|
Ҳужжат кучини йўқотган 06.08.2022
|
Ҳужжат 04.11.2010 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИНИНГ БЮДЖЕТГА АКЦИЗ СОЛИҒИ ТУШИШИНИ НАЗОРАТ ҚИЛУВЧИ МОЛИЯ ИНСПЕКТОРЛАРИ ЛАВОЗИМЛАРИНИ ЖОРИЙ ЭТИШ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 5 августдаги 431-сонли «Ўзбекистон Республикаси Молия вазирлиги ҳузуридаги Давлат молиявий назорати инспекцияси фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
Республика Давлат бюджетига акциз солиғининг тўлиқ ва ўз вақтида тушиши устидан давлат назоратини кучайтириш мақсадида Вазирлар Маҳкамаси қарор қилади:
1. 1997 йил 1 январдан бошлаб 1-иловага мувофиқ рўйхат бўйича акциз солиғи солинадиган маҳсулот ишлаб чиқарувчи корхоналарда Ўзбекистон Республикаси Молия вазирлигининг молия инспекторлари лавозими жорий этилсин.
Кейинги таҳрирга қаранг.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 1998 йил 23 декабрдаги 532-сонли қарорига мувофиқ ўз кучини йўқотган)
3. Молия инспекторлари лавозимлари жорий этилиши муносабати билан 1997 йил 1 январдан бошлаб Ўзбекистон Республикаси Молия вазирлигининг штатдаги ходимлари сони 47 кишига, шу жумладан молия инспекторлари фаолиятини мувофиқлаштирувчи бўлим ташкил этиш учун Марказий аппарат ходимлари сони 3 кишига кўпайтирилсин.
Кейинги таҳрирга қаранг.
4. 1-иловада кўрсатиб ўтилган корхоналарнинг раҳбарлари Ўзбекистон Республикаси Молия вазирлигининг молия инспекторлари ишини ташкил этиш учун иш жойлари билан таъминласинлар.
Кейинги таҳрирга қаранг.
5. Ўзбекистон Республикаси Молия вазирлигининг молия инспекторларига ҳозирги вақтда Давлат солиқ қўмитаси марказий аппарати давлат бош солиқ инспекторлари учун амалда бўлган меҳнатга ҳақ тўлаш шартлари жорий этилсин.
6. Ўзбекистон Республикаси Молия вазирлиги:
1997 йилги республика бюджетида қўшимча равишда ажратилган ходимларга сарфланадиган харажатларга зарур маблағларни назарда тутсин;
Олдинги таҳрирга қаранг.
(6-банднинг учинчи хатбошиси Ўзбекистон Республикаси Вазирлар Маҳкамасининг 1998 йил 21 майдаги 221-сонли қарорига мувофиқ ўз кучини йўқотган)
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б. С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 26 ноябрь,
418-сон
Ўзбекистон Республикаси Молия вазирлигининг молия инспекторлари лавозимлари киритиладиган йирик акциз солиғи тўловчи корхоналар
РЎЙХАТИ
Олдинги таҳрирга қаранг.
| | | |
|
«Ўзбекнефтгаз» миллий корпорацияси | ||
| 1. | «Шўртангаз» ГИБ (Қашқадарё вилояти) | 1 |
| 2. | «Муборакгаз» ГИБ (Қашқадарё вилояти) | 1 |
| 3. | «Қаршинефть» НИБ (Қашқадарё вилояти) | 1 |
| 4. | «Ўзнефтниқайтаишлаш ДИБ (Фарғона вилояти) | 1 |
| 5. | «Урганчтрансгаз» ДК (Хоразм вилояти) | 1 |
| 6. | «Ўзтрансгаз» ДБ (Тошкент шаҳри) | 1 |
| | ЖАМИ: | 6 |
(1-илова Ўзбекистон Республикаси Вазирлар Маҳкамасининг 2010 йил 4 ноябрдаги 243-сонли қарори таҳририда — ЎР ҚҲТ, 2010 й., 44-45-сон, 381-модда)
Кейинги таҳрирга қаранг.
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 1998 йил 23 декабрдаги 532-сон қарорига мувофиқ ўз кучини йўқотган)
