ПҚ-221-сон 26.04.2022. Интеллектуал мулк соҳасини янада ривожлантиришга оид қўшимча чора-тадбирлар тўғрисида

Ўзбекистон Республикаси Президентининг

Қарори

Интеллектуал мулк соҳасини янада ривожлантиришга оид қўшимча чора-тадбирлар тўғрисида

Мамлакатда иқтисодиёт тармоқларига интеллектуал фаолият натижалари ва инновацияларни жорий этиш механизмларини такомиллаштириш, минтақавий брендларни яратиш, контрафакт маҳсулотлар реализациясининг олдини олиш, интеллектуал мулкнинг ишончли ҳуқуқий ҳимоясини таъминлаш борасида изчил чора-тадбирлар амалга оширилмоқда.

Шу билан бирга, интеллектуал мулк объектларини ҳуқуқий ҳимоя қилиш, соҳада содир этилаётган ҳуқуқбузарликларга ўз вақтида чора кўриш, муаллифларнинг ва бошқа ижодкорларнинг моддий манфаатдорлигини ошириш, хорижий компанияларнинг интеллектуал мулкка бўлган ҳуқуқларини ҳимоя қилиш каби йўналишларда бир қатор масалалар долзарблигича қолмоқда.

Интеллектуал мулкни ишончли ҳимоя қилиш, интеллектуал мулк соҳасида давлат бошқарувини янада такомиллаштириш, мамлакатнинг инвестициявий жозибадорлигини ошириш ҳамда контрафакт маҳсулотларга самарали қарши курашиш, шунингдек, Янги Ўзбекистоннинг 2022 — 2026 йилларга мўлжалланган тараққиёт стратегиясида белгиланган вазифаларни бажариш мақсадида:

1. Ўзбекистон Республикаси Президентининг 2022 йил 17 мартдаги «Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида»ги ПФ-89-сон Фармонига мувофиқ, Интеллектуал мулк агентлиги ва унинг ҳудудий марказлари уларнинг вазифа, функция ва ваколатлари Адлия вазирлигига ўтказилган ҳолда қўшиб олинганлиги маълумот учун қабул қилинсин.

2. Белгилаб қўйилсинки:

а) Давлат божхона қўмитаси томонидан қуйидагилар амалга оширилади:

Интеллектуал мулк объектларининг божхона реестрига (кейинги ўринларда — Реестр) киритилган ҳуқуқ эгаларига тегишли товар белгилари бўйича қонунчилик талаблари бузилиши аниқланганда, бу тўғрисида хабар бериш;

ташқи иқтисодий фаолият иштирокчилари ўртасида интеллектуал мулк ҳуқуқларига риоя этиш бўйича тарғибот ишларини олиб бориш;

б) қуйидаги давлат органлари интеллектуал мулк ҳуқуқларини ҳимоя қилиш бўйича техник жиҳатдан тартибга солиш ҳамда интеллектуал мулк соҳасидаги қонунчилик талабларига қатъий риоя этилишини назорат қилади:

Техник жиҳатдан тартибга солиш агентлиги маҳсулотларни сертификатлаштириш, мувофиқлик сертификатлари ва белгиларини бериш жараёнида;

Фармацевтика тармоғини ривожлантириш агентлиги дори воситалари, тиббий буюмлар ва тиббий техникаларни давлат рўйхатидан ўтказиш жараёнида.

3. Шундай тартиб ўрнатилсинки, унга кўра 2022 йил 1 августдан бошлаб қуйидаги жараёнлардаги текшириш ва ўрганишлар Адлия вазирлигининг «Саноат мулки муҳофазаси портали»дан фойдаланган ҳолда амалга оширилади:

а) сертификациялаш билан шуғулланувчи органлар томонидан республикада ишлаб чиқарилаётган, реализация қилинаётган маҳсулотларни сертификатлаштириш жараёнида уларда қўлланилган ном, қадоқлар ва бошқа реквизитларда интеллектуал мулк объектларига (товар белгиси, географик кўрсаткич, товар келиб чиққан жой номи ва саноат намунасига) бўлган ҳуқуқларни ўрганиш ва текшириш;

б) Фармацевтика тармоғини ривожлантириш агентлигининг дори воситалари, тиббий буюмлар ва тиббий техникани давлат рўйхатидан ўтказиш, сифат назорати, стандартлаштириш ва сертификатлаштиришни амалга оширадиган ишчи органи томонидан дори воситалари, тиббий буюмлар ва тиббий техникани давлат рўйхатидан ўтказиш ҳамда рўйхатдан ўтказилганлик гувоҳномасини бериш жараёнида интеллектуал мулк объектларига (товар белгиси ва саноат намунасига) бўлган ҳуқуқларга риоя этилганлигини текшириш ва (ёки) ўрганиш.

Адлия вазирлиги 2022 йил 1 июнгача сертификациялаш билан шуғулланувчи барча органларни «Саноат мулки муҳофазаси портали»га бепул уланишини таъминласин.

4. Белгилансинки, 2022 йил 1 сентябрдан бошлаб:

а) «Ягона дарча» божхона ахборот тизими орқали интеллектуал мулк объектларини Реестрга киритиш тўғрисидаги аризаларни электрон тарзда юбориш ва қабул қилиш, уларни кўриб чиқиш босқичларини онлайн равишда кузатиб бориш ҳамда қабул қилинган қарорлар тўғрисида ариза юборувчиларни хабардор қилиш тартиби йўлга қўйилади;

б) божхона органлари томонидан Реестрга киритилган интеллектуал мулк объектлари ҳуқуқ эгаларининг қонуний манфаатларини қуйидаги ҳимоя қилиш ҳуқуқи берилади:

ташқи иқтисодий фаолият божхона постларида божхона назорати ва расмийлаштируви жараёнида интеллектуал мулк ҳуқуқлари бузилганлиги аломати мавжуд бўлган товарлар аниқланганда, божхона органлари томонидан ҳуқуқ эгасининг «Ягона дарча» божхона ахборот тизимидаги шахсий кабинетига ушбу ҳолат тўғрисида бир иш кунида электрон рақамли имзо билан тасдиқланган хабар юбориш;

хабар юборилгандан бошлаб бир иш куни давомида ҳуқуқ эгаларидан тегишли шаклдаги ариза келиб тушган тақдирда, уларнинг ҳуқуқларини ҳимоя қилиш бўйича қонунчиликда белгиланган тартибда чоралар кўриш. Бунда, ушбу муддат ичида ҳуқуқ эгаларидан тегишли шаклдаги ариза божхона органларига келиб тушмаган тақдирда, товарлар белгиланган тартибда чиқариб юборилади;

интеллектуал мулк ҳуқуқлари бузилганлиги аломати товарларни божхона расмийлаштирувида хавфни бошқариш тизими натижалари асосида божхона назорати шаклларини қўллаган ҳолда аниқлаш, бундан божхона органларининг тезкор-қидирув фаолияти давомида аниқланган ҳолатлар мустасно;

в) Реестрга киритилган ҳуқуқ эгалари уларнинг интеллектуал мулк объектларига бўлган ҳуқуқларини ҳимоя қилиш бўйича чоралар кўриш тўғрисида божхона органларига ариза билан мурожаат қилганда, улардан тахмин қилинаётган ҳуқуқбузарликни аниқлашда ёрдам берадиган, шу жумладан ишлаб чиқарувчи, товар туриши мумкин бўлган жой ва уни божхона чегараси орқали олиб ўтиш санаси, ташиш хусусиятлари ва ўровининг кўриниши, товар турган жой ёки режалаштирилаётган етказиш жойи тўғрисидаги маълумотларни талаб қилиш тақиқланади.

Давлат божхона қўмитаси уч ой муддатда Ўзбекистон Республикаси Божхона кодексига ушбу банддан келиб чиқадиган ўзгартириш ва қўшимчалар тўғрисидаги қонун лойиҳаси Вазирлар Маҳкамасига киритилишини таъминласин.

5. Адлия вазирлиги 2023 йил 1 январга қадар интеллектуал мулк объектларининг олди-сотдисига қулай шарт-шароитлар яратиш учун қуйидагилар акс эттириладиган «Интеллектуал мулк — барча учун» махсус интернет-аукцион савдо платформасини ишлаб чиқсин ва ишга туширсин:

аукцион савдосига таклиф этилаётган интеллектуал мулк объектлари тўғрисидаги маълумотлар;

аукцион савдосига таклиф этилаётган интеллектуал мулк объектларининг бошланғич савдо нархи;

тузилган лицензия шартномалари тўғрисидаги маълумотлар ва бошқалар.

6. Ахборотлаштириш ва телекоммуникациялар соҳасида назорат бўйича давлат инспекцияси Ахборот технологиялари ва коммуникацияларини ривожлантириш вазирлиги билан биргаликда 2022 йил 1 октябрга қадар Ахборот-коммуникация технологияларини ривожлантириш жамғармаси маблағлари ҳисобидан Интернетда муаллифлик ҳуқуқи ва турдош ҳуқуқларни бузган веб-сайтлар тўғрисидаги маълумотларни ўз ичига олувчи «Муаллифлик ва турдош ҳуқуқлар соҳасидаги қонунбузилишлар реестри» ахборот тизимини (кейинги ўринларда — қонунбузилишлар реестри) ишлаб чиқсин ва ишга туширсин.

Белгилансинки, веб-сайтлар томонидан муаллифлик ҳуқуқи ва турдош ҳуқуқлар тизимли равишда бузилиши белгиланган тартибда исботланган тақдирда, Ахборотлаштириш ва телекоммуникациялар соҳасида назорат бўйича давлат инспекцияси Адлия вазирлигининг хулосаси асосида мазкур веб-сайтлар тўғрисидаги маълумотларни қонунбузилишлар реестрига киритади ва унинг кўрсатмасига мувофиқ Ахборот технологиялари ва коммуникацияларини ривожлантириш вазирлиги ушбу веб-сайтлар фаолиятини муаллифлик ҳуқуқи ва турдош ҳуқуқларни бузувчи хатти-ҳаракатлар бартараф этилмагунига қадар қонунчиликка мувофиқ чеклайди.

Адлия вазирлиги ҳамда Ахборотлаштириш ва телекоммуникациялар соҳасида назорат бўйича давлат инспекцияси манфаатдор вазирлик ва идоралар билан биргаликда 2022 йил 1 сентябрга қадар қонунбузилишлар реестрини юритиш тартибини тасдиқлашга доир ҳукумат қарори лойиҳасини Вазирлар Маҳкамасига киритсин.

7. 2022 йил 1 майдан бошлаб Ахборот ва оммавий коммуникациялар агентлигининг фонограммалар ва аудиовизуал асарларни тарқатишда (сотиш, ижарага бериш ва барчанинг эътиборига етказишда) муаллифлик ҳуқуқлари ҳимоясини таъминлаш бўйича қонунчиликка риоя қилиниши устидан давлат назоратини амалга ошириш бўйича ваколатлари тўлиқ Ахборотлаштириш ва телекоммуникациялар соҳасида назорат бўйича давлат инспекциясига ўтказилсин.

8. Қуйидагилар:

2022 — 2026 йилларда Ўзбекистон Республикасида интеллектуал мулк соҳасини ривожлантириш стратегияси (кейинги ўринларда — Стратегия) 1-иловага мувофиқ;

2022 — 2026 йилларда Ўзбекистон Республикасида интеллектуал мулк соҳасини ривожлантириш стратегиясини 2022-2023 йилларда амалга ошириш бўйича «йўл харитаси» 2-иловага мувофиқ;

2022 — 2026 йилларда Ўзбекистон Республикасида интеллектуал мулк соҳасини ривожлантиришнинг мақсадли кўрсаткичлари (индикаторлари) 3-иловага мувофиқ тасдиқлансин.

Адлия вазирлиги 2023 йилдан бошлаб ҳар йили 1 декабрга қадар жорий йил учун белгиланган вазифаларнинг бажарилишини чуқур таҳлил қилган ҳолда, мазкур Стратегияни амалга ошириш юзасидан келгуси йилга мўлжалланган чора-тадбирлар дастурини ишлаб чиқиб, Вазирлар Маҳкамасига тасдиқлаш учун киритиб борсин.

9. Белгилаб қўйилсинки, 2022 йил 1 ноябрдан бошлаб интеллектуал мулк ҳуқуқларини бузган ҳолда ишлаб чиқарилаётган, сотилаётган ва тарқатилаётган маҳсулотларни ишлаб чиқарувчи, сотувчи ва тарқатувчиларга ҳуқуқий таъсир чораларини қўллашда идоралараро ахборот алмашинуви Адлия вазирлигининг «IP-Protection» ахборот портали (кейинги ўринларда — Портал) орқали амалга оширилади.

Адлия вазирлиги 2022 йил 1 июнга қадар Порталнинг электрон шаклда реал вақт режимида ишлашини ҳамда унга манфаатдор давлат органлари ва ташкилотлари бепул асосда уланишини таъминласин.

10. Порталдан тўлақонли фойдаланиш учун давлат органлари ҳамкорлигининг шундай тартиби ўрнатилсинки, унга кўра:

Бош прокуратура ҳузуридаги Иқтисодий жиноятларга қарши курашиш департаменти ишлаб чиқарувчиси номаълум бўлган қалбаки ёки контрафакт маҳсулотларга қарши курашишда бу турдаги маҳсулотларни ишлаб чиқарувчилар ва тайёрловчилар тўғрисидаги маълумотларни Адлия вазирлиги, тегишли давлат органлари ва ташкилотларининг сўровларига асосан Портал орқали ўн иш кунида тақдим этади;

Ички ишлар вазирлиги, Ахборот технологиялари ва коммуникацияларини ривожлантириш вазирлиги ўз ваколатлари доирасида Интернет ва ижтимоий тармоқларда интеллектуал мулк ҳуқуқларини бузаётган шахслар тўғрисидаги маълумотларни Адлия вазирлиги, тегишли давлат органлари ва ташкилотларининг сўровларига асосан Ўзбекистон Республикасининг «Шахсга доир маълумотлар тўғрисида»ги Қонуни талабларига риоя қилган ҳолда Портал орқали ўн иш кунида тақдим этади;

Давлат божхона қўмитаси Реестрга киритилган интеллектуал мулк объектлари ва божхона органлари томонидан интеллектуал мулк объектларига бўлган ҳуқуқларнинг бузилганлик белгилари мавжуд бўлган товарларни чиқариб юбориш тўхтатиб турилган ҳолатлар тўғрисида ҳар чоракда Адлия вазирлигига Портал орқали умумлаштирилган маълумот тақдим этади;

Олдинги таҳрирга қаранг.

Рақобатни ривожлантириш ва истеъмолчилар ҳуқуқларини ҳимоя қилиш қўмитаси интеллектуал мулк объектларидан фойдаланган ҳолда содир этилган ноҳалол рақобат ҳолатлари бўйича кўрилган ишлар ва қабул қилинган қарорлар бўйича ҳар чоракда Адлия вазирлигига Портал орқали ахборот тақдим этади.

(10-банднинг бешинчи хатбошиси Ўзбекистон Республикаси Президентининг 2023 йил 6 июлдаги ПФ-108-сонли Фармони таҳририда — Қонунчилик маълумотлари миллий базаси, 07.07.2023 й., 06/23/108/0460-сон)

11. Адлия вазирлиги Порталга тақдим қилинган маълумотларни доимий таҳлил қилиш ва ҳар ярим йилда манфаатдор вазирлик ва идоралар билан биргаликда интеллектуал мулк объектларидан қонунга хилоф равишда фойдаланиш ҳолатлари кўрсаткичлари бўйича статистик маълумотларни оммавий ахборот воситалари орқали кенг жамоатчиликка етказиб бориш амалиётини йўлга қўйсин.

12. Олий судга интеллектуал мулк объектларининг суд орқали ҳуқуқий ҳимоясини таъминлаш мақсадида барча инстанция судлари томонидан интеллектуал мулк соҳасига доир ишларни бир хил ёндашув асосида кўриб чиқиш учун ягона суд амалиёти бўйича Олий суд Пленуми қарорини қабул қилиш тавсия этилсин.

13. Қуйидагилар:

Интеллектуал мулкни ҳуқуқий ҳимоя қилиш бўйича жорий этилаётган янги механизмларни масъул давлат органлари ва ташкилотлари ходимларига ўргатиш бўйича ўқув машғулотларни ўтказиш графиги 4-иловага мувофиқ;

Интеллектуал мулкни рўйхатга олиш ва уни фуқаролик муомаласига киритишни хўжалик юритувчи субъектлар ходимларига ўргатиш бўйича ўқув машғулотларни ўтказиш графиги 5-иловага мувофиқ;

Олий таълим ва илмий-тадқиқот муассасалари ходимларининг интеллектуал мулк соҳасидаги малакасини ошириш юзасидан ўтказиладиган ўқув машғулотлари графиги 6-иловага мувофиқ тасдиқлансин.

Адлия вазирлиги ва Савдо-саноат палатаси тегишли вазирлик ва идоралар билан биргаликда ўқув машғулотлари графикларга мувофиқ ўтказилишини таъминласин.

14. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 7-иловага мувофиқ ўзгартиришлар ва қўшимча киритилсин.

15. Ўзбекистон Республикаси Президентининг ва Ўзбекистон Республикаси Ҳукуматининг айрим қарорлари 8-иловага мувофиқ ўз кучини йўқотган деб топилсин.

16. Адлия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартиришлар ва қўшимча тўғрисида Вазирлар Маҳкамасига таклифлар киритсин.

17. Мазкур қарорнинг ижросини самарали ташкил қилишга масъул ва шахсий жавобгар этиб адлия вазири Р.Қ. Давлетов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.

Амалга оширилган чора-тадбирларнинг натижадорлиги тўғрисида 2023 йил 1 январга қадар Ўзбекистон Республикаси Президентига ахборот киритилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 26 апрель,

ПҚ-221-сон

Ўзбекистон Республикаси Президентининг 2022 йил 26 апрелдаги ПҚ-221-сон қарорига
1-ИЛОВА

2022 — 2026 йилларда Ўзбекистон Республикасида интеллектуал мулк соҳасини ривожлантириш

СТРАТЕГИЯСИ

1-боб. Умумий қоидалар

Интеллектуал фаолият натижаларини қўллаш орқали иқтисодиёт тармоқлари, ижтимоий ва бошқа соҳаларга замонавий ахборот-инновацион технологияларни тезкор жорий қилиш Ўзбекистон Республикасини жадал ривожлантиришнинг муҳим шартларидан бири саналади.

Жамият ва давлат ҳаётининг барча соҳалари шиддат билан ривожланаётган бир пайтда мамлакатимизнинг жаҳон бозорида мустаҳкам ўрин эгаллаши ва ривожланган давлатлар даражасига эришиши йўлида дадил қадамлар ташлаш учун ислоҳотларни замонавий инновацион ғоялар, ихтиролар ва машҳур минтақавий брендлар яратилишига асосланган ҳолда амалга ошириш талаб этилади.

Шу билан бирга, ўтказилган таҳлиллар интеллектуал фаолиятни ривожлантириш, илғор интеллектуал фаолият натижаларини қўллаш орқали ишлаб чиқариш жараёнларини модернизация қилиш, интеллектуал мулкни ҳуқуқий ҳимоя қилиш, давлат органлари ва ташкилотларининг ушбу йўналишдаги ўзаро ҳамкорликдаги фаолиятини замон талабларига мослаштириш, интеллектуал мулк объектлари қўлланган маҳсулотлар ҳажмини ошириш ҳамда ички ва ташқи бозорларда ўз номига (брендига) эга бўлган рақобатбардош маҳсулотлар турларини кенгайтириш борасидаги ишлар лозим даражада олиб борилмаётганини кўрсатди. Хусусан:

интеллектуал мулк объектларини ишлаб чиқариш жараёнларига жалб қилиш кўрсаткичлари жуда паст;

аҳоли ва тадбиркорлик субъектлари интеллектуал мулк соҳаси бўйича етарли билим ва кўникмаларга эга эмас;

хўжалик юритувчи субъектлар ўз фаолиятига интеллектуал фаолият натижаларини жорий қилишдан манфаатдор эмас;

ихтирочилар ва новаторлар учун қулай шарт-шароитлар яратилмаган;

интеллектуал мулк объектларининг ҳуқуқий ҳимоясини таъминлаш учун масъул вазирлик ва идоралар ўртасидаги ўзаро ҳамкорлик лозим даражада йўлга қўйилмаган, илмий-тадқиқот муассасалари ва лабораторияларининг интеллектуал мулк соҳаси билан боғлиқ фаолияти етарли даражада мувофиқлаштирилмаган;

илмий ишланмаларни фуқаролик муомаласига киритиш кўрсаткичлари паст;

«IP Management» (интеллектуал мулкни бошқариш) соҳасида интеллектуал мулк объектларини ривожлантириш ва уларнинг трансфери билан фаол шуғулланувчи юқори малакали мутахассислар етишмайди;

интеллектуал мулкни ҳуқуқий ҳимоя қилиш лозим даражада эмас, ушбу соҳада, айниқса, давлат органлари ва ташкилотларида малакали мутахассислар етишмайди;

таълим ташкилотларида инсонларнинг интеллектуал фаолият натижаларига ҳурмат ҳиссини шакллантиришга қаратилган амалий тадбирлар ўтказилмайди;

таълим жараёнларида ўзгаларнинг интеллектуал мулк объектларидан тўғри фойдаланишга ўргатиш, кўчирмачиликнинг (плагиат) олдини олишга қаратилган чора-тадбирлар етарлича амалга оширилмаган;

контрафакт маҳсулотлар реализациясига қарши курашиш билан боғлиқ ишлар, шунингдек, Ўзбекистон Республикаси ҳудудидан олиб чиқиладиган ва унинг ҳудудига олиб кириладиган товарлар бўйича интеллектуал мулкни ҳуқуқий ҳимоя қилиш лозим даражада ташкил қилинмаган.

Қайд этилган камчиликлар мамлакатимизда интеллектуал мулк соҳасининг жадал ривожланишига, жаҳон бозорларида Ўзбекистон номини ифода қилувчи маҳсулотлар экспорти ҳажмининг ортишига, хорижий инвестицияларни жалб этишга, иқтисодиётнинг ўсишига ҳамда давлат ва жамият ҳаётининг бошқа соҳаларини ривожлантиришга тўсқинлик қилмоқда.

Шу муносабат билан 2022 — 2026 йилларда Ўзбекистон Республикасида интеллектуал мулк соҳасини ривожлантириш стратегияси (кейинги ўринларда — Стратегия) қабул қилиниши алоҳида аҳамият касб этмоқда.

2-боб. Стратегиянинг мақсад ва вазифалари

1. Мамлакатда «Интеллектуал мулкнинг самарали ҳуқуқий муҳофазасидан — кучли ҳуқуқий ҳимояси сари» тамойили асосида интеллектуал мулкни жамият ва давлатнинг ижтимоий-иқтисодий ҳаётини ривожлантирувчи асосий драйверга айлантириш орқали Ўзбекистонни илмий-техникавий ва ихтирочилик жиҳатдан тараққий этган давлатлар қаторига киритиш ҳамда минтақавий брендларни ҳудудларни ҳар томонлама ривожлантирувчи восита сифатида юзага чиқариш Стратегиянинг бош мақсади ҳисобланади.

2. Бош мақсадга эришишда Стратегиянинг асосий вазифалари қуйидагилардан иборат:

интеллектуал мулк соҳаси бўйича қонунчиликда мавжуд бўшлиқ ва зиддиятларни бартараф қилиш, илғор жаҳон тажрибаси асосида уни доимий такомиллаштириб бориш;

республикада амалга оширилаётган маъмурий ислоҳотлар доирасида интеллектуал мулк соҳасидаги давлат бошқаруви тизимини масъул вазирлик ва идоралар фаолиятидаги бир-бирини такрорловчи вазифа ва функцияларни бартараф қилиш орқали такомиллаштириш;

интеллектуал мулк объектларини ҳуқуқий муҳофаза қилиш жараёнларини замонавий тенденцияларни инобатга олган ҳолда мунтазам такомиллаштириб бориш ва интеллектуал мулк объектлари яратилишини қўллаб-қувватлаш;

контрафакт маҳсулотлар реализациясига қарши курашиш билан боғлиқ ишлар, шунингдек, Ўзбекистон Республикаси ҳудудидан олиб чиқиладиган ва унинг ҳудудига олиб кириладиган товарлар бўйича интеллектуал мулк объектларига бўлган ҳуқуқларни самарали ҳимоя қилиш механизмларини яратиш;

интеллектуал мулк объектларининг таъсирчан ҳуқуқий механизм билан ҳимоя қилинишини таъминлаш;

интеллектуал мулк соҳасини бюрократиядан ҳоли қилиш мақсадида замонавий ахборот-коммуникация технологияларини жорий қилиш орқали тўлиқ рақамлаштириш;

фуқаролар ва тадбиркорлик субъектларининг интеллектуал мулкка бўлган муносабатини ўзгартириш ва ҳуқуқий маданиятини юксалтириш бўйича инновацион усулларни қўллаган ҳолда манзилли тарғибот тадбирларини мунтазам ўтказиб бориш;

интеллектуал мулк соҳаси бўйича глобал интеграция жараёнларида фаол иштирок этиш.

3-боб. Стратегиянинг асосий йўналишлари

3.1. Интеллектуал мулк соҳасида давлат бошқарувини такомиллаштириш

1. Интеллектуал мулк объектларини ишончли ҳуқуқий ҳимоя қилиш мақсадида соҳа бўйича давлат органлари ва ташкилотлари ўртасидаги идоралараро ҳамкорликни янада такомиллаштириш.

2. Интеллектуал мулк соҳасидаги низоларни судга қадар ҳал қилиш тартибларини кенг жорий қилиш.

3. Интеллектуал мулк объектларига бўлган ҳуқуқларни ҳимоя қилиш бўйича махсус ваколатли органлар фаолияти бўйича илғор халқаро тажрибани ўрганиш.

3.2. Интеллектуал мулк соҳасидаги қонунчиликни такомиллаштириш

1. Интеллектуал мулк объектларига бўлган ҳуқуқларни ишончли ҳуқуқий ҳимоя қилиш мақсадида кучли қонунчилик базасини шакллантириш.

2. Глобаллашув ва замонавий ахборот-коммуникация технологиялари имкониятларини ҳисобга олган ҳолда, Интернет маконида интеллектуал фаолият натижалари ҳамда фуқаролик муомаласи иштирокчиларининг, товарлар, ишлар ва хизматларнинг ўзига хосликларини акс эттирувчи жиҳатлардан қонунга хилоф равишда фойдаланишнинг олдини олишга қаратилган реал чораларни кўриш.

3. Интеллектуал мулк объектларига бўлган ҳуқуқ эгаларининг ўз ҳуқуқларини ҳимоя қилиш ва тиклаш орқали фойда кўришини таъминлаш механизмини ишлаб чиқиш.

4. Интеллектуал мулк ҳуқуқининг савдо аспектлари бўйича битим ва Ўзбекистон Республикасининг интеллектуал мулк соҳасига оид қонунчилигини қиёсий таҳлил қилиш.

5. Божхона қонунчилигига «ex officio» тартибини киритиш масаласини ўрганиш.

3.3. Интеллектуал мулк объектларини яратиш ва рўйхатдан ўтказиш жараёнларини янада такомиллаштириш

1. Ҳудудларда минтақавий брендлар яратилишини қўллаб-қувватлаш ва жаҳонда «Made in Uzbekistan» брендини бутун дунёда танитиш чораларини кўриш.

2. Интеллектуал фаолият натижаларини рўйхатдан ўтказиш жараёнларини соддалаштириш.

3. Мамлакатда давлат ва жамиятга юқори фойда келтирадиган ихтиролар яратилиши учун қулай шарт-шароитлар яратиш.

4. Интеллектуал мулк объектларини рўйхатдан ўтказиш бўйича давлат хизматларини кўрсатиш жараёнларини тартибга солувчи маъмурий регламентларни ишлаб чиқиш.

3.4. Интеллектуал мулк объектларига бўлган ҳуқуқларни ҳимоя қилиш тизимини такомиллаштириш

1. Бутунжаҳон интеллектуал мулк ташкилоти (БИМТ) кўмагида республикада муаллифлик ҳуқуқини Интернетда ҳимоя қилиш бўйича «WIPO Alert» онлайн платформасидан кенг фойдаланишни йўлга қўйиш.

2. Интеллектуал мулк соҳасида профессионал юридик ёрдам кўрсатувчи патент вакиллари фаолиятини янада жонлантириш.

3. Мулкий ҳуқуқларни жамоавий асосда бошқарувчи ташкилотлар фаолиятини таҳлилий ўрганиш, уларни муаллифлик ҳуқуқи ва турдош ҳуқуқларни том маънода ҳимоя қилувчи ташкилотларга айлантириш чораларини кўриш.

4. Тегишли вазирлик ва идоралар билан биргаликда барча куч ва воситаларни интеллектуал мулк соҳасидаги ҳуқуқбузарликларни аниқлаш ва уларнинг олдини олишга жалб қилиш орқали соҳада кучли ҳуқуқий ҳимояни таъминлаш.

5. Давлат органлари ва ташкилотлари фаолиятида лицензияланган дастурий таъминот воситаларидан фойдаланиш истиқболларини илғор хорижий тажриба асосида таҳлилий ўрганиш.

6. Муаллифлик ҳуқуқларини ҳимоя қилиш, шу жумладан кўчирмачиликка (плагиатга) қарши аёвсиз курашиш мақсадида зарур чора-тадбирларни амалга ошириш.

3.5. Интеллектуал мулк билан боғлиқ муносабатларга ахборот-коммуникация технологияларини татбиқ этиш ва такомиллаштириш

1. Интеллектуал мулк объектларидан фойдаланганлик учун тўланадиган муаллифлик ҳақи миқдорини ҳисоблаб берувчи калькулятор модулини ишлаб чиқиш.

2. Интеллектуал мулк объектлари сифатида рўйхатдан ўтказилган фармакологик фаол таъсир кўрсатувчи моддалар ва дори воситалари реестрини тузиш.

3. Адлия вазирлигининг махсус ахборот тизимларидан фойдаланиш имкониятларини кенгайтириш.

4. Интеллектуал мулк объектларини давлат рўйхатидан ўтказиш билан боғлиқ жараёнларнинг ҳар бир босқичи тўғрисида талабнома берувчиларни хабардор қилишнинг янги механизмини жорий этиш.

5. Интеллектуал мулк объектларини давлат рўйхатидан ўтказиш жараёнларини рақамлаштириш орқали талабнома берувчиларни ортиқча бюрократик тўсиқлардан халос қилиш.

3.6. Жамиятда интеллектуал мулкка бўлган ҳурмат ҳиссини шакллантириш ва аҳолининг ҳуқуқий маданиятини ошириш

1. Тадбиркорлик субъектлари фаолиятида интеллектуал мулк объектларидан кенг фойдаланишни қўллаб-қувватлаш, шу жумладан уларнинг фаолиятида интеллектуал мулкни қўллашда юзага келаётган муаммоларни бартараф қилиш бўйича доимий фикр алмашинувини йўлга қўйиш.

2. Умумий ўрта таълим ва касб-ҳунар мактаблари ўқувчи-талабаларида интеллектуал фаолият натижаларини ҳурмат қилиш ҳамда ихтирочилик ва новаторлик хислатларини шакллантириш мақсадида интеллектуал мулк соҳасига оид фан дастурларини такомиллаштириш.

3. Интеллектуал мулк соҳасида янги авлод дарсликлари ва ўқув қўлланмалари туркумини яратиш, шу жумладан соҳага оид хорижий адабиётларни ўзбек тилига таржима қилиш.

4. Интеллектуал мулк соҳаси бўйича қонунчилик ҳужжатларидан хорижликлар ҳам фойдаланишини таъминлаш мақсадида уларнинг инглиз тилига таржима қилинишини таъминлаш.

5. Интеллектуал мулк соҳасининг долзарб масалалари бўйича халқаро экспертлар иштирокида соҳа ходимлари учун хорижий амалиёт, семинар ва ўқув курсларини ташкил этиш.

6. Интеллектуал мулк соҳасида амалга оширилаётган ислоҳотлар, интеллектуал мулк объектлари ҳуқуқ эгаларининг ҳуқуқлари ва қонуний манфаатларини ҳимоя қилиш соҳасидаги ижобий ўзгаришлар тўғрисида халқаро ҳамжамиятни хабардор қилиб бориш.

7. Таълим ва амалиёт ўртасидаги узвий боғлиқликни таъминлаш мақсадида олий таълим ташкилотларининг (енгил саноат, фармацевтика, қишлоқ хўжалиги ва бошқа йўналишлар) талабалари учун Адлия вазирлиги ҳузуридаги «Интеллектуал мулк маркази» давлат муассасасида амалиёт ўташ тартибини жорий этиш.

8. Аҳоли ва тадбиркорлик субъектлари учун тўлов-шартнома асосида ўз интеллектуал мулк объектларини юқори даромад келтирувчи воситага айлантиришга кўмаклашувчи «IP Management» (Интеллектуал мулкни бошқариш) ўқув курсларини ташкил қилиш.

9. Кенг жамоатчиликка интеллектуал мулк соҳаси бўйича маълумотларни етказувчи журналистлар учун тўлов-шартнома асосида ўқув курсларни ташкиллаштириш.

3.7. Интеллектуал мулк соҳасидаги халқаро стандартларни имплементация қилиш ва халқаро ҳамкорликни ривожлантириш

1. Ўзбекистон Республикасининг БИМТ томонидан бошқариладиган интеллектуал мулк соҳасига оид универсал халқаро шартномаларга қўшилиши масаласини ўрганиш.

2. Интеллектуал мулк соҳаси бўйича халқаро ва миллий экспертлар мулоқот майдонини яратиш мақсадида «XXI асрда интеллектуал мулк» халқаро форумини ўтказиш.

3. Ўзбекистон Республикасидаги халқаро ташкилотларнинг ваколатхоналари, бошқа давлатларнинг интеллектуал мулк бўйича идоралари, халқаро ташкилотлар билан ҳамкорликни, шунингдек, қўшма лойиҳаларни амалга ошириш орқали хорижий донорлар билан алоқаларни фаоллаштириш.

4. Маҳаллий тадбиркорлик субъектларининг БИМТ махсус дастурларида иштирок этишини таъминлаш орқали уларда интеллектуал мулкдан фойдаланиш кўникмаларини ошириш.

Ўзбекистон Республикаси Президентининг 2022 йил 26 апрелдаги ПҚ-221-сон қарорига
2-ИЛОВА

2022 — 2026 йилларда Ўзбекистон Республикасида интеллектуал мулк соҳасини ривожлантириш стратегиясини 2022-2023 йилларда амалга ошириш бўйича

«ЙЎЛ ХАРИТАСИ»

Олдинги таҳрирга қаранг.

Т/р	Тадбирларнинг номланиши	Амалга ошириш шакли	Амалга ошириш муддати	Масъул ижрочилар
I. Интеллектуал мулк соҳасида давлат бошқарувини такомиллаштириш
1.	Бутунжаҳон интеллектуал мулк ташкилотининг (БИМТ) Арбитраж ва воситачилик маркази фаолиятини ва уни Ўзбекистонда жорий қилишнинг мақсадга мувофиқлигини ўрганиш.	Ахборот-таҳлилий маълумотнома	2022 йил сентябрь	Адлия вазирлиги (Р. Давлетов), манфаатдор вазирлик ва идоралар
2.	Ривожланган хорижий давлатларнинг интеллектуал мулк объектларига бўлган ҳуқуқларни ҳимоя қилиш бўйича махсус ваколатли органлари (АҚШ Миллий интеллектуал мулк ҳуқуқларини мувофиқлаштириш маркази, Буюк Британия Интеллектуал мулк соҳасидаги жиноятларга қарши курашиш бўйича полицияси, Австралия федерал полицияси ва бошқалар) фаолиятини ўрганиш. Ўрганиш якунлари бўйича республикада интеллектуал мулкни ҳуқуқий ҳимоя қилиш бўйича давлат органлари ва ташкилотлари фаолиятини танқидий қайта кўриб чиқиш орқали уни такомиллаштириш бўйича таклифлар тайёрлаш.	Ахборот-таҳлилий маълумотнома	2023 йил май	Адлия вазирлиги (Р. Давлетов)
3.	Илғор хорижий мамлакатлардаги суд орқали интеллектуал мулк объектлари билан боғлиқ низоларни ҳал қилиш механизмларини ўрганиш.	Ахборот-таҳлилий маълумотнома	2023 йил октябрь	Олий суд (К. Камилов), Адлия вазирлиги (Р. Давлетов), Бош прокуратура (Н. Йўлдошев)
4.	Интеллектуал мулкка бўлган ҳуқуқларга риоя этилишини таъминлаш бўйича янги вазифа юкланаётган давлат органлари ва ташкилотлари томонидан Адлия вазирлигининг «Саноат мулки муҳофазаси» портали давлат ахборот тизимидан фойдаланиш, шу жумладан мазкур портал орқали интеллектуал мулк ҳуқуқларига риоя этилганлигини ўрганиш бўйича семинарлар ташкил этиш ва услубий тавсиялар ишлаб чиқиш.	Семинарлар Услубий тавсиялар	2022 йил май — сентябрь	Адлия вазирлиги (Р. Давлетов)
II. Интеллектуал мулк соҳасидаги қонунчиликни такомиллаштириш
5.	Қонун ҳужжатларига интеллектуал мулк объектларига бўлган ҳуқуқларни ишончли ҳуқуқий ҳимоя қилиш механизмларини назарда тутувчи қуйидаги ўзгартириш ва қўшимчаларни киритиш: Ўзбекистон Республикасининг Маъмурий жавобгарлик тўғрисидаги кодексига — географик кўрсаткичларга бўлган ҳуқуқларнинг бузилиши учун жавобгарликни белгилашга оид нормаларни киритиш; Ўзбекистон Республикасининг «Ихтиролар, фойдали моделлар ва саноат намуналари тўғрисида», «Товар белгилари, хизмат кўрсатиш белгилари ва товарларнинг келиб чиққан жой номлари тўғрисида», «Фирма номлари тўғрисида» ва «Селекция ютуқлари тўғрисида»ги қонунларига — интеллектуал мулк объектлари эгаларига зарар етказилиши фактидан қатъи назар, ҳуқуқбузарликнинг хусусияти ва ҳуқуқбузарнинг айби даражасини ҳисобга олган ҳолда, зарар қопланиши ўрнига базавий ҳисоблаш миқдорининг йигирма бараваридан минг бараваригача миқдорда товон ундириш тартибини жорий этиш.	Қонун лойиҳаси	2023 йил август	Адлия вазирлиги (Р. Давлетов), Олий суд (К. Камилов), Бош прокуратура (Н. Йўлдошев), Монополияга қарши курашиш қўмитаси (Ш. Шарахметов), Давлат божхона қўмитаси (А. Мавлонов), Давлат солиқ қўмитаси (Ш. Кудбиев)
6.	Интеллектуал мулк объектларидан ва улар тўғрисидаги маълумотлардан веб-сайтлар, ижтимоий тармоқлар ва бошқа ахборот ресурсларида ноқонуний фойдаланишнинг олдини олиш ҳамда ахборот-коммуникация муҳитида интеллектуал мулк объектларига бўлган ҳуқуқларнинг самарали ҳимоясини таъминлаш мақсадида амалдаги қонунчилик ҳужжатларига ўзгартириш ва қўшимчалар киритиш.	Қонун лойиҳаси	2023 йил апрель	Адлия вазирлиги (Р. Давлетов), Олий суд (К. Камилов), Ахборотлаштириш ва телекоммуникациялар соҳасида назорат бўйича давлат инспекцияси (А. Абдуллаев), Ахборот ва оммавий коммуникациялар агентлиги (А. Ходжаев), Ахборот технологиялари ва коммуникацияларини ривожлантириш вазирлиги (Ш. Шерматов), Монополияга қарши курашиш қўмитаси (Ш. Шарахметов)
7.	Ўзбекистон Республикаси интеллектуал мулк тизимини Жаҳон савдо ташкилотининг (ЖСТ) Интеллектуал мулк ҳуқуқининг савдо аспектлари бўйича битим (TRIPS) нормалари ва тамойилларига мувофиқлигини таҳлил қилиш.	Ахборот-таҳлилий маълумотнома	2022 йил давомида	Адлия вазирлиги (Р. Давлетов), Инвестициялар ва ташқи савдо вазирлиги (Л. Қудратов), Ташқи ишлар вазирлиги (В. Норов), Давлат божхона қўмитаси (А. Мавлонов)
8.	Жаҳон савдо ташкилотининг интеллектуал мулк бўйича халқаро шартномалари нормаларидан келиб чиққан ҳолда, божхона қонунчилигига «ex officio» тартибини киритиш масаласини ўрганиш. Ўрганиш якунига кўра, қонунчиликка тегишли ўзгартириш ва қўшимчалар киритиш бўйича норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.	Қонун лойиҳаси	2022 йил август	Давлат божхона қўмитаси (А. Мавлонов), Инвестициялар ва ташқи савдо вазирлиги (Л. Қудратов), Адлия вазирлиги (Р. Давлетов)
9.	ЖСТ тизимидаги Низоларни ҳал этиш органининг интеллектуал мулк соҳасига оид масалаларни ҳал қилиш амалиётини (прецедентларни) ўрганиш ва натижаси бўйича Вазирлар Маҳкамасига ахборот киритиш.	Ахборот-таҳлилий маълумотнома	2022 йил декабрь	Адлия вазирлиги (Р. Давлетов), Инвестициялар ва ташқи савдо вазирлиги (Л. Қудратов), Давлат божхона қўмитаси (А. Мавлонов)
III. Интеллектуал мулк объектларини яратиш ва рўйхатдан ўтказиш жараёнларини янада такомиллаштириш
10.	Ҳудудларда минтақавий брендлар яратилишини қўллаб-қувватлаш орқли маҳаллий маҳсулотларни «Made in Uzbekistan» бренди остида жаҳон бозорларига экспорт қилиш ҳажмини кўпайтириш. Бунда, қуйидагиларга алоҳида эътибор қаратилади: маҳаллий давлат ҳокимияти органлари томонидан ўз ҳудудларидаги истиқболли товар келиб чиққан жой номлари ва географик кўрсаткичларини аниқлаш ҳамда уларнинг белгиланган тартибда миллий ва халқаро рўйхатдан ўтказилишини таъминлаш; хорижда юқори нуфузга эришган географик кўрсаткичли маҳсулотларни тайёрловчи ва ишлаб чиқарувчи маҳаллий тадбиркорлик субъектларининг савдо уйларини очиш; «Made in Uzbekistan» бренди остидаги товар келиб чиққан жой номи ва географик кўрсаткичли маҳаллий маҳсулотларни ташқи бозорларга олиб чиқиш мақсадида тақдимотлар ва реклама кампанияларини ўтказиш; юқоридаги тадбирлар амалга оширилиши билан боғлиқ харажатларни Инвестициялар ва ташқи савдо вазирлиги ҳузуридаги Экспортни рағбатлантириш агентлигига Давлат бюджетидан ажратилган маблағлар ҳисобидан тўлиқ қоплаш.	Комплекс чора-тадбирлар	2022-2023 йиллар	Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Инвестициялар ва ташқи савдо вазирлиги (Л. Қудратов)
11.	Интеллектуал мулк объектларини рўйхатдан ўтказиш ва муҳофаза ҳужжатларини бериш бўйича талабномаларни топшириш ва кўриб чиқиш, интеллектуал мулк объектларига бўлган ҳуқуқларни рўйхатдан ўтказиш ва фойдаланишга бериш бўйича шартномаларни рўйхатдан ўтказиш ҳамда тегишли муҳофаза ҳужжатларининг амал қилишини узайтиришга доир давлат хизматларини кўрсатиш бўйича маъмурий регламентларни ишлаб чиқиш ва тасдиқлаш.	Вазирлар Маҳкамаси қарори лойиҳаси	2022-2023 йиллар	Адлия вазирлиги (Р. Давлетов), Инновацион ривожланиш вазирлиги (И. Абдурахмонов), манфаатдор вазирлик ва идоралар
12.	Ихтиролар, фойдали моделлар ва саноат намуналарини рўйхатдан ўтказиш тартибларини соддалаштириш.	Норматив-ҳуқуқий ҳужжат лойиҳаси	2023 йил декабрь	Адлия вазирлиги (Р. Давлетов)
13.	Республикада ихтирочиликни қўллаб-қувватлаш ва ихтирочилар учун зарур шарт-шароитлар яратиш мақсадида уларга нисбатан солиқ имтиёзларини жорий қилиш истиқболларини таҳлил қилиш. Бунда, жисмоний ва юридик шахслар томонидан ихтироларни реализация қилиш жараёнида олинган даромадларни солиқ ҳисоблаш базасидан чиқариш бўйича илғор хорижий тажрибани ўрганиш.	Ахборот-таҳлилий маълумотнома	2023 йил май	Адлия вазирлиги (Р.Давлетов), манфаатдор вазирлик ва идоралар
IV. Интеллектуал мулк объектларига бўлган ҳуқуқларни ҳимоя қилиш тизимини такомиллаштириш
14.	Патент вакиллари фаолиятини янада жонлантириш юзасидан зарур чора-тадбирларни амалга ошириш. Бунда қуйидагилар назарда тутилади: патент вакиллари ўртасида сўровнома ўтказиш орқали уларнинг фаолиятида мавжуд муаммоларни ўрганиш; патент вакиллари фаолиятини мувофиқлаштириш ҳамда ҳар томонлама қўллаб-қувватлаш мақсадида Патент вакиллари ассоциациясини ташкил қилиш; интеллектуал мулк соҳасига доир низоларни судгача ҳал қилиш жараёнларида патент вакилларининг фаол иштирокини таъминлаш; патент вакиллари томонидан профессионал юридик ёрдам кўрсатилиши ва уларнинг ўз касбига виждонан ёндашишини таъминлаш учун «Патент вакилларининг одоб-ахлоқ кодекси»ни ишлаб чиқиш.	Комплекс чора-тадбирлар	2023 йил март	Адлия вазирлиги (Р. Давлетов), манфаатдор вазирлик ва идоралар
15.	Мулкий ҳуқуқларни жамоавий асосда бошқарувчи ташкилотлар фаолиятини янада жонлантириш, жумладан уларни муаллифлик ҳуқуқи ва турдош ҳуқуқларни самарали ҳимоя қилувчи ташкилотларга айлантириш бўйича зарур чора-тадбирларни амалга ошириш.	Ташкилий чора-тадбирлар	2023 йил апрель	Адлия вазирлиги (Р. Давлетов), Маданият вазирлиги (О. Назарбеков), манфаатдор вазирлик ва идоралар
16.	Нашриётлар томонидан муаллифлик ҳуқуқи ва турдош ҳуқуқларга риоя этилишини таъминлаш ҳамда истеъмолчиларга фақат асл ноширлик маҳсулотлари етказилишини йўлга қўйиш мақсадида илғор хорижий тажриба асосида ҳар бир нашриёт томонидан чоп этиладиган ноширлик маҳсулоти махсус ҳимояланган QR-код билан чоп этилишини амалиётга жорий қилиш истиқболларини ўрганиш. Ўрганиш якунига кўра, ушбу тартибни жорий қилиш юзасидан таклифларни Вазирлар Маҳкамасига киритиш.	Вазирлар Маҳкамаси қарори лойиҳаси	2022 йил декабрь	Ахборот ва оммавий коммуникациялар агентлиги (А. Ходжаев), Адлия вазирлиги (Р. Давлетов), Савдо-саноат палатаси (Д. Ваҳобов), Тадбиркорлик субъектларининг ҳуқуқлари ва қонуний манфаатлари ҳимоя қилиш бўйича вакил (Д. Касимов)
17.	Муаллифлик ҳуқуқи ва турдош ҳуқуқларни ҳимоя қилиш тизимини комплекс такомиллаштириш бўйича илғор хорижий тажрибани ўрганиш ва таклифлар тайёрлаш. Бунда, қуйидагилар назарда тутилади: ижрочилар томонидан бошқа шахсларга тегишли бўлган муаллифлик ҳуқуқи ва турдош ҳуқуқлар объектларидан қонунга хилоф равишда фойдаланганлик учун қўлланиладиган самарали ҳуқуқий таъсир чоралари, шу жумладан тегишли лицензияни тўхтатиш ёки бекор қилиш; муаллифлик ҳуқуқи ва турдош ҳуқуқлар объектларидан қонунга хилоф равишда фойдаланишдан олинган даромаддан ҳуқуқи бузилган шахсларни рағбатлантириш; тўй, томоша ва бошқа кўнгилочар тадбирларда муаллифлик ҳуқуқи ва турдош ҳуқуқлар бузилишининг профилактикасини кучайтириш ва бошқалар.	Норматив-ҳуқуқий ҳужжат лойиҳаси	2023 йил июль	Адлия вазирлиги (Р. Давлетов), Маданият вазирлиги (О. Назарбеков), манфаатдор вазирлик ва идоралар
18.	БИМТ кўмагида Адлия вазирлиги ҳамда Ахборотлаштириш ва телекоммуникациялар соҳасида назорат бўйича давлат инспекцияси фаолиятида «WIPO Alert» онлайн платформасидан фойдаланишни йўлга қўйиш. Бунда, қуйидагилар назарда тутилади: БИМТ томонидан юритиладиган «WIPO Alert» махсус ҳимояланган онлайн платформасига қонунчиликка мувофиқ «муаллифлик ҳуқуқини бузган» деб топилган веб-сайтлар тўғрисидаги маълумотларни киритиш; бошқа давлатлар томонидан «WIPO Alert» махсус ҳимояланган онлайн платформасига киритилган қароқчи сайтлар тўғрисидаги маълумотларни маҳаллий реклама агентликлари ва тадбиркорларга етказиш.	Ташкилий чора-тадбирлар	2023 йил август	Адлия вазирлиги (Р. Давлетов), Ахборотлаштириш ва телекоммуникациялар соҳасида назорат бўйича давлат инспекцияси (А. Абдуллаев)
19.	Давлат органлари ва ташкилотлари фаолиятида лицензияланган дастурий таъминот воситаларидан фойдаланиш истиқболларини илғор хорижий тажриба асосида таҳлилий ўрганиш ва ўрганиш якунлари бўйича таклифлар ишлаб чиқиб, Вазирлар Маҳкамасига киритиш.	Ахборот-таҳлилий маълумотнома	2023 йил март	Ахборот технологиялари ва коммуникацияларини ривожлантириш вазирлиги (Ш. Шерматов), Ахборотлаштириш ва телекоммуникациялар соҳасида назорат бўйича давлат инспекцияси (А. Абдуллаев), Молия вазирлиги (Т. Ишметов), манфаатдор вазирлик ва идоралар
20.	Ҳуқуқни муҳофаза қилувчи органлар, бошқа давлат органлари ва ташкилотлари билан ҳамкорликда интеллектуал мулк соҳасидаги ҳуқуқбузарликларни аниқлаш ва уларнинг олдини олиш бўйича қўшма ҳаракатлар режасини ишлаб чиқиш.	Ташкилий чора-тадбирлар	2022 йил июль	Адлия вазирлиги (Р. Давлетов), Давлат солиқ қўмитаси (Ш. Кудбиев) Давлат божхона қўмитаси (А. Мавлонов), Монополияга қарши курашиш қўмитаси (Ш. Шарахметов)
21.	Муаллифлик ҳуқуқларини ҳимоя қилиш, шу жумладан кўчирмачиликка (плагиатга) қарши аёвсиз курашиш мақсадида зарурий чора-тадбирларни амалга ошириш. Бунда, қуйидагиларга алоҳида эътибор қаратилади: таълим тизимининг барча бўғинлари ва босқичларида ёш авлодни ўзганинг интеллектуал фаолияти натижаларига ҳурмат билан қараш руҳида тарбиялаш; таълим жараёнида ўқувчи-талабаларнинг топшириқларни бир-биридан кўчиришининг (плагиатнинг) олдини олишга қаратилган замонавий ёндашувларни амалиётга жорий қилиш; ўқувчи-талабаларнинг назорат ишлари, битирув ишлари, илмий ва бошқа ишлар бўйича кўчирмачиликни (плагиатни) аниқлашга қаратилган дастур ёрдамида мунтазам текшириш тартибини жорий қилиш; илмий ишлар ва диссертацияларни ҳимоя қилишда ва ундан олдинги барча босқичларда кўчирмачиликка (плагиатга) қарши экспертизадан ўтказиш тартибларини такомиллаштириш; кўчирмачиликка (плагиатга) йўл қўйган шахсларга нисбатан бундай хатти-ҳаракатларни такрорламасликлари учун таъсирчан чоралар кўриш.	Норматив-ҳуқуқий ҳужжат лойиҳаси	2022 йил сентябрь	Таълим сифатини назорат қилиш давлат инспекцияси (У. Ташкенбоев), Олий аттестация комиссияси (А. Юсупов), Халқ таълими вазирлиги (Б. Саидов), Олий ва ўрта махсус таълим вазирлиги (А. Тошкулов), Инновацион ривожланиш вазирлиги (И. Абдурахмонов)
V. Интеллектуал мулк билан боғлиқ муносабатларга ахборот-коммуникация технологияларини татбиқ этиш ва такомиллаштириш
22.	Муаллифлар, ижодкорлар ва турдош ҳуқуқ субъектларига янги асарлар, ижролар, фонограммалар, кўрсатувлар ва эшиттиришлар яратиши учун қулай шарт-шароитлар яратиш мақсадида Адлия вазирлиги расмий веб-сайтида муаллифлар, ижодкорлар ва турдош ҳуқуқ субъектларининг асарлари ва маҳсулотларидан фойдаланганлик учун тўланадиган муаллифлик ҳақини ҳисоблаб берувчи махсус калькулятор модулини ишга тушириш.	Ташкилий-техник чора-тадбирлар	2022 йил май	Адлия вазирлиги (Р. Давлетов), Ахборот ва оммавий коммуникациялар агентлиги (А. Ходжаев), Ахборот технологиялари ва коммуникацияларини ривожлантириш вазирлиги (Ш. Шерматов)
23.	Ихтиро, фойдали модель, саноат намунаси ва товар белгилари сифатида рўйхатдан ўтказилган фармакологик фаол таъсир кўрсатувчи моддалар ва дори воситалари реестрини тузиш.	Ташкилий-техник чора-тадбирлар	2022 йил ноябрь	Фармацевтика соҳасини ривожлантириш агентлиги (С. Қариев), Адлия вазирлиги (Р. Давлетов), манфаатдор вазирлик ва идоралар
24.	Замонавий ахборот-коммуникация технологияларидан фойдаланган ҳолда Адлия вазирлигининг «Саноат мулки муҳофазаси» порталидан фойдаланиш имкониятларини кенгайтириш. Бунда, «Саноат мулки муҳофазаси» портали қуйидагиларни инобатга олган ҳолда такомиллаштирилади: алоҳида бўлим яратиш орқали Адлия вазирлиги томонидан рўйхатдан ўтказилган интеллектуал мулк объектларидан фойдаланиш тўғрисидаги лицензия шартномалари тўғрисида онлайн тарзда электрон маълумот бериш имкониятини йўлга қўйиш; рўйхатдан ўтказилган барча интеллектуал мулк объектлари тўғрисидаги муҳофаза ҳужжатларини онлайн тарзда олиш имконини яратиш.	Ташкилий-техник чора-тадбирлар	2023 йил январь	Адлия вазирлиги (Р. Давлетов)
25.	Интеллектуал мулк объектларини рўйхатдан ўтказиш билан боғлиқ жараёнларни тўлиқ 24/7 режимида электрон шаклга ўтказиш. Бунда, жумладан қуйидагилар назарда тутилади: ҳужжатларни онлайн қабул қилиш; талабномаларни кўриб чиқиш жараёнининг ҳар бир босқичи тўғрисида талабнома берувчиларни СМС орқали хабардор қилиш; рўйхатдан ўтказиш жараёнлари билан боғлиқ ёзишмаларни электрон рақамли имзо ёки QR-код (матрицали штрихли код) орқали имзолаган ҳолда юбориш; муҳофаза ҳужжатларини бериш.	Ташкилий-техник чора-тадбирлар	2023 йил октябрь	Адлия вазирлиги (Р. Давлетов)
VI. Жамиятда интеллектуал мулкка нисбатан ҳурмат ҳиссини шакллантириш ва аҳолининг ҳуқуқий маданиятини ошириш
26.	Тадбиркорлар ўртасида интеллектуал мулк объектларидан фойдаланиш жараёнида юзага келаётган муаммолар ва уларни ҳал этиш юзасидан таклифлар бўйича сўровномалар ўтказиш, хорижий инвесторларни жалб этган ҳолда, тадбиркорлик фаолиятида интеллектуал мулкдан фойдаланишнинг долзарб масалалари бўйича матбуот анжуманлари ўтказиш. Матбуот анжуманларининг натижалари асосида интеллектуал мулк объектлари эгаси бўлган тадбиркорлар, хорижий инвесторларнинг ҳуқуқлари ва қонуний манфаатларини ишончли ҳимоя қилишни таъминлаш бўйича чора-тадбирларни амалга ошириш, шунингдек, қонунчиликни такомиллаштириш бўйича таклифлар тайёрлаш.	Комплекс чора-тадбирлар	2022-2023 йиллар	Адлия вазирлиги (Р. Давлетов), Савдо-саноат палатаси (Д. Ваҳобов)
27.	Ёш авлодда ўзганинг интеллектуал фаолияти натижаларини ҳурмат қилиш ҳиссини ҳамда ихтирочилик ва новаторлик кўникмаларини шакллантириш мақсадида умумий ўрта таълим мактабларида интеллектуал мулк соҳаси бўйича таълим берилишини йўлга қўйиш. Бунда, «Ўзбекистон давлати ва ҳуқуқи асослари», «Давлат ва ҳуқуқ асослари», «Иқтисодий билим асослари» ва «Тадбиркорлик асослари» фан дастурларида нафақат муаллифлик ҳуқуқи, балки саноат мулки объектлари тўғрисида билимлар бериш учун тегишли фан дастурларини такомиллаштириш.	Комплекс чора-тадбирлар	2023 йил сентябрь	Халқ таълими вазирлиги (Б. Саидов), Таълим сифатини назорат қилиш давлат инспекцияси (У. Ташкенбаев), Адлия вазирлиги (Р. Давлетов), манфаатдор вазирлик ва идоралар
28.	Интеллектуал мулк соҳасида янги авлод дарсликлари ва ўқув қўлланмалари туркумини хорижий олимлар ва мутахассисларни жалб этган ҳолда тайёрлаш ҳамда соҳага оид хорижий адабиётларнинг ўзбек тилига таржима қилинишини таъминлаш.	Комплекс чора-тадбирлар	2023 йил декабрь	Олий ва ўрта махсус таълим вазирлиги (А. Тошкулов), Халқ таълими вазирлиги (Б. Саидов), Ахборот ва оммавий коммуникациялар агентлиги (А. Ходжаев), Адлия вазирлиги (Р. Давлетов), тизимида олий таълим ташкилотлари бўлган вазирлик ва идоралар
29.	Фуқаролар ва тадбиркорлик субъектларининг ҳуқуқ ва қонуний манфаатларига дахл қилувчи, шунингдек, чет эл инвесторлари учун муҳим аҳамиятга эга интеллектуал мулк соҳасидаги норматив-ҳуқуқий ҳужжатларнинг инглиз тилига таржима қилинишини жадаллаштириш.	Ташкилий чора-тадбирлар	2023 октябрь	Адлия вазирлиги (Р. Давлетов), Инвестициялар ва ташқи савдо вазирлиги (Л. Қудратов), Савдо-саноат палатаси (Д. Ваҳобов), манфаатдор вазирлик ва идоралар
30.	Интеллектуал мулк соҳасининг долзарб масалалари бўйича халқаро экспертлар иштирокида адлия органлари ва муассасалари ходимлари учун хорижий амалиёт, семинар ва ўқув курсларини ташкил этиш.	Ташкилий чора-тадбирлар	2022-2023 йиллар	Адлия вазирлиги (Р. Давлетов), Ташқи ишлар вазирлиги (В. Норов)
31.	Ўзбекистон Республикасининг хориждаги дипломатик ваколатхоналари ва консуллик муассасалари кўмагида интеллектуал мулк соҳасида амалга оширилаётган ислоҳотлар, интеллектуал мулк объектлари ҳуқуқ эгаларининг ҳуқуқлари ва қонуний манфаатларини ҳимоя қилиш соҳасидаги ижобий ўзгаришлар тўғрисида халқаро ҳамжамиятнинг хабардорлик даражасини ошириш.	Ташкилий чора-тадбирлар	2023 йил январь	Адлия вазирлиги (Р. Давлетов), Ташқи ишлар вазирлиги (В. Норов), Ахборот ва оммавий коммуникациялар агентлиги (А. Ходжаев), Давлат божхона қўмитаси (А. Мавлонов)
32.	Ўқишдан бўш вақтларда ёшларнинг интеллектуал мулк соҳаси бўйича билим ва кўникмаларини ошириш мақсадида олий таълим ташкилотларининг (енгил саноат, фармацевтика, қишлоқ хўжалиги ва бошқа йўналишлар) талабалари учун Адлия вазирлиги ҳузуридаги «Интеллектуал мулк маркази» давлат муассасасида амалиёт ўташ тартибини жорий этиш.	Чора-тадбирлар режаси	2022/2023 ўқув йилидан бошлаб (режа-жадвалга мувофиқ)	Адлия вазирлиги (Р. Давлетов), Олий ва ўрта махсус таълим вазирлиги (А. Тошкулов), манфаатдор олий таълим ташкилотлари
33.	Юристлар малакасини ошириш марказида тўлов-шартнома асосидаолий таълим ва илмий-тадқиқот ташкилотлари, аҳоли ва тадбиркорлик субъектлари учун «IP Managment» (Интеллектуал мулкни бошқариш) ўқув курсларини ташкил қилиш. Мазкур ўқув курсларида олий таълим ва илмий-тадқиқот ташкилотлари мутахассислари, аҳоли ва тадбиркорлик субъектларида ўз интеллектуал мулк объектларини ривожлантириш (миллий ва халқаро муҳофаза қилиш, брендинг, ребрендинг, реклама ва бошқалар), уларни фуқаролик муомаласига киритиш орқали фойда олиш тўғрисидаги билим ва кўникмаларини шакллантиришга алоҳида эътибор қаратилади.	Норматив-ҳуқуқий ҳужжат лойиҳаси	2023 йил октябрь	Адлия вазирлиги (Р. Давлетов), Савдо-саноат палатаси (Д. Ваҳобов), манфаатдор вазирлик ва идоралар
34.	Интеллектуал мулкни ҳуқуқий ҳимоя қилишга ихтисослашган журналистларнинг малакасини ошириш учун тўлов-шартнома асосидаўқув курсларни ташкиллаштириш.	Ташкилий чора-тадбирлар	2023 йил октябрь	Ахборот ва оммавий коммуникациялар агентлиги (А. Ходжаев), Ўзбекистон журналистика ва оммавий коммуникациялар университети (Ш. Қудратхўжа), Адлия вазирлиги (Р. Давлетов)
VII. Интеллектуал мулк соҳасидаги халқаро стандартларни имплементация қилиш ва халқаро ҳамкорликни ривожлантириш
35.	Ўзбекистон Республикасининг интеллектуал мулк соҳасидаги халқаро шартномаларга қўшилиши масалаларини ўрганиш. Хусусан: 1) Товар келиб чиққан жой номлари ва географик кўрсаткичлар тўғрисидаги Лиссабон битимининг Женева акти (2015 йил 20 май, Женева); 2) Аудиовизуал ижролар бўйича Пекин шартномаси (2012 йил 24 июнь, Пекин).	Ахборот-таҳлилий маълумотнома	2023 йил ноябрь	Адлия вазирлиги (Р. Давлетов), Ташқи ишлар вазирлиги (В. Норов), Маданият вазирлиги (О. Назарбеков), ЎзМТРК (А. Хаджаев), манфаатдор вазирлик ва идоралар
36.	Жаҳонда интеллектуал мулк соҳасида амалга оширилаётган ислоҳотлар ва бу соҳадаги замонавий тенденциялар тўғрисида ўзаро фикр алмашиш ҳамда илғор хорижий тажрибани ўрганиш учун мулоқот майдонини яратиш мақсадида «XXI асрда интеллектуал мулк» халқаро форумини ўтказиш.	Ташкилий чора-тадбирлар	2023 йил июль	Адлия вазирлиги (Р. Давлетов), Монополияга қарши курашиш қўмитаси (Ш. Шарахметов), Давлат божхона қўмитаси (А. Мавлонов), манфаатдор вазирлик ва идоралар
37.	Ўзбекистон Республикасидаги халқаро ташкилотлар ваколатхоналари, бошқа давлатларнинг интеллектуал мулк бўйича идоралари, халқаро ташкилотлар билан ҳамкорликни, шунингдек, қўшма лойиҳаларни амалга ошириш орқали хорижий донорлар билан алоқаларни фаоллаштириш.	Ҳамкорлик дастури	2022 йил октябрь	Адлия вазирлиги (Р. Давлетов), Ташқи ишлар вазирлиги (В. Норов), Инвестициялар ва ташқи савдо вазирлиги (Л. Қудратов)
38.	БИМТ билан ҳамкорликда республикада фаолият юритувчи ўрта ва кичик тадбиркорлик субъектларининг «WIPO IP Diagnostics» (БИМТ интеллектуал мулк диагностикаси) тизимида кенг иштирок этишини таъминлаш.	Ташкилий чора-тадбирлар	2023 йил сентябрь	Адлия вазирлиги (Р. Давлетов), Ташқи ишлар вазирлиги (В. Норов), Савдо-саноат палатаси (Д. Ваҳобов)

(2-илова Ўзбекистон Республикаси Президентининг 2022 йил 22 августдаги ПФ-194-сонли Фармони таҳририда — Қонунчилик маълумотлари миллий базаси, 23.08.2022 й., 06/22/194/0766-сон)

Ўзбекистон Республикаси Президентининг 2022 йил 26 апрелдаги ПҚ-221-сон қарорига
3-ИЛОВА

2022 — 2026 йилларда Ўзбекистон Республикасида интеллектуал мулк соҳасини ривожлантиришнинг мақсадли кўрсаткичлари (индикаторлари)

Олдинги таҳрирга қаранг.

Т/р	Мақсадли кўрсаткичлар	Ўлчов бирлиги	Йиллик кўрсаткичлар
Т/р	Мақсадли кўрсаткичлар	Ўлчов бирлиги	Жорий ҳолат	2022 йил	2023 йил	2024 йил	2025 йил	2026 йил
Интеллектуал мулк объектларини рўйхатдан ўтказиш фаолиятини жонлантириш
1.	Экспертизадан ўтказилган ихтиролар, фойдали моделлар, саноат намуналари, товар белгилари, селекция ютуқлари, ЭҲМ учун дастурлар, маълумотлар базаларига доир талабномалар сони.	та	6400	6600	6800	7000	7200	7400
2.	Рўйхатдан ўтказилган ихтиролар, фойдали моделлар, саноат намуналари, селекция ютуқлари, товар белгилари, ЭҲМ учун дастурлар, маълумотлар базалари сони.	та	3900	4100	4300	4500	4700	4900
4.	Интеллектуал мулк объектларини халқаро рўйхатдан ўтказиш тартиб ва босқичлари бўйича жисмоний ва юридик шахсларга батафсил маълумот берувчи услубий қўлланмалар тайёрлаш.	соҳа бўйича	4	15	20	25	30	35
Интеллектуал мулк объектларига бўлган ҳуқуқларни ҳимоя қилиш ва контрафакт маҳсулотлар реализациясига қарши курашиш
5.	Интеллектуал мулк объектларига бўлган ҳуқуқлар бузилишининг олдини олиш мақсадида бозорлар, савдо мажмуалари ва кўчма савдо объектларида ўтказилган профилактика тадбирлари сони.	та	180	350	400	450	500	550
6.	Савдо масканларида аниқланган контрафакт маҳсулотлар бўйича соҳалар кесимида тайёрланган кенг жамоатчиликка етказилган контрафакт маҳсулотлар каталоги сони.	тираж	1000	2000	3000	4000	5000	6000
7.	Контрафакт маҳсулотлар, асл маҳсулотлардан уларни фарқлаш, уларнинг зарарлари тўғрисида тайёрланган ва оммавий ахборот воситаларида эълон қилинган ижтимоий роликлар сони.	та	4	10	15	20	25	30
Жамиятда интеллектуал мулкка нисбатан ҳурмат ҳиссини шакллантириш ва аҳолининг ҳуқуқий маданиятини ошириш
8.	Интеллектуал мулк соҳасига, шу жумладан интеллектуал мулкни яратиш, уни рўйхатдан ўтказиш ва ҳуқуқий ҳимоя қилиш йўналишларидаги олий таълим ташкилотлари талабаларини стажировка ва касб ўрганишини йўлга қўйиш	нафар	-	10	20	30	40	50
9.	Адлия вазирлигининг интеллектуал мулк объектларини ҳуқуқий муҳофаза ва ҳимоя қилиш билан боғлиқ фаолияти тўғрисида оммавий ахборот воситаларида, шу жумладан электрон оммавий ахборот воситаларида эълон қилинган материаллар сони.	та	50	250	350	450	550	650
10.	Фуқароларда интеллектуал мулкка нисбатан ҳурмат ҳиссини уйғотиш мақсадида тайёрланган ва тарқатилган материаллар сони.	та	100	2000	3000	4000	5000	5500
11.	Адлия вазирлиги ва ҳудудий адлия органларида ўтказилган «очиқ эшиклар куни» тадбирлари сони.	та	4	14	14	14	14	14
Интеллектуал мулк соҳасидаги халқаро стандартларни имплементация қилиш ва халқаро ҳамкорликни ривожлантириш
12.	Адлия вазирлиги билан интеллектуал мулк соҳаси бўйича хорижий мамлакатларнинг тегишли органлари ва халқаро ташкилотлар ўртасида тузилган халқаро ҳужжатлар сони (икки томонлама шартномалар, меморандумлар, ҳамкорлик чора-тадбирлари ва бошқалар).	та	1	2	5	7	9	10
13.	Илғор тажриба билан танишиш ҳамда малака ошириш мақсадида хорижда амалиёт ўтаган Адлия вазирлиги ходимлари сони (онлайн ёки офлайн шаклда).	нафар	-	10	20	30	40	50
14.	Хорижий аудиторияни мамлакатда олиб борилаётган ислоҳотлардан хабардор қилиш мақсадида халқаро босма ва электрон нашрларда эълон қилинган материаллар сони	та	-	3	5	7	9	12

Изоҳ:

3 ва 10-бандлардаги мақсадли кўрсаткичлар йилдан-йилга қўшилиб борилади (ўсиб борувчи).

(3-илова Ўзбекистон Республикаси Президентининг 2024 йил 24 майдаги ПФ-80-сонли Фармони таҳририда — Қонунчилик маълумотлари миллий базаси, 25.05.2024 й., 06/24/80/0364-сон)

Ўзбекистон Республикаси Президентининг 2022 йил 26 апрелдаги ПҚ-221-сон қарорига
4-ИЛОВА

ГРАФИГИ

Т/р	Масъуллар*	Ўқув машғулотларини ўтказиш жойи	Ўқув машғулотларини ўтказиш муддати**
I. Давлат органларининг марказий аппарати ходимларини ўқитиш
1.	Т. Абдусаттаров, А. Мавлонов, Ш. Шарахметов, С. Қариев, Д. Рахимов, Д. Сатторов	Адлия вазирлиги	2022 йил 5 — 7 май
		Давлат божхона қўмитаси	2022 йил 10 — 12 май
		Монополияга қарши курашиш қўмитаси	2022 йил 17 — 19 май
		Фармацевтика тармоғини ривожлантириш агентлиги	2022 йил 24-25 май
		Иқтисодий жиноятларга қарши курашиш департаменти	2022 йил 26 — 27 май
		Ўзбекистон техник жиҳатдан тартибга солиш агентлиги	2022 йил 1-2 июнь
II. Давлат ташкилотларининг ҳудудий бўлинмалари ҳамда маҳаллий ҳокимликларнинг ходимларини ўқитиш
2.	1-гуруҳ Е. Каньязов, И. Мухторов, Ф. Карабаев, У. Мухамедов, У. Эгамов, Ж. Шукуров	Андижон вилояти	2022 йил 5 — 7 май
3.		Бухоро вилояти	2022 йил 10 — 12 май
4.		Фарғона вилояти	2022 йил 17 — 19 май
5.		Жиззах вилояти	2022 йил 24-25 май
6.		Хоразм вилояти	2022 йил 26 — 27 май
7.		Наманган вилояти	2022 йил 1 — 3 июль
8.		Тошкент шаҳри	2022 йил 8 — 10 июль
9.	2-гуруҳ Б. Сагдуллаев, О. Ибрагимов, Б. Умматов, Ш. Алиризаев, Ж. Эшмурадов, А. Абдукаюмов	Навоий вилояти	2022 йил 3 — 5 май
10.		Қашқадарё вилояти	2022 йил 10 — 12 май
11.		Самарқанд вилояти	2022 йил 17 — 19 май
12.		Сирдарё вилояти	2022 йил 24-25 май
13.		Сурхондарё вилояти	2022 йил 26-27 май
14.		Тошкент вилояти	2022 йил 1 — 3 июль
15.		Қорақалпоғистон Республикаси	2022 йил 8 — 10 июль

* Ўқув машғулотларини ўтказиш учун Адлия вазирлиги, Давлат божхона қўмитаси, Монополияга қарши курашиш қўмитаси, Фармацевтика тармоғини ривожлантириш агентлиги, Иқтисодий жиноятларга қарши курашиш департаменти ҳамда Ўзбекистон техник жиҳатдан тартибга солиш агентликлари масъул ҳисобланади.

** Режа-жадвалда белгиланган ўқув машғулотларини ўтказиш муддатлари масъуллар томонидан заруратга кўра ўзгартирилиши мумкин.

Ўзбекистон Республикаси Президентининг 2022 йил 26 апрелдаги ПҚ-221-сон қарорига
5-ИЛОВА

Интеллектуал мулкни рўйхатга олиш ва уни фуқаролик муомаласига киритишни хўжалик юритувчи субъектлар ходимларига ўргатиш бўйича ўқув машғулотларни ўтказиш

ГРАФИГИ

Т/р	Ўқув машғулотларини ўтказиш жойи*	Ўқув машғулотларини ўтказиш муддати	Масъул ижрочилар
1.	«Ўзтўқимачиликсаноат» уюшмаси	2022 йил 14 июнь	Адлия вазирлиги, Савдо-саноат палатаси
2.	«Ўзэлтехсаноат» уюшмаси	2022 йил 16 июнь
3.	«Навоий кон-металлургия комбинати» акциядорлик жамияти	2022 йил 21 июнь
4.	«Олмалиқ кон-металлургия комбинати» акциядорлик жамияти	2022 йил 23 июнь
5.	«Ўзкимёсаноат» акциядорлик жамияти	2022 йил 28 июнь
6.	«Ўзчармсаноат» уюшмаси	2022 йил 30 июнь
7.	«Ўзбекистон Республикаси товар-хом ашё биржаси» акциядорлик жамияти	2022 йил 5 июль
8.	«Ўзбекистон кабель телевиденияси» масъулияти чекланган жамияти	2022 йил 7 июль
9.	«Дори воситалари, тиббий буюмлар ва тиббий техника экспертизаси ва стандартлаштириш давлат маркази» давлат унитар корхонаси	2022 йил 12 июль

* Тегишли хўжалик юритувчи субъектларнинг ҳудудий бўлинмалари учун ўқув машғулотлари бевосита улар фаолият юритувчи ҳудудларда ўтказилади.

Ўзбекистон Республикаси Президентининг 2022 йил 26 апрелдаги ПҚ-221-сон қарорига
6-ИЛОВА

Олий таълим ва илмий-тадқиқот муассасалари ходимларининг интеллектуал мулк соҳасидаги малакасини ошириш юзасидан ўтказиладиган ўқув машғулотлари

ГРАФИГИ

Т/р	Ўқув машғулотларини ўтказиш жойи*	Ўқув машғулотларини ўтказиш муддати	Масъул ижрочилар
I. Олий таълим муассасалари
1.	Андижон машинасозлик институти	2022 йил июнь — июль	Адлия вазирлиги, Инновацион ривожланиш вазирлиги, Олий ва ўрта махсус таълим вазирлиги
2.	Бухоро муҳандислик-технология институти
3.	Жиззах политехника институти
4.	Фарғона политехника институти
5.	Наманган муҳандислик-технология институти
6.	Навоий давлат кончилик ва технологиялар университети
7.	Миллий рассомчилик ва дизайн институти
8.	Тошкент давлат техника университети	2022 йил август
9.	Тошкент тўқимачилик ва енгил саноат институти
10.	Тошкент кимё-технология институти
11.	«Тошкент ирригация ва қишлоқ хўжалиги механизациялаш муҳандислари институти» Миллий тадқиқот университети
12.	Тошкент давлат аграр университети
13.	Тошкент тиббиёт академияси
14.	Тошкент фармацевтика институти
15.	Самарқанд давлат тиббиёт университети
II. Илмий-тадқиқот муассасалари
16.	Ўзбекистон Фанлар академияси Ўсимлик моддалар кимёси институти	2022 йил август — сентябрь	Адлия вазирлиги, Инновацион ривожланиш вазирлиги, Фанлар академияси
17.	Ўзбекистон Фанлар академияси Генетика ва ўсимликлар экспериментал биологияси институти
18.	Ўзбекистон Фанлар академияси Геномика ва биоинформатика маркази
19.	Ўзбекистон Фанлар академияси Биоорганик кимё институти
20.	Ўзбекистон Фанлар академияси Ядро физикаси институти
21.	Ўзбекистон Фанлар академияси Ион-плазма ва лазер технологиялари институти
22.	Ўзбекистон Фанлар академияси Қорақалпоғистон табиий фанлар илмий-текшириш институти
23.	Қоракўлчилик ва чўл экологияси илмий-тадқиқот институти

* Ўқув машғулотлари бевосита тегишли олий таълим ва илмий-тадқиқот муассасаларида ўтказилади.

Ўзбекистон Республикаси Президентининг 2022 йил 26 апрелдаги ПҚ-221-сон қарорига
7-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча

1. Ўзбекистон Республикаси Президентининг 2008 йил 15 июлдаги «Инновацион лойиҳалар ва технологияларни ишлаб чиқаришга татбиқ этишни рағбатлантириш борасидаги қўшимча чора-тадбирлар тўғрисида»ги ПҚ-916-сон қарорига 1-илованинг рус тилидаги матни 4-позицияси «Ответственные исполнители» устунидаги «Агентство по интеллектуальной собственности Республики Узбекистан» сўзлари «Минюст» сўзи билан алмаштирилсин.

2. Ўзбекистон Республикаси Президентининг 2018 йил 21 ноябрдаги ПҚ-4024-сон қарори билан тасдиқланган Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекцияси тўғрисидаги низомнинг 10-банди 3-кичик банди тўртинчи хатбошисидаги «Интеллектуал мулк агентлигига» сўзлари «Адлия вазирлигига» сўзлари билан алмаштирилсин.

3. Ўзбекистон Республикаси Президентининг 2019 йил 2 февралдаги ПҚ-4151-сон қарори билан тасдиқланган Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги тўғрисидаги низомнинг 12-банди 2-кичик бандининг ўн иккинчи хатбошиси қуйидаги таҳрирда баён этилсин:

«китоб нашр этишда, электрон ва аудио китоблар яратишда муаллифлик ҳуқуқлари бузилишини олдини олиш юзасидан чоралар кўради, нашриётлар, электрон ва аудио китоблар яратиш фаолиятини амалга оширувчи субъектлар фаолиятида қонунбузарликларни аниқлаш ва бартараф этиш, республика ҳудудида ноширлик-матбаа фаолияти соҳасида контрафакт маҳсулотлар тайёрланиши, нашр қилиниши ва сотилишини бартараф қилиш борасида ҳуқуқни муҳофаза қилувчи, божхона, солиқ ва бошқа давлат органлари билан ўзаро ҳамкорлик қилади».

4. Ўзбекистон Республикаси Президентининг 2019 йил 8 февралдаги «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги ПҚ-4168-сон қарори 3-бандининг иккинчи — тўртинчи хатбошиларидаги тегишли келишикдаги «Агентлик» сўзи тегишли келишикдаги «Адлия вазирлиги» сўзлари билан алмаштирилсин.

5. Ўзбекистон Республикаси Президентининг 2019 йил 13 декабрдаги «Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация маркази фаолиятини янада такомиллаштириш чора-тадбирлари тўғрисида»ги ПҚ-4550-сон қарорининг 9-банди учинчи хатбошисидаги ва 13-банддаги «ҳузуридаги Интеллектуал мулк агентлиги» сўзлари чиқариб ташлансин.

6. Ўзбекистон Республикаси Президентининг 2021 йил 28 январдаги «Интеллектуал мулк объектларини муҳофаза қилиш тизимини такомиллаштириш чора-тадбирлари тўғрисида»ги ПҚ-4965-сон қарорида:

а) 2-банддаги «Адлия вазирлиги ҳузуридаги Интеллектуал мулк агентлиги (кейинги ўринларда — Агентлик)» сўзлари «Адлия вазирлиги (кейинги ўринларда — Вазирлик)» сўзлари билан алмаштирилсин;

б) 4-бандда:

иккинчи хатбошидаги «Агентликнинг бюджетдан ташқари» сўзлари «Адлия вазирлигининг Интеллектуал мулкни ривожлантириш жамғармаси» сўзлари билан алмаштирилсин;

олтинчи хатбошидаги «Агентлик» сўзи «Вазирлик» сўзи билан алмаштирилсин;

в) 6-бандда:

иккинчи ва учинчи хатбошиларидаги «Агентлик» сўзи «Вазирлик» сўзи билан алмаштирилсин;

тўртинчи хатбошидаги «Агентликнинг бюджетдан ташқари» сўзлари «Адлия вазирлигининг Интеллектуал мулкни ривожлантириш жамғармаси» сўзлари билан алмаштирилсин;

г) 1-иловада:

11, 17, 19 ва 20-позицияларнинг «Масъул ижрочилар» устунидаги «Интеллектуал мулк агентлиги (Т. Абдусаттаров)» сўзлари «Адлия вазирлиги (Р. Давлетов)» сўзлари билан алмаштирилсин;

18-позиция «Масъул ижрочилар» устунидан «Интеллектуал мулк агентлиги (Т. Абдусаттаров)» сўзлари чиқариб ташлансин;

д) 2-иловада:

1, 6, 10, 14 — 17 ва 19 позициялар «Масъул ижрочилар» устунидаги «Интеллектуал мулк агентлиги (Т. Абдусаттаров)» сўзлари «Адлия вазирлиги (Р. Давлетов)» сўзлари билан алмаштирилсин;

7 ва 8-позициялар «Масъул ижрочилар» устунидан «Интеллектуал мулк агентлиги (Т. Абдусаттаров)» сўзлари чиқариб ташлансин.

7. Ўзбекистон Республикаси Президентининг 2021 йил 1 апрелдаги ПҚ-5047-сон қарори билан тасдиқланган Илм-фанни молиялаштириш ва инновацияларни қўллаб-қувватлаш жамғармаси тўғрисида низомда:

а) 4-банднинг иккинчи хатбошисидаги «Адлия вазирлиги ҳузуридаги Интеллектуал мулк агентлигига» сўзлари «Адлия вазирлигига» сўзлари билан алмаштирилсин;

б) 5-банд қуйидаги таҳрирда баён этилсин:

«5. Мазкур Низомнинг 4-бандида кўрсатилган Ўзбекистон Республикаси Адлия вазирлигининг чет эл валютасидаги маблағлари Вазирлик томонидан Жамғарманинг ҳисобварақларига ҳар ойда валютанинг ҳар бир тури бўйича алоҳида ҳисобот ойидан кейинги ойнинг 10-кунигача ўтказилади».

8. Вазирлар Маҳкамасининг 2018 йил 23 мартдаги 213-сон қарори билан тасдиқланган Дори воситалари, тиббий буюмлар ва тиббий техникани давлат рўйхатидан ўтказиш ҳамда рўйхатдан ўтказилганлик гувоҳномаси бериш тартиби тўғрисидаги низомнинг 22-бандида:

қуйидаги мазмундаги олтинчи хатбоши билан тўлдирилсин:

«дори воситалари, тиббий буюмлар ва тиббий техникаларга нисбатан интеллектуал мулк объектларига бўлган ҳуқуқларнинг бузилганлиги»;

олтинчи хатбоши еттинчи хатбоши деб ҳисоблансин.

Ўзбекистон Республикаси Президентининг 2022 йил 26 апрелдаги ПҚ-221-сон қарорига
8-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

РЎЙХАТИ

1. Ўзбекистон Республикаси Президентининг 2019 йил 1 июлдаги «Ўзбекистон Республикаси Адлия вазирлиги ҳузуридаги Интеллектуал мулк агентлиги фаолиятини ташкил этиш чора-тадбирлари тўғрисида»ги ПҚ-4380-сон қарорининг 7-банди ва қарорга 2-илованинг 2-банди.

2. Вазирлар Маҳкамасининг 2019 йил 20 июлдаги «Ўзбекистон Республикаси Адлия вазирлиги ҳузуридаги Интеллектуал мулк агентлиги тўғрисидаги низомни тасдиқлаш ҳақида»ги 609-сон қарори.

3. Вазирлар Маҳкамасининг 2021 йил 28 июлдаги «Вазирликлар, давлат қўмиталари, давлат бошқарувининг бошқа органлари ва хўжалик бирлашмалари раҳбарлари ўринбосарларининг фаолияти самарадорлигини ҳамда мақсадли вазифаларга эришишларини баҳолашнинг асосий мезонларини тасдиқлаш тўғрисида»ги 467-сон қарорига 5-илованинг XI ва XIII-бўлимлари.

4. Вазирлар Маҳкамасининг 2022 йил 25 февралдаги «Фаолиятни бошлаш ёки тугатиш учун ваколатли органни хабардор қилиш тартиби тўғрисидаги ягона низомни тасдиқлаш ҳақида»ги 88-сон қарорига 3-илованинг 23-банди.

(Қонунчилик маълумотлари миллий базаси, 26.04.2022 й., 07/22/221/0357-сон, 23.08.2022 й., 06/22/194/0766-сон; 07.07.2023 й., 06/23/108/0460-сон; 25.05.2024 й., 06/24/80/0364-сон)