|
Ҳужжат кучини йўқотган 20.09.2006
|
Ўзбекистон Республикаси Вазирлар Маҳкамасининг
қарори
ГАРОВ ТЎҒРИСИДАГИ ШАРТНОМАЛАРНИ РЎЙХАТДАН ЎТКАЗИШ ТАРТИБИНИ СОДДАЛАШТИРИШ ҲАҚИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2006 йил 20 сентябрдаги 202-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига мувофиқ ўз кучини йўқотган.
Гаров тўғрисидаги шартномаларни рўйхатдан ўтказиш тартибини соддалаштириш мақсадида Вазирлар Маҳкамаси қарор қилади:
1. Вазирлар Маҳкамасининг 1994 йил 3 ноябрдаги 533-сон (Ўзбекистон Республикаси ҚТ, 1994 й, 11-сон, 49-модда) қарори билан тасдиқланган давлат божи ставкаларига иловага мувофиқ таҳрирда ўзгартириш киритилсин.
2. Вазирлар Маҳкамасининг 1994 йил 1 февралдаги 50-сон қарори билан тасдиқланган гаров тўғрисидаги шартномаларни давлат рўйхатидан ўтказиш ҳақидаги Вақтинчалик низомнинг 4-банди қуйидаги таҳрирда баён қилинсин.:
«4. Юридик ва жисмоний шахслар, шу жумладан, хорижий юридик ва жисмоний шахслар ўртасида тузилган гаров тўғрисидаги шартнома суммасидан қатъи назар, Қорақалпоғистон Республикаси Адлия вазирлигида, вилоятлар ва Тошкент шаҳар ҳокимликларининг адлия бошқармаларида — гаров тўғрисидаги шартномаларни давлат рўйхатидан ўтказиш шуъбалари томонидан давлат рўйхатидан ўтказилади.»
3. Ўзбекистон Республикаси Адлия вазирлиги Гаров тўғрисидаги шартномаларни давлат рўйхатидан ўтказиш ҳақидаги Низом лойиҳасини икки ҳафта муддатда қайта ишлаб чиқсин ва тасдиқлаш учун Вазирлар Маҳкамасига киритсин.
Вазирлар Маҳкамасининг Раиси И. КАРИМОВ
Тошкент ш.,
1997 йил 8 апрель,
178-сон
Вазирлар Маҳкамасининг 1997 йил 8 апрелдаги 178-сон қарорига
ИЛОВА
ИЛОВА
Вазирлар Маҳкамасининг «Давлат божи ставкалари ҳақида» 1994 йил 3 ноябрдаги 533-сон қарорига иловага киритиладиган
ЎЗГАРТИРИШЛАР
Вазирлар Маҳкамасининг «Давлат божи ставкалари ҳақида» 1994 йил 3 ноябрдаги 533-сон қарорига илова 3-банднинг «а» кичик банди қуйидаги таҳрирда баён қилинсин:
|
«а) |
шартномани рўйхатга олганлик ва гаровни рўйхатга олганлик тўғрисида гувоҳнома берганлик учун | шартнома суммасининг 0,1 фоизи миқдорида;» |
Кўрсатиб ўтилган илова 4-бандининг «г» кичик банди қуйидаги таҳрирда баён қилинсин:
|
«г) |
мол мулкни гаровга қўйиш шартномаларини тасдиқлаганлиги учун | шартнома суммасининг 0,15 фоизи миқдорида;» |
(Ўзбекистон Республикаси Ҳукуматининг қарорлари тўплами, 1997 й., 4-сон, 15-модда)
