1.09.00.00.00 Тадбиркорлик ва хўжалик фаолияти / 09.16.00.00 Алоқа / 09.16.12.00 Космик фаолият;
2.21.00.00.00 Ўзгартириш ва қўшимчалар киритиш бўйича комплекс тусдаги ҳужжатлар / 21.03.00.00 Ўзбекистон Республикаси Вазирлар Маҳкамасининг қарорлари]
[ТСЗ:
1.Иқтисодиёт / Алоқа]
Ўзбекистон Республикаси Вазирлар Маҳкамасининг
қарори
Ўзбекистон Республикаси Фазовий маълумотлар соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида
«Фазовий маълумотлар тўғрисида»ги Ўзбекистон Республикаси Қонуни, Ўзбекистон Республикаси Президентининг «Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида» 2020 йил 7 сентябрдаги ПФ-6061-сон Фармони ва «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида» 2020 йил 7 сентябрдаги ПҚ-4819-сон қарори ижросини таъминлаш, шунингдек, фазовий маълумотлар соҳасини самарали тартибга солиш мақсадида Вазирлар Маҳкамаси қарор қилади:
1. Қуйидагилар:
а) «Фазовий маълумотлар тўғрисида»ги Ўзбекистон Республикаси Қонунига мувофиқ Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) фазовий маълумотлар соҳасидаги махсус ваколатли давлат органи этиб белгиланганлиги;
б) Ўзбекистон Республикаси Президентининг «Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида» 2020 йил 7 сентябрдаги ПФ-6061-сон Фармони 5-бандига мувофиқ:
2020 йил 1 октябрдан бошлаб ер участкаларига бўлган ҳуқуқларнинг юзага келиши, ўзгариши, бошқа шахсга ўтиши, чекланиши ва бекор бўлишини назарда тутувчи қарорлар, аукцион ва танлов баённомалари, нотариал тасдиқланган битимлар ҳамда бошқа ҳужжатлар Ўзбекистон Республикаси Миллий географик ахборот тизимида давлат рўйхатидан ўтказилганидан кейин кучга кириши;
давлат ер кадастри, бинолар ва иншоотлар давлат кадастрини юритиш кўчмас мулкка бўлган ҳуқуқларни давлат рўйхатидан ўтказиш орқали тўпланган маълумотлар асосида амалга оширилиши белгиланганлиги маълумот учун қабул қилинсин.
2. Белгилансинки:
Миллий географик ахборот тизими фазовий маълумотлар миллий инфратузилмасининг таркибий қисми бўлиб, миллий ва бошқа фазовий маълумотлар инфратузилмасига киритилган базавий ва соҳага оид фазовий маълумотлардан фойдаланган ҳолда умумдавлат ва тармоққа оид аҳамиятга эга вазифаларни ҳал қилишга мўлжалланган автоматлаштирилган тизим ҳисобланади ва Кадастр агентлиги томонидан юритилади;
Миллий географик ахборот тизими давлат кадастрлари ягона тизимини юритиш, кўчмас мулкка оид давлат хизматларини кўрсатишда ваколатли органлар ҳамда бошқа ташкилотлар билан идоралараро электрон ҳамкорлик учун зарур бўлган фазовий маълумотларнинг ягона манбаи ҳисобланади.
3. Қуйидагиларни назарда тутувчи:
а) Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги низом 1-иловага мувофиқ:
Фазовий маълумотлар миллий инфратузилмасининг тузилиши ва уни юритишни ташкил қилиш тартиби;
Давлат кадастрлари ягона тизимига тегишли тематик қатламлар давлат кадастрининг ҳар бир тури бўйича ахборотни тўплаш ва унга ишлов бериш ишларининг бажарилишига асосан шакллантирилиши ва уларнинг назорат ҳолатида юритилишини ваколатли органлар томонидан таъминлаш тартиби;
Давлат кадастрлари ягона тизимига тақдим этиладиган маълумотларнинг таркиби ва мазмуни;
фазовий маълумотлар миллий инфратузилмасини ривожлантириш бўйича ишларнинг ҳолати тўғрисида йиллик ҳисоботни тайёрлаш тартиби;
б) Фазовий маълумотлар миллий инфратузилмасини ривожлантириш бўйича мувофиқлаштирувчи кенгаш тўғрисидаги низом 2-иловага мувофиқ:
Фазовий маълумотлар миллий инфратузилмасини ривожлантириш бўйича мувофиқлаштирувчи кенгашнинг (кейинги ўринларда — Мувофиқлаштирувчи кенгаш) Кадастр агентлиги ҳузурида юридик шахс ташкил этмаган ҳолда маслаҳат — кенгашув вазифасини амалга оширадиган коллегиал орган сифатида ташкил этилиши;
Мувофиқлаштирувчи кенгашнинг асосий вазифалари ва функциялари, ҳуқуқлари ва жавобгарлиги;
Мувофиқлаштирувчи кенгашнинг таркиби, унинг фаолиятига умумий раҳбарлик масалалари;
Мувофиқлаштирувчи кенгаш раиси ва унинг ўринбосари функциялари, кенгаш котибияти ҳамда кенгаш аъзоларининг вазифалари;
в) Фазовий маълумотлар миллий инфратузилмасини ривожлантириш бўйича мувофиқлаштирувчи кенгаш таркиби 3-иловага мувофиқ тасдиқлансин.
4. Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга4-иловага мувофиқ ўзгартириш ва қўшимчалар киритилсин.
5. Ўзбекистон Республикаси Ҳукуматининг 5-иловага мувофиқ айрим қарорлари ўз кучини йўқотган деб ҳисоблансин.
6. Кадастр агентлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси Давлат солиқ қўмитаси раиси Ш.Д. Кудбиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 26 октябрь,
620-сон
Вазирлар Маҳкамасининг 2022 йил 26 октябрдаги 620-сон қарорига 1-ИЛОВА
Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги
низом
1-боб. Умумий қоидалар
1. Мазкур Низом «Фазовий маълумотлар тўғрисида»ги Ўзбекистон Республикаси Қонунига мувофиқ Ўзбекистон Республикаси Фазовий маълумотлар миллий инфратузилмасини юритиш тартибини белгилайди.
2. Ушбу Низомда қуйидаги асосий тушунчалар қўлланилади:
атрибутив маълумот — географик ахборот тизими объектларининг тавсифларини таърифловчи жадвал ва (ёки) матн кўринишидаги маълумотлар тўплами;
ваколатли органлар — зиммасига айрим давлат кадастрларини юритиш функциялари юклатилган ҳамда фаолияти давомида фазовий маълумотларни яратадиган, уларни қайта ишлайдиган вазирликлар, давлат қўмиталари, идоралар, хўжалик бирлашмалари, маҳаллий ижро этувчи ҳокимият органлари;
махсус ваколатли орган — Ўзбекистон Республикаси Давлат солиқ қўмитаси ҳузуридаги Кадастр агентлиги;
базавий фазовий маълумотлар — ҳамма фойдалана оладиган, фазовий маълумотларга ишлов бериш жараёнлари учун бирхиллаштирилган рақамли координата — фазовий асосни ташкил этадиган фазовий маълумотлар;
геоахборот ресурслари — ахборот банклари ва фазовий маълумотлар базалари ҳамда метамаълумотлар, фазовий маълумотлар сервислари йиғиндиси;
интероперабеллик (ўзаро биргаликда амал қилиш қобилияти) — фазовий маълумотлар миллий инфратузилмаси фазовий маълумотларининг, метамаълумотларининг, техник ва дастурий воситаларининг ахборот ва функционал жиҳатдан ўзаро биргаликда амал қилиш қобилияти;
метамаълумотлар — фазовий маълумотларнинг тўпламлари, сервислари ва бошқа хусусиятларини тавсифлаш имконини берадиган, уларни идентификация қилиш, излаш, инвентаризациялаш ва улардан фойдаланиш учун зарур бўлган маълумотлар;
Миллий географик ахборот тизими (кейинги ўринларда — МГАТ) — фазовий маълумотлар миллий инфратузилмасининг таркибий қисми бўлиб, миллий ва бошқа фазовий маълумотлар инфратузилмасига киритилган базавий ва соҳага оид фазовий маълумотлардан фойдаланган ҳолда умумдавлат ва тармоққа оид аҳамиятга эга вазифаларни ҳал қилишга мўлжалланган автоматлаштирилган тизим;
геопортал — ахборот ресурслари тўғрисидаги метамаълумотлар сақланадиган ва Интернет жаҳон ахборот тармоғида миллий географик ахборот ресурсларидан фойдаланишни таъминлайдиган геофазовий маълумотларнинг интернет-воситалари ва сервислари мажмуи;
Давлат кадастрлари ягона тизими (кейинги ўринларда — ДКЯТ) — давлат кадастрларининг барча турларини бирлаштирувчи кўп мақсадли тизим;
тематик қатлам — маълум ҳудуддаги объектлар тўплами учун умумий бўлган координаталар тизимида бир мавзуга (ўсимликларга, автомобиль йўлларига ва ҳ.к.) тегишли бир типдаги фазовий объектларни рақамли ифодалаш мажмуи;
фазовий (геофазовий) маълумот — жойдаги объектларнинг жойлашган жойи тўғрисидаги маълумотларни ўз ичига олган, муайян шаклда ҳамда координаталар тизимларида ифодаланган ахборот;
WGS-84 (World Geodetic System 1984) — 1984 йилда АҚШ Мудофаа вазирлиги томонидан ишлаб чиқилган умумжаҳон геодезия координаталари тизими;
фазовий маълумотлар — фазовий объектлар тўғрисидаги, шу жумладан, уларнинг жойлашган жойи, шакли ва муайян шаклда ҳамда фазовий-вақт координаталари тизимларида тақдим этилган бошқа хоссалари ҳақидаги маълумотларни ўз ичига олган маълумотлар;
фазовий маълумотлар базаси — фойдаланувчиларнинг излаши ва қўллаши учун тизимли тарзда тартибга солинган ва ишлов берилган фазовий маълумотлар йиғиндиси;
фазовий маълумотлар инфратузилмаси — географик ахборот ресурсларидан фойдаланиш ва улар билан алмашиниш учун базавий ва соҳага оид фазовий маълумотлар, метамаълумотлар, стандартлар ва регламентлар, ахборот узатиш тармоқлари ва геосервислар тизими;
фазовий маълумотларни ишлаб чиқарувчи — давлат ёки хўжалик бошқаруви органи, маҳаллий давлат ҳокимияти органи ёки фазовий маълумотларни ва метамаълумотларни яратиш ва янгилашни амалга оширадиган ҳар қандай юридик ёки жисмоний шахс;
фазовий маълумотларга ишлов бериш — фазовий маълумотлар ва метамаълумотларни яратиш, йиғиш, тизимлаштириш, сақлаш, ўзгартириш, янгилаш, визуаллаштириш, улардан фойдаланиш, уларни тақдим этиш, тарқатиш ва узатиш бўйича бир ёки бир нечта ҳаракатлар йиғиндисини амалга ошириш;
Фазовий маълумотлар миллий инфратузилмаси (кейинги ўринларда — ФММИ) — ташкилий тузилма, илмий-техника сиёсати, техник ва дастурий воситалар, базавий ва соҳага оид фазовий маълумотлар, метамаълумотлар ҳамда метамаълумотлар базаларини, фазовий маълумотлар сервисларини, норматив-ҳуқуқий ҳужжатларни, шунингдек, техник жиҳатдан тартибга солиш соҳасидаги норматив ҳужжатларни, халқаро стандартларни, Ўзбекистон Республикаси ҳудудида фойдаланилиши мумкин бўлган фазовий маълумотларни ишлаб чиқиш, янгилаш, уларга ишлов бериш, уларни сақлаш, бериш, интеграциялаш ҳамда улардан фойдаланиш масалаларига доир Ўзбекистон Республикаси давлат стандартларини ўз ичига оладиган тизим;
ФММИ администратори — геодезия ва картография фаолияти соҳасидаги махсус ваколатли давлат органининг идоравий бўйсунувидаги юридик шахс бўлиб, ФММИни яратиш, фаолият кўрсатиши ва ривожлантириш соҳасидаги чора-тадбирларни амалга оширади, ФММИнинг техник ва технологик таъминоти, сифатини назорат қилиш, маълумотларнинг сақланиши ва ҳимояси учун жавобгар бўлади;
ФММИнинг геопортали — геоахборот ресурслари тўғрисидаги метамаълумотларни сақлаб турадиган ва улардан фойдаланишни Интернет жаҳон ахборот тармоғи орқали таъминлайдиган фазовий маълумотларнинг интернет воситалари ва сервисларининг мажмуаси;
фазовий маълумотлар сақловчиси — давлат ёки хўжалик бошқаруви органи, маҳаллий давлат ҳокимияти органи, фазовий маълумотларни бошқарадиган ҳамда қонунчиликда назарда тутилган бошқа функцияларни амалга оширадиган ҳар қандай юридик ёки жисмоний шахс;
фазовий маълумотлар сервислари — фойдаланувчиларга фазовий маълумотларга ишлов бериш ва уларни тақдим этиш бўйича операцияларни амалга оширишга мўлжалланган дастурий-техник воситалар;
фазовий маълумотлар тўплами — идентификация қилиш мумкин бўлган фазовий маълумотлар жамланмаси;
фазовий объектлар — жойлашган жойи белгиланган фазовий-вақт координаталари тизимида аниқланиши мумкин бўлган табиий ва сунъий объектлар;
гравиметрия тармоғи — ер сатҳидаги оғирлик кучининг миқдорлари маълум бўлган геодезия пунктлари тизими;
нивелир тармоғи — жойда ишончли маҳкамланган, баландлиги эса ҳисоблаш боши (ноли) деб қабул қилинган бошланғич пунктдан бир системада аниқланган геодезик пунктлар (реперлар) тизими;
«Электрон ҳукумат» — давлат органларининг жисмоний ва юридик шахсларга ахборот-коммуникация технологияларини қўллаш йўли билан давлат хизматлари кўрсатишга доир фаолиятини, шунингдек, идоралараро электрон ҳамкорлик қилишни таъминлашга қаратилган ташкилий-ҳуқуқий чора-тадбирлар ва техник воситалар тизими.
3. ФММИ яратишдан мақсад:
фазовий маълумотларни тўплаш, қайта ишлаш ва тақдим этиш билан боғлиқ жараёнларни амалга ошириш;
жамиятнинг фойдаланиши чекланмаган барча турдаги географик ахборотга бўлган эҳтиёжларини таъминлаш;
турли соҳаларда бошқарув қарорларини қўллаб-қувватлаш тизимларида фазовий маълумотлар ва геоахборот технологияларини қўллаш самарадорлигини ошириш;
фуқаролар, ташкилотлар, давлат ҳокимияти ва бошқаруви органларининг фазовий маълумотларнинг давлат ва ҳудудий ресурсларидан эркин фойдаланишини таъминлайдиган шарт-шароитларни яратиш ва улардан самарали фойдаланиш.
4. ФММИ яратиш ва юритишнинг асосий вазифалари қуйидагилар ҳисобланади:
фазовий маълумотлар сервислари ва кадастр хизматларини кўрсатиш, идоралараро электрон ҳамкорлик учун зарур бўлган ер участкалари, бино ва иншоотлар, географик объектлар номларини ўз ичига олган рақамли маълумотларни сақлаш;
кадастр хизматларини кўрсатишда жисмоний ва юридик шахсларни идентификациялаш;
кадастр объектлари ва унга тааллуқли бўлган ахборот тизимларини «Электрон ҳукумат» тизимининг идоралараро интеграция платформасига бирлаштириш орқали амалга ошириш;
ягона миллий геоахборот манбаи сифатида базавий, соҳага оид фазовий маълумотлар, метамаълумотларни яратиш ва улардан фойдаланиш, шунингдек, ФММИни яратиш, фаолият кўрсатиши ва ривожлантиришни тартибга соладиган норматив-ҳуқуқий ҳужжатларни, техник жиҳатдан тартибга солиш соҳасидаги ҳужжатларни (техник регламентлар, стандартлар ва классификаторларни) ишлаб чиқиш ва қабул қилиш;
Ўзбекистон Республикаси ҳудудида ягона координаталар тизимини ишлаш ҳолатида сақлаб туриш ва фойдаланиш, шу жумладан, доимий фаолият кўрсатадиган сунъий йўлдош орқали кузатиш станциялари тармоғини яратиш, юритиш ва ундан фойдаланиш ҳисобига таъминлаш;
давлат кадастрлари, картографик ва бошқа турдаги мониторингларни юритиш асосида Ўзбекистон Республикаси ҳудудида базавий фазовий маълумотларни яратиш ва долзарблаштириш;
давлат бошқарув органлари ва хўжалик бирлашмалари, маҳаллий давлат ҳокимияти органлари томонидан тармоққа оид (идоравий) вазифаларни ҳал қилиш учун зарур соҳага оид фазовий маълумотларни яратиш, юритиш ва долзарблаштириш;
фазовий маълумотларнинг турли тўпламларидан фойдаланишда уларни ўзаро таққослаш ва (интероперабеллигини) таъминлаш;
ФММИда мавжуд фазовий маълумотлар ва сервислардан фойдаланиб янги фазовий маълумотлар ва геоахборот тизимлари тўпламларини яратиш имкониятини таъминлаш ҳисобига фазовий маълумотлар тўпламларини яратишда такрорланишларнинг олдини олиш;
ФММИни давлат органлари ахборот-технологик инфратузилмаси билан интеграция қилиш;
республика ҳудудида жойлашган капитал қурилиш, транспорт ва муҳандислик инфратузилмаси объектлари, саноат ва хўжалик объектлари тўғрисида, маъмурий-ҳудудий тузилма, ҳудуднинг кадастрга оид бўлиниши, ердан фойдаланиш ва ер тузиш тўғрисидаги фазовий маълумотларни тўплаш учун ерни масофадан туриб зондлаш материаллари, геоахборот тизимларидан самарали фойдаланилишни таъминлаш;
ҳудудий режалаштириш, ҳудудларни масофадан зондлаш, ердан фойдаланишни, ўрмон ва сув фондларини бошқариш, табиий ва техноген тусдаги фавқулодда вазиятларни прогноз қилиш ҳамда уларнинг оқибатларини бартараф этишда тезкор қарорларни қабул қилиш, ҳарбийлаштирилган тузилмалар ўртасида ўзаро ҳамкорликни ташкил қилиш, табиий ресурсларни муҳофаза қилиш, экология, туризм масалаларини ҳал қилиш учун картографик асосларни яратиш;
Интернет жаҳон ахборот тармоғида ФММИ геопорталини шакллантириш ҳисобига фойдаланувчилар учун очиқ фойдаланишга рухсат берилган базавий ва соҳага оид фазовий маълумотлардан фойдаланишни таъминлаш;
сифатли ва кафолатланган сервислар ва маълумотларни тақдим этиш.
5. ФММИ қуйидаги принциплар асосида юритилади:
фазовий маълумотларни яратиш ва улардан фойдаланиш, ФММИни яратиш, қўллаб-қувватлаш ва ривожлантириш соҳасидаги давлат бошқаруви;
ФММИни яратиш, қўллаб-қувватлаш ва ривожлантириш жараёнларининг ижтимоий-иқтисодий ривожланиш, атроф ва табиий муҳитни муҳофаза қилиш, иқтисодий хавфсизлик, давлат бошқаруви, Ўзбекистон Республикасининг мудофаа қобилияти ва миллий хавфсизлиги устувор вазифаларини ҳал қилишга бўйсундирилганлиги;
давлат ахборот ресурсларини ва янги базавий фазовий маълумотларни яратишда давлат органлари, шу жумладан, фазовий маълумотларни ишлаб чиқарувчи бошқа шахслар томонидан тартибга солинган координаталар тизимларидан ҳамда мавжуд базавий фазовий маълумотлардан фойдаланиш мажбурийлиги;
фазовий маълумотларни яратиш, янгилаш, ишлов бериш, сақлаш, тақдим этиш, уларни интеграция қилиш ва улардан фойдаланишни таъминлайдиган ФММИ администратори, фазовий маълумотларни ишлаб чиқарувчилар, сақловчилар ва фойдаланувчиларнинг фаолиятини мувофиқлаштириш;
барча фазовий объектлар бўйича фазовий маълумотлар ва метамаълумотларни шакллантириш методологиясининг бирлиги;
давлат ахборот ресурсларини яратишда фазовий объектларнинг координаталари кўрсатилишининг мажбурийлиги;
фазовий маълумотларни яратиш, улардан фойдаланиш ва сифатини назорат қилиш тартиб-таомилларини стандартлаштириш;
фазовий маълумотларни яратиш ва улардан фойдаланиш соҳасидаги техник регламентлар, миллий стандартларнинг тегишли халқаро стандартлар билан уйғунлиги;
фазовий маълумотларнинг долзарблиги, ишончлилиги, тўлиқлиги, яхлитлиги ва аниқлилиги;
базавий фазовий маълумотларнинг ягона банкидан, тартибга солинган координаталар тизимидан, ягона техник регламентлардан ва стандартлардан фойдаланиш асосида фазовий маълумотларнинг мослиги;
базавий ва соҳага оид фазовий маълумотларнинг интеграциялашуви;
фазовий маълумотлар сервислари ва тўпламлари ҳамда уларнинг метамаълумотларининг интероперабеллиги;
ахборотнинг очиқлиги ва шаффофлиги;
базавий фазовий маълумотлар ҳамда метамаълумотларнинг барча манфаатдор субъектлар учун очиқлиги ва оммавийлиги ҳамда уларни яратиш, йиғиш, сақлаш, тақдим этиш ва тарқатишнинг қонунийлиги.
6. ФММИни юритиш бўйича ишлар масъул органлар Ўзбекистон Республикаси Давлат бюджетидан ажратилган маблағлар доирасида ҳамда қонунчиликда тақиқланмаган бошқа манбалар ҳисобидан молиялаштирилади.
2-боб. ФММИ тузилмаси ва уни юритишни ташкил қилиш
7. ФММИни яратиш, юритиш, ривожлантириш ва унинг ишлашини таъминлаш умумдавлат аҳамиятига молик геодезия ва картографияга оид ишларга киради.
8. ФММИ қуйидаги асосий компонентлардан иборат:
илмий-техника сиёсати;
базавий ва соҳага оид фазовий маълумотлар;
метамаълумотлар;
ФММИнинг геопортали;
ФММИнинг геопорталлари тармоғи;
ташкилий тузилма;
соҳага оид ахборот тизимлари;
ахборот ресурслари;
технологиялар ва техник воситалар;
веб-хариталаш, Интернет жаҳон ахборот тармоғидан фазовий маълумотларни олиш, фойдаланиш ва тарқатишнинг дастурий-технологик воситалари;
фазовий маълумотлар сервислари;
норматив-ҳуқуқий ҳужжатлар;
фазовий маълумотлар, метамаълумотлар ва геоахборот сервисларни техник жиҳатдан тартибга солиш соҳасидаги халқаро стандартлар, Ўзбекистон Республикасининг давлат стандартлари ва норматив ҳужжатлар.
9. ФММИни юритиш қуйидаги ишларни бажариш орқали таъминланади:
базавий ва соҳага оид фазовий маълумотларни ҳамда метамаълумотларни ишлаб чиқиш, янгилаш, уларга ишлов бериш, тақдим этиш ва улардан фойдаланиш;
турли мақсадларга мўлжалланган геоахборот тизимлари ва сервисларини ишлаб чиқиш ҳамда тақдим этиш;
техник ва дастурий воситаларни яратиш;
геопорталларни яратиш ва уларни таъминлаш;
фазовий маълумотларнинг ва метамаълумотларнинг сифатини текшириш;
фазовий маълумотлар базаларини ва метамаълумотлар базалари ва каталогларини, фазовий маълумотлар сервисларини, геоахборот тизимларини, геопорталларни, ФММИ соҳасидаги бошқа техник ва дастурий воситаларни яратиш бўйича илмий-тадқиқот, тажриба-технологик ҳамда тажриба-конструкторлик ишларини бажариш;
фазовий маълумотлар, уларнинг сервислари ва метамаълумотларини ишлаб чиқиш, сақлаш, тақдим этиш, интеграция қилиш ва улардан фойдаланиш масалалари бўйича стандартлар, норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатларни ишлаб чиқиш;
ФММИ фаолият кўрсатишини ҳамда ривожлантирилишини таъминлаш мақсадида бошқа ишларни бажариш мумкин.
фазовий маълумотлар соҳасидаги махсус ваколатли давлат органи — Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги);
Ўзбекистон Республикаси Мудофаа вазирлиги;
ФММИга киритиладиган фазовий маълумотларга ишлов беришни амалга оширадиган давлат ва хўжалик бошқаруви органлари, шу жумладан, ўз ваколати доирасида давлат кадастрларини юритишга масъул органлар ҳамда маҳаллий давлат ҳокимияти органлари;
ФММИ администратори;
фазовий маълумотларни ишлаб чиқарувчилар;
фазовий маълумотлар сақловчилари;
фазовий маълумотлардан фойдаланувчилар.
11. Кадастр агентлиги фазовий маълумотлар соҳасидаги махсус ваколатли давлат органи сифатида қуйидаги функцияларни амалга оширади:
ФММИни яратиш, фаолият кўрсатиши ва ривожлантириш соҳасидаги ягона давлат сиёсатини шакллантириш ва амалга оширишда иштирок этади;
ФММИни яратиш, фаолият кўрсатиши ва ривожлантириш соҳасидаги давлат дастурлари ва бошқа дастурлар лойиҳаларини ишлаб чиқади ҳамда Вазирлар Маҳкамасига киритади, уларнинг бажарилишини таъминлайди;
давлат бошқарув органлари ва хўжалик бирлашмалари, маҳаллий давлат ҳокимияти органларининг, шунингдек, фазовий маълумотларга ишлов беришни амалга оширадиган шахсларнинг ФММИни яратиш, фаолият кўрсатиши ва ривожлантириш масалалари бўйича фаолиятини мувофиқлаштиради, ФММИни ривожлантириш бўйича Мувофиқлаштирувчи кенгаш фаолиятини таъминлайди;
ФММИни яратиш, фаолият кўрсатиши ва ривожлантиришни таъминлайди;
ФММИ администраторини белгилайди ва фаолиятини ташкил қилади;
Базавий фазовий маълумотларга ишлов беради, ФММИ геопорталини яратиш ва фаолият кўрсатиши бўйича ишларни амалга оширади;
ФММИ базавий фазовий маълумотлари сақловчиси функцияларини бажаради, давлат бошқарув органлари ва хўжалик бирлашмалари, маҳаллий давлат ҳокимияти органларини, юридик ва жисмоний шахсларни базавий фазовий маълумотлар билан таъминлайди;
илмий-тадқиқот, тажриба-конструкторлик ва тажриба-технологик ишларни бажаради, ФММИ техник ва дастурий воситалар яратилишини ва такомиллаштирилишини таъминлайди;
ФММИ, фазовий маълумотларни ишлаб чиқиш, янгилаш, уларга ишлов бериш, сақлаш, тақдим этиш ва улардан фойдаланиш масалалари бўйича норматив-ҳуқуқий ҳужжатларни, техник жиҳатдан тартибга солиш соҳасидаги норматив ҳужжатлар ва стандартларни қонунчиликда белгиланган тартибда ишлаб чиқади ва тасдиқлайди;
фазовий маълумотларни ишлаб чиқиш, янгилаш, уларга ишлов бериш, сақлаш, тақдим этиш ва улардан фойдаланиш жараёнлари устидан давлат назоратини амалга оширади;
фазовий маълумотлар ва метамаълумотларни ишлаб чиқиш, янгилаш, ишлов бериш, сақлаш, тақдим этиш ва фойдаланишнинг белгиланган тартиби бузилганлигини аниқлаш натижалари бўйича фазовий маълумотлар соҳасидаги қонунчилик ҳужжатларининг бузилишида айбдор мансабдор шахсларни белгиланган тартибда жавобгарликка тортиш ҳақида асосланган қарор қабул қилади;
фазовий маълумотлар соҳасида нарх сиёсатини ишлаб чиқиш ва амалга оширилишини таъминлаш бўйича таклифларни Вазирлар Маҳкамасига киритади;
фазовий маълумотлар соҳасида кадрлар тайёрлаш ва қайта тайёрлаш вазифасини амалга оширади;
ФММИ жорий этилиши ва ундан фойдаланилишини мониторинг қилади, йиллик ҳисоботларни тайёрлаш ва Вазирлар Маҳкамасига тақдим этишни таъминлайди;
Ўзбекистон Республикасининг халқаро шартномаларига мувофиқ фазовий маълумотлар соҳасида халқаро ҳамкорликни амалга оширади;
Қонунчилик ҳужжатларига мувофиқ ФММИни яратиш, фаолият кўрсатиши ва ривожлантириш соҳасида бошқа функцияларни амалга оширади.
12. ФММИ администратори қуйидаги функцияларни амалга оширади:
ФММИни яратиш, фаолият кўрсатиши ва ривожлантириш чора-тадбирларини ишлаб чиқади ва тасдиқлаш учун махсус давлат ваколатли органига киритади;
базавий ва соҳага оид фазовий маълумотларни, метамаълумотларни қабул қилади ва назорат қилади ҳамда уларни ФММИ геопорталига жойлаштиради;
геоахборот тизимларида, ресурсларида ва маълумотлар базаларида мавжуд бўлган ҳамда давлат хизматларини кўрсатиш учун зарур бўлган ахборот ва маълумотларни «Электрон ҳукумат» тизимининг идоралараро интеграциялашган платформасига тақдим этиб боради;
ФММИ фаолият кўрсатиши ва ривожлантирилишини техник ва технологик жиҳатдан таъминлайди, дастурий таъминотлар яратади ва унга хизмат кўрсатади;
фазовий маълумотлар сервисларини яратади ва уларга хизмат кўрсатишни таъминлайди;
ФММИ геопорталида жойлаштирилган маълумотлар ва метамаълумотлардан, шунингдек, фазовий маълумотлар сервисларидан фойдаланишни таъминлайди;
ФММИ таркибидаги фазовий маълумотлар ва метамаълумотларнинг ишончлилиги ва долзарблигининг доимий мониторингини юритади.
қоғоз шаклдаги мавжуд фазовий маълумотларни электрон шаклга айлантиради;
фазовий маълумотлар ва метамаълумотларни яратади;
базавий ва соҳага оид фазовий маълумотлар ва метамаълумотларга ишлов беради ва янгилайди;
базавий фазовий маълумотларни ва ФММИга киритилган метамаълумотларни фойдаланувчиларга тақдим этади.
13. ФММИ администратори:
ФММИ геопарталида долзарб бўлмаган, ишончсиз, хато ёки белгиланган тартибни бузган ҳолда тақдим этилган фазовий маълумотлар ва метамаълумотлар аниқланган тақдирда, ФММИ администратори ушбу маълумотлардан фойдаланишни чеклаб қўйилишини таъминлайди, шунингдек, бундай маълумотлар аниқланган кундан бошлаб уч иш куни мобайнида ФММИ геопорталида аниқланган фактни эълон қилади ва тегишли фазовий маълумотлар сақловчисига камчиликларни бартараф этиш юзасидан таклифлар киритади;
14. ФММИ администраторининг жавобгарлиги ФММИ администратори техник ва технологик таъминот, ФММИда мавжуд маълумотларнинг сифатини таъминлаш ва назорат қилиш, сақлаш ва ҳимоя қилиш учун жавоб беради.
15. Фазовий маълумотлар ишлаб чиқарувчилари:
фазовий маълумотлар ва метамаълумотларни яратиш ва янгилашни амалга оширади;
метамаълумотларни фазовий маълумотлар тўпламлари ва сервислари бўйича ушбу Низомга, техник жиҳатдан тартибга солиш соҳасидаги норматив ҳужжатларга мувофиқ яратишлари ва янгилашлари шарт.
16. Фазовий маълумотларни ишлаб чиқарувчилар ўзлари яратган фазовий маълумотларни ўн беш кун муддатда белгиланган тартибда ФММИ администраторига беғараз тақдим этишлари, шунингдек, метамаълумотлар элементлари қийматлари ўзгаргандан кейин ўн кун муддатда метамаълумотларни янгилашлари лозим.
17. Фазовий маълумотларни сақловчилар:
фазовий маълумотлар ва метамаълумотларни яратишга буюртма берадилар;
фазовий маълумотлар ва метамаълумотларнинг янгиланиши ва юритилишини таъминлайдилар;
ўз ваколатларини амалга ошириш учун ФММИ таркибидаги фазовий маълумотлар ва метамаълумотлардан фойдаланадилар;
фазовий маълумотлар ва метамаълумотларнинг долзарблигини, ишончлилигини, яхлитлигини ва аниқлигини таъминлайдилар;
фазовий маълумотлар ва метамаълумотларнинг долзарблиги, ишончлилиги, тўлиқлиги, яхлитлиги, аниқлиги ва хавфсизлиги, шунингдек, базавий фазовий маълумотларнинг очиқлиги ва оммавийлигини таъминлайдилар.
18. Фазовий маълумотлардан фойдаланувчилар:
фазовий маълумотлар ва метамаълумотлардан фойдаланиш учун буюртма берадилар;
ўз ваколатларини амалга ошириш учун ФММИ таркибидаги фазовий маълумотлар ва метамаълумотлардан фойдаланадилар;
фазовий маълумотлар ва метамаълумотларни учинчи шахсга тақдим этмайдилар;
фазовий маълумотлар сервисларидан фойдаланадилар;
фазовий маълумотлардан фойдаланиш жараёнида иккиламчи яратилган фазовий маълумотларни ФММИга тақдим этадилар.
3-боб. ФММИ ахборот ресурслари
19. ФММИ ахборот ресурслари қуйидагилардан иборат:
Кадастр ва кўчмас мулкни рўйхатга олиш интеграциялашган ахборот тизими маълумотлар базаси;
қонунчилик ҳужжатларига мувофиқ бошқа маълумотлар базалари.
22. Фазовий маълумотларда фазовий объектнинг номи, унинг координата тавсифлари, манзили ва бошқа маълумотлар берилади.
4-боб. Базавий фазовий маълумотларга қўйиладиган асосий талаблар
23. Базавий фазовий маълумотлар қуйидаги фазовий объектлар тўғрисидаги маълумотларни ўз ичига олади:
геодезия, нивелир ва гравиметрия тармоқлари пунктлари;
Ўзбекистон Республикаси Давлат чегараси, маъмурий-ҳудудий бирликларнинг чегаралари;
гидрографик объектлар ва гидротехника иншоотлари;
аҳоли пунктлари ва уларнинг таркибий қисмлари (маҳаллалар, шоҳкўчалар, кўчалар, майдонлар, даҳалар, мавзелар, массивлар, боғлар, хиёбонлар);
саноат, қишлоқ хўжалиги объектлари ва ижтимоий-маданий объектлар;
бинолар ва иншоотлар;
автомобиль йўллари;
темир йўллар;
магистрал қувурлар;
муҳандислик коммуникациялари;
аэропортлар, дарё бандаргоҳлари;
ўсимлик қоплами ва тупроқлар;
ер участкаларининг чегаралари;
муҳофаза этиладиган табиий ҳудудлар ва маданий мерос объектлари;
аҳоли пунктларининг чегаралари ва зоналаштириш объектлари, шунингдек, шаҳар атрофидаги зоналар;
муҳофаза этиладиган зоналар ҳамда ҳудудлардан фойдаланишнинг алоҳида шартларига эга бўлган зоналар;
аҳоли пунктлари ҳудудидаги ва ундан ташқаридаги кўчаларнинг реестрлари ҳамда объектларнинг манзиллари;
географик объектларнинг номлари;
жой рельефи;
ортофотохариталар, аэро- ва космик суратлар ҳамда Ерни масофадан туриб зондлашга доир ишларнинг натижалари.
Базавий фазовий маълумотлар таркибига қўшимча тарзда базавий маълумотлар мақомини бериш мақсадга мувофиқ деб топилган бошқа объектлар тўғрисидаги маълумотлар киритилиши мумкин.
фазовий объектларни таснифлаш ва кодлашнинг мавжуд умумдавлат ва тармоққа оид тизимлар билан мослиги;
базавий фазовий маълумотлар тўпламларини шакллантиришдаги устуворликлар ва кетма-кетлик;
маълумотларни жойлардаги ўзгаришларга мослаштирган тарзда тезкор янгилаш;
техник жиҳатдан тартибга солиш соҳасидаги ҳужжатларга қатъий амал қилиш;
жойнинг ҳолати тўғрисидаги базавий ахборот сифатидаги картографик асосдан базавий фазовий маълумотлар ва геоахборот тизимларининг рақамли тўпламларидан фойдаланишга изчиллик билан ўтиш.
25. Базавий фазовий маълумотлар ва уларнинг метамаълумотларини сақлаш, долзарблаштириш ва тақдим этиш учун ФММИ администратори томонидан базавий фазовий маълумотлар банки ташкил этилади.
Базавий фазовий маълумотлар банки базавий фазовий маълумотлар, уларнинг метамаълумотлари, классификаторлар, маълумотномалар ва реестрлар тўпламларидан, шу жумладан, Географик объектларнинг номлари давлат реестри, кўчмас мулк объектлари манзиллари ягона реестри, МГАТ маълумотлар базаси ҳамда кадастр ва кўчмас мулкни рўйхатдан ўтказиш интеграцион ахборот тизими маълумотлар базасидан иборат бўлади.
26. Базавий фазовий маълумотлар таркибига киритилган объектлар бўйича бажарилган геодезия, картография, геоахборот ва кадастр ишлари натижаларидан фойдаланиб базавий фазовий маълумотлар ва метамаълумотлар тўпламлари яратилади ва ФММИга киритилади.
Геодезия, картография, геоахборот ва кадастр ишлари натижалари эса буюртмачида (фазовий маълумотлар сақловчисида) ёки тегишли ишларни бажарувчида сақланади.
27. Базавий фазовий маълумотлар банкида мавжуд маълумотлар ва бошқа манбалардаги фазовий маълумотлар ўртасида қарама-қаршиликлар мавжуд бўлган тақдирда, базавий фазовий маълумотлар банки маълумотлари ҳаққоний ҳисобланади.
28. Базавий фазовий маълумотлар тўпламларини долзарблаштириш фазовий маълумотларни ишлаб чиқарувчилари томонидан бажарилган барча турдаги геодезия, топография, картография, кадастр ва бошқа ишлар натижасида олинган материаллар (маълумотлар) асосида ФММИ администратори томонидан амалга оширилади.
29. Базавий фазовий маълумотлар тўпламлари умумдавлат ахборот ресурсларига тегишли бўлиб, давлат мулки ҳисобланади ва хусусийлаштирилмайди.
30. Базавий фазовий маълумотларга, уларнинг метамаълумотларига, таркиби ва мазмунига батафсил талаблар давлат стандартлари ҳамда техник жиҳатдан тартибга солувчи бошқа норматив ҳужжатлар билан ўрнатилади.
31. Базавий фазовий маълумотлардан барча давлат органлари ва ташкилотлари, хўжалик бирлашмалари, маҳаллий ижро этувчи ҳокимият органлари, фазовий маълумотларни яратишда иштирок этадиган юридик ва жисмоний шахслар томонидан фойдаланиш учун мажбурийдир.
32. Соҳага оид (тармоққа оид, мавзули) фазовий маълумотларга ФММИ базавий фазовий маълумотларидан фойдаланиб яратилган, маълумотлари ва метамаълумотлари Ўзбекистон Республикаси давлат стандартлари талабларига жавоб берадиган ва ФММИга киритилган барча турдаги фазовий маълумотлар киради.
33. Соҳага оид фазовий маълумотлар қуйидаги соҳаларга тегишли маълумотларни ўз ичига олади:
Давлат кадастрлари ягона тизими таркибига кирувчи давлат кадастрлари объектлари ҳақидаги маълумотлар;
метеорологик шароитнинг географик хусусиятлари ва иқлим тўғрисидаги маълумотлар;
денгизлар, дарёлар ва кўллар минтақалари;
табиий энергия ресурслари, улардан фойдаланиш, бошқариш ва баҳолаш.
Соҳага оид фазовий маълумотлар таркибига қўшимча тарзда бошқа маълум бир соҳага оид маълумотлар киритилиши мумкин.
34. МГАТда шаклланадиган ДКЯТга оид фазовий объектлар тўғрисидаги тематик қатламларга қўйиладиган умумий талаблар қуйидагилар ҳисобланади:
тематик қатламларни шакллантиришда базавий картографик асосдан фойдаланиб, объект турлари ва ахборот турлари (рўйхатдан ўтказишга оид, ҳисобга олишга оид, баҳолашга оид) бўйича шакллантирилади;
тематик қатламлар объектнинг хусусиятидан ва объектларнинг жойлашувини аниқлаш усулидан келиб чиқиб 1:500, 1:1 000, 1:5 000, 1:10 000, 1:25 000 масштабларда шакллантирилади ҳамда объектларнинг фазовий жойлашувидаги хатолик мазкур масштаб талабларида белгиланган меъёрлардан ошмаган бўлиши ваколатли органлар томонидан таъминланади;
базавий картографик асоснинг тематик қатламлари ҳамда тегишли географик ахборот тизимларини юритиш учун зарур картографик асослар махсус ваколатли орган томонидан шакллантирилади ҳамда ваколатли органларга МГАТ орқали белгиланган тартибда тақдим этилади;
тематик қатламларнинг математик асоси базавий картографик асоснинг математик асосига мувофиқ бўлиши лозим ҳамда тақдим этилаётган маълумотлар WGS-84 тизимида бўлиши зарур;
тематик қатламларни шакллантиришда векторли объектларнинг (нуқталар, чизиқлар ва полигонларнинг) ўзаро боғлиқлиги ва ёндошлиги уларнинг фазовий жойлашувини инобатга олган ҳолда тасвирланади;
тематик қатламларнинг атрибутив маълумотлари ҳамда метамаълумотлари давлат тилида лотин алифбосида шакллантирилади.
Зарур ҳолларда атрибутив маълумотлар бошқа тилларда ҳам бўлиши мумкин.
35. Фазовий маълумотлар тўпламлари давлат бошқарув органлари ва хўжалик бирлашмалари, маҳаллий давлат ҳокимияти органлари, фазовий маълумотларнинг бошқа ишлаб чиқарувчилари томонидан яратилиши мумкин. Ушбу фазовий маълумотлар таркиби ва маълумот алмашинуви тартиби уларни ишлаб чиқарувчилар ва Кадастр агентлиги томонидан келишилган ҳолда белгиланади.
36. Ваколатли органлар махсус ваколатли органга идоралараро электрон ҳамкорлик орқали реал вақт режимида қуйидаги маълумотларни МГАТга ушбу Низомга 1-иловага мувофиқ ягона технология бўйича тақдим этади:
Ўзбекистон Республикаси Адлия вазирлиги — кўчмас мулкка нисбатан нотариал ҳаракатлар асосида юзага келадиган мулк ҳуқуқи ва бошқа ашёвий ҳуқуқлар ҳақидаги маълумотларни;
Адлия вазирлиги ҳузуридаги Персоналлаштириш агентлиги — жисмоний шахслар тўғрисидаги маълумотларни;
(36-банднинг учинчи хатбошиси Ўзбекистон Республикаси Вазирлар Маҳкамасининг 2025 йил 1 мартдаги 135-сонли қарори таҳририда — Қонунчилик маълумотлари миллий базаси, 03.03.2025 й., 09/25/135/0208-сон)
Ўзбекистон Республикаси Давлат солиқ қўмитаси — юридик ва якка тартибдаги тадбиркорлик субъектлари тўғрисидаги маълумотларни;
Ўзбекистон Республикаси Транспорт вазирлиги ҳузуридаги Автомобиль йўллари қўмитаси — автомобиль йўлларининг умумий кўриниши ва автомобиль йўллари тўғрисидаги маълумотларни;
Ўзбекистон Республикаси Қишлоқ хўжалиги вазирлиги — тупроқ, тупроқ турларининг тарқалиши ва деградацияси, қишлоқ хўжалиги соҳаси учун яратилган фазовий маълумотлар ҳамда қишлоқ хўжалиги экин майдонларининг норматив қиймати тўғрисидаги маълумотларни;
Ўзбекистон Республикаси Қурилиш ва уй-жой коммунал хўжалиги вазирлиги — ҳудудларни режалаштириш, ривожлантириш ва шаҳарсозлик ҳужжатлари тўғрисидаги ҳамда коммунал хўжалигига оид маълумотларни;
(36-банднинг еттинчи хатбошиси Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарори таҳририда — Қонунчилик маълумотлари миллий базаси, 26.02.2024 й., 09/24/100/0152-сон)
Ўзбекистон Республикаси Миллий статистика қўмитаси — статистик маълумотлар, аҳолининг тақсимланиши — демографияга оид маълумотлар ҳамда аҳолини рўйхатдан ўтказиш тўғрисидаги маълумотларни;
(36-банднинг саккизинчи хатбошиси Ўзбекистон Республикаси Вазирлар Маҳкамасининг 2025 йил 6 октябрдаги 627-сонли қарори таҳририда — Қонунчилик маълумотлари миллий базаси, 07.10.2025 й., 09/25/627/0901-сон)
Ўзбекистон Республикаси Давлат геология ва минерал ресурслар қўмитаси — геология (зоналаштириш, ер қатламлари ва бошқа маълумотлар) ва фойдали қазилма конлари, белгилари ва техноген минерал ҳосилалар давлат кадастри бўйича маълумотларни;
Ўзбекистон Республикаси Соғлиқни сақлаш вазирлиги — инсон саломатлиги ва хавфсизлигига оид маълумотлар ва техноген хавфи юқори бўлган тегралар давлат кадастри бўйича маълумотларни;
Ўзбекистон Республикаси Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги — таълим (мактабгача, мактаб, ўрта махсус, олий таълим) йўналишига оид маълумотларини;
(36-банднинг ўн иккинчи хатбошиси Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарорига асосан чиқарилган — Қонунчилик маълумотлари миллий базаси, 26.02.2024 й., 09/24/100/0152-сон)
Ўзбекистон Республикаси Экология ва атроф муҳитни муҳофаза қилиш давлат қўмитаси — ўсимлик дунёси объектлари, ҳайвонот дунёси объектлари, муҳофаза этиладиган табиий ҳудудлар, чиқиндиларни кўмиб ташлаш ва утиллаштириш жойлари давлат кадастрлари ҳамда атроф муҳит мониторингига оид маълумотларни;
Ўзбекистон Республикаси Гидрометеорология хизмати маркази — метеорологик шароитнинг географик хусусиятлари, иқлим маълумотлари, денгизлар, дарёлар ва кўллар минтақалари ҳамда сув кадастри тўғрисидаги маълумотларни тақдим этади.
ДКЯТ объектлари бўйича қуйидагилар тақдим этилади:
давлат ер кадастри бўйича — Кадастр агентлигининг Давлат кадастрлари палатаси, Ўзбекистон Республикаси Қишлоқ хўжалиги вазирлиги (тупроқ бонитировкасини ўтказиш, қишлоқ хўжалиги ерларининг меъёрий қийматини аниқлаш, тупроқ унумдорлигини ошириш, тупроқшунослик, геоботаникага оид тадқиқотлар);
фойдали қазилма конлари, белгилари ва техноген минерал ҳосилалар давлат кадастри бўйича — Ўзбекистон Республикаси Давлат геология ва минерал ресурслар қўмитаси;
давлат сув кадастри бўйича — Ўзбекистон Республикаси Гидрометеорология хизмати маркази (ер усти сувлари), Ўзбекистон Республикаси Давлат геология ва минерал ресурслар қўмитаси (ер ости сувлари), Ўзбекистон Республикаси Сув хўжалиги вазирлиги (сув ресурсларидан фойдаланиш ва ерларнинг мелиоратив ҳолати);
давлат ўрмон кадастри бўйича — Ўзбекистон Республикаси Ўрмон хўжалиги давлат қўмитаси;
бинолар ва иншоотлар давлат кадастри бўйича — Кадастр агентлигининг Давлат кадастрлари палатаси;
давлат шаҳарсозлик кадастри бўйича — Ўзбекистон Республикаси Қурилиш ва уй-жой коммунал хўжалиги вазирлиги;
(36-банднинг йигирма биринчи хатбошиси Ўзбекистон Республикаси Вазирлар Маҳкамасининг 2024 йил 24 февралдаги 100-сонли қарори таҳририда — Қонунчилик маълумотлари миллий базаси, 26.02.2024 й., 09/24/100/0152-сон)
гидротехника иншоотлари давлат кадастри бўйича — «Сувхўжаликназорат» инспекцияси, Ўзбекистон Республикаси Сув хўжалиги вазирлиги, Ўзбекистон Республикаси Энергетика вазирлиги;
(36-банднинг йигирма иккинчи хатбошиси Ўзбекистон Республикаси Вазирлар Маҳкамасининг 2023 йил 27 сентябрдаги 500-сонли қарори таҳририда — Қонунчилик маълумотлари миллий базаси, 28.09.2023 й., 09/23/500/0732-сон)
моддий маданий мерос объектларининг давлат кадастри бўйича — Ўзбекистон Республикаси Туризм ва маданий мерос вазирлиги ҳузуридаги Маданий мерос агентлиги;
автомобиль йўллари давлат кадастри бўйича — Ўзбекистон Республикаси Транспорт вазирлиги ҳузуридаги Автомобиль йўллари қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари;
темир йўллар давлат кадастри бўйича — Ўзбекистон Республикаси Транспорт вазирлиги, «Ўзбекистон темир йўллари» АЖ;
транспорт қувурлари давлат кадастри бўйича — Ўзбекистон Республикаси Энергетика вазирлиги, «Ўзбекнефтгаз» АЖ, «Ўзтрансгаз» АЖ, «Ҳудудгазтаъминот» АЖ;
алоқа объектлари давлат кадастри бўйича — Ўзбекистон Республикаси Ахборот технологиялари ва коммуникацияларини ривожлантириш вазирлиги;
энергетика объектлари давлат кадастри бўйича — Ўзбекистон Республикаси Энергетика вазирлиги, «Иссиқлик электр станциялари» АЖ, «Ўзбекгидроэнерго» АЖ, «Ўзбекистон МЭТ» АЖ, «Ҳудудий электр тармоқлари» АЖ;
ўсимлик дунёси объектлари, ҳайвонот дунёси объектлари, муҳофаза этиладиган табиий ҳудудлар, чиқиндиларни кўмиб ташлаш ва утиллаштириш жойлари давлат кадастрлари маълумотлари бўйича — Ўзбекистон Республикаси Экология ва атроф муҳитни муҳофаза қилиш давлат қўмитаси;
табиий хавфи юқори бўлган тегралар давлат кадастри бўйича — Ўзбекистон Республикаси Давлат геология ва минерал ресурслар қўмитаси, Ўзбекистон Республикаси Фанлар академияси, Ўзбекистон Республикаси Гидрометеорология хизмати маркази;
техноген хавфи юқори бўлган тегралар давлат кадастри бўйича — Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси, Фавқулодда вазиятлар вазирлиги, Соғлиқни сақлаш вазирлиги, Фанлар академиясининг Ядро физикаси институти;
(36-банднинг ўттизинчи хатбошиси Ўзбекистон Республикаси Вазирлар Маҳкамасининг 2025 йил 2 майдаги 289-сонли қарори таҳририда — Қонунчилик маълумотлари миллий базаси, 05.05.2025 й., 09/25/289/0406-сон)
картография-геодезия давлат кадастри бўйича — Кадастр агентлигининг Давлат картография-геодезия фонди томонидан тақдим этилади.
Фазовий маълумотлар таркибида давлат сирларини ва қонун билан қўриқланадиган бошқа сирни, шунингдек, фойдаланилиши қонунчиликка мувофиқ чекланган бошқа ахборотни ташкил этадиган маълумотлар мавжуд бўлмаганда, белгилаган тартибда маълумотлар алмашилади.
37. Ҳар бир давлат кадастри бўйича тематик қатламлар ва уларнинг атрибутив маълумотлар жадвали мазкур Низомга 2 — 21-иловаларда белгиланган тематик қатламларга мувофиқ шакллантирилади.
38. Ваколатли органлар томонидан яратиладиган фазовий маълумотлар ва уларнинг тўпламлари ҳақидаги метамаълумотлар МГАТга киритилади.
ДКЯТга давлат кадастрлари фазовий маълумотлари ва уларнинг метамаълумотларини тақдим этиш, кўриб чиқиш ва маълумотлардаги камчиликларни маълум қилиб бориш ушбу Низомга 22-иловада келтирилган схемага мувофиқ амалга оширилади.
39. Соҳага оид фазовий маълумотлар тўпламлари базавий фазовий маълумотлар тўпламларида баён қилинган фазовий объектлар ҳақидаги атрибутив маълумотларни кенгайтириш ёки янги фазовий объектларнинг координата-атрибутив тавсифларини яратиш йўли билан шакллантирилади ва улар тегишли даражадаги базавий фазовий маълумотлар билан фазовий-координата ва топологик мос бўлиши лозим.
40. Соҳага оид фазовий маълумотларнинг ҳар бир тўплами учун метамаълумотлар, техник регламентлар, тармоққа оид стандартлар ишлаб чиқилади ва уларда объектлар каталоглари ва уларнинг атрибутлари, фазовий объектлар моделларини тақдим этиш чизмалари (схемалари), сифатга бўлган талаблар, тақдим этиш ва фойдаланиш шартлари белгиланади.
41. Соҳага оид фазовий маълумотларга метамаълумотлар, тармоққа оид стандартлар ва техник регламентлар ФММИ фазовий маълумотларининг давлат стандартлари асосида ҳамда очиқ геоахборот тизимларида маълумотларга ишлов беришнинг халқаро стандартлари ва техник шартлари талабларини ҳисобга олган ҳолда ишлаб чиқилади.
6-боб. Метамаълумотларга асосий талаблар
42. Метамаълумотлар фазовий маълумотларни излаш, сифати, яроқлилиги ва ишлов бериш имкониятларини баҳолаш учун мўлжалланган. Фазовий маълумотлардан самарали фойдаланиш, ФММИ геопорталидан фойдаланувчиларга беғараз тақдим этиладиган метамаълумотлардаги мавжуд ахборотдан фойдаланиш йўли билан ташкил этилади.
43. Метамаълумотларнинг каталоглари ва базаларида махсус маълумотларнинг расмийлаштирилган тўпламлари мавжуд бўлиб, уларда географик ахборот элементларининг таркиби ва хоссалари баён этилади, ахборот рақамли ва рақамсиз кўринишда ахборотни излаш, унинг сақловчилари, ишлаб чиқарувчилари ва фойдаланувчилари ўртасида ахборот алмашинувини таъминлаш мақсадида сақланади ва тақдим этилади.
44. Метамаълумотлар Интернет жаҳон ахборот тармоғидаги ФММИ геопорталида жойлаштириладиган XML-схемадан фойдаланиб яратилган XML форматидаги файллар кўринишида электрон шаклда яратилади.
45. Метамаълумотларнинг асосий функциялари қуйидагилардан иборат:
ФММИдан жойлаштирилган фазовий маълумотлар тўпламининг мавзуси ва ҳудудий қамрови ҳақидаги ахборот асосида фазовий маълумотларни излаш;
фазовий маълумотларнинг таркиби, аниқлиги ва бошқа сифат кўрсаткичлари ҳақидаги метамаълумотлардан фойдаланиб, уларнинг мақсади ва яроқлилигини баҳолаш;
ФММИ таркибидаги геоахборот ресурсларнинг алоҳида кўрсатилган манзиллари бўйича фазовий маълумотлардан фойдаланишни таъминлаш;
фазовий маълумотларга ишлов беришга бўлган талаблар ва улардан фойдаланиш шартлари тўғрисидаги ахборотлар асосида маълумотлардан фойдаланишни қўллаб-қувватлаш.
46. Метамаълумотлар идоравий мансублиги ва мулкчилик шаклидан қатъи назар, фазовий маълумотларни ишлаб чиқарувчилар томонидан яратилган барча базавий ва соҳага оид фазовий маълумотларга асосан республика, ҳудудлар ва маҳаллий даражада шакллантирилади.
ФММИ администратори ва фазовий маълумотлар ишлаб чиқарувчилари метамаълумотларни фазовий маълумотлар тўпламлари ва сервислари бўйича ушбу Низом, давлат стандартлари ҳамда фазовий маълумотлар соҳасида техник жиҳатдан тартибга солиш соҳасидаги бошқа норматив ҳужжатларга мувофиқ яратиши ва янгилаб бориши шарт.
47. Фазовий маълумотлар тўпламлари ва сервислари бўйича метамаълумотлар қуйидаги ахборотларни ўз ичига олади:
фазовий маълумотларнинг тури, таркиби ва тузилмаси;
фазовий маълумотлар тўпламлари ва сервисларининг очиқлиги, уларни сотиб олиш ва ишлатиш муддатлари, нархлари ва бошқа шартлари;
фазовий маълумотлар тўпламлари ва сервисларини яратиш, бошқариш ва тақсимлаш учун масъул ахборот ресурслари операторлари тўғрисидаги маълумотлар;
фазовий маълумотлар тўпламлари ва сервисларидан фойдаланишни чеклаш шартлари;
фазовий маълумотлар тўпламлари ва сервисларининг қўшимча тавсифлари (агар бўлса).
7-боб. Фазовий маълумотлар ва метамаълумотларнинг ахборот ва функционал интероперабеллигига қўйиладиган асосий талаблар
48. Фазовий маълумотлар тўпламлари, метамаълумотлар, фазовий маълумотлар сервислари, ФММИ техник ва дастурий воситаларининг ахборот ва функционал интероперабеллигига маълумотлар моделлари, уларни тақдим этиш ва алмашиш форматига ягона стандартлар тизимини қўллаш ҳамда фазовий маълумотлар ва метамаълумотларни олишнинг бирхиллаштирилган геоахборот сервисларидан фойдаланиш орқали эришилади.
49. Турли манбалардан олинадиган фазовий маълумотлар тўпламларининг семантик даражасида интероперабелликни таъминлаш мақсадида уларни яратишда қуйидаги талаблар бажарилиши лозим:
ягона координаталар асосини қўллаш;
фазовий объектларга ноёб идентификаторларни беришнинг ягона тизимини қўллаш;
уларнинг интероперабеллигини таъминлаш учун турли даражаларда қўлланиладиган идентификаторларни интеграция қилиш;
фазовий объектлар ўртасида мантиқий ва топологик ўзаро боғлиқликни сақлаб туриш;
маълумотларнинг вақт интервали тўғрисида ахборот бўлиши;
маълумотларнинг мунтазам янгиланиб турилиши.
50. Фазовий маълумотларнинг алоҳида мавзулари интероперабеллиги ва уйғунлигини таъминлаш учун ишлаб чиқарувчилар маълумотларнинг умумий турларига, фазовий объектларни идентификациялашга, метамаълумотлар элементларига қўйиладиган талабларга ва фазовий маълумотларнинг барча мавзуларига татбиқ этиладиган қоидаларга риоя этишлари лозим.
Фазовий маълумотларнинг битта мавзуси доирасида интероперабеллик ва уйғунликни таъминлаш учун барча ишлаб чиқарувчилар фазовий маълумотларнинг ушбу мавзусига қўлланиладиган фазовий маълумотлар таснифлари ва таърифларидан, уларнинг асосий атрибутлари ва ассоциатив ролларидан, маълумотлар турларидан, йўл қўйиладиган қийматлар соҳасидан ва махсус қоидалардан фойдаланишлари лозим.
51. Интероперабелликка бўлган батафсил талаблар, интероперабелликни таъминлашнинг ташкилий, техник усулларини белгилайдиган давлат стандартлари ҳамда фазовий маълумотлар соҳасини техник жиҳатдан тартибга солувчи норматив ҳужжатларда белгиланади.
8-боб. Фазовий маълумотлардан, метамаълумотлардан ва фазовий маълумотлар сервисларидан маълумотларни фойдаланувчиларга тақдим этиш тартиби
52. ФММИ администратори фазовий маълумотлардан, метамаълумотлардан ва фазовий маълумотлар сервисларидан фойдаланувчиларнинг фойдаланишларини ҳамда фазовий маълумотлар сақловчилари манфаатларини ҳимоя қилишни ташкил этади.
ФММИ администратори базавий фазовий маълумотларни ва метамаълумотларни ушбу Низомга, фазовий маълумотлар соҳасини техник жиҳатдан тартибга солувчи норматив ҳужжатларга мувофиқ фойдаланувчиларга тақдим этади.
53. Базавий фазовий маълумотлар фойдаланувчиларга ФММИнинг геопортал сервисларидан ва «Электрон ҳукумат» тизимининг идоралараро интеграциялашган платформасидан фойдаланган ҳолда Кадастр агентлиги билан келишувга мувофиқ тақдим этилади.
54. Фазовий маълумотларнинг ишлаб чиқарувчилари ва сақловчилари ФММИ администраторига базавий фазовий маълумотларни фазовий маълумотлар сервисларига киришга рухсат бериш ҳамда фазовий маълумотларни келишилган шакл ва сифатда узатиш йўли билан тақдим этадилар.
55. Фазовий маълумотлар ишлаб чиқарувчиси ва сақловчиси:
фазовий маълумотлар ва метамаълумотларни ФММИ администраторига тақдим этилишини таъминлайдилар;
ФММИ администраторига ўз фазовий маълумотлари ва метамаълумотларидан фойдаланиш имкониятини таъминлайдилар;
ўз ваколатларини амалга ошириш учун фазовий маълумотлар ва метамаълумотлардан фойдаланадилар;
расмий веб-сайтларида ўз геопорталлари ва ФММИ геопортали орқали фазовий маълумотлардан фойдаланиш шартлари ҳақидаги ахборотни жойлаштирадилар.
56. ФММИ администратори фазовий маълумотларни ишлаб чиқарувчилар ва сақловчилар билан биргаликда ФММИ геопорталлари тармоғини яратади ҳамда унинг қуйидаги фазовий маълумотлар сервислари билан фаолият кўрсатишини таъминлайди:
фазовий маълумотлар ва фазовий маълумотлар сервисларини ахборот тармоқларида топишни таъминлайдиган излаш сервислари;
57. Геопорталлар тармоғи ФММИ геопорталини ҳамда фазовий маълумотларни ишлаб чиқарувчилар ва сақловчиларнинг геопорталларини ўз ичига олади.
ФММИ геопорталида фазовий маълумотларни сақловчилар томонидан мазкур Низомга мувофиқ тақдим этиладиган базавий ва соҳага оид фазовий маълумотлар ва метамаълумотлар жойлаштирилади.
Фазовий маълумотларни ишлаб чиқарувчилар ва сақловчилар геопорталларига давлат органлари ҳамда фазовий маълумотларга ишлов берувчи бошқа шахслар томонидан тармоққа оид вазифаларни амалга ошириш учун яратилган соҳага оид фазовий маълумотлар ва метамаълумотлар жойлаштирилади.
58. Геопорталлар қуйидаги функцияларнинг амалга оширилишини таъминлаши лозим:
тақдим этилган фазовий маълумотларни таърифлаб берувчи ва уларни қўллаш даражасини баҳоловчи метамаълумотлардан фойдаланиш;
ФММИ асосий вазифалари ва функцияларига мос келадиган иловаларнинг мавжудлиги;
веб-сервислар сифатини мониторинг қилиш, шу жумладан, сервислар сифатини ошириш мақсадида турли статистик ахборотни тўплаш ва уни таҳлил қилиш.
59. Ахборотни геопорталларда самарали излаш фан соҳасидаги луғатлар, маълумотномалар, тезауруслар ва онтологиялар орқали таъминланади.
60. Геопорталларда фазовий маълумотларни излаш учун қуйидаги минимал мезонлар бўйича сервислар киритилади:
харитада жойлашган жойи ва номи;
ташкилотларнинг номлари;
калитли сўзлар;
тузилма тури (давлат бошқарув органлари ва хўжалик бирлашмалари, маҳаллий давлат ҳокимияти органлари, хўжалик субъектлари, таълим муассасалари ва бошқа ташкилотлар);
тақдим этиш шакли;
ҳолати (тугалланган, яратилаётган ва янгиланаётган);
бошланғич масштаби;
маълумотларнинг долзарблиги;
маълумотларни юклаб олиш мумкинлиги.
61. Геопорталлар визуаллаштириш воситалари ёрдамида фазовий маълумотларни дастлабки кўриб чиқиш йўли билан зарур маълумотларни излашни таъминлаши шарт.
Фазовий маълумотларни визуаллаштириш уларни картографик тасвирлар кўринишидаги растр ва (ёки) вектор шаклида, шунингдек, матрицали (тўрли) тақдим этишда турли аниқликдаги аэро ёки космик сурат, ортофотоплан (ортомозаика) кўринишида тақдим этилишини таъминлаши лозим.
Қўшимча визуаллаштириш воситаларида фазовий маълумотлар асосида картографик тасвирларни ҳосилавий жамлаш, уларни уч ўлчамли кўринишда, реал вақт режимида тақдим этиш ва бошқалар назарда тутилиши мумкин.
62. Геопорталлар метамаълумотлардаги тегишли ахборотга қараб фазовий маълумотлардан фойдаланишнинг ҳар хил турларини таъминлаши лозим, хусусан:
эркин фойдаланиш — уларни чекланмаган доирадаги фойдаланувчилар олишга ҳақли, материаллар (маълумотлар) беғараз тақдим этилади ва исталган мақсадларда фойдаланилиши мумкин;
ҳақ эвазига чекланмаган фойдаланиш — уларни чекланмаган доирадаги фойдаланувчилар олишга ҳақли, фойдаланувчилар идентификация қилинади, материаллар (маълумотлар) ҳақ эвазига берилади;
лицензияланадиган фойдаланиш — интеллектуал фаолият натижаларидан фойдаланувчилар фақат лицензия шартномаси асосида фойдаланишлари мумкин.
63. Фазовий маълумотлар ва метамаълумотлар давлат органларига — ўз ваколатларини амалга ошириши учун беғараз, бошқа фойдаланувчиларга эса — Ўзбекистон Республикаси Молия вазирлиги билан келишилган ҳолда Кадастр агентлиги томонидан белгиланган миқдорда ҳақ эвазига тақдим этилади.
64. Давлат органлари, фазовий маълумотларга ишлов берувчи шахслар қонунчиликка мувофиқ фазовий маълумотлар ва метамаълумотлардан фойдаланишни чеклаб қўйишлари мумкин.
65. Методик, лингвистик, техник ва дастурий воситалар республика, ҳудудлар ва маҳаллий даражада ФММИни юритиш жараёнидаги қуйидаги асосий операцияларнинг автоматлаштирилган тарзда бажарилишини таъминлаши лозим:
электрон ҳужжатлар айланмасининг ва маълумотлар алмашинувининг бирхиллаштирилган тизимидан фойдаланган ҳолда ҳужжатлаштирилган маълумотларни бошқа кадастр ва ахборот тизимлари билан айирбошлаш;
ФММИда сақланадиган маълумотларнинг захира нусхасини яратиш ва ҳимоя қилиш;
янги ҳужжатлар ва маълумотларни рўйхатдан ўтказиш ва ҳисобга олиш, шунингдек, белгиланган тартибда ҳақиқий эмас деб тан олинган ҳужжатлар ва маълумотларни архивда сақлаш режимига ўтказиш йўли билан ахборот ресурсларини долзарблаштириш;
фазовий маълумотларни базага киритиш, таҳрир қилиш ва янгилаш, рақамли хариталарни яратиш, чоп этиш ва улардан фойдаланиш;
ахборотни объект манзили ёки унинг идентификация рақамига, ер участкасининг координаталари ёки кадастр рақамига, ҳужжатнинг номи ва реквизитларига қараб излаш;
таҳлилий ҳисоботларни тузиш, чиқиш ҳужжатларини босма ва (ёки) электрон кўринишда шакллантириш, чоп этиш ва тақдим этиш;
ФММИ ахборот ресурсларидан фойдаланган ҳолда босма ва (ёки) электрон кўринишда киритилган ёки шакллантирилган, чоп этилган ёки тақдим этилган ҳужжатларнинг кириш (чиқиш) реестрини юритиш.
66. ФММИ геопорталининг техник ва дастурий воситаларига, функцияларига ва фазовий маълумотлар сервисларига батафсил талаблар давлат стандартлари ҳамда техник жиҳатдан тартибга солиш соҳасидаги бошқа норматив ҳужжатлар билан белгиланади.
67. ФММИ администратори ФММИнинг фаолият кўрсатиши ва ривожлантирилишини ФММИга киритилган фазовий маълумотлар ва метамаълумотларни излаш, тўплаш, умумлаштириш, уларнинг мавжудлиги, долзарблиги, ишончлилиги, очиқлиги ва интероперабеллиги ҳақидаги кўрсаткичларни баҳолаш ва рейтинглаш йўли билан доимий мониторинг юритади.
68. Кадастр агентлиги ФММИ фаолият кўрсатиши ва ривожлантирилишини мониторинг қилиш кўрсаткичлари ва методикасини белгилайди, шунингдек, мониторинг натижаларини ўзининг расмий сайтида эълон қилади.
69. Мониторинг ва бошқа тадбирлар натижалари асосида Кадастр агентлиги ФММИни ривожлантириш бўйича ишларнинг ҳолати ҳақида йиллик ҳисобот тузади, Фазовий маълумотлар миллий инфратузилмасини ривожлантириш бўйича Мувофиқлаштирувчи кенгаш йиғилишига киритади ва ҳисобот давридан кейинги йилнинг 31 январигача бўлган муддатда Вазирлар Маҳкамасига тақдим этади.
ФММИни ривожлантириш бўйича ишларнинг ҳолати ҳақидаги йиллик ҳисоботнинг лойиҳасини Вазирлар Маҳкамасига киритишдан олдин ФММИни ривожлантириш бўйича Мувофиқлаштирувчи кенгаш кўриб чиқади ва ўз таклифларини беради.
70. ФММИни ривожлантириш бўйича ишларнинг ҳолати ҳақидаги йиллик ҳисобот қуйидаги маълумотларни ўз ичига олади:
ФММИни яратиш, фаолият кўрсатиши ва ривожлантирилиши масалалари бўйича давлат дастурлари ва бошқа дастурларнинг амалга оширилиши;
фазовий маълумотлар соҳасида илмий-тадқиқот, тажриба-конструкторлик ва тажриба-технологик ишларнинг бажарилиши;
фазовий маълумотлар соҳасидаги норматив-ҳуқуқий база, стандартлаштириш ва фазовий маълумотлар соҳасидаги техник жиҳатдан тартибга солиш тизимларини ривожлантириш ҳолати;
ФММИ фаолият кўрсатиши ва ривожланиши мониторинги натижалари, долзарб бўлмаган ишончсиз ёки белгиланган тартибни бузган ҳолда тақдим этилган фазовий маълумотлар ва метамаълумотлар;
фазовий маълумотлар ва метамаълумотлар сифатини илмий-техник экспертизадан ўтказиш натижалари;
ижтимоий-иқтисодий, экологик, илмий ва бошқа вазифаларни ҳал қилишда базавий ва соҳага оид фазовий маълумотлардан фойдаланиш хусусияти ва миқдорий кўрсаткичлари;
ФММИ геопорталлари тармоғининг ишлаши;
ФММИ фаолият кўрсатишининг молиявий-иқтисодий кўрсаткичлари.
Йиллик ҳисобот, шунингдек, ФММИ ишида аниқланган камчиликлар ва муаммолар ҳақидаги ахборот, ФММИни янада ривожлантириш бўйича таклифлар, бошқа зарур ахборот ҳам киритилади.
71. Кадастр агентлиги ФММИни ривожлантириш бўйича ишларнинг ҳолати ҳақидаги йиллик ҳисоботни Вазирлар Маҳкамаси томонидан маъқуллангандан кейин ўзининг расмий сайтида эълон қилади.
10-боб. Якунловчи қоидалар
72. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
фазовий маълумотлар ва метамаълумотларга ишлов бериш ва улардан фойдаланганда стандартлар, нормалар ва қоидаларнинг бузилишида;
базавий фазовий маълумотлар ва метамаълумотларни ФММИ администраторига тақдим этиш шартларини бузишда;
ФММИга киритилган фазовий маълумотлар ва метамаълумотларнинг ўғирланиши, йўқотилиши, бузиб кўрсатилиши, фойдаланиш чеклаб қўйилиши ва қалбакилаштиришида;
муаллифлик ҳуқуқи ва интеллектуал мулк тўғрисидаги қонун ҳужжатларини бузганликда айбдор шахслар жавобгар бўладилар.
Юридик ва жисмоний шахсларга фазовий маълумотлар ва метамаълумотлар ахборот ресурсларини шакллантиришда ва улардан фойдаланишда қонун ҳужжатларини бузганлиги учун қонунчиликка мувофиқ бошқа чоралар ҳам белгиланиши мумкин.
73. ФММИни яратиш, унинг фаолият кўрсатиши ва уни ривожлантириш соҳасидаги низолар қонунчилик ҳужжатларида белгиланган тартибда ҳал этилади.
74. Фазовий маълумотлар соҳасидаги фаолият натижасида юридик ёки жисмоний шахсга етказилган моддий ва (ёки) маънавий зарар қонунчилик ҳужжатларида белгиланган тартибда қопланиши лозим.
Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги низомга 1-ИЛОВА
Ўзбекистон Республикаси Фазовий маълумотлар миллий инфратузилмасини юритиш
схемаси
Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги низомга 2-ИЛОВА
Техноген хавф юқори бўлган зоналар давлат кадастри бўйича тематик қатламларнинг атрибутив МАЪЛУМОТЛАРИ
«Техноген хавф юқори бўлган зоналарга эга хавфли ишлаб чиқариш объектлари» тематик қатлами атрибутив маълумотлари ЖАДВАЛИ
1-жадвал
T/r
TXYZ obyektining nomi
TXYZ obyektining idoraviy mansubligi
TXYZ obyektining manzili
TXYZ obyektining koordinatasi (X)
TXYZ obyektining koordinatasi (Y)
TXYZ obyektining yer uchastkasi kadastr raqami
TXYZ obyektining kadastr roʼyhatidan oʼtkazilgan sana va raqami
TXYZ obyektining yer uchastkasi umumiy maydoni (gektar)
1
2
3
4
5
6
7
8
9
1-жадвалнинг давоми
TXYZ obyektining vazifalari
TXYZ obyektida ishlab chiqarish, qayta ishlash, saqlash va ulardan foydalanish moddasining nomlari
TXYZ obyektining hozirgi kundagi holati
TXYZ obyektining ekspluatasiyaga tushirilgan sanasi
Sanitariya himoyasi masofasi
TXYZ obyektida xodimlarning umumiy soni
TXYZ obyektida xodimlarning ishlash vaqti (bir sutka davomida(soat))
TXYZ obyektidan aholi yashash punktigacha boʼlgan masofa (kmda)
10
11
12
13
14
15
16
17
1-жадвалнинг давоми
TXYZ obyektiga eng yaqin boʻlgan obyektlar (metr)
TXYZ obyektidan tuman yongʻin xavfsizligi boʻlimigacha boʼlgan masofa (kmda)
TXYZ obyektida yongʻin oʻchirish texnikasining turi va sonlari
Texnogen xavf sodir boʻlganda zararlanish maydoni (metr kv)
Texnogen xavf rivojlanishida ustunlik qiluvchi turi
TXYZ obyektining umumiy bahosi (soʻm)
Inson salomatligi uchun salbiy taʼsir koʻrsatuvchi omillar
18
19
20
21
22
23
24
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Одамларни эвакуация қилишни ёки кўчиришни талаб қиладиган техноген хавфи юқори бўлган зоналар» тематик қатлами атрибутив маълумотлари ЖАДВАЛИ
2-жадвал
T/r
Obyektning nomi (toʼliq)
Obyektning manzili (toʼliq)
Obyektning umumiy maydoni (ga)
Obyektning kadastr raqami va roʼyxatdan oʼtkazilgan sana
Obyektda umumiy xodimlarning soni
Obyektda xodimlarning soni (bir sutka davomida)
Obyektdan aholi yashash punktigacha boʻlgan masofa (km)
Obyektning sanitar zonasi
Xavfi yuqori boʻlgan obyektining vazifasi
Inson salomatligi uchun salbiy taʼsir koʻrsatuvchi omillar
1
2
3
4
5
6
7
8
9
10
11
2-жадвалнинг давоми
Zararlanishi mumkin boʼlgan maydon oʼlchami
Zararlanishi mumkin boʼlgan odamlar soni
Yengil avtomo-billar
Yuk avtomashinalari
Avtobuslar
Buldozerlar
Boshqalar
Gaz niqobi; Нimoya kaskasi
Xabar berish holati
Evakuasiya manzili
Evakuasiyaga jalb qilinadigan odamlar soni (hududiy FVB hamda mexanizasiyalashgan otryadlar)
12
13
14
15
16
17
18
19
20
21
22
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Портлаш ва ёнғин чиқиши хавфи юқори бўлган зоналар (объектлар)» тематик қатлами атрибутив маълумотлари ЖАДВАЛИ
3-жадвал
T/r
Obyektning nomi (toʼliq)
Obyektning manzili (toʼliq)
Obyektning maydoni
Obyektning kadastr raqami
Obyektda umumiy xodimlarning soni
Obyektda xodimlarning soni (bir sutka davomida)
Obyektdan axoli yashash punktigacha boʼlgan masofa (km)
Obyektning sanitar zonasi
Obyektning vazifasi
1
2
3
4
5
6
7
8
9
10
3-жадвалнинг давоми
Portlash yongʻin xavfi boʻyicha toifasi
(A, B, V, G, D,)
Yongʻinga bardoshlik darajasi boʻyicha sinfi
(I, II, III, IV)
Obyektda yonuvchi mahsulot nomi
Qavatlar soni
Eng yaqin suv manbaalarigacha boʻlgan masofa (kmda)
Obyektdan tuman YoXB gacha boʻlgan masofa (kmda)
Yongʻin xaqida avtomatik ravishda xabar berish qurilmasi, (himoyalash maydoni m2 da)
Ovozli xabarlash tizimi
Avariyaviy yoki qutqaruv yoritish tizimi
Birlamchi yongʻin oʻchirish vositalarining mavjudligi
11
12
13
14
15
16
17
18
19
20
3-жадвалнинг давоми
Yongʻin oʻchirish avtomobillar soni
Maxsus avtomobillar soni
Isitish tizimining turi
Yongʻin oʻchirish moddasining turi
Tutun tortish tizimi
Нavo berish tizimi
Нimoya maydoni (ga da)
Yongʻin oʻchirish jumraklarining soni
Sarfi l/s
Nasoslar soni
Nasoslarning quvvati l/s
21
22
23
24
25
26
27
28
29
30
31
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Кучли таъсир қилувчи заҳарли химикатлар, пестицидлар ва бошқа моддаларни ишлаб чиқариш, қайта ишлаш, сақлаш ва улардан фойдаланиш объектлари» тематик қатлами атрибутив маълумотлари ЖАДВАЛИ
4-жадвал
T/r
Obyektning nomi
Obyektning manzili
Obyektning vazifalari
Obyektda ishchi xodimlarning soni
Obyektda ishchi xodimlarning ishlash vaqti (bir sutka davomida)
Obyektdan aholi yashash punktigacha boʻlgan masofa (kmda)
Korxona rahbari (F.I.Sh.)
Xavfsizlik boʻyicha masʼul shaxs (F.I.Sh.)
Ishlab chiqarish, qayta ishlash, saqlash va ulardan foydalanish moddalarining nomlari
1
2
3
4
5
6
7
8
9
10
4-жадвалнинг давоми
Ishlab chiqarish, qayta ishlash, saqlash va ulardan foydalanish moddalarining bir yillik quvvati
Xavflilik darajasi
Mahsulot saqlanadigan joyi
Sanitariya himoyasi masofasi
Sanitariya pasporti berilgan sana va uning amal qilish muddati
Obyektning hozirgi kundagi holati
Konservatsiya yoki rekonstruksiya ishlari toʻgʻrisida maʼlumotlar
Inson salomatligi uchun salbiy taʼsir koʻrsatuvchi omillar
11
12
13
14
15
16
17
18
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Кучли таъсир қилувчи ионлаштирувчи нурланиш манбаи, радиоизотоп буюмлар, радиоактив ва бошқа моддаларни ишлаб чиқариш, қайта ишлаш, сақлаш ва улардан фойдаланиш объектлари» тематик қатлами атрибутив маълумотлари ЖАДВАЛИ
5-жадвал
T/r
Obyektning nomi
Obyektning manzili
Obyektning faoliyat yoʼnalishlari
Obyektda ishchi xodimlarning soni
Obyektda ishchi xodimlarning ishlash vaqti (bir sutka davomida)
Ionlashtiruvchi nurlanish manbai (INM)ning nomi
INM ishlab chiqargan davlat
INM seriyasi va raqami
INM roʻyxatga olingan raqami
1
2
3
4
5
6
7
8
9
10
5-жадвалнинг давоми
INMdan foydalanish boshlangan vaqt
INM vazifasi
INM xavflilik darajasi
Sanitariya himoya masofasi
INM bilan personalning ishlash vaqti (bir sutka davomida)
INM hozirgi kundagi holati
INM ekspluatatsiya qilish muddati
Radiatsion xavflilik boʻyicha maʼsul shaxsning (F.I.Sh.)
Sanitariya pasporti berilgan sana va uning amal qilish muddati
Inson salomatligi uchun salbiy taʼsir koʻrsatuvchi omillar
11
12
13
14
15
16
17
18
19
20
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Радиациявий хавф юзага келиши мумкин бўлган зоналар» тематик қатлами атрибутив маълумотлари ЖАДВАЛИ
6-жадвал
T/r
Obyektning nomi
Obyektning oʼrnashgan joyi
Obyektning foydalanishga qabul qilingan sanasi
Obyektning vazifasi
Obyektning hozirgi kundagi holati
Obyektda ishlash vaqti
Radiatsiyaviy xavf bahosi Iqtisodiy
1
2
3
4
5
6
7
8
6-жадвалнинг давоми
Radiatsiyaviy xavf bahosi Ekologik
Radiatsiyaviy xavf bahosi Ijtimoiy
Radiatsiyaviy xavfdan zararlanishi mumkin boʻlgan maydon
Xavfli jarayonning rivojlanishi
Sanitariya himoya masofasi
9
10
11
12
13
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Техноген хавфи таъсир этувчи санитария муҳофаза зоналари» тематик қатлами атрибутив маълумотлари ЖАДВАЛИ
7-жадвал
T/r
Obyektning nomi
Obyektning oʻrnashgan joyi
Obyekt qurilishiga asos
Sanitariya himoya masofasi
Нududda ruxsat etilgan faoliyat turi
Нududda ruxsat etilmagan faoliyat turi
1
2
3
4
5
6
7
Изоҳ. Географик ахборот тизимида ушбу тематик қатлам майдонли шартли белги билан кўрсатилади.
Тоғ-кон тармоғида, геология, нефть ва газ тармоғида геология-қидирув ишлари, фойдали қазилмаларни қазиб олиш, кончилик, қаттиқ фойдали қазилмаларни қайта ишлаш ҳамда портлатиш ишларида хавфи юқори бўлган зоналар» тематик қатламининг атрибутив маълумотлари ЖАДВАЛИ
8-жадвал
Т/р
Объектнинг идентификация рақами
Ер участкасининг кадастр рақами
Объект номи
Объектнинг идоравий мансублиги
Объектнинг жойлашган жойи
(минтақа)
Минтақа (маъмурий-ҳудудий бирликлар белгилаш тизими коди)
Инсон саломатлигига салбий таъсир кўрсатувчи омиллар
Объектда ёнғин ўчириш техникаси
(модели)
Техноген хавф содир бўлганда зарарланиш майдони
(м кв)
Техноген хавф ривожланишида устунлик қилувчи тур
Техноген хавфи юқори зонадаги объектнинг умумий баҳоси
15
16
17
18
19
20
21
8-жадвалнинг давоми
Объектдан туман ёнғин хавфсизлиги бўлимигача бўлган масофа
(км)
22
Изоҳ. Географик ахборот тизимида ушбу тематик қатлам майдонли шартли белги билан кўрсатилади.
(2-илова Ўзбекистон Республикаси Вазирлар Маҳкамасининг 2025 йил 25 декабрдаги 828-сон қарорига асосан бўлим билан тўлдирилган — Қонунчилик маълумотлари миллий базаси, 29.12.2025 й., 09/25/828/1229-сон)
Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги низомга 3-ИЛОВА
Давлат сув кадастри бўйича тематик қатламларнинг атрибутив МАЪЛУМОТЛАРИ
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Ҳавода биринчи куз аёзининг келиши санаси» тематик қатлами атрибутив маълумотлари ЖАДВАЛИ
14-жадвал
T/r
Stansiyaning nomi
Eng avvalgi sana
Eng avvalgi yil
Oʻrtacha sana
Eng keyingi sana
Eng keyingi yil
1
2
3
4
5
6
7
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Тупроқ сиртида биринчи куз аёзининг бўлиши санаси» тематик қатлами атрибутив маълумотлари ЖАДВАЛИ
15-жадвал
T/r
Stansiyaning nomi
Eng avvalgi sana, yil
Oʻrtacha sana
Eng keyingi sana, yil
Hisobot yili mobaynida tuproq sirtida birinchi kuz ayozining kelishi sanasi
1
2
3
4
5
6
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«12 соат ва ундан кам вақт мобайнида 30 мм ва ундан ортиқ ёмғир кўринишидаги кучли ёғинлар бўлган суткалар сони» тематик қатлами атрибутив маълумотлари ЖАДВАЛИ
16-жадвал
T/r
Stansiyaning nomi
Sutkalar soni davr mobaynida oʻrtacha
Davr mobaynida maksimal
Yil
1
2
3
4
5
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«12 соат ва ундан кам вақт мобайнида 20 мм ва ундан ортиқ қор кўринишидаги кучли ёғинлар бўлган суткалар сони» тематик қатлами атрибутив маълумотлари ЖАДВАЛИ
17-жадвал
T/r
Stansiyaning nomi
Sutkalar soni davr mobaynida oʻrtacha
Sutkalar soni davr mobaynida maksimal
Yil
1
2
3
4
5
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Ярим сутка мобайнида ёмғир кўринишидаги кучли ёғинлар бўлган суткалар сони» тематик қатлами атрибутив маълумотлари ЖАДВАЛИ
18-жадвал
T/r
Stansiyaning nomi
Davr mobaynida maksimal mm
Davr mobaynida maksimal sana
____ y.da maksimal mm
____ y.da maksimal sana
1
2
3
4
5
6
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Ярим сутка мобайнида қор кўринишидаги кучли ёғинлар бўлган суткалар сони» тематик қатлами атрибутив маълумотлари ЖАДВАЛИ
19-жадвал
T/r
Stansiyaning nomi
Davr mobaynida maksimal mm
Davr mobaynida maksimal sana
____ y.da maksimal mm
____ y.da maksimal sana
1
2
3
4
5
6
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«15 м/сек ва ундан ортиқ тезликдаги кучли шамол бўлган суткалар сони» тематик қатлами атрибутив маълумотлари ЖАДВАЛИ
20-жадвал
T/r
Stansiyaning nomi
Sutkalar soni Oʻrtacha
Maksimal
Yil
____ y.
1
2
3
4
5
6
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Турли меъёрлардан юқори шамол тезлигидаги кучли шамоллар бўлган суткалар сони» тематик қатлами атрибутив маълумотлари ЖАДВАЛИ
21-жадвал
T/r
Stansiyaning nomi
Shamol tezligi ≥15 m.s
Shamol tezligi ≥20 m.s
Shamol tezligi ≥30 m.s
1
2
3
4
5
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
«Атмосфера қурғоқчилиги бўлган кунларнинг умумий сони» тематик қатлами атрибутив маълумотлари ЖАДВАЛИ
22-жадвал
T/r
Stansiyaning nomi
Kunlar soni Oʻrtacha
Eng katta, soni
Eng kata, yil
1
2
3
4
5
Изоҳ. Географик ахборот тизимида ушбу тематик қатлам нуқтали шартли белги билан кўрсатилади.
Raqamli topografik plan ishlarini ijro etuvchi tashkilot
Raqamli topografik plan yaratilgan yil
Planning formati (*.dxf, *.shp, *.gdb, *.mif, *sxf va h.k.)
Saqlanadigan joy
9
10
11
12
13
Изоҳ. Географик ахборот тизимида ушбу тематик қатлам майдонли шартли белги билан кўрсатилади.
Ўзбекистон Республикаси Фазовий маълумотлар миллий инфратузилмасини юритиш тартиби тўғрисидаги низомга 22-ИЛОВА
Давлат кадастрлари ягона тизимига давлат кадастрлари фазовий маълумотлари ва уларнинг метамаълумотларини тақдим этиш, кўриб чиқиш ва маълумотлардаги камчиликларни маълум қилиб бориш СХЕМАСИ
Босқичлар
Субъектлар
Тадбирлар
Ижро муддати
1-босқич
Давлат кадастрларини юритишга масъул вазирликлар ва идоралар
Кадастр маълумотлари алоқа тармоғи орқали реал вақт режимида ва белгиланган тартибда тақдим этиб борилади. Ўзгаришлар бўйича маълумотлар доимий янгиланиб борилади.
Очиқ маълумотлар реал вақт режимида, давлат сири ҳисобланган маълумотлар ҳар ойнинг 15 кунига қадар ҳар ойда 1 маротаба
2-босқич
ФММИ администратори
Тақдим этилган кадастр маълумотларида объектларнинг географик жойлашувининг аниқлиги, атрибутив маълумотларнинг тўлиқлиги ва ишончлилиги таҳлил қилиб чиқилади ҳамда камчиликлар муаллифга маълум қилинади.
5 иш куни мобайнида
3-босқич
Давлат кадастрларини юритишга масъул вазирликлар ва идоралар
Мувофиқлаштирувчи томонидан кўрсатилган камчиликлар бартараф этилиб маълумотлар қайта тақдим этилади.
10 иш куни мобайнида
Вазирлар Маҳкамасининг 2022 йил 26 октябрдаги 620-сон қарорига 2-ИЛОВА
Фазовий маълумотлар миллий инфратузилмасини ривожлантириш бўйича мувофиқлаштирувчи кенгаш тўғрисида
НИЗОМ
1-боб. Умумий қоидалар
1. Мазкур Низом «Фазовий маълумотлар тўғрисида»ги Ўзбекистон Республикасининг Қонунига мувофиқ ташкил этилган Фазовий маълумотлар миллий инфратузилмасини ривожлантириш бўйича Мувофиқлаштирувчи кенгашининг (кейинги ўринларда — Мувофиқлаштирувчи кенгаш) мақоми, асосий вазифалари, функциялари, ҳуқуқлари, жавобгарлигини, фаолиятини ташкил этиш тартибини белгилайди.
2. Мувофиқлаштирувчи кенгаш фазовий маълумотлар соҳасидаги махсус ваколатли давлат органи — Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) қошида ташкил этилган, юридик шахс мақомига эга бўлмаган фазовий маълумотлар соҳасидаги давлат сиёсатини амалга оширишда маслаҳат-кенгашув вазифасини амалга оширадиган коллегиал орган ҳисобланади.
3. Мувофиқлаштирувчи кенгаш ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ва бошқа қонунчилик ҳужжатларига амал қилади.
4. Мувофиқлаштирувчи кенгаш фаолияти ишлар режасига мувофиқ амалга оширилади.
2-боб. Мувофиқлаштирувчи кенгашнинг асосий вазифалари ва функциялари
5. Мувофиқлаштирувчи кенгашнинг асосий вазифалари қуйидагилардан иборат:
ФММИ ривожлантиришнинг замонавий халқаро тенденцияларига ва мамлакатни ижтимоий-иқтисодий ривожлантириш стратегиясига мос келадиган устувор йўналишларни белгилашда кўмаклашиш;
ФММИни ривожлантириш дастурларини амалга оширишда ягона давлат сиёсати олиб борилишини таъминлаш ҳамда давлат органлари, илмий-тадқиқот ва олий таълим ташкилотлари иштирокини мувофиқлаштиришда кўмаклашиш;
фазовий маълумотлар ва метамаълумотлар эгалари ўртасида ахборот ҳамкорлигини ривожлантиришга, фойдаланувчиларнинг улардан фойдаланишга имконият берувчи шароитларни яратишга кўмаклашиш;
халқаро ҳамкорликни ривожлантиришга, ФММИни ривожлантириш учун хорижий инвестициялар, ҳомийлар маблағлари ва грантларни жалб қилишга кўмаклашиш.
6. Мувофиқлаштирувчи кенгаш ўзига юклатилган вазифаларга мувофиқ қуйидаги функцияларни амалга оширади:
ФММИни ривожлантиришнинг устувор йўналишлари, фазовий маълумотлар соҳасидаги норматив-ҳуқуқий ва методик базани такомиллаштириш бўйича таклифлар ишлаб чиқади ва уларни Кадастр агентлигига киритади;
Кадастр агентлиги томонидан тайёрланган ФММИни ривожлантириш бўйича ишлар ҳолати тўғрисидаги йиллик ҳисобот лойиҳасини кўриб чиқади ва ўз таклифларини беради (келиб тушгандан сўнг бир ой ичида);
давлат кадастрларини юритиш учун масъул бўлган давлат бошқаруви органлари, маҳаллий давлат ҳокимияти органлари ҳамда бошқа давлат органлари раҳбарларининг, илмий-тадқиқот ва олий таълим ташкилотлари вакилларининг фазовий маълумотлар соҳасидаги давлат дастурлари ва бошқа дастурларнинг амалга оширилиши тўғрисидаги ҳисоботларини кўриб чиқади ва ўз таклифларини беради (келиб тушгандан сўнг бир ой ичида);
фазовий маълумотлар соҳасидаги давлат дастурлари ва бошқа дастурлар, норматив-ҳуқуқий ҳужжатлар ва техник жиҳатдан тартибга солиш соҳасида норматив ҳужжатлар, стандартлаш бўйича норматив ҳужжатлар лойиҳаларини кўриб чиқади (келиб тушгандан сўнг бир ой ичида);
фазовий маълумотларни ишлаб чиқарувчилар ва эгаларига фазовий маълумотлар ва метамаълумотлар тўпламларининг мазмунини белгилашда кўмаклашади;
фазовий маълумотлар соҳасида мутахассисларни тайёрлаш ва малакасини ошириш, ФММИни ривожлантириш учун инвестициялар ва грантлар, шунингдек, ҳомийлар маблағларини жалб қилиш бўйича маслаҳатлар беради;
фазовий маълумотларни ишлаб чиқарувчилар ва эгалари ўртасидаги ҳамкорлик тўғрисидаги келишувларни ишлаб чиқишда маслаҳатлар беради ва ўз таклифларини тақдим этади;
давлат органлари, илмий-тадқиқот ва олий таълим ташкилотлари ва фуқаролик жамияти институтлари, шунингдек, фазовий маълумотларни ишлаб чиқарувчилар ва эгаларининг Мувофиқлаштирувчи кенгаш ваколатларига оид масалалар бўйича таклифларини кўриб чиқади.
3-боб. Мувофиқлаштирувчи кенгашнинг ҳуқуқлари ва жавобгарлиги
ўз ваколатига кирадиган масалаларни ҳал этиш учун давлат ва хўжалик бошқаруви органларидан, маҳаллий давлат ҳокимияти органларидан зарур ахборотни белгиланган тартибда сўраш ва олиш;
LexUZ шарҳи
Қаранг: Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонуни.
фазовий маълумотлар соҳасидаги давлат дастурлари ва бошқа дастурлар, норматив-ҳуқуқий ҳужжатлар ва техник тартибга солиш бўйича норматив ҳужжатлар, стандартлаш бўйича норматив ҳужжатлар лойиҳалари бўйича ўз таклифларини бериш;
Мувофиқлаштирувчи кенгаш қонунчилик ҳужжатларига мувофиқ бошқа ҳуқуқларга ҳам эга бўлиши мумкин.
8. Мувофиқлаштирувчи кенгаш:
ўзига юкланган вазифалар ва функцияларнинг ўз вақтида, самарали бажарилиши, шунингдек, ФММИни ривожлантириш;
Мувофиқлаштирувчи кенгаш томонидан қабул қилинаётган қарорларнинг сифати, пировард натижалари ва амалга оширилиши оқибатлари;
ўз фаолияти соҳасини ривожлантириш бўйича дастурлар, тадбирлар режалари, «йўл хариталари» ва бошқа дастурий ҳужжатларнинг самарали амалга оширилиши бўйича жавобгар ҳисобланади.
4-боб. Мувофиқлаштирувчи кенгашнинг таркиби
9. Мувофиқлаштирувчи кенгаш таркиби давлат органлари, илмий-тадқиқот ва олий таълим ташкилотлари ҳамда фуқаролик жамияти институтлари вакилларидан иборат бўлади.
11. Мувофиқлаштирувчи кенгаш фаолиятига умумий раҳбарликни раис, у бўлмаганда — раис ўринбосари амалга оширади.
12. Кадастр агентлигининг директори Мувофиқлаштирувчи кенгаш раиси ҳисобланади.
13. Мувофиқлаштирувчи кенгаш раисининг ўринбосари Кадастр агентлиги директорининг ФММИни яратиш ва ривожлантириш учун масъул ўринбосари ҳисобланади.
14. Мувофиқлаштирувчи кенгаш аъзолари Мувофиқлаштирувчи кенгаш йиғилишининг кун тартибига киритилган масалаларни муҳокама қилишда ва улар бўйича қарорлар қабул қилишда тенг ҳуқуқларга эгадирлар.
15. Мувофиқлаштирувчи кенгаш қошида котибият фаолият юритади.
16. Мувофиқлаштирувчи кенгаш раиси:
Мувофиқлаштирувчи кенгаш ишига мазкур Низомда белгиланган Мувофиқлаштирувчи кенгашнинг вазифалари ва функцияларига мувофиқ раҳбарлик қилади;
Мувофиқлаштирувчи кенгаш аъзолари ўртасида мажбуриятларни тақсимлайди;
Мувофиқлаштирувчи кенгаш иши режасини (бир йилда бир марта), Мувофиқлаштирувчи кенгаш йиғилишининг кун тартиби ва баённомасини тасдиқлайди (бир йилда камида тўрт марта);
Мувофиқлаштирувчи кенгаш йиғилишларини ўтказади;
Мувофиқлаштирувчи кенгашнинг навбатдан ташқари йиғилишларини ўтказиш ҳақида қарор қабул қилади;
Мувофиқлаштирувчи кенгашда қўрилаётган масалаларга қараб унинг йиғилишларига Мувофиқлаштирувчи кенгаш аъзолари бўлмаган идоралар ва ташкилотлар вакилларини таклиф қилади;
Мувофиқлаштирувчи кенгаш фаолиятининг жорий ва истиқболли йўналишларини белгилайди;
18. Мувофиқлаштирувчи кенгаш котибиятининг функцияларини Кадастр агентлигининг Миллий геоахборот тизимини мувофиқлаштириш ва Давлат кадастрлари бошқармаси амалга оширади.
Мувофиқлаштирувчи кенгаш котибияти:
Мувофиқлаштирувчи кенгаш фаолиятининг ташкилий-техник ва ахборот таъминотини амалга оширади;
Мувофиқлаштирувчи кенгаш йиғилиши учун кун тартиби лойиҳасини тайёрлайди ҳамда Мувофиқлаштирувчи кенгаш раиси билан келишган ҳолда йиғилишга таклиф қилинганлар рўйхатини тузади;
Мувофиқлаштирувчи кенгаш йиғилишида кўриб чиқиладиган масалалар бўйича материаллар тайёрланишини таъминлайди;
йиғилиш ўтказиладиган кундан олдин беш иш кунидан кечиктирмасдан Мувофиқлаштирувчи кенгаш аъзоларини ва таклиф қилинганларни Мувофиқлаштирувчи кенгаш йиғилишининг кун тартиби, йиғилишда кўриб чиқиладиган масалалар бўйича материаллар, ўтказиладиган санаси, вақти ва жойи ҳақида хабардор қилади;
20. Мувофиқлаштирувчи кенгаш иши йиғилишлар шаклида ташкил этилади.
21. Мувофиқлаштирувчи кенгаш йиғилишлари заруратга қараб, лекин бир йилда камида тўрт марта ўтказилади.
22. Мувофиқлаштирувчи кенгашнинг навбатдан ташқари йиғилишлари Мувофиқлаштирувчи кенгаш раисининг қарорига кўра, шунингдек, Мувофиқлаштирувчи кенгаш аъзоларининг камида учдан бир қисмининг талабига кўра чақирилиши мумкин.
23. Мувофиқлаштирувчи кенгашнинг йиғилишларини раис, у йўқ бўлганда эса — Мувофиқлаштирувчи кенгаш раисининг ўринбосари олиб боради.
24. Мувофиқлаштирувчи кенгаш йиғилишининг кворуми учун унинг аъзоларининг учдан икки қисми йиғилган бўлиши шарт.
25. Мувофиқлаштирувчи кенгаш қарорлари консенсус (муҳим масалаларни ҳал қилиш учун) йўли билан ҳам, оддий кўпчилик овоз (тартибот, методика масалалари ва бошқа жорий масалалар бўйича) билан ҳам қабул қилинади. Консенсус Мувофиқлаштирувчи кенгашнинг бирорта ҳам аъзосининг расмий эътирози йўқлиги сифатида белгиланади.
26. Мувофиқлаштирувчи кенгаш аъзолари унинг йиғилишларига шахсан ҳозир бўладилар. Мувофиқлаштирувчи кенгаш аъзоси йиғилишда қатнаша олмаган тақдирда, у олдиндан бу ҳақда Мувофиқлаштирувчи кенгаш котибиятини хабардор қилади ва зарурат бўлганда кўрилаётган масалалар бўйича ўз фикрини ёзма шаклда баён қилади, у Мувофиқлаштирувчи кенгаш йиғилишида ўқиб берилади ва баённомага бириктириб қўйилади.
шахсан қатнашиб, яъни Мувофиқлаштирувчи кенгаш аъзоларининг биргаликдаги қатнашуви шаклида;
интернет — конференциялар ёки селектор мажлислар шаклда, яъни Мувофиқлаштирувчи кенгаш аъзоларининг биргаликдаги қатнашувисиз.
28. Мувофиқлаштирувчи кенгаш йиғилишининг кун тартиби Мувофиқлаштирувчи кенгаш аъзоларининг таклифлари асосида шакллантирилади.
Таклифлар дастлабки лойиҳалар, ҳужжатлар ёки ушбу ҳужжатлар концепциялари кўринишида уларнинг Мувофиқлаштирувчи кенгашда кўриб чиқилиши зарурлигини асослаб берадиган материаллар билан бирга киритилади.
29. Аниқ масалани йиғилиш кун тартибига киритиш ҳақидаги якуний қарорни Мувофиқлаштирувчи кенгаш раиси қабул қилади.
30. Мувофиқлаштирувчи кенгашнинг кун тартибига мувофиқ кўриб чиқиш учун қабул қилинган ҳужжатлар унинг аъзоларига йиғилиш ўтказиладиган кундан камида 15 кундан кечиктирмасдан тарқатилади, бундан навбатдан ташқари йиғилишлар мустасно.
31. Мувофиқлаштирувчи кенгаш қарорлари унинг аъзоларига улар қабул қилинган кундан кейин 10 кундан кечиктирмасдан тарқатилади. Йиғилиш давомида Мувофиқлаштирувчи кенгашнинг ҳар бир аъзоси кун тартибига қўшимча масалани киритишни таклиф қилиши мумкин, уни кўриб чиқиш ҳақидаги қарор шу йиғилишнинг ўзида Мувофиқлаштирувчи кенгаш аъзоларининг оддий кўпчилик овози билан қабул қилинади.
32. Мувофиқлаштирувчи кенгаш йиғилишлари, қоида тариқасида, Кадастр агентлигида ўтказилади. Зарур ҳолларда Мувофиқлаштирувчи кенгаш йиғилишлари ваколатли вазирликларда, давлат қўмиталарида ва идораларда ўтказилиши мумкин.
6-боб. Якунловчи қоидалар
33. Мувофиқлаштирувчи кенгашнинг давлат органларидан вакил қилинган аъзолари бошқа ишга ўтганда унинг таркибига уларнинг лавозимга янги тайинланган шахслари киритилади.
34. Мувофиқлаштирувчи кенгаш йиғилиши якунлари бўйича баённома тузилади. Йиғилиш баённомаси йиғилишда қатнашган аъзолар томонидан имзоланади.
35. Мувофиқлаштирувчи кенгаш йиғилишида кейинги йиғилишни ўтказиш санаси ва жойи белгиланади.
Вазирлар Маҳкамасининг 2022 йил 26 октябрдаги 620-сон қарорига 3-ИЛОВА
Фазовий маълумотлар миллий инфратузилмасини ривожлантириш бўйича мувофиқлаштирувчи кенгаш
«Ўзбекистон темир йўллари» АЖ бошқаруви раиси ўринбосари
Б. Маматкаримов
—
«Ўзтрансгаз» АЖ бошқаруви раиси ўринбосари
Х. Сабуров
—
Мирзо Улуғбек номидаги Ўзбекистон Миллий университети проректори
Т. Султанов
—
«Тошкент ирригация ва қишлоқ хўжалигини механизациялаш муҳандислари институти» миллий тадқиқот университети проректори
Ф. Хикматов
—
Ўзбекистон География жамияти раисининг биринчи ўринбосари
М. Валиев
—
Давлат кадастрлари палатаси раиси
Н. Латипов
—
Кадастр агентлиги Миллий геоахборот тизимини мувофиқлаштириш ва Давлат кадастрлари бошқармаси бошлиғи — Мувофиқлаштирувчи кенгаш котиби
Изоҳ. Мувофиқлаштирувчи кенгаш аъзолари бошқа ишга ўтганда унинг таркибига ушбу лавозимларга янги тайинланган ёки зиммасига тегишли функцияларни бажариш юклатилган шахслар киритилади.
(3-илова Ўзбекистон Республикаси Вазирлар Маҳкамасининг 2025 йил 6 октябрдаги 627-сонли қарори таҳририда — Қонунчилик маълумотлари миллий базаси, 07.10.2025 й., 09/25/627/0901-сон)
Вазирлар Маҳкамасининг 2022 йил 26 октябрдаги 620-сон қарорига 4-ИЛОВА
Вазирлар Маҳкамасининг 2018 йил 14 декабрдаги 1010-сон қарори билан тасдиқланган Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга киритилаётган ўзгартириш ва қўшимчалар
«1. Ушбу Низом Кўчмас мулк объектларига манзиллар белгилаш, ўзгартириш ва бекор қилиш ҳамда манзиллар ягона реестрини (кейинги ўринларда — Реестр) шакллантириш ва юритиш тартибини белгилайди».
2. 2-банд қуйидаги мазмундаги тўққизинчи — йигирма биринчи хатбошилар билан тўлдирилсин:
«фазовий объектлар — жойлашган жойи белгиланган фазовий-вақт координаталари тизимида аниқланиши мумкин бўлган табиий, сунъий ва бошқа объектлар (шу жумладан, бинолар, иншоотлар);
ҳалқа автомобиль йўли — бир нуқтадан бошланиб шаҳар ва аҳоли пунктлари атрофларини ўраб турувчи бошланган нуқта билан туташувчи айлана шаклидаги йўл;
берк кўчалар — бошқа йўлларга ўзаро ўтиб бўлмайдиган, кўча охири объект билан тўсилган кўчалар;
географик объектлар номларининг давлат реестри — маълум бир ҳудуд учун уларга мос бўлган ҳолда компьютер ёрдамида ўқиладиган топонимларни (географик номларни) ўз ичига олган рақамли маълумотлар базаси;
кўчалар — аҳоли пунктларда икки қатор уйлар орасидаги автотранспорт воситалари ва одамлар ўтишга мўлжалланган жой;
кўчмас мулк объектлари манзиллари ягона реестри — манзиллар, уларнинг геокодлари, ўзгариш тарихи ва ҳозирги ҳолати тўғрисидаги маълумотларнинг ягона ахборот тизими;
магистрал йўллар — кенг ва тўғридан-тўғри шаҳар кўчаси, одатда жадал ҳаракатлар бўладиган кўчалар, шаҳардан ташқарига олиб чиқувчи кўчалар;
тор кўчалар — иккита катта кўчани ўзаро боғловчи кичик кўча;
хиёбонлар — майдон ва кўчаларнинг дам олиш ва декоратив безаклар учун ишлатиладиган кичик яшил майдонлар;
электрон ҳужжатлар тўплами — электрон шаклда қайд этилган, тизим орқали тасдиқланган ва электрон ҳужжатларнинг уларни идентификация қилиш имкониятини берадиган бошқа реквизитларига эга бўлган ахборот электрон ҳужжатлар тўплами;
кўчанинг ID рақами — географик объектлар номларининг давлат реестрида юритиладиган, географик объект номи ўзгарган тақдирда ҳам уни тизимда идентификация қилиш мақсадида бириктириладиган уникал рақам».
«4. Реестрни шакллантириш ва юритиш устидан назорат қилиш Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) томонидан амалга оширилади. Кадастр агентлиги:».
5. Қуйидаги мазмундаги 41 ва 42-бандлар билан тўлдирилсин:
«41. Кўчмас мулк объектининг манзилларини белгилаш, ўзгартириш ва бекор қилиш ҳамда уларни рўйхатдан ўтказишнинг мақсади қуйидагилардан иборат:
ер участкаси, янги қурилган, реконструкция қилинган, фойдаланилаётган бино ва иншоотларнинг ҳаёт циклининг турли босқичларида юридик жиҳатдан тўғри белгиланган манзилларини марказлашган ҳолда рўйхатга олишни таъминлаш;
реестрда рўйхатга олинган объект манзилининг ҳужжатларга мувофиқлик асосида бино ва иншоотлар ёки унинг қисмини шу билан бирга кўча ва йўлларни идентификациялашни таъминлаш.
42. Кўчмас мулк объектининг манзили реестрда рўйхатдан ўтказилганидан сўнг ушбу манзил маълумотлари жисмоний ва юридик шахслар учун ҳақиқий манба ҳисобланади».
а) биринчи хатбошидаги «корхонанинг кўчмас мулк объектларига ҳуқуқларни рўйхатга олиш ишларини (кейинги ўринларда рўйхатга олиш деб аталади) рўйхатга олувчи (кейинги ўринларда рўйхатга олувчи деб аталади)» сўзлари «бошқарма» сўзи билан алмаштирилсин;
б) қуйидаги мазмундаги иккинчи хатбоши билан тўлдирилсин:
кўчмас мулк объектининг бир қисми бегоналаштирилганда объектнинг қолган қисмига эски манзили берилганда;
кўчанинг номи ўзгариши билан ушбу кўчада жойлашган барча кўчмас мулкларнинг манзилига ўзгартириш киритилганда;
номсиз кўчаларга ном берилиши билан ушбу кўчада жойлашган барча кўчмас мулкларнинг манзили белгиланганда ва манзилига ўзгартириш киритилганда;
қонунчилик ҳужжатларига мувофиқ аҳоли пунктларининг номланиши ва чегаралари ўзгарганда, шу жумладан, бир ҳудуддан бошқа ҳудудга ўтказилганда (турар ёки нотурар кўчмас мулк объектида реконструкция, қўшимча ва алоҳида қурилиш мавжуд бўлган ҳоллар бундан мустасно)».
11. 16 ва 17-бандлардаги «корхона» сўзи «бошқарма» сўзи билан алмаштирилсин.
12. 19-банд қуйидаги мазмундаги хатбошилар билан тўлдирилсин:
«Геокоддан манзилни ахборот тизимида идентификациялаш учун фойдаланилади.
Манзилларни ахборот тизимларида идентификация қилиш учун манзилнинг уникал рақами ишлатилади».
13. Қуйидаги мазмундаги 201-банд билан тўлдирилсин:
«201. Манзил элементларининг турлари ушбу Низомга 5-иловага, манзил тузилмаси 6-иловага, ички манзил тузилмаси 7-иловага мувофиқ белгиланади».
«Кўчмас мулк объектларига, алоҳида ажратилган хоналарга рақамлар бериш мажбурийдир, ушбу банднинг иккинчи хатбошисида назарда тутилган ҳолатлар бундан мустасно».
«29. Объектни ушбу Низомнинг 25 — 28-бандларига мувофиқ рақамлаш имкони бўлмаган тақдирда рақамлаш дунё қисмлари бўйича (тегишлича ғарбдан шарққа ёки шимолдан жанубга) амалга оширилади».
17. Қуйидаги мазмундаги 501 ва 502-бандлар билан тўлдирилсин:
«501. Манзиллар реестри тузилгунга қадар рақамлаштирилган манзиллар кўчмас мулкка бўлган ҳуқуқлар ва у ҳақида тузилган битимларнинг давлат реестрига (кейинги ўринларда — кўчмас мулк реестри) киритилган пайтдан эътиборан манзил белгиланган, ўзгартирилган, мавжудлиги бекор қилинган деб ҳисобланади.
502. Рақамлаштирилган манзиллар Манзиллар реестрига мутахассис томонидан босқичма — босқич киритиб борилади. Бунда мулкдор томонидан ариза ва тўлов талаб этилмайди».
«Ўзбекистон Республикаси Давлат солиқ қўмитаси ҳузуридаги Кадастр агентлигининг Давлат кадастрлари палатаси (кейинги ўринларда — маъмур) Реестрни шакллантириш, юритиш ва ундаги ахборотнинг яхлитлиги учун масъулдир».
19. 53-банднинг биринчи хатбошисидаги «корхоналар» сўзи «бошқармалар» сўзи билан алмаштирилсин.
ҳудудий бошқарманинг ташаббуси билан — техник хато бўлганда;».
23. 67-банддаги «рўйхатга олувчи» сўзлари «ҳудудий бошқарма» сўзлари билан алмаштирилсин.
24. 72-банд қуйидаги мазмундаги хатбошилар билан тўлдирилсин:
«Индекслар қуйидаги лотин ҳарфлари билан белгиланади:
a, b, d, e, f, g, h, i, j, k, l, m, n, p, q, r, s, t, u, v, x, y, z».
25. 74-банддаги «Ўзбекистон Республикаси Вазирлар Маҳкамасининг қарорларида» сўзлари «қонунчилик ҳужжатларида» сўзлари билан алмаштирилсин.
26. Қуйидаги таҳрирдаги 5 — 7-иловалар билан тўлдирилсин:
«Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга 5-ИЛОВА
МАНЗИЛ ЭЛЕМЕНТЛАРИНИНГ ТУРЛАРИ
Т/р
Манзил элементларининг номи
Қисқартирилган номи
1.
Қорақалпоғистон Республикаси
ҚР
2.
Вилоят
вил
3.
Шаҳар
ш
4.
Туман
т
5.
Шаҳарча
ш-ча
6.
Қишлоқ
қ
7.
Овул
о
Ички манзил таркибига кирувчи аҳоли пункти таркибий қисмининг турлари
8.
Кўча
к
9.
Тор кўча
т/к
10.
Ўтиш йўли
ў/й
11.
Берк кўча
б/к
12.
Боғ
боғ
13.
Хиёбон
х-н
14.
Шоҳ кўча
шоҳ/к
15.
Майдон
м-н
16.
Бульвар
б-р
17.
Соҳилбўйи
соҳ
18.
Мавзе
Мвз
Бино ва унинг қисмлари
19.
Уй
уй
20.
Корпус
корп
21.
Блок
бл
22.
Квартира
кв
23.
Хона
х
24.
Ертўла
е
25.
Мансарда
м
Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга 6-ИЛОВА
МАНЗИЛ ТУЗИЛМАСИ
Минтақа даражаси
Туман (шаҳар) даражаси
III қисм
IV қисм
V қисм
Қорақалпоғистон Республикаси ва вилоятлар
туман
шаҳар
-
ички манзил
шаҳарча
-
ички манзил
қишлоқ
аҳоли пункти
ички манзил
овул
аҳоли пункти
ички манзил
аҳоли пунктидан ташқарида
-
ички манзил
шаҳар
туман
-
ички манзил
шаҳарча
-
ички манзил
Тошкент шаҳри
туман
-
-
ички манзил
Кўчмас мулк объектлари манзиллари ягона реестрини шакллантириш ва юритиш тартиби тўғрисидаги низомга 7-ИЛОВА
ИЧКИ МАНЗИЛ ТУЗИЛМАСИ
Т/р
Номи
а) аҳоли пунктида жойлашган кўчмас мулк объектлари учун
1.
Аҳоли пункти таркибий қисмининг тури
2.
Аҳоли пункти таркибий қисмининг номи
3.
Уй рақами
4.
Корпус рақами*
5.
Географик объект тури (бинонинг қисмлари)*
6.
Квартира (бино қисми) рақами*
б) аҳоли пунктидан ташқарида автомобиль йўлининг йўл чети полосасида жойлашган кўчмас мулк объектлари учун
1.
Автомобиль йўлининг рақами
2.
Автомобиль йўли бошидан километрлардаги масофа
3.
Уй рақами
4.
Корпус рақами*
5.
Географик объект тури (бинонинг қисмлари)*
6.
Квартира (бино қисми) рақами*
в) аҳоли пунктидан ташқарида темир йўл тармоғи полосасида жойлашган кўчмас мулк объектлари учун
1.
Энг яқин алоҳида темир йўл пункти
2.
Уй рақами
3.
Корпус рақами*
4.
Географик объект тури (бинонинг қисмлари)*
5.
Квартира (бино қисми) рақами*
г) аҳоли пунктидан ташқарида автомобиль йўлларининг йўл чети полосалари ва темир йўллар шохобчаси полосалари чегарасидан четда жойлашган кўчмас мулк объектлари учун
1.
Уй рақами
2.
Корпус рақами*
3.
Географик объект тури (бинонинг қисмлари)*
4.
Квартира (бино қисми) рақами*
д) аҳоли пунктидан ташқарида боғдорчилик ширкати, дала ҳовли кооперативида жойлашган кўчмас мулк объектлари учун
1.
Боғдорчилик-узумчилик ширкати, дала ҳовли кооперативи номи
2.
Уй рақами
3.
Корпус рақами*
4.
Географик объект тури (бинонинг қисмлари)*
5.
Квартира (бино қисми) рақами*
* Мавжуд бўлганда қўлланилади».
Вазирлар Маҳкамасининг 2022 йил 26 октябрдаги 620-сон қарорига 5-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган қарорлари
(1-банд Ўзбекистон Республикаси Вазирлар Маҳкамасининг 2025 йил 15 декабрдаги 791-сонли қарорига асосан ўз кучини йўқотган — Қонунчилик маълумотлари миллий базаси, 16.12.2025 й., 09/25/791/1167-сон)
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2005 йил 1 апрелдаги 95-сон қарорига илованинг 17-банди.
3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Маданият вазирлиги фаолиятини ташкил этиш тўғрисида» 2017 йил 15 февралдаги ПҚ-2778-сон қарори)» 2017 йил 11 майдаги 270-сон қарорига 1-илованинг 20 банди.
4. Вазирлар Маҳкамасининг «Ўрмон хўжалигини бошқариш тизимини янада такомиллаштириш чора-тадбирлари тўғрисида» 2017 йил 19 июлдаги 530-сон қарорига 8-илованинг 9-банди.
5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Фавқулодда вазиятларнинг олдини олиш ва уларни бартараф этиш тизими самарадорлигини тубдан ошириш чора-тадбирлари тўғрисида» 2017 йил 1 июндаги ПФ-5066-сон Фармони)» 2017 йил 18 августдаги 644-сон қарорига 1-илованинг 5-банди.
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Экология ва атроф-муҳитни муҳофаза қилиш соҳасида давлат бошқаруви тизимини такомиллаштириш тўғрисида» 2017 йил 21 апрелдаги ПФ-5024-сон Фармони ва Ўзбекистон Республикаси Президентининг «Ўзбекистон Республикаси Экология ва атроф-муҳитни муҳофаза қилиш давлат қўмитаси фаолиятини таъминлаш чора-тадбирлари тўғрисида» 2017 йил 21 апрелдаги ПҚ-2915-сон қарори)» 2017 йил 14 ноябрдаги 915-сон қарорига 1-илова 26-бандининг «б» кичик банди.
7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида» 2018 йил 17 апрелдаги ПФ-5418-сон Фармони, Ўзбекистон Республикаси Президентининг «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3671-сон қарори, «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида» 2018 йил 17 апрелдаги ПҚ-3672-сон қарори)» 2018 йил 7 декабрдаги 995-сон қарорига 1-илованинг 45-банди.
8. Вазирлар Маҳкамасининг «Ўзбекистон Республикаси Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тўғрисидаги низомни тасдиқлаш ҳақида» 2019 йил 12 мартдаги 215-сон қарорига 2-илованинг 1-банди.
9. Вазирлар Маҳкамасининг «Қурилиш соҳасида давлат бошқаруви тизимининг тубдан такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, баъзиларини ўз кучини йўқотган деб ҳисоблаш тўғрисида» 2019 йил 14 июндаги 498-сон қарорига 1-илованинг 7-банди.
10. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси фаолиятини тартибга солувчи айрим қонунчилик ҳужжатларини тасдиқлаш тўғрисида» 2021 йил 17 августдаги 525-сон қарорига 5-илованинг 2-банди.
11. Вазирлар Маҳкамасининг «Ўзбекистон Республикаси Туризм ва маданий мерос вазирлиги ҳузуридаги Маданий мерос агентлиги фаолияти ташкил этилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2022 йил 22 апрелдаги 209-сон қарорига илованинг 3-банди.
LexUZ шарҳи