«Ўзбекистон Республикасининг Конституциясига ўзгартишлар ва қўшимчалар киритиш тўғрисида» Ўзбекистон Республикасининг 2003 йил 24 апрелдаги Қонуни, «Ўзбекистон Республикаси Олий Мажлисининг Сенати тўғрисида» ва «Ўзбекистон Республикаси Олий Мажлисининг Қонунчилик палатаси тўғрисида»ги Ўзбекистон Республикасининг Конституциявий қонунлари кучга киритилганлиги муносабати билан:

Ўзбекистон Республикаси Президентининг баъзи фармонларига иловага мувофиқ ўзгартиш ва қўшимчалар киритилсин.

1. Ўзбекистон Республикаси Президентининг 1992 йил 20 ноябрдаги ПФ-500-сонли Фармони билан тасдиқланган Ўзбекистон Республикасининг фуқаролиги билан боғлиқ масалаларни кўриб чиқиш тартиби тўғрисидаги Низом II бўлими «б» кичик бўлимининг 4-банди қуйидаги таҳрирда баён этилсин:

«4. Ўзбекистон Республикасининг фуқаролигига қабул қилиш тўғрисида чет эл фуқароси ёки фуқаролиги бўлмаган шахснинг аризасини консуллик муассасаси барча материаллар ва ўз хулосаси билан биргаликда Ўзбекистон Республикасининг Ташқи ишлар вазирлигига юборади. Ташқи ишлар вазирлиги Ўзбекистон Республикаси Президенти ҳузуридаги Фуқаролик масалалари комиссияси учун хулоса тайёрлайди. Комиссия Миллий хавфсизлик хизматидан ҳам материаллар олади».

2. Ўзбекистон Республикаси Президентининг 2001 йил 24 сентябрдаги ПФ–2943-сонли Фармони билан тасдиқланган Ўзбекистон Республикаси Президенти ҳузуридаги судьяларни танлаш ва лавозимларга тавсия этиш бўйича Олий малака комиссияси тўғрисидаги низомнинг 19-бандидаги «Олий Мажлисининг депутатларидан» деган сўзлар «Олий Мажлиси Қонунчилик палатасининг депутатлари ва Сенати аъзоларидан» деб ўзгартирилсин.

3. Ўзбекистон Республикаси Президентининг «Ўзбекистон Республикаси Ҳисоб палатасини ташкил этиш тўғрисида» 2002 йил 21 июндаги ПФ-3093-сонли Фармони 1-бандининг учинчи хатбошидаги «Олий Мажлисига» сўзлари «Олий Мажлиси палаталарига» деб ўзгартирилсин.

4. Ўзбекистон Республикаси Президентининг 2002 йил 4 ноябрдаги ПФ-3157-сонли Фармони билан тасдиқланган Ўзбекистон Республикаси Ҳисоб палатаси тўғрисидаги низомда:

а) 2-банддаги «Олий Мажлисига» сўзлари «Олий Мажлисининг палаталарига» деб ўзгартирилсин;

б) 3-банд қуйидаги таҳрирда баён этилсин:

«3. Ўз фаолиятида Ҳисоб палатаси Ўзбекистон Республикаси Конституциясига, Ўзбекистон Республикаси Қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, шунингдек мазкур Низомга амал қилади»;

в) 14-банддаги бешинчи хатбоши қуйидаги таҳрирда баён этилсин:

«Ҳисоб палатасининг фаолиятига тааллуқли масалалар кўриб чиқилиши чоғида Ўзбекистон Республикаси Олий Мажлиси Қонунчилик палатаси ва унинг қўмиталари мажлисларида, Ўзбекистон Республикаси Олий Мажлиси Сенати ва унинг қўмиталари мажлисларида, шунингдек Ўзбекистон Республикаси Вазирлар Маҳкамасининг мажлисларида қатнашади»;

олтинчи хатбошидаги «Олий Мажлисига» сўзлари «Олий Мажлиси палаталарига» деб ўзгартирилсин;

г) 15-банднинг тўртинчи хатбошидаги «Олий Мажлис қўмиталарининг» сўзлари «Олий Мажлис палаталари қўмиталарининг» деб ўзгартирилсин;

д) 25-банддаги «Олий Мажлисига» сўзлари «Олий Мажлиси палаталарига» деб ўзгартирилсин.