|
Ҳужжат кучини йўқотган 22.02.2021
|
Ҳужжат 31.12.1996 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ТАШҚИ ИҚТИСОДИЙ ФАОЛИЯТ МИЛЛИЙ БАНКИНИНГ УСТАВ САРМОЯСИНИ КЎПАЙТИРИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикасига хорижий инвестицияларни жалб этиш учун қулай шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Молия вазирлигининг Ўзбекистон Республикаси Ташқи иқтисодий фаолият миллий банкининг устав сармоясини 4 млрд. сўмгача ва 400 млн. АҚШ долларигача кўпайтириш тўғрисидаги таклифи қабул қилинсин.
2. Белгилаб қўйилсинки, устав сармояси миқдорининг кўрсатиб ўтилган кўпайтирилиши 1996 молия йили тугагач Ўзбекистон Республикаси Ташқи иқтисодий фаолият миллий банкининг фойдасини, шунингдек 1997-1998 йиллар фойдасини ушбу мақсад учун йўналтириш йўли билан амалга оширилади.
Кейинги таҳрирга қаранг.
4. Ўзбекистон Республикаси Ташқи иқтисодий фаолият миллий банки киритилган ўзгартиришлар ва қўшимчаларни ҳисобга олган ҳолда қонунчилик ҳужжатларида белгиланган тартибда Уставни Ўзбекистон Республикаси Марказий банкида қайта рўйхатдан ўтказсин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов ҳамда Ўзбекистон Республикаси Марказий банкининг раиси Ф.М. Муллажонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 31 декабрь,
471-сон
Ўзбекистон Республикаси Ташқи иқтисодий фаолият миллий банки Уставига киритиладиган ўзгартириш ва қўшимчалар
1. 5-банддаги «Олий Кенгашининг» сўзлари «Олий Мажлисининг» сўзлари билан алмаштирилсин.
2. 13-банд қуйидаги таҳрирда баён қилинсин:
«13. Банкнинг устав сармояси 4,000,000,000.00 (тўрт миллиард) сўмни ва 400,000,000.00 (тўрт юз миллион) АҚШ долларини ташкил этади, булар Ўзбекистон Республикаси Ҳукумати томонидан тўланган маблағлар ҳисобига устав сармоясини кўпайтириш учун маблағларни ҳисоблаб ўтказиш ва Ўзбекистон Республикаси Ташқи иқтисодий фаолият миллий банкининг фойдаларини сармояга айлантириш кунидаги Марказий банкнинг курси бўйича сўмларга тенгдир».
3. 7-банд қуйидаги мазмундаги иккинчи хатбоши билан тўлдирилсин:
«Ўзбекистон Республикаси Ташқи иқтисодий фаолият миллий банки Тошкент шаҳар, Охунбобоев кўчаси, 23-уйда жойлашган».
4. 18-банддаги «рублларда» сўзи «сўмларда» сўзи билан алмаштирилсин.
5. Устав матни бўйича «устав жамғармаси» сўзлари «устав сармояси» сўзлари билан алмаштирилсин.
Кейинги таҳрирга қаранг.
