|
Ҳужжат кучини йўқотган 28.03.2026
|
Ўзбекистон Республикаси Соғлиқни сақлаш вазирининг
буйруғи
Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги низомни тасдиқлаш ҳақида
(буйруқ номи Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
[Ўзбекистон Республикаси Адлия вазирлиги томонидан 2020 йил 10 июнда рўйхатдан ўтказилди, рўйхат рақами 3242]
LexUZ шарҳиМазкур буйруқ Ўзбекистон Республикаси соғлиқни сақлаш вазирининг 2025 йил 10 декабрдаги 23-сонли «Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги низомни тасдиқлаш ҳақида»ги буйруғига (рўйхат рақами 3735, 25.12.2025 й.) асосан 2026 йил 28 мартдан ўз кучини йўқотади.
Ўзбекистон Республикаси Президентининг 2019 йил 30 декабрдаги ПҚ-4554-сон «Ўзбекистон Республикаси фармацевтика тармоғида ислоҳотларни чуқурлаштиришга доир қўшимча чора-тадбирлар тўғрисида»ги қарорига мувофиқ буюраман:
1. Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги низом иловага мувофиқ тасдиқлансин.
(1-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
2. Мазкур буйруқ расмий эълон килинган кундан эътиборан уч ой ўтгач кучга киради.
Вазир А. ШАДМАНОВ
Тошкент ш.,
2020 йил 24 март,
115-сон
Ўзбекистон Республикаси соғлиқни сақлаш вазирининг 2020 йил 24 мартдаги 115-сон буйруғига
ИЛОВА
ИЛОВА
Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги
НИЗОМ
(илованинг номи Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
Мазкур Низом референт нарх шакллантириш тизими доирасида рецепт билан бериладиган маҳаллий ва импорт дори воситалари нархларини қайд этиш тартибини белгилайди.
(муқаддима Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
1-боб. Умумий қоидалар
1. Мазкур Низом Ўзбекистон Республикаси ҳудудида тиббиёт амалиётида қўллаш учун рухсат этилган ҳамда давлат рўйхатидан ўтказилганлик гувоҳномасининг амал қилиш даврида ишлаб чиқарилган рецепт билан бериладиган дори воситаларига нисбатан татбиқ этилади.
Референт нарх шакллантириш тизими доирасида нархларни қайд этиш дори моддалари (субстанциялар), кам учрайдиган касалликларни даволаш учун мўлжалланган Орфан дори воситалари рўйхатига киритилган дори воситаларига ҳамда рецептсиз бериладиган дори воситаларига татбиқ этилмайди.
(1-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
2. Ушбу Низомда қуйидаги асосий тушунчалардан фойдаланилади:
референт нарх шакллантириш тизими — дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда айни бир ишлаб чиқарувчининг худди шундай фаол моддага эга дори воситаларини ишлаб чиқарувчи мамлакатда, референт мамлакатларда ва Ўзбекистон Республикасида сотиш нархларини таҳлил қилиш натижаси асосида ҳар бир савдо номи учун чекланган нархларни қайд этиш тизими;
референт мамлакатлар — Жаҳон банкининг аҳоли жон бошига нисбатан ялпи ички маҳсулотнинг ҳисобланган даромадлар даражасидан юқори, ўртачадан юқорироқ ва ўртачадан пастроқ бўлган давлатлар гуруҳига кирувчи Ўзбекистон Республикаси билан макроиқтисодий жиҳатдан таққосланадиган мамлакатлар;
рецепт билан бериладиган дори воситаларининг чекланган нархлари (бундан буён матнда чекланган нархлар деб юритилади) — дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда рецепт билан бериладиган дори воситаларининг ҳар бир савдо номи учун референт нарх шакллантириш тизими доирасида қайд этилган нарх;
(2-банднинг тўртинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
чекланган нархлар реестри — дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда рецепт билан бериладиган дори воситаларининг ҳар бир савдо номи учун қайд этилган чекланган нархлар ва уларга чекланган савдо устамаларини қўллаш йўли билан ҳисобланган улгуржи ва чакана нархларнинг электрон (онлайн) реестри;
(2-банднинг бешинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
автоматлаштирилган ахборот тизими (бундан буён матнда ахборот тизими деб юритилади) — аризаларни қабул қилиш, референт нарх шакллантириш тизими доирасидаги маълумотларни қайта ишлаш ва сақлаш, чекланган нархларни қайд этиш ва чекланган нархлар реестрини юритиш учун мўлжалланган махсус электрон тизим;
ваколатли орган — чекланган нархларни қайд этиш ва қайта қайд этиш учун масъул бўлган Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги;
ишчи орган — чекланган нархларни қайд этиш учун аризаларни қабул қилиш ва кўриб чиқиш ҳамда ахборот тизимининг узлуксиз ва барқарор ишлашини таъминлаш учун масъул бўлган Ўзбекистон Республикаси Соғлиқни сақлаш вазирлиги ҳузуридаги «Фармацевтика маҳсулотлари хавфсизлиги маркази» давлат муассасаси;
(2-банднинг саккизинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
рецепт билан бериладиган дори воситалари — истеъмолчиларга қонунчиликда белгиланган талабларга мувофиқ шаклдаги рецепт тақдим этилгандан кейингина реализация қилинадиган дори воситалари;
(2-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан тўққизинчи хатбоши билан тўлдирилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
ариза — рецепт билан бериладиган дори воситаларининг чекланган ёки илгари қайд этилган чекланган нархларини қайта қайд этиш ҳақидаги мурожаат;
(2-банднинг ўнинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
ариза берувчи — дори воситаларининг давлат рўйхатидан ўтказилганлик гувоҳномаси эгаси бўлган юридик шахс ёки унинг ишончли вакили;
маҳаллий ишлаб чиқарувчи — Ўзбекистон Республикасида дори воситаларини ишлаб чиқариш учун лицензияга эга бўлган юридик шахс;
маҳаллий дори воситалари — Ўзбекистон Республикаси ҳудудида маҳаллий ишлаб чиқарувчилар томонидан ишлаб чиқарилган дори воситалари;
импорт дори воситалари — хорижий фармацевтика корхоналари томонидан ишлаб чиқарилиб, Ўзбекистон Республикаси божхона ҳудудига олиб кирилган ва ушбу ҳудуддан қайтариб олиб чиқиш мажбуриятисиз эркин муомалага чиқарилган дори воситалари;
давлат рўйхатидан ўтказилганлик гувоҳномаси (бундан буён матнда гувоҳнома деб юритилади) — дори воситаларини давлат рўйхатидан ўтказилганлигини ва Ўзбекистон Республикаси Соғлиқни сақлаш вазирлиги томонидан тиббиёт амалиётида қўлланилишига рухсат берилганлигини тасдиқловчи ҳужжат.
3. Ваколатли орган доимий тарзда Интернет жаҳон ахборот тармоғидаги ўз расмий веб-сайтида ҳамда Ягона интерактив давлат хизматлари порталида хронологик тартибда қайд этилган ва қайта қайд этилган чекланган нархлар ҳақидаги маълумотларни жойлаштириб боради. Бунда аввалги маълумотлар сақланган ҳолда ўзгартиришлар киритилади ва чекланган нархлар ҳақидаги маълумотлардан эркин фойдаланиш имконияти яратилади.
(3-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
4. Қайд этилган чекланган нархлар ҳақидаги маълумотлар ахборот тизимида беш йил давомида сақланади.
41. Бир ишлаб чиқарувчи томонидан турли савдо номлари остида таркиби бир хил бўлган дори воситаларининг барчасига нисбатан энг паст референт нарх қўлланади (дори моддалари (субстанция) ишлаб чиқарувчиларида фарқ бўлган ҳоллар бундан мустасно).
(41-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан киритилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
2-боб. Чекланган нархларни қайд этиш ва қайта қайд этиш
5. Ариза берувчи чекланган нархларни қайд этиш ва қайта қайд этиш учун электрон рақамли имзо билан ахборот тизимига киради, шундан сўнг реал вақт режимида чекланган нархларни қайд этиш ёки қайта қайд этиш ҳуқуқини тасдиқловчи ҳужжатларини (хат, шартнома ёки ишончнома) ҳамда чекланган нархлар қайд этиладиган Ўзбекистон Республикасида давлат рўйхатидан ўтказилган дори воситалари рўйхатини юборади.
6. Ишчи орган ариза қабул қилинган санадан бошлаб икки иш куни ичида ариза берувчининг гувоҳнома эгаси ёки унинг ишончли вакили эканлигини текширади.
Ишчи орган ариза берувчини ҳақиқатдан ҳам гувоҳноманинг эгаси ёки унинг ишончли вакили эканлигини тасдиқлагандан сўнг уни ахборот тизимида рўйхатдан ўтказади ва бу ҳақидаги маълумотни ариза берувчига дарҳол ахборот тизими ёки электрон почта манзили орқали юборади.
Ариза берувчи ахборот тизимида рўйхатдан ўтказилганидан сўнг аризада кўрсатилган дори воситаларига чекланган нархларни қайд этиш учун маълумотларни киритиш ҳуқуқига эга бўлади.
Агарда ариза берувчининг гувоҳнома эгаси ёки унинг ишончли вакили эканлигини тасдиқловчи ҳужжатлари нотўғри ёки бузиб кўрсатилган бўлса, ишчи орган рўйхатдан ўтказиш рад этилганлиги тўғрисидаги электрон хабарни дарҳол ахборот тизими орқали ариза берувчига жўнатади.
7. Ариза берувчи (маҳаллий дори воситалари учун) ахборот тизими орқали ишчи органига дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда рецепт билан бериладиган дори воситаларининг ҳар бир савдо номи учун Ўзбекистон Республикаси миллий валютасида белгиланган чекланган нархларни (ҚҚСни қўшмаган ҳолда) ахборот тизимига киритади.
Аризага рецепт билан бериладиган дори воситасининг сотиш қийматини шакллантириш бўйича ушбу Низомнинг 1-иловасига мувофиқ ҳисоб-китоб ва бошқа нархни шакллантиришга оид ҳужжатлар илова қилинади.
Бунда, киритилган чекланган нархларнинг тўғри шаклланганлиги юзасидан жавобгарлик ариза берувчи зиммасига юклатилади.
(7-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
8. Ариза берувчи (импорт дори воситалари учун) ахборот тизими орқали ишчи органига дори шакли, қадоқдаги сони, дозаси, концентрацияси, ҳажми ва қадоқланишини ҳисобга олган ҳолда рецепт билан бериладиган дори воситаларининг ҳар бир савдо номи учун ариза берувчининг хати билан тасдиқланган қуйидаги маълумотларни тақдим этади:
(8-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
мазкур Низомнинг 2-иловасида кўрсатилган аҳоли жон бошига нисбатан даромадлар даражаси юқори, ўртачадан юқорироқ ва ўртачадан пастроқ бўлган давлатлар гуруҳига кирувчи референт мамлакатларга Инкотермс халқаро қоидаларининг CIP (ташиш ва суғурта ҳақи тўланган) шартида (бундан буён матнда Инкотермс CIP шарти деб юритилади) дори воситаларини етказиб бериш нархлари;
(8-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
дори воситаларини ишлаб чиқарувчи мамлакатда дистрибьютерлар учун ушбу мамлакат валютасида белгиланган нархлар;
сўнгги олти ой давомида импорт қилинган дори воситаларини Ўзбекистон Республикасига етказиб бериш валютасида белгиланган шартноманинг Инкотермс CIP шарти асосида кўрсатилган нархлари.
Бунда, ариза берувчи томонидан ахборот тизимига нарх ҚҚС суммаси қўшилмаган ҳолда киритилади.
Икки ва ундан ортиқ референт мамлакатларда нархлар мавжуд бўлмаган ҳолларда ишлаб чиқарувчи мамлакатнинг экспорт божхона юк декларацияси тақдим этилади. Агар экспорт божхона юк декларациясида товарнинг қиймати кўрсатилмаган бўлса ёки ишлаб чиқарувчи мамлакатнинг қонунчилик ҳужжатларида товарни олиб чиқишда божхона декларациясини расмийлаштириш назарда тутилмаган бўлса, у ҳолда экспорт божхона юк декларацияси ўрнига товарни олиб чиқишда ишлаб чиқарувчи мамлакатда расмийлаштирилган ҳамда экспортёр ва импортёрнинг номи, Ўзбекистон Республикасининг божхона ҳудудига олиб кирилаётган товарнинг қиймати ва миқдори тўғрисидаги маълумотлардан иборат бўлган ўрнини босувчи бошқа ҳужжат (ишлаб чиқарувчи ва дистрибьютерлар ўртасида тузилган келишув шартномаси) тақдим этилиши мумкин.
(8-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан бешинчи ва олтинчи хатбошилар билан тўлдирилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
Олдинги таҳрирга қаранг.
(8-банднинг еттинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан чиқарилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
81. Ариза берувчи томонидан тақдим этилган ҳужжатларда нотўғри ёки бузиб кўрсатилган маълумотлар мавжудлиги аниқланган тақдирда чекланган нархни қайд этиш ва қайта қайд этиш рад этилади.
(81-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан киритилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
9. Ахборот тизими рецепт билан бериладиган импорт дори воситалари нархлари бўйича маълумотларни қабул қилиб, қуйидагиларни автоматик тарзда ҳисоблаб чиқади:
(9-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
референт мамлакатлардаги нархларнинг умумлаштирилган ўртача миқдори;
(9-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан иккинчи хатбоши билан тўлдирилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
сўнги олти ой давомида рецепт билан бериладиган импорт қилинган дори воситаларини Ўзбекистон Республикасига етказиб бериш валютасида белгиланган шартномаларнинг Инкотермс CIP шарти асосида кўрсатилган нархларнинг ўртача миқдори;
(9-банднинг учинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
рецепт билан бериладиган дори воситаларини ишлаб чиқарувчи мамлакатдаги дистрибьютер учун ушбу мамлакат валютасида белгиланган нархга маҳсулот нархининг 15 фоиздан кўп бўлмаган суғурта ва транспортда ташиш харажатлари қўшилган миқдори.
(9-банднинг тўртинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
Ахборот тизими мазкур банднинг иккинчи-тўртинчи хатбошиларида кўрсатилган асослар бўйича ҳисобланган миқдорлардан энг кам миқдорни, ариза тўлдирилган кунда Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича ариза берувчининг танловига асосан АҚШ доллари, евро ёки Россия рублида чекланган нархлар сифатида қабул қилишни тавсия этади.
(9-банднинг бешинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
10. Ариза берувчи ахборот тизими орқали тавсия этилган чекланган нархларни тасдиқлаш ёки рад этиш ҳуқуқига эга.
11. Агарда ариза берувчи ахборот тизими орқали тавсия этилган чекланган нархни тасдиқлашни рад этса, у ҳолда ўзи томонидан киритилган чекланган нархни қайтадан кўриб чиқиши ҳамда аризани такроран топшириши мумкин.
12. Ишчи орган ахборот тизими орқали етти иш куни ичида аризани кўриб чиқиб, ариза берувчи томонидан тасдиқланган чекланган нархларни қайд этиш учун ваколатли органга тавсия беради.
13. Ахборот тизимига киритилган маълумотлар тўлиқ бўлмаса ёки тақдим этилган ҳужжатлардаги маълумотларга аниқлик киритиш зарурати мавжуд бўлса, ишчи орган камчиликларни бартараф этиш зарурлиги тўғрисидаги хабарномани дарҳол ариза берувчига юборади.
14. Ишчи орган томонидан хабарнома юборилган кундан бошлаб йигирма иш куни ичида ариза берувчи ҳужжатлардаги ноаниқликлар ва камчиликларни бартараф этган ҳолда икки мартагача чекланган нархларни қайд этиш ёки қайта қайд этиш учун аризани топшириши мумкин.
15. Ишчи орган томонидан талаб қилинган маълумотлар ахборот тизимига ўз вақтида киритилмаса ёки тўлиқ бўлмаса, камчиликларни бартараф этиш тўғрисидаги учинчи хабарномадан сўнг ваколатли орган чекланган нархларни қайд этиш ёки қайта қайд этишни рад этади ва бу ҳақидаги маълумотни дарҳол ариза берувчига юборади.
16. Ариза берувчи томонидан тақдим этилган маълумотлар тўғри ва тўлиқ тақдим этилгандан сўнг ваколатли орган ишчи органнинг тавсиясига биноан уч иш куни ичида таклиф этилган чекланган нархларни қайд этади ёки қайта қайд этади ҳамда чекланган нархлар реестрига киритади.
161. Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрига киритилган рецепт билан бериладиган дори воситаларининг референт нархлари ваколатли орган томонидан ариза берувчининг тегишли ариза тақдим этишидан қатъи назар қайд этилади.
Бунда, дори воситаларининг чекланган нархларини қайд этиш мазкур Низомнинг 9-банди иккинчи хатбошисига асосан амалга оширилади.
Агар ушбу дори воситаси референт мамлакатларда мавжуд бўлмаган тақдирда унинг чекланган нархи таркиби ва қадоқланиши бир хил бўлган бошқа номдаги дори воситасига қайд этилган энг паст нархдан келиб чиқиб белгиланади.
(161-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан киритилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
17. Импорт қилинадиган, шунингдек маҳаллий ишлаб чиқарувчилардан сотиб олинадиган рецепт билан бериладиган дори воситаларини улгуржи ва чакана сотиш уларни етказиб беришда иштирок этувчи воситачилар сонидан қатъи назар, улгуржи савдо учун сотиб олинган қийматидан 15 фоиздан, чакана савдо учун улгуржи нархидан 20 фоиздан ортиқ бўлмаган миқдорларда чекланган савдо устамаларини қўллаш орқали амалга оширилади.
(17-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
Импорт қилинадиган дори воситаларининг сотиб олинган қиймати қуйидаги формула бўйича аниқланади:
СОҚ = Шн + Б + Бх, бунда:
СОҚ — импорт қилинган дори воситаларининг сотиб олинган қиймати;
Шн — Инкотермс CIP шартларида Ўзбекистон Республикаси ҳудудига импорт қилинган дори воситаларининг божхона юк декларацияси тўлдирилган кунда Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича Ўзбекистон Республикасининг миллий валютасида белгиланган шартномадаги нархи;
Б — Ўзбекистон Республикасининг миллий валютасида ҳисобланган божхона тўловлари (ҚҚСдан ташқари);
(17-банднинг олтинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
Бх — бошқа харажатлар (шартномадаги Инкотермс CIP шартида кўрсатилган нархнинг 2 фоизидан кўп бўлмаган миқдорда).
(17-банднинг еттинчи хатбошиси Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
Чекланган нархлар реестрида чет эл валютасидаги нархлар бутун сондан сўнг юздан бир қисмгача, миллий валютадаги нархлар бутун сонгача яхлитланган ҳолда акс эттирилади.
(17-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан саккизинчи хатбоши билан тўлдирилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
18. Ўзбекистон Республикаси ҳудудига импорт қилинган дори воситаларининг нархлари чекланган нархлардан юқори бўлмаслиги керак.
Агарда шартнома нархи чекланган нарх кўрсатилган валютада бўлмаса, унда шартноманинг божхона юк декларацияси тўлдирилган кундаги Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича АҚШ долларида қайта ҳисобланган нархи чекланган нархдан юқори бўлмаслиги керак.
19. Чекланган нархлар реестри ахборот тизимида қайд этилган чекланган нархларни, шунингдек ариза тўлдирилган кунга нисбатан Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича Ўзбекистон Республикасининг миллий валютасида мазкур Низомнинг 17-бандига мувофиқ чекланган савдо устамаларини қўллаш йўли билан ҳисобланган улгуржи ва чакана нархларни акс эттиради.
Чекланган нархлар реестрида чекланган улгуржи ва чакана нархлар ҚҚС суммаси қўшилган ҳолда акс эттирилади.
Ишчи орган томонидан чекланган нархлар реестрида кўрсатилган рецепт билан бериладиган импорт дори воситаларининг чекланган нархлари ҳар йили 1 январь ва 1 июль саналарида Ўзбекистон Республикаси Марказий банки томонидан белгиланган валюталарнинг расмий айирбошлаш курси бўйича Ўзбекистон Республикасининг миллий валютасига автоматик тарзда индексация қилинади.
Бунда, автоматик тарзда индексация қилиш фақат хорижий валютанинг миллий валютадаги қийматига нисбатан ўсиши натижасида охирги қайд этилган чекланган нархи камида 3 фоизга ошадиган дори воситаларига нисбатан тадбиқ этилади.
Агар хорижий валютанинг миллий валютадаги қийматига нисбатан ўсиши натижасида охирги қайд этилган чекланган нарх 5 фоиздан ошган ҳолларда автоматик индексация белгиланган муддатдан қатъий назар амалга оширилади.
(19-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан иккинчи — бешинчи хатбошлар билан тўлдирилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
20. Ариза берувчи ваколатли орган томонидан чекланган нархлар қайд этилган санадан эътиборан камида олти ой ўтгандан сўнг ишчи органга чекланган нархларни қайта қайд этиш учун ариза топширишга ҳақли.
Бунда, ариза берувчи томонидан аризада нархлар ўсишининг аниқ сабабларини кўрсатган ҳолда тасдиқловчи ҳужжатларни аризага илова қилади.
Чекланган нархларни олти ойдан кам бўлган муддатда қайта қайд этиш учун фақат дори воситалари ишлаб чиқариладиган мамлакатда енгиб бўлмайдиган куч (форс-мажор) ҳолатларининг юз бериши асос бўлиши мумкин.
(20-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
21. Ариза берувчи томонидан нотўғри ёки ишончли бўлмаган маълумотлар тақдим этилганлиги аниқланса, чекланган нархлар реестрида кўрсатилган дори воситаларининг нархлари дарҳол ушбу реестрдан чиқарилади.
211. Ваколатли орган томонидан импорт маълумотлари ва бошқа очиқ манбалар орқали ўрганиш натижасида рецепт билан бериладиган дори воситаларининг нархлари қайд этилган нархларга нисбатан 20 ва ундан юқори фоизга пасайганлиги аниқланса, ваколатли орган ахборот тизими ёки электрон почта манзили орқали ариза берувчига кўрсатилган дори воситаларига чекланган нархларни қайта қайд этиш лозимлиги тўғрисида хабар беради.
Бунда, ариза берувчи ўн иш куни ичида ушбу дори воситасига чекланган нархларни қайта қайд этиш тўғрисида ишчи органга ариза билан мурожаат қилиши лозим.
Ариза берувчи томонидан мазкур муддат ичида чекланган нархни қайта қайд этиш тўғрисида ариза тақдим этилмаса, ваколатли орган томонидан рецепт билан бериладиган дори воситасининг пасайтирилган нархи чекланган нархлар реестрида қайд этилади ва эълон қилинади.
(211-банд Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан киритилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
22. Ишчи орган ариза берувчи томонидан чекланган нархларни қайд этиш ёки қайта қайд этиш учун тақдим этилган маълумотларни ошкор қилиши мумкин эмас.
3-боб. Якуний қоидалар
23. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.
(23-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)
LexUZ шарҳиҚаранг: Ўзбекистон Республикаси Маъмурий жавобгарлик тўғрисидаги кодексининг 178-моддаси.
24. Мазкур Низом Ўзбекистон Республикаси Давлат божхона қўмитаси, Монополияга қарши курашиш қўмитаси, Савдо-саноат палатаси ҳамда Инновацион соғлиқни сақлаш миллий палатаси билан келишилган.
Ўзбекистон Республикаси Монополияга қарши курашиш қўмитаси раиси Н. ШАРИПОВ
2020 йил 17 март
Ўзбекистон Республикаси Савдо-саноат палатаси раиси А. ИКРАМОВ
2020 йил 12 март
Инновацион соғлиқни сақлаш миллий палатасининг раиси Р. ИЗАМОВ
2020 йил 19 март
Ўзбекистон Республикаси Давлат божхона қўмитаси раиси М. АЗИМОВ
2020 йил 20 март
Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги низомга
1-ИЛОВА
1-ИЛОВА
Маҳаллий ишлаб чиқарувчининг рецепт билан бериладиган дори воситасини сотиш қийматини шакллантириш бўйича ҳисоб-китоб шакли
Т/р | Кўрсаткичлар номи | Дори воситасининг бир қадоғи учун тўғри келадиган қиймат (сўмда) |
I | Дори воситасининг таннархи, шу жумладан: | |
1.1 | Асосий хом ашё | |
1.2 | Ёрдамчи моддалар | |
1.3 | Қадоқлаш материаллари | |
1.4 | Ишлаб чиқариш хусусиятига эга бўлган меҳнатга ҳақ тўлаш харажатлари | |
1.5 | Ишлаб чиқаришга тегишли бўлган ижтимоий суғуртага ажратмалар | |
1.6 | Коммунал тўловлар | |
1.7 | Бошқалар | |
II | Бошқа харажатлар, шу жумладан: | |
2.1 | Маъмурий харажатлар | |
2.2 | Сотиш харажатлари | |
2.2.1 | шу жумладан, маркетингга, рекламага сарфланган харажатлар | |
2.3 | Бошқа операция харажатлари | |
2.4 | Молиявий фаолият бўйича харажатлар | |
III | Жами харажатлар (I + II сатрлар) | |
Соф фойда (%) | ||
Дори воситасининг сотиш қиймати, ҚҚСсиз | ||
Дори воситасининг сотиш қиймати, ҚҚС билан | ||
| ||
Раҳбар Бош ҳисобчи __________________________ режа-иқтисод бўлими бошлиғи (ёки режалаштириш функциясини амалга оширувчи бошқа шахс) | ||
(1-илова Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғига (рўйхат рақами 3242-1, 12.05.2025 й.) асосан киритилган — Қонунчилик маълумотлари миллий базаси, 12.05.2025 й., 10/25/3242-1/0431-сон)
Референт нарх шакллантириш тизими доирасида рецепт билан бериладиган дори воситалари нархларини қайд этиш тартиби тўғрисидаги низомга
2-ИЛОВА
2-ИЛОВА
Аҳоли жон бошига нисбатан даромадлар даражаси юқори, ўртачадан юқорироқ ва ўртачадан пастроқ бўлган давлатлар гуруҳига кирувчи референт мамлакатлар
РЎЙХАТИ
1. Венгрия Республикаси
2. Россия Федерацияси
3. Украина Республикаси
4. Польша Республикаси
5. Туркия Республикаси
6. Руминия Республикаси
7. Қозоғистон Республикаси
8. Болгария Республикаси
9. Беларусь Республикаси
10. Миср Араб Республикаси
(2-илова Ўзбекистон Республикаси соғлиқни сақлаш вазирининг 2025 йил 14 апрелдаги 3-сонли буйруғи (рўйхат рақами 3242-1, 12.05.2025 й.) таҳририда — Қонунчилик маълумотлари миллий базаси, 12.05.2025 й., 10/25/3242-1/0431-сон)
(Қонун ҳужжатлари маълумотлари миллий базаси, 10.06.2020 й., 10/20/3242/0752-сон; Қонунчилик маълумотлари миллий базаси, 28.07.2021 й., 10/21/3313/0724-сон; 12.05.2025 й., 10/25/3242-1/0431-сон)
