|
Ҳужжат кучини йўқотган 04.05.2018
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ИЧКИ ИШЛАР ОРГАНЛАРИНИ МУСТАҲКАМЛАШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 3 майдаги 321-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ички ишлар органларининг фаолияти самарадорлигини тубдан ошириш, жамоат тартибини, фуқаролар ҳуқуқлари, эркинликлари ва қонуний манфаатларини ишончли ҳимоя қилишни таъминлашда уларнинг масъулиятини кучайтириш чора-тадбирлари тўғрисида» 2017 йил 10 апрелдаги ПФ-5005-сон Фармони)»ги қарорига асосан ўз кучини йўқотган.
Аҳолининг, халқ хўжалиги объектларининг ишончли ёнғин хавфсизлигини, «ЎзДЭУавто» қўшма корхонасининг темир йўл транспортида ташиладиган маҳсулотлари ва бошқа қимматли юкларнинг сақланишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлигига «ЎзДЭУавто» қўшма корхонасининг маҳсулотлари ва бошқа қимматли юклар ортилган составларни кузатиб бориш бўйича Асака станциясида ички ишлар линия бўлимини ва Ўзбекистон Республикаси Ички ишлар вазирлигининг Транспорт ички ишлар бошқармаси махсус милиция батальонини ташкил этиш учун иловага мувофиқ 226 нафардан иборат қўшимча ходимлар ажратилсин.
2. Қорақалпоғистон Республикасининг Тахиатош, Қўнғирот, Андижон вилоятининг Асака ва Хоразм вилоятининг Хива шаҳарларида ҳарбийлаштирилган ёнғин муҳофазаси бўлимлари ташкил этилсин. 1997 йил 1 январдан бошлаб кўрсатиб ўтилган шаҳарларда, тегишли равишда 182 нафар ходимдан иборат профессионал ёнғин муҳофазаси бўлинмалари тугатилган ҳолда, Ўзбекистон Республикаси Ички ишлар вазирлигига кўрсатиб ўтилган мақсадлар учун 200 штат бирлиги ажратилсин.
3. Ўзбекистон Республикаси Молия вазирлиги, «Ўзулгуржибиржасавдо» уюшмаси, «Ўздавнефтмаҳсулот» давлат-акционерлик бирлашмаси мазкур қарордан келиб чиқувчи мақсадлар учун қўшимча ходимлар ажратилиши муносабати билан Ўзбекистон Республикаси Ички ишлар вазирлигини молиявий ва моддий-техник жиҳатдан таъминласинлар.
4. Ўзбекистон Республикаси Ички ишлар вазирлиги қўшимча ажратилган штатларни ходимлар билан бутлаш юзасидан зарур чоралар кўрсин.
5. Мазкур қарорнинг бажарилишини назорат қилиш Бош вазирнинг ўринбосари Б.С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 4 ноябрь,
378-сон
Республика ички ишлар органларини мустаҳкамлаш учун қўшимча равишда ажратилган ходимлар сони
| ҲАММАСИ | — 226 нафар |
| шу жумладан: | |
| катта ва ўрта бошлиқлар таркиби | — 35 |
| кичик бошлиқлар ва оддий ходимлар таркиби | — 189 |
| ишчи ва хизматчилар | — 2 |
| улардан: | |
| Асака станциясида ички ишларнинг линия бўлимини ташкил этиш учун | — 13 |
| «ЎзДЭУавто» қўшма корхонасининг маҳсулотлари ва бошқа қимматли юклар ортилган составларни кузатиб бориш бўйича Ўзбекистон Республикаси Ички ишлар вазирлиги Транспорт ички ишлар бошқармаси махсус милиция батальонини ташкил этиш учун | — 213 |
