312-сон 26.07.2023. Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомни тасдиқлаш ҳақида

Ўзбекистон Республикаси Вазирлар Маҳкамасининг

қарори

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомни тасдиқлаш ҳақида

Ўзбекистон Республикасининг «Давлат харидлари тўғрисида»ги Қонуни ва Ўзбекистон Республикаси Президентининг «Давлат активларини хусусийлаштириш жараёнларини янада жадаллаштириш тўғрисида» 2021 йил 11 февралдаги ПФ-6167-сон Фармонига мувофиқ, давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартибини жорий этиш мақсадида Вазирлар Маҳкамаси қарор қилади:

LexUZ шарҳи

Қаранг: Ўзбекистон Республикаси Президентининг 2020 йил 27 октябрдаги ПФ-6096-сонли «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги Фармони.

1. Қуйидагиларни назарда тутувчи Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низом иловага мувофиқ тасдиқлансин:

давлат активларини хусусийлаштириш, ишончли бошқарувга бериш, хўжалик жамиятлари устав фондига киритиш, давлат активларини тасарруф этиш ва бутлигини сақлаш билан боғлиқ бошқа ҳолатларда уларни баҳолашда баҳоловчи ташкилотлар хизматларининг бошланғич қийматини аниқлаш тартиби;

LexUZ шарҳи

Қаранг: Ўзбекистон Республикаси Президентининг 2021 йил 11 февралдаги ПФ-6167-сонли «Давлат активларини хусусийлаштириш жараёнларини янада жадаллаштириш тўғрисида»ги Фармонининг 3-банди.

қишлоқ хўжалигига мўлжалланмаган ер участкаларини сотиш мақсадида баҳолашда баҳоловчи ташкилот хизматларининг бошланғич қийматини аниқлаш тартиби;

баҳолаш ҳисоботининг ишончлилигини экспертизадан ўтказишда баҳоловчи ташкилотлар хизматларининг бошланғич қийматини аниқлаш тартиби.

2. Давлат активларини бошқариш агентлиги ҳамда манфаатдор вазирлик ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2023 йил 26 июль,

312-сон

Вазирлар Маҳкамасининг 2023 йил 26 июлдаги 312-сон қарорига
ИЛОВА

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги

НИЗОМ

1-боб. Умумий қоидалар

1. Ушбу Низом давлат активларини самарали бошқаришни ташкил этишда (хусусийлаштириш, ишончли бошқарувга бериш, хўжалик жамиятлари устав фондига киритиш, давлат активини тасарруф этиш ва бутлигини сақлаш билан боғлиқ бошқа ҳолатларда ҳамда қишлоқ хўжалигига мўлжалланмаган ер участкасини сотишда) уларни баҳолаш ҳамда баҳолаш ҳисоботининг ишончлилигини экспертизадан ўтказиш учун баҳоловчи ташкилотлар хизматларининг бошланғич қийматини аниқлаш тартибини белгилайди.

2. Мазкур Низом қоидалари давлат активини баҳолаш, шунингдек баҳолаш ҳисоботининг ишончлилигини экспертизадан ўтказишда бюджет буюртмачиси томонидан баҳоловчи ташкилотларни (хорижий баҳоловчи ташкилотлар ва уларнинг Ўзбекистонда фаолият юритаётган шуъба корхоналари бундан мустасно) жалб қилиш ва улар кўрсатган хизматларнинг қиймати белгиланган тартибда аниқланишини таъминлаш мақсадлари учун татбиқ этилади.

3. Давлат активларини самарали бошқаришда баҳоловчи ташкилотлар хизматларининг бошланғич қийматини аниқлаш тартиби бюджет буюртмачилари томонидан давлат харидларини амалга оширишда қўлланилади.

LexUZ шарҳи

Қаранг: Ўзбекистон Республикаси «Давлат харидлари тўғрисида»ги Қонуни.

2-боб. Давлат активини баҳолаш бўйича баҳоловчи ташкилот хизматининг бошланғич қийматини аниқлаш

4. Баҳоловчи ташкилот хизматларининг бошланғич қиймати мазкур бобда назарда тутилган формулалар, коэффициентлар ҳамда калькуляцияларга мувофиқ аниқланади.

Бунда, баҳоловчи ташкилот хизматларининг бошланғич қийматини аниқлаш усули баҳолаш объектининг қуйидаги типларига боғлиқ бўлади:

Олдинги таҳрирга қаранг.

давлат муассасалари ҳамда давлатга тегишли хўжалик юритувчи субъектларнинг устав фондидаги акция (улуш)лар (кейинги ўринларда — давлатга тегишли акциялар (улушлар);

(4-банднинг учинчи хатбошиси Ўзбекистон Республикаси Вазирлар Маҳкамасининг 2025 йил 7 ноябрдаги 709-сонли қарори таҳририда — Қонунчилик маълумотлари миллий базаси, 10.11.2025 й., 09/25/709/1027-сон)

давлатга тегишли мулкий мажмуа, мулкий мажмуанинг бир қисми (кейинги ўринларда — мулкий мажмуа);

давлатга тегишли бино (шу жумладан, қурилиши тугалланмаган);

давлатга тегишли қишлоқ хўжалигига мўлжалланмаган ер участкаси;

мазкур банднинг учинчи — олтинчи хатбошиларида назарда тутилмаган давлатга тегишли бошқа активлар (иншоотлар, узатувчи мосламалар, машиналар, асбоб-ускуналар, транспорт воситалари, инструментлар, ашё-инвентарлар, ишчи ҳайвон, кўп йиллик ўсимликлар ва бошқа асосий воситалар).

Давлатга тегишли баҳолаш объекти таркибида ер участкаси бўлган тақдирда, баҳоловчи ташкилот хизматларининг бошланғич қийматига мазкур Низомнинг 7-бандида кўрсатилган тартибда аниқланадиган давлатга тегишли қишлоқ хўжалигига мўлжалланмаган ер участкасини мулк ёки ижара ҳуқуқи асосида сотиш мақсадида баҳолаш хизматларининг бошланғич қиймати қўшилади.

5. Давлатга тегишли акциялар (улушлар) ёки мулкий мажмуа баҳоланганда баҳоловчи ташкилот хизматларининг бошланғич қиймати қуйидаги формула бўйича ҳисобланади:

Қ_уа = [(БҲМ х К₁) + (БҲМ х К₂)] х К_ё х К_ҳ, бунда:

Қ_уа — давлатга тегишли акциялар (улушлар) ёки мулкий мажмуа баҳоланганда баҳоловчи ташкилот хизматларининг бошланғич қиймати;

БҲМ — бошланғич қиймат аниқланаётган кунда Ўзбекистон Республикасида белгиланган базавий ҳисоблаш миқдори;

К₁ — мазкур Низомга 1-иловага мувофиқ базавий ҳисоблаш миқдорига нисбатан коэффициент;

К₂ — мазкур Низомга 2-иловага мувофиқ базавий ҳисоблаш миқдорига нисбатан коэффициент;

К_ё — баҳолашда қўлланилган ёндашув сонини ҳисобга олувчи коэффициент бўлиб, қуйидагига тенг:

битта ёндашув қўлланилганда — 1,0;

иккита ёндашув қўлланилганда — 1,3;

учта ёндашув қўлланилганда — 1,5;

К_ҳ — баҳолаш объекти жойлашган ҳудудни (Қорақалпоғистон Республикаси, вилоятлар ва Тошкент шаҳри) ҳисобга олувчи коэффициент бўлиб, бунда:

агар баҳолаш объекти республиканинг иккитагача ҳудудларида жойлашган бўлса, коэффициент — 1,05;

агар баҳолаш объекти республиканинг учтадан олтитагача ҳудудларида жойлашган бўлса, коэффициент — 1,1;

агар баҳолаш объекти республиканинг еттитадан ўнтагача ҳудудларида жойлашган бўлса, коэффициент — 1,15;

агар баҳолаш объекти республиканинг ўн бир ва ундан ортиқ ҳудудларида жойлашган бўлса, коэффициент — 1,2 ни ташкил этади.

6. Давлатга тегишли бино (шу жумладан, қурилиши тугалланмаган) баҳоланганда баҳоловчи ташкилот хизматларининг бошланғич қиймати қуйидаги формула бўйича ҳисобланади:

Қ_би = (БҲМ х К₁) х К_ё х К_ҳ, бунда:

Қ_би — давлатга тегишли бино (шу жумладан, қурилиши тугалланмаган) баҳоланганда баҳоловчи ташкилот хизматларининг бошланғич қиймати.

БҲМ — бошланғич қиймат аниқланаётган кунда Ўзбекистон Республикасида белгиланган базавий ҳисоблаш миқдори;

К₁ — мазкур Низомга 1-иловага мувофиқ базавий ҳисоблаш миқдорига нисбатан коэффициент;

К_ё — баҳолашда қўлланилган ёндашув сонини ҳисобга олувчи коэффициент бўлиб, қуйидагига тенг:

битта ёндашув қўлланилганда — 1,0;

иккита ёндашув қўлланилганда — 1,3;

учта ёндашув қўлланилганда — 1,5;

агар баҳолаш объекти республиканинг иккитагача ҳудудларида жойлашган бўлса, коэффициент — 1,05;

агар баҳолаш объекти республиканинг учтадан олтитагача ҳудудларида жойлашган бўлса, коэффициент — 1,1;

агар баҳолаш объекти республиканинг еттитадан ўнтагача ҳудудларида жойлашган бўлса, коэффициент — 1,15;

7. Давлатга тегишли қишлоқ хўжалигига мўлжалланмаган ер участкасини мулк ёки ижара ҳуқуқи асосида реализация қилиш мақсадида баҳоланганда баҳоловчи ташкилот хизматларининг бошланғич қиймати баҳоланаётган ер участкасининг умумий майдонидан келиб чиққан ҳолда, бошланғич қиймат аниқланаётган кундаги базавий ҳисоблаш миқдорининг:

1 000 кв.м.гача — 1,5 баравари;

1 000 кв.м.дан 10 000 кв.м.гача — 2 баравари;

10 000 кв.м. ва ундан юқори бўлганда — 3 баравари этиб белгиланади.

8. Давлатга тегишли бошқа активлар баҳоланганда баҳоловчи ташкилот хизматларининг бошланғич қиймати қуйидаги формула бўйича ҳисобланади:

Қ_ба = БҲМ х (К₃ х С) х К_ёх К_ҳ, бунда:

Қ_ба — давлатга тегишли бошқа активлар баҳоланганда баҳоловчи ташкилот хизматларининг бошланғич қиймати;

К₃ — мазкур Низомга 3-иловага мувофиқ базавий ҳисоблаш миқдорига нисбатан коэффициент;

С — баҳолаш объектлари сони;

К_ё — баҳолашда қўлланилган ёндашув сонини ҳисобга олувчи коэффициент бўлиб, қуйидагига тенг:

битта ёндашув қўлланилганда — 1,0;

иккита ёндашув қўлланилганда — 1,3;

учта ёндашув қўлланилганда — 1,5;

агар баҳолаш объекти республиканинг иккитагача ҳудудларида жойлашган бўлса, коэффициент — 1,05;

агар баҳолаш объекти республиканинг учтадан олтитагача ҳудудларида жойлашган бўлса, коэффициент — 1,1;

агар баҳолаш объекти республиканинг еттитадан ўнтагача ҳудудларида жойлашган бўлса, коэффициент — 1,15;

9. Давлатга тегишли баҳолаш объектлари баҳоланганда баҳоловчи ташкилот хизматларининг бошланғич қиймати мазкур Низомнинг 5, 6, 7 ва 8-банларида кўрсатилган формулаларга мувофиқ аниқланиб, қуйидаги калькуляцияларга асосан ҳисоблаб чиқарилади:

давлатга тегишли акциялар (улушлар) ёки мулкий мажмуа баҳоланганда мазкур Низомга 4-иловада келтирилган калькуляцияга мувофиқ;

давлатга тегишли бино (шу жумладан, қурилиши тугалланмаган) баҳоланганда мазкур Низомга 5-иловада келтирилган калькуляцияга мувофиқ;

давлатга тегишли бошқа активлар баҳоланганда мазкур Низомга 6-иловада келтирилган калькуляцияга мувофиқ аниқланади.

10. Баҳолаш объекти талаб қилиш ҳуқуқи, мажбурият (қарз) бўлганда баҳоловчи ташкилот хизматларининг бошланғич қиймати баҳолаш объектининг (хўжалик юритувчи субъект устав фондидаги акциялар (улушлар), мулкий мажмуа, бино (шу жумладан, қурилиши тугалланмаган) ва бошқа активлар) юзага келиш манбаидан келиб чиқиб белгиланади.

11. Баҳолаш тўғрисидаги ҳисоботларнинг ишончлилигини экспертизадан ўтказиш бўйича баҳоловчи ташкилот хизматларининг бошланғич қиймати қуйидагича белгиланади:

а) давлатга тегишли акциялар (улушлар), мулкий мажмуа, давлатга тегишли бино (шу жумладан, қурилиши тугалланмаган), давлатга тегишли бошқа асосий воситалар бўйича:

таҳлилий экспертиза ўтказилганда, мазкур Низомга мувофиқ баҳолаш хизматлари бошланғич қийматининг 20 фоизи, лекин базавий ҳисоблаш миқдорининг йигирма бараваридан кўп бўлмаган миқдорда;

жойига чиққан ҳолда экспертиза ўтказилганда, мазкур Низомга мувофиқ ҳисобланган хизматлар бошланғич қийматининг 25 фоизи, лекин базавий ҳисоблаш миқдорининг ўн бараваридан кам бўлмаган миқдорда;

б) қишлоқ хўжалигига мўлжалланмаган ер участкаси бўйича таҳлилий экспертиза ёки жойига чиққан ҳолда экспертиза ўтказиш учун базавий ҳисоблаш миқдорининг бир баравари миқдорида.

12. Танловда иштирок этиш учун таклифлар тақдим этилмаганлиги сабабли танлов ўтказилмаган деб ҳисобланган тақдирда, бюджет буюртмачиси мазкур Низомга асосан аниқланган баҳоловчи ташкилот хизматларининг бошланғич қийматини энг кўпи билан бир ярим бараварга оширган ҳолда такроран эълон бериши мумкин.

3-боб. Якунловчи қоида

13. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавобгар бўладилар.

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
1-ИЛОВА

Базавий ҳисоблаш миқдорига нисбатан коэффициентлар

Т/р	Баҳолаш объектининг майдони — бино (шу жумладан, қурилиши тугалланмаган)*	К₁
1.	100 м² гача	5
2.	101 дан 300 м² гача	9
3.	301 дан 600 м² гача	13
4.	601 дан 1000 м²гача	17
5.	1001 дан 2000 м² гача	21
6.	2001 дан 3500 м² гача	25
7.	3501 дан 5000 м² гача	29
8.	5001 дан 7000 м² гача	33
9.	7001 дан 9500 м² гача	37
10.	9501 дан 12500 м²гача	41
11.	12501 дан 20000 м²гача	45
12.	20001 дан 30000 м² гача	49
13.	30001 дан 40000 м² гача	53
14	40001 дан 50000 м² гача	57
15	50001 дан 60000 м² гача	61
16	60001 м² ва ундан ортиқ	65

* Хизматлар бошланғич қийматини аниқлашда бино (шу жумладан, қурилиши тугалланмаган) майдони баҳоланаётган ҳамма бинолар (шу жумладан, қурилиши тугалланмаганлари) майдонларининг йиғиндиси сифатида аниқланади.

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
2-ИЛОВА

Базавий ҳисоблаш миқдорига нисбатан коэффициентлар

Т/р	Бинолардан (шу жумладан, қурилиши тугалланмаган) ташқари асосий фондлар сони*	К₂
1.	50 донагача	8
2.	51 дан 200 донагача	10
3.	201 дан 400 донагача	15
4.	401 дан 700 донагача	30
5.	701 дан 1100 донагача	40
6.	1101 дан 1500 донагача	50
7.	1501 дан 2000 донагача	70
8.	2001 дан 3000 донагача	100
9.	3001 дан 4000 донагача	130
10.	4001 дан 5000 донагача	160
11.	5001 дан 6000 донагача	200
12.	6001 дан 7000 донагача	230
13.	7001 дан 8000 донагача	260
14.	8001дан 9000 донагача	280
15.	9001 ва ундан ортиқ	300

* Хизматлар бошланғич қийматини аниқлашда бир хил номдаги, ишга тушириш (экиш) йили ва маркаси (типи) бир хил бўлган баҳолаш объектлари баҳоланаётган объектнинг битта бирлиги сифатида қаралади.

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
3-ИЛОВА

Базавий ҳисоблаш миқдорига нисбатан коэффициентлар

Т/р	Баҳолаш объекти	С	К₃
	I. Моддий активлар*
1.	Иншоотлар, узатувчи мосламалар, машина ва асбоб-ускунлар	1 бирлик	2,0
2.	Енгил автомототранспорт ва электр транспорт воситалари	1 бирлик	1,5
3.	Йирик юк ташиш транспорт ва электр транспорт воситалари, темир йўл теплавозлари, вагонлари	1 бирлик	2,5
4.	Инструментлар, инвентарь, ишчи ҳайвон, кўп йиллик ўсимликлар ва бошқа асосий фондлар	1 бирлик	0,5
	II. Номоддий активлар
5.	Номоддий активлар	1 бирлик	7,0
6.	Интеллектуал мулк	1 бирлик	20,0
	III. Қарздорликлар
7.	Дебитор қарзлар, инвестициялар, капитал қўйилмалар	1 бирлик**	2,0
8.	Узоқ муддатли дебитор қарздорлик	1 бирлик**	2,0

** Дебитор қарздорлиги мавжуд ташкилотлар сони.

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
4-ИЛОВА

Хўжалик юритувчи субъект устав фондидаги акциялар (улушлар) ёки мулкий мажмуа баҳоланганда хизматлар бошланғич қийматини аниқлаш бўйича
К А Л Ь К У Л Я Ц И Я

					(сўм)
Т/р	Баҳолаш объекти	Ўлчов бирлиги	Коэф-т (К₁, К₂)	Қиймат
	Баҳоловчи ташкилот хизматларининг бошланғич қийматини аниқлаш санасида Ўзбекистон Республикасида белгиланган базавий ҳисоблаш миқдори (сўм):
1.	Бино (шу жумладан, қурилиши тугалланмаган)	100 м²гача	5	К₁ х БҲМ
		101 дан 300 м² гача	9
		301 дан 600 м²гача	13
		601 дан 1000 м² гача	17
		1001 дан 2000 м² гача	21
		2001 дан 3500 м² гача	25
		3501 дан 5000 м² гача	29
		5001 дан 7000 м² гача	33
		7001 дан 9500 м² гача	37
		9501 дан 12500 м² гача	41
		12501 дан 20000 м²гача	45
		20001 дан 30000 м² гача	49
		30001 дан 40000 м² гача	53
		40001 дан 50000 м²гача	57
		50001 дан 60000 м²гача	61
		60001 м² ва ундан ортиқ	65
2.	Бинолардан (шу жумладан, қурилиши тугалланмаганлари) ташқари асосий фондлар	50 донагача	8	К₂ х БҲМ
		51 дан 200 донагача	10
		201 дан 400 донагача	15
		401 дан 700 донагача	30
		701 дан 1100 донагача	40
		1101 дан 1500 донагача	50
		1501дан 2000 донагача	70
		2001 дан 3000 донагача	100
		3001 дан 4000 донагача	130
		4001 дан 5000 донагача	160
		5001 дан 6000 донагача	200
		6001 дан 7000 донагача	230
		7001 дан 8000 донагача	260
		8001 дан 9000 донагача	280
		9001 ва ундан ортиқ	300
3.	Қимматли қоғозлар			3 х БҲМ
4.	Номоддий активлар			К₃ х БҲМ
5.	Интеллектуал мулк			К₃ х БҲМ
6.	Дебиторлик қарзлари, инвестициялар, капитал қўйилмалар			К₃ х БҲМ
7.	Узоқ муддатли дебитор қарздорлик			К₃ х БҲМ
8.	Сумма			=1 сатр+2 сатр+3 сатр+4 сатр+5 сатр+6 сатр+7 сатр
Кўрсаткичлар
9.	Баҳолашда қўлланилган ёндашув сонини ҳисобга олувчи коэффициент, (К_ё)			= 8 сатр х тегишли коэффициент
10.	Баҳолаш объекти жойлашган ҳудудни ҳисобга олувчи коэффициент, (К_ҳ)			= 9 сатр х тегишли коэффициент
11.	Қишлоқ хўжалигига мўлжалланмаган ер участкаси мулк ҳуқуқи ёки ижара ҳуқуқи асосида сотиш мақсадида баҳоланганда			БҲМнинг тегишли баравари
12.	Хизматлар қиймати			= 10сатр ёки (10сатр+11сатр)

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
5-ИЛОВА

Бино (шу жумладан, қурилиши тугалланмаган) баҳоланганда хизматлар бошланғич қийматини аниқлаш бўйича
К А Л Ь К У Л ЯЦ И Я
					(сўм)
Т/р	Баҳолаш объекти	Ўлчов бирлиги	Коэф-т (К₁)	Қиймат
	Баҳоловчи ташкилот хизматларининг бошланғич қийматини аниқлаш санасида Ўзбекистон Республикасида белгиланган базавий ҳисоблаш миқдори (сўм):
1.	Бино (шу жумладан, қурилиши тугалланмаган)	100 м²гача	5	К₁ х БҲМ
		101 дан 300 м² гача	9
		301 дан 600 м²гача	13
		601 дан 1000 м² гача	17
		1001 дан 2000 м² гача	21
		2001 дан 3500 м² гача	25
		3501 дан 5000 м² гача	29
		5001 дан 7000 м² гача	33
		7001 дан 9500 м² гача	37
		9501 дан 12500 м² гача	41
		12501 дан 20000 м²гача	45
		20001 дан 30000 м² гача	49
		30001 дан 40000 м² гача	53
		40001 дан 50000 м² гача	57
		50001 дан 60000 м² гача	61
		60001 м² ва ундан ортиқ	65
2.	Сумма			= 1 сатр
Кўрсаткичлар
3.	Баҳолашда қўлланилган ёндашув сонини ҳисобга олувчи коэффициент, (К_ё)			= 2 сатр х тегишли коэффициент
4.	Баҳолаш объекти жойлашган ҳудудни ҳисобга олувчи коэффициент, (К_ҳ)			= 3 сатр х тегишли коэффициент
5.	Қишлоқ хўжалигига мўлжалланмаган ер участкаси мулк ҳуқуқи ёки ижара ҳуқуқи асосида сотиш мақсадида баҳоланганда			БҲМнинг тегишли баравари
6.	Хизматлар қиймати			= (4 сатр + 5 сатр)

Давлат активларини самарали бошқаришни ташкил этишда баҳоловчи ташкилотлар хизматларининг бошланғич қийматини аниқлаш тартиби тўғрисидаги низомга
6-ИЛОВА

Бошқа давлат активлари баҳоланганда хизматлар бошланғич қийматини аниқлаш бўйича
К А Л Ь К У Л Я Ц И Я

					(сўм)
Т/р	Баҳолаш объекти	Ўлчов бирлиги	Коэф-т (К₃)	Сони (С)	Қиймат
	Баҳоловчи ташкилот хизматларининг бошланғич қийматини аниқлаш санасида Ўзбекистон Республикасида белгиланган базавий ҳисоблаш миқдори (сўм):
1.	Иншоотлар, узатувчи мосламалар, машина ва асбоб-ускунлар	1 бирлик	2	1 бирлик	К₃ х БҲМ х С
2.	Енгил автомототранспорт ва электр транспорт воситалари	1 бирлик	1,5	1 бирлик	К₃ х БҲМ х С
3.	Йирик юк ташиш транспорт ва электр транспорт воситалари, темир йўл тепловозлари, вагонлари	1 бирлик	2,5	1 бирлик	К₃ х БҲМ х С
4.	Инструментлар, ашё-инвентарь, ишчи ҳайвон, кўп йиллик ўсимликлар ва бошқа асосий фондлар	1 бирлик	0,5	1 бирлик	К₃ х БҲМ х С
5.	Номоддий активлар	1 бирлик	7,0	1 бирлик	К₃ х БҲМ х С
6.	Интеллектуал мулк	1 бирлик	20,0	1 бирлик	К₃ х БҲМ х С
7.	Дебиторлик қарзлари, инвестициялар, капитал қўйилмалар	1 бирлик	2,0	1 бирлик	К₃ х БҲМ х С
8.	Узоқ муддатли дебитор қарздорлик	1 бирлик	2,0	1 бирлик	К₃ х БҲМ х С
9.	Сумма				=1 сатр+2 сатр+3 сатр +4 сатр+5 сатр+6 сатр +7 сатр+8 сатр
Кўрсаткичлар
10.	Баҳолашда қўлланилган ёндашув сонини ҳисобга олувчи коэффициент, (К_ё)			= 9 сатр х тегишли коэффициент
11.	Баҳолаш объекти жойлашган ҳудудни ҳисобга олувчи коэффициент, (К_ҳ)			= 10 сатр х тегишли коэффициент
12.	Хизматлар қиймати			= 11 сатр

(Қонунчилик маълумотлари миллий базаси, 27.07.2023 й., 09/23/312/0524-сон; 10.11.2025 й., 09/25/709/1027-сон)