|
Ҳужжат кучини йўқотган 22.02.2021
|
Ҳужжат 14.08.1992 санаси ҳолатига
Амалдаги версияга ўтиш |
Ўзбекистон Республикаси Президенти ҳузуридаги Вазирлар Маҳкамасининг
қарори
АҲОЛИГА СОТИЛАДИГАН ЁҚИЛҒИ, ЭНЕРГИЯ ВА КЎРСАТИЛАДИГАН ХИЗМАТЛАР ЧАКАНА НАРХЛАРИ ҲАМДА ТАРИФЛАРИНИ ҚАЙТА КЎРИБ ЧИҚИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
LexUZ шарҳиМазкур қарор Ўзбекистон Республикаси Вазирлар Маҳкамасининг 1992 йил 16 октябрдаги 474-сонли «Энергия ресурсларига нархларни давлат йўли билан тартибга солиш тўғрисида» қарори билан ёқилғи-энергетика ресурсларига нисбатан ўз кучини йўқотган.
Аҳолига сотиладиган ёқилғи, энергияни ишлаб чиқариш ва кўрсатиладиган хизматлар харажатларининг қимматлашганлиги муносабати билан ҳамда халқ хўжалиги тармоқларининг барқарор ишлашини таъминлаш мақсадида Вазирлар Маҳкамаси қарор қилади:
1. 1992 йилнинг 17 августидан бошлаб аҳолига сотиладиган ёқилғи, энергиянинг, сув билан таъминлаш ва канализация хизматлари кўрсатишнинг давлат чакана нархлари ва тарифларини оширишнинг чекланган миқдорлари иловага мувофиқ белгилансин.
Ўзбекистон Республикаси Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўз ҳуқуқ доираларига мувофиқ ёқилғи, энергия ва кўрсатиладиган хизматларнинг янги чакана нархлари ва тарифларини тасдиқласинлар ҳамда 1992 йилнинг 17 августидан бошлаб жорий этсинлар, прейскурантларни барча манфаатдор вазирликлар, идоралар, корхоналар ва ташкилотларга ўз вақтида етказишни таъминласинлар.
Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига аҳолига кўрсатиладиган санитария-тозалаш хизмати тарифларининг чекланган миқдорларини тасдиқлаш ҳуқуқи берилсин.
2. Газ-баллонли автомобиллар учун суюлтирилган углеводородли ёқилғи газ бўйича шартномавий (эркин) нархларга ўтиш амалга оширилсин.
3. «Ўзбексавдо» давлат-акционерлик уюшмаси, Ўзбекбирлашув, вазирликлар ҳамда идораларнинг ишчилар таъминоти бошқармалари ва ишчилар таъминоти бўлимлари, чакана нархларни ошириш коэффициентидан келиб чиққан ҳолда, 1992 йилнинг 17 августигача бўлган ҳолати бўйича қолган кўмирни иловага мувофиқ қайта баҳолаб чиқсинлар.
4. Юқорида кўрсатилган товарлар ва хизматлар гуруҳига Вазирлар Маҳкамасининг 1992 йил 9 январдаги 4-сон қарори билан тасдиқланган чакана нархлар даражасини оширишнинг чекланган нархлари бекор қилинсин.
5. Мазкур қарорнинг бажарилишини назорат қилиш Бош вазир ўринбосарлари зиммасига юклатилсин.
Ўзбекистон Республикасининг Бош вазири А. МУТАЛОВ
Тошкент ш.,
1992 йил 14 август,
381-сон
АҲОЛИГА СОТИЛАДИГАН ЁҚИЛҒИ, ЭНЕРГИЯ ВА КЎРСАТИЛАДИГАН ХИЗМАТЛАР ЧАКАНА НАРХЛАРИ ВА ТАРИФЛАРИНИНГ ЧЕКЛАНГАН МИҚДОРИ
| | Ўлчов бирлиги | Ўлчов бирлиги учун чакана нарх (тариф), сўм ва тийин ҳисобида |
| Шаҳар аҳоли пунктларида яшовчи аҳоли эҳтиёжлари учун бериладиган электр энергияси | 1 кВт | 0—20 |
| Қишлоқ аҳоли пунктларида яшайдиган аҳоли эҳтиёжлари учун бериладиган электр энергияси | 1 кВт | 0—15 |
| Электр плиталари билан жиҳозланган уй-жойлар аҳолиси эҳтиёжлари учун бериладиган электр энергияси | 1 кВт | 0—10 |
| Иситиш ва овқат тайёрлаш эҳтиёжлар учун фойдаланиладиган табиий газ | 1000 м3 | 100—00 |
| Суюлтирилган газ | 1 кг | 3—00 |
| Сув билан таъминлаш хизмати | 1м3 | 0—50 |
| Канализация хизматлари | 1м3 | 0—30 |
| | коэффицентлар марта ҳисобида | |
| Кўмир | |
16,7 |
