Ўзбекистон Республикасининг 2023 йил 27 сентябрдаги ЎРҚ-869-сон «Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартириш ва қўшимчалар киритиш тўғрисида»ги Қонуни, Ўзбекистон Республикаси Президентининг 2020 йил 19 майдаги ПФ-5997-сон «Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида»ги Фармонига мувофиқ буюраман:

1. Айрим идоравий норматив-ҳуқуқий ҳужжатларга иловага мувофиқ ўзгартиришлар киритилсин.

2. Мазкур буйруқ 2024 йил 1 январдан эътиборан кучга киради.

1. Ўзбекистон Республикаси Адлия вазирлиги ҳамда Молия вазирлигининг 2008 йил 26 ноябрдаги 8, 109-сон қарори (рўйхат рақами 1878, 2008 йил 2 декабрь) (Ўзбекистон Республикаси қонун ҳужжатлари тўплами, 2008 й., 49-сон, 487-модда) билан тасдиқланган Гумон қилинувчи, айбланувчи ёки судланувчига адвокатлар томонидан юридик ёрдам кўрсатиш бўйича харажатларни давлат ҳисобига ўтказиш тартиби тўғрисидаги низомда:

6-банддаги «назорат тартибида» деган сўзлар «тафтиш тартибида» деган сўзлар билан алмаштирилсин;

илова матнидаги «назорат тартибида» деган сўзлар «тафтиш тартибида» деган сўзлар билан алмаштирилсин.

2. Ўзбекистон Республикаси адлия вазирининг 2018 йил 5 январдаги 1-мҳ-сон «Адвокатлик тузилмаларининг статистик маълумотлар шаклларини тасдиқлаш ҳақида»ги буйруғига (рўйхат рақами 2960, 2018 йил 5 январь) (Қонун ҳужжатлари маълумотлари миллий базаси, 06.01.2018 й., 10/18/2960/0513-сон) 1-илованинг матнидаги «назорат инстанциясида», «Назорат инстанцияси» ва «назорат тартибида» деган сўзлар тегишли равишда «тафтиш инстанциясида», «Тафтиш инстанцияси» ва «тафтиш тартибида» деган сўзлар билан алмаштирилсин.