Ўзбекистон Республикаси Президентининг

Қарори

«Очиқ бюджет» ахборот портали орқали жамоатчилик фикри асосида шаклланган тадбирларни молиялаштиришни янада кенгайтириш чора-тадбирлари тўғрисида

Фуқароларни бюджет жараёнига жалб қилиш механизмининг ишга туширилиши жойларда аҳолини қийнаб келаётган муаммоларнинг ечимини топиш ва жамоатчиликни бюджет жараёнининг иштирокчисига айлантиришда алоҳида восита бўлиб хизмат қилмоқда.

2021 йилда ўтказилган ташаббусли бюджетлаштириш жараёнида фуқаролардан келиб тушган мурожаатларда баён этилган ўринли ва долзарб муаммоларни қисқа муддатларда бартараф этиш, давлат бюджетини шакллантириш ва ҳудудларни ижтимоий-иқтисодий ривожлантириш лойиҳаларини ишлаб чиқиш жараёнига аҳолини фаол жалб этиш мақсадида:

1. Молия вазирлиги ҳамда Иқтисодий тараққиёт ва камбағалликни қисқартириш вазирлигининг Ўзбекистон Республикаси республика бюджетидан 1-иловага мувофиқ 2021 йил 1 октябрга қадар:

Фуқаролар ташаббуси жамғармасида (кейинги ўринларда — Жамғарма) 1 млрд сўмдан кам маблағ шаклланган туман ва шаҳарлар учун қўшимча 57,9 млрд сўм;

«Очиқ бюджет» ахборот портали орқали келиб тушган таклифлар сони 100 тадан ортиқ бўлган туман ва шаҳарларга қўшимча 59,5 млрд сўм маблағ ажратиш тўғрисидаги таклифлари маъқуллансин.

2. Шундай тартиб ўрнатилсинки, унга мувофиқ 2022 йил 1 январдан бошлаб туман ва шаҳарлар бюджетлари параметрларида ҳудудий ички йўлларни таъмирлаш учун ажратиладиган маблағларнинг 50 фоизи «Очиқ бюджет» ахборот портали орқали жамоатчилик фикри асосида аниқланган ички йўлларни таъмирлашга йўналтирилади.

Молия вазирлиги икки ой муддатда ҳудудий ички йўлларни таъмирлаш учун ажратиладиган маблағларнинг 50 фоизини «Очиқ бюджет» ахборот портали орқали жамоатчилик фикри асосида аниқланган ички йўлларни таъмирлашга йўналтириш тартибини ишлаб чиқсин ва тасдиқласин.

3. Белгилансинки:

туман ва шаҳар ҳокимлари Жамғармага маблағларнинг ўз вақтида ўтказилиши ҳамда Жамғарма маблағларидан мақсадли фойдаланилиши бўйича шахсан жавобгар ҳисобланади;

туманлар ва шаҳарлар ҳокимликлари томонидан ҳар чоракда чоракдан кейинги ойнинг 25-санасига қадар жамоатчилик фикри асосида шакллантирилган тадбирларни молиялаштириш бўйича маълумотлар ўзларининг расмий веб-сайтлари ва «Очиқ бюджет» ахборот порталига жойлаштириб борилади;

мазкур банднинг учинчи хатбошисида назарда тутилган қоидани бузиш бюджет жараёнининг очиқлигини таъминлаш тартибини бузиш деб баҳоланади.

4. Молия вазирлиги:

уч ой муддатда «Очиқ бюджет» ахборот портали ҳамда туман ва шаҳарлар ҳокимликларининг расмий веб-сайтларида ташаббусли бюджетлаштириш натижалари бўйича маълумотларни жойлаштириб бориш тартиби ва шаклларини тасдиқласин;

халқаро ташкилотларни жалб қилган ҳолда ташаббусли бюджетлаштириш жараёнида ҳудудлар томонидан йўл қўйилган камчиликларнинг таҳлиллари асосида ушбу жараённи такомиллаштириш бўйича Вазирлар Маҳкамасига таклиф киритиб борсин;

фуқароларнинг ташаббусли бюджетлаштириш жараёнига жалб этилиши даражаси бўйича ҳудудлар рейтингини жорий этсин ҳамда уни «Очиқ бюджет» ахборот порталига жойлаштириб борсин;

ташаббусли бюджетлаштириш жараёнини бошқаришда молия органларининг вазифаларини аниқ белгилаган ҳолда мазкур жараённи мувофиқлаштириб борсин.

5. Ташаббусли бюджетлаштириш жараёнини янада такомиллаштириш бўйича «Йўл харитаси» 2-иловага мувофиқ тасдиқлансин.

Олдинги таҳрирга қаранг.

6. Маҳалла ва нуронийларни қўллаб-қувватлаш вазирлиги Ёшлар ишлари агентлиги ва Молия вазирлиги билан биргаликда:

(6-банднинг биринчи хатбошиси Ўзбекистон Республикаси Президентининг 2022 йил 25 октябрдаги ПҚ-409-сон қарори таҳририда — Қонунчилик маълумотлари миллий базаси, 26.10.2022 й., 07/22/409/0956-сон)

ташаббусли бюджетлаштириш жараёнини амалга ошириш механизми ва унинг моҳиятини аҳоли ўртасида тизимли равишда кенг ёритиб борилишини таъминласин;

ҳар бир маҳалла ва овулда «Очиқ бюджет» ахборот порталида таклиф қолдириш ва овоз бериш жараёнига кўмаклашувчи «мобил» гуруҳлар ҳамда «ташаббускорлар бурчаги» ни ташкил этсин;

Олдинги таҳрирга қаранг.

6¹. 2023 йил 1 январга қадар Ахборот технологиялари ва коммуникацияларини ривожлантириш вазирлиги ҳамда Молия вазирлиги Дастурий маҳсулотлар ва ахборот технологиялари технологик парки дирекцияси билан биргаликда илғор компанияларни жалб этган ҳолда «Очиқ бюджет» ахборот порталини янада такомиллаштириш ҳамда уни сифатли ва узлуксиз фаолият юритишини таъминлаш чораларини кўрсин.

(6¹-банд Ўзбекистон Республикаси Президентининг 2022 йил 25 октябрдаги ПҚ-409-сон қарорига асосан киритилган — Қонунчилик маълумотлари миллий базаси, 26.10.2022 й., 07/22/409/0956-сон)

Олдинги таҳрирга қаранг.

6². Иқтисодиёт ва молия вазирлигининг ижтимоий лойиҳаларни самарали амалга ошириш ва аҳолининг мурожаатларига тезкор жавоб бериш мақсадида Иқтисодиёт ва молия вазирлиги ҳузурида «Ахборот технологиялари маркази» ДУК ҳузурида «СМС-хабар хизмати маркази» давлат муассасасини ташкил этиш юзасидан таклифига розилик берилсин.

(6²-банд Ўзбекистон Республикаси Президентининг 2024 йил 25 декабрдаги ПҚ-455-сон қарорига асосан киритилган — Қонунчилик маълумотлари миллий базаси, 30.12.2024 й., 07/24/455/1092-сон. Кучга кириш санаси — 2025 йил 1 январь)

7. Мазкур қарорнинг ижросини самарали ташкил қилишга масъул ва шахсий жавобгар этиб молия вазири Т.А. Ишметов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 22 сентябрь,

ПҚ-5250-сон

Ўзбекистон Республикаси Президентининг 2021 йил 22 сентябрдаги ПҚ-5250-сон қарорига
1-ИЛОВА

Фуқаролар ташаббуси жамғармасида 1 млрд сўмдан кам маблағ шаклланган ҳамда келиб тушган таклифлар сони 100 тадан ортиқ бўлган туман ва шаҳарларга Ўзбекистон Республикаси республика бюджетидан қўшимча равишда ажратилаётган маблағлар

МИҚДОРИ

				млн. сўм
Т/р	Ҳудуд номи	Ажратиладиган қўшимча маблағ миқдори	шундан:
Т/р	Ҳудуд номи	Ажратиладиган қўшимча маблағ миқдори	1 миллиард сўмдан кам маблағ шаклланган туман ва шаҳарларга	келиб тушган таклифлар сони 100 тадан ортиқ бўлган туман ва шаҳарларга
	Жами	117 416	57 916	59 500
	шу жумладан:
	Қорақалпоғистон Республикаси бўйича жами	13 003	5 003	8 000
1.	Нукус шаҳри	500		500
2.	Тахиатош тумани	500		500
3.	Беруний тумани	500		500
4.	Тўрткўл тумани	500		500
5.	Қўнғирот тумани	507	7	500
6.	Мўйноқ тумани	578	78	500
7.	Элликқалъа тумани	654	154	500
8.	Хўжайли тумани	728	228	500
9.	Нукус тумани	734	234	500
10.	Амударё тумани	750	250	500
11.	Чимбой тумани	983	483	500
12.	Қонликўл тумани	1 022	522	500
13.	Қораўзак тумани	1 065	565	500
14.	Шуманай тумани	1 197	697	500
15.	Тахтакўпир тумани	1 350	850	500
16.	Бўзатов тумани	1 435	935	500
	Андижон вилояти бўйича жами	17 521	12 021	5 500
17.	Қўрғонтепа тумани	1 216	716	500
18.	Марҳамат тумани	1 233	733	500
19.	Шаҳрихон тумани	1 240	740	500
20.	Андижон шаҳри	1 250	750	500
21.	Улуғнор тумани	1 252	752	500
22.	Балиқчи тумани	1 269	769	500
23.	Андижон тумани	771	771
24.	Избоскан тумани	1 280	780	500
25.	Хўжаобод тумани	802	802
26.	Бўз тумани	1 341	841	500
27.	Булоқбоши тумани	1 346	846	500
28.	Пахтаобод тумани	1 365	865	500
29.	Олтинкўл тумани	1 368	868	500
30.	Жалақудуқ тумани	889	889
31.	Хонобод шаҳри	899	899
	Бухоро вилояти бўйича жами	11 747	5 747	6 000
32.	Бухоро шаҳри	500		500
33.	Шофиркон тумани	579	79	500
34.	Жондор тумани	838	338	500
35.	Бухоро тумани	843	343	500
36.	Ромитан тумани	909	409	500
37.	Вобкент тумани	883	383	500
38.	Пешку тумани	962	462	500
39.	Когон тумани	1 111	611	500
40.	Олот тумани	1 261	761	500
41.	Когон шаҳри	1 251	751	500
42.	Қоракўл тумани	1 304	804	500
43.	Қоровулбозор тумани	1 306	806	500
	Жиззах вилояти бўйича жами	10 249	5 249	5 000
44.	Жиззах шаҳри	500		500
45.	Пахтакор тумани	833	333	500
46.	Зарбдор тумани	862	362	500
47.	Ғаллаорол тумани	1 015	515	500
48.	Бахмал тумани	1 018	518	500
49.	Арнасой тумани	1 074	574	500
50.	Фориш тумани	470	470
51.	Мирзачўл тумани	1 134	634	500
52.	Шароф Рашидов тумани	1 039	539	500
53.	Зомин тумани	1 101	601	500
54.	Янгиобод тумани	1 203	703	500
	Қашқадарё вилояти бўйича жами	2 625	125	2 500
55.	Шаҳрисабз тумани	500		500
56.	Миришкор тумани	500		500
57.	Деҳқонобод тумани	625	125	500
58.	Нишон тумани	500		500
59.	Муборак тумани	500		500
	Навоий вилояти бўйича жами	8 617	5 117	3 500
60.	Кармана тумани	571	71	500
61.	Қизилтепа тумани	1 137	637	500
62.	Конимех тумани	676	676
63.	Навоий шаҳри	508	8	500
64.	Ғозғон тумани	803	803
65.	Учқудуқ тумани	688	188	500
66.	Зарафшон шаҳри	1 031	531	500
67.	Томди тумани	671	671
68.	Навбаҳор тумани	1 213	713	500
69.	Нурота тумани	1 319	819	500
	Наманган вилояти бўйича жами	7 183	2 183	5 000
70.	Поп тумани	500		500
71.	Тўрақўрғон тумани	500		500
72.	Мингбулоқ тумани	500		500
73.	Учқўрғон тумани	500		500
74.	Косонсой тумани	631	131	500
75.	Наманган тумани	655	155	500
76.	Янгиқўрғон тумани	837	337	500
77.	Норин тумани	925	425	500
78.	Уйчи тумани	973	473	500
79.	Чортоқ тумани	1 162	662	500
	Самарқанд вилояти бўйича жами	5 430	2 430	3 000
80.	Самарқанд тумани	500		500
81.	Ургут тумани	500		500
82.	Каттақўрғон шаҳри	500		500
83.	Пахтачи тумани	206	206
84.	Тойлоқ тумани	500		500
85.	Жомбой тумани	611	111	500
86.	Қўшрабод тумани	119	119
87.	Пастдарғом тумани	599	599
88.	Пайариқ тумани	545	545
89.	Иштихон тумани	1 350	850	500
	Сурхондарё вилояти бўйича жами	5 419	4 419	1 000
90.	Денов тумани	165	165
91.	Бойсун тумани	80	80
92.	Сариосиё тумани	457	457
93.	Жарқўрғон тумани	290	290
94.	Термиз шаҳри	500		500
95.	Музрабод тумани	546	546
96.	Бандихон тумани	608	608
97.	Қизириқ тумани	601	601
98.	Қумқўрғон тумани	698	698
99.	Узун тумани	1 205	705	500
100.	Шўрчи тумани	269	269
	Сирдарё вилояти бўйича жами	8 518	5 518	3 000
101.	Сардоба тумани	500		500
102.	Сирдарё тумани	944	444	500
103.	Гулистон шаҳри	150	150
104.	Гулистон тумани	763	763
105.	Боёвут тумани	1 198	698	500
106.	Сайхунобод тумани	1 087	587	500
107.	Мирзаобод тумани	1 100	600	500
108.	Ширин шаҳри	1 420	920	500
109.	Янгиер шаҳри	806	806
110.	Оқолтин тумани	550	550
	Тошкент вилояти бўйича жами	5 221	1 221	4 000
111.	Тошкент тумани	500		500
112.	Ангрен шаҳри	500		500
113.	Чирчиқ шаҳри	500		500
114.	Олмалиқ шаҳри	550	50	500
115.	Паркент тумани	83	83
116.	Бекобод шаҳри	149	149
117.	Янгийўл шаҳри	176	176
118.	Оҳангарон тумани	500		500
119.	Оҳангарон шаҳри	770	270	500
120.	Чиноз тумани	814	314	500
121.	Юқоричирчиқ тумани	500		500
122.	Пискент тумани	123	123
123.	Янгийўл тумани	56	56
	Фарғона вилояти бўйича жами	13 943	6 943	7 000
124.	Ёзёвон тумани	500		500
125.	Ўзбекистон тумани	500		500
126.	Тошлоқ тумани	500		500
127.	Қўқон шаҳри	500		500
128.	Қува тумани	619	119	500
129.	Марғилон шаҳри	667	167	500
130.	Қувасой шаҳри	809	309	500
131.	Фарғона тумани	832	332	500
132.	Риштон тумани	856	356	500
133.	Учкўприк тумани	371	371
134.	Олтиариқ тумани	392	392
135.	Қўштепа тумани	988	488	500
136.	Бувайда тумани	548	548
137.	Фурқат тумани	1 079	579	500
138.	Данғара тумани	647	647
139.	Сўх тумани	1 316	816	500
140.	Бешариқ тумани	1 368	868	500
141.	Бағдод тумани	1 451	951	500
	Хоразм вилояти бўйича жами	7 940	1 940	6 000
142.	Урганч тумани	500		500
143.	Тупроққалъа тумани	531	31	500
144.	Хива шаҳри	609	109	500
145.	Шовот тумани	500		500
146.	Хива тумани	645	145	500
147.	Гурлан тумани	567	67	500
148.	Ҳазорасп тумани	500		500
149.	Боғот тумани	642	142	500
150.	Қўшкўпир тумани	500		500
151.	Янгиариқ тумани	614	114	500
152.	Урганч шаҳри	1 007	507	500
153.	Янгибозор тумани	1 325	825	500

Ўзбекистон Республикаси Президентининг 2021 йил 22 сентябрдаги ПҚ-5250-сон қарорига
2-ИЛОВА

Ташаббусли бюджетлаштириш жараёнини янада такомиллаштириш бўйича

«ЙЎЛ ХАРИТАСИ»

Т/р	Чора-тадбирлар номи	Амалга ошириш шакли	Ижро муддатлари	Масъул ижрочилар
I. Жамоатчилик фикри асосида шакллантирилган тадбирларни амалга ошириш тартибини такомиллаштириш
1.	2021 йилда тажриба тариқасида танланган туман ва шаҳарларда ташаббусли бюджетлаштириш натижаларини ҳисобга олган ҳолда «Очиқ бюджет» ахборот порталини такомиллаштириш.	Ташкилий чора-тадбирлар	2022 йил I чорак	Молия вазирлиги (А. Хайдаров)
2.	Халқаро экспертларни жалб қилган ҳолда манфаатдор вазирлик ва идоралар билан биргаликда ташаббусли бюджетлаштиришнинг янги амалиётларини жорий этиш бўйича услубий кўрсатмалар ишлаб чиқиш.	Норматив-ҳуқуқий ҳужжат	2022 йил III чорак	Молия вазирлиги (А. Хайдаров), вазирлик ва идоралар, халқаро ташкилотлар (келишув асосида)
3.	Жамоатчилик фикри асосида шакллантирилган таклифларни илгари суриш ва тадбирларни саралаш жараёнини тартибга солишга доир норматив-ҳуқуқий ҳужжатларга фуқаролар томонидан билдирилган таклиф ва мулоҳазалар асосида ўзгартириш ва қўшимчалар киритиш.	Норматив-ҳуқуқий ҳужжат	2022 йил IV чорак	Молия вазирлиги (А. Хайдаров)
4.	Фуқаролар ташаббуси жамғармаси маблағлари ҳисобидан амалга оширилган лойиҳалар орасида «Йил ташаббуси» танловини ташкил этиш ва ўтказиш.	Ташкилий чора-тадбирлар	Ҳар йили март ойида	Молия вазирлиги (А. Хайдаров), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
5.	Фуқароларнинг бюджет жараёнига жалб этилиши даражаси ҳамда ташаббусли бюджетлаштириш тадбирлари амалга оширилиши самарадорлиги ва натижадорлиги бўйича давлат ҳокимияти органлари фаолиятини баҳолаш тартибини жорий этиш.	Норматив-ҳуқуқий ҳужжат	2022 йил II чорак	Молия вазирлиги (А. Хайдаров)
6.	Ташаббусли бюджетлаштириш жараёнининг мониторингини амалга ошириш бўйича қўлланма ва саволномалар ишлаб чиқиш.	Ташкилий чора-тадбирлар	2022 йил январь	Молия вазирлиги (А. Хайдаров) туман (шаҳар) ҳокимликлари
7.	Ҳудудларда жамоатчилик фикри асосида шакллантирилган таклифларни илгари суриш ва тадбирларни саралаш жараёнлари устидан мониторинг ўтказиш ҳамда уларни баҳолаш.	Ташкилий чора-тадбирлар	Ҳисобот чорагидан кейинги ойнинг 25-санасидан кечиктирмай	Молия вазирлиги (А. Хайдаров)
8.	Ташаббусли бюджетлаштириш амалиётини кенгайтириш бўйича Олий Мажлис Сенатига таклифлар киритиш, шу жумладан: маҳаллий давлат ҳокимияти органларига Молия вазирлиги томонидан белгиланган умумий тамойилларга асосланган ташаббусли бюджетлаштиришнинг янги амалиётларини жорий этиш ҳуқуқини бериш; жамоатчилик фикри асосида шаклланган тадбирларни танлаб олишнинг умумий мезонларини такомиллаштириш; жамоатчилик фикри асосида шаклланган тадбирларни (муайян ҳудуднинг ўзига хос хусусиятларини ҳисобга олган ҳолда) танлашнинг махсус мезонларини белгилаш ва қўллаш механизмини ишлаб чиқиш; тақдим этилган тадбирларни танлаш ва овоз бериш босқичларида фуқароларга тадбирларни муҳокама қилиш ва очиқ мунозараларда иштирок этиш имкониятини яратиш.	Қарор лойиҳаси	2022 йил III чорак	Молия вазирлиги (А. Хайдаров), Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари
9.	Ҳудудларни ижтимоий-иқтисодий ривожлантириш дастурларини ишлаб чиқишда жамоатчилик фикрига асосан лойиҳаларни танлаб олиш механизмини яратиш.	Норматив-ҳуқуқий ҳужжат	2023 йил I чорак	Молия вазирлиги (А. Хайдаров), Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари
II. Ташаббусли бюджетлаштириш жараёни иштирокчиларининг малакасини ошириш, соҳада илмий-тадқиқот ва профессионал салоҳиятни кучайтириш
10.	Халқаро экспертларни жалб қилган ҳолда, «Жалб қилинган вазирликлар, идоралар, шунингдек, маҳаллий давлат ҳокимияти органлари мутахассислари учун ташаббусли бюджетлаштириш» мавзусидаги илғор ўқув дастури бўйича ўқув семинарини ўтказиш.	Ташкилий чора-тадбирлар	2022 йил I чорак	Молия вазирлиги (А. Хайдаров)
11.	Ташаббусли бюджетлаштириш бўйича ўқув видеокурсини ишлаб чиқиш ва «Очиқ бюджет» ахборот порталига жойлаштириш.	Ташкилий чора-тадбирлар	2022 йил I чорак	Молия вазирлиги (А. Хайдаров), халқаро ташкилотлар (келишув асосида)
12.	Таклифларни илгари суриш, ахборотларни жойлаштириш, ташаббусли бюджетлаштириш иштирокчиларининг ўзаро фикр алмашинувини йўлга қўйиш мақсадида «Очиқ бюджет» ахборот порталида ташаббусли бюджетлаштириш тажрибаларини илгари суриш бўйича махсус бўлим яратиш.	Ташкилий чора-тадбирлар	2022 йил III чорак	Молия вазирлиги (А. Хайдаров)
13.	Фуқаролар, нодавлат нотижорат ташкилотлар мутахассислари ва бошқа манфаатдор томонлар учун ташаббусли бюджетлаштириш тўғрисида маълумот берувчи кўргазмали ўқув материалларни (шарҳлар, қўлланмалар ва бошқалар) ишлаб чиқиш ва тарқатиш.	Ташкилий чора-тадбирлар	2022 йил II чорак	Молия вазирлиги (А. Хайдаров), Ёшлар ишлари агентлиги (А. Саъдуллаев), вазирлик ва идоралар
14.	Ташаббусли бюджетлаштириш соҳасидаги халқаро тажриба ва Ўзбекистонда татбиқ этилаётган амалиётларнинг таҳлили юзасидан нашрларни тайёрлаш.	Ташкилий чора-тадбирлар	2022 йил II чоракдан бошлаб	Молия вазирлиги (А. Хайдаров)
15.	Республикада ташаббусли бюджетлаштиришни ривожлантиришнинг ўзига хослигини ўрганиш юзасидан илмий семинар ва конференциялар ўтказиш.	Ташкилий чора-тадбирлар	Ҳар йили март ойида	Молия вазирлиги (А. Хайдаров), вазирлик ва идоралар
16.	Ташаббусли бюджетлаштириш бўйича халқаро тажрибани ва Ўзбекистонда жорий этилган амалиётни ўрганиш мақсадида «Бюджет жараёнида фуқаролар иштироки» мавзусида халқаро форум ташкил этиш.	Ташкилий чора-тадбирлар	2022 йил II чорак	Молия вазирлиги (А. Хайдаров)
17.	Партисипатор бюджетлаштиришни такомиллаштириш юзасидан халқаро экспертлар ва ташкилотлар билан ҳамкорликни ривожлантириш, янги амалиётларни ўрганиш ва тажриба алмашиш.	Ташкилий чора-тадбирлар	2022 йил III чорак	Молия вазирлиги (А. Хайдаров)
III. Ташаббусли бюджетлаштириш жараёнининг очиқлигини таъминлаш
18.	Фуқаролар ташаббуси жамғармаси маблағлари ҳисобидан амалга оширилаётган лойиҳалар, юзага келаётган муаммолар ва соҳага оид бошқа мавзуларда теле-дастур ва радио эшиттиришларни тайёрлаш.	Ташкилий чора-тадбирлар	Режа жадвали асосида	Ўзбекистон Миллий ахборот агентлиги (А. Кўчимов), Ўзбекистон Миллий телерадиокомпанияси (А. Хаджаев), Молия вазирлиги (А. Хайдаров), Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари
19.	Оммавий ахборот воситаларида, шунингдек, туман (шаҳар) ҳокимликларининг расмий веб-сайтларида ва «Очиқ бюджет» ахборот порталида жамоатчилик фикри асосида шакллантирилган ва тегишли маҳаллий бюджетлар маблағлари ҳисобидан молиялаштирилаётган тадбирлар ижросини кенг ёритиб бориш.	Ташкилий чора-тадбирлар	Ҳисобот чорагидан кейинги ойнинг 25-санасидан кечиктирмай	Туман (шаҳар) ҳокимликлари, Молия вазирлиги (А. Хайдаров)

(Қонунчилик маълумотлари миллий базаси, 23.09.2021 й., 07/21/5250/0902-сон; 26.10.2022 й., 07/22/409/0956-сон; 30.12.2024 й., 07/24/455/1092-сон)