Ўзбекистон Республикаси Вазирлар Маҳкамасининг
Республика машина-трактор паркларига ва қишлоқ хўжалиги корхоналарига лизинг асосида замонавий қишлоқ хўжалиги техникаси етказиб беришни таъминлаш мақсадида Вазирлар Маҳкамаси қарор қилади:
1. «Ўзқишлоқхўжаликмаш-холдинг» компанияси, Германиянинг қишлоқ хўжалиги машинасозлиги ва уруғчилик корхоналари «Зелко» уюшмаси ҳамда «Ўзсаноатмашимпекс» давлат-акциядорлик ташқи савдо компаниясининг очиқ акциядорлик жамияти шаклидаги «Ўзқишлоқхўжаликмашлизинг» акциядорлик лизинг компаниясини таъсис этиш тўғрисидаги таклифига розилик берилсин.
2. Маълумот учун қабул қилинсинки, «Ўзқишлоқхўжаликмашлизинг» лизинг компаниясининг дастлабки устав жамғармаси муассислар қўйилмалари ҳамда компания акцияларининг бўш улушини юридик ва жисмоний шахслар ўртасида
1-иловага мувофиқ жойлаштириш ҳисобига 1000 млн сўм миқдорида шакллантирилади.
«Ўзқишлоқхўжаликмашлизинг» лизинг компанияси бир ой муддатда лизинг компания акциялари эмиссиялари проспектини тайёрласин ва белгиланган тартибда Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш марказида рўйхатдан ўтказсин.
5. Ўзбекистон Республикаси Қишлоқ ва сув хўжалиги вазирлиги «Ўзқишлоқхўжаликмашлизинг» акциядорлик лизинг компаниясининг устав жамғармасини шакллантиришда вазирликнинг фан ва техника марказлаштирилган жамғармаси маблағлари ҳисобига 80 млн сўмлик акциялар пакетини сотиб олиш йўли билан белгиланган тартибда қатнашсин.
6. Ўзбекистон Республикаси Вазирлар Маҳкамасининг «ЎзКейсагролизинг» Ўзбекистон — Америка қўшма лизинг компаниясини ташкил этиш тўғрисида» 1997 йил 27 февралдаги 111-сон қарорининг
4 ва
5-бандлари (7-хат бошидан ташқари) «Ўзагролизинг» акциядорлик жамиятига татбиқ этилсин, божхона расмийлаштиришлари учун йиғимлар тўлаш бўйича имтиёзлар бундан мустасно.
7. Ўзбекистон Республикаси Молия вазирлиги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб Жамғармасидан маблағлар ажратишда Марказий банк билан биргаликда «Ўзагролизинг» акциядорлик жамияти томонидан қишлоқ хўжалиги корхоналарига кўрсатилган лизинг хизматлари учун қарзларнинг қопланишини назарда тутсин.
8. «Ўзқишлоқхўжаликмаш-холдинг» компанияси «Ўзқишлоқхўжаликмаш-лизинг» лизинг компаниясининг бошқа ҳаммуассислари билан биргаликда янгидан ташкил этилаётган лизинг компанияси Уставини бир ой муддатда тайёрласин, тасдиқласин ва белгиланган тартибда рўйхатдан ўтказиш учун тақдим этсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.М. Олимжонов зиммасига юклансин.
