Ўзбекистон Республикасининг «Ўзбекистон Республикасининг Марказий банки тўғрисида»ги ва «Валютани тартибга солиш тўғрисида»ги қонунларига мувофиқ, Ўзбекистон Республикаси Марказий банки Бошқаруви қарор қилади:

1. Ўзбекистон Республикаси Марказий банки Бошқаруви томонидан 1998 йил 5 сентябрда 231-сон билан тасдиқланган Тижорат банклари томонидан норезидентларнинг Ўзбекистон Республикаси миллий валютасидаги ҳисобварақларини юритиш тартибига (рўйхат рақами 510, 1998 йил 22 октябрь) иловага мувофиқ ўзгартириш ва қўшимчалар киритилсин.

2. Ушбу қарор расмий эълон қилинган кундан эътиборан кучга киради.

1. 2.1-бандда:

қуйидаги мазмундаги тўртинчи хатбоши билан тўлдирилсин:

«уюшган савдоларда жамият акцияларини сотиб олишни (сотишни) амалга оширувчиларга;»;

тўртинчи хатбоши бешинчи хатбоши деб ҳисоблансин.

2. 2.2-бандда:

қуйидаги мазмундаги олтинчи хатбоши билан тўлдирилсин:

«ваколатхона ташкил этган норезидент — юридик шахснинг Ўзбекистон Республикасидаги инвестицион фаолияти натижасида олинган дивидендлари ва бошқа даромадлари;»;

олтинчи хатбоши еттинчи хатбоши деб ҳисоблансин.

3. 2.4-банддан учинчи жумла чиқариб ташлансин.

4. 5.2-банд қуйидаги мазмундаги хатбоши билан тўлдирилсин:

«доимий муассаса ташкил этган норезидент — юридик шахснинг Ўзбекистон Республикасидаги инвестицион фаолияти натижасида олинган дивидендлари ва бошқа даромадлари.».

5. 6-бўлимнинг номи ва 6.1-банд «савдоларида қатнашувчи» деган сўзлардан кейин «ва уюшган савдоларда жамият акцияларини сотиб олишни (сотишни) амалга оширувчи» деган сўзлар билан тўлдирилсин.

6. 6.2-бандда:

қуйидаги мазмундаги учинчи хатбоши билан тўлдирилсин:

«уюшган савдоларда акцияларни сотиб олишдан (сотишдан) тушган маблағлар;»;

учинчи хатбоши тўртинчи хатбоши деб ҳисоблансин.