|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ПРОКУРАТУРАСИ ТУЗИЛМАСИДА СУДЛАР ТОМОНИДАН ХЎЖАЛИК ИШЛАРИНИ КЎРИБ ЧИҚИШДА ПРОКУРОРНИНГ ВАКОЛАТЛАРИНИ ТАЪМИНЛАШ БЎЛИМИНИ ТАШКИЛ ЭТИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси судлари томонидан кўриб чиқилаётган хўжалик ишлари сонининг ўсиши муносабати билан, уларни кўриб чиқишда прокурор ваколатларини тўлароқ ва самарали таъминлаш мақсадида Вазирлар Маҳкамаси қарор қилади:
1. Ўзбекистон Республикаси Прокуратураси тузилмасида судлар томонидан хўжалик ишларини кўриб чиқишда прокурор ваколатларини таъминлаш бўлими ташкил этилсин.
2. Қорақалпоғистон Республикаси, вилоятлар, Тошкент шаҳар прокуратуралари, Ўзбекистон транспорт прокуратураси штатларига судлар томонидан хўжалик ишларини кўриб чиқишда прокурор ваколатларини таъминлаш бўйича тегишли штат бирликлари киритилсин.
3. Судлар томонидан хўжалик ишларини кўриб чиқишда прокурор ваколатларини таъминлаш бўлими ва тегишли бўлинмаларнинг тузилмаси ва штатдаги ходимлари сони иловага мувофиқ тасдиқлансин.
4. Ўзбекистон Республикаси Молия вазирлиги Ўзбекистон Республикаси Прокуратурасини унинг тузилмаси ўзгариши муносабати билан маблағ билан таъминласин.
Вазирлар Маҳкамасининг Раиси И. КАРИМОВ
Тошкент ш.,
1997 йил 25 июнь,
320-сон
Вазирлар Маҳкамасининг 1997 йил 25 июндаги 320-сон қарорига
ИЛОВА
ИЛОВА
Тузилма ва штатдаги ходимлар сони
Ўзбекистон Республикаси Прокуратураси марказий аппарати ҳузуридаги судлар томонидан хўжалик ишларини кўриб чиқишда прокурор ваколатларини таъминлаш бўлими
| Прокуратура бўлими бошлиғи |
— 1 |
| Бўлим бошлиғи ўринбосари |
— 1 |
| Бўлимнинг катта прокурори |
— 1 |
| Бўлим прокурори |
— 3 |
| Бўлим инспектори |
— 1 |
| Жами: |
— 7 |
Қорақалпоғистон Республикаси, вилоятлар, Тошкент шаҳар прокуратураларида ва Ўзбекистон транспорт прокуратурасида тегишли тузилма ва штатдаги ходимлари сони 1 нафардан иборат бўлган бўлинма ташкил этилади.
