toggle_night_mode
Ўзбекистон Республикаси Мудофаа вазирлиги
Ўзбекистон Республикаси Ички ишлар вазирлиги
Ўзбекистон Республикаси Иқтисодиёт ва молия вазирлигининг
Қарори
Ядро полигонларида ва бошқа радиация-ядро объектларида хизматни ўтаган, Ўзбекистон Республикаси ҳудудида яшаётган фуқаролар рўйхатини шакллантириш тартиби тўғрисидаги йўриқномага ўзгартиришлар киритиш ҳақида
[Ўзбекистон Республикаси Адлия вазирлиги томонидан 2023 йил 31 майда рўйхатдан ўтказилди, рўйхат рақами 2749-2]
Ўзбекистон Республикаси Президентининг 2022 йил 21 декабрдаги ПФ-269-сон «Янги Ўзбекистон маъмурий ислоҳотларини амалга ошириш чора-тадбирлари тўғрисида»ги ва 2023 йил 25 январдаги ПФ-14-сон «Республика ижро этувчи ҳокимият органлари фаолиятини самарали йўлга қуйишга доир биринчи навбатдаги ташкилий чора-тадбирлар тўғрисида»ги фармонларига мувофиқ Ўзбекистон Республикаси Мудофаа вазирлиги, Ички ишлар вазирлиги ҳамда Иқтисодиёт ва молия вазирлиги қарор қилади:
1. Ўзбекистон Республикаси Мудофаа вазирлиги, Ички ишлар вазирлиги ва Молия вазирлигининг 2015 йил 16 декабрдаги 20, 39 ва 105-сон қарори (рўйхат рақами 2749, 2016 йил 6 январь) (Ўзбекистон Республикаси қонун ҳужжатлари тўплами, 2016 й., 1-сон, 9-модда) билан тасдиқланган Ядро полигонларида ва бошқа радиация-ядро объектларида хизматни ўтаган, Ўзбекистон Республикаси ҳудудида яшаётган фуқаролар рўйхатини шакллантириш тартиби тўғрисидаги йўриқномага иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Мудофаа вазири Б. КУРБАНОВ
Тошкент ш.,
2023 йил 22 май,
10-сон
Ички ишлар вазири П. БОБОЖОНОВ
Тошкент ш.,
2023 йил 20 май,
27-сон
Иқтисодиёт ва молия вазири Ш. КУДБИЕВ
Тошкент ш.,
2023 йил 16 май,
13-сон
Ўзбекистон Республикаси Мудофаа вазирлигининг 2023 йил 22 майдаги 10-сон, Ички ишлар вазирлигининг 2023 йил 20 майдаги 27-сон, Иқтисодиёт ва молия вазирлигининг 2023 йил 16 майдаги 13-сон қарорига
ИЛОВА
Ядро полигонларида ва бошқа радиация-ядро объектларида хизматни ўтаган, Ўзбекистон Республикаси ҳудудида яшаётган фуқаролар рўйхатини шакллантириш тартиби тўғрисидаги йўриқномага киритилаётган ўзгартиришлар
а) «в» кичик банднинг учинчи хатбошисидаги «ва Молия вазирлигининг» деган сўзлар «ҳамда Иқтисодиёт ва молия вазирлигининг» деган сўзлар билан алмаштирилсин;
б) «в» кичик банднинг тўртинчи хатбошисидаги «ва Молия вазирлигига» деган сўзлар «ҳамда Иқтисодиёт ва молия вазирлигига» деган сўзлар билан алмаштирилсин;
в) «г» кичик банддаги «Молия вазирлиги» деган сўзлар «Иқтисодиёт ва молия вазирлиги» деган сўзлар билан алмаштирилсин.
2. 6-банд қуйидаги таҳрирда баён этилсин:
«6. Ўзбекистон Республикаси Мудофаа вазирлиги, Ички ишлар вазирлиги ҳамда Иқтисодиёт ва молия вазирлигининг Фуқаролар рўйхатига ўзгартириш ва қўшимчалар киритишни назарда тутувчи қарори кучга киргандан сўнг, у 2 кун ичида Ўзбекистон Республикаси Мудофаа вазирлиги томонидан Ўзбекистон Республикаси Ички ишлар вазирлиги ҳамда Иқтисодиёт ва молия вазирлигига, шунингдек мудофаа ишлари бошқармалари ва бўлимларига юборилади.».
3. 4-илова матнидаги «Молия вазирлиги» деган сўзлар «Иқтисодиёт ва молия вазирлиги» деган сўзлар билан алмаштирилсин.
(Қонунчилик маълумотлари миллий базаси, 01.06.2023 й., 10/23/2749-2/0314-сон)