toggle_night_mode
Ўзбекистон Республикаси Президентининг
қарори
Мактабгача ва мактаб таълими ташкилотлари ходимларини узлуксиз касбий ривожлантириш тизимини такомиллаштириш бўйича қўшимча чора-тадбирлар тўғрисида
Мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантириш тизими самарадорлигини таъминлаш, уларнинг касбий билим, кўникма ва маҳоратини мунтазам ошириб бориш, Президент мактабларида тўпланган илғор тажрибаларни умумий ўрта таълим муассасаларига кенг татбиқ этиш мақсадида:
1. Мактабгача ва мактаб таълими вазирлигининг:
Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институти негизида А. Авлоний номидаги педагогик маҳорат миллий институтини (кейинги ўринларда — Институт) ҳамда Қорақалпоғистон Республикаси ва вилоятлардаги педагогларни янги методикаларга ўргатиш миллий марказлари негизида Қорақалпоғистон Республикаси ва вилоятлар педагогик маҳорат марказларини (кейинги ўринларда — Ҳудудий марказлар) ташкил этиш;
Тошкент шаҳар педагогларни янги методикаларга ўргатиш миллий маркази ҳамда Низомий номидаги Тошкент давлат педагогика университети тасарруфидаги Республика педагогик таълим ресурс маркази фаолиятини уларни Институтга қўшиш орқали тугатиш;
мактабгача ва мактаб таълими тизимидаги таълим ташкилотларининг халқаро тадқиқотларда муносиб иштирокини таъминлаш учун Институт тузилмасида унинг умумий штат бирликлари доирасида юридик шахс мақомига эга бўлмаган Халқаро тадқиқотлар марказини ташкил этиш тўғрисидаги таклифлари маъқуллансин.
2. Қуйидагилар:
А. Авлоний номидаги педагогик маҳорат миллий институтининг асосий вазифалари 1-иловага мувофиқ;
Мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантириш тизимини такомиллаштириш бўйича чора-тадбирлар дастури 2-иловага мувофиқ;
2030 йилгача мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантириш бўйича эришиладиган мақсадли кўрсаткичлар 3-иловага мувофиқ тасдиқлансин.
3. Белгилансинки, 2024/2025 ўқув йилидан бошлаб мактабгача ва мактаб таълими ташкилотлари раҳбар, педагог ва мутахассис кадрларини (кейинги ўринларда — ходимлар) қайта тайёрлаш ва малакасини оширишнинг яхлит тизими жорий қилинади. Бунда:
Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институти (кейинги ўринларда — Мактабгача таълим институти) Мактабгача ва мактаб таълими вазирлиги бўйсунувига ўтказилади;
Ҳудудий марказларнинг мактабгача таълим ташкилотлари ходимларини қайта тайёрлаш ва уларнинг малакасини ошириш фаолияти Мактабгача таълим институти томонидан мувофиқлаштирилади;
мактабгача ва мактаб таълими ташкилотлари ходимларини қайта тайёрлаш ва уларнинг малакасини ошириш бўйича мавжуд қувватларни кенгайтириш учун 4-иловадаги 11 та педагогика коллежи бино ва иншоотлари, тегишли мол-мулки билан бирга Ҳудудий марказлар тасарруфига ўтказилади;
Ҳудудий марказлар тасарруфига ўтказиладиган педагогика коллежлари фаолияти уларда таълим олаётган ўқувчилар ўқишини тамомлаши муддатларига мос равишда босқичма-босқич тугатилади ва уларнинг бино ва иншоотларидан мактабгача ва мактаб таълими ташкилотлари ходимларини қайта тайёрлаш ва уларнинг малакасини ошириш мақсадларида фойдаланилади;
мактабгача таълим ташкилотларининг педагог ва мутахассис кадрларини узлуксиз касбий ривожлантириш бўйича «Виртуал касбий ривожлантириш» электрон дастури жорий этилади.
4. 2025 йил 1 январдан бошлаб мактабгача ва мактаб таълими ташкилотлари ходимларини касбий ривожлантиришнинг қуйидаги тартиби жорий этилсинки, унга мувофиқ:
а) мактабгача ва мактаб таълими ташкилотлари ходимларини касбий эҳтиёжлари ва малака тоифасидан келиб чиқиб табақалашган таълим дастурлари асосида узлуксиз касбий ривожлантиришнинг вертикал тизими (вазирлик — малака ошириш муассасаси — таълим ташкилоти) йўлга қўйилади;
б) мактабгача ва мактаб таълими ташкилотларининг ходимлари учун беш йилда бир маротаба ишдан ажралган ҳолда ўтказиладиган малака ошириш курслари жорий қилинади. Бунда:
раҳбар кадрлар учун малака ошириш курслари менежерлик ўқув курслари учун жорий этилган тартиб асосида, педагог ва мутахассис кадрлар учун — вариатив (ихтиёрий танлов) ва инвариант (мажбурий) модуллардан иборат бўлган ҳамда уларда замонавий компетенцияларни шакллантиришга йўналтирилган таълим дастурлари бўйича ташкил этилади;
малака ошириш курсларида таълим олаётган тингловчилар билимини баҳолаш жараёнларининг педагог кадрларга малака тоифасини бериш ва уларни касбий сертификатлаш тизимлари билан узвийлиги таъминланади;
малака ошириш курслари оралиғида ходимларнинг ўзаро тажриба алмашиш ва ўзини ўзи мустақил ривожлантиришга асосланган узлуксиз касбий ривожлантириш шакллари ташкил этилади;
в) малака ошириш тизими натижаларини баҳолашнинг янги тартиби жорий этилади ва унинг доирасида мактабгача ва мактаб таълими ташкилотлари ходимларининг фаолият самарадорлигини оширишга алоҳида эътибор қаратилади;
г) Президент мактабларида ўқувчиларни ўқитиш, касб-ҳунарга йўналтириш, уларда танқидий фикрлаш, ахборотни излаш ва таҳлил қилиш кўникмаларини шакллантириш, олинган билимларни амалиётда қўллаш бўйича тўпланган илғор тажрибалар узлуксиз касбий ривожлантириш тизими орқали умумий ўрта таълим муассасаларига кенг татбиқ этилади.
5. Белгилаб қўйилсинки, 2025 йил 1 январдан бошлаб педагог ва мутахассис кадрлар касбий ривожланишининг узлуксизлигини таъминлаш мақсадида барча умумий ўрта таълим муассасаларида малака оширишнинг «Касбий ривожланиш соати», таянч умумий ўрта таълим муассасаларида эса, шунингдек, «Касбий ривожланиш куни» каби шакллари босқичма-босқич жорий этилади. Бунда:
«Касбий ривожланиш соати» ва «Касбий ривожланиш куни» тадбирларини ташкил этиш учун ҳар бир туман (шаҳар)да юқори малакали ўқитувчилар орасидан фанлар кесимида ментор-ўқитувчилар таркиби шакллантирилади;
«Касбий ривожланиш соати» доирасида фан методика бирлашмалари ва ментор-ўқитувчилар томонидан ўқитувчиларнинг дарслари таҳлил қилинади, уларга методик ёрдам кўрсатилади, касбий ривожланиши бўйича тавсиялар берилади;
«Касбий ривожланиш куни» доирасида ҳар битта фан бўйича таянч умумий ўрта таълим муассасалари танланади ва ушбу муассасаларда ўқитувчилар учун касбий ривожлантириш бўйича ўқув машғулотлари ўтказилади;
Институт ва Ҳудудий марказларда ментор-ўқитувчилар учун алоҳида тайёрлов курслари ташкил этилади;
ментор-ўқитувчи сифатида фаолият юритаётган фан ўқитувчиларига асосий иш жойи бўлган умумий ўрта таълим муассасаси директор жамғармаси ҳисобидан лавозим маошининг 20 фоизи миқдорида қўшимча ҳар ойлик устама ҳақ тўланади.
Мактабгача ва мактаб таълими вазирлиги (Х. Умарова) икки ой муддатда «Касбий ривожланиш соати» ва «Касбий ривожланиш куни» тадбирларини ўтказиш тартибини тасдиқласин.
6. Белгилансинки, 2024 йил 1 июлдан бошлаб мактабгача ва мактаб таълими ташкилотлари ходимларининг хорижда малака ошириш курсларида ўқиганлиги ёки стажировкадан ўтганлиги ҳақидаги ҳужжатлари (диплом, сертификат, гувоҳнома ва бошқалар) миллий узлуксиз касбий ривожлантириш тизимида малака оширганлик тўғрисидаги ҳужжат сифатида тан олинади.
Бунда хориждаги малака ошириш курслари ва стажировкаларга қўйиладиган талаблар Мактабгача ва мактаб таълими вазирлиги томонидан тасдиқланади.
7. Мактабгача ва мактаб таълими вазирлиги (Х. Умарова) 2025 йил 1 январга қадар Институт ва Ҳудудий марказларга камида бир нафардан нуфузли хорижий олий таълим ташкилотларини битирган чет эллик мутахассисларни, шунингдек, ушбу муассасаларнинг методик хизмат кўрсатиш бўлимлари методисти лавозимига юқори малакали ва тажрибали кадрларни жалб қилсин.
Белгилансинки:
Институт ва Ҳудудий марказларнинг методик хизмат кўрсатиш бўлимлари методистларининг базавий тариф ставкаси миқдори олий таълим муассасаси илмий даража ёки илмий унвонга эга бўлган катта ўқитувчисининг базавий тариф ставкасига тенглаштирилади;
Институт ва Ҳудудий марказларнинг мазкур қарорга мувофиқ жалб қилинадиган чет эллик мутахассисларига Президент мактабларининг хорижий мутахассисларига нисбатан жорий этилган меҳнатга ҳақ тўлаш шартлари татбиқ этилади;
Институт ва Ҳудудий марказларга чет эллик мутахассисларни жалб қилиш ва уларнинг меҳнатига ҳақ тўлаш билан боғлиқ харажатларни Иқтидорли ёшларни қўллаб-қувватлаш жамғармаси ҳамда Мактабгача ва мактаб таълими вазири жамғармаси маблағлари ҳисобидан қоплашга рухсат этилади.
8. Институт ва Ҳудудий марказларга ўқув машғулотларини олиб бориш учун бакалавр даражасига эга бўлган, касбий фаолиятида юқори натижаларга эришган ҳамда тегишли халқаро ёки миллий сертификатларни қўлга киритган мутахассисларни ишга қабул қилишга рухсат этилсин. Бунда:
Институт ва Ҳудудий марказларнинг бакалавр даражасига эга бўлган мутахассисларига нисбатан олий таълим муассасаларининг илмий унвонга ёки илмий даражага эга бўлмаган ассистент ўқитувчилари учун белгиланган лавозим маоши қўлланади;
бакалавр даражасига эга бўлган мутахассисларга қўйиладиган талаблар Мактабгача ва мактаб таълими вазирлиги томонидан белгиланади.
9. 2024 — 2027 йилларда Қорақалпоғистон Республикаси ва вилоятлар педагогик маҳорат марказларининг моддий-техника базасини босқичма-босқич мустаҳкамлаш бўйича асосий параметрлар 5-иловага мувофиқ тасдиқлансин.
10. Белгилаб қўйилсинки:
Ҳудудий марказларда амалга ошириладиган қурилиш-таъмирлаш ишлари бўйича лойиҳа-смета ҳужжатларини ишлаб чиқиш учун талаб этиладиган маблағлар Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурида (кейинги ўринларда — Дастур) лойиҳа-қидирув ишлари учун кўзда тутилган маблағлар ҳисобидан ажратилади;
2024 йилда Ҳудудий марказларда қурилиш-таъмирлаш ишларини амалга ошириш учун талаб этиладиган 50 миллиард сўм миқдоридаги маблағлар Дастур доирасида ажратилади, 2025 йилдан бошлаб эса, Дастурни шакллантиришда белгиланган тартибда инобатга олинади;
Ҳудудий марказларда амалга ошириладиган қурилиш-таъмирлаш ишлари бўйича буюртмачи этиб — Қурилиш ва уй-жой коммунал хўжалиги вазирлиги ҳузуридаги «Инфратузилмани ривожлантириш» инжиниринг компанияси, жиҳозлаш ишлари бўйича — Мактабгача ва мактаб таълими вазирлиги ҳузуридаги «Таъминот ва логистика хизмати» давлат унитар корхонаси белгиланади.
11. Мактабгача ва мактаб таълими вазирлиги тизимидаги соғломлаштириш оромгоҳлари 6-иловага мувофиқ Мактабгача ва мактаб таълими вазирлиги тизими ходимлари, илғор педагоглар ҳамда иқтидорли ўқувчилар учун мўлжалланган дам олиш масканлари сифатида қайта ташкил этилсин.
Мактабгача ва мактаб таълими вазирлиги (Х. Умарова) Адлия вазирлиги (А. Ташкулов) ҳамда Кадастр агентлиги (Ф. Пулатов) билан биргаликда икки ой муддатда ушбу дам олиш масканлари уставларини рўйхатдан ўтказиш ҳамда тегишли кадастр ҳужжатларини расмийлаштириш чораларини кўрсин.
12. Белгилансинки, мазкур қарор ижросини таъминлаш билан боғлиқ харажатларни молиялаштириш 2024 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратилган маблағлар доирасида амалга оширилади, 2025 йилдан бошлаб эса Давлат бюджети параметрларида назарда тутилади.
13. Ўзбекистон Республикаси Президентининг айрим қарорларига 7-иловага мувофиқ ўзгартириш ва қўшимчалар киритилсин.
14. Мактабгача ва мактаб таълими вазирлиги (Х. Умарова) уч ой муддатда:
мактабгача ва мактаб таълими ташкилотлари ходимларини узлуксиз касбий ривожлантиришни ташкил этишга оид Ҳукумат қарори лойиҳасини ишлаб чиқсин ва белгиланган тартибда Вазирлар Маҳкамасига киритсин;
Институт ва Ҳудудий марказларга профессионал, малакали ва замонавий талабларга жавоб берадиган маъмурий-бошқарув ва педагог ходимлар, шу жумладан, хорижий мутахассисларни танлов асосида қабул қилиш тартибини жорий этсин;
манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахмонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 21 июнь,
ПҚ-231-сон
Ўзбекистон Республикаси Президентининг 2024 йил 21 июндаги ПҚ-231-сон қарорига
1-ИЛОВА
А. Авлоний номидаги педагогик маҳорат миллий институтининг асосий вазифалари
1) Президент мактабларида ўқувчиларни ўқитиш, касб-ҳунарга йўналтириш, уларда танқидий фикрлаш, ахборотни излаш ва таҳлил қилиш кўникмаларини шакллантириш, олинган билимларни амалиётда қўллаш бўйича тўпланган илғор тажрибаларни узлуксиз касбий ривожлантириш тизими орқали умумий ўрта таълим муассасаларига кенг татбиқ этиш;
2) раҳбар, педагог ва мутахассис кадрларни узлуксиз касбий ривожлантириш тизими самарадорлигини таъминлаш, уларнинг касбий билим, кўникма ва маҳоратини мунтазам ошириб бориш, малака ошириш ва қайта тайёрлашнинг анъанавий, муқобил, дуал ва мустақил шаклларини амалиётга кенг жорий этиш;
3) малака ошириш ва қайта тайёрлаш курсларининг ўқув режа ва дастурларини ишлаб чиқиш ҳамда уларни замон талаблари ва хорижий илғор тажрибалар асосида такомиллаштириб бориш;
4) келажак мактаби, унинг раҳбари ва ўқитувчисининг моделини яратиш асосида умумий ўрта таълим муассасалари ходимларининг касбий стандартларини ишлаб чиқиш ва доимий тарзда ривожлантириб бориш, ўқув-методик фаолиятнинг таълим жараёни билан алоқаларини мустаҳкамлаш;
5) давлат ва нодавлат таълим ташкилотлари учун узлуксиз касбий ривожлантириш курсларининг намунавий ўқув режа ва дастурларини ишлаб чиқиш ва доимий янгилаб бориш;
6) умумий ўрта таълим соҳасидаги илғор хорижий тажрибаларни ўрганиш ва мамлакатимизда жорий этиш бўйича тавсиялар ишлаб чиқиш, хорижий етакчи таълим ташкилотлари билан халқаро алоқаларни ривожлантириш;
7) умумий ўрта таълимнинг долзарб муаммолари юзасидан турли дастур ва лойиҳаларни амалга ошириш, илмий-услубий конференция ва семинарлар ташкил этиш;
8) докторантура йўналишлари ва магистратура мутахассисликлари бўйича юқори малакали кадрларни тайёрлаш, илмий ходимларнинг касбий билим даражасини доимий ошириб бориш;
9) «Узлуксиз касбий таълим» махсус электрон платформасини юритиш ва унинг фаолиятини такомиллаштириб бориш.
Ўзбекистон Республикаси Президентининг 2024 йил 21 июндаги ПҚ-231-сон қарорига
2-ИЛОВА
Мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантириш тизимини такомиллаштириш бўйича
чора-тадбирлар дастури
Олдинги таҳрирга қаранг.

Т/р

Чора-тадбирлар

Амалга ошириш механизми

Бажариш муддати

Молиялаштириш манбаи

Ижро учун масъуллар

I. Меъёрий-ҳуқуқий, ташкилий ва ўқув-методик базани такомиллаштириш

1.

Мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантиришни ташкил этиш тартибини ишлаб чиқиш.

1. «Мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантиришни ташкил этиш тартиби тўғрисида»ги Вазирлар Маҳкамаси қарори лойиҳасини ишлаб чиқиш.

Бунда қуйидагиларни инобатга олиш:

малака ошириш курсларини табақалаштирилган ўқув режа ва дастурлари асосида ташкил этиш;

малака ошириш курсларининг ўқув дастурларини педагог кадрларнинг касбий, шахсий ва жамоавий компетенцияларини ривожлантиришга йўналтириш;

малака ошириш курсларининг таълим мазмунига халқаро баҳолаш дастурлари (PISA, TIMSS, PIRLS) бўйича модулларни киритиш;

малака ошириш курслари натижадорлигини аниқлашга қаратилган баҳолаш тизимини жорий этиш;

малака ошириш тизимининг малака тоифаларини бериш ва касбий сертификатлаш тизимлари билан узвийлигини таъминлаш;

малака ошириш курсларида ўқув машғулотларини ўтказганлик учун меҳнатга соатбай ҳақ тўлаш шартларини қайта кўриб чиқиш.

2024 йил октябрь

-

Мактабгача ва мактаб таълими вазирлиги

(Х. Умарова),

Адлия вазирлиги

(А. Ташкулов),

«Таълим соҳасидаги лойиҳалар маркази» лойиҳа офиси

(А. Худайкулов),

Таълимни ривожлантириш республика илмий-методик маркази

(Ю. Рисюкова)

2.

Умумий ўрта таълим муассасалари ўқитувчиларининг «Касбий ривожланиш соати» ва «Касбий ривожланиш куни»ни ташкил этиш.

1. Умумий ўрта таълим муассасаларида «Касбий ривожланиш соати» ва «Касбий ривожланиш куни» тадбирларини ташкил этиш тартибни ишлаб чиқиш.

2. Таянч умумий ўрта таълим муассасалари рўйхатини шакллантириш.

3. Педагогларни касбий ривожлантиришнинг намунавий дастурини тасдиқлаш.

2024 йил декабрь

-

Мактабгача ва мактаб таълими вазирлиги

(Х. Умарова),

Таълимни ривожлантириш республика илмий-методик маркази

(Ю. Рисюкова)

3.

Мактабгача таълим ташкилотлари педагог кадрлари учун узлуксиз касбий ривожланиш тизимини ташкил этиш.

1. Мактабгача таълим ташкилотларида узлуксиз касбий ривожланиш тизимини жорий этиш тартибини ишлаб чиқиш.

2. Мактабгача таълим ташкилотлари педагог кадрлари учун узлуксиз касбий ривожланиш тизимини жорий этиш бўйича буйруқни тасдиқлаш.

3. Педагогларни узлуксиз касбий ривожлантиришнинг намунавий дастурини ишлаб чиқиш.

2025 йил январь

-

Мактабгача ва мактаб таълими вазирлиги

(Х. Умарова),

Мактабгача таълим агентлиги

(А. Шин)

4.

Педагог кадрларни қайта тайёрлаш ва уларнинг малакасини ошириш курслари ўқув режа ва дастурларини илғор хорижий тажрибалар асосида такомиллаштириш.

1. Педагог кадрларни қайта тайёрлаш ва уларнинг малакасини ошириш соҳасидаги хорижий тажрибаларни ўрганиш.

2024 йил ноябрь

-

Мактабгача ва мактаб таълими вазирлиги

(Х. Умарова),

«Таълим соҳасидаги лойиҳалар маркази» лойиҳа офиси

(А. Худайкулов),

Таълимни ривожлантириш республика илмий-методик маркази

(Ю. Рисюкова)

2. Педагог кадрларга касбий, жамоавий, индивидуал компетенциялар ва халқаро баҳолаш дастурларига (PISA, TIMSS, PIRLS) асосланган замонавий методикаларни ўқитишга қаратилган вариатив ва инвариант ўқув дастурларни жорий этиш.

2024 йил декабрь

5.

Педагогик маҳорат ва халқаро баҳолаш илмий-амалий маркази фаолиятини янада такомиллаштириш.

1. Педагогик маҳорат ва халқаро баҳолаш илмий-амалий марказига мактабгача ва мактаб таълими тизими педагог кадрларига малака тоифаларни бериш жараёнларини ташкил этиш, тест саволларини ишлаб чиқиш, бу борада халқаро экспертлар билан шартномалар тузиш, маҳаллий экспертлар учун семинар ва тренинглар ташкил этиш ва бошқа тегишли ишларни амалга ошириш бўйича қўшимча вазифалар белгилаш.

Доимий

-

Мактабгача ва мактаб таълими вазирлиги

(Х. Умарова),

Иқтисодиёт ва молия вазирлиги

(И. Норқулов)

2. Педагогик маҳорат ва халқаро баҳолаш илмий-амалий марказининг умумий бошқарув ходимларининг чекланган сонини А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар педагогик маҳорат марказлари методик хизмат кўрсатиш бўлимлари методистларининг штат бирликлари сонини мақбуллаштириш ҳисобига 36 нафардан 64 нафаргача етказиш.

2024 йил июль

3. Педагог кадрларни навбатдан ташқари аттестациядан ўтказиш бўйича давлат хизматини кўрсатганлиги учун ундириладиган йиғимлардан Мактабгача ва мактаб вазирлигига ўтказиладиган қисмнинг 50 фоизини Педагогик маҳорат ва халқаро баҳолаш илмий-амалий марказига йўналтириш.

2024 йил 1 августдан бошлаб

6.

А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар педагогик маҳорат марказларининг, Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институтининг тузилмасини тасдиқлаш.

1. Институт ва ҳудудий марказлар, Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институтининг тузилмасини тасдиқлаш ҳамда лавозимлар бўйича штатлар сонини белгилаш тўғрисидаги буйруқни қабул қилиш.

Бунда:

жами ходимларнинг умумий (техник, хизмат кўрсатувчи ва ўқув-ёрдамчи ходимлар ҳамда профессор-ўқитувчилардан ташқари) чекланган сонини 738 нафар этиб белгилаш, шундан маъмурий-бошқарув ва илмий ходимлар учун 458 нафар, методик хизмат кўрсатиш ва бошқа бўлим методистлари учун 280 нафар штат бирликларини назарда тутиш;

техник, хизмат кўрсатувчи ва ўқув-ёрдамчи ходимларни олий таълим муассасалари учун белгиланган намунавий штатлар ва меъёрлар асосида киритиш;

бошқарув ходимлар таркибида бош мутахассис ва етакчи мутахассис лавозимларини ҳам киритиш.

2024 йил август

-

Мактабгача ва мактаб таълими вазирлиги

(Х. Умарова)

II. Кадрлар салоҳиятини ошириш

7.

А. Авлоний номидаги педагогик маҳорат миллий институти ва ҳудудий педагогик маҳорат марказлари раҳбар ва педагог кадрларини хорижий олий таълим ташкилотларга мақсадли равишда малака оширишга юбориш.

1. Малака оширишга юбориладиган хорижий таълим муассасалари билан келишувга эришиш.

Ҳар йили 1 июнга қадар

Бюджетдан ташқари маблағлар

Мактабгача ва мактаб таълими вазирлиги

(Х. Умарова)

2. Хорижий таълим ташкилотларининг талабидан келиб чиқиб, мақсадли равишда малака оширишга юбориш учун раҳбар ва педагог кадрларни саралаш тартибини ишлаб чиқиш ва тасдиқлаш.

2024 йил сентябрь

3. Тасдиқланган тартиб асосида саралаш жараёнларини ўтказиш.

Ҳар йили октябрь ойида

4. Саралаб олинган раҳбар ва педагог кадрларни мақсадли малака ошириш курсларига юбориш.

Режа-жадвал асосида

8.

Қорақалпоғистон Республикаси ва вилоятлар педагогик маҳорат марказлари раҳбар ва профессор-ўқитувчиларининг малакасини ошириш тизимини йўлга қўйиш.

1. А. Авлоний номидаги педагогик маҳорат миллий институтида илғор хорижий ташкилотлардан тренерларни жалб қилган ҳолда малака ошириш курсларини ташкил этиш.

2025 йил январь

Бюджетдан ташқари маблағлар

Мактабгача ва мактаб таълими вазирлиги

(Х. Умарова)

2. Педагогик маҳорат марказлари раҳбар ва профессор-ўқитувчиларининг малакасини ошириш режа-жадвалини тузиш.

2025 йил март

9.

Мактабгача ва мактаб таълими тизими ходимларини қайта тайёрлаш ва уларнинг малакасини ошириш ташкилотлари маъмурий-бошқарув ва педагог кадрларининг сифат таркибини яхшилаш.

А. Авлоний номидаги педагогик маҳорат миллий институти, Қорақалпоғистон Республикаси ва вилоятлар педагогик маҳорат марказларининг маъмурий-бошқарув ва педагог ходимлари таркибини қайта кўриб чиқиш ва уларни малакали кадрлар билан тўлдириш.

2024 йил декабрь

-

Мактабгача ва мактаб таълими вазирлиги

(Х. Умарова),

Камбағалликни қисқартириш ва бандлик вазирлиги

(Б. Мусаев)

10.

А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар педагогик маҳорат марказларида ўқув машғулотларини олиб бориш учун бакалавр даражасига эга бўлган, касбий фаолиятида юқори натижаларга эришган ҳамда тегишли халқаро ва миллий сертификатларни қўлга киритган мутахассисларга қўйиладиган талабларни тасдиқлаш.

1. Институт ва Ҳудудий марказларда ўқув машғулотларини олиб бориш учун жалб этиладиган бакалавр даражасидаги мутахассисларга қўйиладиган талабларни ва уларни муайян муддатга ишга қабул қилиш тартибини ишлаб чиқиш.

2024 йил ноябрь

-

Мактабгача ва мактаб таълими вазирлиги

(Х. Умарова),

Камбағалликни қисқартириш ва бандлик вазирлиги

(Б. Мусаев),

Адлия вазирлиги

(А. Ташкулов)

2. Ишлаб чиқилган тартибни манфаатдор вазирликлар ва идоралар билан келишган ҳолда тасдиқлаш.

2024 йил декабрь

11.

Мактабгача ва мактаб таълими ташкилотлари ходимларининг хорижда малака ошириш курсларида ўқиганлиги ёки стажировкадан ўтганлиги ҳақидаги ҳужжатларини (диплом, сертификат, гувоҳнома ва бошқалар) малака оширганлик тўғрисидаги ҳужжат сифатида тан олиш тизимини жорий қилиш.

1. Хорижий таълим ташкилотларининг муқобил малака ошириш шакли сифатида тан олинадиган малака ошириш курслари ва стажировкалари рўйхатини шакллантириш ва тасдиқлаш.

2024 йил июль

-

Мактабгача ва мактаб таълими вазирлиги

(Х. Умарова)

2. Рўйхатни янгилаб бориш.

Ҳар йили 1 сентябрга қадар

III. Ахборот-коммуникация технологиялари инфратузилмасини ривожлантириш

12.

Мактабгача ва мактаб таълими вазирлигининг «Узлуксиз касбий таълим» махсус электрон платформасини такомиллаштириш.

1. «Узлуксиз касбий таълим» махсус электрон платформасини Электрон ҳукуматнинг ягона идентификация тизимига интеграция қилиш.

2. «Узлуксиз касбий таълим» махсус электрон платформасига малака оширишнинг барча таълим дастурларини масофадан ўрганиш имкониятларини берадиган қўшимча функция киритиш.

3. Малака оширишга оид контентлар яратиш ва «Узлуксиз касбий таълим» махсус электрон платформасига жойлаштириш.

2024 йил декабрь

Давлат бюджети ва бюджетдан ташқари маблағлар доирасида

Мактабгача ва мактаб таълими вазирлиги

(Х. Умарова)

13.

Мактабгача таълим ташкилотларининг педагог ва мутахассис кадрларини узлуксиз касбий ривожлантириш бўйича «Виртуал касбий ривожлантириш» электрон дастури жорий этиш.

1. «Виртуал касбий ривожлантириш» электрон дастури ишлаб чиқиш.

2. «Виртуал касбий ривожлантириш» электрон дастурини Электрон ҳукуматнинг ягона идентификация тизимига интеграция қилиш.

3. «Виртуал касбий ривожлантириш» электрон дастурига малака оширишнинг барча таълим дастурларини масофадан ўрганиш имкониятларини берадиган функция киритиш.

4. Малака оширишга оид контентлар яратиш ва «Виртуал касбий ривожлантириш» электрон дастурига жойлаштириш.

2024 йил декабрь

Давлат бюджети ва бюджетдан ташқари маблағлар доирасида

Мактабгача ва мактаб таълими вазирлиги

(Х. Умарова),

Мактабгача таълим агентлиги

(А. Шин)

IV. Илмий тадқиқот ишларини такомиллаштириш

14.

Педагог кадрларни касбий ривожлантириш соҳасида мавжуд илмий муаммоларни самарали таҳлил қилиш чораларини кўриш.

1. Педагог кадрларни касбий ривожлантириш соҳасидаги илмий муаммоларни аниқлаш бўйича етук олимлардан иборат ишчи гуруҳни шакллантириш.

2024 йил октябрь

Илмий фаолиятга оид дастурларни амалга ошириш учун Олий таълим, фан ва инновациялар вазирлиги томонидан ўтказиладиган танловлар натижалари бўйича ажратиладиган грантлар

Мактабгача ва мактаб таълими вазирлиги

(Х. Умарова),

Олий таълим, фан ва инновациялар вазирлиги

(К. Шарипов)

2. Ишчи гуруҳ томонидан педагог кадрларни касбий ривожлантиришнинг илмий муаммолари ва уларнинг ечими бўйича тадқиқот мавзулари рўйхатини шакллантириш.

2024 йил декабрь

3. Тадқиқот мавзулари бўйича илмий изланишлар олиб бориш.

Талаб асосида белгиланган муддатларда

15.

Институт ҳузурида «Таълимда менежмент», «Педагогика назарияси. Педагогик таълимотлар тарихи», «Таълим ва тарбия назарияси ва методикаси» ихтисосликлари бўйича ташкил этилган илмий кенгашлар фаолиятини такомиллаштириш.

1. Илмий кенгашлар таркибини қайта кўриб чиқиш.

2024 йил сентябрь

-

Мактабгача ва мактаб таълими вазирлиги

(Х. Умарова),

Олий аттестация комиссияси

(А. Юсупов)

2. Илмий кенгашларнинг янги таркибини Олий аттестация комиссиясида тасдиқлаш.

2024 йил сентябрь

3. Илмий кенгашлар фаолиятини самарали ташкил этиш.

Доимий

16.

Абдулла Авлоний номидаги педагогик маҳорат миллий институтининг 90 йиллигини кенг нишонлаш ишларини ташкил этиш.

1. А. Авлоний номидаги педагогик маҳорат миллий институтининг 90 йиллигига бағишланган халқаро илмий-амалий конференция ташкил этиш.

2024 йил ноябрь

А. Авлоний номидаги педагогик маҳорат миллий институтининг бюджетдан ташқари маблағлари

Мактабгача ва мактаб таълими вазирлиги

(Х. Умарова)

2. А. Авлоний номидаги педагогик маҳорат миллий институтининг тарихи ва бугунги кундаги фаолиятига бағишланган рисола нашр этиш.

2024 йил декабрь

V. Моддий-техник базани мустаҳкамлаш

17.

Қорақалпоғистон Республикаси ва вилоятлар педагогик маҳорат марказлари моддий-техник базасини мустаҳкамлаш.

1. Қорақалпоғистон Республикаси ва вилоятлар педагогик маҳорат марказларида қурилиш-таъмирлаш ишларини амалга ошириш бўйича техник талабларни ишлаб чиқиш.

2024 йил сентябрь

Давлат бюджети ва бюджетдан ташқари маблағлар доирасида

Мактабгача ва мактаб таълими вазирлиги

(Х. Умарова),

Қорақалпоғистон Республикаси Вазирлар Кенгаши, вилоятлар ҳокимликлари

2. Қорақалпоғистон Республикаси ва вилоятлар педагогик маҳорат марказларининг ўқув аудиторияларини зарур мебель жиҳозлари, ахборот-коммуникация техникалари ва STEAM лабораториялари билан таъминлаш меъёрларини ишлаб чиқиш.

2024 йил октябрь

3. Қорақалпоғистон Республикаси ва вилоятлар педагогик маҳорат марказларини зарур мебель жиҳозлари, ахборот-коммуникация техникалари ва STEAM лабораториялари билан жиҳозлаш.

2025 йил 1 январдан бошлаб

18.

Қорақалпоғистон Республикаси ва вилоятлар педагогик маҳорат марказларида ситуацион ўқув хона ва виртуал лабораторияларни ташкил этиш.

1. Ситуацион ўқув хона ва виртуал лабораторияларни жиҳозлаш меъёрларини ишлаб чиқиш ва тасдиқлаш.

2024 йил август

Давлат бюджети ва бюджетдан ташқари маблағлар доирасида

Мактабгача ва мактаб таълими вазирлиги

(Х. Умарова)

2. Ситуацион ўқув хона ва виртуал лабораторияларни ташкил этиш.

2025 йил 1 январдан бошлаб

19.

Мактабгача ва мактаб таълими вазирлиги тизими ходимлари, жумладан, педагог кадрлар ҳамда иқтидорли ўқувчилар учун дам олиш масканлари фаолиятини ташкил этиш.

Мактабгача ва мактаб таълими вазирлиги тизими ходимлари, жумладан, педагог кадрлар ҳамда иқтидорли ўқувчилар учун дам олиш масканлари фаолиятини ташкил этиш юзасидан норматив-ҳуқуқий ҳужжат лойиҳасини ишлаб чиқиш.

Бунда норматив-ҳуқуқий ҳужжат лойиҳасида:

дам олиш масканларига дам олувчиларни қабул қилиш тартибини;

дам олиш масканларининг намунавий штатлар жадвалини ишлаб чиқиш ва тасдиқлашни назарда тутиш.

2024 йил декабрь

-

Мактабгача ва мактаб таълими вазирлиги

(Х. Умарова),

Адлия вазирлиги

(А.Ташкулов),

Иқтисодиёт ва молия вазирлиги

(И. Норқулов)

20.

Мактабгача ва мактаб таълими ташкилотлари директори лавозимига номзодлар учун ташкил этилган ўқув курсларига тажрибали ва амалиётчи мутахассисларни профессор-ўқитувчи сифатида жалб этиш.

Профессор-ўқитувчилар меҳнатига ҳақ тўлаш учун назарда тутилган маблағлар доирасида ўқув машғулотларини ўтказишга тажрибали ва амалиётчи мутахассисларни заруратга қараб тўлиқ меҳнатга соатбай ҳақ тўлаш шартлари асосида жалб этиш.

2024 йил 1 июлдан бошлаб

Давлат бюджети ва бюджетдан ташқари маблағлар доирасида

Мактабгача ва мактаб таълими вазирлиги

(Х. Умарова)

21.

Мактабгача таълим ташкилотлари директорлари ҳамда директор лавозимига номзодларнинг билим ва кўникмаларини баҳолаш ҳамда баҳолаш натижаси бўйича уларга менежерлик сертификатини бериш тартибини ишлаб чиқиш.

Мактабгача таълим ташкилотлари директорлари ҳамда директор лавозимига номзодларнинг билим ва кўникмаларини баҳолаш ҳамда баҳолаш натижаси бўйича уларга менежерлик сертификатини бериш тартибини назарда тутувчи Вазирлар Маҳкамасининг қарори лойиҳасини ишлаб чиқиш.

Бунда ушбу сертификатга эга бўлган мактабгача таълим ташкилотлари директорларига ҳар ойлик 30 фоиз миқдорида устама ҳақ тўлашни назарда тутиш.

2024 йил сентябрь

-

Мактабгача ва мактаб таълими вазирлиги

(Х. Умарова),

Иқтисодиёт ва молия вазирлиги

(И. Норқулов),

Адлия вазирлиги

(А. Ташкулов)

(2-илова Ўзбекистон Республикаси Президентининг 2025 йил 28 апрелдаги ПФ-73-сонли Фармони таҳририда — Қонунчилик маълумотлари миллий базаси, 29.04.2025 й., 06/25/73/0389-сон)
Ўзбекистон Республикаси Президентининг 2024 йил 21 июндаги ПҚ-231-сон қарорига
3-ИЛОВА
2030 йилгача мактабгача ва мактаб таълими ташкилотлари раҳбар, педагог ва мутахассис кадрларини узлуксиз касбий ривожлантириш бўйича эришиладиган
мақсадли кўрсаткичлар

Т/р

Кўрсаткич номи

Ўлчов бирлиги

Йиллар кесимида

Масъул ижрочилар

2025 й.

2026 й.

2027 й.

2028 й.

2029 й.

2030 й.

I. Мактабгача таълим ташкилотлари раҳбар, педагог ва мутахассис кадрлари салоҳиятини ошириш

1.

Мактабгача таълим ташкилотларида олий маълумотга эга бўлган педагог кадрлар салмоғи

фоизда

(жами педагог кадрлар сонига нисбатан)

35

36

37

38

39

40

Мактабгача ва мактаб таълими вазирлиги

(Х. Умарова)

2.

Малака ошириш курсларига ҳар йили жалб этиладиган давлат ва нодавлат мактабгача таълим ташкилотлари раҳбар ва педагог кадрлари улуши

фоизда

(жами педагог кадрлар сонига нисбатан)

20

20

20

20

20

20

Мактабгача ва мактаб таълими вазирлиги

(Х. Умарова)

3.

Мактабгача таълим тизимининг бошқарув кадрлари захирасига олинган мутахассисларни менежерлик курсига жалб этиш салмоғи

фоизда

(жами захирадаги кадрлар сонига нисбатан)

10

20

30

50

75

100

Мактабгача ва мактаб таълими вазирлиги

(Х. Умарова)

4.

Мактабгача таълим ташкилотлари раҳбар ва педагог кадрлари учун қисқа муддатли ўқув курслари, маҳорат дарслари ва тренинг машғулотлари ўтказиш учун жалб этиладиган хорижий мутахассислар сони

нафар

10

14

16

16

16

16

Мактабгача ва мактаб таълими вазирлиги

(Х. Умарова)

5.

Менежерлик курсларида малакаси оширилган ва менежерлик сертификатларига эга бўлган мактабгача таълим ташкилотлари директорлари сони

нафар

500

1 000

1 500

2 000

3 000

4 000

Мактабгача ва мактаб таълими вазирлиги

(Х. Умарова)

II. Умумий ўрта таълим мактабларининг раҳбар, педагог ва мутахассис кадрлари салоҳиятини ошириш

6.

Менежерлик курсларида малакаси оширилган ва менежерлик сертификатига эга бўлган умумий ўрта таълим муассасалари директорлари сони

фоизда

(жами директорлар сонига нисбатан)

20

20

20

20

20

20

Мактабгача ва мактаб таълими вазирлиги

(Х. Умарова)

7.

Жаҳоннинг етакчи олий таълим ташкилотлари ва мактабларига стажировкага юбориладиган умумий ўрта таълим муассасалари директорлари сони

нафар

25

25

25

25

25

25

Мактабгача ва мактаб таълими вазирлиги

(Х. Умарова)

8.

Узлуксиз касбий ривожлантиришнинг муқобил шакллари орқали малакаси ошириладиган умумий ўрта таълим муассасалари педагог ходимларининг улуши

фоизда

(жами педагог кадрлар сонига нисбатан)

2

2

3

3

4

5

Мактабгача ва мактаб таълими вазирлиги

(Х. Умарова)

III. Педагогик маҳорат марказларини юқори малакали раҳбар, педагог ва мутахассис ходимлар билан таъминлаш

9.

Педагогик маҳорат марказларининг Давлат бошқарув академиясида мақсадли малака ошириш курсларига юбориладиган раҳбар ходимлари сони

нафар

5

10

15

20

24

26

Мактабгача ва мактаб таълими вазирлиги

(Х. Умарова)

10.

Педагогик маҳорат марказларига жалб этиладиган хорижий мутахассислар сони

нафар

14

28

42

–

–

–

Мактабгача ва мактаб таълими вазирлиги

(Х. Умарова)

11.

Педагогик маҳорат марказларининг узлуксиз касбий ривожлантиришнинг муқобил шакллари асосида малакаси ошириладиган методистлари салмоғи

фоизда

(жами методистлар сонига нисбатан)

30

35

40

45

50

60

Мактабгача ва мактаб таълими вазирлиги

(Х. Умарова)
Ўзбекистон Республикаси Президентининг 2024 йил 21 июндаги ПҚ-231-сон қарорига
4-ИЛОВА
Педагогик маҳорат марказлари балансига ўтказиладиган педагогика коллежларининг
РЎЙХАТИ

Т/р

Ҳудуд номи

Коллеж номи

Педагогик маҳорат марказлари

1.

Қорақалпоғистон Республикаси

Тўрткўл педагогика коллежи

Қорақалпоғистон Республикаси педагогик маҳорат маркази

2.

Андижон вилояти

Асака педагогика коллежи

Андижон вилояти педагогик маҳорат маркази

3.

Жиззах вилояти

Зомин педагогика коллежи

Жиззах вилояти педагогик маҳорат маркази

4.

Қашқадарё вилояти

Шаҳрисабз педагогика коллежи

Қашқадарё вилояти педагогик маҳорат маркази

5.

Наманган вилояти

Наманган педагогика коллежи

Наманган вилояти педагогик маҳорат маркази

6.

Самарқанд вилояти

Тойлоқ педагогика коллежи

Самарқанд вилояти педагогик маҳорат маркази

7.

Сирдарё вилояти

Янгиер педагогика коллежи

Сирдарё вилояти педагогик маҳорат маркази

8.

Сурхондарё вилояти

Ангор педагогика коллежи

Сурхондарё вилояти педагогик маҳорат маркази

9.

Фарғона вилояти

Марғилон педагогика коллежи

Фарғона вилояти педагогик маҳорат маркази

10.

Хоразм вилояти

Хива педагогика коллежи

Хоразм вилояти педагогик маҳорат маркази

11.

Тошкент вилояти

Ўрта Чирчиқ педагогика коллежи

Тошкент вилояти педагогик маҳорат маркази
Ўзбекистон Республикаси Президентининг 2024 йил 21 июндаги ПҚ-231-сон қарорига
5-ИЛОВА
2024 — 2027 йилларда Қорақалпоғистон Республикаси ва вилоятлар педагогик маҳорат марказлари моддий-техника базасини босқичма-босқич мустаҳкамлаш бўйича
асосий параметрлар

Т/р

Муассасалар номи

Янги бино қуриш ва мавжуд бинони реконструкция қилиш

Мавжуд бинони мукаммал таъмирлаш

Жиҳозлаш ишларининг дастлабки ҳисобий қиймати

(млрд сўм)

Молиялаштириш манбаси

жами қуввати

(ўрин)

шу жумладан:

дастлабки ҳисобий қиймати

(млрд сўм)

жами қуввати

(ўрин)

дастлабки ҳисобий қиймати

(млрд сўм)

Ижтимоий ва ишлаб чиқариш инфратузилмасини ривожлантириш дастури доирасида

Бюджет маблағлари доирасида

ўқув биноси қуриш

ошхона қуриш

ётоқхона қуриш

мавжуд биноларни реконструкция қилиш

2024 йил

650

650

250

200

0

40,0

1 275

4,0

11,0

50,0

5,0

1.

Тошкент вилояти педагогик маҳорат маркази

650

650

100

200

35,0

6,0

41,0

2.

Қашқадарё вилояти педагогик маҳорат маркази

150

5,0

2,5

5,0

2,5

3.

Сурхондарё вилояти педагогик маҳорат маркази

1 275

4,0

2,5

4,0

2,5

2025 йил

875

650

100

150

225

37,0

950

4,1

9,0

48,6

1,5

4.

Қорақалпоғистон Республикаси педагогик маҳорат маркази

950

4,1

1,5

4,1

1,5

5.

Андижон вилояти педагогик маҳорат маркази

425

200

225

15,0

4,0

19,0

6.

Навоий вилояти педагогик маҳорат маркази

450

450

100

150

22,0

3,5

25,5

2026 йил

450

0

0

0

450

15

2 290

17,5

6,7

35,5

3,7

7.

Бухоро вилояти педагогик маҳорат маркази

720

15,0

2,0

15,0

2,0

8.

Хоразм вилояти педагогик маҳорат маркази

450

450

15,0

3,0

18,0

9.

Самарқанд вилояти педагогик маҳорат маркази

1 570

2,5

1,7

2,5

1,7

2027 йил

950

950

200

300

0

55

845

8

10,8

72,0

1,8

10.

Наманган вилояти педагогик маҳорат маркази

650

650

100

200

35,0

6,0

41,0

11.

Сирдарё вилояти педагогик маҳорат маркази

300

300

100

100

20,0

3,0

23,0

12.

Фарғона вилояти педагогик маҳорат маркази

845

8,0

1,8

8,0

1,8

Республика бўйича

2 925

2250

550

650

675

147,0

5 360

33,6

37,5

206,1

12,0
Изоҳ: янги биноларни қуриш ва жиҳозлаш учун зарур бўладиган маблағларга ҳар йили ишлаб чиқиладиган лойиҳа-смета ҳужжатлари ва ҳақиқий талаблар асосида ҳисоб-китоб қилиш орқали аниқлик киритилади.
Ўзбекистон Республикаси Президентининг 2024 йил 21 июндаги ПҚ-231-сон қарорига
6-ИЛОВА
Мактабгача ва мактаб таълими вазирлиги тизими ходимлари, илғор педагоглар ҳамда иқтидорли ўқувчилар учун мўлжалланган дам олиш масканлари сифатида қайта ташкил этилаётган соғломлаштириш оромгоҳлари
РЎЙХАТИ

Т/р

Амалдаги номи

Ҳудуд номи

Манзили

Ер майдони

(га)

Ташкил этилаётган шакли

Ташкилот номи

Тасарруф этувчи ташкилот номи

Молиялаштириш манбаи

1.

Республика Меҳрибонлик уйи

Тошкент вилояти

Бўстонлиқ тумани, «Қизилсув» МФЙ

12 га

Республика дам олиш маскани

Мактабгача ва мактаб таълими вазирлиги

Республика бюджети

2.

«Лочин»

Жиззах вилояти

Зомин тумани, «Боғишамол» МФЙ

2,7 га

Жиззах вилояти дам олиш маскани

Жиззах вилояти мактабгача ва мактаб таълими бошқармаси

Маҳаллий бюджет

3.

«Гагарин»

Қашқадарё вилояти

Қамаши тумани, Якка арча қишлоғи

5,9 га

Қашқадарё вилояти дам олиш маскани

Қашқадарё вилояти мактабгача ва мактаб таълими бошқармаси

Маҳаллий бюджет

4.

«Қалдирғоч»

Самарқанд вилояти

Жомбой тумани, Оқтепа қишлоғи

4 га

Самарқанд вилояти 1-сон дам олиш маскани

Самарқанд вилояти мактабгача ва мактаб таълими бошқармаси

Маҳаллий бюджет

5.

«Хумор»

Самарқанд вилояти

Пахтачи тумани, Хумор қўрғони

1,8 га

Самарқанд вилояти 2-сон дам олиш маскани

Самарқанд вилояти мактабгача ва мактаб таълими бошқармаси

Маҳаллий бюджет

6.

«Ёшлик»

Самарқанд вилояти

Оқдарё тумани, «Учтепа» МФЙ

0,18 га

Самарқанд вилояти 3-сон дам олиш маскани

Самарқанд вилояти мактабгача ва мактаб таълими бошқармаси

Маҳаллий бюджет

7.

«Қўқон нафосат»

Фарғона вилояти

Фарғона вилояти, Қўқон шаҳри, Фурқат кўчаси 147-уй

1,1 га

Фарғона вилояти дам олиш маскани

Фарғона вилояти мактабгача ва мактаб таълими бошқармаси

Маҳаллий бюджет
Ўзбекистон Республикаси Президентининг 2024 йил 21 июндаги ПҚ-231-сон қарорига
7-ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2020 йил 6 ноябрдаги «Таълим-тарбия тизимини янада такомиллаштиришга оид қўшимча чора-тадбирлар тўғрисида»ги ПҚ-4884-сон қарорининг 6-банди биринчи хатбоши қуйидаги таҳрирда баён этилсин:
«Белгилансинки, Институт Мактабгача таълим ташкилотлари директор ва мутахассисларни қайта тайёрлаш ва уларнинг малакасини ошириш институти, Қорақалпоғистон Республикаси ва вилоятлар Педагогик маҳорат марказлари (кейинги ўринларда — ҳудудий марказлар) учун бош таълим муассасаси ҳисобланади ҳамда уларнинг ўқув, методик ва илмий фаолиятига раҳбарлик қилади».
2. Ўзбекистон Республикаси Президентининг 2021 йил 25 январдаги «Халқ таълими соҳасидаги илмий-тадқиқот фаолиятини қўллаб қувватлаш ҳамда узлуксиз касбий ривожлантириш тизимини жорий қилиш чора-тадбирлари тўғрисида»ги ПҚ-4963-сон қарорида:
а) номланиши ва муқаддимадаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
«а» кичик банднинг биринчи — учинчи хатбошиларидаги «халқ таълими» сўзлари «мактабгача ва мактаб таълими» сўзлари билан алмаштирилсин;
биринчи хатбоши қуйидаги таҳрирда баён этилсин:
«б) Мактабгача ва мактаб таълими вазирлиги (Х. Умарова) ҳамда Олий таълим, фан ва инновациялар вазирлиги (К. Шарипов) томонидан»;
иккинчи хатбошидаги «халқ таълими» сўзлари «мактабгача ва мактаб таълими» сўзлари билан алмаштирилсин;
биринчи хатбоши қуйидаги таҳрирда баён этилсин:
«в) Мактабгача ва мактаб таълими вазирлиги (Х. Умарова) томонидан»;
иккинчи ва учинчи хатбошилардаги «халқ таълими» сўзлари «мактабгача ва мактаб таълими» сўзлари билан алмаштирилсин;
«г» кичик банддаги «Таълим сифатини назорат қилиш давлат инспекцияси (У. Ташкенбаев), Халқ таълими вазирлиги (Ш. Шерматов) ҳамда Олий ва ўрта махсус таълим вазирлиги (А. Тошкулов)» сўзлари «Мактабгача ва мактаб таълими вазирлиги (Х. Умарова) ҳамда Олий, таълим, фан ва инновациялар вазирлиги (К. Шарипов)» сўзлари билан алмаштирилсин;
в) 3-банддаги «халқ таълими» сўзлари «мактабгача ва мактаб таълими» сўзлари билан алмаштирилсин;
иккинчи хатбоши қуйидаги таҳрирда баён этилсин:
«Мактабгача ва мактаб таълими вазирлигининг А. Авлоний номидаги педагогик маҳорат миллий институти (кейинги ўринларда — Институт), Қорақалпоғистон Республикаси ва вилоятлар Педагогик маҳорат марказлари, педагог кадрлар тайёрлайдиган олий таълим муассасалари ҳамда нодавлат таълим ташкилотлари томонидан мактабгача ва мактаб таълими ходимларининг малакасини ошириш билан боғлиқ харажатларни молиялаштириш учун зарур маблағлар Ўзбекистон Республикаси республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратилади»;
учинчи хатбошидаги «Халқ таълими вазирлиги томонидан халқ таълими» сўзлари «Мактабгача ва мактаб таълими вазирлиги томонидан мактабгача ва мактаб таълими» сўзлари билан алмаштирилсин;
биринчи хатбоши қуйидаги таҳрирда баён этилсин:
«6. Олий таълим, фан ва инновациялар вазирлиги (К. Шарипов) мактабгача ва мактаб таълими ходимлари малакасини ошириш курсларини ташкил этган олий таълим муассасаларига»;
иккинчи хатбошидаги «халқ таълими» сўзлари «мактабгача ва мактаб таълими» сўзлари билан алмаштирилсин;
тўртинчи хатбошидаги «Халқ таълими вазирлиги (Ш. Шерматов) Олий ва ўрта махсус таълим вазирлиги (А. Тошкулов)» ва «халқ таълими» сўзлари тегишинча «Мактабгача ва мактаб таълими вазирлиги (Х. Умарова) Олий таълим, фан ва инновациялар вазирлиги (К. Шарипов)» ва «мактабгача ва мактаб таълими» сўзлари билан алмаштирилсин;
биринчи хатбошидаги «Халқ таълими вазирлиги (Ш. Шерматов)» сўзлари «Мактабгача ва мактаб таълими вазирлиги (Х. Умарова)» сўзлари билан алмаштирилсин;
тўртинчи ва бешинчи хатбошилардаги «Халқ таълими вазирлигининг» сўзлари «Мактабгача ва мактаб таълими вазирлигининг» сўзлари билан алмаштирилсин;
ж) 8-банднинг иккинчи — тўртинчи хатбошиларидаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
з) 9-банднинг иккинчи, тўртинчи, еттинчи ва саккизинчи хатбошиларидаги «халқ таълими» сўзлари «мактабгача ва мактаб таълими» сўзлари билан алмаштирилсин;
учинчи хатбошидаги «халқ таълими» сўзлари «мактабгача ва мактаб таълими» сўзлари билан алмаштирилсин;
тўртинчи хатбоши қуйидаги таҳрирда баён этилсин:
«ҳудудий марказларининг раҳбарлари ва раҳбар ўринбосарлари мактабгача ва мактаб таълими вазири томонидан лавозимга тайинланади ва лавозимидан озод этилади»;
бешинчи хатбоши қуйидаги таҳрирда баён этилсин:
«2024 йил 1 июлдан бошлаб Институт ва ҳудудий марказлар раҳбарлари ва ўринбосарларига — олий таълим муассасасининг тегишинча ректори ва проректорлари учун, таркибий бўлинмалар бошлиқларига — олий таълим муассасаси факультет декани учун, бош мутахассисларига — олий таълим муассасаси катта ўқитувчиси учун, етакчи мутахассисларига — олий таълим муассасаси ассистент ўқитувчиси учун, профессор-ўқитувчилари, техник, хизмат кўрсатувчи ва ўқув-ёрдамчи ходимларига — олий таълим муассасаларининг тегишли лавозимлари учун ҳамда илмий ходимларига — Фанлар академияси тизимидаги илмий-тадқиқот институтларининг илмий ходимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади. Бунда бир нафар ўқитувчи ҳисобига тўғри келадиган тингловчилар сони нисбатининг чекланган нормативи 1:12 нисбатда белгиланади»;
қуйидаги мазмундаги олтинчи хатбоши билан тўлдирилсин:
«моддий рағбатлантириш махсус фондлари маблағлари ҳисобидан Институт ва ҳудудий марказларнинг маъмурий-бошқарув, методист ва педагогик ходимларини рағбатлантириш давлат бошқаруви органлари учун белгиланган шартларда амалга оширилади. Бунда моддий рағбатлантириш махсус фонди маблағлари ҳисобидан ҳудудий марказлар ходимларини рағбатлантириш Институт билан келишилган ҳолда амалга оширилади»;
к) 11-банднинг олтинчи хатбошисидаги «Халқ таълими вазирлиги ва Инновацион ривожланиш вазирлиги» сўзлари «Мактабгача ва мактаб таълими вазирлиги ва Олий таълим, фан ва инновациялар вазирлиги» сўзлари билан алмаштирилсин;
учинчи хатбошидаги «Инновацион ривожланиш вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;
тўртинчи хатбошидаги «Халқ таълими» сўзлари «Таълим» сўзи билан алмаштирилсин;
илова ҳамда I — V бўлимлар номидаги тегишли келишикдаги «Халқ таълими» сўзлари тегишли келишикдаги «Мактабгача ва мактаб таълими» сўзлари билан алмаштирилсин;
9-позицияда:
«Чора-тадбирлар номи» устунидаги «халқ таълими» сўзлари «мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Таълим сифатини назорат қилиш давлат инспекцияси (Ташкенбаев)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин;
12-позицияда:
«Чора-тадбирлар номи» устунидаги «Халқ таълими вазирлигининг А. Авлоний номидаги Педагогларни касбий ривожлантириш ва янги методикаларга ўргатиш миллий-тадқиқот институти» сўзлари «Мактабгача ва мактаб таълими вазирлигининг А. Авлоний номидаги педагогик маҳорат миллий институти» сўзлари билан алмаштирилсин;
«Масъул ижрочилар» устунидаги «Инновацион ривожланиш вазирлиги (Абдурахмонов), Халқ таълими вазирлиги (Шерматов)» сўзлари «Олий таълим, фан ва инновациялар вазирлиги (Шарипов), Мактабгача ва мактаб таълими вазирлиги (Умарова)» сўзлари билан алмаштирилсин;
13-позицияда:
«Чора-тадбирлар номи» устунидаги «халқ таълими» сўзлари «мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
14-позициянинг «Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
15-позицияда:
«Чора-тадбирлар номи» устунидаги «халқ таълими» сўзлари «мактабгача ва мактаб таълими» сўзлари билан алмаштирилсин;
«Молиялаштириш манбалари» устунидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
18-позицияда:
«Молиялаштириш манбалари» устунидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
19-позициянинг «Масъул ижрочилар» устунидаги «Халқ таълими вазирлиги (Шерматов)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин;
20-позицияда:
«Чора-тадбирлар номи» устунидаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Таълим сифатини назорат қилиш давлат инспекцияси (Ташкенбаев)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин;
21-позицияда:
«Чора-тадбирлар номи» устунидаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Коррупцияга қарши курашиш агентлиги (Бурханов), Ахборот технологиялари ва коммуникацияларини ривожлантириш вазирлиги (Содиқов)» сўзлари «Мактабгача ва мактаб таълими вазирлиги (Умарова), Коррупцияга қарши курашиш агентлиги (Бурханов), Рақамли технологиялар вазирлиги (Шерматов)» сўзлари билан алмаштирилсин;
22-позициянинг «Масъул ижрочилар» устунидаги «Халқ таълими вазирлиги (Шерматов)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин;
23-позицияда:
«Чора-тадбирлар номи» устунидаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Инновацион ривожланиш вазирлиги (Абдурахмонов), Халқ таълими вазирлиги (Шерматов)» сўзлари «Олий таълим, фан ва инновациялар вазирлиги (Шарипов), Мактабгача ва мактаб таълими вазирлиги (Умарова)» сўзлари билан алмаштирилсин;
н) 2-илова 2025 йил 1 январдан ўз кучини йўқотган деб ҳисоблансин;
номидаги «Халқ таълими вазирлигининг А. Авлоний номидаги Педагогларни касбий ривожлантириш ва янги методикаларга ўргатиш миллий-тадқиқот институти» сўзлари «А. Авлоний номидаги педагогик маҳорат миллий институти» сўзлари билан алмаштирилсин;
4-позицияда:
«Молиялаштириш манбалари» устунидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов), Фанлар академияси (Юлдашев), Олий ва ўрта махсус таълим вазирлиги (Тошкулов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов), Фанлар академияси (Юлдашев)» сўзлари билан алмаштирилсин;
7-позицияда:
«Устувор масалалар» устунидаги «Халқ таълими» сўзлари «Мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Олий ва ўрта махсус таълим вазирлиги (Тошкулов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
8-позицияда:
«Устувор масалалар» устунидаги «Халқ таълими вазирлигига» сўзлари «Мактабгача ва мактаб таълими вазирлигига» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Олий ва ўрта махсус таълим вазирлиги (Тошкулов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
11-позициянинг «Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов), Ташқи ишлар вазирлиги (Комилов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов), Ташқи ишлар вазирлиги (Саидов)» сўзлари билан алмаштирилсин;
13-позицияда:
«Устувор масалалар» устунининг учинчи хатбошисидаги «халқ таълими» сўзлари «мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов), Инновацион ривожланиш вазирлиги (Абдурахмонов)» сўзлари «Мактабгача ва мактаб таълими вазирлиги (Умарова), Олий таълим, фан ва инновациялар вазирлиги (Шарипов)» сўзлари билан алмаштирилсин;
14-позицияда:
«Устувор масалалар» устунидаги «халқ таълими» сўзлари «мактабгача ва мактаб таълими» сўзлари билан алмаштирилсин;
«Масъул ижрочилар» устунидаги «Халқ таълими вазирлиги (Шерматов)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин;
п) 5-илованинг номланишидаги «Халқ таълими вазирлигининг А. Авлоний номидаги Педагогларни касбий ривожлантириш ва янги методикаларга ўргатиш миллий-тадқиқот институти» сўзлари «А. Авлоний номидаги педагогик маҳорат миллий институти» сўзлари билан алмаштирилсин.
3. Ўзбекистон Республикаси Президентининг 2021 йил 19 майдаги «Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан янги босқичга олиб чиқиш чора-тадбирлари тўғрисида»ги ПҚ-5117-сон қарори 5-банди «а» кичик бандининг иккинчи хатбошиси «давлат олий таълим муассасалари ўқитувчиларининг харажатлари эса олий таълим муассасаларининг» сўзларидан кейин «, кадрларни қайта тайёрлаш ва уларнинг малакасини ошириш бўйича давлат таълим муассасалари ўқитувчиларининг харажатлари — кадрларни қайта тайёрлаш ва уларнинг малакасини ошириш бўйича давлат таълим муассасаларининг» сўзлари билан тўлдирилсин.
4. Ўзбекистон Республикаси Президентининг 2022 йил 21 июндаги «Низомий номидаги Тошкент давлат педагогика университети фаолиятини такомиллаштириш бўйича қўшимча чора-тадбирлар тўғрисида»ги ПҚ-290-сон қарорида:
а) 7-бандда «Халқ таълими вазирлиги ҳузуридаги А. Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институти (кейинги ўринларда — Миллий-тадқиқот институти)» сўзлари «Мактабгача ва мактаб таълими вазирлиги ҳузуридаги А. Авлоний номидаги педагогик маҳорат миллий институти (кейинги ўринларда — Институт)» сўзлари билан алмаштирилсин;
б) 9-банднинг биринчи, учинчи, тўртинчи ва олтинчи хатбошиларидаги тегишли келишикдаги «Миллий-тадқиқот институти» сўзлари тегишли келишикдаги «Институт» сўзи билан алмаштирилсин;
биринчи хатбошидаги «Халқ таълими вазирлиги» сўзлари «Мактабгача ва мактаб таълими вазирлиги» сўзлари билан алмаштирилсин;
тўртинчи хатбошидаги «Миллий-тадқиқот институти» сўзлари «Институт» сўзи билан, «Халқ таълими ходимларининг» сўзлари «Раҳбар кадрларнинг» сўзлари билан алмаштирилсин;
«б» ва «г» кичик бандлардаги «Миллий-тадқиқот институтининг» сўзлари «Институтнинг» сўзи билан алмаштирилсин;
г) 11-банднинг еттинчи хатбошиси қуйидаги таҳрирда баён этилсин:
«А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар Педагогик маҳорат марказлари методистларининг базавий тариф ставкаси миқдори олий таълим муассасаси илмий даража ёки илмий унвонга эга бўлган катта ўқитувчисининг базавий тариф ставкаси миқдорига тенглаштирилади».
5. Ўзбекистон Республикаси Президентининг 2022 йил 18 ноябрдаги «Болаларнинг дам олишларини тизимли ташкил этиш ва соғломлаштириш ишларини янада такомиллаштиришга доир қўшимча чора-тадбирлар тўғрисида»ги ПҚ-427-сон қарорига 2-илованинг 22-позицияси чиқариб ташлансин.
6. Ўзбекистон Республикаси Президентининг 2024 йил 19 февралдаги ПҚ-75-сон қарори билан тасдиқланган Давлат ва жамият қурилиши, суд-ҳуқуқ, иқтисодиёт ва ижтимоий соҳалардаги қонунларнинг ҳаволаки нормаларини амалга ошириш бўйича чора-тадбирлар режасининг 7-позицияси чиқариб ташлансин.
(Қонунчилик маълумотлари миллий базаси, 25.06.2024 й., 07/24/231/0445-сон; 29.04.2025 й., 06/25/73/0389-сон)