидаги боғдорчилик, узумчилик ва виночилик илмий-тадқиқот институти (кейинги ўринларда — Институт) Ўзбекистон Республикаси Қишлоқ хўжалиги вазирлиги ҳузуридаги Ўзбекистон қишлоқ хўжалиги фанлари академияси (кейинги ўринларда — Академия) ихтиёрига ўтказилганлиги маълумот учун қабул қилинсин»;

б) 5-бандда:

«а» кичик банд қуйидаги таҳрирда баён этилсин:

«а) Институт:

ўз фаолияти бўйича Академия ва Ўзбекистон Республикаси Қишлоқ хўжалиги вазирлигига ҳисобот беради;

Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги томонидан ўтказиладиган илмий лойиҳалар танловларининг натижалари бўйича ажратиладиган грантлар, шунингдек, хўжалик фаолиятидан тушадиган маблағлар, Институт тизимидаги илмий-тажриба станцияларининг йиллик даромадининг 15 фоизи миқдоридаги ажратмалар ҳисобидан тушадиган тушумлар, халқаро молия институтлари, хорижий ташкилотларнинг грантлари ва техник кўмак маблағлари, жисмоний ва юридик шахсларнинг ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади»;

«б» ва «в» кичик бандлардаги тегишли келишикдаги «Агентлик директори» сўзлари тегишли келишикдаги «Академия раиси» сўзлари билан алмаштирилсин.

3. Вазирлар Маҳкамасининг «Қишлоқ хўжалиги экинларини оқилона жойлаштириш тартиби тўғрисидаги низомни тасдиқлаш ҳақида» 2020 йил 24 августдаги 505-сон қарорида:

а) 3-банд қуйидаги таҳрирда баён этилсин:

«3. Қорақалпоғистон Республикаси Вазирлар Кенгаши, вилоятлар ва туманлар (Қувасой шаҳар) ҳокимликлари қишлоқ хўжалиги ерларидан фойдаланувчилар мустақил равишда экинларини жойлаштириши учун ҳар йили 1 августга қадар илгари ҳисобга олинган ер участкаларидан рухсат этилган фойдаланишнинг асосий турларини белгилаш ишларини «Рақамли қишлоқ хўжалиги» ягона интеграцион платформасида ташкил этсин»;

б) 4-банд иккинчи хатбоши чиқариб ташлансин;

учинчи хатбоши иккинчи хатбоши деб ҳисоблансин;

в) иловада:

3-бандда:

иккинчи хатбоши қуйидаги таҳрирда баён этилсин:

«CropAgro» АТ — қишлоқ хўжалиги ерларидан фойдаланувчиларнинг экинларни жойлаштириш бўйича маълумотларини қабул қилиш, келишиш, маълумот ва ҳисоботларни шакллантириш учун фойдаланиладиган ахборот тизими»;

қуйидаги мазмундаги учинчи ва тўртинчи хатбошилар билан тўлдирилсин:

«Агропортал — Ўзбекистон Республикаси Қишлоқ хўжалиги вазирлигининг «Рақамли қишлоқ хўжалиги» ягона интеграцион платформаси;

оператор — Ўзбекистон Республикаси Қишлоқ хўжалиги вазирлиги ҳузуридаги «Агросаноатни рақамлаштириш маркази» масъулияти чекланган жамияти»;

учинчи — ўн тўртинчи хатбошилар тегишлича бешинчи — ўн олтинчи хатбошилар деб ҳисоблансин;

5-бандда:

қуйидаги мазмундаги иккинчи хатбоши билан тўлдирилсин:

«Ер участкаларидан рухсат этилган фойдаланиш турларини ҳисобга олган ҳолда Агропорталда ердан фойдаланувчилар томонидан қишлоқ хўжалиги экинларини мустақил жойлаштириш имкониятини яратади»;

иккинчи — еттинчи хатбошилар тегишлича учинчи — саккизинчи хатбошилар деб ҳисоблансин;

учинчи хатбоши қуйидаги таҳрирда баён этилсин:

«Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда ердан фойдаланувчиларнинг барча турдаги қишлоқ хўжалиги экинларини жойлаштириш маълумотлари билан истеъмолчилар талабини таҳлил қилади ва мувофиқлаштириш чораларини кўради»;

олтинчи хатбоши «қишлоқ хўжалиги бўлимларига» сўзларидан кейин «Агропортал орқали» сўзлари билан тўлдирилсин;

7-банд қуйидаги таҳрирда баён этилсин:

«7. Ўзбекистон Республикаси Сув хўжалиги вазирлиги:

ҳар бир ҳудуд бўйича экин майдонларининг мелиоратив ҳолати ва сув билан таъминлаш имкониятлари тўғрисидаги объектив маълумотлар (сув етказиб беришнинг минимал ва максимал лимитлари)ни ер участкаларининг контурлари кесимида шакллантиради ҳамда Агропорталга жойлаштиради;

Агропорталда шакллантирилган ер участкаларининг контурлар кесимидаги қишлоқ хўжалиги экинларини жойлаштиришга оид зарур маълумотларни «Сув ҳисоби» ахборот тизими билан интеграция қилади»;

11-бандда:

қуйидаги мазмундаги иккинчи хатбоши билан тўлдирилсин:

«ўз вазифа ва функцияларини бажариши учун оператор билан, у билан тузиладиган шартнома асосида Агропорталдаги бажарадиган функцияларини ишлаб чиқади, ушбу тизимга Агросаноат мажмуи устидан назорат қилиш инспекцияси марказий аппарати ва ҳудудий бўлинмаларининг уланиши ва фойдаланишини ташкил этади»;

иккинчи хатбоши учинчи хатбоши деб ҳисоблансин;

14-бандда:

биринчи хатбоши қуйидаги таҳрирда баён этилсин:

«14. Ердан фойдаланувчилар ҳар йили 1 июлга (2026 йил ҳосили учун 1 сентябрга) қадар ер участкаларидан рухсат этилган фойдаланиш туридан келиб чиққан ҳолда қишлоқ хўжалиги экинларини ер участкалари кесимида Агропорталда мустақил жойлаштиради»;

иккинчи ва учинчи хатбошилар чиқариб ташлансин;

қуйидаги мазмундаги 14¹-14²-бандлар билан тўлдирилсин:

«14¹. Ердан фойдаланувчиларга оператор томонидан ишлаб чиқилган ахборот тизимлари ёрдамида қишлоқ хўжалиги экинларини мустақил жойлаштиришга кўмаклашиш, шартномавий муносабатларни йўлга қўйиш ва бошқа йўналишларда хизмат кўрсатиш учун хусусий сектор вакилларининг кўмагидан фойдаланиш имкониятлари жорий қилиниши мумкин.

14². Ердан фойдаланувчилар томонидан сув таъминоти мавжуд бўлмаган ёки ернинг норматив қиймати аниқланмайдиган яйлов ерларида қишлоқ хўжалиги экинлари ушбу ердан фойдаланувчиларнинг ўз ҳисобидан етиштирилиши мумкин»;

15, 16 ва 17-бандлар ўз кучини йўқотган деб ҳисоблансин;

18-бандда:

биринчи, тўртинчи ва бешинчи хатбошилар чиқариб ташлансин;

иккинчи ва учинчи хатбошилар тегишлича биринчи ва иккинчи хатбошилар деб ҳисоблансин;

иккинчи хатбошидаги «CropAgro» ахборот тизимидан» сўзлари «Агропортал» сўзи билан алмаштирилсин;

20-банднинг иккинчи хатбошиси чиқариб ташлансин;

21, 22 ва 23-бандлар ўз кучини йўқотган деб ҳисоблансин;

24-банд қуйидаги таҳрирда баён этилсин:

«24. Қишлоқ хўжалиги экинларини жойлаштириш тўғрисидаги маълумотлар Қорақалпоғистон Республикаси ва вилоятларнинг қишлоқ хўжалиги геопорталларида онлайн тарзда акс эттирилади»;

26-банднинг биринчи хатбошиси «Қишлоқ хўжалиги экинларини жойлаштириш натижалари мониторинги» сўзларидан кейин «қишлоқ хўжалиги туман бўлимлари ва» сўзлари билан тўлдирилсин;

илова қуйидаги таҳрирда баён этилсин:

«Қишлоқ хўжалиги экинларини оқилона жойлаштириш тартиби тўғрисидаги низомга
ИЛОВА

Қишлоқ хўжалиги экинларини оқилона жойлаштириш ишларини амалга ошириш

СХЕМАСИ

Босқичлар	Субъектлар	Тадбирлар	Бажариш муддатлари
Босқичлар	Субъектлар	Тадбирлар	Бажариш муддатлари

1-босқич	Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлиги	Қишлоқ хўжалигига мўлжалланган ер участкаси кадастр рақами, фойдаланувчиси, контур рақами, чегаралари, ер тури ва географик жойлашуви, майдони (гектарда) ва бошқа маълумотларни интеграция орқали тақдим этади.	Доимий
1-босқич			Доимий

2-босқич	«Агросаноатни рақамлаштириш маркази» МЧЖ	Агропорталда маълумотларни йиғиш, сақлаш, ишлов бериш, фойдаланувчиларни техник жиҳатдан қўллаб-қувватлаш, ҳисоботларни автоматик шакллантириш, инсон омилини қисқартириш бўйича дастурий ечимларни жорий этади ва такомиллаштириб боради.	Доимий
2-босқич	«Агросаноатни рақамлаштириш маркази» МЧЖ		Доимий

3-босқич	Сув хўжалиги вазирлиги Иқтисодиёт ва молия вазирлиги	Экин майдонларининг мелиоратив ҳолати ва сув билан таъминлаш имконияти тўғрисида; ички ва ташқи бозордаги талабларни инобатга олган ҳолда, қишлоқ хўжалиги маҳсулотларини турлари бўйича ишлаб чиқаришнинг йиллик прогноз ҳажмлари тўғрисида маълумотларни Қишлоқ хўжалиги вазирлигига тақдим этади.	Ҳар йили 1 майга қадар
3-босқич	Сув хўжалиги вазирлиги Иқтисодиёт ва молия вазирлиги		Ҳар йили 1 майга қадар

4-босқич	Ердан фойдаланувчилар	Агропортал орқали қишлоқ хўжалиги экинларини мустақил жойлаштиради.	Ҳар йили 1 июлга қадар
4-босқич	Ердан фойдаланувчилар		Ҳар йили 1 июлга қадар

5-босқич	Ирригация бўлими ва Тупроқшунослик ва агрокимёвий тадқиқотлар институти, «Тупроқ таҳлил маркази» ДМ	Қишлоқ хўжалиги экинларининг контурлар кесимида жойлаштирилишини кўриб чиқади, зарур ҳолларда қўшимча ва тўлдиришлар киритади ҳамда электрон рақамли имзо билан тасдиқлайди.	2 иш кунида
5-босқич			2 иш кунида

6-босқич	Қишлоқ хўжалиги бўлимлари, «Ўздаверлойиҳа» институти ва унинг ҳудудий бўлинмалари	Экинларнинг экилиши ва ҳолати мониторингини юритади.	Доимий
6-босқич		Экинларнинг экилиши ва ҳолати мониторингини юритади.	Доимий

7-босқич	Қишлоқ хўжалиги вазирлиги	Қишлоқ хўжалиги экинларини жойлаштириш маълумотлари Қорақалпоғистон Республикаси ва вилоятларнинг қишлоқ хўжалиги геопорталларида онлайн тарзда акс эттирилади.	Доимий
7-босқич	Қишлоқ хўжалиги вазирлиги		Доимий
			».

4. Вазирлар Маҳкамасининг 2020 йил 11 декабрдаги 776-сон қарори билан тасдиқланган Маҳаллий давлат ҳокимияти органлари томонидан солиқ тўловчиларнинг солиқ тўлаш муддатларини ўзгартириш тартиби тўғрисидаги низомга 1-илованинг 1-банди қуйидаги мазмундаги тўртинчи хатбоши билан тўлдирилсин:

«Дала четлари, каналлар, коллектор-дренаж ва суғориш тармоқлари атрофидаги майдонлар, аҳоли томорқаси, хонадонлар, кўп қаватли уйлар олди ва маҳалланинг ички кўчаларида қишлоқ хўжалиги маҳсулотларини етиштириш фаолияти».

5. Вазирлар Маҳкамасининг 2021 йил 23 февралдаги 96-сон қарори билан тасдиқланган Органик қишлоқ хўжалиги ва озиқ-овқат маҳсулотлари ишлаб чиқаришни ихтиёрий сертификатлаштиришдан ўтказиш тартиби тўғрисидаги низомда:

а) 23-банд қуйидаги мазмундаги бешинчи — ўн биринчи хатбошилар билан тўлдирилсин:

«Инспекция назоратини амалга оширган айни бир инспектор томонидан такроран режадан ташқари инспекция назоратининг амалга оширилишига йўл қўйилмайди.

Инспекция назоратини ташкил этиш ва инспекторларни тайинлаш ваколати органик маҳсулот мувофиқлигини баҳолаш органи раҳбарига юкланади.

Дастлабки инспекция назорати учун инспектор органик маҳсулот мувофиқлигини баҳолаш органи раҳбари томонидан инспекторлар реестридан танлаб олинади. Бунда малакали, манфаатлар тўқнашуви мавжуд бўлмаган ва ушбу объект билан охирги уч йил давомида хизмат муносабатларига эга бўлмаган инспектор танланиши шарт.

Такроран, режадан ташқари инспекция назоратини амалга ошириш учун дастлабки инспекцияни ўтказган инспектор тайинланмайди. Ушбу ҳолда органик маҳсулот мувофиқлигини баҳолаш органи раҳбари реестрдан бошқа мустақил инспекторни тайинлайди.

Инспекторни тайинлаш тўғрисидаги буйруқ электрон шаклда расмийлаштирилади ва унда инспекторнинг шахсий маълумотлари, малакаси, текширув тури ва объекти, текширув асоси, муддати ва вазифалари кўрсатилади. Буйруқ нусхаси инспектор ҳамда текширилаётган субъектга юборилади.

Инспекторни тайинлашда манфаатлар тўқнашувининг олдини олиш, холислик ва мустақиллик мезонлари мажбурий тарзда текширилади. Манфаатлар тўқнашуви аниқланган шахснинг инспектор сифатида тайинланишига йўл қўйилмайди.

Органик маҳсулот мувофиқлигини баҳолаш органи инспекторни тайинлашга оид барча маълумотларни электрон реестрда сақлайди ва зарурат бўлганда назорат қилувчи органларга тақдим этади»;

б) қуйидаги мазмундаги 23¹-банд билан тўлдирилсин:

«23¹. Қуйидаги ҳолларда тақдим этилган маълумот ишончсиз деб топилади:

сохталаштирилган маълумотлар мавжуд бўлса;

бошқа манбалардан текшириб кўрилган маълумотлар билан солиштирилганда, шунингдек, саналар ва кўрсаткичларда номувофиқликлар аниқланса;

тақдим этилган маълумотларни тасдиқловчи ҳужжатлар (гувоҳномалар, сертификатлар ва хулосалар) бўлмаса.

Ушбу бандда кўрсатилмаган бошқа асосларга кўра тақдим этилган маълумотни ишончсиз деб топишга йўл қўйилмайди».

6. Вазирлар Маҳкамасининг 2021 йил 24 ноябрдаги 709-сон қарори билан тасдиқланган Қишлоқ хўжалигига мўлжалланган ер участкасини бўлиш ва унинг янги чегараларини белгилаш бўйича давлат хизматларини кўрсатишнинг маъмурий регламентининг 9-бандида:

«а» кичик бандда:

олтинчи хатбошидаги «5 фоизи» сўзлари «11,25 фоизи» сўзлари билан алмаштирилсин;

еттинчи хатбошидаги «70 фоизи» сўзлари «63,75 фоизи» сўзлари билан алмаштирилсин;

«б» кичик бандда:

олтинчи хатбошидаги «5 фоизи» сўзлари «11,25 фоизи» сўзлари билан алмаштирилсин;

еттинчи хатбошидаги «70 фоизи» сўзлари «63,75 фоизи» сўзлари билан алмаштирилсин.

7. Вазирлар Маҳкамасининг 2021 йил 4 декабрдаги 733-сон қарори билан тасдиқланган Пахта-тўқимачилик кластерлари фаолиятини ташкил этиш тартиби тўғрисидаги низомда:

а) 9-бандда «Ягона интерактив давлат хизматлари портали» сўзларидан кейин «ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

б) 11-банд, 12-банднинг биринчи хатбошиси ва 21-банднинг иккинчи хатбошиси «Ягона интерактив давлат хизматлари портали» сўзларидан кейин «ёки Агропортал» сўзлари билан тўлдирилсин;

в) илованинг 1, 2 ва 3-босқичлари «Амалга ошириш механизми» устуни «Ягона интерактив давлат хизматлари портали» сўзларидан кейин «ёки Агропортал» сўзлари билан тўлдирилсин.

8. Вазирлар Маҳкамасининг «Ветеринария хизмати мутахассисларининг малакасини ошириш, уларни қайта тайёрлаш ва уларга малака тоифалари бериш бўйича давлат хизматларини кўрсатишнинг маъмурий регламентини тасдиқлаш тўғрисида» 2022 йил 19 январдаги 33-сон қарорида:

а) 2-банднинг иккинчи хатбошиси «Ягона интерактив давлат хизматлари портали (кейинги ўринларда — ЯИДХП)» сўзларидан кейин «ёхуд «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

б) 1-иловада:

3-бандда «ЯИДХПда» қисқартмасидан кейин «ёки Агропорталда» сўзлари билан тўлдирилсин;

4-бандда «ЯИДХП» қисқартмасидан кейин «ёки Агропортал» сўзлари билан тўлдирилсин;

11-бандда:

иккинчи хатбоши «ЯИДХП» қисқартмасидан кейин «ёки Агропортал» сўзлари билан тўлдирилсин;

учинчи хатбоши «Ягона биллинг» сўзларидан кейин «ёки «Агробиллинг» ахборот» сўзлари билан тўлдирилсин;

қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

11,25 фоизи — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

0,5 фоизи — «Агробиллинг» ахборот тизими орқали хизматларни кўрсатганлик учун Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

қолган маблағлар тўлиқ миқдорда ваколатли органнинг банк ҳисобварағига ўтказилади»;

13-банд «ЯИДХП» қисқартмасидан кейин «ёхуд Агропортал» сўзлари билан тўлдирилсин;

14-банд «ЯИДХП» қисқартмасидан кейин «ёхуд Агропортал» сўзлари билан тўлдирилсин;

1-илованинг 1-босқичи «Тадбирлар» устуни «Ягона интерактив давлат хизматлари портали (ЯИДХП)» сўзларидан кейин «ёхуд «Рақамли қишлоқ хўжалиги» ягона интеграцион платформаси (Агропортал)» сўзлари билан тўлдирилсин.

9. Вазирлар Маҳкамасининг 2022 йил 8 июлдаги 373-сон қарори билан тасдиқланган Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисидаги низомнинг 30⁶-банди қуйидаги мазмундаги тўртинчи ва бешинчи хатбошилар билан тўлдирилсин:

«Дала четлари, каналлар, коллектор-дренаж ва суғориш тармоқлари атрофидаги майдонлар, аҳоли томорқаси, хонадонлар, кўп қаватли уйлар олди ва маҳалланинг ички кўчаларидан самарали фойдаланган маҳсулот етиштирувчиларга Оилавий тадбиркорликни ривожлантириш дастурлари доирасида 100 миллион сўмгача бўлган кредитлар саралаш, сақлаш, қуритиш ва қадоқлаш цехлари ҳамда совиткичли омборхоналарни харид қилиш учун 36 ойгача имтиёзли давр билан 84 ой муддатга йиллик Марказий банкнинг асосий ставкасидан 4 фоизлик пункт юқори ставкада ажратилади.

Бунда кредит суммасининг 60 фоизи бўйича гаров таъминоти сифатида саралаш, сақлаш, қуритиш ва қадоқлаш цехлари ҳамда совиткичли омборхоналар олиниши, 40 фоизи бўйича гаров таъминоти сифатида уларнинг қайтмаслик хатарини суғурта қилиш бўйича суғурта полиси билан ажратилади».

10. Вазирлар Маҳкамасининг 2022 йил 15 ноябрдаги 658-сон қарори билан тасдиқланган Ўзбекистон Республикаси фуқаро ва давлат авиациясида учувчисиз учадиган аппаратлардан фойдаланиш ҳамда уларни сақлаш тартиби тўғрисидаги низомнинг 7-банди «в» кичик банди қуйидаги таҳрирда баён этилсин:

«в) парвоз вақтида максимал оғирлиги 25 кг дан ошмаслиги, қишлоқ хўжалигида агротехника тадбирларини амалга ошириш учун мўлжалланган учувчисиз учадиган аппаратлар бундан мустасно, бунда уларнинг максимал учиш оғирлиги 250 кг дан ошмаслиги керак ва тур сертификати, GPS Tracker ёки ID модули (Remote ID масофадан идентификациялаш) билан жиҳозланган бўлиши лозим».

11. Вазирлар Маҳкамасининг 2022 йил 16 декабрдаги 711-сон қарори билан тасдиқланган Қишлоқ хўжалиги маҳсулотларини ишлаб чиқарувчиларга субсидия бериш ахборот тизими тўғрисидаги низомда:

а) 9-банднинг учинчи хатбошиси «Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки» сўзларидан кейин «Рақамли қишлоқ хўжалиги» ягона интеграцион платформаси (кейинги ўринларда — Агропортал) ёхуд» сўзлари билан тўлдирилсин;

б) 10-банднинг учинчи хатбошиси «ЯИДХП ёки» сўзларидан кейин «Агропортал ёхуд» сўзлари билан тўлдирилсин.

12. Вазирлар Маҳкамасининг 2022 йил 16 декабрдаги 712-сон қарори билан тасдиқланган Вазирлар Маҳкамаси ҳузуридаги Агросаноат мажмуи устидан назорат қилиш инспекциясида уруғлар, дуккакли, мойли экинлар ва бошқа дон экинларини қайта ишлашни сертификатлаш бўйича давлат хизматлари кўрсатишнинг маъмурий регламентида:

а) 4-банднинг биринчи хатбоши «Ягона интерактив давлат хизматлари портали (кейинги ўринларда — ЯИДХП)» сўзларидан кейин «, «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

б) 9-бандда «ЯИДХП» қисқартмасидан кейин «, Агропортал» сўзлари билан тўлдирилсин;

в) 11-бандда «ЯИДХПда» қисқартмасидан кейин «ёки Агропорталда» сўзлари билан тўлдирилсин;

г) 12-бандда «ЯИДХП» қисқартмасидан кейин «ёки Агропортал» сўзлари билан тўлдирилсин;

д) 15-бандда:

иккинчи хатбоши «ЯИДХП» қисқартмасидан кейин «ёки Агропортал» сўзлари билан тўлдирилсин;

учинчи хатбоши «Ягона биллинг» сўзларидан кейин «ёки «Агробиллинг» ахборот» сўзлари билан тўлдирилсин;

е) 16-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

11,75 фоизи (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

қолган маблағлар — Ўзагроинспекциянинг сертификатлаштириш органи шахсий ҳисобварағига ўтказилади»;

ж) 18-банднинг олтинчи хатбошиси, 21-банднинг иккинчи хатбошиси, 33 ва 42-бандларда «ЯИДХП» қисқартмасидан кейин «ёки Агропортал» сўзлари билан тўлдирилсин;

з) 32-бандлари қуйидаги таҳрирда баён этилсин:

«32. Ариза берувчи Ўзагроинспекцияга маҳсулотни етиштириш ва ишлаб чиқаришни ташкил этишда ўтказилган синов натижаларини ёки аккредитацияланган синов лабораториялари томонидан амалга оширилган синовлар тўғрисидаги ҳужжатларини тақдим этиши мумкин.

Синов натижалари салбий бўлган тақдирда, Ўзагроинспекция икки иш кунида ариза берувчига ёки Давлат хизматлари марказига, ЯИДХП ёки Агропортал орқали ариза берувчига қонунчилик ҳужжатларидаги нормаларни кўрсатган ҳолда маҳсулотнинг мувофиқлик сертификатини беришни рад этилганлиги тўғрисидаги хабарномани юборади.

Агар синов натижалари орасидаги тафовутлар рухсат этилган меъёрдан юқори бўлганда ёки норматив ҳужжатларда кўзда тутилган бошқа ҳолатларда, Ўзагроинспекция томонидан маҳсулотнинг сифат кўрсаткичлари қайта синовдан ўтказилади ва синов жараёнлари давомийлиги белгиланган тартибда узайтирилади ҳамда бу ҳақда икки иш кунида ариза берувчига ёки Давлат хизматлари марказига, ЯИДХП орқали ариза берувчига хабарнома юборилади».

и) 1-иловада:

илованинг номи «ЯИДХП» қисқартмасидан кейин «, «Рақамли қишлоқ хўжалиги» ягона интеграцион платформаси» сўзлари билан тўлдирилсин;

1-босқич «Тадбирлар» устунида:

1-банд «ЯИДХПда» қисқартмасидан кейин «ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

2-банд «ЯИДХП» қисқартмасидан кейин «ёки Агропортал» сўзлари билан тўлдирилсин;

2-босқич «Субъектлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин;

3-босқич «Тадбирлар» устуни 2-банди «ЯИДХП» қисқартмасидан кейин «ёки Агропортал» сўзлари билан тўлдирилсин;

6-босқич «Тадбирлар» устуни «ЯИДХПга» қисқартмасидан кейин «ёки Агропорталга» сўзлари билан тўлдирилсин;

7-босқич «Субъектлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин.

13. Вазирлар Маҳкамасининг «Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида» 2023 йил 29 апрелдаги 170-сон қарорида:

а) 1-иловада:

4-банд «Ягона интерактив давлат хизматлари портали (кейинги ўринларда — ЯИДХП)» сўзларидан кейин «ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

16-банд «ЯИДХП» қисқартмасидан кейин «, Агропортал» сўзлари билан тўлдирилсин;

19-банд, 20 ва 25-бандларнинг иккинчи хатбошилари «ЯИДХП» қисқартмасидан кейин «ёки Агропортал» сўзлари билан тўлдирилсин;

26-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади»;

31-банд, 32 ва 35-бандларнинг иккинчи хатбошилари «ЯИДХП» қисқартмасидан кейин «ёки Агропортал» сўзлари билан тўлдирилсин;

4-иловада:

1-босқич «Тадбирлар» устунида:

1-банд «Ягона интерактив давлат хизматлари порталида (кейинги ўринларда — ЯИДХП)» сўзларидан кейин «ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

2-банд «ЯИДХП» қисқартмасидан кейин «ёки Агропортал» сўзлари билан тўлдирилсин;

2-босқич «Субъектлар» устуни қуйидаги мазмундаги 3-банд билан тўлдирилсин:

«3. Агропортал»;

б) 2-иловада:

4-бандда «Ягона интерактив давлат хизматлари портали (кейинги ўринларда — ЯИДХП)» сўзларидан кейин «ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

15-банд «ЯИДХП» қисқартмасидан кейин «, Агропортал» сўзлари билан тўлдирилсин;

18-банднинг биринчи хатбошиси, 19 ва 23-бандларнинг иккинчи хатбошилари «ЯИДХП» қисқартмасидан кейин «ёки Агропортал» сўзлари билан тўлдирилсин;

24-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади»;

4-иловада:

1-босқич «Тадбирлар» устунида:

2-банд «ЯИДХП» қисқартмасидан кейин «ёки Агропортал» сўзлари билан тўлдирилсин;

2-босқич «Субъектлар» устуни қуйидаги мазмундаги 3-банд билан тўлдирилсин:

«3. Агропортал»;

в) 3-иловада:

11-банднинг биринчи хатбошиси, 12-банднинг иккинчи хатбошиси ва 13-банднинг учинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

14-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади»;

20-банднинг биринчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

1-иловада:

1-босқич «Тадбирлар» устунида:

2-банд «ЯИДХП» қисқартмасидан кейин «ёки Агропортал» сўзлари билан тўлдирилсин;

2-босқич «Субъектлар» устуни қуйидаги мазмундаги 3-банд билан тўлдирилсин:

«3. Агропортал»;

4-босқич «Тадбирлар» устуни 2-банди «ЯИДХП» қисқартмасидан кейин «ёки Агропортал» сўзлари билан тўлдирилсин;

г) 6-иловада:

24-банднинг иккинчи хатбошиси «Ягона интерактив давлат хизматлари портали (кейинги ўринларда — ЯИДХП)» сўзларидан кейин «ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан тўлдирилсин;

25 ва 28-бандларнинг иккинчи хатбошилари «ЯИДХП» қисқартмасидан кейин «ёки Агропортал» сўзлари билан тўлдирилсин;

29-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади»;

33-банднинг иккинчи хатбошиси, 56-банднинг иккинчи ва учинчи хатбошилари ва 61-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

62-банд қуйидаги мазмундаги «г» кичик банд билан тўлдирилсин:

«г) Агропортал орқали мурожаат этилганда:

20 фоизи — Ўзбекистон Республикаси республика бюджетига;

қолган маблағлар — Ўзагроинспекциянинг ривожлантириш жамғармасига ўтказилади»;

68-банднинг биринчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

5-иловада:

1-босқич «Тадбирлар» устунида:

2-банд «ЯИДХП» қисқартмасидан кейин «ёхуд Агропортал» сўзлари билан тўлдирилсин;

2-босқич «Субъектлар» устуни «ЯИДХП» қисқартмасидан кейин «, Агропортал» сўзлари билан тўлдирилсин;

3-босқич «Тадбирлар» устуни 2 ва 3-бандлар «ЯИДХП» қисқартмасидан кейин «ёки Агропортал» сўзлари билан тўлдирилсин.

14. Вазирлар Маҳкамасининг «Қишлоқ хўжалиги соҳасида ўқув-тажриба хўжаликларини ташкил этиш бўйича қўшимча чора-тадбирлар тўғрисида» 2023 йил 24 августдаги 420-сон қарорининг 5-банди ўз кучини йўқотган деб ҳисоблансин.

15. Вазирлар Маҳкамасининг 2023 йил 5 сентябрдаги 449-сон қарори билан тасдиқланган Наслчилик хўжалиги мақомини бериш бўйича давлат хизматлари кўрсатишнинг маъмурий регламентида:

а) 2-банд қуйидаги таҳрирда баён этилсин:

«2. Талабгорга наслчилик хўжалиги мақомини бериш давлат хизматлари марказлари (кейинги ўринларда — Марказ) ва Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали тушган мурожаатга асосан Ўзбекистон Республикаси Қишлоқ хўжалиги вазирлиги ҳузуридаги Чорвачилик ва яйлов хўжалигини ривожлантириш агентлигининг ҳудудий бўлимлари (кейинги ўринларда — ваколатли орган) томонидан мазкур Регламентга мувофиқ амалга оширилади»;

б) 10-банднинг биринчи ва иккинчи хатбошилари, 13-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

в) 14-банд қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

11,75 фоизи — (шундан 0,5 фоизи — Агробиллинг тизими орқали давлат хизматлари кўрсатилганда) Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятнинг шахсий ҳисобварағига;

қолган маблағлар — ваколатли органнинг ҳисобварағига ўтказилади»;

г) 18-банд «ЯИДХП» қисқартмасидан кейин «ёхуд Агропортал» сўзлари билан тўлдирилсин;

д) 29-банд «Ветеринария ва чорвачиликни ривожлантириш қўмитасига» сўзлари «Чорвачилик ва яйлов хўжалигини ривожлантириш агентлигига» сўзлари билан алмаштирилсин;

е) 1-иловада:

1-босқич «Тадбирлар» устуни 1-банди «Ягона интерактив давлат хизматлари портали (кейинги ўринларда — ЯИДХП)» сўзларидан кейин «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

2-босқич «Тадбирлар» устунида «Ветеринария ва чорвачиликни ривожлантириш қўмитасининг ҳудудий бошқармаларига» сўзлари «Чорвачилик ва яйлов хўжалигини ривожлантириш агентлигининг ҳудудий бўлимларига» сўзлари билан алмаштирилсин;

4-босқич «Тадбирлар» устуни 1-банди «ЯИДХП» қисқартмасидан кейин «ёки Агропортал» сўзлари билан тўлдирилсин;

ж) 3-илова қуйидаги таҳрирда баён этилсин:

«Наслчилик хўжалиги мақомини бериш бўйича давлат хизматлари кўрсатишнинг маъмурий регламентига
3-ИЛОВА

ДАЛОЛАТНОМА _____-сон

____________ тумани (шаҳри)‎‎		‎‎20__ йил «___»___________

Ҳудудий чорвачилик ва яйлов хўжалигини ривожлантириш бўлими бошлиғи ____________________________________________________, ҳудудий чорвачилик ва яйлов хўжалигини
______________________ ^(Ф.И.О.)
ривожлантириш бўлимининг наслчилик бўлими мутахассиси _________________________________‎‎_____________ чорвачилик ва яйлов хўжалигини ривожлантириш
______________________ ^{‎(Ф.И.О.)}
бўйича туманлар (шаҳарлар)га бириктирилган масъуллар _____________________________ иштирокида
_____________________________________________________________ ^(Ф.И.О.)
_______________________________________________________________________________________ни
^{(хўжалик номи)‎}
наслчилик хўжалиги тоифасига ўтказиш учун:
наслчилик хўжалиги ҳисоб-китобини ва ҳужжатларини юритиш;
наслчилик хўжалиги ресурсларининг яхшиланиши, сақланиши, такрор кўпайтирилиши ва улардан оқилона фойдаланилишини таъминлаш;
ҳайвонлар маҳсулдорлиги ҳисоб-китобини юритиш, типи бўйича таснифлаш, келиб чиқишини генетик экспертиза қилиш (иммуногенетик назорат лабораторияси бўлмаган ҳудудларда уларнинг генетик келиб чиқишини (генотипини) таҳлил қилиш) ва ҳайвонларни маҳсулдорлиги ҳамда авлодининг сифати бўйича баҳолаш талабларини бажариш;
уруғ олиш учун фақат такрор кўпайтириладиган наслдор ҳайвонлардан фойдаланиш, уруғ ва эмбрионларни технологик ва ветеринария-санитария талабномаларида белгиланган шароитда тайёрлаш, идентификациялаш ва сақлаш;
наслли маҳсулотларнинг (материаллар) сифати кафолатланишига оид масалалар кўриб чиқилди ҳамда талабгорнинг наслчилик хўжалиги сифатида доимий фаолият олиб бориш имкониятлари таҳлил қилиниб:
__________________________________________________________________________________га
^{(юридик шахснинг номи ёки жисмоний шахснинг Ф.И.О.)}
_____________________________________________________________________________ бўйича
^{(наслдор ҳайвон тури)‎}
____________________________________________ мақомини бериш тавсия қилинди/қилинмади.
____________ ^{(наслчилик хўжалиги тоифаси)} ________________________ ^{(кераклисининг тагига чизилсин)}

Ҳудудий чорвачилик ва яйлов хўжалигини ривожлантириш бўлими бошлиғи	_______________	______________________
	^{(имзоси)}	^(Ф.И.О.)

Наслчилик бўлими мутахассиси	_______________	______________________
	^{(имзоси)}	^(Ф.И.О.)
		».

16. Вазирлар Маҳкамасининг 2023 йил 21 декабрдаги 674-сон қарори билан тасдиқланган Ўрмон фонди ер участкаларини электрон онлайн-аукцион орқали ижарага беришнинг маъмурий регламентининг 34-банди қуйидаги таҳрирда баён этилсин:

«34. Электрон онлайн — аукцион савдолари орқали ижара ҳуқуқини сотишдан тушадиган маблағлар ижара ҳуқуқи давлат рўйхатидан ўтказилганидан кейин операторнинг икки фоиз хизмат ҳақи чегирилган ҳолда қуйидаги тартибда тақсимланади:

Вазирлар Маҳкамасининг «Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида» 2014 йил 10 июлдаги 186-сон қарорига мувофиқ кадастр паспортини тайёрлаш, кадастр ҳужжатларини расмийлаштириш, мулк ҳуқуқини давлат рўйхатидан ўтказиш бўйича давлат хизматларини кўрсатганлик учун 5 фоиз — Давлат кадастрлари палатасининг тегишли ҳудудий бошқармасига;

10 фоизи — Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятига;

10 фоизи — ижрочининг ҳисобварағига;

5 фоизи — «Ўрмон хўжалигини рақамлаштириш маркази» ДМга;

қолган маблағлар — ўрмон фонди ерларидан доимий фойдаланувчи ўрмон хўжалиги ташкилотлари ҳамда Экология жамғармасига тенг улушларда».

17. Вазирлар Маҳкамасининг 2024 йил 6 мартдаги 115-сон қарори билан тасдиқланган Кимёлаштириш ва ўсимликларни ҳимоя қилиш воситаларини синовдан ўтказиш ҳамда рўйхатга олиш тартиби тўғрисидаги низомнинг 9-банди «автоматлаштирилган ахборот тизими (кейинги ўринларда — АТТ)» сўзларидан кейин «ёки Ягона интерактив давлат хизматлари портали (кейинги ўринларда — ЯИДХП) ёхуд «Рақамли қишлоқ хўжалиги» ягона интеграцион платформаси» сўзлари билан тўлдирилсин.

18. Вазирлар Маҳкамасининг 2024 йил 29 мартдаги 169-сон қарори билан тасдиқланган Жисмоний ва юридик шахсларга хулосалар бериш бўйича давлат хизматларини кўрсатишнинг ягона маъмурий регламентига 13 ва 17-иловалар қуйидаги мазмундаги изоҳ қисми билан тўлдирилсин:

«Изоҳ. 1. Ариза берувчилар ушбу паспортни олиш учун «Рақамли қишлоқ хўжалиги» ягона интеграцион платформаси (кейинги ўринларда — Агропортал) орқали мурожаат қилиши мумкин.

2. Агропортал орқали давлат хизматларидан фойдаланишда ушбу Регламентнинг ЯИДХП орқали давлат хизматлари кўрсатиш қоидалари қўлланилади (ушбу Регламентнинг 10-банди «б» кичик банди бундан мустасно).

3. Агропортал орқали мурожаат этилганда ундирилган йиғимлар қуйидаги тартибда тақсимланади:

қолган маблағлар — Ўзбекистон Республикаси Давлат бюджетига ўтказилади».

19. Вазирлар Маҳкамасининг «Ер участкаларидан рухсат этилган фойдаланиш турлари ва капитал қурилиш объектларининг ягона классификаторини амалга киритиш чора-тадбирлари тўғрисида» 2024 йил 30 сентябрдаги 614-сон қарорида:

а) 2-иловада:

12-банд қуйидаги таҳрирда баён этилсин:

«12. Туман (шаҳар) ҳокимлиги рўйхатлар олинган кундан эътиборан беш иш куни ичида «E-ijara» АТда ер участкаларидан рухсат этилган фойдаланишнинг асосий турлари ҳамда капитал қурилиш объектларининг фойдаланиш мақсадларини белгилайди.

Бунда Ягона классификаторга мувофиқ кўрсатилган капитал қурилиш объектларининг фойдаланиш мақсадлари ва ер участкаларидан рухсат этилган фойдаланишнинг асосий турларини тегишли рўйхати илова қилинади»;

13-банддаги «туман (шаҳар) ҳокимининг қарорини» сўзлари «маълумотларни «E-ijara» АТ орқали» сўзлари билан алмаштирилсин;

илованинг IV босқич «Тадбирлар» устунидаги «E-qaror» тизимида» сўзлари «Е-ijara» АТда» сўзлари билан алмаштирилсин;

б) 3-иловада:

6-бандда:

биринчи хатбоши «Ўзбекистон Республикаси Ягона интерактив давлат хизматлари портали (кейинги ўринларда — ЯИДХП)да» сўзларидан кейин «ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

иккинчи хатбоши «ЯИДХП» қисқартмасидан кейин «ёки Агропортал» сўзлари билан тўлдирилсин;

8-банднинг иккинчи хатбошиси «ЯИДХПда» қисқартмасидан кейин «ёки Агропортал» сўзлари билан тўлдирилсин;

9-банд қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

11,75 фоизи — (шундан 0,5 фоизи — «Агробиллинг» ахборот тизими орқали давлат хизматлари кўрсатилганда) Ўзбекистон Республикаси Қишлоқ хўжалиги вазирлигининг «Агросаноатни рақамлаштириш маркази» масъулияти чекланган жамиятининг шахсий ҳисобварағига;

қолган маблағларнинг:

50 фоизи — Кадастр агентлиги Давлат кадастрлари палатасининг ҳудудий бошқармалари шахсий ҳисобварақларига;

50 фоизи — қишлоқ хўжалигига мўлжалланмаган ерлар бўйича — Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар қурилиш ва уй-жой коммунал хўжалиги бош бошқармалари ҳамда Тошкент шаҳар Қурилиш бош бошқармасининг шахсий ҳисобварақларига, қишлоқ хўжалигига мўлжалланган ерлар бўйича — «Ўздаверлойиҳа» ДИЛИнинг шахсий ҳисобварақларига ўтказилади»;

18-банднинг учинчи хатбошиси «ЯИДХПга» қисқартмасидан кейин «ёхуд Агропорталга» сўзлари билан тўлдирилсин;

1-иловада:

1-босқич «Тадбирлар» устуни «ЯИДХП» қисқартмасидан кейин «ёки Агропорталда» сўзлари билан тўлдирилсин;

2-босқич «Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

7-босқич «Тадбирлар» устунининг 2-банди «ЯИДХПга» қисқартмасидан кейин «ёхуд Агропорталга» сўзлари билан тўлдирилсин;

8-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «, Агропортал» сўзи билан тўлдирилсин;

в) 4-иловада:

5-бандда:

иккинчи хатбоши «ЯИДХП» қисқартмасидан кейин «ёки Агропортал» сўзлари билан тўлдирилсин;

8-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

9-банд қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

қолган маблағларнинг:

50 фоизи — Кадастр агентлиги Давлат кадастрлари палатасининг ҳудудий бошқармалари шахсий ҳисобварақларига;

12-банднинг иккинчи хатбошиси, 14-банднинг тўртинчи хатбошиси, 18-банднинг биринчи хатбошиси, 20-банднинг тўртинчи хатбошиси ва 21-банднинг учинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

1-иловада:

1-босқич «Тадбирлар» устуни «ЯИДХП» қисқартмасидан кейин «ёки Агропорталда» сўзлари билан тўлдирилсин;

2-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин;

6-босқич «Тадбирлар» устуни учинчи хатбоши «ЯИДХП» қисқартмасидан кейин «ёхуд Агропортал» сўзлари билан тўлдирилсин;

7-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин;

г) 4¹-иловада:

7-банд «Ўзбекистон Республикаси Ягона интерактив давлат хизматлари портали (кейинги ўринларда — ЯИДХП)да» сўзларидан кейин «ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

10-банд «ЯИДХП» қисқартмасидан кейин «ёки Агропортал» сўзлари билан тўлдирилсин;

11-банднинг олтинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

12-банд қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

қолган маблағларнинг:

30 фоизи — Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигини ривожлантириш ва озиқ-овқат таъминоти жамғармасига;

70 фоизи — «Ўздаверлойиҳа» давлат илмий-лойиҳалаш институтининг шахсий ҳисобварағига»;

23-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

1-иловада:

1-босқич «Тадбирлар» устуни «Ўзбекистон Республикаси Ягона интерактив давлат хизматлари портали (кейинги ўринларда — ЯИДХП)да» сўзларидан кейин «ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

2-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин;

7-босқич «Тадбирлар» устунининг 1-банди «ЯИДХП» қисқартмасидан кейин «ёхуд Агропортал» сўзлари билан тўлдирилсин;

д) 5-иловада:

5-бандда:

биринчи хатбоши «Ягона интерактив давлат хизматлари порталида (кейинги ўринларда — ЯИДХП)» сўзларидан кейин «ёки «Рақамли қишлоқ хўжалиги» ягона интеграцион платформасида (кейинги ўринларда — Агропортал)» сўзлари билан тўлдирилсин;

иккинчи хатбоши «ЯИДХП» қисқартмасидан кейин «ёки Агропортал» сўзлари билан тўлдирилсин;

8-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

9-банд қуйидаги мазмундаги «в» кичик банд билан тўлдирилсин:

«в) Агропортал орқали мурожаат этилганда:

қолган маблағларнинг:

50 фоизи — Кадастр агентлиги Давлат кадастрлари палатасининг ҳудудий бошқармалари шахсий ҳисобварақларига;

12-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

14 ва 18-бандларнинг тўртинчи хатбошилари, 20-банднинг иккинчи хатбошиси, 27 ва 30-бандларнинг биринчи хатбошилари, 32-банднинг иккинчи хатбошиси, 33-банднинг учинчи хатбошиси ва 34-банднинг иккинчи хатбошиси «ЯИДХП» қисқартмасидан кейин «ёки Агропортал» сўзлари билан тўлдирилсин;

1-иловада:

1-босқич «Тадбирлар» устуни «ЯИДХП» қисқартмасидан кейин «ёхуд Агропорталда» сўзлари билан тўлдирилсин;

2-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин;

7-босқич «Тадбирлар» устунининг 2-банди «ЯИДХП» қисқартмасидан кейин «ёхуд Агропортал» сўзлари билан тўлдирилсин;

13-босқич «Тадбирлар» устунининг 2-банди «ЯИДХП» қисқартмасидан кейин «ёхуд Агропортал» сўзлари билан тўлдирилсин;

14-босқич «Тадбирлар» устунининг 2-банди «ЯИДХП» қисқартмасидан кейин «ёхуд Агропорталга» сўзлари билан тўлдирилсин;

15-босқичда:

«Субъектлар» устуни «ЯИДХП» қисқартмасидан кейин «ёхуд Агропортал» сўзлари билан тўлдирилсин;

«Муддатлар» устуни «ЯИДХП» қисқартмасидан кейин «ёки Агропортал» сўзлари билан тўлдирилсин.

20. Вазирлар Маҳкамасининг «Қорақалпоғистон Республикасида кунжут ва мош экинларини етиштириш тизимини такомиллаштириш тўғрисида» 2025 йил 27 майдаги 331-сон қарорида:

1-банднинг «в» кичик банди иккинчи хатбошидаги «Агроплатформа» ахборот тизими» сўзлари «Рақамли қишлоқ хўжалиги» ягона интеграцион платформаси (кейинги ўринларда — Агропортал)» сўзлари билан алмаштирилсин;

2-банднинг учинчи хатбошисидаги «CropAgro» ахборот тизимида» сўзлари «Агропорталда» сўзи билан алмаштирилсин;

3-банднинг иккинчи хатбошисидаги «Агроплатформа» ахборот тизими» сўзлари «Агропортал» сўзи билан алмаштирилсин.

21. Вазирлар Маҳкамасининг «Қишлоқ хўжалигига мўлжалланган ерлардан фойдаланиш бўйича давлат хизматларини кўрсатиш тизимини янада такомиллаштириш тўғрисида» 2025 йил 18 сентябрдаги 594-сон қарорига 4¹-илованинг 12-бандида:

«а» кичик бандда:

олтинчи хатбошидаги «5 фоизи» сўзлари «11,25 фоизи» сўзлари билан алмаштирилсин;

еттинчи хатбошидаги «70 фоизи» сўзлари «63,75 фоизи» сўзлари билан алмаштирилсин;

«б» кичик бандда:

олтинчи хатбошидаги «5 фоизи» сўзлари «11,25 фоизи» сўзлари билан алмаштирилсин;

еттинчи хатбошидаги «70 фоизи» сўзлари «63,75 фоизи» сўзлари билан алмаштирилсин.

(Қонунчилик маълумотлари миллий базаси, 15.07.2026 й., 09/26/381/0734-сон)