|
Ҳужжат кучини йўқотган 22.07.2022
|
Ҳужжат 24.07.1992 санаси ҳолатига
Амалдаги версияга ўтиш |
Ўзбекистон Республикаси Президенти ҳузуридаги Вазирлар Маҳкамасининг
қарори
ДОКТОРАНТЛАР ВА АСПИРАНТЛАРНИ ИЖТИМОИЙ ҲИМОЯ ҚИЛИШ ЧОРАЛАРИ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 21 июлдаги 396-сонли «Қонунчилик базасини янада тизимлаштириш чора-тадбирлари тўғрисида»ги қарорига асосан ўз кучини йўқотган.
Республиканинг илмий салоҳиятини сақлаш ва мустаҳкамлаш, юқори малакали илмий кадрлар тайёрлаш сифатини ошириш, шунингдек, аспирантлар ва докторантларни ижтимоий ҳимоя қилишни таъминлаш мақсадида Вазирлар Маҳкамаси қарор қилади:
1. Ишлаб чиқаришдан ажралган ҳолда докторантурада ва аспирантурада ўқиётган шахсларга, идоравий бўйсунишидан қатъи назар, имтиёзли овқатланиш учун ҳар ойлик компенсация тўловларини қўшган ҳолда, 1992 йил 1 сентябрдан бошлаб стипендиялар:
Олдинги таҳрирга қаранг.
докторантларга — олий ўқув юртининг илмий даражаси бор доцент лавозим маоши миқдорида;
(1-банднинг иккинчи хатбошиси Ўзбекистон Республикаси Президенти ҳузуридаги Вазирлар Маҳкамасининг 1992 йил 24 июлдаги 348-сон қарори таҳририда)
аспирантларга — олий ўқув юртининг илмий даражаси бўлмаган ўқитувчисининг лавозим маоши миқдорида белгилансин.
2. Ўзбекистон Республикаси Молия вазирлиги ушбу мақсадлар учун зарур маблағларни ажратсин.
Вазирлар Маҳкамасининг Раиси И. КАРИМОВ
Тошкент ш.,
1992 йил 20 июль,
332-сон
