2634-9-сон 24.01.2026. Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомга ўзгартиришлар ва қўшимча киритиш ҳақида

Ўзбекистон Республикаси иқтисодиёт ва молия вазирининг

буйруғи

Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомга ўзгартиришлар ва қўшимча киритиш ҳақида

[Ўзбекистон Республикаси Адлия вазирлиги томонидан 2026 йил 24 январда рўйхатдан ўтказилди, рўйхат рақами 2634-9]

Ўзбекистон Республикасининг Бюджет кодекси ва Ўзбекистон Республикасининг 2025 йил 25 декабрдаги ЎРҚ-1107-сон «Бюджет жараёни такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонунига мувофиқ буюраман:

1. Ўзбекистон Республикаси молия вазирининг 2014 йил 14 ноябрдаги 74-сон буйруғи (рўйхат рақами 2634, 2014 йил 15 декабрь) (Ўзбекистон Республикаси қонун ҳужжатлари тўплами, 2014 й., 51-сон, 612-модда) билан тасдиқланган Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомга иловага мувофиқ ўзгартиришлар ва қўшимча киритилсин.

2. Мазкур буйруқ расмий эълон қилинган кундан эътиборан кучга киради.

Вазир Д. КУЧКАРОВ

Тошкент ш.,

2026 йил 12 январь,

318-сон

Ўзбекистон Республикаси иқтисодиёт ва молия вазирининг 2026 йил 12 январдаги 318-сон буйруғига
ИЛОВА

Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомга киритилаётган ўзгартиришлар ва қўшимча

1. Муқаддимадан «вақтинчалик харажатлар сметаларини,» деган сўзлар чиқариб ташлансин.

2. 1¹-банднинг тўртинчи хатбошиси ва 4-банднинг иккинчи хатбошиси чиқариб ташлансин.

3. 5-банднинг иккинчи хатбошиси қуйидаги таҳрирда баён этилсин:

«барча ташкилотлар (мавсумий ёки молия йили мобайнида янгидан тузилаётган ташкилотлардан ташқари) бўйича — мазкур сметалар тузилаётган жорий молия йилининг 1-декабрида амалда бўлган шартларда;».

4. 7-банд қуйидаги таҳрирда баён этилсин:

«7. Харажатлар сметаси, даромадлар ва харажатлар сметаси, жамланма харажатлар сметаси, жамланма даромадлар ва харажатлар сметаси, шунингдек штат жадваллари ва жамланма штат жадваллари сўмда тузилади.

Ўзбекистон Республикасининг хориждаги ҳар бир дипломатик ваколатхонаси ва консуллик муассасаси ҳамда вазирлик ва идораларнинг ваколатхоналари бўйича харажатлар сметалари Ўзбекистон Республикасининг хориждаги дипломатик ваколатхоналари ва консуллик муассасалари ҳамда вазирлик ва идоралар ваколатхоналарининг Ўзбекистон Республикаси Иқтисодиёт ва молия вазирлиги билан келишилган йиллик жамланма харажатлар сметалари асосида хорижий ва миллий валютада тузилади.».

5. 7¹-банднинг биринчи ва иккинчи хатбошиларидан ҳамда 7³-банддан «вақтинчалик харажатлар сметалари,» ва «, жамланма вақтинчалик харажатлар сметалари» деган сўзлар чиқариб ташлансин.

6. 7²-банднинг йигирманчи хатбошисидаги «Тошкент шаҳар ҳокимликларининг Иқтисодиёт ва молия бош бошқармалари, туманлар ва шаҳарлар ҳокимликларининг иқтисодиёт ва молия бўлимлари» деган сўзлар «Тошкент шаҳар иқтисодиёт ва молия бош бошқармалари, туманлар ва шаҳарлар иқтисодиёт ва молия бўлимлари» деган сўзлар билан алмаштирилсин.

7. 8-банднинг иккинчи хатбошиси қуйидаги таҳрирда баён этилсин:

«Ўзбекистон Республикаси Ташқи ишлар вазирлиги ҳамда вазирлик ва идораларнинг ҳар бир дипломатик муассасалари ва ваколатхоналари бўйича харажатлар сметаси хорижий ва миллий валюталарда ҳар бир дипломатик муассаса ва ваколатхоналар бўйича алоҳида мазкур Низомнинг 1а-иловасига мувофиқ шаклда тузилади.».

8. 9-банднинг бешинчи хатбошисидаги «жорий» деган сўз «келгуси» деган сўз билан алмаштирилсин.

9. 20-банднинг учинчи ва тўртинчи хатбошилари қуйидаги таҳрирда баён этилсин:

«Ўзбекистон Республикасининг хориждаги дипломатик ваколатхоналари ва консуллик муассасалари, вазирлик ва идоралар ваколатхоналарининг йиллик жамланма харажатлар сметаси Ўзбекистон Республикаси Ташқи ишлар вазирлиги ҳамда вазирлик ва идоралар томонидан Ўзбекистон Республикаси Иқтисодиёт ва молия вазирлиги билан келишилган ҳолда жорий йилнинг 20 декабрига қадар Ўзбекистон Республикаси ташқи ишлар вазирининг ҳамда вазирлик ва идоралар раҳбарининг ЭРИси билан тасдиқланади.

Дастурий мажмуага уланмаган Ўзбекистон Республикасининг хориждаги дипломатик ваколатхоналари ва консуллик муассасалари, вазирлик ва идоралар ваколатхоналарининг харажатлар сметаси Ўзбекистон Республикаси ташқи ишлар вазири ҳамда вазирлик ва идоралар раҳбари томонидан тасдиқланади, тасдиқланган куни кўрсатилган ҳолда уларнинг имзолари ҳамда мазкур сметанинг барча нусхалари ташкилот муҳри изини акс эттириш билан расмийлаштирилади.».

10. 22-банд қуйидаги таҳрирда баён этилсин:

«22. Харажатлар сметаларини тасдиқлаш жорий молия йилининг 20 декабридан кечиктирмай амалга оширилади. Бунда, бюджет маблағларини тақсимловчи бўйсунувидаги бюджет ташкилотлари ва бюджет маблағлари олувчилар харажатлар сметасини бюджет маблағларини тақсимловчи томонидан белгиланган муддатларда, бироқ жорий молия йилининг 20 декабридан кечиктирмай тасдиқлайди.».

11. 24-банднинг иккинчи хатбошиси қуйидаги таҳрирда баён этилсин:

«қонунчилик ҳужжатларига мувофиқ шакллантириладиган Бюджет ташкилотлари ходимларини моддий рағбатлантириш махсус фонди (тиббиёт муассасалари, барча типдаги умумтаълим мактаблари ва ўрта махсус, касбий таълим ташкилотлари бундан мустасно);».

12. 25-банднинг биринчи хатбошиси қуйидаги таҳрирда баён этилсин:

«25. Бюджет ташкилотининг штат жадвалини ва марказлаштирилган молия-бухгалтерия хизматининг жамланма штат жадвалини тасдиқлаш жорий молия йилининг 20 декабридан кечиктирмай амалга оширилади. Бюджет маблағларини тақсимловчи бўйсунувидаги бюджет ташкилотлари штат жадвалларини бюджет маблағларини тақсимловчи томонидан белгиланган, бироқ жорий молия йилининг 20 декабридан кечиктирмай тасдиқлайди.».

13. 3-боб ўз кучини йўқотган деб топилсин.

14. 30-банднинг бешинчи хатбошиси қуйидаги таҳрирда баён этилсин:

«бюджет ташкилотларига ундириладиган ота-оналар тўловлари ҳисобидан шакллантириладиган бюджетдан ташқари маблағлар, шу жумладан ўқувчилар ва тарбияланувчилар давлат мактабгача таълим ташкилотларида, умумтаълим мактабларининг куни узайтирилган гуруҳларида, мактаб-интернатларда, олимпия ва паралимпия спорт турларига тайёрлаш марказлари ва бошқа таълим ташкилотларида тарбияланаётганлиги учун, ўқувчилар болалар мусиқа ва санъат мактаблари ҳамда қўшимча таълим ташкилотларида таълим олганлиги учун, олий, ўрта махсус ва касбий таълим ташкилотларида таълим олганлик учун, стационар даволаш-профилактика муассасаларида даволанаётганлар таркиби овқатланиши учун ҳамда қонунчилик ҳужжатларига мувофиқ бошқа турдаги тўловлар;».

15. 35-банднинг олтинчи ва еттинчи хатбошилари қуйидаги таҳрирда баён этилсин:

«Бюджет ташкилотлари ходимларини моддий рағбатлантириш махсус фондининг тўғри ташкил қилинганлигини;

Умумтаълим, ўрта-махсус, касбий таълим ташкилотларининг директор жамғармасининг тўғри ташкил қилинганлигини;».

16. 39-банддаги «молия йилининг 1 апрелига» деган сўзлар «жорий молия йилининг 25 декабрига» деган сўзлар билан алмаштирилсин.

17. 51-банд қуйидаги таҳрирда баён этилсин:

«51. Харажатлар сметаси, даромадлар ва харажатлар сметаси, штат жадваллари, шунингдек жамланма харажатлар сметаси, жамланма даромадлар ва харажатлар сметаси ва жамланма штат жадвалларини рўйхатдан ўтказиш:

бюджет маблағларини тақсимловчиларнинг жамланма харажатлар сметаси, жамланма даромадлар ва харажатлар сметаси ва жамланма штат жадваллари — Ўзбекистон Республикаси Иқтисодиёт ва молия вазирлиги томонидан (бунда бўйсунувида бюджет ташкилотлари ҳамда бюджет маблағлари олувчилари бўлмаган бюджет маблағларини тақсимловчилар бўйича харажатлар сметаси, даромадлар ва харажатлар сметаси ҳамда штат жадваллари рўйхатдан ўтказилади);

Қорақалпоғистон Республикасининг республика бюджетидан, вилоятларнинг вилоят бюджетларидан ва Тошкент шаҳрининг шаҳар бюджетидан молиялаштириладиган бюджет ташкилотлари ҳамда бюджет маблағлари олувчилар харажатлар сметаси, даромадлар ва харажатлар сметаси, штат жадваллари — Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари томонидан;

шаҳар ва туман бюджетларидан молиялаштириладиган бюджет ташкилотлари, марказлаштирилган молия-бухгалтерия хизматлари ҳамда бюджет маблағлари олувчиларнинг (жамланма) харажатлар сметаси, даромадлар ва харажатлар сметаси, штат жадваллари — тегишли туманлар ва шаҳарлар иқтисодиёт ва молия бўлимлари томонидан амалга оширилади.

Бунда, Қорақалпоғистон Республикасининг Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бошқармалари касбий таълим ташкилотларининг харажатлар сметаси ва штат жадвалларини, улар учун Ўзбекистон Республикаси республика бюджети шахсий ғазна ҳисобварақларини очиб, рўйхатдан ўтказади ва Қорақалпоғистон Республикаси, вилоятлар ва Тошкент шаҳри бўйича касбий таълим ташкилотларининг жамланма харажатлар сметаси ва жамланма штат жадвалларини Ўзбекистон Республикаси Иқтисодиёт ва молия вазирлигига белгиланган муддатларда рўйхатдан ўтказиш учун тақдим этади.».

18. 52-банд «дипломатик муассасаларини» деган сўзлардан сўнг «ҳамда вазирлик ва идоралар ваколатхоналарини» деган сўзлар билан тўлдирилсин.

19. 6-бобнинг 2-параграфи номидан «, вақтинчалик харажатлар сметаси» деган сўзлар чиқариб ташлансин.

20. 69-бандда:

биринчи хатбошидан «, вақтинчалик харажатлар сметаси» деган сўзлар чиқариб ташлансин;

учинчи ва тўртинчи хатбошилардан «ҳокимликларининг» деган сўзлар чиқариб ташлансин.

21. 70-банднинг биринчи хатбошисидаги «ўн» деган сўз «уч» деган сўз билан алмаштирилсин.

22. 75-бандда:

иккинчи хатбоши қуйидаги таҳрирда баён этилсин:

«Ўзбекистон Республикасининг республика бюджетидан молиялаштириладиган бюджет ташкилотлари ва бюджет маблағлари олувчилар, Ўзбекистон Республикасининг хориждаги дипломатик ваколатхонаси ва консуллик муассасаси ҳамда вазирлик ва идораларнинг ваколатхоналари, шунингдек, иккинчи даражали бюджет маблағлари тақсимловчилар бўйича биринчи даражали бюджет маблағларини тақсимловчи томонидан. Бунда, бюджет маблағларини тақсимловчилар томонидан тасарруфидаги тизим ташкилотларига бюджетдан ажратиладиган маблағлари доирасида фақат гуруҳлар бўйича ўзгартиришлар киритилиши мумкин;»;

тўртинчи ва бешинчи хатбошилардан «ҳокимликларининг» деган сўзлар чиқариб ташлансин.

23. 83-банднинг биринчи хатбошисидаги «канализация» деган сўз «оқова сувларни чиқариб юбориш» деган сўзлар билан алмаштирилсин.

24. 86-банд қуйидаги таҳрирда баён этилсин:

«86. Ҳар йили иқтисодиёт ва молия органлари келгуси молия йилининг биринчи чорагида барча бюджет ташкилотлари ва бюджет маблағлари олувчиларнинг харажатлар сметаси (даромадлар ва харажатлар сметаси), бюджет маблағларини тақсимловчининг ва марказлаштирилган молия-бухгалтерия хизматларининг жамланма харажатлар сметаси тузилиши, тасдиқланишининг тўғрилигини ва ўз вақтида етказилишини текширишдан ўтказиши, ҳудудий иқтисодиёт ва молия органлари томонидан мазкур ишларнинг ўз вақтида ва сифатли олиб борилганлигини тизимли назорат қилиши, текширувларни ташкиллаштиришда ва ўтказишда уларга зарур ёрдамни кўрсатиши лозим.».

25. 1 ва 8-иловалардан «_______ га бажарилди (ҳақиқий харажат)» устуни чиқариб ташлансин.

26. 1а-илова мазкур ўзгартиришлар ва қўшимчанинг иловасига мувофиқ таҳрирда баён этилсин.

27. 4, 4а ва 14а-иловалар ўз кучини йўқотган деб топилсин.

«Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомга
1а-ИЛОВА

«ТАСДИҚЛАЙМАН»

Бюджет маблағларини тақсимловчи раҳбари

_____________________

^(имзо)

М.Ў.

20 ___ й. «___» __________

________________________________ миқдорида тасдиқланган

^{(сумма ёзув ва рақам билан)}

Жумладан иш ҳақи _______________________________________

^{(сумма ёзув ва рақам билан)}

______ йил учун харажатлар

СМЕТАСИ

_______________________________________________________

^{(дипломатик муассаса, консуллик идора, ваколатхона номи)}

Моддалар номи

Тоифа

Модда ва кичик модда

Элемент

___ йил

_________________ йил

киритилган ўзгартиришлар билан тасдиқланган

ташкилот томонидан ҳисобланган

тасдиқланган

ҳаммаси

шу жумладан, чораклар бўйича

I чорак бўйича жами

жумладан, ойлар бўйича

II чорак бўйича жами

жумладан, ойлар бўйича

III чорак бўйича жами

жумладан, ойлар бўйича

IV чорак бўйича жами

жумладан, ойлар бўйича

январь

февраль

март

апрель

май

июнь

июль

август

сентябрь

октябрь

ноябрь

декабрь

I гуруҳ харажатлари — иш ҳақи ва унга тенглаштирилган тўловлар

I гуруҳ харажатлари бўйича жами

II гуруҳ харажатлари — иш берувчининг ажратмалари

II гуруҳ харажатлари бўйича жами

IV гуруҳ харажатлари — бошқа харажатлар

IV гуруҳ харажатлари бўйича жами

Жами:

Харажатлар қопланади:

Консуллик тушумлари ҳамда қолдиқ маблағлар ҳисобидан

Республика бюджети ҳисобидан

Вазирлик ва идора раҳбари ўринбосари

Вазирлик ва идоранинг молия-иқтисод бошқармаси бошлиғи

_________

^(имзо)

Вазирлик ва идоранинг бош ҳисобчиси

_________

^(имзо)

* Авиачипталарни сотиб олиш учун Ўзбекистон Республикаси Марказий банки томонидан харид кунида белгиланган курс бўйича миллий валютада ажратиладиган маблағлар.

** Мазкур шакл бўйича жамланма харажатлар сметаси («Бошқа харажатлар» бўйича IV гуруҳ харажатлари ёйилмаси илова қилинган ҳолда) Ўзбекистон Республикаси Иқтисодиёт ва молия вазирлиги билан келишилган ҳолда тасдиқланади..

Харажатлар сметасига
ИЛОВА

«Бошқа харажатлар» бўйича IV гуруҳ харажатлари

ЁЙИЛМАСИ

Моддалар номи

Тоифа

Модда ва кичик модда

Элемент

_________________ йил

тасдиқланган

ҳаммаси

шу жумладан, чораклар бўйича

I чорак бўйича жами

жумладан, ойлар бўйича

II чорак бўйича жами

жумладан, ойлар бўйича

III чорак бўйича жами

жумладан, ойлар бўйича

IV чорак бўйича жами

жумладан, ойлар бўйича

январь

февраль

март

апрель

май

июнь

июль

август

сентябрь

октябрь

ноябрь

декабрь

IV гуруҳ харажатлари — бошқа харажатлар

Бошқа харажатлар — жами жумладан:

....

Вазирлик ва идора раҳбари ўринбосари

Вазирлик ва идоранинг молия-иқтисод бошқармаси бошлиғи

_________

^(имзо)

Вазирлик ва идоранинг бош ҳисобчиси

_________

^(имзо)

(Қонунчилик маълумотлари миллий базаси, 26.01.2026 й., 10/26/2634-9/0074-сон)