ПҚ-106-сон 30.03.2023. Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш чора-тадбирлари тўғрисида

Ўзбекистон Республикаси Президентининг

Қарори

Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш чора-тадбирлари тўғрисида

Ўзбекистон Республикаси Президентининг 2020 йил 10 июлдаги «Иқтисодиётнинг энергия самарадорлигини ошириш ва мавжуд ресурсларни жалб этиш орқали иқтисодиёт тармоқларининг ёқилғи-энергетика маҳсулотларига қарамлигини камайтиришга доир қўшимча чора-тадбирлар тўғрисида»ги ПҚ-4779-сон ва 2022 йил 28 декабрдаги «Ўзбекистон Республикасининг 2023 — 2025 йилларга мўлжалланган инвестиция дастурини амалга ошириш чора тадбирлари тўғрисида»ги ПҚ-459-сон қарорларига мувофиқ, шунингдек, ижтимоий соҳа объектларида энергия самарадорлигини ошириш, электр энергияси ҳамда иссиқлик энергияси сарфини тежаш, уларни энергия тежайдиган технологиялар ва қайта тикланувчи энергия манбалари қурилмалари билан таъминлаш, норматив-ҳуқуқий базани такомиллаштириш ҳамда Жаҳон банки билан ҳамкорликни янада ривожлантириш мақсадида:

1. Қуйидагилар:

а) «Ўзбекистон бинолари учун тоза энергия» лойиҳасини (кейинги ўринларда — Лойиҳа) амалга ошириш учун Жаҳон банкининг Директорлар кенгаши 2022 йил 24 июнда Халқаро тараққиёт уюшмаси томонидан Ўзбекистон Республикасига 30 йил муддатга, шу жумладан 5 йиллик имтиёзли давр билан 143,0 млн АҚШ доллари миқдорида қарз маблағлари ажратилишини маъқуллагани;

б) Лойиҳа:

138,0 млн АҚШ доллари миқдоридаги молиялаштириш ҳажмига эга «Жамоат биноларида энергия самарадорлигини ошириш ҳамда тоза энергия учун инвестиция киритиш» компоненти;

5,0 млн АҚШ доллари миқдоридаги молиялаштириш ҳажмига эга «Лойиҳа доирасида техник кўмак бериш, персоналлар салоҳиятини ошириш ҳамда унинг амалга оширилишини қўллаб-қувватлаш» компонентидан иборат эканлиги маълумот учун қабул қилинсин.

2. Белгилансинки:

Лойиҳа 2023 — 2028 йиллар давомида Қорақалпоғистон Республикаси, барча вилоятлар ва Тошкент шаҳрида амалга оширилади;

Олдинги таҳрирга қаранг.

Лойиҳанинг самарали амалга оширилиши учун Иқтисодиёт ва молия вазирлиги томонидан дастлабки босқичларда ушбу соҳада тажрибага эга бўлган халқаро консультантлар жалб қилинади ҳамда юридик шахс сифатида Лойиҳани амалга ошириш гуруҳи ташкил этилади;

(2-банднинг учинчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Лойиҳани амалга ошириш жараёнига умумий ҳолда назорат қилиш ва мувофиқлаштиришга масъул Лойиҳанинг амалга оширилишини мувофиқлаштириш бўйича идоралараро комиссия (кейинги ўринларда — Комиссия) ва харидларни амалга ошириш учун Идоралараро харид комиссияси тузилади;

Лойиҳани амалга ошириш доирасида ҳосил бўладиган қўшилган қиймат солиғи суммаси қонунчиликда белгиланган тартибда республика бюджети маблағлари ҳисобидан қоплаб берилади;

Лойиҳани амалга ошириш доирасида қўшилган қиймат солиғи суммасини республика бюджети маблағлари ҳисобидан қоплаб бериш Ўзбекистон Республикасининг Лойиҳани амалга оширишдаги улуши деб ҳисобланади.

Олдинги таҳрирга қаранг.

(2-банднинг еттинчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарорига асосан чиқарилган — Қонунчилик маълумотлари миллий базаси, 12.02.2025 й., 07/25/51/0129-сон)

Олдинги таҳрирга қаранг.

(2-банднинг саккизинчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарорига асосан чиқарилган — Қонунчилик маълумотлари миллий базаси, 12.02.2025 й., 07/25/51/0129-сон)

3. Қуйидагилар:

Жаҳон банки иштирокидаги «Ўзбекистон бинолари учун тоза энергия» лойиҳасининг асосий техник-иқтисодий параметрлари 1-иловага мувофиқ;

Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш доирасида Халқаро тараққиёт уюшмаси томонидан ажратиладиган қарз маблағларидан фойдаланиш, уларни қайтариш, комиссия ва фоиз тўловларини амалга ошириш бўйича прогноз графиги 2-иловага мувофиқ;

Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш бўйича «йўл харитаси» 3-иловага мувофиқ;

Жаҳон банки иштирокидаги «Ўзбекистон бинолари учун тоза энергия» лойиҳасининг амалга оширилишини мувофиқлаштириш бўйича идоралараро комиссия таркиби 4-иловага мувофиқ;

Жаҳон банки иштирокидаги «Ўзбекистон бинолари учун тоза энергия» лойиҳасининг амалга оширилишини мувофиқлаштириш бўйича идоралараро комиссия тўғрисидаги низом 5-иловага мувофиқ тасдиқлансин.

4. Бош вазир ўринбосари Ж.А. Қўчқоровга Ўзбекистон Республикаси номидан Халқаро тараққиёт уюшмаси билан молиявий битимни имзолаш ҳамда Иқтисодиёт ва молия вазирига Лойиҳани амалга оширувчи ташкилот битимини имзолаш, шунингдек, зарур ҳолларда, ушбу битимларга ўзгартириш ва қўшимчалар киритиш ваколати берилсин.

Бош вазир ўринбосари Ж.А. Қўчқоров икки ой муддатда Халқаро тараққиёт уюшмаси билан молиявий битим имзоланишини таъминласин.

Бунда, қарз маблағларини қайтариш манбалари сифатида қуйидагилар белгилансин:

модернизация қилинган объектларда коммунал хизматларни тўлаш бўйича харажатлар учун маҳаллий бюджетлардан ажратиладиган маблағларнинг иқтисод қилинган қисми;

иқтисод қилинган маблағларнинг етмаган қисми бўйича Давлат бюджети маблағлари ҳисобидан.

Олдинги таҳрирга қаранг.

5. Белгилансинки:

Лойиҳани амалга оширишнинг дастлабки босқичларида (модернизация қилинадиган объектларда коммунал хизматларни тўлаш бўйича харажатлар учун маҳаллий бюджетлардан ажратиладиган маблағларнинг иқтисод қилинган қисми шакллангунга қадар) қарз маблағларининг ўзлаштирилган қисми бўйича фоиз тўловлари давлат бюджети ҳисобидан қоплаб берилади;

модернизация қилинадиган объектларда коммунал хизматларни тўлаш бўйича харажатлар учун маҳаллий бюджетлардан ажратиладиган маблағларнинг иқтисод қилинган қисмини доимий тарзда Лойиҳани қайта молиялаштириш мақсадида Иқтисодиёт ва молия вазирлигига ўтказиб берилади.

Бунда, коммунал хизматларни тўлаш бўйича харажатлар учун маблағларнинг иқтисод қилинган қисми объектларга ўрнатилган норматив миқдорларга нисбатан ҳисоблансин.

(5-банд Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

6. Соғлиқни сақлаш вазирлиги, Мактабгача ва мактаб таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Лойиҳанинг амалга оширилиши учун зарур шарт-шароитлар яратилишини, шу жумладан харид қилинадиган техника, қурилмалар ва бошқа асбоб-ускуналарни ўрнатиш ва монтаж қилиш учун махсус жойлар (хоналар) тайёрланишини таъминласин.

Бунда, Халқаро тараққиёт уюшмаси ҳамда миллий қонунчилик талабларига мувофиқ Лойиҳа доирасида зарур ҳисоботлар ва ҳужжатларнинг ўз вақтида тайёрланиши юзасидан жавобгарлик Соғлиқни сақлаш вазирлиги, Мактабгача ва мактаб таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг биринчи раҳбарларига юклатилсин.

7. Қуйидагилар:

Олдинги таҳрирга қаранг.

а) Иқтисодиёт ва молия вазирлиги:

(7-банд «а» кичик бандининг биринчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Лойиҳани ўз вақтида ва тўлиқ амалга оширишга жавобгар этиб;

Олдинги таҳрирга қаранг.

жалб этилаётган қарз маблағларидан мақсадли ва самарали фойдаланиш, харидларни амалга ошириш, реконструкция ишларини назорат қилиш ва ҳисоботларни юритиш учун масъул ижро этувчи орган этиб;

(7-банд «а» кичик бандининг учинчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Олдинги таҳрирга қаранг.

б) Иқтисодиёт ва молия вазирлиги, Соғлиқни сақлаш вазирлиги, Мактабгача ва мактаб таълими вазирлиги модернизация (реконструкция) қилиниши режалаштирилган ижтимоий соҳа объектлари рўйхати шакллантирилиши ҳамда Лойиҳанинг мазкур рўйхатга киритилган объектларда муваффақиятли амалга оширилишига, уларнинг ҳудудий бошқармалари ва маҳаллий ҳокимликлар ҳузуридаги «Ягона буюртмачи хизмати» инжиниринг компаниялари эса — модернизация (реконструкция) қилинган объектларни қабул қилиб олишга масъул этиб белгилансин.

(7-банднинг «б» кичик банди Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Олдинги таҳрирга қаранг.

(8-банд Ўзбекистон Республикаси Президентининг 2025 йил 11 февралдаги ПҚ-51-сонли қарорига асосан ўз кучини йўқотган — Қонунчилик маълумотлари миллий базаси, 12.02.2025 й., 07/25/51/0129-сон)

9. Адлия вазирлиги бир ҳафта муддатда Халқаро тараққиёт уюшмаси билан имзоланадиган молиявий битим юзасидан белгиланган тартибда юридик хулоса берсин.

10. Қурилиш ва уй-жой коммунал хўжалиги вазирлиги:

Лойиҳа доирасида амалга оширилаётган қурилиш ишларининг лойиҳа-смета ҳужжатларининг белгиланган тартибда давлат экспертизасидан ўтказилиши;

LexUZ шарҳи

Қаранг: Вазирлар Маҳкамасининг 2021 йил 17 сентябрдаги 579-сон қарори билан тасдиқланган Объектларни қуриш, реконструкция қилиш, мукаммал ва жорий таъмирлаш бўйича шаҳарсозлик ва лойиҳа ҳужжатларининг лойиҳавий ечимларини шаҳарсозлик ҳужжатларига мувофиқлиги юзасидан экспертизадан ўтказиш тартиби тўғрисидаги низом.

Олдинги таҳрирга қаранг.

Иқтисодиёт ва молия вазирлиги билан биргаликда бинолар энергия аудитидан ўтказилишининг мувофиқлаштирилиши;

(10-банднинг учинчи хатбошиси Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Лойиҳа доирасида бажарилган қурилиш-монтаж ишлари сифати юзасидан тегишли давлат архитектура-қурилиш назорати олиб борилишини таъминласин.

Бунда, Лойиҳа доирасида қурилиш-таъмирлаш ишларини ташкил этиш ва бажариш бўйича фаолиятни йўлга қўйишдан олдин, белгиланган тартибда давлат экология экспертизасининг ижобий хулосаси олингандан сўнг қурилишга рухсат берилсин.

LexUZ шарҳи

Қаранг: Вазирлар Маҳкамасининг 2020 йил 7 сентябрдаги 541-сон қарори билан тасдиқланган Давлат экологик экспертизаси тўғрисидаги низом.

Олдинги таҳрирга қаранг.

11. Мазкур қарорнинг ижросини самарали ташкил қилишга масъул ва шахсий жавобгар этиб Бош вазирнинг ўринбосари — иқтисодиёт ва молия вазири Ж.А. Қўчқоров белгилансин.

(11-банд Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 30 март,

ПҚ-106-сон

Ўзбекистон Республикаси Президентининг 2023 йил 30 мартдаги ПҚ-106-сон қарорига
1-ИЛОВА

Жаҳон банки иштирокидаги «Ўзбекистон бинолари учун тоза энергия» лойиҳасининг

АСОСИЙ ТЕХНИК-ИҚТИСОДИЙ ПАРАМЕТРЛАРИ

Олдинги таҳрирга қаранг.

				минг АҚШ доллари
Т/р	Бўлим номи	Жами*	Молиялаштиришнинг тахминий миқдори
Т/р	Бўлим номи	Жами*	қарз маблағлари	республика бюджети маблағлари
I.	Лойиҳанинг умумий қиймати	175 611	143 000	32 611
II.	Инвестициялар миқдори	143 000	143 000	—
III.	Лойиҳа компонентлари
1.	1-компонент: Жамоат биноларида энергия самарадорлигини ошириш ҳамда тоза энергия учун инвестиция киритиш	138 000	138 000	—
	қурилиш молларини (иссиқлик изоляция материаллари, қувурлар, эшик ва ойна ромлари, қурилиш материаллари) ва ускуналарни (қайта тикланувчи энергия манбалари қурилмалари, иситиш тизими, иситиш қозонлари ва ҳ.к.) сотиб олиш; қурилиш-монтаж ишлари; энергия аудит хизматлари.	138 000	138 000	—
2.	2-компонент: Лойиҳа доирасида техник кўмак бериш, персоналлар салоҳиятини ошириш ҳамда унинг амалга оширилишини қўллаб-қувватлаш	5 000	5 000	—
	консультантларни жалб қилиш учун харажатлар; аудит ўтказиш учун харажатлар; Лойиҳа доирасида тадбирларни амалга ошириш; Лойиҳани амалга ошириш гуруҳини ташкил этиш ва унинг моддий-техника базасини яратиш; Иқтисодиёт ва молия вазирлигининг моддий-техника базасини яратиш; Лойиҳа доирасидаги зарур ускуналар (энергия аудити учун керакли ускуналар)ни харид қилиш; мутахассисларни ўқитиш ва тренинглар ўтказиш; Лойиҳа доирасидаги операцион харажатлар.	5 000	5 000	—
IV.	Ўзбекистон Республикасининг солиқ тўловлари бўйича қўшган ҳиссаси **	21 450	—	21 450
V.	Молиявий харажатлар	11 161	—	11 161
VI.	Лойиҳани амалга ошириш даври	2023 — 2028 йиллар
VII.	Қарз маблағларини қайтариш муддати	30 йил
VII.	шу жумладан, асосий қарзнинг имтиёзли даври	5 йил

* Якуний қиймат кўрсаткичлари батафсил лойиҳа-смета ҳужжатларини ишлаб чиқиш, товарларни етказиб бериш юзасидан тендерлар ва хизматларни бажариш натижалари бўйича аниқланади.

Иқтисодиёт ва молия вазирлигига Лойиҳа доирасида ажратилиб, иқтисод қилинган маблағларни молиялаштиришнинг устувор йўналишларидан келиб чиқиб, Жаҳон банки билан келишилган ҳолда қайта тақсимлаш ҳуқуқи берилади.

** Лойиҳа доирасидаги солиқлар ва молиявий ушланмалар лойиҳа-смета ҳужжатларидан келиб чиқиб, Ўзбекистон Республикасининг лойиҳадаги ўз улуши сифатида Давлат бюджети маблағлари ҳисобидан қоплаб берилиши назарда тутилган.

(1-илова Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Ўзбекистон Республикаси Президентининг 2023 йил 30 мартдаги ПҚ-106-сон қарорига
2-ИЛОВА

Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш доирасида Халқаро тараққиёт уюшмаси томонидан ажратиладиган қарзлардан фойдаланиш, уларни қайтариш, комиссия ва фоиз тўловларини амалга ошириш бўйича

ПРОГНОЗ ГРАФИГИ

Кредит муддати — 30 йил
Имтиёзли давр — 5 йил
Хизмат кўрсатиш учун комиссия — 0,75% + созлаш ставкаси (0,56%)
Фоиз ставкаси — 1,25% + созлаш устамаси (0,10%)
Захирага қўйиш учун комиссия тўлови — 0,50%

Тўлов санаси	Ўзлаштириш	Кредит баланси	Хизмат кўрсатиш комиссияси	Фоиз тўловлари	Захирага қўйиш учун комиссия тўлови	Асосий қарздан тўловлар	Жами тўловлар
*/15/2023	5,500	5,500			358		358
8/15/2023	5,500	11,000	36	37	344		417
2/15/2024	8,615	19,615	72	74	330		476
8/15/2024	8,615	28,230	128	132	308		569
2/15/2025	11,465	39,695	185	191	287		662
8/15/2025	11,465	51,160	260	268	258		786
2/15/2026	15,405	66,565	335	345	230		910
8/15/2026	15,405	81,970	436	449	191		1,076
2/15/2027	16,195	98,165	537	553	153		1,243
8/15/2027	16,195	112,001	643	663	112	2,360	3,777
2/15/2028	14,320	123,961	734	756	72	2,360	3,921
8/15/2028	14,320	135,922	812	837	36	2,360	4,044
2/15/2029		133,562	890	917		2,360	4,167
8/15/2029		131,203	875	902		2,360	4,136
2/15/2030		128,843	859	886		2,360	4,104
8/15/2030		126,484	844	870		2,360	4,073
2/15/2031		124,124	828	854		2,360	4,042
8/15/2031		121,765	813	838		2,360	4,010
2/15/2032		119,405	798	822		2,360	3,979
8/15/2032		117,046	782	806		2,360	3,948
2/15/2033		114,686	767	790		2,360	3,916
8/15/2033		112,327	751	774		2,360	3,885
2/15/2034		109,967	736	758		2,360	3,853
8/15/2034		107,608	720	742		2,360	3,822
2/15/2035		105,248	705	726		2,360	3,791
8/15/2035		102,889	689	710		2,360	3,759
2/15/2036		100,529	674	694		2,360	3,728
8/15/2036		98,170	658	679		2,360	3,697
2/15/2037		95,810	643	663		2,360	3,665
8/15/2037		93,451	628	647		2,360	3,634
2/15/2038		91,091	612	631		2,360	3,602
8/15/2038		88,732	597	615		2,360	3,571
2/15/2039		86,372	581	599		2,360	3,540
8/15/2039		84,013	566	583		2,360	3,508
2/15/2040		81,653	550	567		2,360	3,477
8/15/2040		79,294	535	551		2,360	3,445
2/15/2041		76,934	519	535		2,360	3,414
8/15/2041		74,575	504	519		2,360	3,383
2/15/2042		72,215	488	503		2,360	3,351
8/15/2042		69,856	473	487		2,360	3,320
2/15/2043		67,496	458	472		2,360	3,289
8/15/2043		65,137	442	456		2,360	3,257
2/15/2044		62,777	427	440		2,360	3,226
8/15/2044		60,418	411	424		2,360	3,194
2/15/2045		58,058	396	408		2,360	3,163
8/15/2045		55,699	380	392		2,360	3,132
2/15/2046		53,339	365	376		2,360	3,100
8/15/2046		50,980	349	360		2,360	3,069
2/15/2047		48,620	334	344		2,360	3,038
8/15/2047		43,758	318	328		4,862	5,509
2/15/2048		38,896	287	295		4,862	5,444
8/15/2048		34,034	255	263		4,862	5,379
2/15/2049		29,172	223	230		4,862	5,315
8/15/2049		24,310	191	197		4,862	5,250
2/15/2050		19,448	159	164		4,862	5,185
8/15/2050		14,586	127	131		4,862	5,121
2/15/2051		9,724	96	98		4,862	5,056
8/15/2051		4,862	64	66		4,862	4,991
2/15/2052			32	33		4,862	4,927
Жами	143,000		28,577.26	29,449.85	2,677.65	143,000	203,704.75

* Молиявий битим имзолангандан сўнг, тўловнинг дастлабки санаси аниқланади.

Ўзбекистон Республикаси Президентининг 2023 йил 30 мартдаги ПҚ-106-сон қарорига
3-ИЛОВА

Жаҳон банки иштирокидаги «Ўзбекистон бинолари учун тоза энергия» лойиҳасини амалга ошириш бўйича

«ЙЎЛ ХАРИТАСИ»

Олдинги таҳрирга қаранг.

Т/р	Чора-тадбирнинг номи	Муддати	Масъул ижрочилар
1.	Жаҳон банки тартиб-таомилларига мувофиқ Лойиҳани амалга ошириш бўйича қўлланмани (Project Operation Manual) ишлаб чиқиш ва тасдиқлаш.	2023 йил май	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
2.	Лойиҳа доирасида тегишли ва масъул бўлган шахслар имзоларининг намуналарини тасдиқлаш ва Халқаро тараққиёт уюшмасига тақдим этиш.	2023 йил май	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
3.	Халқаро тараққиёт уюшмаси билан қарз маблағларини олиш бўйича молиявий битимни имзолаш.	2023 йил май	Вазирлар Маҳкамаси (Ж. Қўчқоров), Иқтисодиёт ва молия вазирлиги (Ш. Кудбиев), Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
4.	Иқтисодиёт ва молия вазирлиги ҳамда Тармоқлараро энергияни тежаш жамғармаси ўртасида Лойиҳани амалга ошириш бўйича битим имзолаш.	2023 йил май	Иқтисодиёт ва молия вазирлиги (Ш. Кудбиев), Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
5.	Жаҳон банки талабларига мувофиқ идоралараро харид комиссияси таркибини шакллантириш.	2023 йил июнь	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
6.	Жаҳон банки талабларига мувофиқ Лойиҳани амалга ошириш гуруҳини ташкил этиш.	2023 йил сентябрь	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
7.	Жаҳон банки талабларига мувофиқ Лойиҳани амалга оширишга кўмаклашиш учун халқаро консультантларни жалб қилиш.	2023 йил июнь	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов)
8.	Лойиҳа доирасида реконструкция (модернизация) қилиниши кўзда тутилган объектлар рўйхатини шакллантириш.	2023 йил май	Энергетика вазирлиги (Ж. Мирзамаҳмудов), Тармоқлараро энергияни тежаш жамғармаси (Э. Рахманов), Мактабгача ва мактаб таълими вазирлиги (Х. Умарова), Соғликни сақлаш вазирлиги (А. Иноятов)
9.	Лойиҳани амалга ошириш мобайнида йиллик белгиланган ўзлаштириш прогнозларининг бажарилиши, Лойиҳанинг ўз муддатида ва сифатли амалга оширилиши, Лойиҳанинг бюджет параметрлари ҳамда кўрсаткичлари устидан доимий назорат олиб бориш.	Лойиҳани амалга ошириш даврида	Иқтисодиёт ва молия вазирлиги (И. Норқулов), Мактабгача ва мактаб таълими вазирлиги (Х. Умарова), Соғликни сақлаш вазирлиги (А.Худаяров)
10.	Жалб қилинган қарз маблағларини Халқаро тараққиёт уюшмасига ўз вақтида қайтариш юзасидан тегишли чора-тадбирларни амалга ошириш.	доимий	Иқтисодиёт ва молия вазирлиги (Ш. Кудбиев)

(3-илова Ўзбекистон Республикаси Президентининг 2025 йил 28 мартдаги ПҚ-129-сонли қарори таҳририда)

Олдинги таҳрирга қаранг.

Ўзбекистон Республикаси Президентининг 2023 йил 30 мартдаги ПҚ-106-сон қарорига
4-ИЛОВА

Жаҳон банки иштирокидаги «Ўзбекистон бинолари учун тоза энергия» лойиҳасининг амалга оширилишини мувофиқлаштириш бўйича идоралараро комиссия

ТАРКИБИ

1	И.И. Норқулов	—	иқтисодиёт ва молия вазирининг биринчи ўринбосари, Комиссия раиси;
2	Н.Қ. Холмуродов	—	инвестициялар, саноат ва савдо вазирининг биринчи ўринбосари;
3	Ф.М. Ташпулатов	—	соғлиқни сақлаш вазирининг ўринбосари;
4	Т.К. Комилов	—	мактабгача ва мактаб таълими вазирининг ўринбосари;

(4-илованинг матни Ўзбекистон Республикаси Президентининг 2025 йил 11 февралдаги ПҚ-51-сонли қарори таҳририда — Қонунчилик маълумотлари миллий базаси, 12.02.2025 й., 07/25/51/0129-сон)

Ўзбекистон Республикаси Президентининг 2023 йил 30 мартдаги ПҚ-106-сон қарорига
5-ИЛОВА

Жаҳон банки иштирокидаги «Ўзбекистон бинолари учун тоза энергия» лойиҳасининг амалга оширилишини мувофиқлаштириш бўйича идоралараро комиссия тўғрисида

НИЗОМ

1-боб. Умумий қоидалар

1. Ушбу Низом Жаҳон банки иштирокидаги «Ўзбекистон бинолари учун тоза энергия» лойиҳасининг амалга оширилишини мувофиқлаштириш бўйича идоралараро комиссия (кейинги ўринларда — Комиссия) мақоми, асосий вазифаларини, Комиссия аъзоларининг ҳуқуқлари, мажбуриятлари ва жавобгарлигини белгилайди ҳамда уларнинг фаолиятини тартибга солади.

2. Қуйидагилар Комиссиянинг асосий вазифалари ҳисобланади:

Жаҳон банки иштирокидаги «Ўзбекистон бинолари учун тоза энергия» лойиҳасини (кейинги ўринларда — Лойиҳа) амалга оширишда идоралараро ўзаро ҳамкорлик ҳамда маълумот алмашинувини мувофиқлаштириш;

Лойиҳа доирасида модернизация (реконструкция) қилинадиган объектлар рўйхатининг ўз вақтида ва сифатли шакллантирилишини таъминлаш;

шакллантирилган рўйхат бўйича объектларни қўшиш ва чиқариб ташлаш масалаларини ҳал қилиш;

Лойиҳани амалга ошириш жараёни, шу жумладан қурилиш ишлари ва консультантлар фаолиятини доимий назорат қилиш ҳамда аниқланган камчиликларни ўз вақтида бартараф қилиш;

Лойиҳа доирасида маблағларнинг мақсадли сарфланиши, шунингдек, амалга оширилаётган ишлар ва ажратилган маблағлардан фойдаланиш самарадорлиги ва натижадорлиги тўғрисида белгиланган тартибда тузиладиган ишчи гуруҳларнинг ҳисоботларини доимий равишда эшитиб бориш;

Лойиҳа доирасида маблағлардан мақсадсиз фойдаланиш ҳолатлари аниқланган тақдирда, асоссиз амалга оширилган харажатлар ва етказилган зарарни қоплаш ҳамда суиистеъмол қилиш ҳолатларини бартараф этиш чораларини кўриш.

2-боб. Комиссиянинг ҳуқуқлари

3. Комиссия ўз ваколатлари доирасида қуйидаги ҳуқуқларга эга:

Лойиҳанинг ўз вақтида ва сифатли амалга оширилиши учун зарур бўлган қарорлар қабул қилиш;

Лойиҳанинг техник-иқтисодий кўрсаткичларига ўзгартириш киритиш тўғрисидаги таклифларни кўриб чиқиш;

Лойиҳа доирасида бажарилган ишлар бўйича ахборот ва материалларни талаб қилиб олиш;

Лойиҳа доирасида бажарилаётган ишлар бўйича аффилланган шахслар билан тузилаётган шартномаларни кўриб чиқиш;

Лойиҳанинг самарали амалга оширилишини таъминлаш ва аниқланган камчиликларни бартараф этиш юзасидан тегишли кўрсатмалар бериш.

Комиссия қонунчиликда назарда тутилган бошқа ҳуқуқларга ҳам эга бўлиши мумкин.

4. Комиссия ҳуқуқлари ижро этиш учун учинчи шахсларга, шу жумладан Комиссиянинг бошқа аъзоларига ўтказилиши мумкин эмас, бундан қонунчиликда назарда тутилган ҳоллар мустасно.

5. Комиссия Лойиҳанинг самарали ва мақсадли бошқарилишини, шу жумладан Лойиҳани амалга ошириш гуруҳи ваколатлари ҳамда жавобгарлиги тақсимланишини, манфаатлар тўқнашувининг олди олинишини ва уларнинг бартараф этилишини таъминлайдиган бошқарувнинг ташкилий тузилмасини белгилайди ҳамда унинг жорий этилиши устидан назоратни амалга оширади.

3-боб. Комиссия таркиби

6. Комиссия таркиби Ўзбекистон Республикаси Президенти томонидан тасдиқланади.

7. Комиссия аъзолари бошқа ишга ўтган тақдирда, унинг таркибига ушбу лавозимларга янги тайинланган ёки тегишли функцияларни бажариш зиммасига юкланган шахслар киритилади.

4-боб. Комиссия раиси

8. Комиссия раиси Комиссия фаолиятини ташкил этади, Комиссия мажлисларида раислик қилади ҳамда Комиссия мажлисларининг баённомаси юритилишини назорат қилади.

9. Комиссия раиси узрли сабабларга кўра бўлмаган тақдирда, унинг вазифасини Комиссия раисининг ўринбосари амалга оширади.

10. Комиссия аъзолари ўртасидаги функцияларни тақсимлаш Комиссия раиси томонидан Комиссиянинг ҳар бир маълум аъзоси учун амалга оширилади.

5-боб. Комиссия аъзоларининг ҳуқуқлари, мажбуриятлари ва жавобгарлиги

11. Комиссия аъзоси қуйидаги ҳуқуқларга эга:

Комиссия мажлисида шахсан иштирок этиш ва регламент билан ажратилган вақт доирасида мажлисда муҳокама қилинадиган масала бўйича сўзга чиқиш;

ўзи ифода этаётган вазирлик (идора) тасарруфидаги объектлар модернизацияси (реконструкцияси) бўйича таклифлар бериш;

қонунчиликда назарда тутилган бошқа ҳуқуқлар.

12. Комиссия аъзолари ўзларининг ҳуқуқ ва мажбуриятларини амалга оширишда Лойиҳани амалга ошириш манфаатларидан келиб чиқиб ҳаракат қилиши, ўз вазифаларини ваколатлари доирасида ҳалол бажариши, Лойиҳа истиқболи йўлида улар энг яхши деб ҳисоблайдиган усул билан иш кўриши, шунингдек, Лойиҳа билан боғлиқ бўлган тижорат сирини ошкор қилмаслиги шарт.

13. Комиссия аъзолари Лойиҳани амалга оширишда ўз вазифаларини бажармаслиги ёки лозим даражада бажармаслиги учун белгиланган тартибда жавобгар бўлади.

LexUZ шарҳи

Қаранг:Ўзбекистон Республикаси Жиноят кодексининг 207-моддаси.

6-боб. Комиссия мажлиси

14. Комиссия мажлисининг кун тартиби Комиссия раиси томонидан белгиланади.

15. Комиссия мажлиси Комиссия аъзоларининг камида учдан икки қисми иштирок этганда ваколатли ҳисобланади.

16. Комиссия қарорлари мажлисда қатнашган Комиссия аъзоларининг оддий кўпчилик овози билан қабул қилинади.

17. Комиссия мажлисларида овоз бериш бюллетенни тўлдириш орқали амалга оширилади.

Бюллетенни расмийлаштиришда мажлиснинг кун тартиби, мажлис ўтказиш санаси, вақти ва жойи, овоз беришга қўйилган ҳар бир масаланинг таърифи ва уни кўриб чиқиш навбати, ҳар бир масала бўйича овоз бериш учун «Рози», «Қарши» ёки «Бетараф» устунларига «+» ёхуд «

» белгилардан бири қўйилиши ҳамда Комиссия аъзосининг исми ва фамилияси кўрсатилган қаторга имзо қўйиш лозимлиги тўғрисида акс эттирилади.

18. Комиссия қарорлари Комиссия мажлисининг баённомаси билан расмийлаштирилади. Комиссия мажлисининг баённомаси Комиссия раиси томонидан тасдиқланади.

19. Комиссиянинг мажлиси баённомасида қуйидагилар кўрсатилади:

мажлис ўтказилган сана, вақти ва жойи;

мажлисда ҳозир бўлган шахслар;

мажлиснинг кун тартиби;

овоз беришга қўйилган масалалар, улар юзасидан ўтказилган овоз бериш якунлари;

Комиссия томонидан қабул қилинган қарор мазмуни.

Олдинги таҳрирга қаранг.

20. Комиссия мажлисининг баённомаси имзоланган куни Иқтисодиёт ва молия вазирлигига ва (ёки) лойиҳани амалга ошириш гуруҳи раҳбарига ижро этиш учун топширилади.

(20-банд Ўзбекистон Республикаси Президентининг 2025 йил 28 мартдаги ПҚ-129-сонли қарори таҳририда)

21. Комиссия аъзолари томонидан тўлдирилган ва ўз қўли билан имзоланган овоз бериш бюллетенлари Комиссия котибига топширилади.

7-боб. Якуний қоидалар

22. Комиссия қарорларининг ижросини назорат қилиш Комиссия раиси томонидан амалга оширилади.

23. Мазкур Низом талабларини бузишда айбдор бўлган шахслар белгиланган тартибда жавобгар бўладилар.

LexUZ шарҳи

Қаранг: Ўзбекистон Республикаси Маъмурий жавобгарлик тўғрисидаги кодексининг IX боби (Cаноатдаги, қурилишдаги ва иссиқлик ҳамда электр энергиясидан фойдаланиш соҳасидаги ҳуқуқбузарликлар учун маъмурий жавобгарлик).

(Қонунчилик маълумотлари миллий базаси, 01.04.2023 й., 07/23/106/0183-сон; 12.02.2025 й., 07/25/51/0129-сон)