ПҚ-4420-сон 16.08.2019. Қоракўлчилик тармоғини комплекс ривожлантириш чора-тадбирлари тўғрисида

Ўзбекистон Республикаси Президентининг

қарори

Қоракўлчилик тармоғини комплекс ривожлантириш чора-тадбирлари тўғрисида

Мамлакатимизда қоракўлчилик тармоғида иқтисодий ислоҳотларни чуқурлаштириш, наслчилик ишларини такомиллаштириш орқали сифатли қоракўл тери етиштириш, чўл озуқабоп экинлар уруғчилиги майдонларини ташкил этиш ва яйловлар ҳосилдорлигини ошириш ҳамда қоракўлчилик субъектларининг моддий-техника базасини мустаҳкамлаш борасида сўнгги йилларда бир қатор ижобий ишлар амалга оширилди.

Шу билан биргаликда, бугунги кунда соҳада мавжуд ички имкониятлардан тўлиқ фойдаланилмаяпти.

Хусусан, наслчилик ишларини янада такомиллаштириш, чўл яйлов озуқабоп ўсимликлар уруғчилиги майдонларини кенгайтириш, соҳада экспортбоп қоракўл ва қоракўлча тери етиштириш, маҳсулотларни чуқур қайта ишлаш ва хом ашёлардан тиббиёт мақсадлари учун фойдаланиш аҳволи бугунги кун талабига жавоб бермайди.

Республикада қоракўл зотли қўйлар бош сони ва қоракўлчилик маҳсулотлари ишлаб чиқариш ҳажмларини янада ошириш, наслчилик ишларини илмий асосда такомиллаштириш, қоракўлчилик маҳсулотларини, хом ашёларини чуқур қайта ишлаш ва тиббиёт мақсадлари учун кенг фойдаланиш ҳамда соҳа ходимларини ижтимоий қўллаб-қувватлаш мақсадида:

1. Қуйидагилар:

2019 — 2021 йилларда қоракўл зотли қўйлар бош сони, жун ва қоракўл тери ишлаб чиқаришни кўпайтиришнинг прогноз параметрлари 1, 1а, 1б-иловаларга мувофиқ;

қоракўлчилик маҳсулотларини қайта ишлашни ташкил этувчи корхоналар рўйхати 2-иловага мувофиқ;

қоракўлчилик соҳасида экспортбоп қоракўлча тери етиштириш ва тиббиёт учун ноёб доривор воситалар ишлаб чиқаришда фойдаланиладиган қоракўлчилик хом ашёси етказиб бериш корхоналари рўйхати 3-иловага мувофиқ;

яйловлар ҳосилдорлигини ошириш мақсадида чўл яйлов ўсимликлари уруғчилиги майдонларини кенгайтириш параметрлари 4-иловага мувофиқ;

наслчилик қоракўлчилик хўжаликларига кучли озуқалар етиштириш мақсадида талаб этиладиган суғориладиган ер майдонларини ажратиш параметрлари 5-иловага мувофиқ;

ўрмон хўжалиги ташкилотларига қарашли узоқ чўл ҳудудларидаги наслчилик қоракўлчилик хўжаликларининг сув чиқариш иншоотлари жойлашган наслчилик қоракўлчилик хўжаликларига ажратиладиган яйлов ер майдонлари 6-иловага мувофиқ тасдиқлансин.

Олдинги таҳрирга қаранг.

2. Қорақалпоғистон Республикаси Вазирлар Кенгаши, Бухоро, Навоий, Қашқадарё, Самарқанд, Жиззах ва Сурхондарё вилоятлари ҳокимликлари бир ой муддатда Ўзбекистон Республикаси Ветеринария ва чорвачиликни ривожлантириш давлат қўмитаси, Яйлов хўжалигини ривожлантириш уюшмаси, «Халқ банки» АТБ билан биргаликда мазкур қарорга мувофиқ белгиланган прогноз параметрлар ижросини таъминлаш юзасидан туманлар ва қоракўлчилик субъектлари кесимида манзилли чора-тадбирларни тасдиқласин ҳамда уларнинг самарали ва тўлиқ ижроси юзасидан тизимли мониторинг ўрнатсин.

(2-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

3. Ўзбекистон Республикаси Ер ресурслари, геодезия, картография ва давлат кадастри давлат қўмитаси Ўрмон хўжалиги давлат қўмитаси, Бухоро, Навоий ва Қашқадарё вилоятлари ҳокимликлари билан биргаликда бир ой муддатда мазкур қарорга 6-иловада назарда тутилган ўрмон билан қопланмаган яйлов ер майдонларини хатловдан ўтказиб, уларнинг ўрмон хўжалиги ташкилотларидан наслчилик қоракўлчилик хўжаликларига ажратиб берилишини таъминласин.

4. Ўзбекистон Республикаси Ветеринария ва чорвачиликни ривожлантириш давлат қўмитаси, Республика «Қоракўлчилик» уюшмаси, Навоий ва Қашқадарё вилояти ҳокимликларининг Навоий вилоятида қоракўл зотли қўйларнинг сур ранги бўйича, Қашқадарё вилоятида қора ва кўк ранги бўйича юқори элита синфли наслдор қоракўл қўйлар етиштиришга ихтисослаштирилган Илмий-наслчилик тажриба станцияларини ташкил этиш тўғрисидаги таклифи маъқуллансин.

Қуйидагилар Илмий-наслчилик тажриба станцияларининг асосий вазифалари этиб белгилансин:

юқори наслдор элита синфига мансуб сур, қора ва кўк рангли қоракўл зотли қўйлар отарларини илмий асосда ташкил этиш;

отарларда наслчилик ва сунъий уруғлантириш ишларини тизимли ташкил этиш, бунда ранглар бўйича қимматли экспортбоп ярим доира қаламгул, қовурғасимон ва ясси гул типидаги қоракўл қўйлар селекциясига алоҳида эътибор қаратиш;

серпушт қоракўл қўйларни ўзаро жуфтлаш орқали жаҳон мўйна бозорлари талабидан келиб чиқиб, қоракўл терининг рақобатбардош турларини яратиш;

етиштирилган юқори маҳсулдор қоракўл қўй ва қўчқорларни аҳоли хонадонларига, деҳқон ҳамда фермер хўжаликларига тизимли равишда етказиб беришни йўлга қўйиш.

Ушбу станцияларни ташкил этиш билан боғлиқ харажатлар маҳаллий давлат ҳокимиятиорганларининг бюджетдан ташқари маблағлари ҳисобига амалга оширилади.

5. Белгилансинки, 2019 — 2023 йилларда қоракўлчилик хўжаликларига етиштириб экспортга сотилган ҳар бир дона қоракўл териси учун Ўзбекистон Республикаси Давлат бюджетидан 50 минг сўмдан ва ҳар бир дона қоракўлча териси учун 75 минг сўмдан субсидиялар ажратилади.

Ўзбекистон Республикаси Ветеринария ва чорвачиликни ривожлантириш давлат қўмитаси Молия вазирлиги, Иқтисодиёт ва саноат вазирлиги ҳамда Республика «Қоракўлчилик» уюшмаси билан биргаликда икки ой муддатда қоракўлчилик субъектларига субсидия бериш тартибини ишлаб чиқиб, тасдиқласин.

Олдинги таҳрирга қаранг.

6. Республикада қоракўлчилик соҳасида наслчилик селекция ишларини такомиллаштириш, жаҳон бозори талабларига мос бўлган рақобатбардош қоракўл териси ишлаб чиқариш ва уни қайта ишлашни молиявий жиҳатдан қўллаб-қувватлаш мақсадида Яйлов хўжалигини ривожлантириш уюшмаси ҳузурида Қоракўлчиликни ривожлантириш жамғармаси (кейинги ўринларда — Жамғарма) ташкил этилсин.

(6-банднинг биринчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Қуйидагилар Жамғарма маблағларини шакллантиришнинг манбалари этиб белгилансин:

Ўзбекистон Республикаси Давлат бюджетидан фоиз тўловларисиз қайтариш шарти билан 7 йил муддатга 2019-2020 йилларда ажратиладиган 50 млрд сўм;

Олдинги таҳрирга қаранг.

Яйлов хўжалигини ривожлантириш уюшмасига аъзо ташкилотларнинг ҳамда бошқа жисмоний ва юридик шахсларнинг ихтиёрий ажратмалари;

(6-банднинг тўртинчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

халқаро молия институтлари ва бошқа хорижий донорларнинг грантлари ва кредитлари;

Жамғарманинг вақтинча бўш турган маблағларини тижорат банклари депозитларига жойлаштиришдан олинган даромадлар;

қонун ҳужжатларида тақиқланмаган бошқа манбалар.

7. Белгилансинки, Жамғарма маблағлари қуйидаги мақсадларга ишлатилади:

наслчилик-селекция ишларини илмий асосда ташкил этиш ва уни такомиллаштириш;

Олдинги таҳрирга қаранг.

инқирозга учраган яйлов ер майдонларини тиклаш, чўл-яйлов озуқабоп ўсимликларининг бирламчи уруғчилик майдонлари ва маданий яйловзорларни ташкил этиш;

(7-банднинг учинчи хатбошиси Ўзбекистон Республикаси Президентининг 2025 йил 30 январдаги ПҚ-34-сонли қарори таҳририда — Қонунчилик маълумотлари миллий базаси, 31.01.2025 й., 07/25/34/0096-сон)

Олдинги таҳрирга қаранг.

чорва моллари учун қишлов мавсумида кучли озуқа захирасини яратиш;

(7-банднинг тўртинчи хатбошиси Ўзбекистон Республикаси Президентининг 2025 йил 30 январдаги ПҚ-34-сонли қарори таҳририда — Қонунчилик маълумотлари миллий базаси, 31.01.2025 й., 07/25/34/0096-сон)

соҳада ресурс тежамкор ускуналар сотиб олиш ва озуқа цехлари (гранулятор)ни ташкил этиш ҳамда қоракўлчилик субъектлари томонидан қишлоқ хўжалиги техникалари ва агрегатларини сотиб олишни молиялаштириш;

узоқ чўл ҳудудларида сув чиқариш иншоотларини барпо этиш ҳамда мавжудларини таъмирлаш ва модернизация қилиш;

соҳага янги замонавий технологиялар, инновацион ғоялар ва ишланмаларни олиб келиш ҳамда жорий этиш;

мутахассисларнинг халқаро кўргазмалар ва ярмаркаларда иштирок этиши, соҳадаги кадрлар малакасини ошириш, шу жумладан ёш мутахассисларнинг хорижда ўқиши, стажировка ўташи, хорижий мутахассис ва маслаҳатчиларни жалб қилиш билан боғлиқ харажатларни қоплаш;

Олдинги таҳрирга қаранг.

Яйлов хўжалигини ривожлантириш уюшмасининг моддий-техника базасини мустаҳкамлаш ҳамда ишчи ходимларни моддий ва ижтимоий рағбатлантириш;

(7-банднинг тўққизинчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

каврак етиштириш билан шуғулланадиган хўжалик юритувчи субъектлар томонидан қишлоқ хўжалиги техникалари ва агрегатлари, ресурс тежовчи ускуналар ва замонавий технологиялар харид қилинишини молиялаштириш;

каврак ўсимлиги кўчати ва уруғини сотиб олиш;

сув чиқариш иншоотларини барпо этиш;

(7-банд Ўзбекистон Республикаси Президентининг 2022 йил 27 апрелдаги ПФ-116-сонли Фармонига асосан ўнинчи — ўн иккинчи хатбошилар билан тўлдирилган — Қонунчилик маълумотлари миллий базаси, 28.04.2022 й., 06/22/116/0353-сон)

Олдинги таҳрирга қаранг.

Яйлов хўжалигини ривожлантириш уюшмасига юклатилган бошқа вазифалар ижросини таъминлаш.

(7-банднинг ўнинчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

8. Яйлов хўжалигини ривожлантириш уюшмасининг Жамғармага Ўзбекистон Республикаси Давлат бюджетидан ажратиладиган маблағни тижорат банклари орқали қоракўлчилик субъектларига 5 йил муддатга 3 йиллик имтиёзли давр билан, йиллик 5 фоиз (шундан 4 фоиз банк маржаси) ставкада кредит сифатида ажратиш ҳақидаги таклифи маълумот учун қабул қилинсин.

(8-банд Ўзбекистон Республикаси Президентининг 2022 йил 26 апрелдаги ПҚ-224-сон қарори таҳририда — Қонунчилик маълумотлари миллий базаси, 27.04.2022 й., 07/22/224/0349-сон)

9. Ўзбекистон Республикаси Ветеринария ва чорвачиликни ривожлантириш давлат қўмитаси Молия вазирлиги, Иқтисодиёт ва саноат вазирлиги, Республика «Қоракўлчилик» уюшмаси билан биргаликда бир ой муддатда Жамғарма маблағларидан фойдаланиш тартибини ишлаб чиқиб, тасдиқласин.

Олдинги таҳрирга қаранг.

10. Ўзбекистон Республикаси Фанлар академияси ва Инновацион ривожланиш вазирлиги Яйлов хўжалигини ривожлантириш уюшмаси билан биргаликда қоракўлчилик хом ашёлари асосида яратиладиган ноёб дори воситалари — иммунитетни тикловчи «Тимоптин инъекцияси» ва камқонликда қўлланиладиган «Эритим» препаратларини ишлаб чиқаришни 10 бараваргача ошириш чораларини кўрсин ва ушбу мақсад учун талаб этиладиган маблағлар ажратилишини таъминласин.

(10-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

11. Ўзбекистон Фанлар Академияси ва Соғлиқни сақлаш вазирлиги қоракўлчилик хом ашёлари асосида яратиладиган Кардин ва Афлан дори воситаларининг клиник синовларини олиб бориш ва ишлаб чиқаришни ташкиллаштирсин.

Ўзбекистон Республикаси Инновацион ривожланиш вазирлиги ушбу ишланмаларни грант маблағлари билан таъминласин.

Олдинги таҳрирга қаранг.

12. Белгилаб қўйилсинки, 2019 йил 1 сентябрдан бошлаб Яйлов хўжалигини ривожлантириш уюшмаси қоракўлчилик субъектларида қоракўл зотли қўйларнинг:

(12-банднинг биринчи хатбошиси Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

бош сони, генофондини сақлаш ва такомиллаштириш, наслчилик-селекция ишлари, ишлаб чиқарилаётган маҳсулотлар сифати юзасидан даврий мониторинг ҳамда жамоатчилик назоратини амалга оширади;

генофондини сақлаш, бошқа зотли қўйлар билан чатиштирмаслик ҳамда бириктирилган ер (яйлов) майдонларидан мақсадли ва самарали фойдаланиш тўғрисида зарур тавсиялар беради.

Олдинги таҳрирга қаранг.

13. Наслчилик қоракўлчилик хўжаликларига қарашли яйловларни туман ҳокимлиги захирасига олиш, шунингдек, бошқа йўналишдаги фермер хўжаликларига ва қишлоқ хўжалиги корхоналарига бериш Яйлов хўжалигини ривожлантириш уюшмасининг розилиги билан амалга оширилиши белгилаб қўйилсин.

(13-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

Олдинги таҳрирга қаранг.

(14-банд Ўзбекистон Республикаси Президентининг 2020 йил 2 сентябрдаги ПҚ-4817-сонли қарорига асосан ўз кучини йўқотган — Қонун ҳужжатлари маълумотлари миллий базаси, 03.09.2020 й., 07/20/4817/1254-сон)

15. Ўзбекистон Республикаси Ветеринария ва чорвачиликни ривожлантириш давлат қўмитаси, Олий ва ўрта махсус таълим вазирлиги ҳамда Самарқанд вилояти ҳокимлигининг:

Самарқанд шаҳри, Хишрав қўрғони, Самарқанд кўчаси, 1-уйда жойлашган Самарқанд қишлоқ хўжалик касб-ҳунар коллежининг маъмурий биносини тегишли ҳудудлари билан биргаликда Қоракўлчилик ва чўл экологияси илмий-тадқиқот институтига оператив бошқариш ҳуқуқи асосида бепул бериш;

Олдинги таҳрирга қаранг.

(15-банднинг учинчи хатбошиси Ўзбекистон Республикаси Президентининг 2020 йил 2 сентябрдаги ПҚ-4817-сонли қарорига асосан чиқарилган — Қонун ҳужжатлари маълумотлари миллий базаси, 03.09.2020 й., 07/20/4817/1254-сон)

Самарқанд вилояти Ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази ҳамда Самарқанд вилояти «Чорванасл» марказини Самарқанд шаҳри, Мирзо Улуғбек кўчаси, 47-уй манзилида жойлаштириш тўғрисидаги таклифларига розилик берилсин.

Ўзбекистон Республикаси Олий ва ўрта махсус таълим вазирлиги, Фанлар академияси, Ветеринария ва чорвачиликни ривожлантириш давлат қўмитаси ҳамда Самарқанд вилояти ҳокимлиги мазкур бандда кўрсатилган бино ва иншоотларнинг белгиланган тартибда қабул қилиниши ва топширилишини таъминласин.

16. Ўзбекистон Республикаси Инновацион ривожланиш вазирлиги фундаментал, илмий-амалий ҳамда инновацион тадқиқотлар давлат илмий-техник дастурлари ва илмий мавзуларни шакллантиришда ветеринария, қоракўлчилик ва чорвачилик соҳасида юқори сифатли ветеринария воситалари, наслчилик ишларини юритишнинг ҳамда юқори ҳосилдор озуқа экинларининг янги навларини яратиш ва уруғчилигини йўлга қўйишнинг замонавий усул ва технологиялари ишлаб чиқилишини назарда тутувчи илмий лойиҳалар киритилишини таъминласин.

Олдинги таҳрирга қаранг.

17. Ўзбекистон миллий телерадиокомпанияси ва Ўзбекистон миллий ахборот агентлиги Яйлов хўжалигини ривожлантириш уюшмаси билан биргаликда қоракўлчилик соҳасида амалга оширилаётган ислоҳотларни оммавий ахборот воситаларида мунтазам ёритиб борсин.

(17-банд Ўзбекистон Республикаси Президентининг 2021 йил 8 июлдаги ПФ-6259-сонли Фармони таҳририда — Қонунчилик маълумотлари миллий базаси, 09.07.2021 й., 06/21/6259/0657-сон)

18. Ўзбекистон Республикаси Ветеринария ва чорвачиликни ривожлантириш давлат қўмитаси Адлия вазирлиги, бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.

19. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 16 август,

ПҚ-4420-сон

Ўзбекистон Республикаси Президентининг 2019 йил 16 августдаги ПҚ-4420-сон қарорига
1-ИЛОВА

2019 — 2021 йилларда қоракўл зотли қўйлар бош сонини кўпайтиришнинг

прогноз параметрлари

						(минг бош)
Т/р	Ҳудудлар номи	2018 йил	2019 йил	2020 йил	2021 йил	2018 йилга нисбатан кўпайиш
Т/р	Ҳудудлар номи	2018 йил	2019 йил	2020 йил	2021 йил	бош сони	фоизда
1.	Қорақалпоғистон Республикаси	327	347	382	412	85	126
2.	Бухоро вилояти	1839	1968	2125	2306	467	125
3.	Жиззах вилояти	79	85	92	100	21	126
4.	Қашқадарё вилояти	1701	1812	1947	2118	417	125
5.	Навоий вилояти	1448	1549	1672	1814	366	125
6.	Самарқанд вилояти	431	461	498	540	109	125
7.	Сурхондарё вилояти	45	48	52	56	11	125
Жами:		5870	6270	6768	7346	1476	125,1

Ўзбекистон Республикаси Президентининг 2019 йил 16 августдаги ПҚ-4420-сон қарорига
1а-ИЛОВА

2019 — 2021 йилларда жун ишлаб чиқаришни кўпайтиришнинг

прогноз параметрлари

						(тонна)
Т/р	Ҳудудлар номи	2018 йил	2019 йил	2020 йил	2021 йил	2018 йилга нисбатан кўпайиш
Т/р	Ҳудудлар номи	2018 йил	2019 йил	2020 йил	2021 йил	миқдори	фоизда
1.	Қорақалпоғистон Республикаси	392	416	452	490	98	125
2.	Бухоро вилояти	2553	2731	2935	3199	646	125
3.	Жиззах вилояти	150	161	173	188	38	125
4.	Қашқадарё вилояти	2673	2834	3032	3329	656	125
5.	Навоий вилояти	2867	3068	3312	3577	710	125
6.	Самарқанд вилояти	430	460	494	538	108	125
7.	Сурхондарё вилояти	65	70	75	82	17	126
Жами:		9130	9740	10473	11403	2273	125,1

Ўзбекистон Республикаси Президентининг 2019 йил 16 августдаги ПҚ-4420-сон қарорига
1б-ИЛОВА

2019 — 2021 йилларда қоракўл тери ишлаб чиқаришни кўпайтиришнинг

прогноз параметрлари

						(минг дона)
Т/р	Ҳудудлар номи	2018 йил	2019 йил	2020 йил	2021 йил	2018 йилга нисбатан кўпайиш
Т/р	Ҳудудлар номи	2018 йил	2019 йил	2020 йил	2021 йил	миқдори	фоизда
1.	Қорақалпоғистон Республикаси	81,4	87,0	93,9	101,9	20,5	125
2.	Бухоро вилояти	414,8	443,0	478,4	519,1	104,3	125
3.	Жиззах вилояти	2,5	2,7	2,9	3,2	0,7	128
4.	Қашқадарё вилояти	174,5	186,0	200,8	217,9	43,4	125
5.	Навоий вилояти	261,4	279,7	302,0	327,7	66,3	125
6.	Самарқанд вилояти	62,5	66,8	72,1	78,3	15,8	125
7.	Сурхондарё вилояти	6,7	7,2	7,8	8,5	1,8	127
Жами:		1003,8	1072,4	1157,9	1256,6	252,8	125,7

Ўзбекистон Республикаси Президентининг 2019 йил 16 августдаги ПҚ-4420-сон қарорига
2-ИЛОВА

Қоракўлчилик маҳсулотларини қайта ишлашни ташкил этувчи корхоналар

РЎЙХАТИ

Ҳудудлар	Қайта ишлашни ташкил этадиган корхона	Лойиҳа йўналиши	Лойиҳа қиймати (млрд сўм)	Шундан:		Йиллик қайта ишлаш қуввати	Ишга тушириш муддати
				ўз маблағи	Қоракўлчиликни ривожлантириш жамғармаси маблағлари
Қашқадарё вилояти, Муборак тумани	«Муборак» МЧЖ	Қоракўл ва қўй териларини қайта ишлаш	8	4	4	100 минг дона қоракўл териси	2019 йил октябрь
						70 минг дона қўй териси
Навоий вилояти, Конимех тумани	«Қоракўл жозибаси» шуъба корхонаси	Қоракўл ва қўй териларини қайта ишлаш	8	2	6	100 минг дона қоракўл териси	2019 йил октябрь
						70 минг дона қўй териси
Бухоро вилояти, Когон тумани	«Когон чинор чорваси» МЧЖ	Қоракўл ва қўй териларини қайта ишлаш	15	3	12	150 минг дона қоракўл териси	2019 йил декабрь
						70 минг дона қўй териси
Жами:			31	9	22	560 минг дона

Ўзбекистон Республикаси Президентининг 2019 йил 16 августдаги ПҚ-4420-сон қарорига
3-ИЛОВА

Қоракўлчилик соҳасида экспортбоп қоракўлча тери етиштириш ва тиббиёт учун ноёб доривор воситалар ишлаб чиқаришда фойдаланиладиган қоракўлчилик хом ашёси етказиб бериш корхоналари

РЎЙХАТИ

Т/р	Ҳудудлар	Корхоналар номи	Экспортбоп қоракўлча тери ишлаб чиқариш (дона)			Ноёб доривор восита ишлаб чиқариш учун тимус етказиб бериш (кг)			Гўшт етиштириш (тонна)
Т/р	Ҳудудлар	Корхоналар номи	2020 й.	2021 й.	2022 й.	2020 й.	2021 й.	2022 й.	2020 й.	2021 й.	2022 й.
1.	Бухоро вилояти	«Когон чинор чорва» МЧЖ (Когон тумани)	6000	8000	10000	60	80	100	120	160	200
2.	Қашқадарё вилояти	«Ўзбекистон қоракўл наслчилик» МЧЖ (Миришкор тумани)	600	750	925	6	7,5	9	12	15	18,5
		«Ғ. Ғулом қоракўл наслчилик» МЧЖ (Миришкор тумани)	250	325	400	2	3	4	5	6,5	8
		«Нишон қоракўл наслчилик» МЧЖ (Нишон тумани)	400	550	650	4	5,5	6,5	8	11	13
		«Муборак қоракўл наслчилик» МЧЖ (Муборак тумани)	1950	2400	2900	20	24	29	39	48	58
		«Ғузор қоракўл наслчилик» МЧЖ (Ғузор тумани)	1200	1600	2100	12	16	21	24	32	42
		«Пачкамар қоракўл наслчилик» МЧЖ (Ғузор тумани)	350	450	650	4	4,5	6,5	7	9	13
		«Турон қоракўл наслчилик» МЧЖ (Косон тумани)	250	325	400	2	3	4	5	6,5	8
		«М. Ибрагимов қоракўл наслчилик» МЧЖ (Деҳқонобод тумани)	400	450	650	4	5	7	8	9	13
		«Қўнғирот қоракўл наслчилик» МЧЖ (Деҳқонобод тумани)	600	750	925	6	7,5	9	12	15	18,5
3.	Навоий вилояти	«Зарафшон бўрдоқичилик» МЧЖ (Қизилтепа тумани)	7000	7700	8500	70	77	85	140	154	170
3.	Навоий вилояти	«Конимех Чардара» МЧЖ (Конимех тумани)	3000	3300	3500	30	33	35	60	66	70
Жами:			22000	26600	31600	220	266	316	440	532	632

Ўзбекистон Республикаси Президентининг 2019 йил 16 августдаги ПҚ-4420-сон қарорига
4-ИЛОВА

Чўл яйлов ўсимликлари уруғчилиги майдонларини кенгайтириш

ПАРАМЕТРЛАРИ

Т/р	Ҳудудлар	Чўл яйлов озуқабоп ўсимликлар уруғчилик майдонини ташкил этувчи субъектлар	Жами ташкил этиладиган уруғчилик майдонлари (гектар)	Шу жумладан:
Т/р	Ҳудудлар		Жами ташкил этиладиган уруғчилик майдонлари (гектар)	2019 йил	2020 йил	2021 йил
1.	Қорақалпоғистон Республикаси	Бухоро чўл яйлов ўсимликлар уруғчилик илмий-ишлаб чиқариш маркази	200			200
2.	Бухоро вилояти	Бухоро чўл яйлов ўсимликлар уруғчилик илмий-ишлаб чиқариш маркази	3000	1000	1000	1000
3.	Жиззах вилояти	Бухоро чўл яйлов ўсимликлар уруғчилик илмий-ишлаб чиқариш маркази	300		100	200
4.	Қашқадарё вилояти	Бухоро чўл яйлов ўсимликлар уруғчилик илмий-ишлаб чиқариш маркази	1500		500	1000
5.	Навоий вилояти	Бухоро чўл яйлов ўсимликлар уруғчилик илмий-ишлаб чиқариш маркази	2000	1000		1000
5.	Навоий вилояти	Навоий Қизилқум илмий-тадқиқот тажриба станцияси	500	100	200	200
6.	Самарқанд вилояти	Бухоро чўл яйлов ўсимликлар уруғчилик илмий-ишлаб чиқариш маркази	1000		500	500
7.	Сурхондарё вилояти	Бухоро чўл яйлов ўсимликлар уруғчилик илмий-ишлаб чиқариш маркази	200			200
Жами:			8700	2100	2300	4300

Ўзбекистон Республикаси Президентининг 2019 йил 16 августдаги ПҚ-4420-сон қарорига
5-ИЛОВА

Наслчилик қоракўлчилик хўжаликларига кучли озуқалар етиштириш мақсадида талаб этиладиган суғориладиган ер майдонлари ажратиш

ПАРАМЕТРЛАРИ

Туманлар	Субъектлар номи	Талаб этиладиган сувли майдон (гектар)	шу жумладан:
Туманлар	Субъектлар номи	Талаб этиладиган сувли майдон (гектар)	арпа ва жўхори экиш учун (гектар)	беда экиш учун (гектар)
Бухоро вилояти
Олот	«Олот қоракўл наслчилик» МЧЖ	40	40
Жондор	«А. Темур қоракўл наслчилик» МЧЖ	57	57
Шофиркон	«Ғалаба қоракўл наслчилик» МЧЖ	87	87
Пешку	«Жонгелди қоракўл наслчилик» МЧЖ	40	40
Қоракўл	«Қоракўл наслчилик» МЧЖ	57	57
Қоровулбозор	«Қоровулбозор қоракўл наслчилик» МЧЖ	144	144
Ғиждувон	«Кўкча қоракўл наслчилик» МЧЖ	65	65
Когон	«Когон Чинор чорваси (бўрдоқилаш)» МЧЖ	100	50	50
Жиззах вилояти
Фориш	«Голден Территория» МЧЖ	33	33
Қашқадарё вилояти
Миришкор	«Ўзбекистон қоракўл наслчилик» МЧЖ	90	90
Миришкор	«Ғ. Ғулом қоракўл наслчилик» МЧЖ	39	39
Нишон	«Нишон қоракўл наслчилик» МЧЖ	61	61
Муборак	«Муборак қоракўл наслчилик» МЧЖ	268	268
Ғузор	«Ғузор қоракўл наслчилик» МЧЖ	190	190
Ғузор	«Пачкамар қоракўл наслчилик» МЧЖ	59	59
Косон	«Турон қоракўл наслчилик» МЧЖ	39	39
Деҳқонобод	«М. Ибрагимов қоракўл наслчилик» МЧЖ	63	63
Деҳқонобод	«Қўнғирот қоракўл наслчилик» МЧЖ	88	88
Навоий вилояти
Конимех	«Сарибел сур қоракўл» МЧЖ	105	105
	«Янгиғазғон Нурли диёр» МЧЖ	108	108
	«Канимех Саржал Косай» МЧЖ	67	67
	«Елтай кумуш сур маскани» МЧЖ	58	58
	«Қошқудуқ дўстлик кумуш сур» МЧЖ	44	44
	«Қалмуратказган-чорвадор маскани» МЧЖ	22	22
	«Қоракўл-Учтепа Сур» МЧЖ	122	122
	«Канимех-Чардара (бўрдоқилаш)» МЧЖ	60	50	10
Нурота	«Истиқлол қоракўл наслчилик» МЧЖ	123	123
	«Ғазғон наслчилик» МЧЖ	82	82
	«Нурота қоракўл наслчилик» МЧЖ	190	190
	«Қизилча қоракўл наслчилик» МЧЖ	105	105
Қизилтепа	«Зарафшон (бўрдоқилаш)» МЧЖ	100	50	50
Самарқанд вилояти
Нуробод	«Тутли қоракўл замини» МЧЖ	58	58
	«Сахоба ота қоракўл насл» МЧЖ	58	58
	«Тим ағрон чорвадорлари» МЧЖ	35	35
	«Нурли эл чорвадори» МЧЖ	125	125
	«Олға қоракўл наслчилик» МЧЖ	25	25
	«Каттақўрғон» МЧЖ	50	50
Пахтачи	«Қарнабота қоракўл наслчилик» МЧЖ	58	58
Сурхондарё вилояти
Қумқўрғон	«Боботоғ сури қоракўлчилик» МЧЖ	120	120
Жами:		3235	3125	110

Ўзбекистон Республикаси Президентининг 2019 йил 16 августдаги ПҚ-4420-сон қарорига
6-ИЛОВА

Ўрмон хўжалиги ташкилотларига қарашли узоқ чўл ҳудудларидаги наслчилик қоракўлчилик хўжаликларининг сув чиқариш иншоотлари жойлашган наслчилик қоракўлчилик хўжаликларига ажратиладиган яйлов ерлари

МАЙДОНЛАРИ

№	Ҳудудлар	Туманлар	Наслчилик қоракўлчилик хўжаликлари номи	Яйлов ер майдонларида жойлашган сув иншоотлари сони	Сув иншоотлари жойлашган яйлов ерларининг майдонлари (гектар)
1.	Бухоро вилояти	Олот	«Олот» МЧЖ	3	3000
2.		Жондор	«Амир Темур» МЧЖ	12	25000
3.		Шофиркон	«Ғалаба» МЧЖ	3	20000
4.		Қоракўл	«Қоракўл» МЧЖ	2	5000
5.		Қоровулбозор	«Қоровулбозор» МЧЖ	7	3000
6.		Ғиждувон	«Кўкча» МЧЖ	4	28000
7.	Қашқадарё вилояти	Муборак	«Муборак» МЧЖ	5	10000
8.	Қашқадарё вилояти	Деҳқонобод	«Қўнғирот» МЧЖ	4	3500
9.	Навоий вилояти	Конимех	«Сарибел сур қоракўл» МЧЖ	4	5000
10.			«Янгиғозғон Нурли Диёр» МЧЖ	4	5000
11.			«Канимех Саржал Косай» МЧЖ	7	50000
12.			«Елтой кумуш сур маскани» МЧЖ	17	45000
13.			«Қўшқудуқ дўстлик кумуш сур» МЧЖ
14.			«Калмуратқазган-чорвадорлар макони» МЧЖ
15.			«Қоракўл Учтепа Сур» МЧЖ	21	61642
16.		Нурота	«Қизилча қоракўл наслчилик» МЧЖ		450
17.		Нурота	«Нурота қоракўл наслчилик» МЧЖ	14	4000
Жами:				103	263592

(Қонун ҳужжатлари маълумотлари миллий базаси, 17.08.2019 й., 07/19/4420/3576-сон; 03.09.2020 й., 07/20/4817/1254-сон; Қонунчилик маълумотлари миллий базаси, 09.07.2021 й., 06/21/6259/0657-сон; 27.04.2022 й., 07/22/224/0349-сон; 28.04.2022 й., 06/22/116/0353-сон; 31.01.2025 й., 07/25/34/0096-сон)