toggle_night_mode
Ҳужжат 19.06.2024 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
«Темир дафтар» орқали ижтимоий хизмат ва ёрдам кўрсатиш ҳамда «Саховат ва кўмак» жамғармаси маблағларини шакллантириш ва улардан фойдаланиш тартибини такомиллаштириш тўғрисида
1. Ўзбекистон Республикаси Президентининг «Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида» 2023 йил 21 декабрдаги ПФ-209-сон Фармонига мувофиқ 2024 йил 1 мартдан бошлаб:
жисмоний шахсларни «Темир дафтар», «Ёшлар дафтари» ва «Аёллар дафтари»га киритиш, шунингдек, ушбу дафтарлар ҳамда Аҳолини тадбиркорликка жалб қилиш жамғармаси, Бандликка кўмаклашиш давлат жамғармаси ҳамда Ҳунармандчилик ва касаначиликни қўллаб-қувватлаш жамғармаси орқали ижтимоий ёрдам кўрсатиш ва субсидиялар ажратиш «Маҳалла еттилиги»нинг коллегиал қарори асосида амалга оширилиши;
ҳар ойнинг 5-санасига қадар «Темир дафтар», «Ёшлар дафтари» ва «Аёллар дафтари» учун маблағларни тақсимловчи масъул ташкилотлар томонидан мазкур жамғармаларда шаклланган маблағлар уларга киритилган фуқаролар сонига мутаносиб равишда тегишлилиги бўйича ҳар бир маҳалла кесимида тақсимланиши;
Кейинги таҳрирга қаранг.
«Темир дафтар» Ўзбекистон Республикаси Президенти ҳузуридаги Ижтимоий ҳимоя миллий агентлиги ва унинг ҳудудий бўлинмалари томонидан юритилиши;
«Саховат ва кўмак» жамғармаси томонидан кўрсатиладиган ёрдамлар фуқароларнинг оғир ижтимоий аҳволга тушиб қолишининг олдини олиш ва шундай вазиятга тушганларни оғир вазиятдан чиқариш мақсадида ижтимоий ходим томонидан «Маҳалла еттилиги»га кўриб чиқиш учун киритилган ҳолда кўрсатилиши белгиланганлиги маълумот учун қабул қилинсин.
2. 2024 йил 25 июнга қадар Ўзбекистон «Маҳалла» хайрия жамоат фонди, унинг Қорақалпоғистон Республикаси, вилоятлар ва Тошкент шаҳар бўлимлари ҳамда туман ва шаҳарлар бўлинмалари ҳузуридаги «Саховат ва кўмак» жамғармаси туман (шаҳар) ҳокимликлари ҳузурига ўтказилсин.
Белгилансинки, амалдаги молиялаштириш манбаларини сақлаб қолган ҳолда, туман (шаҳар) ҳокимликлари ҳузуридаги «Саховат ва кўмак» жамғармаси маблағлари туман (шаҳар) ғазначилик бўлимларида алоҳида очилган шахсий ғазна ҳисобварақларида жамланади.
Кейинги таҳрирга қаранг.
Кейинги таҳрирга қаранг.
3. Ўзбекистон «Маҳалла» хайрия жамоат фонди, унинг Қорақалпоғистон Республикаси, вилоятлар ва Тошкент шаҳар бўлимлари икки ҳафта муддатда «Саховат ва кўмак» жамғармасининг махсус ҳисобварақларидаги қолдиқ маблағлар тегишлигича туман (шаҳар) ҳокимликларининг ғазначилик бўлимларида алоҳида очилган шахсий ғазна ҳисобварақларига ўтказилишини таъминласин.
Бунда Ўзбекистон «Маҳалла» хайрия жамоат фондининг Қорақалпоғистон Республикаси, вилоятлар ва Тошкент шаҳар бўлимлари ҳузуридаги «Саховат ва кўмак» жамғармасининг қолдиқ маблағлари туман (шаҳар) ҳокимликларининг алоҳида очилган шахсий ғазна ҳисобварақларига ушбу туман (шаҳар)да яшовчи «Ижтимоий ҳимоя ягона реестри»га киритилган оилаларнинг сонига мутаносиб равишда ўтказилади.
Кейинги таҳрирга қаранг.
4. Қуйидагилар:
Ижтимоий ҳимояга муҳтож шахслар ва оилаларга «Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисидаги низом 1-иловага мувофиқ;
Оғир ижтимоий аҳволга тушиб қолган оилаларни «Темир дафтар»га киритиш, ҳисобини юритиш ҳамда ундан чиқариш тартиби тўғрисидаги низом 2-иловага мувофиқ тасдиқлансин.
5. Ўзбекистон Республикаси Иқтисодиёт ва молия вазирлиги 2024 йил 1 июлдан бошлаб:
Ўзбекистон Республикаси Президентининг «Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида» 2020 йил 24 ноябрдаги ПФ-6118-сон Фармонининг 12-бандига мувофиқ келиб тушган маблағларнинг «Темир дафтар»га йўналтириладиган қисми Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган ягона махсус ҳисобварақда йиғилишини;
йиғилган маблағлар туман (шаҳар)лардаги аҳоли сони, «Ижтимоий ҳимоя ягона реестри»га киритилган оилалар ва ногиронлиги бўлган шахслар сони ҳамда «Темир дафтар»да рўйхатга олинган оилалар сонига мутаносиб равишда туман (шаҳар) «Саховат ва кўмак» жамғармасига автоматик равишда тақсимланишини таъминласин.
Бунда Ўзбекистон Республикаси Президенти ҳузуридаги Ижтимоий ҳимоя миллий агентлиги чорак бошланишидан 10 кун аввал ушбу бандда белгиланган кўрсаткичлардан келиб чиққан ҳолда, туман ва шаҳарларга тақсимланиши лозим бўлган маблағлар улушини фоиз кўринишида Иқтисодиёт ва молия вазирлигига тақдим этиб боради.
Кейинги таҳрирга қаранг.
6. Туман (шаҳар) ҳокимликлари ва «Маҳалла еттилиги»:
«Саховат ва кўмак» жамғармаси маблағлари ҳисобидан ёрдам кўрсатиш масаласи фақат «Инсон» ижтимоий хизматлар кўрсатиш марказларининг ижтимоий ходимлари томонидан кейс-менежмент асосида ўтказилган ўрганиш якуни бўйича шакллантирилган тавсиянома бўлган тақдирда кўриб чиқилишини;
зарур ҳолларда «Саховат ва кўмак» жамғармасидан маҳалла фуқаролар йиғинлари учун ажратилган маблағлар ҳисобидан бир кун ичида ижтимоий ҳимояга муҳтож шахсларга белгиланган тартибда ёрдам кўрсатилишини таъминласин.
7. Ўзбекистон Республикаси Президенти ҳузуридаги Статистика агентлиги 2024 йил 1 июлга қадар «Статистика» интеграллашган ахборот тизимининг «Ягона миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ) билан интеграция қилинишини таъминласин.
8. Ўзбекистон Республикаси Президенти ҳузуридаги Ижтимоий ҳимоя миллий агентлиги:
2024 йил 31 июлга қадар «Ижтимоий ҳимоя» АТ орқали «Темир дафтар»га киритиш ва «Саховат ва кўмак» жамғармаси маблағлари ҳисобидан ёрдам кўрсатиш билан боғлиқ тартиб-таомилларни;
2024 йил 1 августга қадар жисмоний ва юридик шахслар томонидан «Темир дафтар»га киритилган оилаларни қўллаб-қувватлаш ва ижтимоий ҳимояга муҳтож оилаларга манзилли хайрия қилинишини таъминлаш мақсадида краудфандинг тизимини жорий этсин ҳамда «Ижтимоий ҳимоя» АТда краудфандинг фаолияти билан боғлиқ тартиб-таомилларни амалга ошириш имкониятларини яратсин;
2024 йил 1 октябрга қадар «Саховат ва кўмак» жамғармаси маблағлари ҳисобидан кўрсатилаётган ижтимоий ёрдамларни «Ижтимоий карта» орқали молиялаштириш тартибини жорий этиш бўйича Вазирлар Маҳкамасига таклиф киритсин.
9. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
10. Ўзбекистон Республикаси Ҳукуматининг 4-иловага мувофиқ айрим ҳужжатлари ўз кучини йўқотган деб ҳисоблансин.
11. Ўзбекистон Республикаси Президенти ҳузуридаги Ижтимоий ҳимоя миллий агентлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2024 йил 31 май,
313-сон
Вазирлар Маҳкамасининг 2024 йил 31 майдаги 313-сон қарорига
1-ИЛОВА
«Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисида
НИЗОМ
1-боб. Умумий қоидалар
1. Мазкур Низом ижтимоий ҳимояга муҳтож шахслар ва оилаларга «Саховат ва кўмак» жамғармаси маблағлари ҳисобидан ёрдам кўрсатиш тартибини белгилайди.
2. «Саховат ва кўмак» жамғармаси туман (шаҳар) ҳокимликлари ҳузурида юридик шахс мақомига эга бўлмаган ҳолда ташкил этилади ва унинг маблағлари туман (шаҳар) ғазначилик бўлимларида алоҳида очилган шахсий ғазна ҳисобварақларида йиғилади.
3. «Саховат ва кўмак» жамғармаси маблағлари ҳисобидан ёрдамлар кўрсатиш фуқароларнинг оғир ижтимоий аҳволга тушиб қолишининг олдини олиш ва шундай вазиятга тушганларни оғир ижтимоий вазиятдан чиқариш мақсадида ёрдам кўрсатилади.
4. «Саховат ва кўмак» жамғармаси маблағларидан ижтимоий ёрдам кўрсатиладиган шахслар ва оилалар уларнинг мурожаати ёки бевосита «Инсон» ижтимоий хизматлар марказларининг ижтимоий ходимлари томонидан кейс-менежмент усулидан фойдаланган ҳолда ўтказиладиган ўрганишлар натижалари бўйича аниқланади.
2-боб. «Саховат ва кўмак» жамғармаси маблағларини шакллантириш
5. «Саховат ва кўмак» жамғармаси қуйидаги манбалар ҳисобидан шакллантирилади:
Қорақалпоғистон Республика Жўқорғи Кенгеси, халқ депутатлари вилоятлар ва Тошкент шаҳар Кенгашларининг қарорига асосан Қорақалпоғистон Республикаси республика бюджети, вилоятлар вилоят бюджети ва Тошкент шаҳрининг шаҳар бюджети қўшимча манбалари ҳисобидан ажратиладиган маблағлар;
туманлар (шаҳарлар) халқ депутатлари Кенгашлари қарорига асосан туманлар (шаҳарлар) бюджетларининг қўшимча манбалари ҳисобидан ҳар чоракда ажратиладиган маблағлар;
Ўзбекистон Республикаси Президентининг «Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида» 2020 йил 24 ноябрдаги ПФ-6118-сон Фармонининг 12-бандига мувофиқ ўтказиладиган маблағлар;
краудфандинг механизмлари орқали келиб тушган маблағлар;
хорижий (халқаро) молия институтлари ва бошқа хорижий донорларнинг техник кўмаклари ва грантлари;
жисмоний ва юридик шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар.
Ўзбекистон Республикаси Президенти ва Вазирлар Маҳкамасининг ҳужжатлари билан «Саховат ва кўмак» жамғармасига мақсадли маблағлар ажратилган тақдирда, ушбу маблағлар фақат шу мақсадлар учун сарфланади.
6. Мазкур Низомнинг 5-банди тўртинчи хатбошисида назарда тутилган маблағлар Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварақда жамланади ҳамда ҳар чоракда Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) томонидан қуйидаги кўрсаткичларга мувофиқ тақдим этиладиган фоизларга асосан туман (шаҳар) ҳокимликлари ҳузуридаги «Саховат ва кўмак» жамғармаларига автоматик равишда тақсимланади:
25 фоизи — туманлар (шаҳарлар)даги аҳоли сони;
25 фоизи — туманлар (шаҳарлар)да яшовчи ногиронлиги бўлган шахслар сони;
25 фоизи — «Ижтимоий ҳимоя ягона реестри»га киритилган оилалар сони;
25 фоизи — «Темир дафтар»га киритилган оилалар сонига қараб.
Бунда Агентлик томонидан мазкур бандда назарда тутилган маълумотлар Ўзбекистон Республикаси Президенти ҳузуридаги Статистика агентлигининг «Статистика» интеграллашган ахборот тизими ва «Ягона миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ)дан олинади.
7. Мазкур Низомнинг 6-бандида белгиланган кўрсаткичлар бўйича ажратиладиган маблағлар миқдорига Ўзбекистон Республикаси Президентининг 2022 йил 30 декабрдаги ПФ-287-сон Фармони билан тасдиқланган Ихтисослашуви ҳамда кичик бизнес учун мавжуд шароитдан келиб чиқиб тоифаларга ажратилган Ўзбекистон Республикаси шаҳар ва туманларининг рўйхатига мувофиқ туман (шаҳар)нинг ихтисослашуви ҳамда кичик бизнес учун мавжуд шароитдан келиб чиққан ҳолда белгиланган тоифаси бўйича қуйидаги тузатиш коэффициентлари қўлланилади:
1-тоифадаги туман (шаҳарлар) учун — 0,85;
2-тоифадаги туман (шаҳарлар) учун — 0,95;
3-тоифадаги туман (шаҳарлар) учун — 1,03;
4-тоифадаги туман (шаҳарлар) учун — 1,06;
5-тоифадаги туман (шаҳарлар) учун — 1,1.
8. Ҳар ойнинг 5-санасига қадар туман (шаҳар) иқтисодиёт ва молия бўлими ҳамда «Инсон» ижтимоий хизматлар маркази томонидан олдинги ойда «Саховат ва кўмак» жамғармасида шаклланган маблағларни (аввалги ойлардан ўтувчи қолдиқларни инобатга олган ҳолда) қуйидаги кўрсаткичлардан келиб чиққан ҳолда, мутаносиб равишда туманлар (шаҳарлар)даги маҳалла фуқаролар йиғинлари бўйича тақсимлайди:
Кейинги таҳрирга қаранг.
25 фоизи — маҳалла фуқаролар йиғинидаги аҳоли сони;
25 фоизи — маҳалла фуқаролар йиғинида яшовчи ногиронлиги бўлган шахслар сони;
25 фоизи — маҳалла фуқаролар йиғинида яшовчи «Ижтимоий ҳимоя ягона реестри»га киритилган оилалар сони;
25 фоизи — маҳалла фуқаролар йиғинида яшовчи «Темир дафтар»га киритилган оилалар сони.
Мазкур бандда белгиланган кўрсаткичлар бўйича маълумотлар ушбу Низомнинг 6-бандида белгиланган тартибда олинади.
Маҳалла фуқаролар йиғинлари бўйича тақсимланган маблағларга доир маълумотлар «Ижтимоий ҳимоя» АТга «Инсон» ижтимоий хизматлар марказлари томонидан киритиб борилади.
9. Халқ депутатлари туман (шаҳар) Кенгашлари мазкур Низомнинг 8-бандига мувофиқ тақсимланадиган маблағлар миқдорини туман (шаҳар) иқтисодиёт ва молия бўлимлари ҳамда «Инсон» ижтимоий хизматлар марказлари ташаббусига кўра маҳалла фуқаролар йиғинларининг ижтимоий-иқтисодий ҳолатидан келиб чиқиб, «Саховат ва кўмак» жамғармасида шаклланган умумий маблағлар доирасида камайтириш ёки кўпайтириш ҳуқуқига эга.
3-боб. «Саховат ва кўмак» жамғармаси маблағлари ҳисобидан кўрсатиладиган ёрдамлар
10. «Саховат ва кўмак» жамғармаси маблағлари ҳисобидан қуйидаги дастурлар бўйича ёрдам кўрсатилади:
оғир ва узоқ вақт даволаниш талаб этиладиган касалликка чалинган оилаларга ёрдам кўрсатиш дастури;
биринчи даражали эҳтиёжларни қоплашга кўмаклашиш дастури;
уй-жой шароитига эга бўлмаган оилаларни қўллаб-қувватлаш дастури;
иситиш таъминотидан узилган оилаларга ёрдам кўрсатиш дастури.
11. Мазкур Низомнинг 10-бандида назарда тутилган дастурлар бўйича қуйидаги ёрдамлар кўрсатилади:
а) оғир ва узоқ вақт даволаниш талаб этиладиган касалликка чалинган оилаларга ёрдам кўрсатиш дастури доирасида:
базавий ҳисоблаш миқдорининг (кейинги ўринларда — БҲМ) 10 бараваригача бўлган миқдорда дори-дармон билан таъминлаш харажатларини қоплаш;
БҲМнинг 50 бараваригача бўлган миқдорда даволаниш харажатларини (яшаш ва йўл харажати билан бирга) қоплаш.
Бунда дори-дармон билан таъминлаш харажатларини қоплаш учун битта оилага бир йилда икки марта, даволаниш харажатларини қоплаш учун эса бир йилда бир марта ёрдам кўрсатилиши мумкин. БҲМнинг 5 бараваригача бўлган маблағлар ижтимоий ҳимояга муҳтож шахснинг банк пластик картасига ўтказиб берилади, қолган ҳолатларда эса тегишли маблағлар шартнома асосида ўтказилади;
б) биринчи даражали эҳтиёжларни қоплашга кўмаклашиш дастури доирасида БҲМнинг 1 баравари миқдорида озиқ-овқат, 5 бараваригача миқдорида кийим-кечак ва бошқа энг зарур товарлар билан таъминлаш харажатларини қоплаш. Бунда озиқ-овқат билан таъминлаш харажатларини қоплаш бир чоракда бир марта, кийим-кечак билан таъминлаш харажатларини қоплаш эса бир йилда икки марта белгиланиши мумкин ҳамда маблағлар ижтимоий ҳимояга муҳтож шахснинг банк пластик картасига ўтказилади ёки шартнома асосида натура кўринишида берилади;
в) уй-жой шароитига эга бўлмаган оилаларни қўллаб-қувватлаш дастури доирасида:
олти ой давомида ҳар ойда ижара шартномасининг 50 фоизи, бироқ БҲМнинг 4 бараваридан ошмаган миқдорда вақтинча бошпана учун харажатларни (ижара тўловини тўлиқ ёки бир қисмини) қоплаш;
БҲМнинг 50 бараваригача бўлган миқдорда фақат бир маротаба уй-жойини таъмирлаш, шу жумладан, ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг яшаш шароитини мослаштириш харажатларини қоплаш. Бунда ушбу кичик бандда назарда тутилган маблағлар ижтимоий ҳимояга муҳтож шахснинг банк пластик картасига ёки шартнома асосида ўтказиб берилади;
г) иситиш таъминотидан узилган оилаларга ёрдам кўрсатиш дастури доирасида:
бир йилда кўпи билан икки маротаба куз-қиш мавсумида (1 октябрдан 15 мартга қадар) БҲМнинг 1 бараваригача бўлган миқдорда коммунал харажатларни қоплаш;
куз-қиш мавсумида БҲМнинг 2 бараваригача бўлган миқдорда кўмир билан таъминлаш харажатларини қоплаш.
Ушбу кичик бандда назарда тутилган маблағлар ижтимоий ҳимояга муҳтож шахснинг банк пластик картасига ёки таъминот корхоналарига тўғридан-тўғри ўтказиб берилади.
Мазкур бандда назарда тутилган маблағлар миқдори Қорақалпоғистон Республикаси республика бюджетининг, вилоятлар ва Тошкент шаҳар маҳаллий бюджетининг ҳамда туманлар (шаҳарлар) бюджетларининг қўшимча манбалари ҳисобидан кўпайтирилиши мумкин.
12. «Саховат ва кўмак» жамғармаси маблағлари Ўзбекистон Республикаси Президентининг фармонлари, қарорлари ва фармойишлари ҳамда Вазирлар Маҳкамасининг қарорлари, фармойишлари ва топшириқларига кўра ушбу Низомнинг 11-бандида назарда тутилмаган бошқа мақсадларга ҳам йўналтирилиши мумкин.
4-боб. «Саховат ва кўмак» жамғармаси маблағларидан фойдаланиш тартиби
13. «Саховат ва кўмак» жамғармаси маблағларидан фойдаланиш қуйидаги уч босқичда амалга оширилади:
биринчи босқичда — ижтимоий ҳимояга муҳтож шахс ёки оиланинг аҳволи кейс-менежмент асосида ўрганилади ҳамда унга «Саховат ва кўмак» жамғармаси маблағлари ҳисобидан ёрдам кўрсатиш бўйича тавсия шакллантирилади;
иккинчи босқичда — кейс-менежмент натижаси бўйича шакллантирилган тавсия асосида ёрдам кўрсатиш «Маҳалла еттилиги» томонидан коллегиал тарзда кўриб чиқилади ва тегишли қарор қабул қилинади. Бунда «Маҳалла еттилиги»нинг йиғилишлари ҳар ойда икки марта — ойнинг 15 ва охирги санасигача ўтказилади, кечиктириб бўлмайдиган ҳоллар бундан мустасно;
учинчи босқичда — «Маҳалла еттилиги»нинг ёрдам кўрсатиш тўғрисидаги коллегиал қарори асосида туман (шаҳар) ҳокимлиги томонидан «Саховат ва кўмак» жамғармаси ҳисобидан тегишли маблағлар ажратилади.
14. Ижтимоий ходим томонидан биринчи босқич доирасида ижтимоий ҳимояга муҳтож шахс ёки оиланинг аҳволи қуйидаги асослар бўйича кейс-менежмент асосида ўрганиб чиқилади:
ижтимоий ҳимояга муҳтож шахснинг мурожаати;
ижтимоий ходим томонидан хонадонма-хонадон юриш натижасида.
15. Электрон ахборот алмашиш тизимлари орқали қуйидаги ҳолатлар тасдиқлангандан сўнг кейс-менежмент ўтказиш натижасида ижтимоий ҳимояга муҳтож шахсга (оилага) «Саховат ва кўмак» жамғармаси ҳисобидан ушбу Низомнинг 11-бандида назарда тутилган ёрдамларни кўрсатиш тўғрисида ижтимоий ходим томонидан «Ижтимоий ҳимоя» АТ орқали тавсиянома шакллантирилади:
а) ўрганилаётган оила «Ижтимоий ҳимоя ягона реестри»да кам таъминланган оила сифатида рўйхатда турганда;
б) мазкур банднинг «а» кичик банди шартларига тўғри келмаган ҳолда қуйидаги сўровларга рад жавоби келганда:
1) солиқ органларининг маълумотига кўра оиланинг ҳар бир аъзосига тўғри келадиган бир ойлик ўртача жами даромади минимал истеъмол харажатлари миқдорининг 2,5 бараваридан ортиқлиги;
2) кўчмас мулк объектларига бўлган ҳуқуқларнинг давлат реестрида биттадан ортиқ кўчмас мулк ва ер участкаси ёки бир ва ундан ортиқ нотурар жойлар мавжудлиги;
3) оила аъзоларида қонунчилик ҳужжатларида белгиланган тартибда ўз номига расмийлаштирилган ёхуд ишончномага асосан қуйидагилар мавжудлиги:
 LexUZ шарҳи
Қаранг: Ўзбекистон Республикаси Фуқаролик кодексининг 10-боби.
ишлаб чиқарилган муддати 12 йилдан (оила аъзоси I ёки II гуруҳ ва 18 ёшгача болаликдан ногирон бўлса, 7 йилдан) ошмаган, техник ҳолати соз бўлган енгил автотранспорт воситаси;
ишлаб чиқарилган муддати 15 йилдан ошмаган, техник ҳолати соз бўлган юк ташувчи автотранспорт воситаси, автобус, микроавтобус, экскаватор, трактор, комбайн, юк ташувчи автотранспорт воситаларининг тиркамалари ва ярим тиркамалари, автокран ҳамда бошқа қурилиш техникаси;
икки ва ундан ортиқ, техник ҳолати соз бўлган енгил ҳамда юк ташувчи автотранспорт воситалари, микроавтобус, экскаватор, трактор, комбайн, юк ташувчи автотранспорт воситаларининг тиркамалари ва ярим тиркамалари, автокран ва бошқа қурилиш техникаси;
4) оила аъзоларининг тижорат банкларидаги депозит ҳисобварақларида мурожаат қилинган ойда амалда бўлган меҳнатга ҳақ тўлаш энг кам миқдорининг 20 баравари ва ундан ортиқ миқдорда маблағлар мавжудлиги;
5) оила аъзоларида мурожаат қилинган ойда бозор қиймати меҳнатга ҳақ тўлаш энг кам миқдорининг 20 баравари ва ундан ортиқ суммани ташкил этувчи қимматли қоғозлар мавжудлиги;
в) оила аъзолари «Ёшлар дафтари» ёки «Аёллар дафтари»га рўйхатда турмаслиги ёки жорий йилда ушбу дафтарлар орқали моддий ёрдам кўрсатилмаганлиги.
Тавсиянома бир кун ичида кўриб чиқиш учун «Маҳалла еттилиги»га киритилади.
16. «Маҳалла еттилиги» томонидан ижтимоий ходимнинг тавсияномаси беш кун ичида коллегиал тартибда кўриб чиқилади ва қуйидаги қарорлардан бири қабул қилинади:
ижтимоий ҳимояга муҳтож шахс ёки оилага «Саховат ва кўмак» жамғармаси маблағлари ҳисобидан ёрдам кўрсатиш тўғрисида;
тавсияномада кўрсатилган ёрдам миқдори «Саховат ва кўмак» жамғармасида шаклланган маблағларнинг маҳалла фуқаролар йиғини бўйича тақсимланган миқдоридан ортиқ бўлган тақдирда, кўрсатиладиган ёрдамларнинг миқдорини камайтириш ёки ёрдам кўрсатишни кейинги ойга кечиктириш ҳақида;
ижтимоий ҳимояга муҳтож шахс ёки оилага «Саховат ва кўмак» жамғармаси маблағлари ҳисобидан ёрдам кўрсатишни рад этиш тўғрисида.
«Маҳалла еттилиги» томонидан қабул қилинадиган қарор матни «Ижтимоий ҳимоя» АТда автоматик шакллантирилади. Бунда кўрсатиладиган ёрдамнинг миқдори фуқаронинг эҳтиёжидан келиб чиқиб, ижтимоий ходим томонидан киритилади.
17. «Маҳалла еттилиги» томонидан ижтимоий ходимнинг тавсияномаси ҳар бир оила бўйича алоҳида кўриб чиқилиб, овоз берилади ҳамда «Маҳалла еттилиги» аъзоларининг оддий кўпчилик овози билан оилага ёрдам кўрсатиш бўйича қарор қабул қилинади. Бунда овозлар тенг бўлиб қолганда, ижтимоий ходимнинг овози ҳал қилувчи аҳамиятга эга бўлади.
Мазкур Низомнинг 16-бандида назарда тутилган муддатда «Маҳалла еттилиги» вакиллари томонидан овоз берилиши шарт.
«Маҳалла еттилиги» вакиллари томонидан берилган овозларга асосан қарор қабул қилиш тартиби Агентлик томонидан белгиланади.
18. «Маҳалла еттилиги» томонидан ёрдам ажратиш бўйича қарор қабул қилишда қуйидаги шахслар ёки оилаларга устуворлик берилади:
ўзгалар парваришига муҳтож бўлган ёлғиз кекса ва I ва II гуруҳ ногиронлиги бўлган шахсларга;
боқувчиси ногиронлиги бўлган шахс бўлган оилаларга;
I ва II гуруҳ ногиронлиги бўлган шахс бўлган ёки оғир касалликка чалинган (бутунлай ёки қисман ўзини-ўзи боқиш имконига эга бўлмаган, фаолияти кўрсата олмайдиган) шахсларга;
боқувчисини йўқотган оилаларга.
19. Ушбу Низомнинг 16-банди учинчи хатбошисида назарда тутилган бир нафар оилага ёрдам кўрсатиш кетма-кет уч маротаба кейинги ойга кечиктирилганда, ёрдамни тайинлаш «Ижтимоий ҳимоя» АТ томонидан автоматик равишда рад этилади.
Бунда «Саховат ва кўмак» жамғармаси маблағлари ҳисобидан ажратиладиган ёрдамларни олиш учун ижтимоий ёрдам олиш истагида бўлган оила (шахс) томонидан қайта мурожаат қилиниши мумкин.
20. Туман (шаҳар) ҳокимликлари «Маҳалла еттилиги»нинг ижтимоий ҳимояга муҳтож оилаларга ёрдам кўрсатиш тўғрисидаги қарорларининг ушбу маҳалла фуқаролар йиғинларига ажратилган маблағлар доирасида кўпи билан бир ой муддатда ижросини таъминлайди. Бунда:
даволаш муассасаларига ҳамда уй-жой ижараси бўйича тўловлар тегишли шартномалар бўйича тўғридан-тўғри ўтказиб берилади;
товар кўринишидаги ёрдамлар товарни (ишларни, хизматларни) етказиб берувчилар махсус ахборот порталида эълон жойлаштирмасдан ва харид қилиш тартиб-таомилларини электрон шаклда ўтказмасдан, энг яхши таклифларни танлаш орқали аниқланади;
пул кўринишидаги ёрдамлар АТ «Халқ банки»нинг ҳудудий филиалларида очилган банк пластик карталарига ўтказиб берилади. Бунда зарур маълумотлар АТ «Халқ банки»нинг тегишли ахборот тизимларидан олинади.
Ушбу банднинг учинчи хатбошисида назарда тутилган товарлар бевосита ёрдам олувчининг яшаш манзилига етказиб берилади ҳамда бу тўғрисида товарни етказиб берувчи ва «Маҳалла еттилиги»нинг бир нафар вакили иштирокида далолатнома расмийлаштирилади.
21. Ижтимоий ходим томонидан ушбу Низомнинг 14 ва 15-бандларида назарда тутилган тадбирларни амалга ошириш жараёнида оилага шошилинч ёрдам кўрсатиш лозимлиги аниқланганда, зудлик билан «Ижтимоий ҳимоя» АТ орқали тавсиянома шакллантирилади ҳамда «шошилинч» грифи остида кўриб чиқиш ва қарор қабул қилиш учун «Маҳалла еттилиги»га киритади.
Ушбу тавсиянома «Маҳалла еттилиги» томонидан бир сутка ичида кўриб чиқилиши шарт.
5-боб. «Саховат ва кўмак» жамғармаси маблағларидан фойдаланиш бўйича ҳисоб ва ҳисобот
22. «Саховат ва кўмак» жамғармаси маблағлари туман (шаҳар) ҳокимликлари томонидан тасарруф этилади.
23. Туман (шаҳар) ҳокимликлари қуйидагилар учун масъул ҳисобланади:
ушбу Низомнинг 20-бандида назарда тутилган муддатда «Маҳалла еттилиги»нинг қарорида кўрсатилган ёрдам бўйича маблағларни молиялаштириш;
«Саховат ва кўмак» жамғармаси маблағларидан молиялаштирилган ёрдамлар тўғрисидаги маълумотларни мунтазам равишда «Ижтимоий ҳимоя» АТга киритиб бориш;
«Саховат ва кўмак» жамғармаси маблағларидан мақсадли ва самарали фойдаланиш.
6-боб. Якунловчи қоидалар
24. Қонунчилик ҳужжатларига мувофиқ бепул ёки имтиёзли тарзда ёрдам кўрсатиладиган шахсларга «Саховат ва кўмак» жамғармаси маблағлари ҳисобидан айнан шу турдаги ёрдам кўрсатилмайди.
25. «Саховат ва кўмак» жамғармаси маблағлари ҳисобидан ёрдам олиш учун мурожаатларни кўриб чиқиш босқичлари бўйича ижтимоий ҳимояга муҳтож шахсларга СМС-хабарнома юборилади.
Бунда СМС-хабарнома юбориш билан боғлиқ харажатлар Ижтимоий ҳимоя давлат жамғармаси ва қонунчилик ҳужжатларида тақиқланмаган бошқа манбалар ҳисобидан қопланади.
26. «Саховат ва кўмак» жамғармаси маблағлари ҳисобидан кўрсатилган ёрдамлар тўғрисидаги маълумотлар «Ижтимоий ҳимоя» АТга киритиб борилади.
27. Давлат молиявий назорати инспекцияси ва унинг ҳудудий бўлинмалари томонидан мазкур Низомга мувофиқ туманлар (шаҳарлар)да ижтимоий ёрдамлар учун ажратилган маблағларнинг самарали ва мақсадли ишлатилиши бўйича назорат амалга оширилади.
28. Мазкур Низом талабларининг бузилишида айбдор шахслар қонунчилик ҳужжатларида белгиланган тартибда жавоб берадилар.
 LexUZ шарҳи
Қаранг: Ўзбекистон Республикаси Жиноят кодексининг 167-моддаси.
Кейинги таҳрирга қаранг.
Вазирлар Маҳкамасининг 2024 йил 31 майдаги 313-сон қарорига
2-ИЛОВА
Оғир ижтимоий аҳволга тушиб қолган оилаларни «Темир дафтар»га киритиш, ҳисобини юритиш ҳамда ундан чиқариш тартиби тўғрисида
НИЗОМ
1-боб. Умумий қоидалар
1. Мазкур Низом оғир ижтимоий аҳволга тушиб қолган оилаларни аниқлаш, «Темир дафтар»га киритиш, уларнинг ижтимоий муаммоларини бартараф этишга қаратилган ёрдам кўрсатиш тартибини белгилайди.
2. «Темир дафтар» «Ягона миллий ижтимоий ҳимоя» ахборот тизими орқали Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда унинг ҳудудий бўлинмалари томонидан юритилади.
3. Оғир ижтимоий аҳволга тушиб қолган оилалар «Темир дафтар»га ушбу Низомга иловага мувофиқ схема бўйича киритилади.
2-боб. Оғир ижтимоий аҳволга тушиб қолган оилаларни «Темир дафтар»га киритиш тартиби
4. Қуйидаги оилалар «Темир дафтар»га киритилади:
а) бир вақтнинг ўзида оилада:
меҳнатга лаёқатли шахс мавжуд бўлмаса ёки ягона боқувчиси оғир касал ёки ногиронлиги бўлган оила аъзоси (лари)ни парвариш қилиш билан банд бўлса;
оғир касал ёки ногиронлиги бўлган оила аъзоси мавжуд бўлса;
оиланинг моддий аҳволи оғир бўлса;
уй-жойи йўқ ёки ҳолати ёмон аҳволда бўлса;
б) бир вақтнинг ўзида оилада:
меҳнатга лаёқатли шахс мавжуд бўлмаса ёки ягона боқувчиси оғир касал бўлса;
оила аъзоси ёлғиз ёки ёлғиз яшовчи бўлса;
оиланинг моддий аҳволи оғир бўлса;
уй-жойи йўқ ёки ҳолати ёмон аҳволда бўлса;
в) бир вақтнинг ўзида оилада:
меҳнатга лаёқатли шахс мавжуд бўлмаса ёки ягона боқувчиси оғир касал ёки ногиронлиги бўлган оила аъзоси (лари)ни парвариш қилиш билан банд бўлса;
боқувчисини йўқотган бўлса;
оиланинг моддий аҳволи оғир бўлса;
уй-жойи йўқ ёки ҳолати ёмон аҳволда бўлса;
г) бир вақтнинг ўзида оилада:
ягона боқувчи 3 ва ундан ортиқ вояга етмаган фарзандларини тарбиялаётган ёлғиз она (ота, васий ёки ҳомий) бўлса;
оиланинг моддий аҳволи оғир бўлса;
уй-жойи йўқ ёки ҳолати ёмон аҳволда бўлса;
д) бир вақтнинг ўзида оилада:
2 ва ундан ортиқ оила аъзоларида оғир касаллик ёки I ва II гуруҳ ногиронлиги белгиланган бўлса;
оиланинг моддий аҳволи оғир бўлса;
уй-жойи йўқ ёки ҳолати ёмон аҳволда бўлса.
5. Ушбу Низомнинг 4-бандида белгиланган оилалар вояга етган аъзоларининг «Темир дафтар»га киритиш учун «Ягона миллий ижтимоий ҳимоя» ахборот тизими (кейинги ўринларда — «Ижтимоий ҳимоя» АТ) орқали ёки бевосита «Инсон» ижтимоий хизматлар марказларига бориш орқали тақдим этган мурожаати ёхуд «Инсон» ижтимоий хизматлар марказларининг ижтимоий ходимлари томонидан хонадонма-хонадон юриш жараёнида аниқланган ҳолатлар бўйича киритилади.
6. Оиланинг «Темир дафтар»га киритиш ҳақидаги мурожаати ёки ижтимоий ходим томонидан аниқланган ҳолатлар бўйича икки иш кунида «Инсон» ижтимоий хизматлар марказларининг ижтимоий ходимлари томонидан ушбу оилалар (шахслар)нинг мазкур Низом 4-бандида белгиланган тоифага тўғри келиши кейс-менежмент усули орқали ўрганиш натижасида аниқланади.
7. «Инсон» ижтимоий хизматлар марказларининг ижтимоий ходимлари томонидан мурожаатда келтирилган оила ушбу Низомнинг 4-бандида белгиланган тоифага тўғри келиши тўғрисида хулосага келинганда, «Ижтимоий ҳимоя» АТ орқали «Темир дафтар»га киритиш бўйича тавсиянома шакллантирилади.
Бунда тавсияномани шакллантиришдан аввал «Темир дафтар»га киритиш сўралаётган оиланинг ижтимоий ҳимояга муҳтожлиги, шу жумладан, моддий аҳволи, унинг ихтиёрида бўлган кўчар ва кўчмас мулклар ҳамда ижтимоий ҳимояга муҳтож шахслар (оилалар) киритиладиган бошқа дафтар ва реестрларга киритилганлиги ёки улардан ёрдам олганлигига доир ва бошқа маълумотлар идоралараро электрон ахборот тизими орқали «Саховат ва кўмак» жамғармаси маблағларидан ёрдам кўрсатиш бўйича тавсиянома шакллантириш учун белгиланган тартибда текширилади.
Шакллантирилган тавсиянома бир иш куни ичида кўриб чиқиш учун «Маҳалла еттилиги»га киритилади.
8. Ижтимоий ходим томонидан мурожаатда келтирилган оила ушбу Низомнинг 4-бандида белгиланган тоифага тўғри келмаслиги тўғрисида хулосага келинганда, мурожаат бўйича асослантирилган жавоб хати юборилади.
9. «Маҳалла еттилиги» ижтимоий ходимнинг тавсияномасини уч иш куни ичида коллегиал тарзда кўриб чиқиб, оддий кўпчилик овози билан қуйидаги қарорлардан бирини қабул қилади:
оилани «Темир дафтар»га киритиш тўғрисида;
оилани «Темир дафтар»га киритишни рад этиш тўғрисида.
«Маҳалла еттилиги» томонидан қарор қабул қилишда овозлар тенг бўлиб қолган тақдирда, ижтимоий ходимнинг овози ҳал қилувчи аҳамиятга эга бўлади.
«Маҳалла еттилиги» томонидан қабул қилинадиган қарор матни «Ижтимоий ҳимоя» АТда автоматик шакллантирилади.
10. «Маҳалла еттилиги»нинг қарори бир иш куни ичида мурожаат қилган оилага етказилади.
3-боб. «Темир дафтар»га киритилган оилаларга ижтимоий ёрдам ва хизматлар кўрсатиш
11. «Ижтимоий ҳимоя» АТда «Темир дафтар»га киритилган оилаларнинг таркиби, оила аъзолари ҳақидаги батафсил маълумот, оиланинг заиф томонлари, муҳтожлиги кўрсатилади.
12. «Темир дафтар»га киритилган оилага:
қонунчиликда белгиланган тартиб ва миқдорларда «Аёллар дафтари» ва «Ёшлар дафтари» ҳамда Аҳолини тадбиркорликка жалб қилиш жамғармаси, Бандликка кўмаклашиш давлат жамғармаси, Ҳунармандчилик ва касаначиликни қўллаб-қувватлаш жамғармаси ҳамда «Саховат ва кўмак» жамғармаси орқали ижтимоий ёрдам кўрсатилади ва субсидиялар ажратилади;
уларнинг розилиги билан ҳомийлик ёрдамларини мақсадли жалб қилиш учун тегишли маълумотлар очиқ тарзда «Ижтимоий ҳимоя» АТдаги краудфандинг платформасида акс эттирилади.
13. Краудфандинг платформаси орқали:
хайрия қилиш истагида бўлган шахслар кейсларни кўриб чиқиб, тўлиқ ёки қисман ҳомийлик қилиши мумкин;
ҳомийлик ёрдамлари тўғридан-тўғри натура шаклида муҳтож оиланинг ўзига ёки «Саховат ва кўмак» жамғармасига мақсадли равишда йўналтирилиши мумкин;
кўрсатилган ёрдамлар ижтимоий ходим томонидан краудфандинг платформасида акс эттириб борилади;
очилган кейсларни хайрия қилувчилар географик ҳудудлар кесимида кўриши мумкин.
14. «Темир дафтар»га киритилган оилаларга бир йил давомида «Саховат ва кўмак» жамғармаси маблағлари ҳисобидан кўрсатиладиган ёрдамлар сони чекланмайди.
4-боб. «Темир дафтар»дан чиқариш тартиби
15. Оилалар қуйидаги ҳолларда «Темир дафтар» дан чиқарилади:
ҳар бир тоифа бўйича белгиланган ёрдамлар тўлиқ кўрсатилганда;
тўлиқ давлат таъминотига олинганда;
ўз аризасига кўра;
«Темир дафтар»га киришда нотўғри маълумотлар тақдим этилганлиги аниқланганда;
бошқа давлатларга доимий яшаш учун чиқиб кетганда;
суднинг озодликдан маҳрум этишни назарда тутувчи ҳукми қонуний кучга кирганда;
шахс вафот этган тақдирда ёки суд қарори асосида бедарак йўқолган деб топилганда.
16. Ижтимоий ходим мазкур Низомнинг 15-бандида кўрсатилган ҳолатларга асосан оилаларни «Темир дафтар»дан чиқариш бўйича «Маҳалла еттилиги»га «Ижтимоий ҳимоя» АТ орқали тавсия беради.
17. «Маҳалла еттилиги» ижтимоий ходим томонидан «Темир дафтар»дан чиқариш тавсия этилаётган оилаларни уч иш куни ичида мазкур Низомнинг 15-бандида назарда тутилган асослардан бирининг мавжудлиги бўйича ўрганиб чиқади.
Ижтимоий ходим тавсияси «Маҳалла еттилиги» аъзоларининг оддий кўпчилик овози билан маъқулланган тақдирда, оилани «Темир дафтар»дан чиқариш бўйича қарор қабул қилинади ва бу тўғрисидаги маълумот «Ижтимоий ҳимоя» АТга киритилади.
18. «Темир дафтар»дан чиқарилаётган оилалар ижтимоий ходим томонидан бир кун ичида бу ҳақда хабардор қилинади.
5-боб. Якунловчи қоидалар
19. «Инсон» ижтимоий хизматлар маркази «Ижтимоий ҳимоя» АТга маълумотларнинг киритилиши юзасидан мониторинг юритади.
20. «Темир дафтар»га кириш бўйича қилинган мурожаатларни кўриб чиқиш босқичлари бўйича ижтимоий ҳимояга муҳтож шахсларга СМС-хабарнома юборилади.
Бунда СМС-хабарнома юбориш билан боғлиқ харажатлар Ижтимоий ҳимоя давлат жамғармаси ва қонунчилик ҳужжатларида тақиқланмаган бошқа манбалар ҳисобидан қопланади.
21. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
 LexUZ шарҳи
Қаранг: Ўзбекистон Республикаси Жиноят кодексининг 167-моддаси.
Оғир ижтимоий аҳволга тушиб қолган оилаларни «Темир дафтар»га киритиш, ҳисобини юритиш ҳамда ундан чиқариш тартиби тўғрисидаги низомга
ИЛОВА
Оғир ижтимоий аҳволга тушиб қолган оилаларни «Темир дафтар»га киритиш
СХЕМАСИ

Босқичлар

Субъектлар

Тадбирлар

Бажариш муддати

1-босқич

Фуқаро

Ариза берувчи онлайн шаклда ёки ижтимоий ходим орқали мурожаат қилади.

Хоҳишига кўра

2-босқич

«Инсон» ижтимоий хизматлар маркази

1. Ариза берувчиларнинг ижтимоий ҳолати ва муаммоларини кейс-менежмент усулидан фойдаланган ҳолда аниқлайди.

1. Уч иш кунида

2. Кейс-менежмент натижасида оилани «Темир дафтар»га киритиш бўйича хулоса қилинганда, тавсиянома шакллантирилади ва кўриб чиқиш учун «маҳалла еттилиги»га киритади.

2. Бир иш кунида

3-босқич

«Маҳалла еттилиги»

1. Кўриб чиқади ва тегишли қарор қабул қилади.

1. Уч иш кунида

2. Қабул қилинган қарор тўғрисида фуқарони хабардор қилади.

2. Бир иш кунида

Вазирлар Маҳкамасининг 2024 йил 31 майдаги 313-сон қарорига
3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2021 йил 9 августдаги 504-сон қарори билан тасдиқланган Ривожланишда орқада қолаётган ҳамда ишсизлик даражаси нисбатан юқори бўлган маҳаллаларда аҳоли бандлигини таъминлаш орқали оилаларнинг даромад манбаини яратиш тартиби тўғрисидаги низомнинг 6-банди олтинчи хатбошисидан «Саховат ва кўмак» жамғармаси ва» сўзлари чиқариб ташлансин.
2. Вазирлар Маҳкамасининг «Етим болалар ва ота-она қарамоғидан маҳрум бўлган болаларни ижтимоий қўллаб-қувватлашга доир қўшимча чора-тадбирлар тўғрисида» 2021 йил 25 октябрдаги 656-сон қарорида:
а) 3-банд қуйидаги таҳрирда баён этилсин:
«3. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Ижтимоий ҳимоя миллий агентлиги) ҳар йили 1 сентябрга қадар Давлат бюджети параметрларида етим болалар ва ота-она қарамоғидан маҳрум бўлган болаларни уй-жой билан таъминлаш учун зарур маблағлар ажратилишини таъминлаш мақсадида Иқтисодиёт ва молия вазирлигига кейинги йил учун уй-жойга муҳтож бўлган етим болалар ҳамда ота-она қарамоғидан маҳрум бўлган болалар тўғрисидаги маълумотларни киритиб борсин»;
биринчи хатбоши қуйидаги таҳрирда баён этилсин:
«6. Ижтимоий ҳимоя миллий агентлиги Ўзбекистон маҳаллалари уюшмаси ҳамда Оила ва хотин-қизлар қўмитаси билан биргаликда»;
биринчи хатбошидаги «маҳалла фуқаролар йиғинлари фаолларининг» сўзлари «маҳалла еттилиги» вакилларининг» сўзлари билан алмаштирилсин;
иккинчи хатбоши қуйидаги таҳрирда баён этилсин:
«ташкил этилган оилавий болалар уйларининг ижтимоий аҳволи, болаларнинг оилага мослашуви, уй хўжалигини юритиш ва улардаги бошқа жамоавий муносабатларнинг шаклланишида маҳалла фуқаролар йиғини раислари, маҳалладаги ижтимоий ходим ва хотин-қизлар фаоллари доимий равишда ижтимоий мослашув мониторингини юритиш тизимини йўлга қўйсин»;
в) 7-банд ўз кучини йўқотган деб ҳисоблансин;
учинчи ва тўртинчи хатбошилар қуйидаги таҳрирда баён этилсин:
«ота-она қарамоғидан маҳрум бўлган бола — ота-оналик ҳуқуқидан маҳрум қилинганлиги, бедарак йўқолган ёки муомалага лаёқатсиз деб топилганлиги, болани тарбиялашдан ёки унинг ҳуқуқ ва манфаатларини ҳимоя қилишдан бўйин товлаганлиги, шу жумладан, узрсиз сабабларга кўра ўз боласини туғуруқхона ёки бошқа даволаш муассасасидан, тарбия, аҳолини ижтимоий ҳимоялаш муассасаси ва шунга ўхшаш бошқа муассасалардан олишдан бош тортганлиги, ташлаб (қолдириб) кетилган ёки топиб олинганлиги сабабли ота-онаси номаълум бўлган, ёлғиз (ота) она вафот этган ота-она қарамоғидан маҳрум бўлган бола;
уй-жойга муҳтож етим бола ва ота-она қарамоғидан маҳрум бўлган бола — ўзларига бириктирилган турар жойга эга бўлмаган ва меросхўр ва мол-мулкка эгалик қилишнинг бошқа шакллари билан номида уй-жой бўлмаган Меҳрибонлик уйлари, «SOS — Ўзбекистон болалар маҳаллалари» уюшмасининг Болаларни муқобил парвариш қилиш хизматлари, ҳомийлик, оилага тарбияга (патронат) берилган, оилавий болалар уйлари (кейинги ўринларда — муқобил жойлаштириш шакллари) ёки Республика ўқув-тарбия муассасаларида (кейинги ўринда — ўқув-тарбия муассасаси) тарбияланган 18 ёшга тўлган етим ва ота-она қарамоғидан маҳрум бўлган шахслар»;
еттинчи хатбоши қуйидаги таҳрирда баён этилсин:
«онлайн-навбат» ахборот тизими — Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) томонидан юритиладиган ахборот тизимига киритилган уй-жойга муҳтож етим болалар ва ота-она қарамоғидан маҳрум бўлган болалар тўғрисидаги маълумотлар базаси»;
қуйидаги мазмундаги 31-банд билан тўлдирилсин:
«31. Етим болалар ва ота-она қарамоғидан маҳрум бўлган болаларга уй-жой улар муқобил жойлаштириш шаклларига ёки ўқув-тарбия муассасасига юборилган ҳудуддан сотиб олинади»;
4-банд қуйидаги таҳрирда баён этилсин:
«4. Етим болалар ва ота-она қарамоғидан маҳрум бўлган болаларга уй-жойлар Агентликнинг Қорақалпоғистон Республикаси, вилоятлар ва Тошкент шаҳар бошқармалари (кейинги ўринларда — ҳудудий бошқармалар) томонидан:
а) кўчмас мулкнинг бирламчи бозоридаги қурилган кўп квартирали уйлардаги турар жойлар;
б) кўчмас мулкнинг иккиламчи бозоридаги қурилган кўп квартирали уйлардаги турар жойлар;
в) белгиланган нарх доирасида якка тартибдаги турар жой сотиб олинади.
Мазкур банднинг «б» ва «в» кичик бандларида назарда тутилган уй-жойлар қонунчиликка мувофиқ белгиланган нархлар доирасида ҳудудий «Халқпарвар» комиссиялари хулосасига ҳамда уй-жойларни баҳолаш натижаларига асосан харид қилинади.
Бунда:
уй-жойга муҳтож етим ва ота-она қарамоғидан маҳрум бўлган болаларга Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Агентликнинг ҳудудий бошқармалари томонидан харид қилинган уйлар ҳисобидан ажратилади;
уй-жойга муҳтож етим ва ота-она қарамоғидан маҳрум бўлган болаларга кўчмас мулкнинг иккиламчи бозоридаги қурилган кўп квартирали уйлардаги турар жойлар ёки якка тартибдаги турар жой харид қилинганда, унинг нархи шу ҳудуддаги кўчмас мулкнинг бирламчи бозоридаги қурилган кўп квартирали уйлардан умумий майдони 25 квадрат метрдан кам бўлмаган 1 хонали, вояга етган етим болалар ўртасида никоҳ тузилган ҳолларда эса, 50 квадрат метрдан кам бўлмаган 2 хонали квартиралар нархидан ошмаслиги ҳамда қонунчиликда белгиланган тартибда баҳоловчи ташкилот томонидан баҳоланган бўлиши лозим»;
7-банддаги «Болаларни ҳимоя қилиш масалалари котибияти (кейинги ўринларда — котибият)» сўзлари «ва Агентликнинг ҳудудий бошқармалари» сўзлари билан алмаштирилсин;
8 — 11-бандлар қуйидаги таҳрирда баён этилсин:
«8. Етим болалар ва ота-она қарамоғидан маҳрум бўлган болаларни муқобил жойлаштириш шаклларига беришда, уларнинг яшаш жойи бўйича уй-жойини болада сақлаб қолиш кафолати белгиланади.
9. Бириктирилган уй-жойга эга бўлган етим болалар ва ота-она қарамоғидан маҳрум бўлган болалар муқобил жойлаштириш шаклларида ва ўқув-тарбия муассасасида бўлган тўлиқ даврда, шунингдек, Ўзбекистон Республикаси Қуролли Кучларида хизматни ўташ даврида ёки озодликдан маҳрум қилиш тариқасидаги жазони ижро этиш муассасаларида бўлган даврида уй-жойга бўлган ҳуқуқини сақлаб қолади.
10. Етим болалар ва ота-она қарамоғидан маҳрум бўлган болаларни муқобил жойлаштириш шаклларига беришда ёки ўқув-тарбия муассасасида тарбияланаётган даврида ота-оналар ёки бошқа шахслар томонидан сотиб юборилиши ёки бошқача тарзда бегоналаштирилиши натижасида болалар мавжуд уй-жойдан маҳрум бўлган ҳолат аниқланган тақдирда, Агентликнинг ҳудудий бошқармалари ёки боланинг қонуний вакиллари битимни ҳақиқий эмас деб топиш учун судга даъво аризаси билан мурожаат қилишлари шарт.
11. Етим болалар ва ота-она қарамоғидан маҳрум бўлган болалар уй-жойга муҳтож етим болалар ва ота-она қарамоғидан маҳрум бўлган болалар рўйхатида турганида ёки бириктирилган уй-жойга эга бўлганида, уларнинг ёши 23 ёшдан катта бўлмаган даврда, таълим муассасаларида, ижтимоий уйларида, муқобил жойлаштириш шаклларида бўлган ёки ўқув-тарбия муассасида бўлган тўлиқ даврда, шунингдек, Ўзбекистон Республикаси Қуролли Кучларида хизматни ўташ ёки озодликдан маҳрум қилиш тариқасидаги жазони ижро этиш муассасаларида бўлган даврида мерос бўйича ҳамда давлат томонидан бериладиган уй-жой олишга ва уни сақлаб қолишга бўлган ҳуқуқини сақлаб қолади»;
13 — 17-бандлар қуйидаги таҳрирда баён этилсин:
«13. Етим болалар ва ота-она қарамоғидан маҳрум бўлган болалар муқобил жойлаштириш шаклларида бўлиш муддатининг тугашидан бир йил олдин ёки шу муддатда «Инсон» ижтимоий хизматлар марказлари томонидан уларнинг қонуний вакиллари билан биргаликда мазкур Низомнинг 12-бандида кўрсатилган ҳолатлар мавжудлигини ўрганади.
Агар мазкур Низомнинг 12-бандида кўрсатилган ҳолатларнинг бири ёки бир нечтаси мавжуд бўлган тақдирда, «Инсон» ижтимоий хизматлар марказлари етим болалар ва ота-она қарамоғидан маҳрум бўлган болалар ёки уларнинг қонуний вакиллари билан биргаликда етим болалар ва ота-она қарамоғидан маҳрум бўлган болани ўз ҳисобида сақлаб турилган уй-жойига қайтиб боришининг имкони йўқ деб топиш ҳамда уни «онлайн-навбат» ахборот тизимига киритиш масаласини кўриб чиқиш учун Агентликнинг тегишли ҳудудий бошқармаларига мурожаат қилади.
14. Агентликнинг ҳудудий бошқармалари етим болалар ва ота-она қарамоғидан маҳрум бўлган болаларни «Инсон» ижтимоий хизматлар марказларининг яшаш жойи бўйича ўз ҳисобида сақлаб турилган уй-жойга қайтиб боришига тўсқинлик қиладиган ҳолатлар мавжудлиги тўғрисидаги мурожаатни 10 иш куни давомида кўриб чиқади ва асослантирилган хулоса қабул қилади.
15. Агентликнинг ҳудудий бошқармалари томонидан етим болалар ва ота-она қарамоғидан маҳрум бўлган болаларда, илгари унга банд қилинган уй-жойга қайтиб боришига имкон бермайдиган ёки мақсадга мувофиқ бўлмаган ҳолатлар мавжудлиги тўғрисида ижобий хулосаси мавжуд бўлганда (муқобил жойлаштириш шаклларида бўлиш ёки ўқув-тарбия муассасасида муддатининг тугашига қадар), «Инсон» ижтимоий хизматлар марказлари уларни «онлайн-навбат» ахборот тизимига киритади.
16. «Онлайн-навбат» ахборот тизимига муқобил жойлаштириш шаклларига олинган етим болалар ва ота-она қарамоғидан маҳрум бўлган болалар «Инсон» ижтимоий хизматлар марказлари томонидан киритиб борилади.
17. «Инсон» ижтимоий хизматлар марказлари «онлайн-навбат» ахборот тизимига киритилган уй-жойга муҳтож етим болалар ва ота-она қарамоғидан маҳрум бўлган болалар ҳақидаги барча тегишли маълумотлар базасини шакллантиради, сақлайди, маълумотларни доимий янгилаб боради.
«Инсон» ижтимоий хизматлар марказлари зарур ҳолларда, уй-жойга муҳтож етим болалар ва ота-она қарамоғидан маҳрум бўлган болаларга тегишли маълумотларни уй-жойга муҳтож етим болалар ва ота-она қарамоғидан маҳрум бўлган болалар ва уларнинг қонуний вакилларидан сўраб олади»;
18-банднинг биринчи хатбошиси қуйидаги таҳрирда баён этилсин:
«18. «Инсон» ижтимоий хизматлар марказлари уй-жойга муҳтож етим болалар ва ота-она қарамоғидан маҳрум бўлган болаларни улар муқобил жойлаштириш шаклларида бўлиш ҳамда ўқув-тарбия муассасасида тарбияланиши муддатининг тугашидан бир йил аввал уй-жойга муҳтожлар сифатида «онлайн-навбат» ахборот тизимига киритади»;
19-банддаги «котибиятлар» сўзи «Агентликнинг ҳудудий бошқармалари» сўзлари билан алмаштирилсин;
21-банддаги «Котибият» сўзи «Агентликнинг ҳудудий бошқармаси» сўзлари билан алмаштирилсин;
23-банддаги «Халқ таълими вазирлиги» сўзлари «устидан назорат Агентлик» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Агарда 18 ёшга тўлган уй-жойга муҳтож етим болалар ва ота-она қарамоғидан маҳрум бўлган болалар ўқув-тарбия муассасасини тугатмаган ҳолларда, ушбу тоифадаги болалар ўқув-тарбия муассасасини тугатган йилда уй-жой билан таъминланади.»;
иккинчи ва учинчи хатбошилар тегишинча учинчи ва тўртинчи хатбошилар деб ҳисоблансин;
25-банднинг иккинчи хатбошиси қуйидаги таҳрирда баён этилсин:
«Бунда етим бола ёки ота-она қарамоғидан маҳрум бўлган боланинг асослантирилган мурожаати асосида Агентлик ҳудудий бошқармалари томонидан уй-жойнинг умумий майдонини кенгайтириш ва мазкур бандда назарда тутилган талабларни сақлаб қолиш шарти билан сотишга рухсат берилади»
28-банддаги «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Болаларни ҳимоя қилиш масалалари котибияти» сўзлари «Агентлик» сўзи билан алмаштирилсин;
29-банддаги «Халқ таълими вазирлиги» сўзлари «Агентлик» сўзи билан алмаштирилсин;
31-банд қуйидаги таҳрирда баён этилсин:
«31. Давлат бюджети параметрларида Агентлик учун ажратилган маблағлар таркибида алоҳида сатрда маблағлар режалаштирилиб, кейинчалик ҳақиқий талабдан келиб чиққан ҳолда Агентликнинг ҳудудий бошқармаларига қайта тақсимлаш орқали йўналтирилади»;
32-банд ўз кучини йўқотган деб ҳисоблансин;
33-банд қуйидаги таҳрирда баён этилсин:
«33. Ушбу маблағлар Агентликнинг ҳудудий бошқармалари томонидан белгиланган тартибда олди-сотди шартномасига асосан уй-жойни балансда сақловчининг ҳисобрақамига ёки уй-жой эгасининг банк омонат ҳисобрақамига ҳамда қурилиш пудрат ташкилоти ҳисобрақамига пул ўтказиш йўли билан ўтказиб берилади.
Бунда:
таъмирлаш ва жиҳозлаш билан боғлиқ харажатлар тегишли туман (шаҳар) маҳаллий бюджетининг қўшимча манбалари, «Меҳр дафтари» жамғармаси ва Ижтимоий ҳимоя миллий агентлигининг Ижтимоий ҳимоя давлат жамғармаси ҳисобидан;
уй-жойни баҳолаш ва унга бўлган ҳуқуқларни расмийлаштириш билан боғлиқ харажатлар мазкур Низомнинг 31-бандида белгиланган маблағлар ҳисобидан қопланади»;
34-банднинг биринчи хатбошиси қуйидаги таҳрирда баён этилсин:
«34. Агентликнинг ҳудудий бошқармалари уй-жой бериш тўғрисидаги қарорини (буйруқни) қабул қилади ва туман (шаҳар) ҳокимлигига етим болалар ва ота-она қарамоғидан маҳрум бўлган болаларга ушбу Низомга 2-иловада белгиланган намунадаги ордерни бериш учун юборади. Бунда туман (шаҳар) ҳокимлиги қарор (буйруқ) келиб тушган кундан бошлаб бир иш кунида етим болалар ва ота-она қарамоғидан маҳрум бўлган болаларга ордерни расмийлаштиради ва Агентликнинг ҳудудий бошқармаларига юборилишини таъминлайди. Мазкур ордер берилган уй-жойга кўчиб кириш учун асос ҳисобланади»;
қуйидаги мазмундаги 341-банд билан тўлдирилсин:
«341. Агентликнинг ҳудудий бошқармалари туман (шаҳар) ҳокимлиги томонидан ордер расмийлаштириб берилгандан сўнг 5 иш куни мобайнида ушбу уй-жойни етим бола ва ота-она қарамоғидан маҳрум бўлган болага белгиланган тартибда расмийлаштириб берилишини таъминлайди»;
39-банднинг биринчи хатбошисидаги «, расмийлаштирилган санадан бошлаб ўн йил муддатга» сўзлари «ва 30 ёшга тўлгунига қадар» сўзлари билан алмаштирилсин;
41-банддаги «Туман (шаҳар) ҳокимликлари» сўзлари «Агентликнинг ҳудудий бошқармалари» сўзлари билан алмаштирилсин;
42-банд қуйидаги таҳрирда баён этилсин:
«42. Етим бола ёки ота-она қарамоғидан маҳрум бўлган бола у муқобил жойлаштириш шаклларида бўлиш ёки ўқув-тарбия муассасасида тарбияланиш муддатининг тугаётган йилнинг охирига қадар бўлган муддатда уй-жойлар билан таъминланадилар, ушбу низомнинг 9-бандидаги ҳолатлар бундан мустасно»;
43-банддаги «Туман (шаҳар) ҳокимликлари» сўзлари «Агентликнинг ҳудудий бошқармалари» сўзлари билан алмаштирилсин;
45-банддаги «туман (шаҳар) ҳокимликлари болаларни ҳимоя қилиш шуъбалари» сўзлари «Инсон» ижтимоий хизматлар марказлари» сўзлари билан алмаштирилсин;
46 ва 47-бандлар қуйидаги таҳрирда баён этилсин:
«46. Етим болалар ва ота-она қарамоғидан маҳрум бўлган боланинг ажратилган уй-жойда яшаши, ижтимоий ҳаётга мослашишида қийинчиликлар аниқланган тақдирда, унга «Инсон» ижтимоий хизматлар марказлари ва маҳалла органи фаоллари билан биргаликда ижтимоий-психологик ёрдам кўрсатилади.
47. Уй-жойга муҳтож сифатида ҳисобга қўйилган ҳамда уй-жой билан таъминланган етим болалар ва ота-она қарамоғидан маҳрум бўлган болалар тўғрисидаги йиллик маълумотлар Агентликнинг ҳудудий бошқармалари Агентликка ва туман (шаҳар) ҳокимликлари томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига ҳисобот йилидан кейинги йилнинг 20 январигача, ўз навбатида, Агентлик ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Ўзбекистон Республикаси Вазирлар Маҳкамаси ва Статистика агентлигига ҳисобот йилидан кейинги йилнинг 25 январигача тақдим этилиши лозим»;
1 ва 2-иловалар қуйидаги таҳрирда баён этилсин:
«Етим болалар ва ота-она қарамоғидан маҳрум бўлган болаларни уй-жой билан таъминлаш тартиби тўғрисидаги низомга
1-ИЛОВА
Етим болалар ва ота-она қарамоғидан маҳрум бўлган болаларни уй-жойлар билан таъминлаш
СХЕМАСИ

Босқичлар

Субъектлар

Механизм

Муддатлар

1-босқич

Уқув-тарбия муассасалари ва «Инсон» ижтимоий хизматлар марказлари

Етим болалар ва ота-она қарамоғидан маҳрум бўлган болаларни уй-жойга муҳтож сифатида «онлайн-навбат» ахборот тизимига киритиб боради.

Болани муқобил жойлаштириш шаклларида бўлиш муддати тугашидан бир йил аввал

2-босқич

Агентликнинг ҳудудий бошқармалари

1. Етим болалар ва ота-она қарамоғидан маҳрум бўлган болалар учун уй-жой топади ва баҳоланишини ташкил этади.

1. Йил давомида

2. Етим болалар ва ота-она қарамоғидан маҳрум бўлган болалар учун белгиланган тартибда уй-жой сотиб олади.

2. Уй-жой баҳолангандан кейин беш кун ичида

3. Уй-жой бериш тўғрисида қарор (буйруқ) қабул қилади ва туман (шаҳар) ҳокимлигига юборади.

3. Етим болалар ва ота-она қарамоғидан маҳрум бўлган бола 18 ёшга тўлган йилда

3-босқич

Туман (шаҳар) ҳокимлиги

Етим болалар ва ота-она қарамоғидан маҳрум бўлган болага берилган уй-жойга кириб яшаши учун ордер берилади.

Қарор (буйруқ)келиб тушган кундан бошлаб бир иш куни ичида

4-босқич

Агентликнинг ҳудудий бошқармалари

Туман (шаҳар) ҳокимликлари уй-жойни бериш бўйича ордерда кўрсатилган уйни етим бола номига белгиланган тартибда расмийлаштириб беради.

Ордер олинган кундан бошлаб 5 иш куни мобайнида

Етим болалар ва ота-она қарамоғидан маҳрум бўлган болаларни уй-жой билан таъминлаш тартиби тўғрисидаги низомга
2-ИЛОВА

Ўзбекистон Республикаси ___________________ вилояти ҳокимлиги

(ёки Қорақалпоғистон Республикаси Вазирлар Кенгаши)

___________ тумани (шаҳар) ҳокимлиги

Уй-жой ажратилганлиги тўғрисида

ОРДЕР

Мазкур ордер «______» _________________ ________ йилда туғилган

_______________________(кун)___________(ой)____________(йил)

____________________________________________________________________________________________ га

(Ф.И.О.)

________________ кишидан иборат оиласи (ўзи) учун умумий майдони ________ кв.м

бўлган ________ хонали уй-жойни ________________________________________________________________

мулк ҳуқуқи асосида расмийлаштириш / қуриш (реконструкция қилиш)

мақсадида ______________________________________________________________________ асосида берилди.

(буйруқни қабул қилган орган, буйруқ рақами ва санаси)

Паспорт (идентификацияловчи ID-карта) маълумотлари: ________________________________________.

(серияси, рақами, қачон ва ким томонидан берилган)

Ажратилган уй-жой манзили: _______________________________________________________________.

(туман (шаҳар), уй, хонадон рақами)

Уй-жойнинг қиймати: _____________________________________________________________________.

(сумма сўз билан ёзилади)

Ордер эгаси билан бир қаторда уй-жойга унинг қуйидаги оила аъзолари ҳам биргаликда яшаши ҳисобга олинган.

Т/р

Қариндошлик даражаси

Ф.И.О.

Шахсни тасдиқловчи ҳужжат (серияси, рақами)

Туғилган санаси

1.

турмуш ўртоғи

2.

фарзандлар

______________ тумани (шаҳри) ҳокими

______________________

QR-код

(Ф.И.О.)

______________________ тумани (шаҳри) ҳокими____________________20____ йил.

Изоҳ. Ордер эгаси 30 ёшга тўлгунига қадар уй-жойни сотишга, алмаштиришга ёки бошқача турдаги бегоналаштиришга йўл қўйилмайди. Ушбу ордер уй-жойга кўчиб кириш учун асос ҳисобланади.».
3. Вазирлар Маҳкамасининг 2022 йил 31 мартдаги 145-сон қарори билан тасдиқланган «Аёллар дафтари»ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низомда:
а) 33-банднинг иккинчи хатбошисидан «Саховат ва кўмак» жамғармаси ва бошқа» сўзлари чиқариб ташлансин;
б) 39-банднинг биринчи хатбошисидан «ва «Саховат ва кўмак» жамғармаси» сўзлари чиқариб ташлансин;
5-позиция қуйидаги таҳрирда баён этилсин:

«

5.

Зарур ҳолларда, сектор раҳбари хулосаси асосида, бир марталик моддий ёрдам бериш.

базавий ҳисоблаш миқдорининг 2 баравари миқдорида

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

»;

10-позиция қуйидаги таҳрирда баён этилсин:

«

10.

Бир марталик моддий ёрдам бериш.

базавий ҳисоблаш миқдорининг 4 баравари миқдорида

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

 

»;

12-позиция қуйидаги таҳрирда баён этилсин:

«

12.

Бир марталик моддий ёрдам бериш.

базавий ҳисоблаш миқдорининг 4 баравари миқдорида

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

 

»;

17-позиция қуйидаги таҳрирда баён этилсин:

«

17.

Сектор раҳбари хулосаси асосида, бир марталик моддий ёрдам бериш.

базавий ҳисоблаш миқдорининг 2 баравари миқдорида

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

»;

18-позиция қуйидаги таҳрирда баён этилсин:

«

18.

Бир марталик моддий ёрдам бериш.

базавий ҳисоблаш миқдорининг 4 баравари миқдорида

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

 

»;

41-позиция қуйидаги таҳрирда баён этилсин:

«

41.

«Аёллар дафтари»га киритилган хотин-қизларнинг саёҳатларини ташкил этиш.

Ҳисоб-китобга кўра

«Аёллар дафтари» жамғармаси

Оила ва хотин-қизлар қўмитаси

Хотин-қизлар фаоли

».

4. Вазирлар Маҳкамасининг 2022 йил 25 апрелдаги 211-сон қарори билан тасдиқланган Ҳудудларда аҳоли билан ўтказилган учрашувлар давомида билдирилган таклифлар ва аҳолини узоқ йиллардан буён қийнаб келаётган мавжуд муаммоларни тезкор бартараф этишга қаратилган ҳамда амалий тадбирларни ўз ичига олган «Йўл харитасининг» 4-позицияси чиқариб ташлансин.
5. Вазирлар Маҳкамасининг «Ўзгалар парваришига муҳтож шахсларга ижтимоий хизмат ва ёрдам кўрсатишнинг сифат жиҳатидан янги тизимини жорий этиш тўғрисида» 2024 йил 11 мартдаги 123-сон қарорининг 5-банди учинчи хатбошиси қуйидаги таҳрирда баён этилсин:
«хизматларнинг нархи энг яхши тижорий таклифлар асосида шакллантирилади».
Вазирлар Маҳкамасининг 2024 йил 31 майдаги 313-сон қарорига
4-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим ҳужжатлари
РЎЙХАТИ
1. Вазирлар Маҳкамасининг «Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш бўйича қўшимча чора-тадбирлар тўғрисида» 2021 йил 28 апрелдаги 250-сон қарори.
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида» 2021 йил 20 апрелдаги ПФ-6208-сон Фармони)» 2021 йил 23 июлдаги 450-сон қарорига илованинг 4-банди.
3. Вазирлар Маҳкамасининг «Ўзбекистон Республикаси Вазирлар Маҳкамасининг ижро этувчи тузилмаси такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 16 августдаги 524-сон қарорига 1-илованинг 35-банди.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Зўрлик ишлатишдан жабр кўрган хотин-қизларни реабилитация қилишга оид қўшимча чора-тадбирлар тўғрисида» 2021 йил 19 майдаги ПҚ-5116-сон қарори)» 2021 йил 6 октябрдаги 624-сон қарорига илованинг 7-банди.
5. Вазирлар Маҳкамасининг «Етим болалар ва ота-она қарамоғидан маҳрум бўлган болаларни ижтимоий қўллаб-қувватлашга доир қўшимча чора-тадбирлар тўғрисида» 2021 йил 25 октябрдаги 656-сон қарорига 2-илованинг 18-банди.
6. Вазирлар Маҳкамасининг «Хотин-қизлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида» 2022 йил 31 мартдаги 145-сон қарорининг 13-банди ҳамда қарорга 4-илова.
7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 1026-банди.
8. Вазирлар Маҳкамасининг «Ёшлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида» 2022 йил 7 июндаги 312-сон қарорига 4-илованинг 6-банди.
9. Вазирлар Маҳкамасининг «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 8 июлдаги 375-сон қарорига 1-илованинг 27-банди.
10. Вазирлар Маҳкамасининг «Оила ва хотин-қизлар билан ишлаш, маҳалла ва нуронийларни қўллаб-қувватлаш тизими такомиллаштирилиши муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 9 августдаги 438-сон қарорига 1-илованинг 79-банди.
11. Вазирлар Маҳкамасининг «Ўзбекистон Республикаси Ҳукуматининг айрим ҳужжатларига ижтимоий аҳволи ва турмуш шароити оғир оилаларни қўллаб-қувватлаш тизимини соддалаштиришга қаратилган ўзгартириш ва қўшимчалар киритиш тўғрисида» 2023 йил 17 октябрдаги 547-сон қарори.
12. Вазирлар Маҳкамасининг «Қишлоқ ҳўжалигига мўлжалланган ер участкаларини ижарага бериш тартиби такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш тўғрисида» 2024 йил 26 апрелдаги 237-сон қарорига илованинг 3-банди.
13. Вазирлар Маҳкамасининг 2020 йил 22 апрелдаги 213-Ф-сон фармойиши.
(Қонунчилик маълумотлари миллий базаси, 19.06.2024 й., 09/24/313/0426-сон; 28.12.2024 й., 09/24/893/1088-сон; 26.07.2025 й., 09/25/462/0650-сон; 17.09.2025 й., 09/25/587/0836-сон; 12.02.2026 й., 09/26/48/0134-сон; 06.05.2026 й., 09/26/224/0457-сон; 22.05.2026 й., 09/26/271/0529-сон)