toggle_night_mode
Ўзбекистон Республикаси Вазирлар Маҳкамасининг
қарори
Заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ўзбекистон Республикасида заргарлик тармоғини жадал ривожлантириш чора-тадбирлари тўғрисида» 2019 йил 18 майдаги ПФ-5721-сон Фармони ижросини таъминлаш ҳамда республикада заргарлик буюмларини ишлаб чиқариш ва уларнинг реализациясини тартибга солиш мақсадида Вазирлар Маҳкамаси қарор қилади:
1. Заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш тартиби тўғрисидаги низом иловага мувофиқ тасдиқлансин.
2. Ўзбекистон Республикаси Давлат солиқ қўмитаси бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Давлат солиқ қўмитаси раиси Б.А. Мусаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 2 октябрь,
834-сон
Вазирлар Маҳкамасининг 2019 йил 2 октябрдаги 834-сон қарорига
ИЛОВА
Заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш тартиби тўғрисида
НИЗОМ
1-боб. Умумий қоидалар
1. Ушбу Низом заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш (кейинги ўринларда мониторинг қилиш деб аталади) тартибини белгилайди.
2. Заргарлик буюмларини ишлаб чиқариш, импорт қилиш ва уларнинг реализацияси мониторинги ушбу Низомга иловадаги схемага мувофиқ амалга оширилади.
2-боб. Заргарлик буюмларини ишлаб чиқариш, импорт қилиш ва уларнинг реализацияси бўйича маълумотларни шакллантириш тартиби
3. Қуйидагилар идоралараро ахборот алмашинуви воситаси орқали:
а) Ўзбекистон Республикаси Марказий банки қимматбаҳо металлар сотиб олган тадбиркорлик субъектлари тўғрисида;
Олдинги таҳрирга қаранг.
б) Ўзбекистон Республикаси Иқтисодиёт ва молия вазирлиги ҳузуридаги Давлат асиллик даражаси назорати инспекцияси Адлия вазирлигининг «Лицензия» ахборот тизими орқали:
қимматбаҳо металлар ва қимматбаҳо тошлардан заргарлик буюмлари ҳамда бошқа буюмлар ишлаб чиқариш фаолиятини бошлаганлик тўғрисида тасдиқнома;
қимматбаҳо металлар ва қимматбаҳо тошлар билан ишлашни бошлаганлик тўғрисида тасдиқнома;
заргарлик буюмларини ҳамда қимматбаҳо металлар ва қимматбаҳо тошлардан бошқа буюмларни сотиш фаолиятини бошлаганлик тўғрисида тасдиқнома олган тадбиркорлик субъектлари тўғрисида.
(3-банднинг «б» кичик банди Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
в) Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси республика ҳудудига олиб кирилган ва «эркин муомалага чиқариш (импорт)» божхона режимига расмийлаштирилган заргарлик буюмлари (ТИФ ТН позицияси 7113-7116), қимматбаҳо металл ва тошлар (ТИФ ТН позицияси 7101-7112) тўғрисида;
(3-банднинг «в» кичик банди Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
г) «Ўзбекистон республика товар-хом ашё биржаси» АЖ ва «Тошкент товар хомашё биржаси» АЖ биржа савдолари орқали қимматбаҳо металларни сотиб олган тадбиркорлик субъектлари тўғрисида;
(3-банднинг «г» кичик банди Ўзбекистон Республикаси Президентининг 2026 йил 9 июндаги ПФ-108-сонли Фармони таҳририда — Қонунчилик маълумотлари миллий базаси, 10.06.2026 й., 06/26/108/0579-сон)
Олдинги таҳрирга қаранг.
д) «Навоий кон-металлургия комбинати» акциядорлик жамияти ва «Олмалиқ кон-металлургия комбинати» акциядорлик жамияти қимматбаҳо металлар сотиб олган тадбиркорлик субъектлари тўғрисидаги маълумотларни реал вақт режимида Ўзбекистон Республикаси Солиқ қўмитасига тақдим этиб боради.
(3-банднинг «д» кичик банди Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
4. Келиб тушган ҳамда мавжуд бошқа ахборотлар асосида Солиқ қўмитасида заргарлик буюмларини ишлаб чиқариш, импорт ва реализация қилиш фаолияти билан шуғулланадиган тадбиркорлик субъектлари тўғрисида маълумотлар базаси шакллантирилади.
(4-банд Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
3-боб. Мониторинг қилиш тартиби
Олдинги таҳрирга қаранг.
5. Солиқ қўмитаси томонидан ушбу Низомнинг 3-бандига мувофиқ шакллантирилган маълумотлар тадбиркорлик субъектларининг давлат солиқ хизмати органларига топширган ҳисоботлари, шунингдек, қонун ҳужжатларига мувофиқ солиқ тўловчиларнинг мажбуриятлари пайдо бўлиши (тугатилиши) тўғрисида маълумот тақдим этадиган ташкилотлардан олинган маълумотлар билан солиштириш орқали камерал солиқ текширувидан ўтказиладию.
(5-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Бунда қуйидагиларга аҳамият қаратилади:
а) заргарлик буюмларини ишлаб чиқариш соҳасида:
Олдинги таҳрирга қаранг.
қимматбаҳо металлар ва қимматбаҳо тошлардан заргарлик ва бошқа буюмларни ишлаб чиқариш фаолиятини бошлаганлик тўғрисида тасдиқнома мавжудлиги;
(5-банд «а» кичик бандининг иккинчи хатбошиси Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
тадбиркорлик субъектлари томонидан давлат солиқ хизмати органларига тақдим этилган солиқ ҳисоботларида реализация қилинган маҳсулотлар миқдори тўғри кўрсатилганлиги;
б) заргарлик буюмлари импорти амалга оширилганда:
Олдинги таҳрирга қаранг.
қимматбаҳо металлар ва қимматбаҳо тошлар билан ишларни амалга ошириш ва (ёки) заргарлик буюмлари ва қимматбаҳо металлар ва қимматбаҳо тошлардан ясалган бошқа буюмлар билан савдо қилиш фаолиятини бошлаганлик тўғрисида тасдиқнома мавжудлиги;
(5-банд «б» кичик бандининг иккинчи хатбошиси Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
импорт қилинган заргарлик буюмларининг миқдори реализация миқдорига мувофиқлиги;
заргарлик буюмларининг импорт ва реализация миқдорларини тадбиркорлик субъектлари томонидан давлат солиқ хизмати органларига тақдим этилган солиқ ҳисоботларидаги кўрсаткичларга мувофиқлиги;
в) заргарлик буюмларини реализация қилиш бўйича:
Олдинги таҳрирга қаранг.
заргарлик буюмлари ва қимматбаҳо металлар ва қимматбаҳо тошлардан ясалган бошқа буюмлар билан савдо қилиш фаолиятини бошлаганлик тўғрисида тасдиқнома мавжудлиги;
(5-банд «в» кичик бандининг иккинчи хатбошиси Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
турғун савдо шохобчасида фаолият юритилганда назорат-касса техникаси ва тўлов терминаллари билан белгиланган тартибда жиҳозланганлиги;
(5-банд «в» кичик бандининг учинчи хатбошиси Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
сотиб олинган ва реализация қилинган маҳсулотлар суммасининг ўзаро мувофиқлиги;
ҳисобот даврида маҳсулот реализациясидан тушумлар миқдорининг давлат солиқ хизмати органларига тақдим этилган солиқ ҳисоботларидаги кўрсаткичларга мувофиқлиги.
Олдинги таҳрирга қаранг.
Қонунчилик ҳужжатларига мувофиқ олинган маълумотлар асосида давлат солиқ хизмати органлари ваколатларига тааллуқли бошқа масалалар ҳам таҳлил қилиниши мумкин.
(5-банд «в» кичик бандининг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
4-боб. Мониторинг натижаси бўйича кўриладиган чоралар
Олдинги таҳрирга қаранг.
6. Ушбу Низомнинг 5-бандига мувофиқ ўтказилган камерал солиқ текшируви натижасига кўра тафовутлар мавжудлиги аниқланса, солиқ тўловчига унинг ҳисоботларига тегишли тузатишлар киритиш ҳамда камчиликларни бартараф этиш юзасидан белгиланган тартибда талабнома юборилади.
(6-банд Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
7. Камерал солиқ текшируви натижалари бўйича солиқ тўловчи томонидан тақдим этилган ахборотнинг ишончлилигини тасдиқлаш лозим деб топилган ҳолларда, белгиланган тартибда сайёр солиқ текшируви ёки солиқ аудити ўтказилади.
(7-банд Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
Олдинги таҳрирга қаранг.
8. Камерал солиқ текшируви, сайёр солиқ текшируви ва солиқ аудити натижасига кўра тадбиркорлик субъектлари томонидан асиллик даражасини белгилаш ёки тамғалашнинг белгиланган тартибини бузиш, шунингдек, кирим қилинмаган заргарлик буюмларини сотиш ҳолатлари аниқланган тақдирда, қонунчилик ҳужжатларида белгиланган тартибда солиқлар ва йиғимларни ҳисоблаш ва белгиланган тартибда жавобгарликка тортиш чоралари кўрилади.
Солиқ текширувлари натижасига кўра тадбиркорлик субъектларининг фаолиятида жиноят аломатлари мавжуд деб топилган ҳолларда, материаллар қонунчилик ҳужжатларида белгиланган тартибда ҳуқуқни муҳофаза қилувчи органларга юборилади.
(8-банд Ўзбекистон Республикаси Вазирлар Маҳкамасининг 2025 йил 30 июндаги 400-сонли қарори таҳририда — Қонунчилик маълумотлари миллий базаси, 01.07.2025 й., 09/25/400/0556-сон)
9. Заргарлик буюмларини ишлаб чиқариш, импорт қилиш ва уларнинг реализацияси билан шуғулланадиган тадбиркорлик субъектлари фаолиятида Давлат солиқ хизмати органлари томонидан ўтказиладиган солиқ назорати тадбирларига белгиланган тартибда мутахассислар (экспертлар) жалб этилиши мумкин.
5-боб. Якунловчи қоида
Олдинги таҳрирга қаранг.
10. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
(10-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
Заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш тартиби тўғрисидаги низомга
ИЛОВА
Заргарлик буюмларини ишлаб чиқариш, импорт қилиш ва уларнинг реализацияси мониторингини амалга ошириш
СХЕМАСИ
Олдинги таҳрирга қаранг.

Босқичлар

Субъектлар

Тадбирлар

Ижро муддати

1-босқич

Ўзбекистон Республикаси Марказий банки

Қимматбаҳо металлар сотиб олган тадбиркорлик субъектлари тўғрисидаги маълумотларни Ўзбекистон Республикаси Солиқ қўмитасига тақдим этиш.

Реал вақт режимида

Ўзбекистон Республикаси Иқтисодиёт ва молия вазирлиги ҳузуридаги Давлат асиллик даражаси назорати инспекцияси

Адлия вазирлигининг «Лицензия» ахборот тизими орқали қимматбаҳо металлар ва қимматбаҳо тошлардан заргарлик буюмлари ишлаб чиқариш, қимматбаҳо металлар ва қимматбаҳо тошлар билан ишлашни, заргарлик буюмларини ҳамда қимматбаҳо тошлардан бошқа буюмларни сотиш фаолиятини бошлаганлик тўғрисида тасдиқнома олган тадбиркорлик субъектлари тўғрисидаги маълумотларни Ўзбекистон Республикаси Солиқ қўмитасига тақдим этиш.

Реал вақт режимида

Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси

Республика ҳудудига олиб кирилган ва «эркин муомалага чиқариш (импорт)» божхона режимига расмийлаштирилган заргарлик буюмлари (ТИФ ТН позицияси 7113-7116), қимматбаҳо металл ва тошлар (ТИФ ТН позицияси 7101-7112) тўғрисидаги маълумотларни Ўзбекистон Республикаси Солиқ қўмитасига тақдим этиш.

Реал вақт режимида

«Ўзбекистон республика товар-хом ашё биржаси» АЖ ва «Тошкент товар хомашё биржаси» АЖ

Биржа савдолари орқали қимматбаҳо металларни сотиб олган тадбиркорлик субъектлари тўғрисидаги маълумотларни Ўзбекистон Республикаси Солиқ қўмитасига тақдим этиш.

Реал вақт режимида

«Навоий кон-металлургия комбинати» давлат акциядорлик жамияти ва «Олмалиқ кон-металлургия комбинати» акциядорлик жамияти

Қимматбаҳо металлар сотиб олган тадбиркорлик субъектлари тўғрисидаги маълумотларни Ўзбекистон Республикаси Солиқ қўмитасига тақдим этиш.

Реал вақт режимида

2-босқич

Давлат солиқ хизмати органлари

Заргарлик маҳсулотларини ишлаб чиқариш, импорт қилиш ва уларни реализация қилиш фаолияти билан шуғулланадиган тадбиркорлик субъектлари тўғрисида маълумотлар базасини шакллантириш.

Дастурий маҳсулот орқали электрон шаклда

3-босқич

Давлат солиқ хизмати органлари

Шакллантирилган маълумотлар асосида тадбиркорлик субъектларининг давлат солиқ хизмати органларига топширган ҳисоботлари, шунингдек, қонунчилик ҳужжатларига мувофиқ солиқ тўловчиларнинг мажбуриятлари пайдо бўлиши (тугатилиши) тўғрисида маълумот тақдим этадиган ташкилотлардан олинган маълумотлар билан солиштириш орқали камерал солиқ текширувидан ўтказиш.

Қонунчилик ҳужжатларида белгиланган ҳолларда

4-босқич

Давлат солиқ хизмати органлари

Камерал солиқ текшируви натижалари бўйича солиқ тўловчи томонидан тақдим этилган ахборотнинг ишончлилигини тасдиқлаш лозим деб топилган ҳолларда, белгиланган тартибда сайёр солиқ текшируви ёки солиқ аудити ўтказиш.

Қонунчилик ҳужжатларида белгиланган ҳолларда

5-босқич

Давлат солиқ хизмати органлари

Камерал солиқ текшируви, сайёр солиқ текшируви ва солиқ аудити натижасига кўра тадбиркорлик субъектлари томонидан асиллик даражасини белгилаш ёки тамғалашнинг белгиланган тартибини бузиш, шунингдек, кирим қилинмаган заргарлик буюмларини сотиш ҳолатлари аниқланган тақдирда, қонунчилик ҳужжатларида белгиланган тартибда солиқлар ва бошқа тўловларни ҳисоблаш ва ўрнатилган тартибда жавобгарликка тортиш чораларини кўриш.

Ҳолатлар аниқланганда

6-босқич

Давлат солиқ хизмати органлари

Ўтказилган текширувлар натижасида тадбиркорлик субъектлари фаолиятида жиноят аломатлари мавжуд деб топилган ҳолларда, материалларни қонунчилик ҳужжатларида белгиланган тартибда ҳуқуқни муҳофаза қилувчи органларга юбориш.

Ҳолатлар аниқланганда

(илова Ўзбекистон Республикаси Президентининг 2026 йил 9 июндаги ПФ-108-сонли Фармони таҳририда — Қонунчилик маълумотлари миллий базаси, 10.06.2026 й., 06/26/108/0579-сон)
(Қонун ҳужжатлари маълумотлари миллий базаси, 02.10.2019 й., 09/19/834/3839-сон; Қонунчилик маълумотлари миллий базаси, 05.04.2022 й., 09/22/153/0266-сон; 01.07.2025 й., 09/25/400/0556-сон; 10.06.2026 й., 06/26/108/0579-сон)