|
Ҳужжат кучини йўқотган 14.09.2023
|
Ҳужжат 11.03.2020 санаси ҳолатига
Амалдаги версияга ўтиш |
Ўзбекистон Республикаси Жисмоний тарбия ва спорт вазирининг
буйруғи
Спорт паспорти тўғрисидаги низомга қўшимчалар киритиш ҳақида
[Ўзбекистон Республикаси Адлия вазирлиги томонидан 2020 йил 11 мартда рўйхатдан ўтказилди, рўйхат рақами 2949-1]
LexUZ шарҳиМазкур буйруқ Ўзбекистон Республикаси ёшлар сиёсати ва спорт вазирининг 2023 йил 28 августдаги 6-мҳ-сонли ««Спорт паспорти тўғрисидаги низомни тасдиқлаш ҳақида»ги қарорни, шунингдек унга қўшимчалар ва ўзгартиришларни ўз кучини йўқотган деб топиш тўғрисида»ги буйруғига (рўйхат рақами 2949-3, 11.09.2023 й.) асосан ўз кучини йўқотган.
Ўзбекистон Республикаси Президентининг 2020 йил 24 январдаги ПФ-5924-сон «Ўзбекистон Республикасида жисмоний тарбия ва спортни такомиллаштириш ва оммалаштириш чора-тадбирлари тўғрисида»ги Фармони ва 2019 йил 5 февралдаги ПҚ-4160-сон «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида»ги қарорига мувофиқ буюраман:
1. Ўзбекистон Республикаси Жисмоний тарбия ва спорт давлат қўмитасининг 2017 йил 24 октябрь 12-мҳ-сон қарори (рўйхат рақами 2949, 2017 йил 22 ноябрь) (Қонун ҳужжатлари маълумотлари миллий базаси, 22.11.2017 й., 10/17/2949/0286-сон) билан тасдиқланган Спорт паспорти тўғрисидаги низомга иловага мувофиқ қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Вазир Д. НАБИЕВ
Тошкент ш.,
2020 йил 21 февраль,
1-мҳ-сон
Жисмоний тарбия ва спорт вазирининг 2020 йил 21 февралдаги 1-мҳ-сон буйруғига
ИЛОВА
ИЛОВА
Спорт паспорти тўғрисидаги низомга киритилаётган қўшимчалар
1. 12-банднинг иккинчи хатбошиси қуйидаги мазмундаги жумла билан тўлдирилсин:
«Тадбиркорлик субъектлари томонидан тақдим этиладиган маълумотнома-анкетани муҳр билан тасдиқлаш талаб этилмайди.».
2. Қуйидаги мазмундаги 231-банд билан тўлдирилсин:
«231. Спорт паспортини расмийлаштириш ва бериш учун йиғим пул тўлови амалга оширилаётган кундаги базавий ҳисоблаш миқдорининг 50 фоизи миқдорида белгиланади ҳамда Марказ ҳисоб рақамига ўтказилади.».
3. 4-илова қуйидаги мазмундаги изоҳ билан тўлдирилсин:
«Изоҳ. Тадбиркорлик субъектлари томонидан тақдим этиладиган маълумотнома-анкетани муҳр билан тасдиқлаш талаб этилмайди.».
(Қонун ҳужжатлари маълумотлари миллий базаси, 11.03.2020 й., 10/20/2949-1/0294-сон)
