Ўзбекистон Республикасининг «Бухгалтерия ҳисоби тўғрисида»ги Қонунига мувофиқ буюраман:

1. Ўзбекистон Республикаси иқтисодиёт ва молия вазирининг 2024 йил 14 июндаги 133-сон буйруғи (рўйхат рақами 3546, 2024 йил 9 август) (Қонунчилик маълумотлари миллий базаси, 12.08.2024 й., 10/24/3546/0602-сон) билан тасдиқланган Ўзбекистон Республикаси бухгалтерия ҳисобининг миллий стандарти (5-сонли БҲМС) «Асосий воситалар»га иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

1. 2-банддаги «мулк, хўжалик юритиш ёки оператив бошқарув ҳуқуқлари» деган сўзлар «мулк ҳуқуқи ва оператив бошқариш ҳуқуқи» деган сўзлар билан алмаштирилсин.

2. 9-банддаги «Мулк ҳуқуқи, хўжалик юритиш ёки оператив бошқарув ҳуқуқи» деган сўзлар «Мулк ҳуқуқи ва оператив бошқариш ҳуқуқи» деган сўзлар билан алмаштирилсин.

3. 10-банднинг ўн иккинчи хатбошисидаги «хўжалик юритиш ёки оператив бошқарув ҳуқуқини» деган сўзлар «оператив бошқариш ҳуқуқини» деган сўзлар билан алмаштирилсин.

4. 57-банднинг иккинчи хатбошиси қуйидаги таҳрирда баён этилсин:

«оператив бошқариш ҳуқуқи билан тегишли бўлган асосий воситаларни қонунчилик ҳужжатлари ёки таъсис ҳужжатларига мувофиқ мулкдорнинг қарорига асосан;».