Қишлоқ хўжалиги корхоналарига мавсумий қишлоқ хўжалиги техникасини ўз вақтида етказиб беришни давлат томонидан қўллаб-қувватлаш тизимини такомиллаштириш мақсадида Вазирлар Маҳкамаси қарор қилади:

1. Вазирлар Маҳкамасининг 2019йил 12 июлдаги 578-сон қарори билан тасдиқланган Қишлоқ хўжалиги техникасини кредит ва лизинг шартларида харид қилишни давлат томонидан қўллаб-қувватлаш тартиби тўғрисидаги низомга иловага мувофиқ ўзгартиришлар ва қўшимча киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.

1. 2-бандда:

тўртинчи хатбошидаги «миқдорида» сўзи «миқдоригача» сўзи билан алмаштирилсин;

бешинчи хатбошидаги «Марказий банкининг қайта молиялаш ставкасида» сўзлари «Марказий банкининг асосий фоиз ставкасида» сўзлари билан алмаштирилсин.

2. 3-бандда:

иккинчи хатбошидаги «пунктини» сўзи «пунктигача» сўзи билан алмаштирилсин;

учинчи хатбошидаги «Марказий банкининг қайта молиялаш ставкасининг» сўзлари «Марказий банкининг асосий фоиз ставкасининг» сўзлари билан алмаштирилсин.

3. 6-бандда:

биринчи хатбошидаги «миқдорида» сўзи «миқдоригача» сўзи билан алмаштирилсин;

иккинчи хатбошидан «Ўзбекистон Республикаси Марказий банки қайта молиялаш ставкасининг 1,5 бараваригача бўлган фоиз ставкаси билан» сўзлари чиқариб ташлансин;

қуйидаги мазмундаги хатбоши қўшилсин:

«Кредит ёки лизинг олувчиларнинг сўровига асосан ушбу бандда кўрсатилган муддатлар қисқартирилиши мумкин».

4. 8-банддаги «бир» сўзи «икки» сўзи билан алмаштирилсин.

5. 9-банднинг учинчи хатбоши қуйидаги таҳрирда баён қилинсин:

«б) лизинг ёки кредит шартномасида белгиланган фоиз ва Ўзбекистон Республикаси Марказий банкининг асосий фоиз ставкаси ўртасидаги фарқ миқдорида, лекин 10 фоизлик пунктдан кўп бўлмаган миқдорда ажратилади».

6. 10-банддаги «халқаро» сўзи «давлат кафолати остида олинган халқаро» сўзлари билан алмаштирилсин.

7. 21-банддаги «пунктини» сўзи «пунктигача» сўзи билан алмаштирилсин.

8. Низомга иловада «пунктини» сўзи «пунктигача» сўзи билан алмаштирилсин.