Oʻzbekiston Respublikasi Budjet kodeksi, Oʻzbekiston Respublikasining 2025-yil 25-dekabrdagi OʻRQ-1107-son “Budjet jarayoni takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni, Oʻzbekiston Respublikasi Prezidentining 2022-yil 17-maydagi PF-136-son “Tibbiyot muassasalari xodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida”gi Farmoni va 2005-yil 1-dekabrdagi PQ-229-son “Tibbiyot xodimlari mehnatiga haq toʻlash tizimini takomillashtirish toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2018-yil 18-dekabrdagi 157-son buyrugʻi (roʻyxat raqami 3124, 2019-yil 18-yanvar) (Qonun hujjatlari maʼlumotlari milliy bazasi, 19.01.2019-y., 10/19/3124/2524-son) bilan tasdiqlangan Oʻzbekiston Respublikasi budjet hisobining standarti (3-sonli BHS) “Budjet hisoboti”ga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 98-bandning uchinchi xatboshisi quyidagi tahrirda bayon etilsin:

“a) tibbiyot tashkilotiga ajratiladigan budjet mablagʻlari umumiy hajmining 5 foizi (Oʻzbekiston Respublikasi Prezidentining farmonlari va qarorlarida belgilangan alohida tibbiyot tashkilotlarida 10 foizi) miqdorida budjetdan ajratiladigan mablagʻlar” qatorida tibbiyot tashkiloti uchun budjetdan ajratiladigan umumiy mablagʻlarning (xarajatlar smetasida nazarda tutilgan jami mablagʻlarning) 5 foizi (Oʻzbekiston Respublikasi Prezidentining farmon va qarorlarida belgilangan alohida tibbiyot tashkilotlarida 10 foizi) tibbiyot tashkilotining mazkur jamgʻarmasiga oʻtkazilgan summalari koʻrsatiladi.”.

2. 170-bandning ikkinchi va uchinchi xatboshilari quyidagi tahrirda bayon etilsin:

“Davlat budjeti ijrosining borishi toʻgʻrisidagi choraklik hisobotni hisobot davridan keyingi ikkinchi oyning 10-sanasiga qadar;

Davlat budjetining ijrosi toʻgʻrisidagi yillik hisobotni hisobot yilidan keyingi yilning 1-martigacha taqdim etadi.”.

3. 1-ilovaning 82-qatoridan keyin quyidagi mazmundagi qator bilan toʻldirilsin:

4. 6-ilovaning matnidagi “5 foizigacha” degan soʻzlar “5 foizi (Oʻzbekiston Respublikasi Prezidentining farmonlari va qarorlarida belgilangan alohida tibbiyot tashkilotlarida 10 foizi)” degan soʻzlar bilan almashtirilsin.

5. 9-ilovaning 140-qatoridan keyin quyidagi mazmundagi qator bilan toʻldirilsin:

6. 13-ilovaning 144-qatoridan keyin quyidagi mazmundagi qator bilan toʻldirilsin: