|
Ҳужжат кучини йўқотган 26.08.2019
|
Ҳужжат 08.04.2019 санаси ҳолатига
Амалдаги версияга ўтиш |
Ўзбекистон Республикаси Марказий банки Бошқарувининг
Қарори
Ўзбекистон Республикаси ҳудудида юридик шахслар томонидан чет эл валютасида касса операцияларини юритиш тартибига ўзгартиришлар киритиш ҳақида
[Ўзбекистон Республикаси Адлия вазирлиги томонидан 2019 йил 8 апрелда рўйхатдан ўтказилди, рўйхат рақами 611-5]
LexUZ шарҳиМазкур қарор Ўзбекистон Республикаси адлия вазирининг 2019 йил 26 августдаги 366-мҳ-сонли «Идоравий норматив-ҳуқуқий ҳужжатларни давлат реестридан чиқариш тўғрисида»ги буйруғига (рўйхат рақами 611-6, 26.08.2019 й.) асосан давлат реестридан чиқарилган.
Ўзбекистон Республикасининг «Ўзбекистон Республикасининг Марказий банки тўғрисида»ги Қонуни ва Ўзбекистон Республикаси Президентининг 2019 йил 5 февралдаги ПҚ-4160-сон «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида»ги қарорига мувофиқ Ўзбекистон Республикаси Марказий банки Бошқаруви қарор қилади:
1. Ўзбекистон Республикаси Марказий банки Бошқаруви томонидан 1998 йил 28 мартда 35-сон билан тасдиқланган Ўзбекистон Республикаси ҳудудида юридик шахслар томонидан чет эл валютасида касса операцияларини юритиш тартибига (рўйхат рақами 611, 1999 йил 22 январь) (Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 1999 йил, 1-сон) иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Марказий банк раиси М.НУРМУРАТОВ
Тошкент ш.,
2019 йил 16 март,
5/5-сон
Ўзбекистон Республикаси Марказий банки Бошқарувининг 2019 йил 16 мартдаги 5/5-сонли қарорига
ИЛОВА
ИЛОВА
Ўзбекистон Республикаси ҳудудида юридик шахслар томонидан чет эл валютасида касса операцияларини юритиш тартибига киритилаётган ўзгартиришлар
1. 4-банднинг учинчи хатбошисидан «, кассир муҳри (бурчакли муҳри) билан тасдиқланган» деган сўзлар чиқариб ташлансин.
2. 11-банднинг бешинчи хатбошисидаги «муҳр» деган сўз «штамп» деган сўз билан алмаштирилсин.
3. 1-иловадан «М.Ў.» қисқартмаси чиқариб ташлансин.
(Қонун ҳужжатлари маълумотлари миллий базаси, 08.04.2019 й., 10/19/611-5/2898-сон)
