|
Ҳужжат кучини йўқотган 21.09.1999
|
Ўзбекистон Республикаси Вазирлар Маҳкамасининг
қарори
ГАЗ САРФИНИ ҲИСОБГА ОЛИШ АСБОБЛАРИ (ГАЗ САРФИ ҲИСОБЛАГИЧЛАРИ) МАВЖУД БЎЛМАГАНДА ЎЗБЕКИСТОН РЕСПУБЛИКАСИ АҲОЛИСИГА СОТИЛАДИГАН ТАБИИЙ ГАЗ САРФИ НОРМАЛАРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Mаҳкамасининг 1999 йил 21 сентябрдаги 439-сон «Табиий газ етказиб бериш ва унинг учун ҳисоб-китоб қилиш тизимини такомиллаштириш тўғрисида»ги қарорига мувофиқ ўз кучини йўқотган.
Газ сарфини ҳисобга олиш асбоблари (газ ҳисоблагичлар) мавжуд бўлмаганда Ўзбекистон Республикаси аҳолисига сотиладиган табиий газни сарфлаш нормаларини тартибга солиш мақсадида Вазирлар Маҳкамаси қарор қилади:
1. Газ ҳисоблагичлар мавжуд бўлмаганда аҳолига коммунал-маиший ва якка тартибдаги меҳнат фаолиятини юритиш эҳтиёжлари учун сотиладиган табиий газ сарфининг бир ойлик нормалари иловага мувофиқ тасдиқлансин ҳамда улар тарифлар даражасининг навбатдаги ўзгариши билан бир вақтда жорий қилинсин.
2. Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига об-ҳаво шароитларини ҳисобга олган ҳолда аҳоли учун иситиш мавсумининг бошланиш ва тугаш муддатларини белгилашга рухсат этилсин.
3. Ўзбекистон ССР Министрлар Советининг 1973 йил 5 июлдаги 803-р-сон фармойиши ҳамда Ўзбекистон ССР Министрлар Советининг 1983 йил 19 апрелдаги 240-сон қарори ўз кучини йўқотган деб ҳисоблансин.
Ўзбекистон Республикаси Бош вазирининг биринчи ўринбосари И. ЖЎРАБЕКОВ
Тошкент ш.,
1993 йил 25 май,
249-сон
Газ сарфини ҳисобга олиш асбоблари (газ ҳисоблагичлар) мавжуд бўлмаганда аҳолига коммунал-маиший ва якка тартибдаги меҳнат фаолиятини юритиш эҳтиёжлари учун сотиладиган табиий газнинг бир ойда сарфланадиган
НОРМАЛАРИ
| Газ асбобларининг турлари ва газни сарфлаш мақсади |
Ўлчов бирлиги |
Бир ойда сарфланадиган газ нормаси (куб м. ҳисобида) | |
|
1 |
2 |
3 | |
| 1. | Иссиқ сув таъминоти марказлаштириладиган газ плитаси | 1 киши | 9,0 |
| 2. | Иссиқ сув таъминоти газлаштирилмаган уйлардаги таом пишириладиган газ плитаси | 1 киши | 12,5 |
| 3. | Иссиқ сув таъминоти марказлаштирилмаган ёки вақти-вақти билан иссиқ сув билан таъминлаб туриладиган уйларни иссиқ сув билан таъминлайдиган газ билан сув иситгич | 1 киши | 9,0 |
| 4. | Газ билан иситиш прибори туридан қатъи назар, иситиш мавсумининг беш ойидан келиб чиққан ҳолда, якка тартибда иситиладиган уйлар ва квартираларда газдан календарь йил мобайнида бир меъёрда фойдаланиш: | | |
| а) | Қорақалпоғистон Республикасида ва Хоразм вилоятида | иситиладиган 1 кв. м. майдон учун | 6,0 |
| б) | Тошкент шаҳрида ва бошқа вилоятларда | —»— | 5,5 |
| 5. | Дағал хашакларни ва илдизмеваларни буғлаш, шунингдек, сувни ичиш ва санитария мақсадлари учун иситишни ҳисобга олган ҳолда чорва молларига озуқалар тайёрлаш |
1 бош ҳисобига: |
5,6 23,7 12,5 2,2 |
| 6. | Иссиқхоналарни ва гулхоналарни алоҳида сув иситиш қурилмалари ва буғқозонлар ёрдамида иситиш | |
Газ горелкаси қурилмасининг суткалик иш режимидаги энг юқори қуввати |
| 7. | Якка тартибдаги меҳнат фаолиятида фойдаланиладиган тандирлар, таом тайёрланадиган қозонлар | |
Газ горелкаси қурилмасининг энг юқори қуввати ва шартномада белгиланган иш режими бўйича |
| | | | |
Изоҳлар:
1. Истеъмолчида (абонентда) иссиқ сув таъминоти учун фойдаланиладиган икки ва ундан кўп газ плиталари ёки сув иситгичлари мавжуд бўлганда ушбу газ приборларига газ сарфлаш нормаси тегишли равишда икки баравар ва ундан кўп ошади.
2. 6 ва 7-бандлар бўйича аҳолига сотиладиган табиий газ учун ўзаро ҳисоб-китоблар коммунал-маиший истеъмолчилар учун белгиланган нархларда амалга оширилади.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан иситиш мавсуми беш ойдан кам ёки кўп қилиб белгиланганда истеъмолчилар (абонентлар) билан қайта ҳисоб-китоб қилинади.
