«Виждон эркинлиги ва диний ташкилотлар тўғрисида»ги Ўзбекистон Республикаси Қонуни ижросини таъминлаш мақсадида Вазирлар Маҳкамаси қарор қилади:

1. «Виждон эркинлиги ва диний ташкилотлар тўғрисида»ги Ўзбекистон Республикаси Қонунининг 29-моддасида диний ташкилотнинг фаолияти тугатилганда кредиторларнинг даъволари бўйича ундириш қаратилиши мумкин бўлмаган, ибодат қилиш учун мўлжалланган мол-мулкнинг рўйхати Ўзбекистон Республикаси Вазирлар Маҳкамаси томонидан белгиланиши назарда тутилганлиги маълумот учун қабул қилинсин.

2. Диний ташкилотнинг фаолияти тугатилганда кредиторларнинг даъволари бўйича ундириш қаратилиши мумкин бўлмаган, ибодат қилиш учун мўлжалланган мол-мулкнинг рўйхати иловага мувофиқ тасдиқлансин.

3. Вазирлар Маҳкамаси ҳузуридаги Дин ишлари бўйича қўмита манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

4. Мазкур қарорнинг бажарилишини назорат қилиш Вазирлар Маҳкамасининг Ёшлар, жамоат ташкилотлари, маҳалла ва оилани қўллаб-қувватлаш масалалари котибиятига ҳамда Вазирлар Маҳкамаси ҳузуридаги Дин ишлари бўйича қўмита раиси С.Д. Тошбоев зиммасига юклансин.

1. Масжидда намоз ибодатини адо этиш учун мўлжалланган мато (жойнамоз).

2. Масжидда маъруза учун мўлжалланган минбар.

3. Масжидда ибодат йўналишини белгилаш учун ўрнатиладиган меҳроб.

4. Диний мазмундаги адабиётлар.

5. Ибодатларда фойдаланиладиган тасбеҳ.

6. Жума намози маърузасида фойдаланиладиган ҳасса.

7. Шиалик йўналишида намоз ибодатида сажда учун фойдаланиладиган тош.

8. Намозхон ибодати давомида олдига қўйиб фойдаланадиган тўсиқлар (сутра).

9. Намоз вақтларини кўрсатувчи таблолар.

10. Қуръон ўқиш учун ишлатиладиган тагтахтачалар (лавҳ).

11. Авлиёлар жасади бўлаклари солинадиган идиш.

12. Деворий мозаика.

13. Деворий сурат.

14. Диний мазмундаги деворий ёпинғич.

15. Икона.

16. Икона қўйиш учун мослама.

17. Иконостас (иконалар жамламаси).

18. Исо Масиҳнинг хочга михланган тимсоли.

19. Исо Масиҳ ҳайкали.

20. Маъбуд ҳайкали.

21. Меҳроб (алтарь).

22. Меҳроб учун ёпинғич.

23. Меҳроб учун стол.

24. Минбар (трибуна).

25. Мой солинадиган идиш.

26. Мусиқий ликобча.

27. Муқаддас нон солинадиган қути.

28. Ноғора.

29. Орган (мусиқа асбоби).

30. Руҳонийларнинг ибодат либоси.

31. Санамлар ҳайкалчаси.

32. Тавба қилиш ва гуноҳларни кечириш (индульгенция) кўчма хонаси.

33. «Таврот» китоби ўрами.

34. Чўқинтириш учун ликобча.

35. Чўқинтириш учун ўтириш мосламаси.

36. Шамдон (лампада, минора).

37. Қўнғироқ.

38. Хоч.

39. Хоч қўйиш учун мослама.