|
Ҳужжат кучини йўқотган 19.04.1994
|
Ўзбекистон Республикаси Президенти ҳузуридаги Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ОЛИЙ КЕНГАШИНИНГ «КОРХОНАЛАР (ТАШКИЛОТЛАРНИНГ МАХСУС РУХСАТНОМАЛАР (ЛИЦЕНЗИЯЛАР) АСОСИДАГИНА ШУҒУЛЛАНИШГА ҲАҚЛИ БЎЛГАН ФАОЛИЯТ ТУРЛАРИНИНГ РЎЙХАТИ ҲАҚИДА» 1992 ЙИЛ 14 ЯНВАРДАГИ ҚАРОРИ
LexUZ шарҳиУшбу қарор Ўзбекистон Республикаси Вазирлар Маҳкамасининг 1994 йил 19 апрелдаги 215-сонли «Фаолиятнинг айрим турлари билан шуғулланиш учун махсус рухсатномалар (лицензиялар) бериш тартибини такомиллаштириш тўғрисида»ги қарори билан ўз кучини йўқотган.
LexUZ шарҳиЎзбекистон Республикаси Вазирлар Маҳкамасининг 1993 йил 17 июндаги 290-сонли қарорига мувофиқ Ўзбекистон Республикаси Соғлиқни сақлаш вазирлигининг Ўзбекистон фармацевтика саноати («Ўзфармсаноат») давлат-акционерлик концернининг тавсияси бўйича фармакологик воситаларни ишлаб чиқаришни ташкил қилиш бўйича корхоналар (ташкилотлар)га лицензиялар бериш ҳуқуқи доривор воситаларнинг сифатини назорат қилиш Давлат комиссиясига берилган.
Вазирлар Маҳкамаси қарор қилади:
1. Ўзбекистон Республикаси Олий Кенгашининг 1992 йил 14 январдаги қарори амал қилиш ва ижро этиш учун қабул қилинсин, унда:
а) махсус рухсатномалар (лицензиялар) асосидагина шуғулланишга ҳақли бўлган Ўзбекистон Республикаси ҳудудидаги корхоналар (ташкилотлар) фаолият турларининг рўйхати тасдиқланган (илова қилинади);
б) белгиландики, корхона (ташкилот) рўйхатга киритилган фаолият турлари билан тегишли рухсатнома (лицензиясиз шуғулланган ҳолларда у ушбу фаолиятдан олган барча даромадни маҳаллий бюджетга ўтказади ва ноқонуний олинган даромад миқдорида жарима тўлайди. Бундай корхона ташкилотнинг фаолияти ҳакамлик судининг қарори билан тўхтатиб қўйилиши мумкин.
2. Ўзбекистон Республикаси Олий Кенгашининг 1992 йил 14 январдаги қарори билан тасдиқланган, корхона (ташкилотлар)га рўйхатда назарда тутилган фаолият турлари билан шуғулланиш учун ҳуқуқ берадиган махсус рухсатнома (лицензиялар бериш тартиби тўғрисидаги илова қилинаётган Низом тасдиқлансин.
Белгилансинки, лицензиялар бериш ҳуқуқига фақат давлат бошқарув органлари эгадирлар.
Республика ҳудудида жойлашган ва кўрсатилган фаолият турлари билан шуғулланувчи барча корхоналар ва ташкилотлар, мулкчилик шаклларидан қатъи назар, 1992 йилнинг 1 августигача илова қилинган Низомда назарда тутилган тартибда лицензияларни расмийлаштирадилар.
3. Ўзбекистон ССР Министрлар Советининг «Ўзбекистон ССР территориясида кооператив ва якка тартибдаги меҳнат фаолиятининг баъзи турларини тақиқлаш тўғрисида» 1989 йил 5 октябрдаги 325-сон қарори (ЎзССР ҚТ, 1989 й., 10-сон, 27-модда) 1-бандининг бешинчи, ўн биринчи, йигирма саккизинчи ва йигирма тўққизинчи хатбошлари ўз кучини йўқотган деб ҳисоблансин.
4. Ушбу қарорнинг бажарилишини назорат қилиш Вазирлар Маҳкамасининг тармоқ бўлимлари ва тегишли давлат бошқарув органлари раҳбарларига юклатилсин.
Ўзбекистон Республикасининг Бош вазири А. МУТАЛОВ
Тошкент ш.,
1992 йил 21 май,
240-сон
Корхоналарга (ташкилотларга) фаолиятнинг алоҳида турлари билан шуғулланиш ҳуқуқини берадиган махсус рухсатномалар (лицензиялар) бериш тартиби тўғрисида
НИ3ОМ
1. Мазкур Низом мулкчиликнинг барча шаклларидаги корхоналарга (ташкилотларга) Ўзбекистон Республикаси Олий Кенгашининг 1992 йил 14 январдаги қарори билан тасдиқланган рўйхат бўйича фаолиятнинг алоҳида турлари билан шуғулланиш ҳуқуқини бериш учун махсус рухсатномалар (лицензиялар) тақдим этиш тартибини йўналтириб туради.
2. Махсус рухсатномалар (лицензиялар) беришга қуйидаги давлат органлари ваколатлидирлар:
Олдинги таҳрирга қаранг.
|
Фаолият турлари |
Органнинг номи |
| Қурол-яроғ ва унга ўқ-дорилар, ҳимоя воситалари, ҳарбий техника, эҳтиёт қисмлар, агар улар бошқа тармоқларда фойдаланилмаса, уларга бутловчи элементлар ва приборлар, шунингдек, уларни ишлаб чиқариш учун махсус материаллар ва махсус асбоб-ускуналарни ишлаб чиқиш, ишлаб чиқариш, тузатиш ва сотиш | Ўзбекистон Республикаси Мудофаа вазирлиги |
| Портловчи моддалар ва улар қўлланган маҳсулотларни ишлаб чиқариш ва сотиш | Ўзбекистон Республикаси Мудофаа вазирлиги (мудофаа эҳтиёжлари учун), Ўзбекистон Республикаси Саноатда ишларнинг бехатар олиб борилишини назорат қилиш ва кончилик назорати давлат қўмитаси (халқ хўжалиги эҳтиёжлари учун) |
| Жанговар заҳарловчи моддалар ва улардан ҳимояланиш воситаларини ишлаб чиқариш ва сотиш | Ўзбекистон Республикаси Мудофаа вазирлиги |
| Ракета-космик комплекслар, алоқа тизимлари ва уларни бошқариш воситаларини ишлаб чиқиш, ишлаб чиқариш, тузатиш ва сотиш | Вазирлар Маҳкамаси |
| Уранни ва бошқа бўлинувчи материалларни қазиб олиш ҳамда улардан тайёрланган буюмларни ишлаб чиқариш, транспортда ташиш, қайта ишлаш, кўмиш ва сотиш | Вазирлар Маҳкамаси |
| Ягона энергетика тизимига уланадиган доимий электр станцияларда электр энергияси ишлаб чиқариш | Ўзбекистон Республикаси Энергетика ва электрлаштириш вазирлиги |
| Портлаш хавфи бўлган ва заҳарли моддаларни транспортда ташиш | Ўзбекистон Республикаси Мудофаа вазирлиги «(мудофаа эҳтиёжлари учун), Ўзбекистон Республикаси Саноатда ишларнинг бехатар олиб борилишини назорат қилиш ва кончилик назорати давлат қўмитаси (халқ хўжалиги эҳтиёжлари учун) |
| Бўшаб қолган ҳарбий-техника воситаларини тугатиш (йўқ қилиш, фойдали мақсадда ишлатиш, кўмиш) ва қайта ишлаш | Ўзбекистон Республикаси Мудофаа вазирлиги |
| Ҳарбий маҳсулотларни намойиш этиш ва реклама қилиш | Ўзбекистон Республикаси Мудофаа вазирлиги |
| Ов ва спортга оид ўқ отадиган қуролларни ва улар учун ўқ-дориларни, шунингдек, совуқ қуроллар (пичоқларнинг миллий турларидан бошқа) ишлаб чиқариш, тузатиш ва сотиш | Ўзбекистон Республикаси Ички ишлар вазирлиги |
| Нефть ва газни қазиб чиқариш, қайта ишлаш ҳамда сотиш | Вазирлар Маҳкамаси |
| Қимматбаҳо ва нодир металлар, қимматбаҳо тошлар қазиб олиш | Вазирлар Маҳкамаси |
| Таркибида қимматбаҳо металлар ва қимматбаҳо тошлар бўлган иккиламчи ресурслар ва чиқиндиларни тайёрлаш ва қайта ишлаш | Вазирлар Маҳкамаси |
| Қимматбаҳо металлар ва тошлардан заргарлик буюмлари тайёрлаш | Вазирлар Маҳкамаси |
| Радиоактив моддалар ва изотоплардан фойдаланган ҳолда рентген асбоб-ускуналари, приборлар ва жиҳозларни ишлаш, ишлаб чиқариш ва сотиш | Вазирлар Маҳкамаси |
| Атом энергетикаси объектларини (асбоб-ускуналар, тизимлар ва аппаратураларни), магистраль трубопроводлар, кўприклар, туннелларни, шунингдек, мудофаа объектларини лойиҳалаш, қуриш-монтаж қилиш, ишлатиш ва тузатиш | Вазирлар Маҳкамаси, Ўзбекистон Республикаси Мудофаа вазирлигининг мудофаа объектлари қисми |
| Ўта хавфли объектлар ва потенциал хатарли корхоналарни қуриш ва ишлатиш, улар учун асбоб-ускуналар,назорат қилиш ва аварияга қарши ҳимоя тизимларини тайёрлаш | Ўзбекистон Республикаси Саноатда ишларнинг бехатар олиб борилишини назорат қилиш ва кончилик назорати қўмитаси |
| Йўловчилар ва юкларни ташиш: | |
| темир йўл транспорти билан | Ўрта Осиё темир йўл бошқармаси |
| ҳаво транспорти билан | Вазирлар Маҳкамаси |
| денгиз транспорти билан | Аризачининг турар жойидаги ҳокимликлар |
| Юклар ва йўловчиларни автомобилларда халқаро (МДҲ мамлакатлари ҳудудидан ташқарида) ташишлар | Ўзбекистон Автомобиль транспорти давлат акционерлик корпорацияси |
| Хазина ва банк билетлари,тангалар,орден ва медаллар ишлаб чиқариш | Ўзбекистон Республикаси Марказий банки |
| Қимматдор қоғозлар (акциялар, облигациялар ва ҳоказолар) ишлаб чиқариш | Ўзбекистон Республикаси Молия вазирлиги |
| Почта тўлов белгиларини ишлаб чиқариш | Ўзбекистон Республикаси Алоқа вазирлиги |
| Магистраль ва халқаро алоқа линияларини лойиҳалаш, қуриш ва ишлатиш | Ўзбекистон Республикаси Алоқа вазирлиги |
| Топография-геодезия ва картография ишларини бажариш | Вазирлар Маҳкамаси ҳузуридаги геодезия ва картография бошқармаси |
| Метрология асбоб-ускуналарни ишлаб чиқариш ва сотиш | Ўзбекистон Давлат стандартлаш, метрология ва сертификатциялаш маркази |
| Шифрлаш техникасини ишлаб чиқариш, тузатиш, сотиш ва ишлатиш | Ўзбекистон Республикаси Миллий хавфсизлик хизмати |
| Таркибида наркотик моддалар бўлган экинларни экиш, ўстириш ва сотиш | Ўзбекистон Республикаси Ички ишлар вазирлиги |
| Наркотик моддаларни ишлаб чиқариш ва сотиш | Ўзбекистон Республикаси Ички ишлар вазирлиги |
| Фармакология препаратларини ишлаб чиқариш ва сотиш | Ўзбекистон Республикаси Соғлиқни сақлаш вазирлиги |
| Қиморхоналар ташкил этиш | Ўзбекистон Республикаси Ички ишлар вазирлиги |
| Лотерия ўйинларини ўтказиш | Ўзбекистон Республикаси Молия вазирлиги |
| Қурилиш лойиҳаларини экспертиза қилиш | Ўзбекистон Республикаси Давлат қурилиш ишлари қўмитаси |
| Биржа фаолияти — биржада брокерлик ўринларига эга бўлган ва қуйидагилар билан аъмолларни амалга оширувчи брокерлик ва дилерлик идоралари биржа фаолиятининг бошқа қатнашчилари | |
| қимматдор қоғозлар билан | Ўзбекистон Республикаси Молия вазирлиги |
| валюта билан | Ўзбекистон Республикаси Марказий банки |
| кўчмас мулклар билан | Ўзбекистон Республикаси Давлат мулкини бошқариш ва хусусийлаштириш қўмитаси |
| интеллектуал мулк билан | Ўзбекистон Республикаси Фан ва техника давлат қўмитаси |
| Воситачилик фаолияти (биржадан ташқари), шу жумладан, савдо-воситачилик ва савдо-харид фаолияти | Аризачининг турар жойидаги ҳокимликлар |
| Ёнғинга қарши автоматика, қўриқлаш, ёнғин ва қўриқлаш-ёнғин сигнализацияси воситаларини лойиҳалаш ,тузатиш, монтаж қилиш,уларга техника хизмати кўрсатиш | Ўзбекистон Республикаси Ички ишлар вазирлиги |
| Тиббий ёрдам кўрсатиш | Ўзбекистон Республикаси Соғлиқни сақлаш вазирлиги |
| Соғломлаштириш ва бошқа болалар, ўсмирлар ва ёшлар лагерларини ташкил этиш | Ўзбекистон Республикаси Халқ таълими вазирлиги |
| Атторлик ва пардоз-андоз буюмлари, маиший кимё моллари тайёрлаш | Ўзбекистон Республикаси Соғлиқни сақлаш вазирлиги |
| Давлат тасарруфидан чиқарилиши ва хусусийлаштирилиши керак бўлган мол-мулкнинг қийматини ва таркибини дастлабки баҳолаш, мулкчилик шаклини ўзгартириш билан боғлиқ ҳужжатларни тайёрлашга доир ишлар | Ўзбекистон Республикаси Давлат мулкини бошқариш ва хусусийлаштириш қўмитаси |
| Аудиторлик фаолияти | Ўзбекистон Республикаси Молия вазирлиги |
| Фуқароларга ва юридик шахсларга ҳуқуқий ёрдам кўрсатиш билан боғлиқ ишларни амалга ошириш | Ўзбекистон Республикаси Адлия вазирлиги |
| Бадиий ва хроникал-ҳужжатли, илмий-оммабоп, манзарали, мультипликацион киновидеофильмлар ва дастурлар ишлаб чиқариш | Ўзбекистон Республикаси Давлат кинокомпанияси |
| Киновидео дастурларни кўпайтириш, дубляж қилиш, сотиш | Ўзбекистон Республикаси Давлат кинокомпанияси |
| Киновидео маҳсулотларини ижарага бериш, намойиш этиш ва кўрсатиш | Ўзбекистон Республикаси Давлат кинокомпанияси |
| Кинога олиш ишларини ва бошқа киновидео фаолиятни ташкил этиш бўйича хизматлар, шу жумладан, воситачилик хизмати кўрсатиш | Ўзбекистон Республикаси Давлат кинокомпанияси |
| Ишлаб чиқариш, уй-жой-хўжалик ва қишлоқ хўжалиги мақсадларидаги бинолар қурилиши учун лойиҳалаш ва муҳандислик-техникавий қидирув ишлари | Ўзбекистон Республикаси Давлат қурилиш ишлари қўмитаси |
| Баландликларда саноат альпинизми услубида таъмирлаш, қурилиш-монтаж ишларини бажариш | Ўзбекистон Республикаси Вазирлар Маҳкамасининг Фавқулодда вазиятлар бўйича комиссияси ҳузуридаги республика тез ҳаракат қилиш кўп профилли маркази |
(жадвал Ўзбекистон Республикаси Вазирлар Маҳкамасининг 1993 йил 27 декабрдаги 610-сонли қарори таҳририда)
Вазирлар Маҳкамаси зарур ҳолларда лицензия бериш учун тегишли бошқарув органлари орқали ўз ҳуқуқини ўтказа олади.
Рўйхатда кўрсатилган фаолият турларининг ҳар бир гуруҳи бўйича алоҳида лицензия расмийлаштирилади.
3. Махсус рухсатнома (лицензия) 1-иловага мувофиқ форма бўйича берилади.
4. Лицензия олиш учун лицензия беришга вакил қилинган органга қуйидаги ҳужжатларни тақдим этиш зарур:
ариза (2-илова)
таъсис ҳужжатлари ёки уларнинг тасдиқланган нусхалари;
лицензия берганлик учун пул тўланганлиги тўғрисидаги ҳужжатлар;
лицензия бериш учун вакил қилинган тегишли давлат бошқарув органлари томонидан белгиланадиган бошқа ҳужжатлар.
Ҳужжатларни кўриб чиқиш ва лицензия бериш тўғрисидаги масалани ҳал этиш билан боғлиқ харажатларни қоплаш учун лицензия бериш ваколатига эга бўлган орган ҳисобига аризачи томонидан икки минг сўм миқдорида пул ўтказилади.
5. Лицензия берганлик учун қуйидаги миқдорларда давлат пошлинаси тўланади:
корхоналар ва ташкилотлар учун — 8 минг сўм;
ишловчиларнинг камида 50 фоизини, ногиронлар, уруш, Қуролли Кучлар фахрийлари ёки пенсия ёшига етганлар (пенсионерлар) ташкил қиладиган корхоналар ва ташкилотлар учун, шунингдек, кичик корхоналар учун — 4 минг сўм.
Ўзбекистон Республикаси Олий Кенгашининг 1992 йил 14 январдаги қарори билан кўзда тутилган фаолият турлари билан шуғулланувчи давлат корхоналари ва ташкилотларига улар учун давлат ҳокимияти ва бошқарув органлари томонидан белгиланган ишлаб чиқариш ихтисосига мувофиқ лицензиялар ариза берилган вақтдан бошлаб 15 кун муддатда, йиғим ва давлат пошлинаси тўламасдан, берилади.
Соғлиқни сақлаш органлари, тиббий ёрдам кўрсатувчи ҳамда соғломлаштириш ва бошқа болалар, ўсмирлар ва ёшлар лагерларини ташкил этиш фаолиятини текин амалга оширувчи бошқа муассасалар давлат пошлинаси тўлашдан озод этиладилар.
Тўланган давлат пошлинаси:
лицензиялар давлат бошқарувининг республика органлари томонидан берилганда — республика бюджетига;
лицензиялар ҳокимликлар томонидан берилганда — тегишли маҳаллий бюджетга ўтказилади.
6. Лицензия бериш (бермаслик) ҳақидаги қарор тўғри расмийлаштирилган ҳужжатлар олинган кундан бошлаб 30 кундан кечикмасдан қабул қилинади.
Лицензия бериш учун вакил қилинган орган тегишли равишда расмийлаштирилмаган, шунингдек, амалдаги қонунчилик талабларига ва мазкур Низомга мувофиқ келмаган ҳужжатлар топширилган ҳолларда лицензиялар беришни рад этиш ҳуқуқига эгадир.
Бошқа сабабларга кўра, шу жумладан, мақсадга мувофиқ бўлмаган сабабларга кўра лицензиялар беришни рад этишга йўл қўйилмайди.
Лицензия беришни рад этиш ҳақидаги қарор асосланган бўлиши ва ариза берувчига ёзма шаклда юборилиши керак.
Ҳужжатлар ариза берувчи томонидан қайта расмийлаштирилган тақдирда улар 15 кун муддат ичида такроран кўриб чиқилади.
7. Лицензия бериш учун вакил қилинган орган зарур ҳолларда тегишли хулосаларни тайёрлаш учун меҳнат шартномалари бўйича ҳақ тўлаган ҳолда экспертларни жалб қилиш ҳуқуқига эгадир.
8. Лицензия беш йил муддатга берилади. Ариза берувчининг асосли илтимоси бўйича лицензиянинг амал қилиш муддати, белгиланган миқдорда тегишли пошлина тўланган ҳолда, яна шунча муддатга узайтирилиши мумкин. Лицензия муддатини узайтириш ёзма шаклда тасдиқланади.
9. Фаолият кўрсатиш учун берилган лицензия уни берган орган томонидан қуйидаги ҳолатларда бекор қилиниши мумкин:
а) агар лицензия олиш учун тақдим этилган материалларда ҳақиқатга тўғри келмайдиган маълумотлар мавжудлиги аниқланса;
б) агар корхона (ташкилот) томонидан фаолият кўрсатиш учун лицензияда берилган шартлар бажарилмаса;
в) Ўзбекистон Республикаси қонунчилигида назарда тутилган бошқа ҳолларда.
10. Тегишли фаолият тури учун берилган лицензияни бекор қилиш учун асослар аниқланган тақдирда лицензияни берган орган корхона, ташкилотга бузилишларни бартараф этиш тўғрисида ёзма кўрсатма беради.
Агар корхона, ташкилот ёзма кўрсатма олгандан сўнг 30 кун муддат ичида фаолият учун берилган лицензияни бекор қилишга асос бўладиган бузилишларни бартараф этмаса, лицензия берган орган уни бекор қилади ва тегишли фаолият тўхтатилиши керак бўлган муддатни тайинлайди.
11. Лицензия берган орган 3 кун муддат ичида фаолият кўрсатиш учун берилган лицензияни бекор қилиш тўғрисидаги қарор нусхасини корхонага, ташкилотга ва рўйхатдан ўтказилган жойдаги ҳокимликларга жўнатади.
12. Корхона, ташкилот фаолият кўрсатиш учун берилган лицензияни бекор қилиш тўғрисидаги қарор нусхасини олгандан сўнг 30 кун муддат ичида қарорни бекор қилиш ва зарарни ундириш учун судга мурожаат қилиш ҳуқуқига эгадир.
13. Ариза берувчи лицензия бермаслик ёки унинг амал қилишини тўхтатиш тўғрисидаги қарор юзасидан республика судларига ёки ҳакамлик судларига шикоят қилиш ҳуқуқига эгадир.
1-илова
|
__________________________________________________________________________________________________ | ||||
|
(Лицензия бериш учун вакил қилинган вазирлик (идора) нинг номи) | ||||
|
| ||||
| Шаҳар | | | |
Берилган кун |
| Шу ҳақда берилдики, _________________________________________________________________________________ | ||||
| __________________________________________________________________________________________________ | ||||
|
(ариза берувчининг номи) | ||||
| __________________________________________________________________________________________________ | ||||
|
____________________________________________________________________ олиш ҳуқуқига эга бўлди. | ||||
|
(фаолият турининг номи) | ||||
|
|
|
| ||
2-илова
| | ____________________________________________ |
| |
(Лицензия бериш учун вакил қилинган |
|
________________________________________________________________________________________________ | |
| ______________________________________________________________________ ҳуқуқига эга бўлиш | |
|
(фаолият турининг номи) | |
|
| |
| 1. Ариза берувчининг номи | |
| 2. Почта манзилгоҳи ________________________________________________________________________________ | |
| телефон _____________, телефакс _______________, телекс _____________________ | |
| 3. Аризага илова қилинадиган ҳужжатлар рўйхати | |
|
|
|
