|
Ҳужжат кучини йўқотган 14.11.2012
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ АДЛИЯ ВАЗИРЛИГИНИНГ ЭКСПЕРТИЗА ХИЗМАТИНИ РИВОЖЛАНТИРИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2012 йил 14 ноябрдаги 321-сонли «Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд экспертизаси маркази фаолиятини янада такомиллаштириш тўғрисида»ги қарорига асосан ўз кучини йўқотган.
Суд экспертизаси соҳасидаги илмий тадқиқотларнинг илмий даражасини ва асосланганлигини ошириш, мустақил экспертиза хизматини ривожлантириш мақсадида Вазирлар Маҳкамаси қарор қилади:
1. X. Сулаймонова номидаги Тошкент суд экспертизаси илмий-тадқиқот институти Ўзбекистон Республикаси Адлия вазирлигининг X. Сулаймонова номидаги республика илмий-тадқиқот криминалистика марказига айлантирилсин. Марказга суд экспертизаси масалалари бўйича илмий-услубий ва мувофиқлаштирувчи орган вазифаси юклансин.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2010 йил 15 декабрдаги 299-сонли қарорига мувофиқ ўз кучини йўқотган — ЎР ҚҲТ, 2010 й., 50-сон, 474-модда)
3. Ўзбекистон Республикаси Молия вазирлиги:
умумий фойдаланишдаги автохўжаликлардан хизмат енгил автомашиналари ёллаш учун зарур маблағлар ажратсин;
1996 йил бюджети лойиҳасида, тузилган контрактларни ҳисобга олган ҳолда, замонавий даражада экспертизалар ўтказиш ва илмий тадқиқотларни бажариш мақсадида махсус асбоб-анжомлар сотиб олиш учун криминалистика марказига валюта маблағлари ажратишни назарда тутсин.
Олдинги таҳрирга қаранг.
4. Криминалистика маркази ходимлари меҳнатга ҳақ тўлаш шароитлари бўйича иловага мувофиқ Ўзбекистон Республикаси Адлия вазирлиги ходимларига тенглаштирилсин. Марказда ишлайдиган экспертларга, Ўзбекистон Республикаси Вазирлар Маҳкамасининг 1993 йил 9 июлдаги 343-сон қарорига 4-иловага мувофиқ Судлар ва адлия органларини ривожлантириш жамғармаси ҳисобидан узоқ йил ишлаганлик учун лавозим маошига қўшимча ҳақ тўлаш татбиқ этилсин.
(4-банд Ўзбекистон Республикаси Вазирлар Маҳкамасининг 2003 йил 30 апрелдаги 197-сонли қарори таҳририда— ЎР ҚҲТ, 2003 й., 7-8-сон, 66-модда)
5. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Юридик бўлимига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 22 июнь,
234-сон
Республика криминалистика маркази ходимларининг тариф разрядлари ва ставка (оклад)лари
|
Лавозим номи |
Тариф разряди |
1995 йил 1 мартдан тариф ставкаси |
| Марказ бошлиғи | 21 | 1119 |
| Марказ бошлиғининг ўринбосари | 20 | 1053 |
| Лаборатория, бўлим, вилоятлараро филиал (бўлим) мудири, илмий котиб | 17 | 888 |
| Бош мутахассис | 16 | 840 |
| Етакчи мутахассис, катта илмий ходим (фан доктори ёки фан номзоди) | 15 | 798 |
| 1-тоифали мутахассис, илмий даражага эга бўлмаган катта илмий ходим | 14 | 762 |
| 2-тоифали мутахассис, илмий ходим | 13 | 726 |
| Тоифасиз мутахассис, кичик илмий ходим | 12 | 696 |
| Бош бухгалтер | 14 | 762 |
| Кассир | 6 | 534 |
| Кадрлар бўлимининг катта инспектори | 8 | 582 |
| Канцелярия мудири | 8 | 582 |
| Кутубхона мудири | 8 | 582 |
| Олий маълумотли катта лаборант, катта инспектор | 9 | 609 |
| Олий маълумотсиз катта лаборант, инспектор | 7 | 558 |
| Экспедитор | 3 | 480 |
| Архивариус | 3 | 480 |
| Инженер | 6 | 534 |
| Суратга олиш лабораторияси мудири | 10 | 636 |
| Суратхона лаборанти | 4 | 495 |
| Машинистка (тоифасиз мутахассис) | 3 | 480 |
