|
Ҳужжат кучини йўқотган 30.04.1999
|
Ўзбекистон Республикаси Президенти ҳузуридаги Вазирлар Маҳкамасининг
қарори
КЎРСАТИЛГАН ХИЗМАТЛАР УЧУН БОЖ ЙИҒИМЛАРИ ОЛИШНИ ТАРТИБГА СОЛИШ ТЎҒРИСИДА
LexUZ шарҳиУшбу қарор Ўзбекистон Республикаси Вазирлар Маҳкамасининг 1999 йил 30 апрелдаги 204-сонли «Божхона йиғимлари ставкалари тўғрисида»ги қарори билан ўз кучини йўқотган.
Вазирлар Маҳкамаси қарор қилади:
1. Ўзбекистон Республикаси Божона қўмитаси ва Молия вазирлигининг кўрсатилган хизматлар учун олинадиган бож йиғимларининг янги ставкаларини иловага мувофиқ белгилаш ҳақидаги таклифи қабул қилинсин.
2. Бундан кейин Ўзбекистон Республикаси Божхона қўмитаси ва Молия вазирлигига товарлар ва хизматлар кўрсатиш нархларининг индексациясини ҳисобга олган ҳолда ставкаларни биргаликда белгилаш ҳуқуқи берилсин.
LexUZ шарҳиЎзбекистон Республикаси Вазирлар Маҳкамасининг 1993 йил 19 август 423-сонли қарори билан 2-банднинг хорижий валютада хизматлар кўрсатиш ва божхона тўловларига оид қисми ўз кучини йўқотган.
Ўзбекистон Республикасининг Бош вазири А. МУТАЛОВ
Тошкент ш.,
1992 йил 7 август,
366-сон
Кўрсатилган хизматлар учун олинадиган бож йиғимлари
СТАВКАЛАРИ
| №№ |
Хизмат турлари |
Олинган бож йиғимлари ставкалари |
| 1. | Божхонадан бошқа жойда товарлар ва бошқа нарсаларни божхона томонидан расмийлаштиришга божхона ходимини чиқарганлик учун, шу жумладан, уларни сақлайдиган корхоналар ва ташкилотларнинг ҳудудидаги божхона назорати остида бўлган товарлар ва нарсаларни, бир ходимнинг бир соат ишлаши ҳисобидан: | |
| | кундузги (иш) вақтда | 50 |
| | ишдан ташқари вақтда (соат 18.00 дан 09.00 гача), шанба, якшанба ва байрам кунларида | 100 |
| 2. | Кўргазмаларга қўйиладиган юкларни расмийлаштирганлик учун, бир ходимнинг бир соат ишлаши ҳисобидан: | |
| | кундузги (иш) вақтда | 50 |
| | ишдан ташқари вақтда (соат 18.00 дан 09.00 гача), шанба, якшанба ва байрам кунларида | 100 |
| 3. | Буюртма берилган хизматлардан олдиндан ёзма ҳолда огоҳлантирмасдан воз кечганлик учун | 100 |
| 4. | Фуқаролар томонидан МДҲга олиб кетиладиган транспорт воситаларини рўйхатга олиш (қайта рўйхатга олиш) ҳуқуқини берувчи гувоҳнома берганлик учун (шу жумладан, вақтинча олиб кетганлик учун): | |
| | енгил автомобиллар, микроавтобуслар, автобуслар | 500 |
| | моторсиз транспорт воситалари (прицеплар, ярим прицеплар, дачалар ва ҳоказолар) | 300 |
| | мотоцикллар, матороллёрлар | 200 |
| | мопедлар (рўйхатга олинадиганлари) | 150 |
| 5. | Нарсаларни олиб келиш (олиб кетиш) тўғрисида ёзма маълумотномалар (тасдиқномалар), буюмлар ва валютани ҳисобга олиш декларацияларининг, дафтарчаларининг нусхаларини ҳамда қонунда белгиланган ҳолларда бошқа маълумотларни берганлик учун, ҳужжат учун | |
| 6. | Йўловчига божхона декларацияси бланкларини берганлик учун (Т-6 шакли) | 1 нусхаси учун 5 сўм |
| 7. | Юкларга божхона декларациясини берганлик учун (ЮБД) | 1 комплект учун 100 сўм |
| 8. | Декларация бериш ҳуқуқига гувоҳнома берганлик учун | 20000 |
| 9. | Юк автомобилини кўздан кечирганлик учун: | |
| | юк билан | 50 |
| | юксиз | 30 |
| 10. | Автобусни кўздан кечирганлик учун | 50 |
| 11. | Енгил автомобилни кўздан кечирганлик учун | 30 |
| 12. | Валюта ва валюта бойликларини сақлаганлик учун: | |
| | бир йилгача, қийматининг | 1 фоизи |
| | бир йилдан ошиқ қийматининг | 2 фоизи |
Изоҳ. Кўрсатилган хизматлар учун бож йиғимлари ҳам сўмда, ҳам хорижий валютада тўланиши мумкин. Сўмни хорижий валютага айлантириб ҳисоблаш бож тўловлари тўлаш ҳақида божхона талаблари қўйилган кунда амалда бўлган ташқи иқтисодий аъмоллар бўйича ҳисоб-китоблар учун қўлланиладиган Ўзбекистон Давлат банкининг курси бўйича амалга оширилади.
